"Şikayətim internet xidmətləri göstərən "Megalink" internet provayderindəndir". Dia-az.info bildirir ki, bu barədə "Müştəriyəm Şikayətim Var" sosial qrupundakı paylaşımında Nəriman Hacızadə adlı istifadəçi giley edir.
Narazı vətəndaş daha sonra yazır: "Belə ki, sözügedən şirkətin keyfiyyətsiz internet xidmətindən çox narazıyıq. Dəfələrlə bu barədə məlumat vermişik ancaq problem həll edilmir. İnternet sürətinin qeyri-sabitliyi, setin həddindən çox zəif olması (internetə qoşulmaq üçün mütləq modemin yanında durmaq lazımdır, bir otaqdan digərinə keçdikdə set zəifləyir və ya tamamilə itir).
Ərazidə başqa xidmət göstərən internet provayderi də yoxdur. Bir dəfə dedilər ki, modemdən ola bilər... yenisini qoysaq, 110 manat olacaq. Halbuki modem işlək vəziyyətdədir başqa bir problemi varsa 110 manatın müştəri tərəfindən ödənilməsi nə dərəcədə doğrudur.
Bütün yaşayış kompleksində ancaq bu şirkət fəaliyyət göstərir, məcburiyyətdən onların xidmətindən istifadə edirik. Digər şirkətlərim nə üçün bu ərazidə fəaliyyət göstərməyə cəlb olunmaması da başqa bir mövzudur..."
