 |
|
|
Ukrayna uduzsa bu, NATO və AB üçün məğlubiyyət olacaq.
TEREF axar.az-a istinadən xəbər verir ki, bunu ABŞ kəşfiyyatının keçmiş zabiti Skot Ritter bildirib.
Onun sözlərinə görə, Ukrayna məğlub olarsa, NATO və AB daxilində dərin parçalanma olacaq ki, bu da onların dağılmasına gətirib çıxaracaq.
O həmçinin qeyd edib ki, Qərb ölkələri Ukraynaya dəstək üçün öz qoşunlarını göndərsələr də, Rusiya ordusu onları məğlub edəcək".
“Qərb nə qədər hər şeyi öz xeyrinə təhrif etməyə çalışsa da, Rusiya öz maraqlarından çıxış etməlidir”.
Bu fikri Rusiya prezidenti Vladimir Putin “Rossiya-1” telekanalında deyib.
“Hər şey həmişə yalnız Qərbin öz maraqlarına uyğun olaraq baş verir. Biz bunu nəzərə almalı və təbii ki, öz maraqlarımızdan çıxış etməliyik. Ancaq unutmayın ki, onlar istənilən vəziyyəti dəyişdirə bilərlər. Bunu öz maraqlarına uyğun şəkildə inkişaf etdirməyə çalışacaqlar. Biz elə etməliyik ki, bu, Rusiyanın maraqlarına uyğun olsun”, - deyə Rusiya prezidenti bildirib.
Rusiya Xarici İşlər Nazirliyinin sözçüsü Mariya Zaxarova rəsmi Vaşinqtonun Krasnoqorskda baş vermiş terror aktı ilə bağlı açıqlamasından narazı qalaraq qarşı tərəfi məlumat verməməkdə suçlayıb.
Bu barədə diplomat teleqramda yazıb.
“Vaşinqtondakı rəsmilər hansı əsasla faciənin ortasında kiminsə təqsirsizliyi ilə bağlı nəticə çıxarırlar? Əgər ABŞ-nin bununla bağlı mötəbər məlumatı varsa və ya olubsa, o zaman o, dərhal Rusiya tərəfinə ötürməlidir”, – o qeyd edib.
Qeyd edək ki, Ağ ev Rusiyada baş vermiş terror aktında Ukrayna və ya ukraynalıların əli olmasında heç bir əlamət görmədiyini açıqlayıb.
Xatırladaq ki, Rusiyanın Moskva vilayətinin Krasnoqorsk şəhərinin “Krokus siti holl” konsert zalında baş vermiş terror aktında onlarla insan ölüb, yüzdən çox insan yaralanıb.
ABŞ və Böyük Britaniya səfirliklərindən öz vətəndaşlarının Moskvadakı ticarət mərkəzlərinə getməməsi ilə bağlı çağırışlar bu ölkələrin xüsusi xidmət orqanlarının mümkün terror aktlarından xəbərdar olduğunu göstərir.
Bunu Serbiya Prezidenti Aleksandr Vuçiç “Prva” telekanalının efirində deyib.
“Martın 7-də Amerika səfirliyi öz vətəndaşlarını ticarət mərkəzinə getməməyə çağırıb. Daha sonra britaniyalılar və başqaları da eyni şeyi etdilər. Bu o deməkdir ki, onların kəşfiyyat xidmətləri müəyyən danışıqlara müdaxilə edib, məlumat alıb və nəyinsə baş verəcəyini biliblər”, - siyasətçi qeyd edib.
Xatırladaq ki, bu gün Moskva vilayətinin “Crocus City Hall” konsert salonunda atışma baş verib. “Crocus City Hall” ticarət mərkəzinə hücum zamanı zərərçəkənlərin sayı 140 nəfərə çatıb. 15 nəfərin isə öldüyü bildirilir.
Mənbə: TASS
NATO-nun qarşısında maksimum vəzifə durur: “Zaqafqaziyada” Rusiyaya qarşı ikinci cəbhə açmaq və ümumiyyətlə “regionu yenidən alovlandırmaq”. “Anadolu” agentliyi xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi ənənəvi brifinqdə bəyan edib.
