"İctimai TV"də yayımlanan "Vətəndaş A" serialına görə kanala xəbərdarlıq edilib. Audiovizual Şura İTV-nin efirində serialın nümayişi zamanı qeyri-etik sözlərin açıq yayımlandığını əsas gətirərək bu barədə qərar qəbul edib.
Qərarda deyilir ki, serialın yayımı zamanı personajların səsləndirdiyi qeyri-etik sözlərin efirə verilməsinin qarşısı yayımçı tərəfindən texniki üsullarla alımayıb və bununla da, “Media haqqında” qanunun müddəaları pozulub.

Qeyd edək ki, sözügedən Qanununun 14.1.6-cı maddəsinə görə, efirdə əxlaqdankənar leksik (söyüş) məzmunlu söz və ifadələrdən, jestlərdən istifadəyə yol verilməməlidir.

Cəfər Cabbarlının “Almaz” əsərinin motivləri əsasında çəkilən serial may ayından efirdədir və qısa zamanda böyük izləyici kütləsi toplamağı bacarıb.
Modern.az Audiovizual Şuranın qərarı ilə bağlı “Vətəndaş A” serialının quruluşçu rejissoru Elvin Rüstəmzadə ilə həmsöhbət olub. O bildirib ki, serialın mövzusu bəzi səhnələrdə bu cür ifadələrin işlənməsini tələb edir:

“Amma bu cür ifadələrin açıq şəkildə efirdə yayımlanması qətiyyən nəzərdə tutulmayıb. Efir üçün bu, birmənalı olaraq qadağandır. Sadəcə, biz "Youtube" platforması üçün serialın tam versiyasını, qeyri-etik ifadələrin işləndiyi hissələrin senzura olunmadan verilməsini nəzərdə tuturduq. Adətən bu platformada belə şeylərə icazə verilir. Sadəcə müəyyən qərardan sonra "Youtube"da qeyri-etik ifadələr bağlandı. Televizyada həmin qeyri-etik ifadələrin yayımlanması müəyyən texniki problemlərdən dolayı baş verib. Montaj sırasında gözdən yayınıb və həmin qeyri-etik ifadə televizyaya açıq şəkildə gedib”.

“Media haqqında” Azərbaycan Respublikası Qanununa uyğun olaraq Azərbaycan Respublikasında lisenziya alaraq fəaliyyət göstərən multipleks və platforma operatorları retranslyasiya etdikləri xarici televiziya kanallarını yalnız buna hüquq verən sənədləri (müqavilə, razılaşma, icazə, lisenziya və s.) Audiovizual Şuraya təqdim etmək şərtilə retranslyasiya edə bilərlər. Audiovizual Şuranın mütəxəssisləri operatorlar tərəfindən təqdim olunan sənədlərə və onların retranslyasiya paketlərinə baxışı həyata keçirir, müvafiq monitorinq işləri aparırlar.

Bu barədə Audiovizual Şuradan verilən məlumatda deyilib.

Bildirilib ki, aparılan mütəmadi monitoriqlər nəticəsində platforma operatorları olan “Artkom.Net” MMC, “Boss Group” MMC və “Shakh Telecom” MMC-nin retranslyasiya paketlərində buna hüquq verən sənəd olmadan 100-dən çox xarici televiziya kanalının retranslyasiya olunması faktı aşkarlanıb. Bununla bağlı Audiovizual Şura tərəfindən 19-20 noyabr 2024-cü il tarixlərində inzibati xəta haqqında protokollar tərtib edilmiş və İnzibati Xətalar Məcəlləsinin 43.1-ci maddəsinin tələbləri nəzərə alınaraq müvafiq məhkəmələrə göndərilib.

Audiovizual Şura bir daha operatorların nəzərinə çatdırır ki, onların əhaliyə təqdim etdikləri retranslyasiya paketlərinə daxil edilən xarici televiziya kanalları yalnız buna hüquq verən sənədin mövcudluğu halında retranslyasiya oluna bilər. Bu istiqamətdə davamlı monitorinqlər həyata keçirilir və mütəmadi olaraq nəticələr barədə ictimaiyyətə açıqlamalar veriləcəkdir.

Rusiyanın paytaxtı Moskvada dezinformasiya ilə mübarizə üzrə beynəlxalq forum keçirilib.

"DİA-AZ"ın xəbərinə görə, "Feyklər barədə dialoq 2.0" forumu çərçivəsində yalan məlumatların yayılması və onunla mübarizə üsulları müzakirə olunub.

Foruma 65 ölkədən, o cümlədən ABŞ, Avstraliya, Argentina, Uruqvay, Peru, Fransa, İrlandiya, İspaniya, İtaliya, Niderland, İsveçrə, Avstriya, Böyük Britaniya, Almaniya, Koreya Respublikası, Sinqapur, Pakistan, Hindistan, İran, Türkiyə, Çin, Nigeriya, Seneqal və Misirdən 1 000-dən çox iştirakçı qatılıb.

