 |
|
|
Azərbaycan xarici işlər naziri Ceyhun Bayramov İqtisadi Əməkdaşlıq Təşkilatının Nazirlər Şurasının 27-ci iclası çərçivəsində ölkəmizdə səfərdə olan İran İslam Respublikasının xarici işlər nazirinin müavini Mehdi Səfərini qəbul edib.
Bu barədə Xarici İşlər Nazirliyindən məlumat verilib.
Bildirilib ki, görüş zamanı Azərbaycan-İran münasibətlərinin gündəliyində duran bir sıra məsələlər müzakirə olunub və son dövrlər həyata keçirilən qarşılıqlı yüksək səviyyəli səfərlərin bə görüşlərin münasibətlərin daha da irəli aparılmasına öz müsbət töhfəsini verdiyi vurğulanıb.
Tərəflər Şimal-Cənub nəqliyyat dəhlizinin, həmçinin bu marşrutla bərabər, Şərqi Zəngəzur iqtisadi rayonu ilə Azərbaycanın Naxçıvan Muxtar Respublikası arasında kommunikasiya bağlantılarının icrası istiqamətində həyata keçirilən tədbirlər barədə fikir mübadilə aparıblar. İqtisadi-ticarət əlaqələrinin dinamikasının artması məmnunluqla qeyd edilib və bu xüsusda, iki ölkə arasında Hökumətlərarası Komissiyanın fəaliyyəti yüksək qiymətləndirilib.
Görüşdə həmçinin, regionda baş verən son proseslər ətrafında fikir mübadiləsi aparılıb. C.Bayramov Ermənistanın siyasi və hərbi təxribatlarına son qoymaq və qanunsuz erməni silahlı birləşmələrinin Azərbaycan ərazisindən çıxarılmasını təmin etmək məqsədilə lokal xarakterli antiterror tədbirləri barədə ətraflı məlumat verib.
Azərbaycanın erməni sakinlərin Azərbaycanın Konstitusiyası və qanunvericiliyi çərçivəsində reinteqrasiyası üçün müvafiq tədbirlər həyata keçirdiyi və ölkəmizin suverenlik və ərazi bütövlüyünə hörmət prinsipi əsasında Ermənistanla davamlı sülhün qurulmasında maraqlı olduğu bildirilib.
Görüş zamanı həmçinin digər regional məsələlər ətrafında fikir mübadiləsi aparılıb.
Vətən hər kəsin evindən, yaşadığı küçədən, uşaqlıq dostlarından, körpəykən eşitdiyi ilk nağıldan başlayır, deyirlər.
Bizlər - azərbaycanlılar üçünsə Vətən Qarabağdan başlayır.
Çünki dünyanı dərk etdiyimiz andan dönməli olduğumuz, yolumuzu gözləyən yaralı yurdumuz olduğunu öyrəndik. Bu müqəddəs məkanın and yerimiz, mücadiləmiz, mübarizəmiz, ona qovuşacağımız günün həyatımızın ən böyük qələbəsi olacağını dərk etdik.
Elə həmin andan da onun daşına-torpağına qurban olmağa, canımızı-qanımızı ona fəda etməyə söz verdik.
Qarabağı bizlərə anladan, 30 il ona qovuşmağı xəyal edən analarımıza qutsal torpaqlarımızın azadlığı üçün savaşacağımıza yəmin etdik.
Savaşdıq da! Onun nicatı, xilası üçün Qarabağ sevgisi, torpaq təəssübü ilə böyüyən oğullar, Vətən sevdalıları özünü qurban etdi. Yurdunun azadlığı, haqq savaşı üçün şəhadət gətirdi. Cismini torpağına, ruhunu səmasına əmanət etdi.
Qanı ilə Azərbacan tarixinə heç zaman unudulmayacaq böyük qəhrəmanlıq salnaməsi - Zəfər yazdı!
Azərbaycanımızın ərazi bütövlüyü bərpa oldu. Qarabağ, illərlə işğal altında qalan torpaqlarımız qarış-qarış, kənd-kənd, oba-oba azad edildi.
Cəsur Ali Baş Komandanımız cənab İlham Əliyev və qüdrətli Azərbaycan Ordusu, adı, xatirəsi ürəyimizə əbədi həkk olan oğullar bizə böyük Qələbə sevinci bizə bəxş etdi.