“Rusiyanın vasitəçiliyi ilə əldə olunan razılaşmalar sözün əsl mənasında Qərbə qırmızı parça təsiri göstərib. Çünki bu, sülhə aparan, qarşılıqlı hörmətə və maraqların qarşılıqlı şəkildə nəzərə alınmasına əsaslanan yol idi”, – deyə XİN nümayəndəsi iddia edib.
Zaxarovanın sözlərinə görə, Rusiyanın “bölgədə sülhə yönəlmiş” siyasəti alyansın maraqlarına cavab vermir.
O, Avropa İttifaqının Ermənistan ərazisindəki müşahidə missiyasından danışaraq, bu missiyanın Rusiya, İran və Azərbaycan qarşı “casusluq” etdiyinə əmin olduğunu bildirib.
“Avropa İttifaqının Ermənistan ərazisindəki missiyası ölkəmizə, İrana, Azərbaycan qarşı casusluq edir. Bunun da faktiki sübutları var. Bu cür dağıdıcı fəaliyyət regionda gərginliyin artmasına gətirib çıxarır və hətta geri dönməz nəticələrə səbəb ola bilər”, – diplomat qeyd edib.
Zaxarova hesab edir ki, Bakı və İrəvan arasında münasibətlərin həlli yolu Rusiya, Azərbaycan və Ermənistan liderlərinin imzaladığı razılaşmalara əməl etməkdən keçir. “Bu üçtərəfli sazişin unikallığı ondan ibarətdir ki, onlar hərtərəfli xarakter daşıyır və bütün ölkələrin maraqlarını nəzərə alan kompleks kompromis həlləri nəzərdə tutur. Çox çətin iş görülüb. Qərbin nöqteyi-nəzərinə görə, onların regionun gələcəyinə öz baxışları olması səbəbindən, bu sazişin nəticələri ən kobud şəkildə pozulmalıdır”, – o, bəyan edib.
Qeyd edək ki, bütün bunları artıq iki ildir ən yaxın qonşusuna qarşı işğalçı müharibə aparan, hər gün Ukraynanın dinc əhalisini məhv edən işğalçı ölkənin rəsmi nümayəndəsi deyir.
Zaxarova soyadlı bu diplomata nə cavab vermək olar? Görünür, o, Qafqazda ərazi və millətlərarası çəkişmələri və mübahisələri səylə hazırlayan və qızışdıran ölkənin məhz Rusiya olduğu ilə bağlı tarixi tamamilə unudub. O, NATO-ya qarşı ittihamlarını hansı sübutlarla əsaslandırır? Bəs Aİ missiyası Ermənistan ərazisindən Rusiyanı necə izləyə bilər? Axı bu ölkələrin sərhədləri nəinki heç bir yerdə bir-biri ilə kəsişmir, hətta onları yüzlərlə kilometr Gürcüstan ərazisi ayırır. Burada Zaxarovanın dediyi faktlar hanı? Heç bir fakt yoxdur. Bəs bu boş bəyanatların məqsədi nədir?
Rusiyalı siyasi ekspert Yeqor Kuroptev (Tbilisi) fikirlərini Pressklub.az-la bölüşüb.
“Düzünü desəm, Mariya Zaxarovanın sözlərini ciddi şərh etmək çoxdan məntiqini itirib. Xüsusən də, bir qədər əvvəl Rusiyada keçirilən qondarma prezident seçkilərinin nəticələrinin necə həyasızcasına saxtalaşdırıldığı nəzərə alınsa. İşğalçı müharibə aparan, analarının və həyat yoldaşlarının məcburən səfərbər edilən qohumlarının taleyi ilə bağlı heç bir məlumat ala bilmədiyi, istənilən sorğuda çoxluğun “müharibəni dayandırın” dediyi ölkədə 87% səs yığılması fantastika deyil, artıq açıq-aşkar həyasızlıqdır. Ona görə də qeyri-legitim prezidentin təyin etdiyi qeyri-legitim Xarici İşlər Nazirliyinin nə deməsi ümumiyyətlə önəmli deyil”, – politoloq hesab edir.
