 |
|
|
4 noyabr 2023-cü il tarixində Azərbaycan Respublikasının xarici işlər naziri Ceyhun Bayramov ölkəmizə səfəri çərçivəsində Almaniya Federativ Respublikasının xarici işlər naziri Annalena Berbokun rəhbərlik etdiyi nümayəndə heyətini qəbul edib.
Bu barədə Xarixi İşlər Nazirliyi (XİN) məlumat yayıb.
Nazirlər arasında keçirilmiş geniştərkibli görüş zamanı iki ölkə arasında mövcud əməkdaşlıq gündəliyində duran məsələlər, habelə regional və beynəlxalq təhlükəsizlik məsələləri ətrafında fikir mübadiləsi aparılıb.
Görüş zamanı, post-münaqişə dövründə bölgədə mövcud vəziyyət və reallıqlar, işğaldan azad olunmuş ərazilərdə aparılan genişmiqyaslı bərpa və quruculuq işləri, bu fəaliyyətə maneə törədən mina təhdidi, Azərbaycan və Ermənistan arasında normallaşma və sülh prosesinin irəlilədilməsi istiqamətində ölkəmizin səyləri, bu istiqamətdə mövcud çağırışlar qarşı tərəfin diqqətinə çatdırılıb.
Cari ilin 19-20 sentyabr tarixlərində Qarabağ bölgəsində həyata keçirilmiş anti-terror tədbirlərinin ölkəmiz tərəfindən beynəlxalq ictimaiyyətin qarşısında daimi əsasda qaldırılan qeyri-qanuni erməni silahlı qüvvələr təhdidinə qarşı yönəldiyi bildirilib. Görülən tədbirlər nəticəsində suveren ərazilərimizdəki dəhşətli hərbiləşmənin miqyasının bir daha aydın olduğu diqqətə çatdırılıb.
Son 30 ildə bölgəyə ilk dəfə səfər edən beynəlxalq təşkilatların nümayəndələrinin də təsdiqlədiyi kimi, mülki şəxslərə qarşı heç bir zorakılıq faktının olmadığı, erməni sakinlərin bölgəni könüllü şəkildə tərk etməsinin səbəbinin isə ərazilərimizdəki qeyri-qanuni rejimin azərbaycanlılar və ermənilərin birgəyaşayışının mümkünsüzlüyü ilə bağlı apardığı təbliğat, habelə Azərbaycan Hökumətinin nümayəndələri ilə erməni sakinlərin nümayəndələri arasında görüşlərin nəticələrinin onlara çatdırılmaması olduğu vurğulanıb.
Bu istiqamətdə, ərazilərimizi tərk edən erməni sakinlərin axınının baş verməsinin məsuliyyətinin Azərbaycanın yox, qeyri-sabit bəyanatlarla çıxış edən Ermənistanın üzərinə düşdüyü vurğulanıb.
Bütün bunlara baxmayaraq, son dövlərdə ölkəmizə qarşı sərgilənən ədalətsiz mövqeyin təəssüf və təəccüb doğurduğu, bu istiqamətdə beynəlxalq hüququn əsas prinsipləri, o cümlədən ərazi bütövlüyü, suverenlik kimi prinsiplərə münasibətdə selektiv yanaşmanın nümayişinin qəbuledilməzliyi qeyd olunub.
Görüş zamanı, həmçinin qarşılıqlı maraq doğuran digər məsələlər müzakirə olunub.
Daha sonra keçirilmiş mətbuat brifinqində nazirlər görüşün nəticələrinə dair bəyanatlarla çıxış edib, jurnalistlərin suallarını cavablandırıblar.
04.11.2023, 20:05
Azərbaycanın xarici işlər naziri Ceyhun Bayramov və Almaniyanın xarici işlər naziri Annalena Berboku arasında geniş tərkibdə görüş keçirilib.
