Türkiyə uzun müddətdir ki, ənənə formalaşdırıb. Biz “Qalatasaray”ın çıxışında da eyni ssenarini görürük. Sanki son ana qədər azarkeşlərin ürəyini üzməyə, intizarda saxlamağa meyillidirlər.

Bu sözləri Axar.az-a açıqlamasında idman eksperti Amal Abuşov Türkiyə millisinin Avstriya millisi üzərində 1/8 finalda qələbəsini şərh edərkən deyib.

“Müsbət məqam odur ki, favorit göstərilmədiyi oyunlarda belə türkiyəli futbolçular sonda hər kəsi təəccübləndirməyi bacarır. Qrup mərhələsindən bəri Türkiyə millisi tənqid olunurdu. Çünki Gürcüstanla oyunda qələbə qazansalar da, müdafiə xəttində səhvlər var idi. İkinci oyunda Portuqaliyaya məğlubiyyət ümidləri daha da azaltdı. Bu da baş məşqçinin hiyləsidir. Oyunlarda qarışıq heyət seçərək həm rəqiblərini çaşdırmağı, həm də azarkeşləri təəccübləndirməyi bacardı. Türkiyə millisi bütün səhvləri unutdurdu. Futbolçularının fədakarlığı, son dəqiqədə qapıçının həmləsi, çoxlarının hesaba almadığı Dəmiralın dubl etməsi Türkiyə millisinin xarakterindən, sona qədər döyüşməsindən xəbər verir. Məşhur deyim var, “Biz bitdi demədən, bitməz”. Həqiqətən də Türkiyə millisi bu deyimi tam yerinə yetirib”, - Abuşov bildirib.

Ekspert bildirib ki, Türkiyə millisinin növbəti oyundakı rəqibi Niderland da Türkiyə millisi kimi qeyri-sabit oyun nümayiş etdirib:

“Niderlandın Rumıniya üzərində qələbəsi göz qorxutsa da, 1/4 finalda Türkiyə Rumıniya kimi çıxış etməyəcək. Qardaş ölkənin millisi ruhdan düşmür, sona qədər döyüşür. Bu da Niderland millisinə bir qədər çətinlik yaradacaq. Gələcək oyunu yarı-yarıya qiymətləndirirəm. Hər iki komandanın yarımfinala yüksəlmə şansı var”.

Qeyd edək ki, Almaniyada təşkil edilən Avropa çempionatının 1/4 final oyunları 5-6 iyul tarixlərində keçiriləcək. Türkiyə millisi iyulun 6-da, Bakı vaxtilə saat 23:00-da Niderland seçməsi ilə üz-üzə gələcək.

Bu gün Avro-2024-də 1/8 final mərhələsinə yekun vurulub.

QOL.az xəbər verir ki, 4-cü oyun günündə 2 matç keçirilib. Bununla da 1/4 finalın son iştirakçıları da müəyyənləşib.

"Allianz Arena"da Rumıniya Niderlandla qarşılaşıb. Almaniyalı Feliks Zvayerin idarə etdiyi görüş Niderland 3:0 hesablı qələbə qazanaraq 1/4 finala yüksəlib. "Narıncılar" bu mərhələdə Avstriya - Türkiyə matçının qalibi ilə qarşılaşacaq.

Digər oyun isə "Red Bull Arena"da keçirilib. Burada qardaş ölkə Türkiyənin milli komandası Avstriya ilə üz-üzə gəlib. Türkiyə yığması gərgin keçən görüşdə 2:1 hesablı qələbə qazanıb. Bununla da Vinçentso Montellanın komandası 1/4 finala adlayıb.

Türkiyə millisi 1/4 finalda Niderlandla qarşılaşacaq.

Qeyd edək ki, bunadək artıq 1/4 finalın 3 cütü müəyyənləşib. İspaniya Almaniya ilə, İngiltərə İsveçrə ilə, Fransa isə Portuqaliya ilə üz-üzə gələcək.

Avro-2024, 1/8 final

23:00. Avstriya - Türkiyə - 1:2

Qollar: Mixail Qriqoriç, 67 - Merih Demiral, 1, 60

Baş hakim: Artur Diaş (Portuqaliya)

"Red Bull Arena"

Almaniyada keçirilən Avropa çempionatında 1/8 final mərhələsinin oyunları keçirilir.

Günün ilk matçında Fransa millisi Belçika ilə üz-üzə gəlib.

Matç fransızların 1-0 hesablı qələbəsi ilə başa çatıb. Bu qələbə ilə Fransa millisi 1/4 final mərhələsinə yüksəlib.

AÇ-2024

1/8 final mərhələsi

1 iyul

20:00 Fransa – Belçika 1:0

Qol: Yan Vertanongen - 85 (öz qapısına)

Ultimate Döyüş Çempionatının (UFC) keçmiş çempionu Konor Makqreqor Həbib Nurməhəmmədovun hesablarının Federal Vergi Xidməti tərəfindən dondurulması ilə bağlı yayılan məlumatlara cavab verib.

32gun.az bildirir ki, o bu barədə sosial şəbəkələrdə məlumat verib:

“Dilənçi və qaçaq. Onu görsəniz, ona pul üçün təkan təklif edin. Eşitdim ki, o, hazırda Dubayda küçə tualetində yaşayır", - Makqreqor yazıb.

Həbs edilməsinə səbəb idmançının 297 milyon rubl məbləğində borcu olub. Bundan əvvəl vergi məmurları Nurməhəmmədovun bir neçə şirkətini rəsmi sənədlərdəki yalan məlumatlara görə bağlamışdılar.

Futbol üzrə Avropa çempionatının 1/8 final mərhələsi çərçivəsində İspaniya və Gürcüstan milli komandaları üz-üzə gəlib.

KONKRET.az xəbər verir ki, qarşılıqlı hücumlar şəraitində keçən qarşılaşmada ispanlar rəqiblərini böyük hesabla məğlub ediblər – 4:1.

Oyunun 18-ci dəqiqəsində ispaniyalı Roben Le Norman topu öz qapısına göndərib.

Qarşılaşmanın 39-cu dəqiqəsində Rodri hesaba tarazlıq gətirib.

Matçın 51-ci dəqiqəsində Fabian Ruiz komandasını hesabda önə çıxarıb.

Niko Uilyams 75-ci dəqiqədə fərqlənərək ispanların üstünlüyünü bir az da artırıb.

Oyunda son nöqtəni 83-cü dəqiqədə Dani Olmo qoyub.

Bununla da İspaniya milli komandası Avropa çempionatının ¼ final mərhələsinə yüksəlib.

Almaniyada təşkil olunan futbol üzrə Avropa çempionatında Almaniya və Danimarka yığmaları arasında 1/8 final görüşü başa çatıb.

Oxu.Az xəbər verir ki, Dortmundun "Siqnal İduna Park" stadionunda reallaşan matçda meydan sahibləri qələbə qazanıblar - 2:0.

Görüşdə hesabı 53-cü dəqiqədə penalti zərbəsindən Kay Haverts açıb. 68-ci dəqiqədə Camal Musiala danimarkalıları növbəti dəfə oyuna mərkəzdən başlamağa məcbur etməklə yekun hesabı müəyyənləşdirib.

Qeyd edək ki, matçın 35-ci dəqiqəsində görüşün ingiltərəli baş hakim Maykl Oliver güclü şimşək çaxması və yağış yağması səbəbindən qarşılaşmanı saxlayıb.

Xatırladaq ki, 1/4 finala yüksələn Almaniyanın rəqibi İspaniya - Gürcüstan cütünün qalibi olacaq.

lmaniyada təşkil olunan futbol üzrə Avropa çempionatında İsveçrə və İtaliya yığmaları arasında 1/8 final görüşü başa çatıb.

"Report" xəbər verir ki, Berlindəki Olimpiya stadionunda reallaşan matç isveçrəlilərin 2:0 hesablı qələbəsi ilə başa çatıb.

Görüşdə hesabı 37-ci dəqiqədə Remo Froyler açıb. 46-cı dəqiqədə Ruben Varqas yekun hesabı təyin edib.

Qeyd edək ki, bu nəticənin ardından 1/4 finala yüksələn İsveçrənin rəqibi İngiltərə - Slovakiya cütünün qalibi olacaq.

Fransanın PSJ klubu 16 yaşlı Lamin Yamal üçün Kataloniya “Barselona”sına 250 milyon avro təklif edib.

Bu barədə “Mundo Deportivo” nəşri məlumat yayıb.

Məlunata görə, “Barselona” isə heç bir şərtlə futbolçu ilə ayrılmağa hazır olmadığını bildirib.

Belə ki, ispaniyalının müqaviləsindəki təzminat bir milyard avro təşkil edir.

Qeyd edək ki, mart ayında “Barselona”nın prezidenti Joan Laporta PSJ-nin Yamal üçün “Barselona”ya 200 milyon avro təklif etdiyini bildirmiş, lakin bu təklifin Kataloniya rəhbərliyi tərəfindən rədd edildiyini qeyd etmışdi.

Xatırladaq ki, Lamin Yamal Avropa çempionatları tarixində ən gənc futbolçu rekordunu vurub. Yarımmüdafiəçi Avro-2024-ün qrup mərhələsinin İspaniya və Xorvatiya yığmaları arasında görüşündə meydana çıxanda 16 yaş 338 günlük olub. Əvvəlki rekord isə ötən Avropa çempionatında 17 yaş 246 günlüyündə meydana çıxan Polşa yığmasının oyunçusu Katsper Kozlovskiyə məxsus olub.

Yamal ötən mövsüm “Barselona”nın heyətində 37 oyun keçirib və 5 qol vurub.

Azərbaycanın yeniyetmə boksçusu Səftər Məmmədzadə Bosniya və Herseqovinanın paytaxtı Sarayevoda keçirilən Avropa birinciliyində finala yüksəlib.

Azərbaycan Boks Federasiyasından Qaynarinfo-ya verilən məlumata görə, +80 kq çəkidə mübarizə aparan milli üzvü yarımfinalda ermənistanlı Qraç Xaçatryanla qarşılaşıb.

Döyüş boksçumuzun qələbəsi ilə yekunlaşıb. Məmmədzadə rəqibini 4:1 (30:27, 29:28, 30:27, 30:27, 28:29) hesabı ilə məğlub edib və finala vəsiqə qazanıb.

O, çempionluq uğrunda görüşdə rusiyalı Rüstəm Həsənovla münasibətinə aydınlıq gətirəcək. Döyüş iyunun 30-da olacaq.

Qeyd edək ki, yığmamızın daha 3 boksçusu yarımfinal görüşünə çıxacaq.