Ramil Hüseynov: “Harada separatçı fəaliyyət varsa, ermənilər orada separatçılarla bir sıradadılar”

Bu günlərdə Ukrayna Prezidenti Ofisinin keçmiş müşaviri Aleksey Arestoviç Azərbaycanın Ermənistanla sərhəddə, Laçın-Xankəndi yolunun başlanğıcında sərhəd-buraxılış məntəqəsi qurmasını Bakının vacib qələbəsi kimi dəyərləndirdi:

“Bir neçə gün əvvəl Azərbaycan Qarabağı Ermənistanla birləşdirən yeganə nəqliyyat arteriyası olan Laçın dəhlizini nəzarət altına alıb. İki il yarım əvvəl sülh müqaviləsi bağlanandan sonra dedim ki, bu hələ başlanğıcdır. Hər şey sizin (Azərbaycan) olacaq. Qarşınızda duran vəzifələri həll etmək üçün beş il lazım olacaq və bu beş il artıq planlaşdırılıb. Bu gün Azərbaycan rəhbərliyi bir daha parlaq səviyyəli uzunmüddətli oyun nümayiş etdirir. İnsan ancaq həsəd apara bilər”.

Arestoviçin bu açıqlaması ermənilərin qəzəbinə səbəb olub. Utanmadan deyirlər ki, Ukraynada yaşayan yarım milyon erməni ölkənin ərazi bütövlüyü uğrunda döyüşür. Belədirsə, hanı statistik rəqəmlər? Məsələn, indiyə qədər 30 nəfər Ukrayna vətəndaşı olan azərbaycanlı həlak olub. Ancaq ermənilərlə bağlı bunların heç biri yoxdu.

“Rusiya ordusunda Ukraynaya qarşı təcavüzdə iştirak edən çoxsaylı erməni var”
Məsələyə münasibət bildirən Yeni Yol Partiyasının sədri Ramil Hüseynovun fikrincə, Ukraynada yaşayan ermənilər Rusiyaya rəğbət bəsləyir: “Erməni tərəfi nə qədər bunu gizlətməyə çalışsa da, ukraynalılar bunu yaxşı bilir. Hətta ermənilərin Donbasdakı separatçılarla birlikdə Ukrayna əsgərlərinə qarşı vuruşduqları haqda dəqiq məlumatlar var. Bu, ermənilərin xislətindən irəli gələn bir haldır. 1992-1993-cü illərdə ermənilərin “Baqramyan” adında batalyonu Abxaziya separatçıları ilə birlikdə Gürcüstanın mərkəzi hakimiyyətinə qarşı vuruşub. Harada separatçı fəaliyyət varsa, ermənilər orada separatçılarla bir sıradadılar. Bunu heç vaxt gözardı etmək olmaz. Bəli, Ukraynada xeyli erməni yaşayır və onlar kifayət qədər şəbəkələşiblər. Ancaq indiyə qədər Ukrayna mediasında ermənilərin Rusiya təcavüzünə qarşı vuruşduqları barədə hansısa məlumata rast gəlməmişəm. Əksinə, Rusiya ordusunda Ukraynaya qarşı təcavüzdə iştirak edən çoxsaylı erməni var. Rusiya mediasında Marqarita Simonyan, onun əri Keasoyan, Baqdasarov, Kurginyan və digərləri Kremlin əsas təbliğat ruporları hesab olunur. Gecə-gündüz Ukrayna hakimiyyətinə qarşı propoqanda ilə məşğuldular. Ukrayna birmənalı şəkildə Azərbaycanın ərazi bütövlüyünü dəstəkləyir. Özü də təkcə sözdə yox, həm də əməldə. Çünki separatçılığın necə böyük bəla olduğunu yaxşı bilirlər. Bununla yanaşı, Ukrayna İkinci Qarabağ müharibəsinin hərbi tərəflərini öyrənir. Xüsusən də döyüşdə PUA-ların tətbiqi bu baxımdan Ukrayna hərbçiləri üçün daha çox maraqlıdır. Bir sözlə, hər kəs ermənilərin kim olduğunu yaxşı bilir. Ermənilərdən fərqli olaraq, orada yaşayan azərbaycanlılar birmənalı olaraq Ukrayna dövlətinin yanındadılar. Bu baxımdan erməni tərəfinin iddiaları reallığı əks etdirmir”.