O qeyd edir ki, əslində “ikinci cəbhə” ilə bağlı dezinformasiya uzun müddətdir davam edir. “Təəssüf ki, bu dezinformasiyanın məqsədi həm rusları “Qərbin nə qədər dəhşətli olduğu” ilə qorxutmaq, həm də artıq iki ildir Ukraynanın Rusiyanı zəiflətməsindən istifadə edərək bu közərməkdə olan konflikti ölü nöqtədən tərpətməyə çalışan qonşu dövlətlərə təzyiqlərin artırılması zərurəti yaranarsa, əlinin altında hazır iddia olmasıdır. Əslində Cənubi Qafqaz regionunu bu ölü nöqtəyə ilk növbədə Kreml gətirib çatdırıb.
“İkinci Cəbhə” ilə bağlı yalandan Rusiya ilə niyə iqtisadi sahədə əməkdaşlıq etməli olduğu və müharibə zamanı niyə pul qazandığını izah etməli olan Gürcüstan hakimiyyəti də aktiv istifadə edir.
Putin açıq şəkildə yalan danışırdı ki, onun məqsədi NATO-nun genişlənməməsidir. Axı məhz onun qanlı müharibəsi bu genişlənməyə səbəb oldu. Çünki ölkələr qeyri-legitim hakimiyyəti olan belə gözlənilməz və aqressiv qonşu ilə həmsərhəd olmaqdan qorxurlar”, – Kuroptev qeyd edib.
Rauf Orucov
Hakimiyyət payızda gözlənilən nəhəng beynəlxalq tədbirləri nəzərə alaraq, iyunda parlament seçkilərinə gedə bilər; xalq ilk dəfə bir ildə üç dəfə sandıq başında seçim edəcək - mütəxəssislər və siyasi qüvvələr isə deyirlər ki...
Məlum olduğu kimi, Azərbaycanda sonuncu parlament seçkiləri 9 fevral 2020-ci il tarixində növbədənkənar qaydada keçirilib. “Yeni Müsavat” qeyd edir ki, növbəti parlament seçkilərinin nə vaxt keçiriləcəyi ilə bağlı isə indiyə qədər mətbuatda müxtəlif versiyalar səsləndirilib. Lakin heç bir rəsmi rəy bildirilməyib.
Xatırladaq ki, Azərbaycan Konstitusiyanın 84-cü maddəsinin ikinci bəndinə görə, Azərbaycan Respublikası Milli Məclisinin hər çağırışının seçkiləri beş ildən bir noyabrın birinci bazar günü keçirilir. Bu, o deməkdir ki, seçki 2024-cü ilin noyabrında keçirilməli idi, lakin seçkinin daha tez keçiriləcəyi gözlənilir. Bu mövzuda Azpolitika.info-ya mötəbər mənbələrdən daxil olan məlumata görə, növbəti parlament seçkiləri 2024-cü ilin noyabrı deyil, iyununda keçiriləcək. Bunun səbəbi ölkəmizi bu ildə gözləyən çoxsaylı mötəbər beynəlxalq tədbirlərin sıx qrafikidir.
