Şahbuz rayonu, Gömür kənd sakini Taroyev Qadir Zaman oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi saytımız vasitəsilə Prezidentin Naxçıvan Muxtar Respublikas (MR) üzrə səlahiyyətli nümayəndəsi Fuad Nəcəfliyə müraciət edir:

"Cənab Fuad Nəcəfli!

Mən, Taroyev Qadir Zaman oğlu, yazaraq sizdən xahiş edirəm ki, müraciətimi cavabsız qoymayasınız.

Mən 10 yanvar 1964- cü ildə Ermənistan SSR-nin Əzizbəyov rayonu, Gömür kəndində doğulmuşam. Orada yaşadığım müddətdə, qara ciyərimdə "serroz" xəstəliyi aşkar olundu. Daha sonra daxili orqanımdan dalağım çıxarıldı. Bu səbəbdən də II qrup əlil olaraq pensiyaya çıxarıldım.

1988-ci ildə məcburi köçkün olaraq Azəbaycan Respublikasının Ağdam rayonuna yerləşdik. Oradan da 1993-cü ildə, bir daha məcburi köçkün olaraq, Naxçıvan şəhərinin Şahbuz rayonunun Gömür kəndində məskunlaşdıq.

Həmin vaxt pensiyam bir neçə aylıq dayandırıldı. Daha sonra 2004-cü ildə Ali Məclisin sədri Vasif Talıbovun göstərişi ilə II qrup əlil olaraq pensiyam yenidən bərpa olundu. 2021-ci ilin avqust ayına kimi pensiya aldım. Lakin 2021-ci ilin avqust ayında pensiyam yenidən dayandırıldı.

Mən bununla bağlı həkim komissiyasına müraciət etdim ki, pensiyamı hansı səbəbdən kəsmisiniz? Həkim komissiyasının üzvü deyir ki, “nə olsun sənin daxili orqanını çıxarıblar, pensiya düşmür. Bəsdir, gəlmə buralara, get otur evində”.

Xəstəliyimlə bağlı işləyə, ağır işlərə isə girə bilmirəm. Bəs mən nə yeməliyəm, necə dolanmalıyam? Doğru-düzgün iş yoxdur ki, gedim işləyim. Mənə deyin xahiş edirəm, qara ciyər serrozu olan xəstə hər hansısa bir işdə işləyə bilərmi? Bu qədər haqsızlıq olar?

Oğlum hal-hazırda hərbi xidmətdədir. İmkanım yoxdur ki, bir neçə aydan bir onun yanına gedim. Evin tək oğludur, özüm belə xəstəyəm. Kommunal xərclərimi bacımla, qardaşımdan borc alaraq ödəyirəm. Mən də insanam, utanıram. Naxçıvan Ali Məclisdə sizin qəbula yazılmaq istəsəm də, mənə deyirlər “Fuad müəllim sizi qəbul etmir”. Mən inanmıram ki, siz qəbul etmirsiz.

Xəstəliyimlə bağlı iynə, dərman ala bilmirəm.

1882-ci ildə Ermənistanda II qrup əlil olaraq pensiya almışam, Naxçıvanda ikinci qrupun uzun müddət pensiyasını almışam. Sonradan müddətsiz olan qrupumu, ƏƏSM Nazirliyi və Səhiyyə Nazirliyinin komissiyaları III qrup ediblər. Belə başa düşürəm ki, mən onlara rüşvət versəydim, qrupuma dəyməzdilər. Fuad müəllim, xahiş edirəm məni qəbul edəsiniz və dərdimə şərik olasınız”.

Məsələ ilə bağlı Naxçıvan Muxtar Respublikası Əmək və Əhalinin Sosial Müdafiəsi Nazirliyi ilə əlaqə saxlamağa çalışsaq da, zənglərimiz cavabsız qaldı.