Görüşdə ikitərəfli və çoxtərəfli münasibətləri və münaqişədən sonrakı regional vəziyyət müzakirə olunub.
19:48
Bakıda Azərbaycanın xarici işlər naziri Ceyhun Bayramov və Almaniyanın xarici işlər naziri Annalena Berboku arasında görüş başlayıb.
Bu barədə Azərbaycan Xarici İşlər Nazirliyi (XİN) məlumat yayıb.
"Əminəm ki, dostluğumuz, qardaşlığımız əbədi olacaq"
Noyabrın 3-də Astanada Türk Dövlətləri Təşkilatının “Türk Əsri” çağırışı altında 10-cu yubiley Zirvə görüşü keçirilir.
AZƏRTAC xəbər verir ki, Azərbaycan Respublikasının Prezidenti İlham Əliyev tədbirdə iştirak edir.
Azərbaycan Prezidenti İlham Əliyevin çıxışında bildirib:
- Hörmətli Kasım-Jomart Kemeleviç, hörmətli dövlət və hökumət başçıları, əziz dostlar.
İlk növbədə, qonaqpərvərliyə görə Qazaxıstan Prezidenti Kasım-Jomart Tokayevə təşəkkür edir və qardaş Qazaxıstana Türk Dövlətləri Təşkilatına qarşıdan gələn sədrliyi dövründə müvəffəqiyyətlər arzulayıram. Türk Dövlətləri Təşkilatına bir il ərzində uğurlu sədrlik münasibəti ilə qardaş Özbəkistanı təbrik edirəm.
Yenidən Astana şəhərində olmağıma şadam. Bu, son iki ildə Qazaxıstana üçüncü səfərimdir. Hər səfərimdə Qazaxıstanda uğurlu islahatların və genişmiqyaslı quruculuq işlərinin həyata keçirilməsinin şahidi oluram. Bütün əldə edilmiş uğurlar münasibətilə Qazaxıstan rəhbərliyini təbrik edirəm.
Türk dövlətləri ilə münasibətlərin möhkəmləndirilməsi Azərbaycan xarici siyasətinin əsas prioritetlərindən biridir. Etnik və mədəni köklərimiz, dilimiz, ortaq keçmişimiz münasibətlərimizin təməlini təşkil edir. 2009-cu ildə Naxçıvan Zirvə görüşündən ötən müddət ərzində müxtəlif sahələrdə əməkdaşlığımız təsisatlanıb, Türk Dövlətləri Təşkilatı uğurlu inkişaf yolu keçib. Bu gün təşkilatımız beynəlxalq səviyyədə böyük siyasi çəkiyə və nüfuza malikdir.
Son iki il ərzində mən Türk Dövlətləri Təşkilatına üzv və müşahidəçi dövlətlərə 20 səfər etmişəm. Qardaş dövlətlərin rəhbərləri də həmin dövr ərzində Azərbaycana çoxsaylı səfərlər ediblər.
Oktyabr ayında Şuşa şəhərində Birinci Türk Dünyası Mədəniyyət Forumu təşkil edilib. Fürsətdən istifadə edərək, Şuşa şəhərinin 2023-cü il üçün “Türk dünyasının mədəniyyət paytaxtı” elan edilməsinə verdiyiniz dəstəyə görə minnətdarlığımı bildirirəm.
Azərbaycan türk dövlətlərinin iqtisadiyyatına 20 milyard ABŞ dollarından çox sərmayə qoyub. Bunun əsas hissəsi Türkiyəyə qoyulan sərmayədir.
Birgə sərmayə fondlarının yaradılması prosesi başlayıb. Azərbaycan-Özbəkistan İnvestisiya Fondu və Azərbaycan-Qırğızstan İnkişaf Fondu yaradılıb.
2022-ci ilin müvafiq dövrü ilə müqayisədə, 2023-cü ilin yanvar-sentyabr aylarında Azərbaycanın türk dövlətləri ilə ticarət dövriyyəsi 40 faiz artıb.