Azərbaycanı tədbirdə "Global Media Group", daha dəqiq, "Baku TV RU" kanalı təmsil edib. Məruzəçi qismində "Baku TV RU"nun baş redaktoru Natella Osmanlı çıxış edib.

Daha ətraflı videosüjetdə:

“Bu gün mahnılarımızın əksəriyyətinin sözləri bəsitdir. Bir sözü 100 dəfə təkrar edirlər. Bu təkrara da qulaq asırsan, sanki insana yaxşı olmayan təəssürat bağışlayır. Deməli sənin bu poetikada söz baqajın çox məhddudur, söz tapa bilmirsən, sən necə mahnıya mətn də yaza bilərsən? Ümumiyyətlə sənin mahnı bəstələməyin, mətn yazmağın nə dərəcədə vacibdir?”

Bunu Moderator.az-a açıqlamasında Bəstəkarlar İttifaqının sədri, xalq artisti Firəngiz Əlizadə deyib.

İttifaq sədri bildirib ki, mahnı mətnlərində təzyiq və aşağılayıcı ifadələr üstünlük təşkil edir:

“Əlbəttə ki, bütün bunlar da televiziyalar tərəfindən təbliğ olunur. Bu doğru deyil. Bizim Bəstəkarlar İttifaqında bu illər ərzində çox gözəl əsərlər yaranıb. Onlardan tamaşaçıların xəbəri var? Əlbəttə ki, yoxdur. Çünki bunlar efirlərdə təbliğ olunmur. Reyntinq gətirmir. Bilirsiz musiqidə və incəsənətdə insanların hərəkəti çox ehtiyyatlı olmalıdır. Yavaş-yavaş. Hər şey tədricən baş verməlidir. Birdəfəlik götürüb kəsmək olmur. Biz bir-birimizi incitmədən səhvləri göstərməliyik bu mahnılarda. Bundan da əlavə həmin bəsit mahnıları cəmiyyət özü qəbul etməməlidir. Cəmiyyətin qarşıdurması olmalıdır. Bir bəstəkarın, bir musiqişünasın yox. Bu mahnılarla toylarda külli-miqdarda pullar qazanırlar. Əlbəttə ki, onların bizim köməyimizə ehtiyacları olmayacaq. O düşünür ki, mən səndən çox pul qazanıram. Mən simfonik əsər yazıram, onu sata bilmirəm, amma o bir mahnısı ilə bütün günü toylardadır, gəlib mənim tövsiyyələrinə qulaq asacaq?” deyə xalq artisti bildirib.

Firəngiz Əlizadə bildirib ki, Bəstəkarlar İttifaqı həmin müğənni və bəstəkarlara mane ola bilmir.

“Bu mahnıların əksəriyyəti bizim Bəstəkarlar İttifaqının üzvü olmayan insanlar tərəfindən yazılır. Biz onları bura çağırıb töhmət verə bilmərik. Bu bizim səlahiyyətimizdə deyil. Amma bu bəstəkar, şair özü desə ki, Firəngiz xanım biz gəlmək istəyirik ittifaqa, bəlkə tövsiyyələriniz olar, əlbəttə ki, buyurub gəlsinlər. Biz həmişə buna hazırıq. Bizim hətta belə bir bölməmiz də var. Mahnı yazanların qonorarları elədir ki.. Onlar bura heç gəlmirlər, tövsiyyələrimizə ehtiyacları yoxdur. Zorla gözəllik olmaz. Bunlar özlərindən çox razıdırlar” deyə xalq artisti Firəngiz Əlizadə bildirib.

Məşhur amerikalı aktrisa Ancelina Colinin maliyyə vəziyyəti pisləşib.
Tribunainfo.az xəbər verir ki, 60 yaşlı Hollivud aktyoru Bred Pitdən boşanması səbəbindən vəkillərin xidmət haqqını ödəmək üçün o, mülkünü satmaq məcburiyyətində qalıb.
“RadarOnline” xəbər verir ki, Coli dəbdəbəli avtomobil və qarderobundan bəzi əşyalar satmalı olub. Cütlük 2019-cu ildə ayrılıb. O vaxtdan bəri onlar arasında əmlak bölgüsü və uşaqların qəyyumluğu ilə bağlı məhkəmə çəkişmələri gedir. Sonsuz məhkəmə çəkişmələri Hollivud ulduzlarının pul kisəsini əhəmiyyətli dərəcədə vurub.
Mənbələrə görə, hazırda sənətçinin xərcləri gəlirlərini xeyli üstələyir. Dostları 49 yaşlı Ancelinanı keçmiş əri ilə məhkəmə çəkişməsinə son qoymağa razı salmağa çalışsalar da, o, hələ də buna razı deyil.
“Ancelina dəli kimi pul xərclədi və indi pulsuz qalmamağın yollarını tapmalıdır”, deyə mənbələr qeyd edirlər.
Aktrisanın maddi vəziyyəti o qədər kritikdir ki, 1958-ci il istehsalı olan “Ferrari” avtomobilini satmaq qərarına gəlib. Onun dəyəri 1,3 milyon dollardır. Bundan əlavə, Coli qarderobundan məşhur dizaynerlərin bəzi paltarlarını satmaq qərarına gəlib. O, həmçinin zinət əşyalarını, xüsusən də Pitin ona verdiklərini satışa çıxarıb.
“Vəkillərlə hər görüş onun üçün böyük hesaba çevrilir. Bu məhkəmə çəkişmələri minlərlə dollara başa gəlir və indi o anlayır ki, Bredlə bütün münaqişələrdə iştirak etmək imkanı yoxdur”, deyə nəşr yazır.
Yeri gəlmişkən, Ancelina və Bred 5 il evli olub. Onların birlikdə altı övladı var: əkizləri Vivyen və Noks, qızları Şilo və Zahara, oğulları Paks və Maddoks. Yeri gəlmişkən, Vivyen atasının soyadından imtina edib. Artıq neçə ildir danışmadığı atası ilə heç bir əlaqəsinin olmasını istəmir.

Şimdiye kadar bulunan en eski venüs heykelciği olan Hohle Fels Venüsü yaklaşık 35.000 yaşında ve Avrupa’daki modern insanlar tarafından yapılan en eski mağara resimlerinden yaklaşık 3.000 yıl öncesine dayanıyor. Yaklaşık 7,5 cm boyutunda. İnsan tasvirinin en eski örneği.
Almanya'nın Schelklingen kenti yakınlarındaki Hohle Fels mağarasında, Swabian Jura UNESCO Dünya Mirası Alanı'ndaki Mağaralar ve Buzul Çağı Sanatı'nın bir parçası olan Hohle Fels'te 2008 yılında ortaya çıkarılan, mamut fildişinden yapılmış Üst Paleolitik Venüs heykelciği.
Figür, insan tasvirinin tartışmasız en eski örneğidir. Figüratif sanat açısından yalnızca aslan başlı, zoomorfik Löwenmensch heykelciği daha eskidir. Venüs, Blaubeuren Tarih Öncesi Müzesi'nde yer almaktadır.
SALİHA ÜNAL Arkeoloji sayfası.
TEREF

Türkiyədə bu həftənin bazar ertəsi ilk bölümü yayımlaman “Uzak Şehir” serialı bir sıra rəsmilər tərəfindən etirazla qarşılanıb.

TEREF xəbər verir ki, Mardin şəhərində çəkilən və tanınmış simalar Ozan Akbaba və Sinem Ünsalın baş rollarını oynadığı serialın yayımdan çıxarılması tələb edilir.

Məsələ Türkiyə Böyük Millət Məclisinə qədər gedib çıxıb. Rifah Partiyasının sədr müavini və İstanbul millət vəkili Doğan Bekin serialda yer alan bəzi səhnələrin Mardin mədəniyyəti ilə uyğun gəlmədiyini bildirib. Doğan Bakar Məclisdəki çıxışında xüsusilə ilk bölümdə yer alan yas mərasimində havaya atəş açılması səhnəsindən hiddətlənib. O, “bizim belə adətimiz yoxdur!” - deyərək, serialın dərhal efirdən uzaqlaşdırılmasını tələb edib.

Serialın yayımlandığı Kanal D-dən isə hələ ki, açıqlama verilməyib.

Qeyd edək ki, “Uzak Şehir” Livan serialı “Al Haybe”nin əsasında çəkilib. Sezen Aksu seriala özəl olaraq “De Mardin” adlı mahnı yazıb. Serialın ikinci bölümünün anonsu da artıq müzakirə mövzusuna çevrilib. Qəzada əri həlak olan xanım qəhrəmanın qaynı ilə evləndiriləcəyi planlaşdırılır. Bu ideya da bir çox izləyicilər və mardinlilər tərəfindən birmənalı qarşılanmayıb.(“Qafqazinfo”)

Noyabrın 17-si Azərbaycanda Milli Dirçəliş Günüdür.

Milli Dirçəliş Günü 17 noyabr 1992-ci ildə elan olunub.

Bu bayram 1988-ci ilin noyabr-dekabr aylarında Bakıda başlayan milli-azadlıq hərəkatı ilə bağlıdır.

