ARB TV-nin "Günə Son” verilişində valideyin və müəllimlər arasında "WhatsApp” yazışmaları barədə sujet yayımlanıb.

Belə ki, kazışmadakı səslərdə müəllimlər şagirdlərdən, valideynlər də müəllimlərdən narazılıqlarını ifadə edirlər.

Daha ətraflı video məlumatı təqdim edirik:

Azərbaycanda fəaliyyət göstərən bankların bəziləri öz rəsmi internet saytında filiallar və ATM bölməsində "Google" şirkətinin xəritəsindən istifadə edir. Bu xəritə isə münaqişəli əraziləri hər iki ölkənin dilində təqdim edir. Bunun səbəbi də sözügedən şirkətin müharibə və münaqişələ siyasətinə qarışmamasıdır.
Kommersant.az xəbər verir ki, Rusiyanın "Yandex" şirkəti isə öz xəritəsində BMT-nin qəbul etdiyi ərazi bütövlüyü qətnaməsini nəzərə alaraq mübahisəli əraziləri qəbul edilmiş dildə yayımlayır. Məsələn, BMT qətnamələrinə görə Qarabağ Azərbaycan ərazisi olduğu üçün "Yandex" şirkəti də Qarabağ bölgəsinin rayon və şəhərlərini Azərbaycan dilində yayımlayır.

Azərbaycanda fəaliyyət göstərən bankların bəziləri "Google" şirkətinin xəritəsindən istifadə etdiyi üçün öz rəsmi saytında Qarabağ bölgəsini Azərbaycan dili ilə yanaşı erməni dilində də təqdim edir. "ExpressBank" təxmini 2 il öncəyə qədər "Google" xəritəsindən istifadə edirdi. Daha sonra xəritəni dəyişərək Azərbaycan dilli xəritə yayımlasa da, yenidən sözügedən ikidilli xəritəni rəsmi internet saytında dərc edib. Dəyişən xəritənin üzərinə "Yalnız inkişaf məqsədləri üçün" yazısı da əlavə edilib.
Mənbə: Kommersant.az
Teref. Xocanın Blogu
Səhifəmiz hamnın üzünə açıqdı