Münasibətlərimizin inkişafı kontekstində nəqliyyat və logistika sahələri mühüm yer tutur. Azərbaycan Mərkəzi Asiya ölkələri ilə Türkiyə və Avropa bazarları arasında etibarlı tranzit ölkə kimi özünü təsdiqləyib.
Azərbaycan Şərq-Qərb nəqliyyat dəhlizinin dayanıqlı fəaliyyətinə öz dəyərli töhfəsini verir.
Hörmətli həmkarlar, əfsuslar olsun ki, bu gün dünyanın müxtəlif bölgələrində beynəlxalq hüquq normaları kobudcasına pozulur. Müharibələr, qanlı münaqişələr alovlanır. Belə olan halda, ilk növbədə, ölkələrin müdafiə potensialı təhlükəsizliyin əsas zəmanətinə çevrilir. Hesab edirəm ki, üzv ölkələr arasında təhlükəsizlik, müdafiə, müdafiə sənayesi kimi sahələrdə əməkdaşlıq daha da artmalıdır.
Bildiyiniz kimi, 30 ilə yaxın müddət ərzində Ermənistan Azərbaycan torpaqlarını işğal altında saxlamış və burada qeyri-qanuni qondarma rejim yaratmışdı. Ermənistan tərəfindən həyata keçirilmiş etnik təmizləmə nəticəsində bir milyondan artıq azərbaycanlı öz dədə-baba yurdlarından qovulub. Ermənistan şəhər və kəndlərimizi yerlə-yeksan edib, tarixi və dini abidələrimizi dağıdıb və təhqir edib.
Bütün bu illər ərzində Azərbaycan münaqişəni sülh yolu ilə həll etməyə çalışırdı. Lakin Ermənistanın məqsədi işğala əsaslanan status-kvonu möhkəmləndirmək idi.
Ermənistanın baş nazirinin 2019-cu ildə o vaxt işğal altındakı Xankəndi şəhərində “Qarabağ Ermənistandır və nöqtə” açıqlaması danışıqlara son qoydu. Ermənistan rəhbərliyi o vaxt Azərbaycanı “yeni torpaqlar uğrunda yeni müharibə” ilə hədələyirdi.
2020-ci ildə Ermənistan rəhbərliyinin təxribat xarakterli hərəkətləri və bəyanatları, o cümlədən hərbi təxribatları İkinci Qarabağ müharibəsini qaçılmaz etdi.
2020-ci ildə 44 günlük Vətən müharibəsində Azərbaycan BMT Nizamnaməsinin 51-ci maddəsinə uyğun olaraq, özünümüdafiə hüququndan istifadə edərək Ermənistanı döyüş meydanında məğlubiyyətə uğratdı və ərazi bütövlüyünü və tarixi ədaləti bərpa etdi. BMT Təhlükəsizlik Şurasının Ermənistan silahlı qüvvələrinin Azərbaycanın işğal olunmuş ərazilərindən çıxarılmasını tələb edən və 27 il kağız üzərində qalmış dörd qətnaməsinin icrasını özümüz təmin etdik. Cəmi 44 gün ərzində davam edən İkinci Qarabağ müharibəsi 10 noyabr 2020-ci il tarixində Ermənistanın kapitulyasiya aktını imzalaması ilə nəticələndi.
Ermənistanın ölkəmizə qarşı işğalçılıq və etnik təmizləmə siyasətinə baxmayaraq, məhz Azərbaycan Ermənistanla sülh sazişi imzalamağa hazır olduğunu bəyan etdi və beş baza prinsipini təqdim etdi.
