 |
|
|
Son illər karyerasında xoşagəlməz hallar yaşanan aktyor Alek Bolduin yenidən gündəmə gəlib.
Paralel.az xəbər verir ki, 2021-ci ilin payızında film çəkilişi meydançasında faciə yaşayan Bolduin təsadüfən operator Qalina Hatçinsi vurub. Aktyora verilən saxta tapança hələ də açıqlanmayan səbəblərə görə həqiqi güllələrlə dolu olub. Təbii ki, iş məhkəməyə gedib və uzunmüddətli dram janrına çevrilib. İttihamlar sonda götürüldü.
Daha sonra Bolduinin həyat yoldaşı etiraf edib ki, aktyor qətl qalmaqalı səbəbindən intihar etmək istəyib. O, vida məktubu belə yazıb.
“The Baldwins” realiti-şousunun son buraxılışında aktyor karyerasını bitirmək barədə ciddi düşündüyünü etiraf edib. Ulduz bildirib ki, insanlar ondan əsərlərdə hər hansı bir layihəsi varmı deyə soruşduqda cavab onları təəccübləndirir:
"Mənim işim uşaqlarımı böyütməkdir" deyən aktyor bildirib ki, ailəsi ilə vaxt keçirtməyə üstünlük verir.
Aktyor şouda deyib ki, övladları gün keçdikcə ondan daha çox pul istəyirlər.
Qeyd edək ki, 2012-ci ildə evlənən cütlük 11 yaşlı Karmen, 9 yaşlı Rafael, 8 yaşlı Leonardo, 6 yaşlı Romeo, 4 yaşlı Mariya, 3 yaşlı Eduardo və 2 yaşlı İlariyanın valideynləridir. Bundan başqa, aktyorun keçmiş həyat yoldaşı Kim Beysinqerdən İrlandiya adlı böyük qızı var.(axşam.az)
Türkiyənin məşhur "Deha" serialının çəkilişləri zamanı bədbəxt hadisə baş verib.
Musavat.com xəbər verir ki, baş rol ifaçısı Aras Bulut İynemlinin ayağı burxulub və topuqdan sınıb.
İynemli bu gün əməliyyat olunub. Məşhur aktyor əməliyyatdan sonrakı ilk şəklini sosial şəbəkədə paylaşıb. Əməliyyat olunan İynemlinin bir müddət evində dincələcəyi və ən qısa zamanda çəkiliş meydançasına dönəcəyi öyrənilib.
"Allah məni ən pis şeylərdən qorusun. Keçmiş olsun diləklərinizə görə çox sağ olun",-deyə aktyor paylaşımında qeyd edib.
Qeyd edək ki, 33 yaşlı Aras Bulut İynemli Türkiyədə son illərin ən populyar aktyorlarından biridir. O, "Çukur", "Muhteşem Yüzyıl: Kösem", "Maral: En Güzel Hikayem" kimi məşhur seriallarda rol alıb. Hazırda isə rejissorluğunu Umut Aralın həyata keçirdiyi, ssenarisini Damla Serimin yazdığı "Deha" serialında "Devran Karan" obrazını canlandırır.
Musavat.com
Sevimli Novruz Bayramı ənənəvi olaraq ölkəmizin bütün güşələrində olduğu kimi paytaxtımız Bakı şəhərində də geniş qeyd edilir. Bununla əlaqədar paytaxtın bütün rayonlarında bayram şənlikləri və konsert proqramları təşkil edilib. Bu şənliklər öz kütləviliyi ilə seçilib.
Ənənvi bayram tədbirləri Bakı şəhərinin Xətai və Yasamal rayonlarında Heydər Əliyev Fondunun Vitse-prezidenti, İDEA İctimai Birliyinin təsisçisi və rəhbəri Leyla Əliyevanın təşəbbüsü ilə “Bizim həyət” layihəsi çərçivəsində yaradılan məhəllələrdə qeyd edilib.
Məhəllə sakinləri, ağsaqqallar, şəhid ailələrinin üzvləri, qazılər Bayrami yüksək sevinc hissi ilə qeyd ediblər. Bayramda Novruz atributları, milli mətbəximizin və geyimlərimizin nümunələri nümayiş etdirilib, kəndirbazlar və pəhləvanlar öz məharətini göstərib, müğənnilər müxtəlif mahnılar səsləndirib, Kosa, Keçəl və Bahar qızı toplaşanları şənləndirib və Bayram tonqalının ətrafında sakinlərlə birgə rəqs ediblər.