Vidadi ORDAHALLI

“Sel, daşqın gələn ərazilərdə, xüsusilə də Goranboy və Tərtərdə ümumi vəziyyət stabildir”.

Bu barədə Oxu.Az-ın sorğusuna cavab olaraq Meliorasiya və Su Təsərrüfatı ASC-nin sözçüsü Dilqəm Şərifov məlumat verib.

O bildirib ki, qurumun texnikaları ərazidə təmizlik işlərini davam etdirirlər:

“Hazırda texnika sel suları ilə gələn qalıqları, lil, daş, çör-çöpün təmizlənməsi ilə məşğuldur. Bu günə sözügedən ərazilərdə hava durumunu stabil qiymətləndirmək olar”.
Qeyd edək ki, ötən gün Goranboy, Tərtər bölgəsində sel və daşqınlar müşahidə edilib. Şəki, Mingəçevir, Balakən, Qax, Gəncə, Göygöl, Zaqatala, Ağdam, Lənkəranda isə dolu yağıb. Hava şəraitinin kəskin dəyişməsi və təbiət hadisələri sadalanan bölgələrdə yaşayış evlərinə, təsərrüfat sahələrinə ciddi ziyan vurub.

Daxili İşlər Nazirliyi (DİN) tərəfindən Azərbaycanda dini radikalizmin təbliği və digər pozuculuq fəaliyyəti ilə məşğul olan daha bir şəbəkə ifşa edilib.

“Qafqazinfo”nun əldə etdiyi məlumata görə, narkotik satışından maliyyələşən həmin şəbəkənin üzvləri polisin keçirdiyi əməliyyatla həbs olunub.

Məlum olub ki, həbs edilən şəxslər yardım adı altında narkotik aludəçiləri və xurafata meylli şəxsləri əməkdaşlığa cəlb edərək narkotiklərin satışını təşkil etdiriblər. Bu yolla “kərimə dövləti”nin əlaqələrini dərinləşdirməyə çalışıblar.

Bundan başqa, onların əsasən İrandan idarə edilən dini-siyasi mərkəzlərin tapşırıqlarını yerinə yetirdiyi üzə çıxıb.

Polis tərəfindən ifşa olunan dəstə üzvlərinin pozuculuq fəaliyyəti haqqında sosial şəbəkə hesablarında xeyli faktlar aşkarlanıb. Məlum olub ki, həmin şəxslər radikal əməllərini heç vaxt inkar etməyib, vətəndaşı olduqları ölkənin qanunları ilə deyil, özlərinə lider hesab etdikləri “ağanın qaydaları” ilə yaşayıblar.

Qruplaşmanın başqa üzvlərinin də olduğu istisna edilmir.

Balakəndə intihara cəhd olub.

Lent.az-ın xəbərinə görə, hadisə Balakən şəhəri, Nərimanov küçəsində qeydə alınıb.

Rayonun Qazbinə kənd sakini Z.Əhməyeva ailəsində yaranmış problemlərlə əlaqədar şəhər ərazisindəki 12 mərtəbəli binanın damına çıxaraq özünü atmaq istəyib. Əraziyə gələn polis əməkdaşları onu intihardan yayındırıblar.

Faktla bağl araşdırma aparılır.

“Açık Beyin” platformasının rəhbəri, araşdırmaçı-yazar, professor Sinan Canan Bakıda konfransda çıxış edəcək.