2022-ci ildə Ermənistan Azərbaycanın suverenliyini və ərazi bütövlüyünü tanıdığını bəyan etsə də, onun real əməlləri tamamilə məntiqsiz və təzadlı idi. Ermənistan ordusunun qalıqları Azərbaycanın suveren ərazilərində qalmaqda davam edirdi. Ermənistanın baş nazirinin bu il sentyabrın 2-də qondarma qurumun dırnaqarası “müstəqilliyi”ni təbrik etməsi və Qarabağda keçirilmiş 9 sentyabr dırnaqarası “prezident seçkisi” ölkəmizin ərazi bütövlüyünə və suverenliyinə hörmətsizlik və birbaşa təhdid idi.
2023-cü il sentyabrın 19-da işğaldan azad edilmiş torpaqlarımızda qanunsuz erməni silahlı birləşmələri tərəfindən qəsdən yerləşdirilmiş minaların partlaması altı mülki şəxsin və polis əməkdaşının həyatına son qoydu. Bundan sonra Azərbaycan konstitusiya quruluşunun bərpası və qanunsuz hərbi birləşmələrin zərərsizləşdirilməsi məqsədilə lokal xarakterli antiterror tədbirləri həyata keçirdi. 23 saat ərzində bitən əməliyyat nəticəsində Azərbaycan özünün suverenliyini və konstitusiya quruluşunu tam bərpa etdi. Antiterror tədbirləri nəticəsində mülki insanlara və mülki infrastruktura heç bir ziyan dəymədi. Azərbaycan beynəlxalq humanitar hüquqa tam riayət etdi. Bölgəyə iki dəfə səfər edən BMT missiyası bu faktları təsdiq edib.
Üç il əvvəl Vətən müharibəsi başa çatdıqdan dərhal sonra Azərbaycan işğaldan azad olunmuş ərazilərində genişmiqyaslı bərpa-quruculuq işlərinə başladı. Bu məqsədlə artıq Azərbaycan büdcəsindən yeddi milyard ABŞ dolları həcmində vəsait sərf edilib. Növbəti il ən azı 2,4 milyard ABŞ dollarının ayrılacağı nəzərdə tutulur.
Biz “Böyük Qayıdış” proqramını icra edirik. Artıq keçmiş məcburi köçkünlər - bu torpaqların əsl sahibləri - Laçın və Füzuli şəhərlərinə və üç kəndə qayıdıblar. 2026-cı ilin sonunadək Qarabağa və Şərqi Zəngəzura 140 mindən artıq insanın geri dönməsi nəzərdə tutulur.
Füzuli şəhərində inşası başa çatmış məktəbə görə Özbəkistanın Prezidenti Şavkat Mirziyoyevə bir daha minnətdarlığımı bildirirəm. Avqust ayında birgə iştirakımızla məktəbin açılış mərasimini məmnuniyyətlə xatırlayıram. Qazaxıstanın Azərbaycana hədiyyəsi olan Füzuli şəhərində inşa edilən yaradıcılıq mərkəzinə görə Prezident Kasım-Jomart Tokayevə təşəkkürümü bildirirəm. Bunlar, Azərbaycan və Özbəkistan, Azərbaycan və Qazaxıstan xalqları arasında olan dostluğun və qardaşlığın təzahürüdür.
Əziz dostlar, biz böyük türk dünyasının bir hissəsiyik. Əminəm ki, dostluğumuz, qardaşlığımız əbədi olacaq. Türk Dövlətləri Təşkilatının beynəlxalq nüfuzu daha da artacaq.
***
"Biz böyük Türk dünyasının bir hissəsiyik. Əminəm ki, dostluğumuz, qardaşlığımız əbədi olacaq. Türk Dövlətləri Təşkilatının beynəlxalq nüfuzu daha da artacaq".
"Report"un Astanaya ezam olunan əməkdaşı xəbər verir ki, bu fikri Azərbaycan Prezidenti İlham Əliyev Türk Dövlətləri Təşkilatının “Türk Əsri” çağırışı altında noyabrın 3-də Astanada keçirilən 10-cu yubiley Zirvə görüşündə çıxışında deyib.