Qeyd edilməlidir ki, son illərdə paytaxtda 400-ə yaxın abadlaşdırılmış həyətlər yaradılaraq sakinlərin istifadəsinə verilib. Burada sakinlərin istirahəti üçün hər cür şərait vardır. Novruz ərəfəsində Abad məhəllələr bayramsayağı bəzədilib, səməni, Novruz şirniyyatları olan süfrələr açılıb, bayram abu-havası yaradılıb.
“Partkom”la rejissorun davası, üstü açılan sevgi macərası, bir şillənin qəzəbi
1985-ci ildə çəkilib. Bu ilin yubilyar filmlərindəndir, 40 yaşı olur. Filmlərin də insanların da sevildiyi, dostluqların təmənnasız, yoldaşlığın sədaqətli olan vaxtların filmidir.
Ssenari xalq yazıçısı Mövlud Süleymanlınındır. “Bəylik dərsi” ssenarisinin də müəllifidir. “Köç” romanı 1995-ci ilin “Ən yaxşı romanı” olub. Dediyim odur ki, ssenari müəllifi balaca ad deyil, xalq yazıçısıdır, amma ssenarinin film üçün yararsız - yəni maraqsız olması ilə bağlı çox söz-söhbətlər gəzib. O söz-söhbətlərin səbəbinə də qayıdacağıq...
Hələlik onu deyim ki, söhbətimiz “Bəyin oğurlanması” filmi barədədir.
Müəllif bu ssenarini müğənni Sərxan Sərxan üçün yazıbmış. Yəni baş rolda, həm də bəy rolunda Sərxan özü oynamalı imiş. Həm də obraz kifayət qədər böyük olub, Sərxan Sərxan öz mahnılarını da ifa edəcəkmiş. Bir sözlə, film onun üzərində qurulmalı idi. Filmin çəkilişi isə rejissor Tofiq İsmayılova həvalə edilib. Hətta aktyorlar seçilib, bəzi çəkilişlər belə olub.
Görünür, “Azərbaycanfilm” kinostudiyasının rəhbərliyimi, nazirlikmi birdən qərarı dəyişiblər. Sərxan Sərxan heyətdən çıxarılıb. Gedib işinin arxasınca Moskvaya. Rejissor Tofiq İsmayılov da baş götürüb Türkiyəyə gedib. Yazılmış ssenari havada qalmasın, hayıfdır deyə, çağırıb veriblər film çəkmək üçün can yandıran iki gənc rejissora. Gənc deyəndə ki, orta yaşlarında olublar, artıq “Mozalan” satirik kinojurnalında özlərini təsdiq etmişdilər, kino çəkməyə hazır idilər, imkan yaradan yox idi. Bizim kinonun belə bir bəlası var - əvvəl film vermirlər ki, hələ gəncdilər, o vaxt verirlər ki, onda da artıq adamın qatarı getmiş olur - təcrübəsiz yaşlanır. Rəhmətlik Ceyhun Mirzəyevlə Vaqif Mustafayev üçün bu ssenari göydəndüşmə idi, amma istədikləri ssenari deyildi...
Ssenari də neynəsin, yazıldığı məqsəd-məram kiminsə hikkəsininmi, eqosununmu qurbanı olub, qalıb ortada məqsədsiz-məramsız. Binəva ssenari düşüb kinostudiya rəhbərliyinin dəyişdiyi – Cəmil Əlibəyovun getdiyi, Eyvaz Borçalının gəldiyi vaxtlara.
İki gənc rejissor ssenarini oxuyub, başlayıblar aktyor seçimlərinə. Ən tanınmış, peşəkar aktyorları dəvət ediblər ki, onların hesabına ssenaridən bir nəsnə çıxartsınlar ortaya. O vaxtlar elə idi, əsas aktyor idi.