Artıq yeni doğulan körpələrə analar Vətənin yenidən canlanan, qurulan, çiçəklənən, məsud Qarabağdan başladığını anladacaqlar. Onlara igidliyin, Vətən sevgisinin gerçək hekayəsini danışacaqlar. O hekayəni ki, onun qəhrəmanı qalib, müzəffər, başı dik Azərbaycandır!
BMT Təhlükəsizlik Şurası Qəzza zolağı ətrafındakı vəziyyəti müzakirə edib.
Müzakirələrin nəticəsi olaraq heç bir ümumi sənəd qəbul olunmayıb.
Bu barədə iclasın iştirakçıları iclas başa çatdıqdan sonra məlumat veriblər.
Mənbə: TASS
ABŞ Dövlət katibi Entoni Blinken bəzi ərəb dövlətlərini İsrailə hücumu pisləməyə inandırmağa çalışsa da, buna nail olmayıb.
Axar.az xəbər verir ki, bu barədə "Axios" portalı amerikalı məmura istinadən məlumat yayıb.
Adı açıqlanmayan məmurun sözlərinə görə, Blinken İsraillə sülh sazişi bağlamış ərəb ölkələrinin bir neçə xarici işlər naziri ilə danışıb və onlardan HƏMAS-ın hücumunu pisləməyi xahiş edib. Lakin onlar bunu qəbul etməyiblər.
Qeyd edək ki, 7 oktyabrda HƏMAS “İslami-Cihad”la birgə “Əqsa tufanı” əməliyyatı başladığını elan edib və İsrailə hücum həyata keçirib. Genişmiqyaslı hücum nəticəsində 600-dən çox sakin ölüb, 2 mindən çox insan yaralanıb.
İsrail ordusu cavab tədbirləri görür.
Şimali Atlantika Müqaviləsi Təşkilatı (NATO) Fələstinin HƏMAS hərəkatının İsrailə hücumlarını kəskin şəkildə pisləyir.
Bu açıqlama ilə NATO-nun rəsmi nümayəndəsi Dilan Uayt çıxış edib.
“Biz HƏMAS-ın NATO-nun tərəfdaşı İsrailə qarşı bugünkü terror hücumlarını qətiyyətlə pisləyirik” - o qeyd edib.
NATO nümayəndəsi əlavə edib ki, terrorizm azad cəmiyyətlər üçün əsas təhlükədir və İsrailin özünü müdafiə etmək hüququ var.
Oktyabrın 5-də İspaniyanın Qranada şəhərində Avropa Siyasi Birliyinin üçüncü sammiti çərçivəsində Ermənistanın baş naziri Nikol Paşinyan, Avropa Şurasının Prezidenti Şarl Mişel, Fransa prezidenti Emmanuel Makron və Almaniya kansleri Olaf Şoltsun qatıldığı, Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğanın iştirakı olmadan keçirilən dördtərəfli görüşün yekunlarına dair birgə bəyanat qəbul edilib.
AZƏRTAC xəbər verir ki, Avropa Şurasının saytında dərc edilən bəyanatın mətnində Azərbaycanın və Ermənistanın ərazi bütövlüyünün dəstəklənməsi, tanınması vurğulansa da, iki ölkənin ərazilərinin sahəsi növbəti dəfə müəyyən qeyri-dəqiqliklə təqdim olunub.
Ermənistan ərazisinin sahəsi olduğu kimi, 29743 kvadrat kilometr deyil, 29800 kvadrat kilometr göstərilib, eyni zamanda, məlum olduğu kimi, 86692 kvadrat kilometr sahəsi olan Azərbaycan ərazisinin sahəsi isə 86600 kvadrat kilometrə endirilib.
Bu, ilk baxışdan “rahatlıq” məqsədi ilə yuvarlaqlaşdırma kimi yozula bilər, lakin niyə həmin rəqəmlər Ermənistanın xeyrinə və Azərbaycanın zərərinə olmalıdır?
Oğulları hər qarış torpaq üçün qan tökən Azərbaycan xalqı bu kvadrat kilometrlərin, hətta metr və millimetrlərin qiymətini bilir. Buna görə də, necə deyərlər, bizə özgənin heç nəyi lazım deyil, amma bizə aid olanı da kimsəyə vermərik.