"Füzuli şəhərində inşası başa çatmış məktəbə görə Özbəkistanın Prezidenti Şavkat Mirziyoyevə bir daha minnətdarlığımı bildirirəm. Avqust ayında birgə iştirakımızla məktəbin açılış mərasimini məmnuniyyətlə xatırlayıram. Qazaxıstanın Azərbaycana hədiyyəsi olan Füzuli şəhərində inşa edilən yaradıcılıq mərkəzinə görə Prezident Kasım-Jomart Tokayevə təşəkkürümü bildirirəm. Bunlar, Azərbaycan və Özbəkistan, Azərbaycan və Qazaxıstan xalqları arasında olan dostluğun və qardaşlığın təzahürüdür", - dövlət başçısı qeyd edib.
VİDEO BURDA
https://t.me/azpolitika/20013
https://t.me/azpolitika/20014
İsrail Xarici İşlər Nazirliyi Bəhreyn hökumətindən səfirlərin geri çağırılması ilə bağlı bildiriş almayıb.
Bu barədə İsrail Xarici İşlər Nazirliyinin rəsmi bəyanatında deyilir.
Qeyd olunub ki, Bəhreyn hökumətindən və ya İsrail hökumətindən ölkələrin səfirlərinin geri çağırılması ilə bağlı hər hansı bildiriş və ya qərar qəbul edilməyib.
Vurğulanıb ki, İsrail və Bəhreyn arasında münasibətlər sabitdir.
Qeyd edək ki, Bəhreyn İsraillə iqtisadi əlaqələrini kəsib, səfirini geri çağırıb.
Xəbər verdiyimiz kimi, Macarıstanın baş naziri Viktor Orban Qazaxıstanda rəsmi səfərdədir.
Bu barədə Qazaxıstan prezidentinin mətbuat xidməti məlumat yayıb.
Bildirilir ki, “Akorda” iqamətgahında Qazaxıstan Prezidenti Kasım-Jomart Tokayevlə Macarıstanın Baş nazirinin təntənəli görüşü olub. Görüş zamanı Tokayev Macarıstanın baş nazirinin mənşəyinə toxunaraq, onun qıpçaq köklərinə işarə edib.
“Sizi Qazaxıstanda yaxşı tanıyırlar və hörmət edirlər, çünki qıpçaq əsillisiniz”.
Orban dəvətə görə təşəkkür edib və Macarıstan ilə Qazaxıstan arasında dərin tarixi əlaqələrin olduğunu vurğulayıb.
“Evə gəlmək həmişə xoşdur. Macarlar Qazaxıstana böyük məmnuniyyətlə gəlirlər, çünki bizi minilliklərin ortaq kökləri birləşdirir”, - Orban bildirib.
Hər iki ölkənin liderləri ikitərəfli münasibətlərin hazırkı vəziyyətini yüksək qiymətləndirib və əməkdaşlığın daha da genişləndirilməsinin vacibliyini vurğulayıblar.
Əlavə edək ki, Qıpçaq Türkmənistanda kənddir. Ən çox məskunlaşan türkmən kəndlərindən biri hesab olunur. Orada əsas sakinlər türkmən dilində danışan yerli türkmənlərdir. Qıpçaqların sakinləri İslam dininə etiqad edirlər.
Türkiyə Parlamentinin Xarici Əlaqələr Komitəsinin rəhbəri Fuat Oktay bildirib ki, Ankara İsveçin NATO-ya üzvlüyünü təsdiqləməyə tələsməyəcək.
O qeyd edib ki, müvafiq komitə bu məsələni “öz prioritetləri çərçivəsində” müzakirə edəcək.
Fuat Oktay vurğulayıb ki, İsveçin Şimali Atlantika Alyansına üzvlük məsələsi bəzi digər dövlətlər kimi Türkiyə üçün də aktual deyil.