Bir filmdə ki Həsənağa Turabov, Nəsibə Zeynalova, Mirzə Babayev, Muxtar Manıyev, Firəngiz Mütəllimova, Vidadi Həsənov, Şamil Süleymanov vardı, o kino olmasa da, kinoya çevriləcəkdi. Hələ tanınmasa da, istedadlı və yaraşıqlı aktyor Füzuli Hüseynov da Sərxan Sərxana qismət olmayan bəy roluna çəkilirdi. Onu Ceyhun Mirzəyev dəvət edəndə rol kifayət qədər böyük idi ssenaridə. Füzuli Hüseynov o vaxta qədər bir neçə filmin sınaqlarına dəvət edilib, amma təsdiq edilməyibmiş. Aktyor belə hal-qəziyyəni Ceyhun Mirzəyevə danışıb, deyir ki, belə getsə, kino ilə mənim aramda depressiv sədd yaranacaq. Ceyhun Mirzəyev ona söz verir ki, sınaqsız çəkəcək. Hətta fotolarda Füzuli Hüseynov istənilən kimi düşmədiyindən, Ceyhun Mirzəyev həmin şəkilləri cırıb, aktyorun şəkillərini özü yenidən çəkir. Sonradan onun oynayacağı obrazı qayçılayıb, az qala epizodik saxlasalar belə.
Ceyhun Mirzəyevlə Vaqif Mustafayev ssenarini də qoltuqlarına vurub, çəkiliş heyəti ilə yollanırlar Şamaxı rayonun Məlhəm kəndinə filmi çəkməyə.
Hə, bayaq dedim ha, yoldaşlığın sədaqətli, dostluğun təmənnasız vaxtlarında, onlar üçün deyirdim - Ceyhun Mirzəyevlə Vaqif Mustafayev üçün. Bir yerdə əl-ələ verib iki dost, bol-bol improvizələrlə, biri deyib, o biri təsdiqləməklə ərsəyə gətiriblər “Bəyin oğurlanması”nı.
İki yaradıcılıqla dolu gənc rejissor, üstəlik dost kinostudiyadan kənarda, heç kimin müdaxiləsi olmadan ssenarini qoyub kənara, improvizələrə meydan veriblər. Hər kadr yaradıcılıq məhsuludur.
Filmin əvvəli gecənin qaranlığında kənd yolunda yalnız maşınlardan düşən işıqlarının fonunda cırcıramaların səsi ilə Şamil Süleymanovun qəhrəmanının hasarı aşıb İsrafilin qızı Yasəmənlə görüşməsi səhnəsi ilə başlayır. Hasarın qırağında görüşən qızla oğlanın üzərindən kadr fırlanıb, otaqda İsrafilin papağının üstündə dayanır.
Nəcibə Behbudova qızın nənəsini oynayır. İlk kadrlardan birində onun sözləri var.
- Neçə nəfərsiniz? - deyə, İsrafili razı salmaq və canlı toyu filmə çəkmək üçün gəlmiş çəkiliş qrupunu yoxlama hesab edib, soruşur.
- Biz çoxuq - deyə Siyavuş Aslan cavab verir.
- Deyəsən bu dəfə bir sürü gəliblər. İt ilxısı, köpək sürüsü. Görüm sizi bu dağa-daşa salanın əli qurusun, dili qurusun, evi yıxılsın.
Bu yerdə də çiynində kamera daşın üstünə çıxan Hacı İsmayılov sürüşüb yıxılır və qalxıb - bəsdi qarğışladın də... - deyir.
Qadın isə öz rolundadır:
- Yazırlar, gəlirlər, yoxlayırlar, gedirlər. Elə zavmaqdı deyə, gərək hökmən bir zurna çalsınlar? Ancaq rəhmətlik atası əla tarçalan idi.
- Öz tarçalanımız var, oğluna deyərsən, gəlib bizi görsün.
- A bala, gəlin qonağımız olun da...
Bütün bunlar ssenaridə yoxdur. Gedişatda yaranan sözlər, dialoqlar filmin xeyrinə işləyib. Bu məntiqsiz, qarışıq sözlər, yersiz keçidlər o qədər təbii alınıb ki, elə bil ssenari elə buymuş.
Çəkilişlər 3-4 ay – yay və payız ayları aparılıb. Şamaxının Məlhəm kəndində qaboyçalan bir nəfərin evini icarəyə götürüblər, amma toy səhnəsi həmin evlə üzbəüz başqa bir evin həyəti geniş olduğundan orda çəkilib. Çəkilişlərdə kənd camaatı da iştirak edib. Xüsusilə kütləvi səhnələrdə. Məsələn, toya hazırlıq səhnəsi kənddə olan adi toy hazırlıqlarıdır. Yəni adamlar adi halda sabahkı toya hazırlaşıb, ət doğrayır, salat eləyir, hətta ciyəraxşamı edirlər. Bunlar hamısı filmin kadrlarına çevrilir.
Filmdə film çəkən rejissor Əsəd (Həsənağa Turabov) qərar verir ki, ssenari zəif olduğundan canlı toyu filmə salsınlar. Əslində onlar həqiqətdə baş verənlərdir. Kənd əhalisindən biri həqiqətən Həsənağa Turabovu elçiliyə aparıb, şirin çay içiblər.
Bəzi kadrlar kinostudiyanın həyətində lentə alınıb. Səyavuş Aslanın dillər əzbəri olmuş "Evdə uşaq da deyir atamız işə gedib" deyiminin yer aldığı səhnə, Əsədin müxbir qıza müsahibə verməsi, elçilik kinostudiyanın həyətində ekranlaşdırılıb.
Elçilik səhnəsində Əsəd, Mustafa və Tağı bir-birinin ardınca atalar sözləri işlədirlər. Ssenaridə həmin səhnə quru olduğundan, filmin canlı alınması üçün bu ideyanı rejissorlar verib.
Çəkiliş qurtaran kimi Ceyhunla Vaqif gecə səhərə qədər ssenarini dəyişir, səhər aktyorlara yeni vərəq verirmişlər ki, bu sözlərlə çəkəcəyik. İş prosesində baş verənlər də öz yerində.
Filmdə yaddaqalan kadrlardan biri də qocanın hava proqnozudur: "Sabah bir yağış yağacaq ki, tut ucundan, çıx göyə".
Yağış isə təbii ki, yanğınsöndürənlərin “yaradıcılığıdır”, yoxsa yağış yağmasını gözləmək uzun çəkərdi. Həm də təbii yağışdan texniki avadanlığı sığortalamaq mümkünsüzdür, üstünə yağsa, avadanlıq özü də sıradan çıxar, hətta insanı da çıxarda bilər.
Ramiz Əzizbəylinin ifasında “Tello” xalq mahnısı isə filmin koloritidir. Eldəniz Zeynalovun epizodik obrazı da çox maraqlı kadrdır.
- Necədir?
- Bir az emosiya azdır.
- Mənim dayım oğludur e, İsabala, yaxşı demək olar?
- Lazım gəlsə, olar, niyə olmur...
Filmdə toy səhnəsində “İsrafil” deyə qışqırıb ortaya düşən obraz da improvizədir. Rejissorlar Muxtar Manıyevə tapşırıq verirlər ki, Səyavuşun xəbəri olmadan ona sillə vur, təbii alınsın. Alınmağına təbii alınır, amma Muxtar Manıyevi də Səyavuş Aslanın əlindən güclə alırlar.
Başqa bir improvizə obraz isə Arif Quliyevin oynadığı Mirişdir.
Aktyor həmin vaxt Şamaxı mədəniyyət evinə öz şou qrupu ilə qastrola gəlibmiş. Tədbirdən sonra gəlib ki, Ceyhun Mirzəyevlə görüşsün. Rejissor da düşünüb ki, elə öz ayağınla gəlmişkən, gəl sənə bir obraz düzüb-qoşaq. Elə də edirlər. Arif Quliyevin qaçhaqaçla gəlib onlarla görüşüb qayıtmaq istəyi obraza belə çevrilir.
Onunla qastrola gələn qız isə Mirişin sevdiyi qızın obrazı olur. Həmin aktrisa da Arif Quliyevlə qastrola gəlibmiş və aralarında olan macəra da filmə düşür.
Arif Quliyev: "Şamaxıda qastroldaydıq. Vaqifgillə hal-əhval tutmağa getdim. Nə isə, mənə rol verdilər, razılaşdım. Amma çəkilişlərə çox vaxt gecikirdim. Gecikməyimə səbəb isə Bakıdan mənimlə gələn qız idi. Onunla xeyli söhbətləşirdik, bir də görürdüm ki, çəkilişlərə gecikmişəm. Kollektiv baxırdı ki, içəri girdim. Əynimdəki köynəyi səhv geyinmişəm, düymələr də tərs bağlanıb. Çəkiliş truppası da bilmirdi ki, mən haradan gəlirəm. Yalandan deyirdim ki, idmandan gəlirəm, ona görə gecikmişəm. Firəngiz sonradan hara getdiyimi başa düşmüşdü. Bir dəfə gördü ki, qulağımın sağ tərəfindən pomada izi var. Rejissor da acıqlandı ki, "sən bura çəkilişə gəlmisən, ya pomadalanmağa". Bütün heyət gülməkdən birtəhər olmuşdu”.