Həmçinin Azərbaycanda dekabrın 23-də bələdiyyə seçkilərinin keçirilməsi gözlənilir ki, buna da hazırlıq işləri aparılmalıdır və ardıcıl olaraq qısa zaman kəsiyində iki seçki keçirmək, eyni zamanda da böyük beynəlxalq tədbir təşkil etmək həm paytaxtı, həm də bu işlə məşğul olacaq strukturları hədsiz dərəcədə yükləmiş, yormuş olardı. Böyük beynəlxalq tədbir deyərkən, əlbəttə ki, noyabrın 11-dən 24-dək Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29 nəzərdə tutulur. Bu tədbir öz əhəmiyyəti və kütləviliyi ilə xüsusi seçilir. COP29-a dünyanın 5 qitəsindən 80 mindən artıq qonağın gələcəyi gözlənilir. Gələn qonaqlar arasında çoxlu sayda hökumət və dövlət başçıları olacaq. Yəni bu beynəlxalq tədbirin əhəmiyyətini kiçiltmək mümkün deyil və onun təhlükəsizliyi də daxil olmaqla, təşkilatçılıq işləri kifayət qədər böyük vaxt, əmək və resurslar tələb edəcək. Onu da qeyd edək ki, ölkəmizdə keçiriləcək kütləvi beynəlxalq tədbirlər COP29-la məhdudlaşmır, sentyabrda "Formula-1" yarışı da keçiriləcək. Şübhəsiz ki, bu tədbir də ciddi hazırlıq, təşkilat işləri tələb edir.
Bütün yuxarıda qeyd edilənlər nəzərə alınaraq, parlament seçkilərinin noyabrda keçirilməsi məqbul sayılmır. Ona görə də seçkinin daha əvvələ - iyuna təyin ediləcəyi gözlənilir. Mənbələr qeyd edir ki, bu dəfə ölkə parlamenti 2020-ci ilin fevralından fərqli olaraq, özünü buraxmayacaq. Bu praktikanı təkrar etməmək qərara alınıb. Ona görə də Milli Məclisin ölkə başçısının müvafiq qərarı ilə buraxılacağı gözlənilir. Konstitusiyanın 98-ci maddəsində də Prezidentin parlamenti buraxmaq səlahiyyətinə malik olduğu təsbit edilib. Həmin maddəyə görə, Milli Məclisin eyni çağırışı bir il ərzində iki dəfə Nazirlər Kabinetinə etimadsızlıq göstərdikdə və ya Konstitusiya Məhkəməsi, Ali Məhkəmə və Mərkəzi Bank İdarə Heyətinin kollegial fəaliyyəti üçün zəruri olan sayda üzvlüyə namizədlərini Prezident tərəfindən iki dəfə təqdim edildikdən sonra, qanunla müəyyən edilmiş müddətdə təyin etmədikdə Prezident parlamenti buraxır. Bundan başqa, konstitusiyanın 94-cü (Azərbaycan Respublikası Milli Məclisinin müəyyən etdiyi ümumi qaydalar) və 95-ci (Azərbaycan Respublikası Milli Məclisinin həll etdiyi məsələlərin) maddələrində, 96-cı (Qanunvericilik təşəbbüsü hüququ) maddəsinin II, III, IV və V hissələrində, 97-ci (Qanunların imzalanmaq üçün təqdim olunması müddəti) maddəsində göstərilən vəzifələrini aradan qaldırıla bilməyən səbəblər üzündən icra etmədikdə Prezident Milli Məclisi buraxır.
Daha dəqiq desək, konstitusiyaya görə, Milli Məclisə təqdim edilən layihələrə 20 gün ərzində baxılmazsa və 14 gün müddətinə təsdiq olunmazsa, Prezident parlamenti buraxa bilər. Göründüyü kimi, bütün bunlar texniki məsələlərdir və böyük ehtimalla ölkə başçısının parlamentin buraxılması barədə qərarından öncə həmin şərtlər təmin olunacaq. Kəsəsi, beynəlxalq tədbirlər, o cümlədən dekabrda bələdiyyə seçkilərinin olacağı nəzərə alınaraq, bu ilin iyununda parlamentə növbəti seçkilərin keçiriləcəyi istisna edilmir. Bununla da Azərbaycanda bir ildə üç seçki keçirilmiş olacaq. Yada salmaq yerinə düşər ki, fevralın 7-də prezident seçkisi olub. Yəni bir il ərzində ilk dəfə bütöv Azərbaycanda həm prezident, həm parlament, həm bələdiyyə seçkiləri keçirmiş olur. Bəs mütəxəssislər necə qiymətləndirirlər: hakimiyyət payızda gözlənilən toplantılar səbəbindən seçkiləri iyunda keçirə bilərmi, budəfəki MM seçkiləri nə ilə fərqlənəcək?