"Kapital Bank" barəsində ən çox şikayət olunan bank ünvanını israrla qorumaqdadır. Hər halda görünəni budur. Biz isə DİA.AZ olaraq sözügedən bankın vətəndaşa yaşatdığı növbəti çilədən bəhs olunan gileyi təqdim edirik. Həm də olduğu kimi, vətəndaşın yazdığına toxunçadan. Beləliklə, narazı vətəndaş bildirir:

"Şikayətim #kapitalbank dandir

1. Müştəri xidmətləri problem həll etmir!
- Mənim bildiyim 3 müştəri xidməti bölməsi var. Çatbot, 196 və kapital bank müştəri xidmətləri ofisi. Hamisi məsələnin həllini bir birinin üstünə atır.

Yaşadığım problem:

Birbanka bildiriş gəlib ki Trend Yoldan alış veriş etdiyim zaman 3ay taksit imkanı var. Kampaniyanın bitiş müddəti bildirişdə 18 iyun yazılıb bildirişdəki linkdə isə 1-22iyun və 22iyun daxil yazılıb.

Problem 1 - iyunun17si alış veriş etmişem iyunun19u təsdiqləyiblər.
Problem 2 - hazırda trend yol alış verişimin üstünə gündəlik faiz hesablanır) amma taksit olmasa belə 60gün güzeşt müddəti olmalıdır.

Məzələnirlər 1 - bu problemin helli üçün çat bota yazıram deyir ki profil melumatlarını screen et gönder. Göndərirəm. Cavab yazır ki eynileşme olmadı sorgunu bağlayır. Fakt screendə profil və əlaqə nömrəm eynidir.
Məzələnirlər 2 - 196ya zəng edirəm deyir ki hər şeyiniz düzdür çat bot cavab verməlidir. Bildirdim ki belke menim kartımdakı elaqə nömrə fəqlidir ona görədir? Dediki əlaqə nömrəsini dəyişmək üçün banka yaxınlaşın. Belə dəyişmək olmur.
Məzələnirlər 3 - banka getmişəm qız gülür ki niye bele edibler nömrəni dəyişmək 30saniyəlik işdir. Girdi birbanka dəyişdi.

Oyun burda başladı. Bankdakı işçiyə deyirəm ki trendyol problemimi həll edin deyir çatbota yazın. Nömrəm dəyişdiyi halda yenə çatbota yazdım yenə sorğumu ləğv elədi.

Məlumat şobəsinə problemimi dedim zeng eledi kimlerese mənə cavab verdi ki kampaniya iyunun 18ne kimidi . Göstərdim iyunun 17si almışam. Bildiriş linkinr girib özü de baxdı ki saytda hetta son tarix iyunun 22si yazıblar. Özü pis oldu ki ne zible düşmüşəm mən.

Çatbota yazmaq istədi dedim 3defe yazmışam sorğumu cavab vermir. O da götürdü birbank profilden çıxdı yeniden qeydiyyat edib girdi sevine sevine yazdı çata. Çat yenə dedi ki düz deyil sorgunu otmenit etdi)

Ən sonda kime zeng edib sorğumu qeydiyyata aldılar. Sonrada cvb olaraq zəng etdilər ki sizin kartınızda əlavə vəsait olub trend yol o vəsaitdən çıxıb pulu sizdə o vəsait qədər kredit ödəmisiz ona görə faiz gəlir.

Cavab verirəm ki mən o vəsaiti krediti ödəmək üçün qoymuşam. Niye trend yol ordan çıxır ki pulu. Cvb verirki bizdə belə olur)

Sizdən istəyim müştəri xidmətlərinin rəhbərliyində kimdirsə işdən çıxarıb düz əməlli adam gətirin. 1 dənə işbilməzə görə bu qədər camaat əziyyət çəkir. İşçilərinizə təlim keçin. yaşanmış problemlerin həllini işçilərinizlə bölüşün ki yenidən o problemlə qarşılaşanda gözdərini ayırıb baxmasınlar".

İddia olunanlarla bağlı dia.az olaraq qarşı tərəfi də dinləməyə hazırıq...