Əgər İrəvanda yuvarlaqlaşma ilə bağlı hay-küydən istifadə edərək hələ də işğal altında olan Azərbaycan anklavlarını mənimsəməyə cəhd etmək fikrinə düşsələr, Paşinyana xatırlatmaq istərdik ki, o, bu il mayın 22-də keçirilən mətbuat konfransında Azərbaycan ərazisinin anklavları da əhatə etdiyini etiraf edib.
Buna görə də bütün hallarda delimitasiya zamanı yuvarlaqlaşdırılmış məlumatlara deyil, millimetrə qədər dəqiqliyə əsaslanmaq lazım gələcək.
Ermənistanın Baş naziri Nikol Paşinyan Qranadada (İspaniya) Avropa Siyasi Birliyinin sammiti çərçivəsində Aİ, Almaniya və Fransa liderləri ilə görüşdə Qarabağ da daxil olmaqla, Azərbaycanın 86,6 min kv.km ərazisini tanıyan Bəyanat imzalayıb.
Bəyanatın mətni Aİ Şurası tərəfindən yayılıb.
Vurğulanıb ki, tərəflər Ermənistanın (29 800 kv. km) və Azərbaycanın (86 600 kv. km) suverenliyi, sərhədlərinin toxunulmazlığı və ərazi bütövlüyünün qarşılıqlı tanınması əsasında Ermənistan və Azərbaycan arasında münasibətlərin normallaşdırılmasına yönəlmiş bütün səylərə sadiq qalırlar.
Qeyd edək ki, oktyabrın 5-də Qranadada Avropa Siyasi Birliyinin sammiti çərçivəsində "beşli format"da (Ermənistan-Azərbaycan-Fransa-Almaniya-Avropa İttifaqı) görüş nəzərdə tutulurdu.
Fransa rəsmilərinin (müdafiə naziri, xarici işlər naziri və s.) ermənipərəst bəyanatları, XİN başçısının Ermənistana səfəri və hərbi əməkdaşlıq, silah-sursat veriləcəyi haqda açıqlamalar, Aİ Şurasının Prezidenti Şarl Mişelin Azərbaycanı ittiham edən açıqlaması fonunda Azərbaycan bu formatda danışıqlarda iştiraka lüzum görməyib.
Buna görə Azərbaycan bu görüşdən imtina edib və Prezident İlham Əliyev Qranadaya getməyib.
Görüş Ermənistanın Baş naziri Nikol Paşinyan, Fransa Prezidenti Emmanuel Makron, Almaniya kansleri Olaf Şolts və Aİ Şurasının Prezidenti Şarl Mişel arasında "dördtərəfli format"da baş tutub.
Paşinyanın sözügedən sənədi imzalamasından sonra Azərbaycan və Ermənistan KİV-də rəsmi İrəvanın Qarabağı Azərbaycanın tərkib hissəsi kimi tanıdığına dair məlumatlar yayılıb.
Eyni zamanda, Paşinyanın Qazax rayonunun işğal altında yeddi kəndini və Sədərək rayonunun Kərki kəndini Azərbaycana qaytaracağına dair xəbərlər gündəmə gəlib.
Qeyd edək ki, Azərbaycan və Ermənistan bir-birinin ərazi bütövlüyünü tanıyan bəyannaməni bir il öncə, Aİ Şurasının Praqada keçirilən sammitində imzalayıb.
Bu ilin may ayında isə Brüsseldə Şarl Mişelin vasitəçiliyi ilə Prezident İlham Əliyev və Baş nazir Paşinyan arasında baş tutan növbəti görüşdə Azərbaycan Ermənistanın ərazisini 29,8 min kv. km, Ermənistan isə Azərbaycanın 86, 6 min kv.km-lik ərazi bütövlüyünü tanıdığına dair bəyannamə imzalayıb.
Paşinyan isə Qranadada həmin sənədə sadiq qaldığını təsdiq edib. Lakin Ermənistanın Baş naziri Qarabağı Azərbaycanın tərkib hissəsi kimi tanıması, nə də işğal altındakı 8 kəndi qaytarmaq niyyəti barədə açıq mətnlə yazılmış hər hansı sənədi imzalamayıb.