“İsveçin NATO-ya üzvlüyü gündəliyimizdə ratifikasiyanı gözləyən beynəlxalq müqavilələrdən yalnız biridir, vaxtı gələndə parlament bu məsələni müzakirə edəcək”, - deyə Oktay bəyan edib.
Mənbə: dünya.com
Gələn il yaşayış minimumu və ehtiyac meyarının həddi 270 manat götürüləcək.
Bu, “Azərbaycan Respublikasında 2024-cü il üçün yaşayış minimumu haqqında” və “Azərbaycan Respublikasında 2024-cü il üçün ehtiyac meyarının həddi haqqında” qanun layihələrində əksini tapıb. Başqa sözlə, yaşayış minimumu və ehtiyac meyarı 2023-cü illə müqayisədə 9,7 faiz artırılaraq 246 manatdan 270 manata qaldırılır.
Qeyd edək ki, 2023-cü ildə ehtiyac meyarının həddi 2022-ci illə müqayisədə 23 faiz artaraq 246 manat olub. Bununla da 2023-cü ildə ölkə üzrə yaşayış minimumu və ehtiyac meyarının hədləri bərabərləşib. 2024-cü ildə əmək qabiliyyətli əhali üçün yaşayış minimumu 287 manat olacaq. Layihəyə əsasən, yaşayış minimumu pensiyaçılar üçün 222 manat, uşaqlar üçün 235 manat məbləğində proqnozlaşdırılır.
Yaşayış minimumu və ehtiyac meyarının həddi üçün nəzərdə tutulan rəqəm vətəndaşlar üçün yetərlidirmi, yoxsa əlavə artıma ehtiyac var?
Sabiq maliyyə naziri, professor Fikrət Yusifov Cebhe.info-ya bildirib ki, əslində ehtiyac meyarı insanın ən minimal ehtiyacını ödəmək üçün müəyyən edilmiş bir ölçü vahididir:
“Ehtiyac meyarı və yaşayış minimumu kimi göstəricilərdən sosial yardımların təyin edilməsində, əhalinin həyat səviyyəsinin qiymətləndirilməsi və proqnozlaşdırılmasında, fiziki şəxslərin gəlirlərinin vergiyə və icbari ödənişlərə cəlb edilməyən həddinin əsaslandırılmasında, əhalinin pul gəlirlərinin və əmanətlərinin indeksləşdirilməsi üzrə tədbirlərin işlənib hazırlanmasında və həyata keçirilməsində, dövlət büdcəsinin, yerli büdcələrin, büdcədənkənar dövlət fondlarının, qanunvericiliklə tənzimlənən qiymət və tariflərin formalaşdırılmasında istifadə edilir.
Yəni bu göstəriciləri müəyyənləşdirərkən ehtiyac meyarı və yaşayış minimumu kimi alətlər ölçü vahidi rolunda çıxış edirlər. Ehtiyac meyarı və yaşayış minimumu 2022-ci illə müqayisədə cari il üçün 23% artaraq 246 manatdan 270 manata çatdırılmışdı. Nəzərə alaq ki, 2023-cü il üçün ölkədə minimum əməkhaqqı 345 manat müəyən edilib. 2024-cü il üçün təqdim olunmuş dövlət büdcəsi layihəsində növbəti ildə də bu rəqəm dəyişməyəcək.
Bu göstəricilərin ən azından 50% -ə qədər artırılması, yəni ehtiyac meyarı və yaşayış minimumunun 400 manata, minimum əməkhaqqının isə təqribən 500 manata çatdırılması indiki real infilyasiya səviyyəsinə daha uyğun olardı. Təbii ki, bu təklifin reallaşdırılması dövlət büdcəsinin imkanlarından asılıdır”.
Ermənilər Azərbaycan və Türkiyədən asılı olacaqlarından narahatdırlar.