“Komendant məndən rüşvət tələb edirdi. Verməsəm, işdən çıxarmaqla hədələyirdi. Canım boğazıma yığılmışdı. Bir gün dözməyib, dedim ki, mən şəhid atasıyam, heç olmasa, buna görə mənə hörmət elə. O da cavabında qayıtdı ki, şəhid atasısan, gəl, otur mənim boynumda”.

Vətəndaş Saday Hüseynov Meydan TV-yə belə deyir.

O bildirir ki, “Kristal Abşeron” MTK-ya aid “Xəzər İnşaat” Mənzil-Tikinti Kooperativinin Bakının Məhsəti Gəncəvi küçəsində yerləşən iki binasında fəhlə işləyib.

Binaların inşası bitəndən sonra ona komendant köməkçisi vəzifəsi verilib:

“Səkkiz il işlədim, binaların sakinləri də məndən razı idilər. 2022-ci ilin sentyabrında şirkət Fuad Rəsulov adlı şəxsi icraçı direktor təyin etdi. Bu adam gələndən mənə göz verib, işıq vermədi. Mənim əməkhaqqım min manat, onunku isə səkkiz yüz manat idi. Əvvəl bundan başladı. Dedi ki, sən maaşının iki yüz manatını mənə verməlisən”.

“Bəzən istirahət günlərində bina sakinləri məni mənzillərində su krantının xarab olması kimi işlərə görə çağırırdılar. Gördüyüm işin müqabilində də pul verirdilər. Fuad Rəsulov da başladı ki, sən həmin pulları mənə verməlisən. Çünki şirkətdən maaş alırsan. Mən də etiraz etdim ki, mən bu pulu işdən sonra qazanıram”, – deyə o bildirib.

Saday Hüseynovun sözlərinə görə, şirkət rəhbərliyinə komendantdan şikayət etsə də, heç bir nəticəsi olmayıb:

“Onun mənə qarşı psixoloji təzyiqləri davam edirdi. Rəhbərlik hər dəfə deyirdi ki, başını aşağı sal, işlə. Nə qədər çalışdım, alınmadı. Bu alov, mən də su oldum. Deyirdi ki, burada işləmək istəyirsənsə, mənə hörmət elə, pul ver. Şirkət rəhbərliyi də deyir ki, Fuad Rəsulov elə söz deməz. Dedim ki, necə yəni deməz? Bu adam mənə işləməyə imkan vermir. Lakin xeyri olmadı. Axırda da dedi ki, işə gəlmə”.

2023-cü ilin yanvarından işsiz qalan Saday Hüseynov ona qarşı haqsızlıq edildiyini deyir:

“Yanvar ayından evimə pul girmir. Artıq o iş mənə lazım deyil. Mənə təsir edən Fuad Rəsulovun sözləridir. Şuşa uğrunda gedən döyüşlərdə şəhid olan oğlum Anar Hüseynliyə verilən şəhidlik pulundan da imtina etmişəm. Yeri gələndə, bu dövlətdən də imtina edəcəyəm. Dövlətin mənə qayğısı, hörməti budur. Mən həmin puldan imtina etdim ki, Azərbaycan öz ordusunu gücləndirsin. Gözləmirdim ki, hansısa məmur mənə belə münasibət göstərəcək”.

Vətəndaş şirkətin əməkdaşı Fuad Rəsulovun ona qarşı etdiklərinə görə cavab verməsini istəyir:

“İyunun 14-də şirkətin baş ofisinə gedib, rəhbərliklə görüşdüm. Məni İbrahim adlı bir şəxs qəbul etdi. Bildirdim ki, işçiniz məndən rüşvət tələb edib. Ona şəhid atası olduğumu deyəndə, üstəlik, məni təhqir də edib. Şirkət rəhbəri də cavabında dedi ki, deyir-deyir də, burda nə var ki?! Sözdür də, deyir. Onun ağlı ora qədər çatır. İndi mən ona nə etməliyəm? Mən də deyirəm ki, siz nəsə bir tədbir görməlisiniz, axı məni təhqir edib. Deyir ki, dayı, biz onun ağzına açar olmayacağıq. Başa salıram ki, bu adam məndən rüşvət istəyir. Cavabında deyir ki, çağırıb, onunla söhbət edərik”.