REAL Partiyasının Siyasi Komitəsinin üzvü Natiq Cəfərlinin bu məsələdə öz yanaşmaları var. Partiya rəsmisinin “Yeni Müsavat”a bildirdiyinə görə, qanunvericilik və konstitusiyaya baxsaq, bəli, noyabrın ilk bazar günü Milli Məclisə seçkilər keçirilməlidir: “Ondan gec ola bilməz, lakin ondan tez mümkündür. Ona görə hakimiyyətin seçkiləri əvvələ çəkəcəyini istisna etmirəm. Sadəcə, bir ehtimal ondan ibarətdir ki, çoxdan gözlənilən konstitusiya islahatları aparılarsa, o zaman keçici maddə kimi seçkiləri gələn ilin fevralına saxlamaq da mümkündür. Yəni o mətnin dəyişdirilməsi və seçki müddətində gələn ilə saxlanması istisna deyil. Amma bunun üçün referendum olmalıdır”.
N.Cəfərli hesab edir ki, əgər referendum olmayacaqsa, o zaman bu konstitusiya tələb edir ki, parlament seçkiləri bu il keçirilsin: “Sizin də qeyd etdiyiniz beynəlxalq tədbirləri nəzərə alsaq, o halda, iyun-iyul ayları seçkilər üçün daha məntiqli dövrdür. Ancaq zaman da azalır, martı başa vurmaqdayıq, qarşıda aprel-may ayları qalır. Digər tərəfdən, bundan əvvəl də parlament seçkiləri növbədənkənar keçirilmişdi. Həmin Milli Məclisin buraxılması dövrlə ayaqlaşa bilməməsi, qüsurları ilə əlaqələndirilmişdi. İndi də parlament seçkiləri önə çəkilsə, ən azı 6-7 ay tez baş tutsa, növbədənkənar keçirilmiş sayılacaq. Bəs, iqtidar bu dəfə erkən keçirilməsini necə izah edəcək? Çünki Milli Məclisə seçkilərin ard-arda növbədənkənar keçirilməsi, Milli Məclisin buraxılması qanunverici orqanın reputasiyasına da, iqtidar üçün də yaxşı görünməz. Ona görə, zənnimcə, konstitusiya islahatları aparılması labüddür. Ölkənin qanunvericiliyində dəyişikliklər olmasa yeni vizion yaratmaq çətindir”. REAL rəsmisinin sözlərinə görə, əgər konstitusiya dəyişiklikləri olarsa, bunu müxalifət qüvvələri də dəstəkləyə bilər.
Prezidentliyə keçmiş namizəd Fuad Əliyevin sözlərinə görə, noyabrdan əvvəl seçkilər keçirilməsi vaxtla izah oluna bilər: “Təbii ki, hətta bir həftə tez keçirilməsi belə növbədənkənar seçki adlanacaq. Amma məsələyə bu aspektdən yanaşmaq da doğru olmaz. Milli Məclisin buraxılması noyabrda keçiriləcək mötəbər tədbirlə əlaqələndirilə bilər ki, zaman azdır, bir az irəli də çəkməsək, onda qanunvericiliyi pozmuş olarıq. İndi hansı daha yaxşıdır? 5-6 ay əvvəl seçki keçirmək, yoxsa konstitusiyaya zidd addım atıb gələn ilə saxlamaq? Hər halda, birincidə heç bir konstitusiya pozuntusu olmayacaq. Yalnız bir şərtlə gələn il ola bilər ki, parlament noyabrın ilk bazar gününə qədər özünü buraxır, yeni seçki təyin olunur, lakin keçirilməsi 2025-in fevralında baş tutur. Ancaq burada da yenə problem meydana çıxır. Ona görə, fikrimcə, bu ilin iyununda, yaxud avqust-sentyabr arasında seçki keçirilə bilər. Çünki COP29 hələ noyabrda olacaq. Amma Türkiyə nümunəsi də var - eyni gündə, yəni dekabrın 23-də xalq bələdiyyələrə üzvləri də, parlamentə yeni deputatları da seçə bilər”. F.Əliyev parlament seçkilərində iştirak etmək niyyətindədir: “İlk dəfə azad edilən ərazilərdə həm də deputatlığa seçkilər olacaq. Biz Zəfər parlamentinin seçkilərini keçirməliyik. Düşünürəm ki, fərqli bir Milli Məclis və tərkib görəcəyik. Amma iyunla bağlı qəti fikir bildirmək çətindir, çünki ictimai rəyə bununla bağlı hər hansı informasiyalar ötürülmür".
