 |
|
|
Milyonçuya ağı deyən xala, telefonla oynayan qız, fəlsəfi monoloq söyləyən xidmətçi...
Son bir-neçə ildə tarixi mövzuda çəkilməsinin sorağı gələn iki filmi gözləyirdim. Onlardan biri “Atabəylər”, ikincisi “Tağıyev” idi. İkincisi artıq ölkə kinoteatrlarında nümayiş olunur. COP29-un “razqar” vaxtında yol tapıb, gedib filmə baxdım.
Stanislavski nahaq yerə “teatr asılqandan başlayır” - deməyib. Bu asılqan məsələsi elə-belə söz deyil, özündə çox mətləbləri ehtiva edir. Ən önəmli mətləb elə asılqanın özüdür. Yəni ki, teatrdı, kinoteatrdı, konsert salonudu, bir sözlə, mədəniyyət ocağı olan nəsnə asılqandan başlayar. Gələrsən kinoya, tamaşaya, konsertə, baletə... baxmağa, əvvəlcə bir üst geyimini çıxardıb, asıb, əllərini yuyub, sonra keçərsən sənətə tamaşa etməyə. Yox, üst geyimini də qoltuğuna vurub, tamaşa salonuna, kinoteatra keçəcəksənsə, daha bunun nəyi mədəniyyət oldu?
Nə isə, keçdim kino salonuna, gördüm içəridə elə bil, yanvarın 1-dir, hər tərəf ağappaq qar. Amma su qabları da boldur. Əcəba, qar yağan vaxt bu nə su sevdasıdır? Baxdım ki, qar hesab etdiyim popkorndur – bildiyimiz qarğıdalı qovurması. Yeyilən yeyilib, kinoya baxa-baxa, yeyilməyən səpilib ayaqlar altına, su içilib, boş butulkalar atılıb salona.
Ticarət mərkəzində kino zalı təşkil edib qarderob barədə düşünməyən insan kinoya da “yeyib-içməkl”lə gəlib, tullantı qoyub gedər. Binəva süpürgəçi də deyinə-deyinə təmizləyir: “Elə bil qəsdən edirlər e, nə qədər bacarırlar o qədər zibilləyib çıxmaq ən ali məqsədləridir”. Süpürgəçi deyir ha…
Yanımdakı boş yerə üst geyimimi, çantamı qoyub, əyləşdim. Yaxşı ki, axıra qədər o yerin sahibi gəlib çıxmadı… Bunları atdım ki, yiyəsi götürsün.
İndi keçirəm mətləbə, şükür ki, o, ürəkaçandır. Evdə televizorda, maşında radioda, küçədə hər addımda rastlaşdığımız reklamlar azmış kimi, kinoteatrda da bir 10 dəqiqə vaxtımızı alıb, hüququmuzu növbəti dəfə pozandan sonra, nəhayət, film başladı.
“Tağıyev: Neft” - film adı kimi uğurlu görünməyə bilər, çünki qoşa nöqtə adamı itələyir, birinci ifadə bəs edər, amma görəndə ki, ikinci söz birinci filmin adıdır, anlamağa çalışırsan. Yəni “Tağıyev” filmi, 1-ci hissə - “Neft”.
Xeyriyyəçi Hacı Zeynalabdin Tağıyeva həsr olunan filmdə XIX əsrin sonu – XX əsrin əvvəlində Bakıda və bölgədə baş verən mühüm tarixi hadisələr əks etdirilir. Birinci hissədə, təbii ki, bunun hamısını birdən görməyəcəksiniz.
Film Tağıyevin yaşlı, artıq hər şeyini itirmiş vaxtında xarici jurnalistə müsahibə verməsi ilə başlayır. Bütün həyatını müsahibədə, jurnalistin suallarını cavablandırarkən nəql edir.