Doğrudur, 86, 6 min kv.km-lik əraziyə həm Qarabağ iqtisadi rayonu, həm də işğal altındakı kəndlər daxildir. Ancaq Ermənistan nə Praqa sammitindən, nə də Brüssel görüşündən sonra Qarabağın Azərbaycanın tərkib hissəsi kimi tanınması və işğal altındakı kəndlərin qaytarılması tələblərindən yayınıb.
Əksinə, Ermənistan Azərbaycana qarşı ərazi iddiasını davam etdirib və şərtlər irəli sürüb. Doğrudur, Azərbaycanın sentyabrın 19-da keçirdiyi antiterror əməliyyatından sonra bölgədə geosiyasi balans dəyişib və yeni reallıqlar yaranıb.
Ermənistan Qarabağı artıq Azərbaycanın tərkib hissəsi kimi tanımaq məcburiyyətindədir. Azərbaycanın bölgədə üstünlüyünü təmin yeni siyasi konyuktur Ermənistanın işğal altındakı kəndləri də qaytarması üçün ciddi əsas yaradır. Ancaq bunu Paşinyan hakimiyyəti rəsmən elan etməli və ya sənəd imzalamalıdır.
Müşfiq Abdulla
Cebhe.info
Ermənistanın baş naziri Nikol Paşinyan Qranadada keçirilən görüşdə Azərbaycanın ərazi bütövlüyünü tanıyıb.
Bu barədə Avropa İttifaqı Şurasının yaydığı bəyanatda bildirilib.
Vurğulanıb ki, tərəflər Ermənistanın (29 800 kv. km) və Azərbaycanın (86 600 kv. km) suverenliyi, sərhədlərinin toxunulmazlığı və ərazi bütövlüyünün qarşılıqlı tanınması əsasında Ermənistan və Azərbaycan arasında münasibətlərin normallaşdırılmasına yönəlmiş bütün səylərə sadiq qalırlar.
Qeyd edək ki, oktyabrın 5-də Qranadada Avropa İttifaqının sammiti çərçivəsində beşli formatda (Ermənistan-Azərbaycan-Fransa-Almaniya-Avropa İttifaqı) görüş nəzərdə tutulurdu.
Fransa rəsmilərinin (müdafiə naziri, xarici işlər naziri və s.) ermənipərəst bəyanatları, XİN başçısının Ermənistana səfəri və hərbi əməkdaşlıq, silah-sursat veriləcəyi haqda açıqlamaları fonunda Azərbaycan bu görüşdən imtina edib.
Avropa İttifaqı Şurasının Prezidenti Şarl Mişel, Fransa Prezidenti Emmanuel Makron və Almaniya kansleri Olaf Şolz Qranadada Ermənistanın baş naziri Nikol Paşinyanla görüşüb.
Onlar Ermənistanın müstəqilliyinə, suverenliyinə, ərazi bütövlüyünə və sərhədlərinin toxunulmazlığına sarsılmaz dəstəklərini vurğulayıblar. Həmçinin Aİ-Ermənistan münasibətlərinin bütün ölçülərdə Ermənistan Respublikasının ehtiyaclarına əsaslanaraq gücləndirilməsini dəstəklədikləri bildirilib. Avropa liderləri son vaxtlar Qarabağ ermənilərinin kütləvi köçünün nəticələri ilə üzləşdiyi üçün Ermənistana əlavə humanitar yardımın göstərilməsinin zəruriliyi barədə razılığa gəliblər.
Vurğulanıb ki, bu qaçqınlar öz evlərinə və yaşayış yerlərinə qayıtmaq hüquqlarını heç bir şərt olmadan, beynəlxalq monitorinq altında, öz tarixlərinə, mədəniyyətlərinə və insan hüquqlarına lazımi hörmətlə yanaşılmaqla azad şəkildə həyata keçirməlidirlər.
Prezident Mişelin 14 may və 15 iyul 2023-cü il bəyanatlarında qeyd olunduğu kimi onlar Ermənistan (29,800 km2) və Azərbaycanın (86,600 km2) suverenliyi, sərhədlərinin toxunulmazlığı və ərazi bütövlüyünün qarşılıqlı tanınması əsasında Ermənistan və Azərbaycan arasında münasibətlərin normallaşmasına yönəlmiş bütün səylərə sadiq qalırlar. Onlar güc tətbiq etməmək və güc tətbiqi ilə hədələmə prinsipinə ciddi riayət etməyə çağırıblar.