12 dekabr Azərbaycan xalqının Ümumilli lideri Heydər Əliyevin anım günüdür. İyirmi il bundan əvvəl Azərbaycan öz böyük oğlunu itirdi. Ancaq bu on doqquz ilin hər bir ili Heydər Əliyev siyasətinin təntənəsi ili oldu. Ötən illər ərzində Heydər Əliyev siyasəti davam etdirilmiş, Azərbaycan uğurla inkişaf etmişdir.
Heydər Əliyev böyük tarixi şəxsiyyətdir. Müstəqil Azərbaycanın qurucusudur, banisidir. Azərbaycan 1991-ci ildə Sovet İttifaqının dağılması nəticəsində dövlət müstəqilliyinə qovuşdu. Ancaq 1993-cü ilə qədər Azərbaycanı müstəqil dövlət saymaq düzgün olmazdı. Müstəqil dövlətin bir neçə əlaməti vardır ki, həmin dövrdə onların heç biri Azərbaycanda yox idi. Məhz Heydər Əliyevin müdrikliyi, siyasəti nəticəsində Azərbaycan, sözün əsl mənasında, müstəqil dövlətə çevrildi. Ona görə biz hamımız haqlı olaraq Heydər Əliyevi Azərbaycan dövlət müstəqilliyinin qurucusu kimi qəbul edirik və Heydər Əliyevin tarix, xalq qarşısında gördüyü işlər içərisində bu, ən böyük xidmətdir.
Azərbaycan xalqının Heydər Əliyevin ruhu qarşısındakı ən böyük ehtiramı məhz bu xidmətə görədir. Dünya tarixində elə şəxsiyyətlər vardır ki, o şəxsiyyətlər təkcə öz xalqına, millətinə deyil, bütün bəşəriyyətə mənsub olurlar və bəşəriyyət onlardan örnək alır. Ulu Öndər də xalq qarşısında göstərdiyi xidmətlərə görə belə şəxsiyyətlərdən biri idi.
Heydər Əliyev ictimai-siyasi həyatın bütün sahələrində böyük zirvələr fəth etmiş bir şəxsiyyətdir. Bu, bizim üçün sirr deyil. Xalqımız müxtəlif tarixlərdə bunun şahidi olub. Xalqın dəstəyi və çağırışı ilə Heydər Əliyev ikinci dəfə Azərbaycana qayıdanda nəinki Azərbaycanı parçalanmaqdan qurtardı, yeni Azərbaycanın tarixini yazdı, dövləti yenidən yaratdı.
Əlbəttə ki, bu barədə çox danışmaq olar. Ancaq bütün sadalananların ən başında xalqa bağlı olmaq, xalqı sevmək, dövlətə bağlı olmaq dayanır. O, öz müdrikliyi, cəsarəti ilə Azərbaycan xalqının sevgisini qazanmışdı. Ən ağır məqamlarda Azərbaycan xalqı əmin idi ki, Heydər Əliyev müstəqilliyi, dövlət maraqlarını, xalqımızın, dövlətimizin maraqlarını qoruyacaq və xalqımızın inkişafı ilə bağlı ən düzgün qərar verəcək. Xalqın inamı ona əlavə güc verirdi. Ona imkan verirdi ki, ölkə maraqlarını daha da böyük uğurla müdafiə etsin.
Xalqla iqtidar arasında Heydər Əliyevin dönəmində yaranan birlik bu gün dövlətimizin uğurlarının əsas səbəbidir. Çünki iqtidarın siyasətinin təməlində Azərbaycan xalqı, Azərbaycan vətəndaşı, onun problemləri, onun qayğıları dayanır. Belə olan halda əlbəttə ki, uğurlar da olacaq. Düşünülmüş siyasətin və xalqla iqtidar arasındakı birliyin nəticəsidir ki, Azərbaycan müasir dünyada, dünya xəritəsində layiqli yer tutmaqdadır.
Şübhəsiz, bütün bunları biz Heydər Əliyevdən öyrənmişik, öyrənirik və bundan sonra da öyrənəcəyik. Gənc nəsil də vətənpərvərlik ruhunda tərbiyə alır və 44 günlük Vətən müharibəsində bunun bariz nümunəsini bütün dünya gördü. Heydər Əliyev siyasəti bundan sonra da davam etdirilməlidir, çünki ölkəmizin xoşbəxt gələcəyi üçün bu siyasətin alternativi yoxdur. Əgər Azərbaycan 1993-cü ildə, yaxud da ki, 2003-cü ildə başqa yolla getsəydi, ölkəmizi böyük faciələr gözləyərdi. Bizim üstünlüyümüz, xoşbəxtliyimiz ondan ibarətdir ki, Azərbaycan xalqı həlledici anlarda müdriklik göstərərək düzgün seçim etdi və bu seçimə sadiqdir. Bu seçim bizim gələcək uğurlarımızı da təmin edir.
Ulu Öndərin dediyi sözlər, onun arzuları, göstərdiyi yol, bizə öyrətdiyi dövlətçilik məktəbi, həyat verdiyi müstəqillik yaşayır və yaşamaqdadır. Əlbəttə ki, Azərbaycan 30 il əvvəlki Azərbaycan deyil. Prezident İlham Əliyev və birinci vitse-prezident Mehriban Əliyevanın təşəbbüsləri, xidmətləri ilə Azərbaycan bu gün dünyada tanınmış qüdrətli dövlətlərdən birinə çevrilib. Şübhəsiz, bu nailiyyətləri dövlətimizin rəhbərinin sayəsində əldə etmişik.
Sirr deyil ki, tarixi yaradanlar özləri də zaman keçdikcə tarixə çevrilirlər. Bu gün Heydər Əliyevin özü bizim üçün bir tarixdir. Ulu Öndərin böyük arzularından biri də tarixə çevrildi. Onun ən böyük arzusu Qarabağ torpaqlarının azad olunması idi. Prezident, Ali Baş Komandan İlham Əliyevin rəhbərliyi ilə Ordumuz torpaqlarımızı işğaldan azad edərək, Heydər Əliyevin həm ruhunu şad etdi, həm də Ulu Öndərin arzusu ilə tarix yazdı.

Türkan Cmşüdova – YAP üzvü

Vətəndaş Abşeron rayonu Saray qəsəbəsində tibbi xidmətin keyfiyyətindən narazıdır.
Bu barədə məlumat sosial şəbəkədə paylaşılıb.