Həmin vaxt SSRİ rəhbərliyinin Qarabağ məsələsi ətrafında apardığı anti-Azərbaycan siyasəti nəticəsində Azərbaycanda antisovet xalq hərəkatı təşəkkül tapdı. 17 noyabr 1988-ci ildə Bakının mərkəzi sayılan Azadlıq (keçmiş Lenin) meydanında Azərbaycan xalqının uzunmüddətli mitinqləri başladı. Milyonlarla insan meydana toplaşaraq Moskvanın anti-Azərbaycan siyasətinə qarşı çıxdı.

Dekabrın əvvəllərində mitinqlər SSRİ-nin daxili qoşunları tərəfindən dağıdılsa da, Moskva Azərbaycan xalqının milli azadlıq hərəkatının qarşısını ala bilmədi.

1989-cu ilin iyulunda Azərbaycan Xalq Cəbhəsi (AXC) təsis edildi. Elə həmin ilin sentyabrında Ali Sovetin Azərbaycanın suverenliyi haqqında Konstitusiya Aktını qəbul etməsi Moskvanı daha da qıcıqlandırdı və 1990-cı ilin 19-20 yanvarında Bakıya qoşun yeridildi.

Mitinq iştirakçılarına qarşı ağır texnika və odlu silahdan istifadə edildi. Yüzlərlə aksiya iştirakçısı və dinc sakin vəhşicəsinə qətlə yetirildi. Amma bu hadisə xalqımızın milli qürurunu sındıra bilmədi. Əksinə, azadlıq hərəkatını daha da sürətləndirdi.

1990-cı il seçkisində AXC rəhbərlərinin əksəriyyəti Ali Sovetin deputatı mandatını qazandılar və Demokratik Blok adlı fraksiya yaratdılar.

1991-ci il oktyabrın 18-də Azərbaycanın dövlət müstəqilliyinin bərpa edildiyi elan olundu. 1992-ci ilin mayında isə AXC hakimiyyətə gəldi. Qısa müddət ərzində Azərbaycan Respublikasının müstəqilliyinə real təhlükə olan SSRİ qoşunları Azərbaycandan çıxarıldı.

1990-cı il noyabrın 17-də Naxçıvan Muxtar Respublikasının Ali Sovetinin yeni tərkibdə ilk sessiyası keçirildi. Muxtar respublikanın adından "sovet" və "sosialist" sözləri çıxarıldı. İmperiyanın hələ tarix səhnəsindən silinmədiyi bir dövrdə Naxçıvanın adından "sovet" və "sosialist" sözlərinin çıxarılması müstəqilliyimizin qazanılması yolunda çox böyük tarixi addım idi.

Bununla ümummilli lider Heydər Əliyev milli dövlətçiliyimizin dirçəlişi istiqamətində ilk böyük addımı atdı. Ulu öndər Heydər Əliyevin sədrliyi ilə keçirilən həmin tarixi sessiyada Muxtar Respublikanın dövlət rəmzləri haqqında məsələ də müzakirə olundu.

Xalq deputatlarının müzakirəsindən sonra üçrəngli bayrağın dövlət rəmzi kimi qəbulu ilə əlaqədar təklif irəli sürüldü. Azərbaycan Xalq Cümhuriyyətinin üçrəngli bayrağının bərpa olunması barədə qərar çıxaran sessiya onun dövlət bayrağı kimi qəbul edilməsi ilə əlaqədar Azərbaycanın Ali Soveti qarşısında vəsadtət qaldırdı. Beləliklə, milli dirçəlişdən milli tərəqqiyə doğru uzanan tarixi yolun başlanğıcı qoyuldu.

Azərbaycan 2020-ci ildən etibarən Milli Dirçəliş Gününü xüsusi coşqu və fərəhlə qeyd edir.

Çünki 2020-ci ildə 44 günlük Vətən müharibəsində Azərbaycan Ordusu müzəffər Ali Baş Komandan İlham Əliyevin rəhbərliyi ilə Ermənistan silahlı qüvvələrinə ağır və sarsıdıcı zərbələr vuraraq işğalda olan əraziləri azad edib. Bu, həm də İranla 132 kilometr sərhədin bərpa olunması deməkdir. Azərbaycan 2023-cü ilin 19-20 sentyabr tarixlərində Qarabağda keçirdiyi antiterror tədbirləri nəticəsində suverenliyini tam olaraq bərpa edib. Azərbaycan bu gün Ermənistana diktə edən tərəfə çevrilib. Vətən müharibəsindən sonra Azərbaycanın gücü yeni mərhələyə keçid edərək İrəvan üzərində əlavə rıçaqların qazanılmasına gətirib çıxarıb.

Azərbaycan Milli Dirçəliş Gününü tarixi və milli qürurunu bərpa edərək qeyd edir.