Görüş iştirakçıları sabiq SSRİ Baş Qərargahının tərəflərə təqdim etdiyi ən son xəritələri əsasında sərhədin delimitasiyası istiqamətində təcili iş aparılmasının zəruriliyini vurğuladılar ki, bu xəritələr həm də qüvvələrin bir-birindən uzaqlaşdırılması, sülh müqaviləsinin yekunlaşdırılması və bütün humanitar məsələlərin həlli üçün əsas olmalıdır.
Onlar daha geniş regional əməkdaşlığa və bütün sərhədlərin, o cümlədən Ermənistan və Türkiyə arasındakı sərhədin yenidən açılmasına, habelə ölkələrin suverenliyinə, yurisdiksiyasına tam hörmət, bərabərlik və qarşılıqlılıq prinsiplər əsasında regional əlaqələrinin açılmasına çağırıb.
Avropa liderləri Ermənistan və Azərbaycanı bütün məhbusları azad etməyə, itkin düşənlərin taleyini həll etmək və minalardan təmizləmə işini asanlaşdırmaq üçün əməkdaşlığa çağırıblar.
Azərbaycanın iqtidara yaxın mediasının yazdığına görə, Azərbaycan prezidenti İlham Əliyev oktyabrın 5-də İspaniyanın Qranada şəhərində keçiriləcək Avropa Siyasi Birliyinin sammitində iştirakdan imtina edib.
Sammit zamanı Azərbaycan prezidenti ilə Ermənistan baş naziri Nikol Paşinyan arasında sülh danışıqlarının keçirilməsi planlaşdırılırdı.
Bu barədə hələ rəsmi açıqlama olmasa da, yerli mətbuatın bildirdiyinə görə, rəsmi Bakının Qranadada keçirilməsi planlaşdırılan beştərəfli sülh danışıqlarından imtinasına səbəb Azərbaycanın görüşdə Türkiyənin təmsil olunmasını istəməsi, amma Fransa və Almaniyanın buna etiraz etməsi olub.(Turan)
Oktyabrın 5-də Ukrayna Prezidenti Vladimir Zelenski Qranadada Ermənistanın Baş naziri Nikol Paşinyanla ilk dəfə görüşüb.
“Biz Cənubi Qafqazda təhlükəsizliklə bağlı vəziyyəti Ermənistanın Baş naziri Nikol Paşinyanla ilk görüşümüzdə müzakirə etdik. Ukrayna bölgənin sabitliyində və ölkələri ilə dostluq münasibətlərində maraqlıdır”, Zelensky teleqram kanalında qeyd edib.
Zelenski həmçinin bildirib ki, tərəflər Ukrayna və Ermənistanın ikitərəfli əməkdaşlığını və regionlararası iqtisadi layihələri müzakirə ediblər.(Turan)
“Azərbaycan və Ermənistan dərhal sülh danışıqlarını bərpa etməlidir”.
Bunu Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov ABŞ-nin Hudson İnstitutunun Yaxın Şərqdə Sülh və Təhlükəsizlik Mərkəzinin direktoru Maykl Doran və Hudson İnstitutunun baş elmi işçisi Lyuk Koffinin suallarını cavablandırarkən deyib.
“Dərhal sülh danışıqlarını, sərhədlərin delimitasiyası məsələsi ilə bağlı müzakirələri bərpa etməliyik və əlbəttə ki, kommunikasiyaların bərpasını müzakirə etməliyik. Bunlar sülh prosesinin üç əsas istiqamətidir və onların böyük perspektivləri var”, - o bildirib.
E.Əmirbəyovun sözlərinə görə, Qarabağdakı qeyri-qanuni rejimin ləğvi regionda daha geniş sülhə gedən əsas maneəni aradan qaldırıb.
O, Azərbaycanın bu yolda daha bir maneəni – öz suveren ərazisində Ermənistan silahlı qüvvələrinin qanunsuz hərbi mövcudluğunu aradan qaldırdığını da vurğulayıb.
Prezidentin nümayəndəsi qeyd edib ki, Azərbaycan Qarabağ regionunun erməni sakinləri ilə fəal dialoq aparır və reinteqrasiya planları Qarabağ ermənilərinin sosial, iqtisadi, siyasi, mədəni və dini hüquqlarını həyata keçirə biləcəkləri müxtəlif sahələri əhatə edir.