“ABŞ-nin iştirakı olmadan verilən təhlükəsizlik zəmanəti gerçək deyil. Mən Avropanın ölkəmizin təhlükəsizliyinin əsas qarantı ola biləcəyi barədə fikirlər eşidirəm, lakin orada hər zaman buna “yox” cavabı verilir”.

Bunu “The Guardian“a müsahibəsində Ukrayna prezidenti Vladimir Zelenski deyib.

O bildirib ki, Avropa ABŞ prezidenti Donald Trampın ölkəsinə dəstəyi dayandırmasından yaranan boşluğu təkbaşına doldura bilməyəcək.

V. Zelenski eyni zamanda ABŞ-dən olan şirkətlərə ölkəsinin bərpası və investisiyalar üçün sərfəli müqavilələr təklif edəcəyini açıqlayıb.

Ukraynanın dövlət başçısı tərəfdaşların onlara nüvə silahı və raketlər verməli olduğuna diqqət çəkib:

“Bizi hər növ raketlərdən yalnız “Patriot” xilas edə bilər. Lakin hətta o belə təhlükəsizliyimizi yetərincə təmin edə bilməz. Ukraynaya kömək edənlər onu yerli iş adamları ilə birlikdə bərpa etmək imkanı qazanır. Bütün bu məsələlərin müzakirəsinə hazırıq. Nüvə silahımızı qaytarın, bizə raketlər verin və milyonlarla şəxsi heyətə malik ordumuza maliyyə məsələlərində dəstək olun. Xalqımızın sabitlik içərisində yaşaması üçün öz kontingentinizi ölkəmizin buna ən çox ehtiyacı olan ərazilərinə yerləşdirin”, – deyə Ukrayna lideri fikirlərini tamamlayıb.

"ABŞ üçün əsas məsələ İsrailin təhlükəsizliyidir. Bu çərçivədə razılaşmanın əsas motivi İranın nüvə silahı istehsal etməməsidir. Bunun qarşılığında İrana yönəlik embarqo, sanksiyaların mərhələli şəkildə aradan qaldırılması kimi proseslər gündəmə gələ, habelə, Tehrandan Livan, Fələstin, Suriyadakı proseslərə müdaxilə etməsinin dayandırılması tələb oluna bilər".

Bunu Qaynarinfo-ya açıqlamasında QAFSAM sədrinin müavini Nazim Cəfərsoy ABŞ prezidenti Donald Trampın İranla razılaşmanın əldə olunacağı barədə verdiyi optimist fikirlərini şərh edərkən deyib.

Nazim Cəfərsoy bildirib ki, Barak Obama adminstrasiyası dövründə əldə olunmuş razılığa əsasən, İran uranın zənginləşdirilməsindən vaz keçməli idi:

"Bunun qarşılığında İrana tətbiq edilən sanksiyalara münasibətdə yumşalmalar baş verməli idi. Bu istiqamətdə müəyyən proses gedirdi. Ancaq Tramp 2016-cı ildə birinci dəfə hakimyyətə gələndən sonra razılaşmanı ləğv etdi və ondan çıxdı. İranda bu fonda uranın zənginləşməsi prosesini davam etdirdi. Bayden adminstrasiyası dövründə də proses mövcud şəkildə davam etdi. Baydenin İran siyasəti daha çox müzakirələrdən yana idi. Trampın yenidən gəlişi ilə isə mənzərə dəyişib. Çünki Tramp biznesmensayağı müzakirə texnikasını ortaya qoyur. Onun bir tərəfdən əsas məqsədi İranın nüvə silahı əldə etməsinə qarşı çıxmaqdır. Bunun üçün də sanksiyalar başda olmaqla müxtəlif vasitələrdən istifadə etməyi qarşısına məqsəd olaraq qoyub".

Ekspert bildirib ki, məqsəd İranı nüvə silahı yaratmaqdan uzaqlaşdırmaq olduğundan, Tramp tərəfindən müzakirə taktikası da ortaya atılır:

"Yəni bununla demək istəyir ki, anlaşa bilsək proses irəliyə doğru gedə bilər. Anlaşma baş vermədikdə isə Tramp İrana yönəlik fərqli sanksiyaları tətbiq edəcəyini, təzyiqi artıracağını bəyan edir".

Həmsöhbətimiz bununla yanaşı bildirir ki, hələlik Trampın dediklərilə bağlı ortada hər hansı bir müzakirə yoxdur:

"Trampın bu açıqlaması ərəfəsində Xamenei də bildirib ki, müzakirələrin heç bir xeyri yoxdur və yaxşısı müzakirə etməməkdir. Yəni bu iki açıqlamalar iki məqamdan xəbər verir. Hələ ki, ortalıqda hər hansı bir müzakirə yoxdur. İkincisi, tərəflər müzakirə olacaqsa ona yönəlik öz mövqelərini gücləndirmək üçün manevr imkanlarını artırmağa çalışacaqlar".

Qeyd edək ki, "Fox News"un məlumatına görə, ABŞ prezidenti Donald Tramp İranla nüvə sazişi ilə bağlı razılığa gələcəyinə inanır: "Düşünürəm ki, İranla bağlı razılaşma əldə edəcəyik. Onlara zərər dəyməyəcək".

ABŞ prezidenti hesab edir ki, İranın hava hücumundan müdafiəsi əsasən fəaliyyətsizdir və bu onu daha həssas edir və danışıqlar masasına əyləşməyə hazırdır: "Düşünürəm ki, onlar əsəbidir, qorxurlar".

Ukraynada orduda xidmətə görə pul veriləcək.

Bu barədə Ukrayna Prezidenti Volodimir Zelenski məlumat yayıb.

“UNİAN”ın “Telegram” kanalında paylaşdığı videoda Zelenski səfərbərliyinə yaşına çatmayan, lakin hərbi xidmətə getmək istəyən şəxslərə 24 min dollar pul ödəniləcək və digər imtiyazlar veriləcək.

“Mənə elə gəlir ki, müqavilə əsasında bir il hərbi xidmət keçmək istəyənlər üçün yaxşı təklifdir. Bu, bir il üçün nəzərdə tutulan müqavilədir, amma istəsələr, müddəti uzada bilərlər”, – Ukrayna Prezidenti qeyd edib.

O, həmçinin onu da əlavə edib ki, müqavilə bitəndə gənclər istədikləri ali məktəbə imtahansız qəbul oluna və ödənişsiz əsaslarla təhsil ala biləcəklər. Hətta həmin şəxslərə faizsiz ipoteka krediti də veriləcək./globalinfo.az

ABŞ Prezidenti Donald Tramp sabiq dövlət katibi Antonii Blinken və milli təhlükəsizlik məsələləri üzrə sabiq müşavir Ceyk Sallivanın məxfi informasiyalarla tanış olmaq üçün icazələrini ləğv edib.
APA-nın xəbərinə görə, bu barədə Reuters məlumat yayıb.

Bundan əvvəl Donald Toramp sabiq prezident Co Baydenin anoloji icazəsini ləğv etdiyini açıqlamışdı.

Xatırladaq ki, 2021-ci ildə prezident olduğu dönəmdə Co Bayden birinci prezidentlik dövrü başa çatmış Donald Trampın məxfi informasiyalara dair icazəsini ləğv etmişdi.

Rusiya Xarici İşlər Nazirliyinin rəsmi nümayəndəsi hesab edir ki, Baltikyanı ölkələrin Belarus, Rusiya, Litva, Latviya və Estoniyanın vahid enerji sistemindən (BRELL) ayrılması çiçəklənmək üçün hər cür imkana malik olan dövlətlərin və xalqların məhv edilməsi prosesini davam etdirir.

Mariya Zaxarova Avropa Komissiyasının rəhbəri Ursula fon der Leyenin Baltikyanı ölkələrin hərəkətlərini “təhdidlərdən və şantajdan azad olmaq” kimi xarakterizə edən bəyanatına şərhində bu hadisənin dərin nəticələri olduğunu deyib.

Pribaltikada elm və təhsildən azad olmaq, suverenlik və inkişaf artıq baş verib.