“Neft” adlı birinci hissədə Hacı Zeynalabdinin həyat yolunun bildiyimiz və bilmədiyimiz ilkin etapı canlandırılır. Yəni o necə Bibiheybət ərazisindən əvvəl ermənilərlə şərik torpaq götürür, sonra onlara düşən ərazini də (nə yaxşı ki…) geri alır. Hamı həmin torpaqdan neft çıxmayacağını dediyi halda Hacı Zeynalabdinin ordan neft çıxması üçün çarpışıb bir addım belə geri çəkilməməsi ona hansı əzablarla başa gəlir. Hər şeyini itirir, evini girov qoyur, hətta diqqətsizliyindən vaxtında həkimə aparmadığı üçün xanımı Zeynəb dünyasını dəyişir. Oğlu İsmayıl üz döndərir. Ətrafda hər kəs onun çörəyini yeyir, amma hamı arxasında deyil, bəzən önündə durur. Bir tərəfdən də Bibiheybət məscidinin axundu din pərdəsi altında xalqı onun əleyhinə qaldırmağa çalışır. Müqəddəs torpaqları qazmaqla ruhları incitdiyini, Allaha qarşı çıxdığını iddia edib, mane olur. Xeyriyyəçilik, yaxşılıq, çörək, təhsil vermək ən ali missiyası olan Hacı Zeynalabdin Tağıyevi allahsızlıqda günahlandırıb lənətləmək allahsızlığın özü deyilmi?
Qəhrəman bütləşdirilmir, filmin uğuru da bundadır, Hacını zəif və güclü cəhətləri, əyər-əskiyi ilə, olduğu kimi göstərməyə çalışmaq cəhdi var.
Hacı bütün bu ittihamlara, etirazlara, işçiləri, övladını belə ona qarşı çıxarmağa cəhdlərə təmkinlə dözüb, əlini işdən soyutmur. Nəhayət, bıçaq sümüyə dirənən gün, tam uçurumun kandarında ikən neft fontan vurur… Neft fontanı ilə “Neft” başa çatır. Qalanı növbəti hissələrdə. Filmin prodüseri Orman Əliyev ilk təqdimat zamanı çıxışında deyib ki, film 8 hissədən ibarət nəzərdə tutulub, amma kinoteatr formatında 4 olacaq.
İki saat çəkən birinci hissəyə göz qırpmadan baxırsan. Dekor, musiqi, aktyor oyunu inandırıcıdır. Özünü həmin dövrdə, o adamlardan biri kimi hiss edirsən. Filmin çəkilişləri 70-dən çox məkanda aparılıb, 300-dən çox dekorasiya hazırlanıb.
“Azərbaycanfilm” kinostudiyasının geyim və rekvizit bölməsindən 1600 əlbisə filmin geyim emalatxanasına daxil olub. Çəkiliş boyu 3600 insan geyindirilib və onların geyim davamiyyəti ssenariyə uyğun olaraq həll edilib. Bomboz, quru, cansıxıcı çöllükdə neft fontanı ilə həyatlarının çiçəkləyəcəyi barədə xəyallar quran fəhlə obrazlarının hər biri dövrün bir salnaməçisi kimi görünür. İllah da, hərdən o ağır əməyin altında şirin bir milli musiqini ağız-ağıza verib oxumaqları elə o çöllükdə neft fontanı təsiri bağışlayır. Obrazları yaradan aktyorların oyunu maraqlıdır.
Onu da deyim ki, filmin çəkilişləri 5 il əvvəl başlayıb, qismət Hacının vəfatının 100-cü ildönümünə imiş. 5 il ərzində bu film üzərində 2500-dən çox insan işləyib.
Hə, insan demiş, Tağıyevin gənclik dövrünü Pərviz Məmmədrzayev, yaşlı vaxtını isə Qurban İsmayılov oynayır. Filmin rejissoru Zaur Qasımlının dediyinə görə, istehsalat zamanı ən çətin proses aktyor seçimi olub. Xüsusilə milyonçu, xeyriyyəçi Hacı Zeynalabdin Tağıyevin obrazının canlandırması üçün aktyorun seçilməsi həm çətin olub, həm də xeyli vaxt aparıb. Digər aktyorların da seçimi uğurludur. Məsələn, milyonçu olsa da Tağıyevin təsiri olmadan heç bir xeyriyyə işinə əl qoymadığı deyilən Musa Nağıyevi Rasim Cəfərov məharətlə təqdim edir.