Filmin kadrarxası maraqlı epizodlarından biri kənd sakini Rəhilə Əhmədova ilə aktyor Hacı İsmayılov arasında olan söhbətdir. Kütləvi səhnələrdə çox çəkilən bir qrup kənd sakinindən pasportlar yığılır və onların hər birinə pul hesablanır. Pullar verilərkən Rəhilə Əhmədova soruşur:
- Bəs mənim eşşəyimin pulu hanı? Axı kino çəkəndə onu maşın vurmuşdu.
- Hə, düz deyirsən, gör necə yaddan çıxıb. - Hacı İsmayılov deyir. - Tez ol, get eşşəyinin pasportunu gətir, ona da pul hesablansın.
Bir əhvalat da yerli partiya təşkilatının katibi ilə Həsənağa Turabov arasında olub. Çəkiliş aparılarkən üzüm yığımının qızğın vaxtı imiş. Kütləvi səhnələrin birində katib gəlir və təsərrüfat işlərinə mane olduqları üçün çəkiliş qrupunu acılayır. Bərk mübahisə düşür, hətta tərəflər bir-birinə ağır sözlər deyirlər. Məsələ böyüyərək rayon partiya komitəsinə, milisədək gedib çıxır. Sonu xeyirliklə başa çatır və bu epizod da filmdə müəyyən mənada öz yerini tapıb.
Ələsgər Məmmədoğlu pirotexnik rolunu oynayır filmdə. Əslində aktyor elə çəkiliş heyətinə kömək edirmiş, yəni filmdə çəkilmirmiş. Yenə rejissorların təklifi ilə bəzi kadrları salırlar filmə. Ələsgərin stuldan yıxıldığı yeri isə məqsədli şəkildə qurublar. Yaradıcı qrup əvvəlcədən stulun ayağını kəsib ki, Ələsgər yıxılsın.
Bir sözlə, bütün heyət filmin alınmasına çalışıb ki, əli boş qayıtmasınlar Bakıya. Nəticədə maraqsız ssenaridən maraqlı film alınıb, həm də komediya. Hərçənd, göz önündə alınan ssenari komediya deyil, ayrı-ayrı faciəvi obrazların məcmuəsidir. Ən faciəvi isə Nəcibə Behbudovanın yaratdığı Bibixanımdır. Fədakar Azərbaycan qadını. Gecənin yuxusunu yatmır, İsrafilin-rəhmətə getmiş qızının həyat yoldaşının aldığı nəfəsin də qayğısını çəkir. Komediya içində faciə, yaxud əksinə. Hər nədirsə, o əjdahadan yenə olsun... Olsaydı, 43 dəfə baxardıq
1800'lerin ortalarında Avrupa'da Atilla,Slavlar,Ruslar ve Anglo Saksonlar arasında neredeyse paylaşılamayan tarihi bir şahsiyet olmuş.
Atilla onların lideri iken ,Rusları ilkel ve barbar ilan ettikleri Turan olarak görüyorlarmış!
Ve üstelik Turan olduğu bilinen Macarları Ari ilan ederek!
Ve Polonya'yı, Hazarların kurduğunu her ne kadar görmezden gelselerde , aşağıdaki sözlerde Macar ve Polonya halkının aynı olduğunu anlatarak aslinda bir Hazar iması yapılmış !
İşte zamanın Polonyalı bir münevverinin kaleminden;
“Attila Slavların, II. Aleksandr ise Polonyalıların başıydı.
Peki Macarların kökeni Attila halkına dayanmıyor mu? Macarlar Attila'ya Moskovalılardan tamamen farklı gözlerle bakıyorlar; Macarlar ruh ve karakter bakımından Ari kökenlidirler, oysa Moskovalılar ve onların eğitimli sınıflarının ruh ve karakteri tamamen Turanlıdır.
Macarlar, Avrupa'daki anlamda şövalye ruhlu bir millettir; onların gölgeleri Polonyalı soyluların gölgeleriyle aynı!
Ancak Moskovalıların ruhuna uygun olarak şövalyelik diye bir kavram hiçbir zaman olmamıştır ve yoktur.
Moskovalı'nın bir Attila'ya ihtiyacı var, sadece bir Attila'ya!”