“AzPolitika.info” xəbər verir ki, “Kitabıstan”ın dəvəti ilə Bakıya gələn professor Sinan Canan iyun ayının 10-da Nizami Kino Mərkəzində uğurun düsturu haqqında danışacaq, öz araşdırmalarını, təcrübələrini izləyicilərlə bölüşəcək. Konfransdan sonra isə S.Cananın imza günü keçiriləcək.

Sinan Cananın uğur, uğurlu olmaq haqqında düşüncələri tamamilə fərqlidir. O, uğurlu olmağa tamamilə fərqli baxır və insan təbiətinə xüsusi önəm verir. Məlumat üçün onu da bildirək ki, Sinan Canan dünyanın bir çox ölkələrində nevrologiya, psixologiya, liderlik, uğur, yaradılış, öyrənmək və öyrətmək bacarığı, neyromarketinq kimi mövzularla bağlı çoxsaylı konfranslar keçirir və kitabların, elmi məqalələrin müəllifidir.

Qeyd edək ki, konfransa biletləri onlayn şəkildə əldə etmək olar, media qurumları, jurnalistlər də dəvətlidirlər.

Dövlət Statistika Komitəsinin məlumatına görə, xaricilərin Azərbaycan hotellərində gecələmələrinin sayı 79.7 faiz artaraq 309 minə çatıb. Bu rəqəmin 80 faizi Bakının payına düşür. Yəni Azərbaycanda gecələyən hər 100 xaricinin cəmi 20-si rayonlara üstünlük verib. Bu isə ondan xəbər verir ki, hələ də regionlar ilə müqayisədə Bakı xaricilər üçün daha cəlbedici olaraq qalmaqdadır.

Durumu şərh edən iqtisadçı, deputat Vüqar Bayramov bildirir ki, turizm neftdən sonra Azərbaycana ən çox valyuta gətirən sektordur. Onun sözlərinə görə, pandemiyadan öncə illik turizm gəlirləri 2.7 milyard dollara yaxın idi.

“Bu sektor həmçinin məşğulluğa da xüsusi töhvə verir. Bu baxımdan, turizm infrastrukturunun daha da inkişaf etdirilməsi və qiymətlərin optimallaşdırılması Azərbaycana və eləcə də regionlara daha çox turistin gəlməsinə imkan yarada bilər”, - iqtisadçı qeyd edib.

V.Bayramovun sözlərinə görə, monitorinqlər göstərir ki, nəinki Bakıda, hətta bölgələrdə də turizm xidmətlərinin qiymətləri yüksək olaraq qalmaqdadır:“Bu da həm daxili, həm də gəlmə turizmin inkişafına təsirsiz ötüşmür. 2023-ci ilin ilk rübündə ölkəmizə gələn turistlərin sayında artım müşahidə olunsa da, daha qısa zamanda pre-pandemiya göstəricilərinə çatmaq hədəflənməlidir”.

İqtisadçı deyir ki, regionlarda çoxulduzlu hotellərlə bərabər, 1 və 2-ulduzlu otellərin tikilməsi oludqca vacibdir.

“Belə hotellərin qiyməti daha aşağı olur və daha çox turistlər cəlb edir. Təəssüf ki, bu gün ölkəmizdə sahibkarlar daha çox 4-5-ulduzlu, bahalı hotellərin tikintisinə maraq göstərirlər. Az ulduzlu hotellərin inşaatının sürətləndirilməsi üçün bu istiqamətə daha çox aşağı faizli kreditlərin ayrılması və güzəştlərin tətbiqini aktuallaşdırır. Bu sahibkarların stimullaşdırılması baxımdan vacibdir”, - deputat vurğulayıb.

Qeyd edək ki, Azərbaycana gələn xaricilərin 8,9 faizi Qusarda, 3,5 faizi Naftalanda, 3,2 faizi Qəbələdə, 1,8 faizi Qubada, 0,4 faizi Naxçıvan Muxtar Respublikasında, 0,3 faizi Şabranda, 1,8 faizi isə digər şəhər və rayonlardakı mehmanxanalara üstünlük veriblər.
azpolitika

Keçmiş Milli Təhlükəsizlik Nazirliyinin (MTN) polkovniki, hazırda həbsdə olan Sahib Ələkbərov bu ilin fevralında məhkəmə iclasında deyib ki, onda Baş Prokurorluğun rəhbər vəzifəli şəxslərinə məxsus səs yazıları var. Əgər başına bir iş gəlsə, həmin səs yazıları lazım olan orqanlara təqdim olunacaq.

“Başıma bir iş gəlsə, təqdim eləyəcəklər, yer yerindən oynayacaq. Gəlməsə də, özüm eləyəcəm. Xəbərdarlıq edirəm – otursunlar yerlərində, mənimlə işləri olmasın. Məhkəmələrə müdaxilə edib barəmdə qanunsuz qərarlar qəbul elətdirməsinlər”, – Ələkbərov bildirib.

Sabiq MTN polkovniki 8 il azadlıqdan məhrum edilməsi haqda Bakı Hərbi Məhkəməsinin hökmünü qanunsuz və əsassız sayırdı. Ancaq apreli əvvəlində Bakı Apellyasiya Məhkəməsi hökmü qüvvədə saxlayıb. Sabiq MTN-çilər rüşvət, hədə-qorxu ilə pul mənimsəməkdə ittiham olunurlar.

Sözügedən məhkəmə işində səs yazılarının dinlənilməsi ilə bağlı vəsatət verilməyib. Məhkəmə proseslərində səs yazılarının hədə-qorxu aləti kimi istifadəsi isə Azərbaycan üçün yad deyil. Bəs onlardan dəlil kimi istifadə oluna, araşdırıla bilərmi?

Keçmiş hakim Şükür Məmmədli AzadlıqRadiosuna səs yazılarının bəzən bütün məhkəmə prosesinə, qərarlara təsir edə biləcəyini deyir. Ancaq hakimlər bu faktı tələb etmək hüququndan bir çox hallarda məhrumdurlar: “Məhkəmə ifadələri könüllülük prinsipi əsasında olduğuna görə hakimin hər hansı sübutu tələb etmək haqqı olmur. Bir tərəf “bu səsi təqdim etsəm, filan qədər başlar yerindən qopar” kimi şantaj xarakterli cümlələr işlədə bilər. Bu halda hakim yalnız “proses lehinizə olsun deyə, səsləri göstərə bilərsiniz” kimi təklifləri irəli sürə bilər. Əgər qanunla məcburetmə səlahiyyəti olsa, məhkəmələrdə bu səlahiyyət nəticəsində fiziki zorakılıq daxil olmaqla, bir çox xoşagəlməz hallar yaşanar”.

Keçmiş hakim səs yazılarının mötəbər mənbə hesab olunmadığını da sözlərinə əlavə edir. Bunu müasir dövrdə səs dəyişdirilməsi, yaxud da başqasının səsi ilə saxta fakt yaratmaq kimi halların istisna olunmaması ilə izah edir.

Azərbaycan Respublikasının Konstitusiyasına əsasən, səsin gizli şəkildə yazılması şəxsi həyata müdaxilə kimi qiymətləndirilir. Şükür Məmmədli də qeyd edir ki, qanun icazə vermədiyi üçün hakimlər ilə yanaşı, vəkillər də bununla bağlı vəsatət verməkdə çətinlik çəkir.

Səs yazmaq qanunsuzdur, amma…

Müvəkkil Hüquq Mərkəzinin sədri, hüquq müdafiəçisi Səməd Vəkilovun sözlərinə görə, bu hüquq cinayətin qarşısını almaqdan və ya cinayət işinin istintaqı zamanı həqiqəti üzə çıxarmaqdan ötrü məhdudlaşdırıla bilər. Yəni, əgər cinayət işinə birbaşa təsir edəcək səs yazıları varsa, bununla bağlı hakim məlumatları Baş Prokurorluğa təqdim edir, nəticəyə əsasən də sözügedən faktlar məhkəmədə tələb oluna bilir.

“Qanuna əsasən, insanlar yalnız öz səslərini yaza bilərlər. Bunun üçün onlara heç bir məhdudiyyət qoyulmur. Cinayət Məcəlləsində şəxsi həyatla bağlı maddəyə əsasən, gizli yazılmış səs yazılarının yayılması cinayət məsuliyyəti yaradır. Belə ki, şəxsi və ailə həyatının sirri olan səs yazılarının yayılması, habelə satılması və ya başqasına verilməsi, həmçinin qanunsuz toplanılması 100 manatdan 500 manatadək cərimə və ya 240 saatadək ictimai işlər və ya 1 ilədək müddətə islah işləri ilə cəzalandırılır. Eyni əməli vəzifəli şəxs edərsə, onu 3 ilə kimi həbs gözləyir”, – hüquqşünas söyləyir.

Hüquqşünas Elmir Səfərov isə sözügedən qanunvericiliyə dəyişiklik təklif edir. Onun sözlərinə görə, “pul mənimsənilməsi, eləcə də korrupsiya və rüşvət hallarının geniş yayıldığı ölkədə bu halları üzə çıxaracaq səs yazıları məhkəmələrdə hakimlər tərəfindən tələb edilməlidir”.

“Transparency International” (Beynəlxalq Şəffaflıq) təşkilatının bu ilin əvvəlində açıqladığı Korrupsiyanı Qavrama İndeksində Azərbaycan 180 ölkə içində 157-ci yerdə qərarlaşıb. Hakimiyyət təmsilçiləri isə ölkədə korrupsiya ilə sistematik mübarizə aparıldığını deyirlər.

Hüquqşünas Səfərov Türkiyə təcrübəsini misal çəkir, bu ölkədə boşanma və xəyanət kimi ailə münasibətləri və cinayət işlərində səs yazısına icazə verildiyini vurğulayır: “Rüşvətxorluq da Türkiyədə cinayət kimi birbaşa araşdırılır deyə, bu mövzuda səs yazıları olanda hakim tələb edə bilir. Azərbaycanda isə pul mənimsənilməsini aşkarlayan səs gizli yazılıbsa, hakim bunu tələb edə bilmir. Gizli yazılmayıbsa, yenə vətəndaş istəmirsə, hakim tələb edə bilmir”.

Xarici təcrübə

Rusiya Federasiyası Ali Məhkəməsində hakim məhkəmədə təqdim olunan səs yazısını sübut kimi qəbul, yaxud rədd edə bilir. Eləcə də şantaj predmeti olaraq göstərilən səs yazısının məhkəməyə təqdim olunmasını tələb etmək mümkündür.

ABŞ, Kanada, Yaponiya və digər bir sıra ölkələrdə məhkəmə işindən asılı olaraq səs yazıları proses zamanı hakimə və qərar verməyə təsiri olacaq şəxslərə təqdim edilməlidir. Səs yazısı üçün yalnız ictimai texniki vasitələrdən (telefonlar, səs yazıcılar və s.) istifadə edilə bilər. Vətəndaşlar tərəfindən xüsusi dinləmə vasitələrindən istifadə və onunla qeydə alınmış məlumatlar isə qanunsuz hesab edilir.

Molla rejiminə bağlı terrorçu “Hüseyniyyun” qruplaşmasının rəhbərləri Tohid İbrahimbəyli və Orxan Məmmədov İranın Qum şəhərində həbs olunublar.

Gununsesi.info xəbər verir ki, bu barədə “Azad İran” “Telegram” kanalında məlumat verilib.

Bildirilib ki, qrupun rəhbərləri 5 gün öncə Qumda saxlanılıblar.