ABŞ Nümayəndələr Palatası gələn həftə hökumətin bağlanmasının qarşısını almaq üçün səylərini artırıb. Bir çox Respublikaçı qanunverici federal xərclərin azaldılması ilə bağlı uğursuzluğa görə partiyalarının rəhbərliyi ilə qarşıdurmaya hazıdır.

Müvəqqəti qanun layihəsi dekabrın 20-dək hökumət əməliyyatları üçün illik maliyyələşdirmənin cari səviyyəsini təxminən 1,2 trilyon dollar səviyyəsində saxlayır. Bu, noyabrın 5-də keçiriləcək prezident seçkilərinə bir neçə həftə qalmış minlərlə federal işçinin müvəqqəti işdən çıxarılmasının və geniş spektrli dövlət xidmətlərinin bağlanmasının qarşısını alacaq.

Nümayəndələr Palatasının spikeri Mayk Conson Nümayəndələr Palatasında cüzi çoxluğa malik Respublikaçılar Partiyası daxilində müxalifətə qalib gəlmək üçün Qaydalar Komitəsindən yan keçərək qanunvericiliyi qəbul etmək üçün parlament manevrindən istifadə etməyi planlaşdırır.

O, uğur qazansa, demokratların çoxluq təşkil etdiyi Senat da qanun layihəsini çərşənbə günü səsə qoyaraq imzası üçün prezident Co Baydenə göndərmək niyyətindədir.

Nümayəndələr Palatasının əhəmiyyətli sayda Respublikaçısının tədbirin əleyhinə səs verəcəyi gözlənilir. Daha əvvəl prezidentliyə namizəd Donald Tramp qanun layihəsinin qəbulu ilə federal seçkilərdə vətəndaş olmayanların səs verməsinə qarşı mübahisəli qadağanın rəsmi təsdiqi olmasa halda hökumətin bağlanmasınıı müdafiə edəcəyini deyib.