Antoni Koziański
( Leh dilinden kısa bir pasaj halinde tercüme edilmiştir, Türkçe çevirisi elbette yoktur !)
TCan
TEREF
Türkiyənin reytinqli "Sihirli Annem" serialının film versiyası çəkiləcək.
Milli.Az türk mediasına istinadla xəbər verir ki, Betüş obrazını canlandıran İnci Türkay 10 ildən sonra yenidən bu film sayəsində ekranlara qayıdır.
Filmin ssenarisi 2022-ci ildə vəfat edən serialın yazıçısı Gamze Özer tərəfindən yazılıb. Layihə üzərində çalışan Poll Films-in rəhbəri Polat Yağcı köhnə heyətlə birlikdə filmin çəkilişlərinə tezliklə başlayacağını açıqlayıb.
Filmdə İnci Türkay, Nevra Serezli, Gül Onat, Şahap Sayılgan, Ayşen İnci, Jess Molho və digər tanınmış aktyorlar da yer alacaq.
Pərəstişkarlar unudulmaz fantastik ailə hekayəsinin yenidən ekranlara daşınmasını səbirsizliklə gözləyirlər.
.png)
.png)
Həmədan əyalətinin Nəhavənd şəhərindən olan şair və ictimai fəal Əli Cahanian və onun həyat yoldaşı Firiştə Suriyə həbs cəzası verilib.
TEREF Axar.az-a istinadən xəbər verir ki, bu barədə insan haqları təşkilatları məlumat yayıb.
Məlumata görə, Nəhavən şəhərinin İnqilab Məhkəməsi “hökumətə qarşı təbliğat” ittihamına görə onların hər birini 1 il azadlıqdan məhrum edib.
Bundan əvvəl onlara qarşı irəli sürülən “milli təhlükəsizliyə qarşı qrup yaratmaq” ittihamı isə ləğv olunub.
Xalq artisti: “Mehriban Ələkbərzadə teatrın düşmənidir”
Son bir həftədir ki, Azərbaycan Dövlət Akademik Milli Dram Teatrında (“AzDrama”) baş verən qalmaqal ölkənin gündəminə çevrilib. Məsələnin mərkəzində isə “Baş” tamaşasının hazırlıq prosesi və Mehriban Ələkbərzadənin teatrın bədii rəhbəri kimi fəaliyyəti dayanır.
Hər şey martın 5-də Xalq yazıçısı Elçinin “Baş” romanı əsasında səhnələşdirilən tamaşanın məşqlərində başlayıb. Tamaşanın quruluşçu rejissoru, “AzDrama”nın bədii rəhbəri Mehriban Ələkbərzadə Ağabəyim ağa rolu üçün teatrın gənc və istedadlı aktrisası Günəş Təqini dəvət edib. Məhz bu seçim teatr daxilində gözlənilməz etirazlara səbəb olub.
İlk etiraz edənlərdən biri Əməkdar artist Mehriban Xanlarova olub. O, müsahibəsində teatr kollektivinin böyük bir hissəsinin Mehriban Ələkbərzadənin fəaliyyətindən narazı olduğunu bildirib: "Biz Mehriban Ələkbərzadənin kollektivə yuxarıdan aşağı baxmasından, aktyorlar arasında ayrı-seçkilik etməsindən narahatıq. Prezident mükafatları və fəxri adlar üçün təqdim olunan siyahıların şəxsi münasibətlərə əsasən tərtib edilməsi bizi qorxudur. İçi mən qarışıq, həmkarlarım narahatdır ki, adlarımız siyahılardan bilərəkdən çıxarıla bilər. Biz özümüz üçün rol istəmirik. Amma teatrın bir kənarında qalmış, istedadı görməzlikdən gəlinən aktyor və aktrisalar var. Bəs niyə onlara səhnəyə çıxmaq şansı verilmir?"
Xalq artisti Əli Nur isə daha sərt mövqe sərgiləyib: “Teatrda nə ağsaqqal var, nə qarasaqqal. Mehriban Ələkbərzadə teatrın düşmənidir. O, "AzDrama"nın qapısından içəri girməyə layiq deyil. Bu teatrda Adil İsgəndərov, Mehdi Məmmədov, Tofiq Kazımov, Həsən Turabov, Əliabbas Qədirov kimi sənətkarlar olub. İndi isə bizi kənara qoyub, "Yuğ" Teatrından gələn adam rəhbərlik edir. Ömür boyu teatra kənardan aktyor-aktrisa gətirib, bu da istedadsızların səhnəyə çıxmasına səbəb olub".
Əməkdar artist Münəvvər Əliyeva isə sosial şəbəkədə sərt paylaşımı ilə diqqət çəkib: ""AzDrama"da repressiya dövrü davam edir. Aktyorlarımız, bəs siz niyə susursunuz? Səhnədə göstərdiyiniz cəsarətdən həyatınıza da pay düşməyəcək? Teatr həyatın kiçik modelidirsə, bu susqunluq nə üçündür?"
Mehriban Ələkbərzadə
“AzDrama”nın bədii rəhbəri Mehriban Ələkbərzadə isə açıqlamasında ittihamlara cavabında teatr daxilində islahatların aparılmasının vacibliyini vurğulayıb: "Teatr əxlaqına görə daxildə baş verənlər kənara çıxmamalıdır. Narazı olanlar üçün qapım açıqdır. Yeni nəsil gəlməlidir. 60 yaşlı adamın 20 yaşlı rolu oynaması gülməlidir. Bu şounun nöqtəsi qoyulmalıdır".
O əlavə edib ki, Günəş Təqin dəvətli aktrisa deyil, artıq teatrın rəsmi əməkdaşıdır. Bundan əlavə, “Baş” tamaşasında kastinq yolu ilə seçilmiş beş tələbə-aktyor da iştirak edəcək. Onlar həm epizodik, həm də kütləvi səhnələrdə yer alacaqlar: “Teatrımızın aktyor bazasını gəncləşdirmək və yeniləmək üçün bu addımları atırıq. Bu proses gələcəkdə də davam edəcək”.
Teatr rəhbərliyi baş verənlərə münasibət bildirərək qeyd edib ki, son iki ildə "AzDrama" bir sıra uğurlara imza atıb. Məsələn, Aleksandrinski Teatrında “İblis və...” tamaşasının premyerası keçirilib, Belarus və Gürcüstan milli teatrları ilə memorandumlar imzalanıb və 2025-ci ildə qastrol səfərləri planlaşdırılıb. Rəhbərlik bəzi aktyorların narazılığını yaşlı nəslin gənclərə qarşı qısqanclığı kimi qiymətləndirib: “Bu etirazları konkret şəxsə - Mehriban Ələkbərzadəyə yönəltməkdənsə, teatrımızın uğurlarını təbliğ etmələrini arzu edərdik”.
“AzDrama”da yaşanan bu qalmaqal gənc və yaşlı nəslin qarşıdurmasını, yaradıcı kollektivdəki gərginliyi və islahatlara qarşı münasibətləri bir daha üzə çıxardı. Qalmaqalın necə sonlanacağı isə hələ də açıq qalır.
Xatırladaq ki, Mehriban Ələkbərzadə 2023-cü ilin may ayından etibarən Akademik Milli Dram Teatrının bədii rəhbəri təyin edilib. O, 2017-22-ci illərdə Azərbaycan Dövlət “Yuğ” Teatrının baş rejissoru kimi fəaliyyət göstərib. 2022-ci ildən 2023-cü ilin may ayına kimi Azərbaycan Dövlət Gənc Tamaşaçılar Teatrının baş rejissoru vəzifəsində çalışıb.
Xalidə GƏRAY,
“Yeni Müsavat”
Muzey Mərkəzinin bir neçə gün öncə vəzifəsindən azad olunan direktoru Liana Vəzirovanın işdən çıxarılmasının səbəbi məlum olub.
Musavat.com "Report"a istinadən xəbər verir ki, Mərkəzin fəaliyyəti ilə bağlı aparılan yoxlama nəticəsində bir sıra qanun pozuntuları aşkar edilib.
İşində yol verdiyi ciddi nöqsanlara görə mərkəzin direktoru Liana Vəzirova tutduğu vəzifədən azad olunub.
Muzey Mərkəzində ortaya çıxarılan qanun pozuntuları ilə bağlı materiallar toplanılaraq hüquq-mühafizə orqanlarına təqdim edilib.
Bakının tarixi məhəllələri söküntü üçün qeydiyyata alınmağa başlayıb. Yerli mediada gedən məlumatlara görə, Yasamal rayonu ərazisində sökülən məhəllələrin yerində yeni parkın salınması planlaşdırılır.