Diplomat qeyd edib ki, bu, vaxtilə firavanlıq və müstəqillik üçün bütün ilkin şərtlərə malik olan ölkələrin və xalqların məhv edilməsinin məntiqi davamıdır.

“ABŞ-də 1961-ci ildə qurulan USAID-in ləğvindən söhbət gedə bilməz”.

Bunu TNS-ə Vətəndaşların Əmək Hüquqlarını Müdafiə Liqasının sədri Sahib Məmmədov deyib.

Q qeyd edib ki, bu təşkilat qanun əsasında fəaliyyət göstərir və onu ləğv etmək ABŞ Konqresinin səlahiyyətinə aid ola bilər: "USAID ABŞ Konqresinin qəbul etdiyi xarici yardım haqqında akta əsasən yaradılıb. Onun illik büdcəsi ABŞ-nin federal büdcəsinin bir faizini təşkil edir. Nəzərə alsaq ki, bu il 7 trilyona yaxın ABŞ dövlət büdcəsi olub, bu da 70 milyard pul edir. Hər halda onun illik xərcləri 40-50 milyard dollar arasında dəyişir. Həmin vəsait dünyanın ən az 150 ölkəsinin dövlət büdcəsindən çoxdur. Bu, nəhəng bir qurumdur və yüzdən artıq ölkədə fəaliyyət göstərir. ABŞ qanunvericilik sistemində xarici yardımlar haqqında akta əsasən belə bir qurum olmalıdır. Digər tərəfdən, bu təşkilatla bağlı son illər çox çirkli proseslər baş verirdi. USAID-in humanitar yardım adı altında üçüncü ölkələrdə inqilablar, fəlakətlər törədilib, qarşıdurmalar yaradılıb, hakimiyyətlər dəyişdirilib. Son dövrlərdə isə ora bir rəhbər təyin olunmuşdu (Samanta Pauer-red). O, USAID-in vəsaitlərini şəxsi məqsədləri üçün xərcləyirdi. Məsələn, Ermənistan lobbisinə sıx bağlı idi və Ermənistana USAID-nin yardımlarını 120 milyondan bu il 250 milyona qaldırmışdı. Ukraynaya müxtəlif dövlət və qeyri-hökumət təşkilatları xətti ilə 288 milyon yardım edilmişdi. Onun maliyyələşdirdiyi bədnam təşkilatlar var idi".

Ekspertin sözlərinə görə, ABŞ bu təşkilatdan imtina etsə, onun dünyada nüfuzuna çox ciddi zərbə dəyər: "Hazırda onun fəaliyyəti dondurulub. qurumun vəzifəsi ABŞ dövlət katibinin üzərinə qoyulub. O da öz nümayəndəsini ora təyin edib. Yəqin ki, orada söhbət təşkilatın tamamilə ləğvindən getmir. Ola bilsin ki, fəaliyyət istiqamətlərinin qismən və yaxud əsaslı dəyişdirilməsindən söhbət gedir. Bundan başqa, idarəetmə forması və ya adı da dəyişə bilər. Amma özü bir qurum olaraq yəqin ki, fəaliyyətini davam etdirəcək. Təşkilata yəqin ki, Prezident Donald Tramp daha çox respublikaçıları cəlb edəcək. Respublikaçılar gedəndən sonra demokratlar nə vaxt qayıtsalar, yenidən öz qaydalarını tətbiq etməyə çalışacaqlar. Beləliklə, biz USAID-in ləğvindən yox, hazırda orada baş verən korrupsiya və digər cinayətlərin araşdırılması üçün işlərin aparılmasından danışmalıyıq".

Ermənistan fevralın 7-də Moskvada keçiriləcək Kollektiv Təhlükəsizlik Müqaviləsi Təşkilatına (KTMT) üzv dövlətlərinin parlament komitələri rəhbərlərinin iclasında iştirak etməyəcək.

“Report” erməni KİV-ə istinadən xəbər verir ki, bu barədə ölkə parlament sədrinin mətbuat katibi Movses Arutyunyan məlumat verib.

"Ermənistan tərəfi KTMT-yə üzv dövlətlərin parlament komitələri rəhbərlərinin iclasında iştirak etməyəcək", - o bildirib.