“Himayədar” işçi adı ilə çəkilişlərinə başlanılan filmin 15 aylıq hazırlıq və çəkiliş, 9 aylıq çəkiliş dövrü, 135 çəkiliş günü olub. Hazırlıq və çəkiliş dövründə rəssam komandası 150-dən çox əsas qəhrəmanların geyim eskizlərini və geyimlərini, 400-dən çox geyim növlərini, 100 aksessuar – zərgərlik nümunələri hazırlayıb. Çəkilişlərdə ölkənin müxtəlif bölgələrindəki sənətkarların dövrə uyğun hazırladıqları geyimlər, baş geyimləri, çəkmələr, çarıqlarla birgə müxtəlif məhsullar istifadə edilib.
Türkiyədən gətirilən köynəklər və kəmərlər, Hindistan sərgisindən alınan və şəxsi kolleksiyalarda saxlanılan zinət əşyaları və aksessuarlar kirayə götürülüb.
Film Heydər Əliyev Fondu, Mədəniyyət Nazirliyi və Azərbaycan Respublikasının Kino Agentliyinin dəstəyi, Neqsol Holding, Kapital Bank, Bakcell və Norm şirkətlərinin sponsorluğu ilə Bakı Media Mərkəzi tərəfindən istehsal olunub.
Baş prodüseri Arzu Əliyeva, prodüseri Orman Əliyev, rejissoru Zaur Qasımlı, ssenari müəllifləri İsmayıl İman, Asif İsgəndərli və Zaur Qasımlı, operatoru Vladimir Artemyev, rəssamı Səbuhi Atababayev, geyim rəssamı Vüsal Rəhimdir.
Rejissor təqdimatda deyib ki, “Tağıyev: Neft” filminin ərsəyə gətirilməsindən əsas məqsəd kassadan gəlir götürmək deyil, Azərbaycan xalqına Azərbaycanın tarixi-mədəni irsini dəyərincə çatdırmaqdır.
Mən fərqli baxıram, Azərbaycan xalqı oğullarını da tanıyır, tarixini də bilir, bilməyən öyrənsin, tanısın, lap elə bu filmdən, amma belə filmlər həm də gəlir gətirməlidir, prokat sistemi işə düşməlidir. Həm də film yalnız daxili auditoriyaya hesablanmalı deyil. Texniki baxımdan da standartlara uyğundursa, bir zəhmət, çalışaq dünyaya çıxaq. Bu özümüz deyib, özümüz eşitməkdən daha vacibdir.
Ekran qaralıncaya qədər, bütün yaradıcı heyətin adını oxuyub, sona qədər izlədim. İşıqlar yanır, ətrafa baxıram, hamı çıxıb. Məndən qabaqda əyləşib film boyu telefonla oynayıb, sonda da “o biri hissəyə də gələrik” - deyən qız da, məndən arxada film boyu Tağıyevə ağı deyib ağlayan xala da. Qalxıb asta-asta çıxıram, qarşımdan keçən süpürgəçi yenə nə isə deyinir, amma eşitmirəm, gözüm onu görsə də, fikrim ötən əsrin əvvəllərində idi…
Növbəti seriyaları gözləməklə, “Atabəylər” filmini də tezliklə görmək üçün, Azərbaycanın həm siyasi, həm də mədəni cəbhəsində vuruşanlara uğur diləyi ilə...
Noyabrın 14-də Heydər Əliyev Mərkəzində ətraf mühitin qorunmasına çağırış edən MAMA “Ana təbiət” (Mother Nature) beynəlxalq incəsənət layihəsi və “Öz töhfəni ver!” (Participate!) sərgisinin açılış mərasimi keçirilib.