“Kristal Abşeron” MTK-dan bildirilib ki, məsələ araşdırılıb və onların Saday Hüseynov adlı işçisi yoxdur, olmayıb.

Saday Hüseyov isə deyir ki, onu işə məhz “Kristal Abşeron” götürüb.

Onun sözlərinə görə, “Xəzər İnşaat”da çalışsa da, bütün işlər “Kristal Abşeron”un baş ofisindən idarə olunur.

Fuad Rəsulov Meydan TV-yə deyib ki, Saday Hüseynovun onun ünvanına söylədikləri doğru deyil:

““Xəzər İnşaat” MTK binanı tikib təhvil verəndən sonra Nizami 9 Mənzil Mülkiyyətçilərinin Müştərək Cəmiyyəti yaradılıb. Bina sakinlərinin birgə razılığı ilə də mən binaya icraçı direktor təyin edilmişəm. Saday Hüseynovun bizim cəmiyyətə, binaya aidiyyəti yoxdur. O, “Xəzər İnşaat” MTK-nın işçisi olub. Binanın inşaası zamanı fəhlə işləyib. Bizim binadan əlavə iki binada tikinti işləri tamamlanmadığı üçün şirkət bir neçə fəhləni müvəqqəti olaraq binalarda saxlayıb. Saday Hüseynov da binalarda olduğu müddətdə evlərə gedib, paltaryuyan maşın quraşdırıb, su krantını dəyişib. Halbuki onun bina daxilində mənzillərə girmək səlahiyyəti yoxdur. Bununla əlaqədar ona bir neçə dəfə şifahi xəbərdarlıq etmişəm. Onun maaşının artması, yaxud da azalması mənim səlahiyyətim daxilində deyil. Şəhid atası olduğu üçün ona bu cür şər-böhtan sözlər deməyi uyğun bilmirəm. Onunla qanun müstəvisində danışa bilərəm, amma özümə yaraşdırmıram”.

“Dəfələrlə demişəm ki, Saday dayı, işçimiz deyilsən. Nasosxanadır, işıq şitləri olan yerlərə icazəsiz girmək olmaz. Bunlara rəsmi olaraq mən cavabdehəm. Hər bir binada daxili nizam-intizam qaydaları var. Şəhid atası olmaq o deyil ki, gəlib, mənə şər-böhtan atsın. Qonşular hamısı deyir ki, Fuad müəllim, bir izahat yazaq, hamımız da qol çəkək ki, sizin fəaliyyətinizdən, davranışınızdan çox razıyıq”, – deyə o bildirib.

Meydan TV

Məmurlar Gədəbəydəki problemləri nə vaxt həll etməyə qalxdılar ki, onların qabağını kəssin kimsə...
“Gədəbəy rayonu Söyüdlü kəndi bizim kənddir, mən özüm əslən ordayam. Söyüdlü kəndinə Gədəbəydə Türk kəndi deyirlər. Çünki Söyüdlünün əhalisinin bir hissəsi Anadoludan köçənlərdir. O hissə də mənim əcdadlarıma aiddir. Bu səbəbdən də iki gündür ki, bu kənddə baş verənləri çox narahatçılıqla izləyirəm”.
TEREF.AZ bildirir ki, bu barədə Bizimyolinfo xəbər portalına “Ağ Partiya” sədr müavini Əhəd Məmmədli danışıb. Məmmədli baş verənlərin üçüncü qüvvələr tərəfindən törədilməsi məsələsinə də fikir bildirib. O, qeyd edib ki, hadisənin baş verməsi ilə bağlı hansısa xarici qüvvələrdən danışmaq olar. Amma fakt odur ki, illərdir sakinlərin o yataqdan narahatlığı var.

Politoloqun fikrincə, bu narahatlıq işəgötürmə məsələsində və ekologiyanın korlanması məsələsində də var. Onun sözlərinə görə, bunun digər səbəbləri də var

“Fikir verdinizmi, icra başçısı qaça-qaça gəlmişdi. Danışırdı, izahat verməyə çalışırdı. Orada sakinlər sadəcə ekologiyanın korlanmasından və yaxud o süni göldən danışmırdı. Hərə öz problemindən danışırdı. Biri deyirdi, “məni 1500 manat cərimə ediblər, nəyə görə?” və s.

Bilirsiniz ki, rayonlarda olan bu kimi problemlər illərlə yığılır və artıq bir mövzu üstünə partlayır. Yəni biz bu gün Söyüdlü camaatının narazılığını təkcə, bu süni göllə əlaqələndirməməliyik. Bu problemlər süni göl, işsizlik, torpaqların və örüş yerlərinin əllərindən alınması, insanlara normal kənd təsərrüfatı ilə məşğul ola bilmək üçün imkan yaradılmaması və s.-dir”-deyən politoloq bildirib ki, bu səbəbdən də icra başçıları bu problemləri, bələdiyyə sədrləri vaxtında həll etməlidirlər. Təəssüf ki, edilmir. Bir gün partlayanda isə, deyirlər ki, “11 ildir susurdunuz, indi danışırsız”.

“Bu, nə deməkdir? Mən 50 il susa bilərəm, sonra danışa bilərəm. bilirsiniz sonra danışa bilərəm. Problemlər belə olur. 10 il, 20 il, 30 il, 40 il susurlar. Sonra birdən partlayır. Biz ona görə dəfələrlə bu hakimiyyətə də xəbərdarlıq etmişdik. Deyirdik ki, problemlər var, indi susulur və bir gün birdən partlayacaq. Bu səbəbdən də bu problemləri yerində həll etmək lazımdır.

Ötən günlərdə “Kubinka”, dünən “Söyüdlü”, bu gün bəlkə də başqa bir yer. Sabah tamam başqa bir yer. Problemləri görməzlikdən gələndə belə olur. Ona görə vaxtında həll etmək lazımdır. Əlbəttə ki, kənar qüvvələr bu vəziyyətdən istifadə edir. Nəticə də alır. Azərbaycanı qarışdırmaq istəyən qüvvələr fürsət tapdığı an istifadə edəcək, bu vəziyyətdən. Sən də o kənar qüvvəyə imkan verməməlisən”-deyə politoloq qeyd edib.

Əhəd Məmmədli bildirib ki, ərazilərdəki məmurlar xalqa çalışmalıdır və xalqın narahatlıqlarını, narazılıqlarını nəzərə almalıdır. Hər şeyi kənar qüvvələrin üzərinə atmaqla olmur.

“Bu məsələlər həll edilməlidir. Sən həll edəndən sonra, kənar qüvvə necə istifadə edə bilər? Sən həll etməsən, kənar qüvvə istifadə edəcək. Biz məsələləri o vəziyyətə çatdırmamalıyıq ki, kənar qüvvələr bundan istifadə etsin”- deyə politoloq qeyd edib.

Xatırladaq ki, dünən Gədəbəy rayonunun Söyüdlü kəndi ərazisində fəaliyyət göstərən süni gölün ətrafa zəhərli maddə buraxdığını iddia edərək etiraz ediblər. Etiraz aksiyası zamanı polislərlə sakinlər arasında insident yaşanıb. Bu gün Gədəbəy rayon İcra Hakimiyyətinin başçısı Orxan Mürsəlov insidentin baş verdiyi Söyüdlü kəndinə gedib sakinlərlə görüşüb. O, qeyd edib ki, Söyüdlü kəndi ərazisində yaradılan süni göl 11 ildir ki, fəaliyyət göstərir. Bu günə qədər həmin göllə bağlı bizə heç bir şikayət daxil olmayıb.

Orxan Mürsəlov bildirib ki, səsləndirilən iddialar sadəcə dedi-qodu xarakteri daşıyır.

"Azərpambıq Aqrar Sənaye Kompleksi” MMC yağ və sürtkü materiallarının satın alınması ilə bağlı tenderə yekun vurub.

Qaynarinfo xəbər verir ki, tenderin qalibi "Technoil” MMC olub. Tərəflər arasında bağlanacaq müqavilənin maliyyə dəyəri 997 105,31 AZN təşkil edir.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, 10 mart 2015-ci ildə qeydiyyata alınıb. Nizamnamə kapitalı 11 688 495 AZN olan şirkətin hüquqi ünvanı Sumqayıt şəhəri, Sülh küçəsi, məhəllə 76-da yerləşir. MMC-nin qanuni təmsilçisi Zeynalova Rumidə Ağabəy qızıdır.

"Technoil” MMC-nin həmtəsisçilərindən biri fövqəladə hallar nazirinin müavini Orucəli Hacıyevin oğlu Elvin Hacıyevdir.

Elvin Hacıyev müsahibələrinin birində "Technoil” MMC ilə bağlılığını gizlətməyib. "Technoil” bizim ailədən gələn layihədir”, deyə o bildirib.

"Azərpambıq Aqrar Sənaye Kompleksi” MMC 25 may 2018-ci ildə qeydiyyata alınıb. Nizamnamə kapitalı 133173644.45 AZN-dir. MMC-nin qanuni təmsilçisi Mehdiyev Fəxri Vaqif oğludur.

Fəxri Mehdiyev 2017-2020-ci illərdə "Azərbaycan Sənaye Korporasiyası” Açıq Səhmdar Cəmiyyətinin (ASC) Maliyyə departamentinin direktoru, 2020-2021-ci illərdə isə ASC-nin Strateji inkişaf və kommersiya departamentinin direktoru vəzifəsinə təyin olunub.

"Azərpambıq Aqrar Sənaye Kompleksi” MMC "Azərbaycan Sənaye Korporasiya” ASC-nin tərkibində fəaliyyət göstərir.

"Azərpambıq Aqrar Sənaye Komleksi” MMC-nin rayonlarda 14 müəssisəsi var: Bunlar aşağıdakılardır:

Ağcabədi Pambıq İstehsalı və Emalı Zavodu (əkin sahəsi - 4200 ha)
Beyləqan Pambıq İstehsalı və Emalı Zavodu (əkin sahəsi - 3200 ha)
Bərdə Pambıq İstehsalı və Emalı Zavodu (əkin sahəsi - 3640 ha)
Biləsuvar Pambıq İstehsalı və Emalı Zavodu (əkin sahəsi - 1750 ha)
Saatlı Pambıq İstehsalı və Emalı Zavodu (əkin sahəsi - 2600 ha)
Şirvan Pambıq Emalı Zavodu
Ucar Pambıq Emalı Zavodu
Ağdam Pambıq İstehsalı və Tədarük Məntəqəsi (əkin sahəsi - 540 ha)
Goranboy Pambıq İstehsalı və Tədarük Məntəqəsi (əkin sahəsi - 900 ha)
İmişli Pambıq İstehsalı və Tədarük Məntəqəsi (əkin sahəsi - 1800 ha)
Sabirabad Pambıq İstehsalı və Tədarük Məntəqəsi (əkin sahəsi - 3090 ha)
Salyan Pambıq İstehsalı və Tədarük Məntəqəsi (əkin sahəsi - 1350 ha)
Tərtər Pambıq İstehsalı və Tədarük Məntəqəsi (əkin sahəsi - 1650 ha)
Biləsuvar Təcrübə Sınaq Təsərrüfatı (əkin sahəsi - 800 ha)

TƏBİB-in İdarə Heyətinin sədri Vüqar Qurbanov bu günlərdə qızına toy edib. Toydan paylaşılan şəkillər, videolar medianın və sosial şəbəkələrin aparıcı mövzusuna çevrilib. Burada əsas diqqət toyun dəbdəbəli keçməsinə yönəlib. Saytlar diqqəti menyuya, bahalı hədiyyələrə, bəylə gəlinə alınan brend aksessuarlara çəkir. Bir də toyda iştirak edən müğənnilərin qonorarı müzakirə edilir. Xəbəri ilk yayan Manşet.az saytının iddiasına görə, Vüqar Qurbanov toya ən az 500 min manat xərc çəkib.

Globalinfo.az xatırladır ki, bəlli maaşı olan məmurun övladına belə bahalı toy etməsi suallar doğurmaya bilməz. Əslində, qanunvercilik imkan verir ki, buna görə araşdırılma aparılsın. Toya çəkilən xərcin mənbəyi təftiş edilsin. Ortaya çıxan faktlar – bahalı menyu, qiyməti kifayət qədər çox olan aksessuarlar, yüksək qonorara toya gələn müğənnilər və s. ciddi mətləblərdən xəbər verə bilər. Yəni toya çəkilən xərcin korrupsiya və digər qeyri-leqal yollarla əldə edilməsinə şübhələrin yaranması təbiidir. Bu, hüquq mühafizə orqanlarının diqqətini cəlb etməlidir.

Amma deyilə bilər ki, toyun xərcini ailə quran gənclər çəkib. Ya da tədbirin sponsoru oğlan evi olub. Əgər bəyin ailə üzvləri – valideynlər – yüksək vəzifəli məmur deyillərsə, prokurorluq müstəntiqlərinin suallarından bu yolla yayınmaq mümkündür.

Xatırlatma: Prezident İlham Əliyev dəfələrlə məmurlara tapşırıb, xəbərdarlıq edib ki, özləri və ailə üzvləri təvazökar olsunlar. Dəbdəbəli ad günləri, toy mərasimləri, digər tədbirlər etməkdən yayınsınlar.

Müşavirələrdə, ayrı-ayrı çıxışlarda, vəzifəyə yeni təyin olunan məmurları qəbul edərkən Prezident qəti və sərt tapşırıqlar verib ki, xalqa xidmət göstərsinlər, vətəndaşlarla normal davransınlar. Ən əsas da həyat tərzlərinə fikir versinlər. Harınlamasınlar. Dövlətin rəhbərinin tapşırıq və xəbərdarlıqlarına baxmayaraq əndazəni aşan, qanunla qadağan edilmiş fəaliyyətlə məşğul olan məmurlar olub. Belələri indi də var. Onların bir qismi qanunla cəzalandırılıb, bir neçəsi gəzifədən qovulub. Görünür, “gözü çıxan qardaşdan dərs almayanlar” hələ qalır.

Ölkə başçısı xarakter etibarı ilə təvazökar insandır. O, sadə həyat tərzi keçirməyə üstünlük verir. Nə 50 illik yubileyində, nə 60 illiyində, nə də digər doğum günlərində İlham Əliyev dəbdəbəli mərasim keçirməyib. 2011-ci ilin dekabrında – 50 yaşı tamam olan gün Ağcabədidə məcburi köçkünlərlə görüşüb. 60 illik yubileyini isə işğaldan azad edilmiş ərazilərdə qarşıladı.

Prezidentin oğlu Heydər Əliyevin toyu da olduqca təvazökar şəkildə keçirildi. Heç bir dəbdəbə olmadan gənclər ailə qurdular. Məmurlar gərək bu faktı nəzərə alsınlar.

Məmurların qanunla nəzərdə tutulan öhdəlikləri var. Onları xatırlatmaq istədik. Xüsusilə də məmurlar elə toy etməlidirlər ki, sonradan xalq və qanun onlara toy tutmasın…

Hər şeyə rəğmən Vüqar Qurbanova övladının ailə qurması münasibəti ilə göz aydınlığı veririk. Gənclərə xoşbəxtlik arzulayırıq.

Ətraflı videoda: