 |
|
|
Türkiyə millisinin AÇ-2024-dən əldə etdiyi gəlir açıqlanıb.
“Qafqazinfo” Türkiyə KİV-ə istinadən xəbər verir ki, millinin AÇ-2024-dəki gəliri aşağıdakı kimidir:
İştirak haqqı: 9 milyon 250 min avro
Qalibiyyət bonusu: 2 milyon avro
Son 16 mükafat: 1 milyon 500 min avro
Cəmi: 12 milyon 750 min avro (21 847 604 manat)
Qeyd dedək ki, Türkiyə millisi qrup mərhələsini 2-ci pillədə başa vuraraq 1/8 finalda Avstriya ilə oynamaq şansı əldə edib.
Matç 2 iyul Bakı vaxtı ilə 23:00-da keçiriləcək.
"Barselona" və "Real Madrid" komandaların ABŞ turu çərçivəsində avqustun 4-də qarşılaşacaqlar.
Bu barədə katalon klubu "X" sosial şəbəkəsində məlumat yayıb.
İspan nəhəngləri arasında qarşılaşmanın Nyu-Cersidəki "MetLife Stadium"da baş tutacağı vurğulanıb. Bu stadionun tutumu 82 500 nəfərdir.
Görüş Bakı vaxtı ilə saat 3:00-da başlanacaq.
Xatırladaq ki, İspaniya Primerasının son mövsümündə Madrid klubu 95 xal toplayaraq çempion olub. "Barsa" isə 85 xal qazanaraq ikinci yerdə qalıb.
https://twitter.com/FCBarcelona/status/1806329327488741575?ref_src=twsrc%5Etfw%7Ctwcamp%5Etweetembed%7Ctwterm%5E1806329327488741575%7Ctwgr%5Ef392dc95215f80f8d5b10c56abd8914ccedccfa7%7Ctwcon%5Es1_c10&ref_url=https%3A%2F%2Foxu.az%2Fidman%2Fyeni-movsumun-ilk-el-klasiko-sunun-vaxti-belli-oldu
Azərbaycanın iki güləşçisi Serbiyanın Novi Sad şəhərində keçirilən U-17 Avropa çempionatında qızıl medal qazanıb.
"DogruXeber.az" xəbər verir ki, onların hər ikisi finalda erməni rəqiblərinə qalib gəlib.
Həlledici görüşlərdə Turan Daşdəmirov (51 kiloqram) Yurik Mxitaryana tam üstünlüklə (8:0), Ayxan Cavadov (60 kiloqram) isə Aleks Marqaryanı 9:4 hesabı ilə məğlub edərək qitə çempionu olublar. Bu, T.Daşdəmirovun 2-ci Avropa çempionluğudur.
Nicat İsgəndərli (45 kiloqram) və Yusif Əhmədli isə finalda uduzaraq, gümüş medalla kifayətləniblər.
Qeyd edək ki, ötən gün Azərbaycan təmsilçilərindən Əmrah Əmrahov gümüş, Əli Nəzərov (55 kiloqram), Orxan Hacıyev (80 kiloqram) və Mikayıl İsmayılov (110 kiloqram) isə bürünc medala sahib çıxıblar.
Almaniyada təşkil olunan futbol üzrə Avropa çempionatında 1/8 final mərhələsinin cütləri müəyyənləşib.
F qrupunda III turun oyunlarından sonra "pley-off"da üz-üzə gələcək komandalar dəqiqləşib.
Almaniya - Danimarka
Fransa - Belçika
İsveçrə - İtaliya
İspaniya - Gürcüstan
Portuqaliya - Sloveniya
Rumıniya - Niderland
Avstriya - Türkiyə
İngiltərə - Slovakiya
Qeyd edək ki, bu raundun qarşılaşmaları 29 iyun - 2 iyulda olacaq. AVRO-2024 iyulun 14-də başa çatacaq.
Futbol üzrə Avropa çempionatının qrup mərhələsinin üçüncü turu çərçivəsində Çexiya və Türkiyə milliləri üz-üzə gəlib.
Qarşılıqlı hücumlar şəraitində keçən oyunda türklər çexləri məğlub edib – 2:1.
Oyunun 51-ci dəqiqəsində Türkiyə millisinin kapitanı Hakan Çalhanoğlu hesabı açıb.
Qarşılaşmanın 66-cı dəqiqəsində Tomaş Souçek tarazlığı bərpa edib.
Qarşılaşmanın 90+4-cü dəqiqəsində Cenk Tosun komandasına qələbə qolunu qazandırıb.
Bununla da Türkiyə millisi Avropa çempionatının 1/8 final mərhələsinə yüksəlib.
Futbol üzrə Avropa çempionatının qrup mərhələsinin üçüncü turu çərçivəsində Gürcüstan və Portuqaliya milliləri üz-üzə gəlib.
Gərgin şəraitdə keçən oyunda gürcülər qərbi avropalıları məğlub edib – 2:0.
Oyunun 2-ci dəqiqəsində Kvitsa Kvaratsxeliya hesabı açıb.
Görüşün 57-ci dəqiqəsində Corc Mikautadze 11 metrlik cərimə zərbəsindən komandasının ikinci, qarşılaşmanın sonuncu qolunu vurub.
Futbol üzrə Avropa çempionatının qrup mərhələsinin oyunları bu gün başa çatacaq.
Apasport.az xəbər verir ki, III turun son görüşləri E və F qruplarında keçirilir.
E qrupunda Slovakiya və Rumniya komandaları Frankfurt şəhərində üz-üzə gəlib. Tərəflər hərəyə 1 qol vurub.
Qrupun digər matçında Belçika və Ukrayna komandaları qarşılaşıb. Ştutqart şəhərində keçirilən görüşdə hesab açılmayıb.
26 iyun
AVRO-2024
E qrupu, III tur
20:00. Slovakiya – Rumıniya 1:1
Qol: Duda, 24 – Marin, 37
Baş hakim: Daniel Siebert (Almaniya).
“Frankfurt Arena”.
20:00. Ukrayna – Belçika 0:0
Baş hakim: Entoni Teylor (İngiltərə).
Ştutqart, “MHP Arena”.
Bu nəticələrə əsasən, Ukrayna yığması qrupdan çıxa bilməyib.
İngiltərə və Sloveniya milli komandaları arasında matç başa çatıb.
Oxu.Az xəbər verir ki, görüş futbol üzrə Avropa çempionatının qrup mərhələsinin III turu çərçivəsində keçirilib.
Qarşılaşmada qapılara qol vurulmayıb.
Beləliklə də, İngiltərə 5 xalla qrupu lider kimi tamamlayıb. Sloveniya isə 3 xalla 3-cü pillədə qalıb.
Almaniyada keçirilən futbol üzrə Avropa çempionatının qrup mərhələsinin III turunun Albaniya - İspaniya görüşü başa çatıb.
Oxu.Az xəbər verir ki, qarşılaşma "buğalar"ın 1:0 hesablı qələbəsi ilə yekunlaşıb.
Daha əvvəldən 1/8 finala vəsiqəni təmin edən ispanlar B qrupundakı xallarının sayını 9-a çatdıraraq maksimum nəticə göstəriblər.
Almaniyada keçirilən futbol üzrə Avropa çempionatının qrup mərhələsinin üçüncü turunun İsveçrə - Almaniya görüşü başa çatıb.
Oxu.Az xəbər verir ki, Frankfurtdakı "Valdştadion"da keçirilən matç 1:1 hesabı ilə yekunlaşıb.
Hesabı 28-ci dəqiqədə isveçrəlilərdən Dan Ndoye açıb. Meydan sahibləri 90+2-ci dəqiqədə Niklas Fullkruqla "status-kvo"nu bərpa ediblər.
Bu nəticədən sonra A qrupunda xallarının sayını 7-yə çatdıran Almaniya birinci, xal ehtiyatını 5-ə çatdıran İsveçrə isə ikinci olub. Hər iki komanda AVRO-2024-ün 1/8 finalına yüksəlib.