“Yeni Müsavat”
ABŞ Rusiya prezidenti Vladimir Putini ölkədə keçirilən prezident seçkilərində qələbəsi münasibətilə təbrik etməyi planlaşdırmır.
Azpost.info bildirir ki, bu bəyanatla martın 18-də ABŞ Dövlət Departamentinin mətbuat katibinin müavini Vedant Patel çıxış edib.
“Amerika Birləşmiş Ştatlarından heç bir təbrik olmayacağını əminliklə söyləmək olar” -deyə o vurğulayıb.
Qeyd olunub ki, Vaşinqton Rusiyada keçirilən prezident seçkilərini azad və ədalətli hesab etmir.
Avropa Birliyi ölkələri də seçkinin nəticələrindən narazılıqlarını bildiriblər.
Azərbaycan-NATO tərəfdaşlığının 30 ildən artıq davam edən uzun tarixi var.
Bunu Azərbaycan Respublikasının Prezidenti İlham Əliyev NATO-nun Baş katibi Yens Stoltenberq ilə mətbuata bəyanatında bildirib.
Azərbaycanın Kosovoda və Əfqanıstanda sülhməramlı əməliyyatlarda iştirak etdiyini xatırladan dövlətimizin başçısı bildirib: “Bu, bizim üçün böyük təcrübə olub. 2021-ci ilin axırında Əfqanıstanı tərk edən sonuncu müttəfiq qüvvələr bizim hərbi qulluqçularımız olmuşlar. Bu isə bir daha bizim əməkdaşlığımıza güclü sadiqliyimizi nümayiş etdirir”.
İranın Azərbaycandakı səfiri Seyid Abbas Musəvi Baku.TV televiziyasına müsahibəsində Novruz bayramınadək (martın 22-dək-red) Azərbaycan və İran Prezidentləri İlham Əliyev və İbrahim Rəisinin tarixi Xudafərin körpüsünün yerləşdiyi Cəbrayıl rayonu ərazisində, İranla sərhəddə Araz çayı üzərində iki ölkənin müştərək tikdiyi “Xudafərin” və “Qız Qalası” hidroqovşaqlarının və su bəndlərinin açılış mərasimində iştirak edəcəyini bildirib.
Martın 16-da səfir Abbas Musəvi həmçinin Azərbaycan Prezidentinin köməkçisi Hikmət Hacıyevlə görüşüb.
“Biz Cənubi Qafqaz regionunda baş verən son hadisələri və ikitərəfli əlaqələri nəzərdən keçirdik. İki qonşu dövlət arasında yeni dövrün açılmasının vacibliyini vurğuladıq”, səfir Musəvi X Platformasında qeyd edib.
Azərbaycan tərəfi görüşlə bağlı hələ məlumat yaymayıb.
Araz çayı üzərində "Xudafərin” və "Qız Qalası” hidroqovşaqlarının və su elektrik stansiyalarının tikintisinin tarixçəsi keçmiş SSRİ dövrünə təsadüf edir. 1988-ci ildə SSRİ və İran arasında iqtisadi, ticarət və elmi-texniki əməkdaşlıq haqqında uzunmüddətli Saziş bağlanıb və həmin Sazişə əsasən "Xudafərin” və "Qız Qalası” hidroqovşaqlarının tikintisi və istismarı üzrə qarşılıqlı razılıq əldə edilib.
Azərbyacan əraziləri erməni silahlı qüvvələrinin nəzarətinə keçəndən, yəni 1993-cü ildən sonrakı dövr ərzində hidroqovşaqların və su elektrik stansiyalarının tikintisi üzrə işlər İran tərəfindən aparılıb. 2016-cı ilin fevralında Azərbaycan və İran Hökumətləri arasında Araz çayı üzərində "Xudafərin” və "Qız Qalası” hidroqovşaqlarının və su elektrik statnsiyasının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş imzalanıb.
Sazişdə Azərbaycan və İranın suverenliyi və ərazi bötüvlüyünə hörmət prinsipləri bəyan edilib, hər iki tərəfin "Xudafərin" və "Qız Qalası" hidroqovşaqları boyu bütün su və enerji ehtiyatlarına bərabər hüquqları vurğulanıb.
İkinci Qarabağ müharibəsi zamanı, 2020-ci il sentyabrın 27-dən noyabrın 10-dək döyüş əməliyytaları nəticəsində Azərbaycan Ordusu Azərbaycanın İranla beynəlxalq səviyyədə tanınan bütün sərhədlərini nəzarətə götürürüb. Beləliklə “Xudafərin” və “Qız Qalası” hidroqovşaqları ilə bağlı yeni situasiya yaranıb.
Hazırda iki ölkənin sərhədindəki Araz çayı üzərində 1,612 milyon kubmetr su tutumu olan “Xudafərin” və 56.75 milyon kubmetr su tutumuna malik “Qız Qalası” hidroqovşaqlarına aid bəndlərin tikintisi başa çatmaq üzrədir.
Rəsmi məlumatlara görə, Azərbaycan tərəfi üçün qoyuluş gücü 100 MVt olan “Xudafərin” və 40 MVt olan “Qız Qalası” su elektrik stansiyaları və hidroqovşaqlarının istismara verilməsi nəticəsində illik 358 milyon kVt·st elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 12 min hektar yeni əkin sahələrinin suvarılması təmin ediləcək.
Onu da qeyd edək ki, İkinci Qarabağ müharibəsindən sonra İran-Azərbaycan münasibətlərində gərginlik yaranıb. Müharibədən sonra İran Azərbaycanla, Azərbaycan isə qarşılıqlı olaraq İranla sərhəddə hərbi təlimlər keçirib. İran rəsmiləri Azərbaycana qarşı hədələyici bəyanatlarla çıxış edib.
2023-cü il yanvarın 27-də Azərbaycanın Tehrandakı səfirliyinə silahlı basqın olub, nəticədə diplomatik missiyanın təhlükəsizlik xidmətinin rəhbəri həlak olub, daha iki mühafizəçi yaralanıb.
Azərbaycan prezidenti İlham Əliyev silahlı basqını terror aktı kimi qiymətləndirib.
Bununla yanaşı son aylarda iki ölkənin xarici işlər nazirləri problemlərin həlli istiqamətində çoxsaylı telefon danışıqları aparıb. İran xarici işlər naziri Azərbaycan Prezidenti, Azərbaycan xarici işlər naziri isə İran Prezidenti tərəfindən qəbul edilib. İki ölkənin rəsmiləri qarşılıqlı səfərlər edib.
Ötən ildən başlayaraq Azərbaycan və İran sərhəd-keçid məntəqlərinin, körpülərin, İran ərazisi vasitəsi ilə Azərbaycanla onun Naxçıvan Muxtar Respublikasını birləşdirəcək dəmir və avtomobil yollarının tikintisi barədə razılıqlar əldə edib.
NATO Baş katibi Yens Stoltenberqin Azərbaycana səfəri başlayıb.
Bu barədə NATO-nun "X" hesabında paylaşım edilib.
Qeyd edilib ki, NATO Baş katibi Azərbaycandan sonra Gürcüstan və Ermənistana səfər edəcək.
Stoltenberq səfər çərçivəsində rəsmi şəxslərlə görüşəcək, Azərbaycanla Şimali Atlantika Alyansı arasında əməkdaşlıq məsələlərini müzakirə edəcək.