Məlumatda qeyd edilib ki, sözügedən ərazidə yaşayan sakin 36 dəqiqə təcili tibbi yardımın “103 - Çağrı Mərkəzi”nə zəng etməyə çalışıb. Operator isə onu gah Sumqayıta, gah da Xırdalana yönləndirib. Xırdalandakı nömrələrdən isə zənglərə cavab verən olmayıb.
Məsələ ilə bağlı Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, Abşeron Rayon Mərkəzi Xəstəxanasının Təcili Tibbi Yardım Şöbəsi Abşeron rayon inzibati ərazisinin əhalisinə xidmət göstərir. Sosial şəbəkədə yayılan məlumatla bağlı isə müvafiq araşdırmalara başlanılıb.
“Şöbəyə pasiyentlər birbaşa müraciət edə və ya təcili tibbi yardım briqadaları vasitəsilə çatdırıla bilərlər. “103” xidmətinin əhatə dairəsi geniş olduğu üçün Abşeron rayonundan edilən çağırışlar Bakı və Sumqayıta daxil olur, oradan isə Abşeron Rayon Mərkəzi Xəstəxanasının Təcili Tibbi Yardım Şöbəsinin əlaqə nömrəsi vətəndaşlara təqdim edilir. Bu səbəbdən də çağırışlar gecikə bilir. Məlumat üçün bildirək ki, gün ərzində çağırışların sayı 120-130, mövsümi xəstəliklərlə bağlı isə 150-dən çox ola bilər. Bu səbəbdən də Abşeron rayon inzibati ərazisinin sakinlərinə çağırış verərkən (012) 342-28-11 nömrəsi ilə əlaqə saxlamalarını tövsiyə edirik”, - deyə TƏBİB-dən bildirilib.

Model Raziyyat Əliyevanı döyməkdə ittiham olunaraq məsuliyyətə cəlb edilən və iyunun 3-də barəsində 4 ay müddətə həbs qətimkan tədbiri seçilən iş adamı Ziya Hüseynzadə açıqlama yayaraq bütün istintaq prosesinin qərəzli aparıldığını, ittihamları sübut edən heç bir dəlilin mövcud olmadığını bildirib.
Yeniavaz.com xəbər verir ki, bu barədə Z. Hüseynzadəyə məxsus sosial şəbəkə hesabında məlumat dərc olunub.
O iddia edir ki, müstəntiq istintaqın tələsik yekunlaşdırılmasına cəhd etsə də buna mane ola bilib:
“Prokurorluğa təqdim etdiyim bütün faktları burada (sosial şəbəkə hesabında – red.) paylaşacağam, çünki istintaq bütün faktlarımı ört-basdır edir”.
Z. Hüseynzadə bildirir ki, Raziyyat Əliyeva yaydığı və döyüldüyünü əks etdirən fotoların keçmiş tarixə aid olduğunu etiraf edib:
“Şər-böhtanını bərkitmək üçün o, Türkiyədə olduğu halda, Bakıda tibbi baxışdan keçmədən köhnə tarixli uydurma tibbi rəyi əldə edib və həmin rəy əsasında özünə baxış keçirilmədən tibb ekspertizası barədə yalançı rəy əldə edib.
Müstəntiq qərəzli şəkildə belə ciddi pozuntuya etiraz bildirməyib, bununla bağlı mənim etirazımı və vəsatətimi rədd edib, halbuki fiziki baxış keçirilmədən, fotoşop şəkil əsasında necə rəy almaq olar?!
Üstəlik 2022-ci ilin sentyabrında ona tərəfimdən işgəncə verildiyi barədə şikayət edən Razi, əslində növbəti gün üzündə heç bir xəsarət olmadan şəhərdəki bir neçə restoranda olmuş və gözəllik salonunun işçiləri ilə il dönümünü təmtəraqla klubda keçirmiş, sonda isə məndən onu klubdan evinə aparmağı xahiş etmişdir. Həmin günlərdən Razinin üzündə heç bir xəsarət olmadığını əks etdirən görüntülərimiz var.
Biz bu uydurma tibbi rəy və və fiziki baxışdan keçməməsi ilə bağlı şikayəti qaldıranda, istintaq və istintaqa prosessual nəzarəti həyata keçirən Bakı Şəhər Prokurorluğu heç bir əsas olmadan və izahını vermədən şikayətimizi qərəzli şəkildə rədd etmişdir. Bu isə məndə əsaslı şübhələr doğurur ki, ya Razini himayə edən kimsə var və həmin şəxs vəzifə səlahiyyətindən sui-istifadə edərək istintaqa təzyiq göstərir, ya da kimsə Razini bəhanə edib məndən şəxsi qisas almaq istəyir”.
Z. Hüseynzadə iddia edir ki, o bu barədə heç bir ifadə vermədiyi halda istintaq orqanı onun təqsirini qismən etiraf etdiyini bəyan edib.
Qeyd edək ki, bu ilin may ayında model Razi Əliyeva sevgilisi Ziya Hüseynzadə barədə polisə şikayət edib. O, intim yazışmalarının sevgilisi tərəfindən yayıldığını və şiddətə məruz qaldığını bildirib. R.Əliyeva xəsarətlərinin olduğu fotoları da instaqramda yayıb. Z.Hüseynzadə R.Əliyevanın dediklərini böhtan adlandırıb.
DİN məsələ ilə bağlı açıqlama yayaraq Z.Hüseynzadənin mayın 26-da R.Əliyevanın anasının mənzilinə hücum edərək xuliqanlıq hərəkətləri törətdiyini bildirib. Z.Hüseynzadə barəsində cinayət işi başlanıb.
İyunun 3-də polis tərəfindən Xətai Rayon Məhkəməsinə Z.Hüseynzadənin istintaq dövründə həbsdə saxlanılması ilə bağlı təqdimat daxil olub. Təqdimat hakim Sülhanə Hacıyeva tərəfindən əsaslı hesab olunaraq təmin edilib. Onun barəsində 4 ay müddətə həbs qətimkan tədbiri seçilib.
Z.Hüseynzadə Cinayət Məcəlləsinin 133, 177.3, 186 və 221.1-ci maddələrilə ittiham olunur.

Noyabr ayı üçün diplomların tanınması üzrə müraciətlərin statistikası açıqlanıb.Təhsildə Keyfiyyət Təminatı Agentliyindən verilən məlumata görə, ötən ay üzrə 360 müraciətçinin 287-si barədə müsbət qərar verilərək müvafiq şəhadətnamələr təqdim edilib, 73 nəfərin müraciəti isə mənfi qərarla yekunlaşıb.Tədris yükünü mənimsəmək üçün təhsil aldığı ölkənin ərazisində kifayət qədər olmaması səbəbi ilə 62, təhsilalma forması üzrə 7, akkreditasiyasız ali təhsil müəssisəsi üzrə 2, digər səbəblər üzrə 2 nəfərin müraciəti mənfi qərarla yekunlaşıb.Ölkələr üzrə müraciətlərin sayına nəzər saldıqda Ukraynadan 104, Rusiyadan 101, Türkiyədən 75, Gürcüstandan 39, Birləşmiş Krallıqdan 5, digər ölkələrdən isə 36 müraciətin olduğu müşahidə olunur.Ən çox müraciət olunan ixtisaslara gəlincə, maliyyə üzrə 50, iqtisadiyyat üzrə 45, menecment üzrə 21, biznesin idarə edilməsi üzrə 20, beynəlxalq münasibətlər üzrə 16 müraciətçi qeydə alınıb.Qeyd edək ki, sənədlərə ortalama baxılma müddəti 12 iş günü təşkil edib.
Belə bir sual ortaya çıxır. Xaricdə təhsil almaq istəyən gənclər bu kimi hallarla qarşılaşmamaq üçün hansı nüanslara diqqət etməlidir?

Məsələ ilə bağlı “Sherg.az”a danışan Sosial Tədqiqatlar Mərkəzinin əməkdaşı, elm və təhsil məsələləri üzrə tədqiqatçı Elmin Nuri bildirib ki, Elm və Təhsil Nazirliyinin tabeliyindəki Təhsildə Keyfiyət Təminatı Agentliyi hər ay tanınan və tanınmaqdan imtina edilən diplomların siyahısını təqdim edir:

"Təminatı Agentliyi hər ay tanınan və imtina edilən diplomların siyahısını təqdim edir. Diplomu tanıtmaq istəyən imtahan verməlidir. Kadr kimi sahiblənəcəyi ixtisasa görə yararlığını sübut etmək üçün müsabiqədən keçməlidir. Müəyyən şəxslər bu sınaqlardan keçə bilmir. Bəzən isə başqa səbəblərdən diplom tanınmır. Misal olaraq üniversitetin özünün etibarsızlığı, yəni tanınacaq universitetlər siyahısına daxil olmamasıdır. Elə şəxs var ki, qiyabi təhsil üçün ildə 2 dəfə getməlidir. Amma 4 il ərzində bir dəfə də olsun xarici pasportuna möhür vurulmayıb. Ukraynada təhsil alan həmyerlimiz təhsil üçün ora 4 il ərzində cəmi iki dəfə gedib. Bu şəxs əmək bazarına hansı bacarıqla töhvə verə biləcək? Noyabr üzrə də 360 müraciət edənlərin arasından 287-si barədə müsbət qərar verilib, 73 nəfərinki isə mənfi qərarla yekunlaşıb. Bu statistika təxminən stabil olaraq qalır. Bu məsələlərdə diqqətli olmaq lazımdır. Xaricə təhsilə yollanan gənclərimizin çoxu qəbul imtahanından az bal toplamış şəxslərdir. Bəziləri 200 balı belə toplaya bilmir və nə yolla olursa, olsun tələbə adını qazanmaqdan ötrü xaricə yollanır. Əsasən də Türkiyə,Rusiya, Gürcüstan, Ukraynaya getməyi planlaşdırırlar".


Ekspert vurğulayıb ki, əvvəlcədən bu universitetlər haqqında araşdırma aparsınlar:
"Bir sözlə, oxumaq istədikləri üniversitetlərin Azərbaycanda tanınıb-tanınmasını mütləq dəqiqləşdirsinlər. Xaricdə təhsil üzrə şirkətlər həddindən artıq çoxdur. Hər il yayda yeni təhsil şirkətləri yaradılır. Müəyyən təbəqə buna "bazar" kimi baxır. Həqiqətən gənclərimizə fayda verən şirkətlərin əməyi danılmazdır. Onlar müəyyən detalları bildikləri üçün valideyn və abuturiyent üzərində manipuliyasiya etmək imkanları çox genişdir. Hər xaricdə təhsil üzrə şirkətlərə aldanmasınlar və hər tərəfli araşdırsınlar".

Bu ilin sentyabr ayında Yardımlı Rayon İcra Hakimiyyətinin rayon yollarının təmiri ilə bağlı keçirdyi tenderin qalibi olan "Pro Təmir Tikinti” MMC yenə də qurumun keçirdiyi satınalma müsabiqəsinin qalibi seçilib.

Qaynarinfo xəbər verir ki, bu dəfəki tender Yardımlı şəhərinin qərb hissəsində yerləşən bir sıra küçələrdə yolların əsaslı təmiri işlərinin satın alınması ilə bağlı keçirilib. Təmir işləri icra hakimiyyətinə 275 576,07 AZN-ə başa gələcək.

İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, "Pro Təmir Tikinti” MMC 20 oktyabr 2022-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakı şəhəri, Sabunçu rayonu, Zabrat qəsəbəsi, Əliyev küçəsi, ev 30X, mənzil 1-də yerləşir. MMC-nin qanuni təmsilçisi Əliyev İlqar Şamil oğludur.

Açıq mənbələrdə şirkət və qanuni təmsilçisi barəsində heç bir məlumat yoxdur. Şirkətin nə internet səhifəsi, nə də əlaqə telefonları var.

"Pro Təmir Tikinti” MMC barəsində mediada gedən və təkzib olunmayan yazılarda şirkətin Yardımlı Rayon İcra Hakimiyyəti başçısının keçmiş müavini Mahir Mirzəyevə bağlı olduğu barədə iddialar yer alıb.

Cari ilin iyun ayında işdən çıxarılan Mahir Mirzəyev müavin olmaqla yanaşı, həm də sosial-iqtisadi inkişafın təhlili və proqnozlaşdırılması şöbəsinin müdiri vəzifəsində çalışıb.

Mahir Mirzəyev işdən çıxarılsa da, icra hakimiyyətinə təsiri hələ də qalır. İddia olunur ki, icra hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Elçin Mirzəyev onun əmisi oğludur.

Bu iddialar əsaslıdırsa, o zaman düşünmək olar ki, "Pro Təmir Tikinti” MMC-nin Yardımlı Rayon İcra Hakimiyyətinin tenderlərində qalib seçilməsinin təsadüfi deyil.

Yardımlı Rayon İcra Hakimiyyətinin başçısı Ayaz Əsgərovdur. O, 2016-cı ildə rayona rəhbərlik edir.