Qeyd edək ki, Ermənistanın Baş nazir Nikol Paşinyanın təqdim etdiyi sülh layihəsi və xəritə erməni ictimaiyyəti tərəfindən birmənalı qarşılanmayıb.
Paşinyan bu layihə ilə Zəngəzur dəhlizinin qarşısını almaq, əvəzində sadələşdirilmiş rejimlə kommunikasiyanın açılmasına nail olmaqdır.
Məsələyə münasibət bildirən erməni hüquq müdafiəçiələri Avetik İxşanyan və Karen İgityan iddia edirlər ki, Paşinyanın bu siyasəti Ermənistanı Azərbaycan və Türkiyənin ağuşuna atacaq.
Avetik İxşanyanın sözlərinə görə, Ermənistan iqtisadiyyatı tamamilə Azərbaycan və Türkiyənin nəzarətinə keçəcək.
“Əgər Paşinyanın göstərdiyi xəritə icra olunarsa, qısa zamanda Ermənistan iqtisadiyyatı Azərbaycan və Türkiyə iqtisadiyyatından asılı olacaq. Azərbaycanlılar İrəvanda mənzillər və obyektlər alacaq, Ermənistanın demoqrafiyası dəyişəcək. Zamanla Ermənistan Azərbaycan və Türkiyənin iqtisadi, daha sonra siyasi nəzarətinə keçəcək”, - deyə İxşanyan bildirib.
Karen İgityan isə qeyd edib ki, bu layihədən Azərbaycan və Türkiyə daha çox qazanc əldə edəcək.
DİA.AZ-ın xəbərinə görə, məsələ ilə bağlı iqtisadçı ekspert Natiq Cəfərli Cebhe.info-ya açıqlamasında qeyd edib ki, erməni ekspertlərin iddiaları müəyyən mənada özünü doğrulda bilər:
“Bütün bu amillər Azərbaycanla Ermənistan arasında imzalanacaq sülh müqaviləsinin şərtlərindən asılı olacaq. Azərbaycan beynəlxalq hüquqa uyğun olaraq sülh müqaviləsinin şərtlərini Ermənistana təqdim edib.
Hazırda hər iki tərəf bəzi önəmli məsələlər üzərində ortaq məxrəcə gəliblər. Sülh müqaviləsinin son mətnində hansı müddəaların qeyd olunacağı məsələsinə gəlincə, bütün bunları diqqətlə nəzərdən keçirmək lazımdır. Yəni əsas məsələ Azərbaycanla Ermənistan arasında bir çox vacib müddəalarla və prinsiplərlə əhatə olunan sülh müqaviləsinin imzalanmasıdır.
Azərbaycan, Ermənistan və Türkiyə arasında kommunikasiyaların açılması və münasibətlərin qurulması iqtisadi cəhətdən zəif olan Ermənistanda Azərbaycan və Türkiyə şirkətlərinin iqtisadi imkanlarını qısa zamanda artıracaq.
Belə ki, Gürcüstan iqtisadiyyatına baxanda, Azərbaycan və Türkiyə şirkətləri öz investisiyaları ilə bu ölkədə biznes sahəsində geniş və mühüm rol oynayırlar. Ermənistan iqtisadiyyatının həcmini nəzərə alsaq, çox qısa zamanda Azərbaycan və Türkiyə şirkətləri bu ölkədə uğur qazanacaqlar.
Ekspert bildirib ki, Bakı ilə İrəvan arasında sülhün və münasibətlərin bərqarar olunacağı təqdirdə Azərbaycan vətəndaşlarının Ermənistanda bizneslə məşğul olması mümkün olacaq:
“Azərbaycan vətəndaşlarının Ermənistanda mənzil və obyekt alması, həmçinin Ermənistan vətəndaşlarının Azərbaycanda daşınmaz əmlaka yatırım qoyması iki ölkə arasında qarşılıqlı şəkildə imzalanacaq sülh müqaviləsindən asılı olacaq.
Son 10-15 il ərzində hər iki ölkənin əhali sayına baxsaq, təbii ki, Azərbaycan əhalisinin artım dinamikası Ermənistandan qat-qat üstündür. BMT-ın hesabatında yaxın zamanda Azərbaycan əhalisinin 12 milyon, Ermənistanda əhalinin 1.5 milyon olacağı deyilir.
Belə olan halda, iki xalqın sülh şəraitində yaşaması mümkün olacağı təqdirdə Azərbaycan vətəndaşları Gürcüstanda olduğu kimi Ermənistanda da mənzillər və obyektlər alacaqlar. Bu da Qərbi Azərbaycandan olan soydaşlarımızın dədə-baba torpaqlarına qayıtmasını mümkün edəcək.
Ermənistan iqtisadiyyatının Rusiyadan asılı olduğunu nəzərə alsaq, Azərbaycan və Türkiyə şirkətlərinin bu ölkədə dominantlıq etməsi mümkündür. Hətta münaqişə illərində belə Türkiyə ilə Ermənistan arasında Gürcüstan üzərində 200 milyon dollar civarında ticarət dövriyyəsi var idi. Ermənistan ilə Türkiyə arasında sərhədlər açılandan sonra qarşılıqlı ticarət dövriyyəsi daha da genişlənəcək.
Qeyd edim ki, Türkiyənin Ermənistanda ciddi oyunçuya çevrilməsi Azərbaycan strateji maraqlarında mühüm yer tutur. Yaxın gələcəkdə Türkiyənin Emənistanda iqtisadi imkanlarının artması Bakı ilə İrəvan arasında münasibətlərin normallaşmasına müsbət təsir göstərə bilər.
Belarusun Vilnüsdəki səfirliyinin nümayəndəsi Litva Xarici İşlər Nazirliyinə çağırılıb.
“Report” xəbər verir ki, Belarus Təhlükəsizlik Şurasının dövlət katibinin birinci müavini Pavel Muraveykonun Litva ilə bağlı sözlərinə cavab olaraq diplomata etiraz notası təqdim edilib.
“Bu bəyanatlar Litvaya açıq hücum təhdidləri kimi başa düşülə bilər ki, bu da tamamilə qəbuledilməzdir”, - Litva Xarici İşlər Nazirliyinin bəyanatında deyilir.
Qeyd edək ki, Pavel Muraveyko sonuncu müsahibəsində bildirib ki, Litva üzərindən güc yolu ilə dəhliz yaradılması dünyada pislənməyəcək. Onun sözlərinə görə, indiki vəziyyət fərqlidir və Minsk artıq Qərbin ciddi təzyiqlərinə müqavimət göstərir.
ABŞ Prezidenti Co Bayden İsrail Baş naziri Binyamin Netenyahu ilə telefon danışığı aparacaq.
APA-nın xəbərinə görə, bu barədə Ağ Ev məlumat yayıb.
Qeyd edilib ki, Co Bayden bu gün Binyamin Netenyahu ilə danışıq aparacaq.
Şimali Koreya lideri Kim Çen In siyasi hakimiyyətin potensial varisi kimi qızı Kim Cu Aeni seçib.
Gununsesi.info “Yonhap” agentliyinə istinadən xəbər verir ki, bu barədə Şimali Koreya Respublikasının birləşmə naziri Kim Yonq Ho bildirib.
Bildirilib ki, Kim Cu Aenin 10 yaşı var. Onun ilk ictimaiyyət qarşısında çıxışı ötən ilin noyabrında atası ilə birlikdə “Hwasong-17” qitələrarası ballistik raketinin buraxılışında olub. Bundan sonra o, dəfələrlə Kim Çen Inla ictimai tədbirlərdə, o cümlədən sentyabrın 8-də KXDR-in yaradılmasının 75-ci ildönümünə həsr olunmuş paradda iştirak edib.