“Qafqazinfo” xəbər verir ki, sərgilərin açılışında Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyeva, Bakı Media Mərkəzinin rəhbəri Arzu Əliyeva və ailə üzvləri iştirak ediblər.
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) günlərində fəaliyyətə başlayan MAMA “Ana təbiət” beynəlxalq incəsənət layihəsinin ideya müəllifi Heydər Əliyev Fondunun vitse-prezidenti Leyla Əliyevadır. Layihə çərçivəsində nümayiş olunan ekspozisiya “IDEA” (Ətraf Mühitin Mühafizəsi Naminə Beynəlxalq Dialoq) İctimai Birliyi və Heydər Əliyev Mərkəzinin təşkilatçılığı ilə təqdim edilir.
Ətraf mühitin mühafizəsi mövzusunda açılan “Öz töhfəni ver!” sərgisi isə Birləşmiş Millətlər Təşkilatının Cenevrədəki ofisinin baş direktoru Tatyana Valovaya və “IDEA” İctimai Birliyinin rəhbəri Leyla Əliyevanın birgə təşəbbüsü ilə Heydər Əliyev Mərkəzi və İsveçrə Qadın və Gücləndirmə Assosiasiyası (Association of Swiss Women & Empowerment) tərəfindən təşkil olunub.
Tədbirdə çıxış edən Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyeva nümayiş olunan əsərlərin izləyicilərə müsbət enerji verəcəyinə ümidvar olduğunu bildirib. O, sərginin ərsəyə gəlməsində iştirak edən hər kəsə təşəkkürlərini çatdırıb.
Leyla Əliyeva ölkəmizin ev sahibliyi etdiyi COP29-da Azərbaycanda aparılan işlər nəticəsində bir çox müsbət nəticələrin əldə olunacağına inamını ifadə edib.
Heydər Əliyev Fondunun vitse-prezidenti son dövrlərdə planetimizdə iqlim dəyişiklikliyi nəticəsində meydana gələn problemlərdən bəhs edib, hava, torpaq, suyun çirklənməsinin bir sıra mənfi təsirlərindən danışıb. Leyla Əliyeva iqlim dəyişikliyi və çirklənmə məsələsinin, həmçinin Azərbaycanın ekosisteminə ciddi təsir göstərdiyini bildirib, mövcud problemlərin həllinə çox nikbinliklə və kreativ üslubda yanaşıldığını diqqətə çatdırıb. O, 2011-ci ildə təsis edilmiş “IDEA” İctimai Birliyinin fəaliyyətinin məhz ətraf mühit problemlərinin həllinə yönəldiyini də qeyd edib.
Sonra çıxış edən türkiyəli rəssam Seval Özcan möhtəşəm beynəlxalq sərginin təşkilinə görə Heydər Əliyev Fondunun vitse-prezidenti Leyla Əliyevaya dərin minnətdarlığını bildirib. Diqqətə çatdırılıb ki, təbiətin insanlara deyil, insanların təbiətə ehtiyacı var və dünyamız bu gün böyük təhlükə altındadır. S.Özcan bu cür çətinliklərin olduğu bir dövrdə Bakıda iqlim dəyişikliyi ilə bağlı təşkil edilən tədbirlərin çox əhəmiyyətli olduğunu vurğulayıb.
Birləşmiş Millətlər Təşkilatının Cenevrədəki ofisinin baş direktoru Tatyana Valovaya tədbir iştirakçılarına videomüraciətində iqlim dəyişmələrinin qarşısını almaq və daha yaşıl dünyaya nail olmaq məqsədilə göstərdiyi qlobal səylərə, iki layihənin ərsəyə gəlməsinə görə Leyla Əliyevanın rəhbərliyi ilə “IDEA” İctimai Birliyinə, həmçinin Heydər Əliyev Fonduna və İsveçrə Qadın və Gücləndirmə Assosiasiyasına təşəkkürünü bildirib.
"Bu iki sərgi "Gələcək Naminə Pakt"da əks olunmuş üzv dövlətlərin öhdəliyi, COP29 müzakirələrin əsas mövzusunu təşkil edəcək işlər ilə həmahəngdir. Həmçinin bu sərgilər qəlbimə xüsusən bağlıdır, çünki onlar incəsənət, texnologiya və ətraf mühit öhdəliyinin kəsişən məqamlarını əks etdirir. Bizi düşündürən bu cür işlər laqeydliyin fəsadlarını xatırladır və hər tamaşaçını planetimizdə carçı rolunda düşünməyə vadar edir. Həmin sərgilər bizi hərəkətə səsləyir və hamımızı seçimlərimizin təsiri, eləcə də gələcək nəsillərə hansı mirası qoyacağımız barədə düşündürür", - deyə Tatyana Valovaya videomüraciətində qeyd edib.
Sonra qonaqlar MAMA “Ana təbiət” və “Öz töhfəni ver!” sərgilərinə baxış keçiriblər.
Sərgi ilə tanış olan qonaqlar öz təəssüratlarını bölüşüblər. İşa Xeyriyyə Fondunun təsisçisi, məşhur hindistanlı yoqin Sadhquru (Caqqi Vasudev) dünyamıza və xüsusilə incəsənətə qayğının mütləq olduğunu bildirib. Onun sözlərinə görə, incəsənətə qayğının ən gözəl ifadəsində sənət, musiqi də istifadə edilməlidir. Əks halda, insanların ruhuna toxuna bilmərik.
Rəssam Kamran Məmmədov sərgidə nümayiş etdirilən əsərində peşəsindən asılı olmayaraq, hər kəsin planetimizə, təbiətimizə qayğı göstərməyin əhəmiyyətinə diqqət cəlb etdiyini deyib.
Heykəltaraş Ömər Heydərov isə sərginin çoxşaxəli olduğunu, bütün növ sənət nümunələrini əhatə etdiyini deyib. O, sərgidə həm təbiətin gözəlliyinin nümayiş olunduğunu, həm də onu qorumaq üçün çağırışların edildiyini diqqətə çatdırıb.
MAMA “Ana təbiət” beynəlxalq incəsənət layihəsi Azərbaycan da daxil olmaqla, 28 ölkədən – ABŞ, Almaniya, Böyük Britaniya, Braziliya, Cənubi Koreya, Gürcüstan, Hindistan, İspaniya, İsrail, Latviya, Pakistan, Rusiya, Türkiyə, Ukrayna və digərlərindən 55 fərqli sənətkarı bir araya gətirərək incəsənət vasitəsilə planetimizi gələcək nəsillər üçün qorumağa çağırır. Fərqli ölkə və millətlərdən olan müəlliflər əsərləri ilə iqlim dəyişikliyi mövzusunda insanların şüuruna təsir göstərməyə cəhd edirlər.
Ekspozisiyada rəqəmsal instalyasiya, rəsm, qrafika və heykəltaraşlıq nümunələri daxil olmaqla, ümumilikdə 127 əsər təqdim olunur.
“Öz töhfəni ver!” sərgisi isə ətraf mühitin mühafizəsi, ekoloji maarifləndirmə və ekomədəniyyətin təbliğinə həsr olunub. Layihə insanların ekoloji maarifləndirilməsini artırmağa, uşaq və yeniyetmələri ekoloji gündəliyə cəlb etməyə, onların ekoaktivliyini populyar formatlarda dəstəkləməyə hədəflənib.
Sərgi üç hissədən ibarətdir. “Əvvəllər belə idi. Bundan sonra nə olacaq?” adlı birinci hissədə XIX-XX əsrlərin bir sıra görkəmli rəssamlarının müxtəlif qitələrin mənzərələrini əks etdirən əsərləri və süni intellekt texnologiyasının imkanları ilə həmin mənzərələrin qlobal istiləşmə nəticəsində necə dəyişəcəyi göstərilir. Burada Klod Monenin “Su zanbağı gölməçəsi”, Pol Sezanın “Sent-Viktuar dağı”, Albert Birştadın “Syerra-Nevada arasında, Kaliforniya” və digər müəlliflərin əsərlərindəki mənzərənin ətraf mühitə mənfi təsirlərin nəticəsində hansı dəyişikliklərə uğrayacağı təsvir edilir. Tamaşaçıya “Qlobal istiləşmənin qarşısı alınmazsa, həmin mənzərələr nə hala düşəcək? Növbəti nəsillər onları görə biləcəkmi?” sualları ünvanlanır.
Sərginin ikinci hissəsi “17 dayanıqlı inkişaf məqsədi” adlanır. Burada 2015-ci il sentyabrın 25-də 193 ölkənin iştirakı ilə BMT Baş Assambleyası tərəfindən qəbul edilən və “2030-cu ilədək dayanıqlı inkişaf sahəsində Gündəlik” adlı sənədə daxil olan davamlı inkişafın hər üç komponenti - iqtisadi, sosial və ekoloji tarazlığın təmini nümayiş etdirilir.
.jpg)
Ekspozisiyanın “Öz töhfəni ver!” adlı üçüncü hissəsi isə insanları səyləri birləşdirərək təbiətin qorunmasında iştiraka səsləyir. Ziyarətçilər ekoloji təhlükəsizliyin təmin edilməsi istiqamətində maraqlı, qeyri-standart, yaradıcı ideya və təşəbbüslərini bədii şəkildə, əlvan boyalarla təsvir etmək imkanı qazanır. Layihə təşkilatçıları insanları tərəddüd etmədən ətraf mühitin qorunması, planetimizin xilası naminə hərəkətə keçməyə çağırır.
Xatırladaq ki, sərgi Azərbaycan ilə BMT arasında əməkdaşlıq çərçivəsində reallaşdırılan ilk layihə deyil. 2022-ci ilin iyununda BMT-nin Cenevrədəki bölməsində “Mənim dənizlərim, mənim okeanlarım”(My Seas, My Oceans) fotosərgisi, 2022-ci ilin oktyabrında Bakıda Heydər Əliyev Mərkəzində “Çağırışın 17 siması” (“17 Faces of Action”) fotosərgisi təşkil edilib.
Azərbaycanlı xanəndə Aqil Süleymanov ABŞ-də təşkil olunan “LIT MUSIC AWARDS” Beynəlxalq Musiqi Festivalında 2 medal qazanıb.
“Qafqazinfo” xəbər verir ki, nüfuzlu müsabiqədə “Ninne yarım” mahnısını təqdim edən xanındə “Ən yaxşı kişi ifaçısı” kateqoriyası üzrə qızıl medala, “Ən yaxşı xalq musiqisi” kateqoriyasında isə gümüş medala layiq görülüb.
Qeyd edək ki, “LIT MUSIC AWARDS” müsabiqəsi dünyanın hər yerindən istedadlı ifaçıları bir araya gətirir.
Müsabiqənin saytında həmyerlimiz haqqında ətraflı məlumat verilib. Belə ki, Aqil Süleymanov ABŞ-də Azərbaycan muğamının yeganə təmsilçisidir. O, yeddi ildən artıqdır ABŞ-də yaşayır və burada muğam sənət musiqisini təbliğ edir. Onun Amerikadakı hekayəsi 2014-cü ildən “Qarabağ Ansamblı” ilə nüfuzlu SXSW (South by Southwest) musiqi festivalında iştirakından başlayır. O vaxtdan bəri Aqil solo ifaçı kimi Amerika musiqi səhnəsində əhəmiyyətli bir iz qoyub.
Əvvəlcə Texasda yerləşən Aqil nəinki muğam, hətta Azərbaycan musiqisinə az bələd olan bir mühitdə özünü tapa bilib. Buradakı fəaliyyətinə Ostin Texas Universitetində “Bərəkət” Yaxın Şərq Ansamblında solist kimi çıxış etməklə başlayan xanəndə Ansamblın müntəzəm konesrtlərində çıxış edib və muğamı daha geniş auditoriyaya tanıtmağa başlayıb.
Ostində dörd il yaşadıqdan sonra isə Nyu-York şəhərinə köçüb. Aqilin Nyu-Yorkda əldə etdiyi nailiyyətlərdən biri Azərbaycan musiqisini dərindən qiymətləndirən “Hunter Kollec”in professoru Corc Mürerlə işbirliyidir. Onun vasitəsi ilə Aqil digər professor Fərzad Amuzegərlə tanış oldu və hazırda onlar “Hunter Kollec”də muğam proqramının təşkili üzərində işləyirlər. Məqsəd Azərbaycan muğamının əhatə dairəsini akademik aləmdə daha da genişləndirməkdir.
Onu da qeyd edək ki, azərbaycanlı xanəndə noyabrın 8-də, Zəfər Günündə, Nyu-Yorkun böyük musiqi səhnələrindən biri “Linkoln Mərkəzi”ndə Əməkdar artist, professor Nərgiz Əliyarova ilə bir səhnəni bölüşüb. O, professor Corc Mürerlə bərabər “Leyli və Məcnun” operasını glən ilin aprel ayında ABŞ-də səhnələşdirmək niyyətindədir.
Ötən günlərdə "reklam və qeyri-qanuni mərc oynamağı təşviq etmək" ittihamı ilə ev dustaqlığına məhkum edilən türkiyəli müğənni Sərdar Ortaçdan xəbər var.
Sosial şəbəkələrdə çox aktiv olan müğənni ev dustaqlığının ilk saatlarında ard-arda paylaşımlar etsə də, sonradan bir anda qərar dəyişdirib. Onun ötən gecə "Instagram" və "X" hesabını bağladığı anlaşılıb.
Hər fürsətdə qumar səbəbilə sərvət itirdiyini deyən Ortaçın son günlərdə sosial şəbəkələrdə özü barəsində tənqidi şərhləri görməmək üçün bu addımı atdığı ehtimal edilir.
İsmailiyyə-nizari icmasının imamı III Ağa xanın oğlu Şahzadə Sadruddin Ağa xana məxsus broşdakı zümrüd hərracda rekord qiymətə satılıb.
Oxu.Az-ın verdiyi məlumata görə, bu barədə "CBS News" məlumat verib.
Brilyant daşlarla bəzədilmiş zümrüd hazırda dünyanın ən bahalı yaşıl daşıdır.
Bir çox mütəxəssislər daşın unikal formasını da qeyd edirlər - o, nazik və yastıdır. Belə xüsusiyyətlər zümrüdün rənginə mənfi təsir göstərməlidir, ancaq şahzadənin bəzək əşyasında belə deyil: parlaq yaşıl rəng mükəmməl şəkildə qorunub saxlanılıb.
Sədrəddin Ağa xan Məhəmməd peyğəmbərin birbaşa nəslindən hesab olunur. O, zinət əşyasını 1960-cı ildə nişanlısı Nina Şeyla Dyera üçün "Cartier"dən sifariş edib. Qiymətli broş "Markiz" xüsusi kəsimi olan 20 brilyant və 37 karatlıq zümrüdlə bəzədilib.
ABŞ-nin Ermənistandakı səfiri Kristina Kuinn ilk dəfə xaş yeyib.
"Unikal" xəbər verir ki, xanım səfirə Azərbaycan mətbəxinin yeməyi erməni təamı kimi təqdim edilib.
Qeyd edək ki, xaş oğuz türkcəsində xaşlamaq (bişirmək, yeməyi qaynatmaq) mənasındadır.
Bakıda davam edən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29-un iştirakçılarının asudə vaxtının səmərəli təşkili, əcnəbi qonaqlara Azərbaycanın zəngin mədəni irsinin, incəsənətinin tanıdılması məqsədilə Mədəniyyət Nazirliyi tərəfindən maraqlı bədii proqram da hazırlanıb.
Musavat.com xəbər verir ki, noyabrın 13-də Heydər Əliyev Sarayında Mədəniyyət Nazirliyinin təşkilatçılığı ilə “Oyanış" adlı proqram – şou-kompozisiya təqdim olunub.
Azərbaycan Dövlət Akademik Opera və Balet Teatrının təqdim etdiyi proqramı COP29-la bağlı Bakıya gəlmiş müxtəlif ölkələrin rəsmiləri də daxil olmaqla geniş tamaşaçı auditoriyası böyük maraqla izləyib.
“Oyanış” – insanın təbiətlə vəhdətini bərpa edən və bəşər varlığını həyat üçün zəruri olan ilkin elementlərə diqqətlə nəzər salmağa təşviq edən müqəddəs bir ayindir. Yaşadığımız dövrdə hava, su, torpaq və od kimi vacib elementlər yeni düşüncələrə ilham verən mövzulara çevrilib. Buna görə də bu tamaşa suyu həyatla, havanı zəkanın gücü ilə, torpağı şüurlu varlıqla, atəşi isə sivilizasiyanın işığı ilə birləşdirən bir oyanış kimi nəzərdə tutulub. Bəşəriyyət uzaq keçmişdən bu günə səyahət edən kahinlərin müdrikliyindən nəsihət alaraq hər bir elementin tərkibində təbiətə aid sənət əsərinin olduğuna şahidlik edir.
Şou-kompozisiyada yer alan xalça təsviri saysız-hesabsız düyünlərin nəticəsidir, biz də insanlar arasında kollektiv iradə sayəsində əldə edilmiş birliyin gözəlliyini məhz bu formada təsvir edirik. İnsan məhdudiyyətlərinin məhbusuna çevrilmiş Qız qalasının saf ruhlu şahzadəsi onu gizlədən daşlar arasından azad olub “insan olmağı” hər birimizə xatırladaraq bizi bu gözəllik, saflıq və kövrəkliklə ruhlandırır. İnsan olmaq, həqiqətən də, malik olduğumuz kövrəkliyi qəbul etmək deməkdir, amma bu, o demək deyil ki, biz həyat səhnəsində olmalı deyilik. Unutmayaq ki, həyat özü gözəllik kimidir. Ona qayğı göstərilmirsə, haqqı verilmirsə, o, mövcud deyil. Buna görə də, hər şeyə yeni nəfəs verilsin deyə bəşəriyyətə təqdim edilən Oyanış yeni dünyanın elçisi kimi rəqsin vəcdi və baharın şövqedici arzusu ilə alovlanır...
Azərbaycan sənətçiləri ilə yanaşı, əcnəbi incəsənət ustalarının da iştirakı ilə hazırlanan şou-kompozisiyanın rejissoru və ssenaristi Françesko Bondi, musiqi rəhbəri Azərbaycan Dövlət Akademik Opera və Balet Teatrının baş dirijoru Əməkdar artist Əyyub Quliyev, xormeysteri Əməkdar incəsənət xadimi Sevil Hacıyevadır.
-6.jpg)
-7.jpg)
-10.jpg)
-10.jpg)
-12.jpg)
-12.jpg)
-11.jpg)
-10.jpg)
Türkiyəli aktyor Aras Bulut İynemlinin baş rolunu canlandırdığı “Deha” serialından qazandığı məbləğ bəlli olub.
Aktyor serialın hər bölümünə görə 1 milyon 500 min lirə, yəni təxminən 74 min 500 manat qazanır.
Aras Bulut İynemli Türkiyənin ən istedadlı baş rol oyunçularından biri hesab olunur. “7-ci koğuşdakı mucize” filmindən sonra onun populyarlığı daha da artıb
COP29-un Yaşıl Zonasında Azərbaycanın milli dəyərləri təqdim olunur.
Belə ki, burada qədim sənətkarlıq növlərini əks etdirən stendlər quraşdırılıb.
Tədbir iştirakçıları isə Azərbaycanın qədim tarixi ilə yaxından tanış olur, qonaqlar xalça toxumağı öyrənirlər.
Master-klas bitdikdən sonra isə qonaqlara sertifikatlar təqdim olunur.
Ətraflı Baku TV-nin süjetində: