 |
|
|
"Gecəniz xeyrə qalsın, uşaqlar!" ("Спокойной ночи, малыши!") verilişinin iştirakçısı Qalina Marçenko vəfat edib.
Oxu.Az xəbər verir ki, bu barədə Starhit.ru məlumat yayıb.
Marçenko 25 il ərzində məşhur uşaq şousunda"Karkuşa" obrazını səsləndirib.
Aktrisanın 88 yaşı var idi.
Türkiyədə yayımlanan daha bir serial final edir.
Musavat.com axşam.az-a istinadən bildirir ki, "Piyasa" 6-cı bölümdə izləyicilərinə vida edəcək.
Qeyd edək ki, layihədə baş rolları İlayda Alişan və Alp Navruz canlandırır.
Almaniyanın Rips kəndində yəqin ki, dünyanın ən kiçik turist evi açılıb.
AzPost-un xarici mətbuata istinadla xəbərinə görə, onun sahəsi cəmi 11 kvadratmetrdir, lakin mətbəxi, yataq otağı, qonaq otağı və hətta kiçik bir qış bağçası bu əraziyə yerləşdirilib.
Mini-evin sahibləri, həyat yoldaşları Marita Hannemann-Moos və Andreas Moos, köhnə transformator yarımstansiyasını cəmi 1,19 avroya alıblar. Lakin binanın çevrilməsi 140.000 avroya başa gəlib və pandemiyanın çətinlikləri və bürokratik maneələr səbəbindən dörd il çəkib. İndi bu unikal evi gündə 110 avroya icarəyə götürmək olar.
Kiçik ölçüsünə baxmayaraq, otel keyfiyyətində rahatlıq təqdim edir. Birinci mərtəbədə duşlu vanna otağı və isti döşəmə, ikinci mərtəbədə isə divan çarpayılı mətbəx-qonaq otağı var. Damın altında qatlanan nərdivanla əldə edilə bilən əlavə saxlama yeri var.
Moos cütlüyü ümid edir ki, onların layihəsi dünyada ən kiçik yaşayış evi kimi rəsmi şəkildə tanınacaq.
Andreas Moos deyir: “İndiyə qədər qeydiyyatdan keçmiş ən kiçik ev Bad Zeqeberqdədir, lakin o, bizimkindən səkkiz kvadrat metr böyükdür. Düşünürük ki, bizim yaxşı şansımız var”.
Kanada Azərbaycanlıları Şəbəkəsinin (NAC – Network of Azerbaijani Canadians) təşkilatçılığı ilə Toronto şəhərində tanınmış caz pianoçusu Etibar Əsədlinin möhtəşəm konserti keçirilib.
Musavat.com xəbər verir ki, tədbir Novruz bayramı münasibətilə təşkil olunub və Kanadada yaşayan azərbaycanlı icmanın mədəni həyatında mühüm hadisəyə çevrilib.
Konsertin açılışında NAC İdarə Heyətinin sədri Dmitri Kirillov çıxış edərək tədbir iştirakçılarını salamlayıb, Novruzun Azərbaycan xalqı üçün əhəmiyyətindən danışıb və qonaqlara bayram təbriklərini çatdırıb. O, eyni zamanda NAC-in fəaliyyət istiqamətləri barədə məlumat verib, təşkilatın Kanadadakı azərbaycanlı icmasının maraqlarını necə təmsil etdiyini vurğulayıb.
Tədbirdə qonaqlara əvvəlcə Azərbaycanda caz musiqisinin tarixi və onun muğamla sintez olunaraq özünəməxsus forma almasına dair qısa film təqdim olunub. Filmin ardınca Etibar Əsədli və onu müşayiət edən musiqiçilər Azərbaycan muğamı və Üzeyir Hacıbəylinin bəstələrinin cazla sintezini canlı olaraq ifa ediblər. Tamaşaçılar, həmçinin Etibar Əsədlidən bəzi orijinal caz kompozisiyalarını da dinləmək imkanı qazanıblar.
.jpg)
Konsert 500 nəfərə yaxın tamaşaçının iştirakı ilə keçib. İştirakçılar arasında Kanadada yaşayan azərbaycanlılar, yerli sakinlər, eləcə də Azərbaycan Respublikasının Kanadadakı müvəqqəti işlər vəkili Vüqar Abutalıbov, Kanada hökumətinin Dövlət Xidmətləri və Transformasiyası naziri Ali Əhsasi və Xarici İşlər nazirinin parlamentdəki təmsilçisi, millət vəkili Robert Olifant da yer alıb.
Qonaqlar Azərbaycan musiqisinin caz üslubunda təqdimatını yüksək qiymətləndirib, konsertin sonunda musiqiçiləri ayaqüstə alqışlayıb və onları bir daha səhnəyə dəvət edib.
.jpg)
Qeyd edək ki, Kanadada Azərbaycan mədəniyyətinin təbliği istiqamətində NAC tərəfindən ardıcıl tədbirlər həyata keçirilir. Ötən il Turan Manafzadənin rəhbərliyi ilə fəaliyyət göstərən “Yeddi Gözəl” ansamblının konserti də tamaşaçılar tərəfindən böyük coşqu ilə qarşılanmışdı.
NAC – Kanadada yaşayan azərbaycanlıların ictimai və siyasi həyatda maraqlarını təmsil etmək məqsədi ilə 2020-ci ilin 27 sentyabr tarixində yaradılıb və bu günə qədər tam şəkildə diaspor dəstəyi ilə fəaliyyətini davam etdirir.
Musavat.com konsertdən olan foto və videoları da oxucularına təqdim edir.
Musavat.com
.jpg)
.jpg)
Məşhur türk serialı final edirTürkiyənin ATV kanalında yayımlanan "Başka bir gün" serialı final qərarı alıb.
Milli.Az xəbər verir ki, ekran işi 10-cu bölümdə izləyicilərinə vida edəcək.
Qeyd edək ki, serialın baş rollarını Ezgi Mola ilə Salih Bademci canlandırır.
Azərbaycan Dövlət Akademik Milli Dram Teatrındakı qalmaqal davam edir.
Əməkdar artist Mehriban Xanlarova növbəti dəfə bədii rəhbər Mehriban Ələkbərzadə haqqında açıqlama yayıb:
“Mehriban Ələkbərzadə, teatrımızın dəyərli aktyoru, Əməkdar artist Rəşad Bəxtiyarov uzun müddətdir ki, səhhəti ilə bağlı ciddi mübarizə aparır. Siz isə teatrın bədii rəhbəri olaraq onun vəziyyəti ilə maraqlanmaq üçün hansı faciənin baş verməsini gözləyirsiniz?
Bir rəhbərin borcu sənət adamlarının qayğısına qalmaqdır. Lakin siz şəxsi maraqlarınızı qorumaqla, kollektiv daxilində cavan nəsillə yaşlı nəsil arasında süni qarşıdurmalar yaratmaqla, aktyorlardan tutmuş texniki İşçilərə qədər hər kəsə kobud davranmaqla və onları psixoloji basqı, qorxu altında saxlamaqla məşğulsunuz.
Sizin işçilərə qarşı laqeyd münasibətiniz artıq təhlükəli həddə çatıb. Sağlam əməkdaşlar sizin üçün görünməz, xəstələr isə yaddan çıxmış rollardır. Çünki sizin başınız teatrı yaşatmağa yox, onu şəxsi hərisliyinizin fonunda idarə etməyə qarışıb. Ən acısı isə odur ki, Rəşad Bəxtiyarov sizin tələbəniz olub. Heçmi vicdanınızın səsini eşitmirsiniz? Heçmi onun halını soruşmaq yadınıza düşmür? Əgər illərlə yanınızda sənət öyrənmiş bir insana bu cür biganəsinizsə, digərlərinə nə edəcəyinizi yalnız Allah bilir. Dahi şairimiz Bəxtiyar Vahabzadənin gözəl bir kəlamı var: “Göydə axtarmasın Allahı insan, hər kəsin vicdanı öz Allahıdır.” Siz bu teatra gəlməmişdən əvvəl burada doğmalıq vardı, səhnə bizim evimiz, sənət isə ailəmiz idi. Amma siz gəldiniz və bizi yetim qoydunuz – öz teatrımızda ögey, doğma ocağımızda isə yad kimi qarşılandıq. Haqlarımız tapdalandığı üçün mübarizə aparmağa məcbur qaldıq. Sənət məbədi nifaq yuvasına çevrilməməlidir, lakin sizin idarəçiliyiniz bu müqəddəs məkanın divarlarına çat saldı. Sənətkarın sağlığı, teatrın taleyi sizin üçün önəm daşımırsa, o zaman siz bu sənət məbədinin rəhbəri deyil, yalnız qaranlıq bir tamaşanın rejissorusunuz!Yaxın günlərdə sizin fəaliyyətinizlə bağlı önəmli faktları ictimaiyyətə açıqlayacağam. Hazırda susmağım səssizlik yox, sadəcə uyğun vaxtı gözləyirəm. Həmkarım Rəşad Bəxtiyarovun səhhəti mənə və onu sevən tamaşaçılara önəmlidir. Buna görə də biganə qala bilməzdim! Çünki sənət fədakarlıq tələb edir, laqeydlik yox”(olay.az)
“Kurtlar vadisi”nin Polat Alemdarı Necati Şaşmaz uzun müddət sonra görüntülənib.
Sənətçi tanınmış rejissor Osman Sınavın dəfn mərasiminə qatılıb.
O məscidə girərkən kameralara tuş gəlib.//Olay.az
Xəbər verdiyimiz kimi, Türkiyə kinematoqrafiyasının tanınmış simalarından biri, məşhur serial və filmlərin rejissoru Osman Sınav 69 yaşında dünyasını dəyişib. Xərçəng xəstəliyindən müalicə olunan rejissor geridə onlarla yaddaqalan prodüserlik işi qoyub.
Ajans.az xəbər verir ki, Osman Sınav xüsusilə Türkiyə televiziyasının unudulmaz layihələrindən biri olan Kurtlar Vadisi serialının ilk 55 bölümunün rejissoru və prodüseri olub. Serialın reytinq rekordları qıran ilk mövsümündə onun rolu əvəzsiz idi. Daha sonra o, layihəni tərk edib və serial 97-ci bölümlə başa çatıb.
Sınav niyə Kurtlar Vadisindən ayrıldı?
Osman Sınavın serialı tərk etməsi uzun illər müzakirə mövzusu olub. Rəsmi açıqlamalarda onun digər layihələrə yönəlmək istədiyi bildirilsə də, bəzi iddialar serialdakı hadisələrin real həyatda müəyyən şəxsləri narazı salması ilə əlaqələndirilir.
Xüsusilə, Kurtlar Vadisinin 37-ci bölümündə Karagümrük dəstəsinə aid bir obrazın qətlə yetirilməsi real həyatda dəstə liderlərindən biri olan Nuri Ergini hiddətləndirib. Erginin serial prodüserlərini təhdid etdiyi barədə xəbərlər yayılıb.
Osman Sınav isə bu barədə heç vaxt konkret açıqlama verməyib. O, illər sonra iştirak etdiyi proqramların birində “Bu mənim üçün sirr olaraq qalacaq” deyə cavab verib.
Dövlət İmtahan Mərkəzinin (DİM) bu yaxınlarda təqdim etdiyi Azərbaycan dili üzrə Sertifikasiya İmtahanının modeli hələ də müzakirə edilir. Belə ki, məqsəd imtahandan keçən namizədlərə Azərbaycan dilini bilmə səviyyəsini göstərən sertifikat təqdim etməkdir. Xüsusilə əcnəbilər, dilimizi xarici dil kimi öyrənmək istəyənlər imtahan verəcəklər.
Bəs qiymətlər necə olacaq? Bu modelin dünyada İELTS, TOEFL kimi beynəlxalq imtahanlar qədər uğurlu olması mümkündürmü?
Globalinfo.az-a danışan təhsil məsələləri üzrə ekspert Kamran Əsədov deyib ki, hazırda heç bir xarici universitet və ya işəgötürən müəssisə Azərbaycan dili üzrə bu tip sertifikatı tanımır:
“Halbuki Almaniyada “Goethe” institunun verdiyi sertifikatlar bir çox universitet və miqrasiya qurumları tərəfindən qəbul olunur. Yaxud Rusiyada ТРКИ (Test of Russian as a Foreign Language) sertifikatı ali təhsil müəssisələrində tələbələr üçün əsas qəbul meyarlarından biridir. Azərbaycan da bu modeli beynəlxalq səviyyədə tətbiq etmək niyyətindədirsə, ilk növbədə xarici universitet və təhsil təşkilatları ilə ikitərəfli tanınma mexanizmlərini formalaşdırmalıdır. Daha bir vacib məsələ qiymət siyasətidir. Hazırda IELTS imtahanının qiyməti ölkədən asılı olaraq 150–250 ABŞ dolları arasında dəyişir. TOEFL üçün bu rəqəm təxminən 180–210 dollar civarındadır. Bu imtahanlar beynəlxalq bazarda rəqabətli və gəlirli sektor hesab olunur.
DİM də Azərbaycan dili üzrə sertifikatı ödənişli edə bilər. Lakin bu ödənişin miqdarı real bazar şərtlərinə uyğun olmalıdır. İmtahan yüksək məbləğdə müəyyənləşdirilərsə, xüsusilə tələbələr və Azərbaycan dilini hobbidən daha çox praktiki məqsədlərlə öyrənən şəxslər üçün bu, əlçatmaz olacaq. Ən yaxşı təcrübələrdən biri, məsələn, Fransada olduğu kimi, dil öyrənənlərə imtahan haqqının bir hissəsini dövlətin və ya qeyri-kommersiya fondlarının subsidiya etməsidir”.
Ekspert bildirib ki, bu təşəbbüs sadəcə bir imtahan modeli deyil, Azərbaycan dilinin beynəlxalq səviyyədə mövqeyini gücləndirmək üçün yeni mərhələnin başlanğıcı ola bilər:
“Bu proses strateji yanaşma ilə, mərhələli, inklüziv və şəffaf şəkildə həyata keçirilərsə, gələcəkdə Azərbaycan dili də dünya dilləri arasında öz yerini tuta bilər. Əks halda, sözügedən model yalnız ölkədaxili formal bir sənədə çevrilər və məqsədinə çatmaz”.
Azərbaycan xalqı min illərdir ki, Novruz bayramını qeyd edir.
"DogruXeber.az" xəbər verir ki, bunları Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “X”dəki səhifəsində yazıb.
O vurğulayıb ki, BMT Baş Assambleyası 2010-cu il tarixli 64/253 saylı qətnamə ilə martın 21-ni Beynəlxalq Novruz Günü elan edib.
“Novruz yaz gününün bərabərləşdiyi gündür, Azərbaycan xalqı tərəfindən min illərdir ki, yazın başlanğıcı və təbiətin canlanması kimi qeyd olunur”, - deyə H.Hacıyev vurğulayıb.