 |
|
|
Bakıda “5 mərtəbə” kimi bilinən binanın qarşısında adam döyən universitet müəllimi ilə bağlı qərarı verilib.
32gun.az-ın məlumatına görə, 1961-ci ildə Bakı şəhərində anadan olmuş, “Qərbi Kaspi” Universitetində müəllim vəzifəsində işləyən Həsən (şərti) idarə etdiyi “Jeep Wrangler” markalı, “BZ” dövlət qeydiyyat nişanlı avtomobili ilə ona yol verməyən “Mitsubishi Pajero” markalı, “BJ” dövlət qeydiyyat nişanlı avtomobilin sürücüsünü döyüb.
Belə ki, 1 mart 2022-ci il tarixində Həsən müəllim avtomobiliylə yaşadığı Bakı şəhəri, Yasamal rayonu, Ş.Qurbanov küçəsindəki 2/15 nömrəli binanın həyətinə daxil olmaq istədikdə, binanın girişində ağ rəngli, “Mitsubishi Pajero” markalı, “*-BJ-**” dövlət qeydiyyat nişanlı avtomobilin dayandığını görüb.
Mahmud “5 mərtəbə” kimi bilinən binanın qarşısında avtomobilini saxlayıb, dəftərxana ləvazimatları satılan mağazaya girib.
Geri qayıdanda Həsən əsəbləşərək Mahmuda “deyəsən tələsən yeriniz yoxdur” ifadəsini işlədib. Mahmudda ona “guya sənin tələsən yerin var ki” deyə sərt cavab verib.
Bundan sonra Həsən Mahmudun avtomobilinin arxa alın şüşəsinə yumruqlamış və daha sonra onun tərəfdən qapısını açıb onu yüksək səslə nalayiq ifadələrlə təhqir edərək bir dəfə yumruqla alın nahiyəsindən vurub. Nəticədə Mahmudun gözündə dəyəri 1000 manat olan eynəy sınıb.
Məhkəmənin qərarı ilə, Həsən Cinayət Məcəlləsinin 221.1-ci maddəsi ilə təqsirli bilinərək 1000 manat cərimə cəzasına məhkum edilib.
Qeyd edək ki, təqsirləndirilən şəxs bir neçə dəfə məhkum edilib. Həsən Səbail rayon xalq məhkəməsinin 4 avqust 1997-ci il tarixli hökmü ilə Cinayyət Məcəlləsinin 147.3,194.2:38-ci maddələri ilə təqsirli bilinərək 5 il azadlıqdan məhrum etmə cəzasına məhkum edilib. 5 noyabr 1997-ci il tarixdə Səbail rayonu xalq məhkəməsinin qərarı ilə CM-nin 50-2 maddəsinə əsasən 3 il 12 gün əməyə cəlb edilməklə şərti cəza təyin olunub. 6 sentyabr 1999-cu il tarixdə CM-nin 50-ci maddəsinə əsasən vaxtından əvvəl şərti azad olunub.
Bermud üçbucağının tapmacası illərlə aparılan araşdırmalardan və mübahisələrdən sonra elmi şəkildə həll olunub.
Tribunainfo.az xəbər verir ki, İngiltərədəki universitetdən bir geofizik Bermud üçbucağının mövcud olduğunu sübut edə biləcəyini söyləyib, lakin bir izahat tapmayıb.
Sidney Universitetindən olan avstraliyalı alim Karl Kruzelnitsky geofizikin iştirakını rədd edir və buna görə də Bermud üçbucağının niyə belə sirli bir yerə çevrildiyinin məntiqi izahını tapmaq üçün çalışıb.
Uzun illər bu yerin yoxa çıxanların mərkəzi hesab edilməsinə baxmayaraq, Kruzelnitsky Bermud üçbucağında itkin düşən təyyarə və qayıqların faizinin dünyanın hər yerində olduğu kimi olduğunu müəyyən edib. Xüsusilə də okeanın bu bədbəxt nöqtəsindən nə qədər yol keçdiyini nəzərə alsaq.
Alim bu kəşfi əsas götürüb, indi iddia edir ki, Bermud üçbucağı heç də onilliklər ərzində düşündüyümüz qədər sirli deyil. Üstəlik, tədqiqatçı hesab edir ki, bir çox itkin düşmələr pis hava şəraitində uçuşların edilməsi ilə bağlıdır.
Yevlax rayonu Nərimanabad kəndi ərazisində Bakı-Ələt-Qazax-Gürcüstan avtomobil yolunun kənarında yerləşən mövcud yanacaqdoldurma məntəqəsinin yaxınlığında aşkar olunmuş qanunsuz tikinti-quraşdırma işləriilə bağlı Yevlax Şəhər İcra Hakimiyyəti tərəfindən Dövlət Şəhərsalma və Arxitektura Komitəsi ilə birgə dərhal araşdırma aparılmış və sözügedən ərazidə Nazim İslam oğlu Əhmədov tərəfindən şəhərsalma və tikinti qanunvericiliyinəriayət edilmədən, zəruri razılaşdırılma və icazə prosedurları həyata keçirilmədən, o cümlədən Azərbaycan Respublikası Nazirlər Kabinetinin 06.02.2017-ci il tarixli 31 nömrəli qərarı ilə təsdiq edilmiş “Təhlükə potensiallı təbiət və texnogen xarakterli hadisələrin baş vermə ehtimalının yüksək olduğu zonalarda mühafizə tədbirlərinin növləri və onların tətbiqi halları”nın tələblərinəuyğun olaraq yanacaqdoldurma məntəqələrindən zəruri ara məsafəsi saxlanılmadan özbaşına tikinti-quraşdırma işlərinə başlanılması müəyyən edilmişdir.
Bununla bağlı Yevlax Şəhər İcra Hakimiyyəti tərəfindən Komitə ilə birgə Azərbaycan Respublikası Prezidentinin 24.11.2014-cü il tarixli 375 nömrəli Fərmanı ilə təsdiq olunmuş “Dövlət şəhərsalma nəzarətinin həyata keçirilməsi Qaydaları”nın tələblərinə uyğun olaraq ərazidə aparılan tikinti-quraşdırma işlərinin dayandırılması və Nazim Əhmədov tərəfindən sözügedən qanunsuz tikilinin sökülməsi təmin edilmişdir.
Dövlət Şəhərsalma və Arxitektura Komitəsi tikinti fəaliyyəti ilə məşğul olan fiziki və hüquqi şəxslərə bir daha müraciət edərək, Azərbaycan Respublikasının şəhərsalma qanunvericiliyinin bütün tələblərinə riayət etməyə çağırır və müvafiq icra hakimiyyəti orqanlarından tikintiyə icazə sənədi alınmadan hər hansı tikinti işlərinin aparılmasının qadağan olduğunu diqqətə çatdırır.
Bakıda yerləşən, içərisində onlarla avtomobil olan cərimə meydançası sahibsiz qalıb.
Xezerxeber.az xəbər verir ki, paytaxtın Binəqədi şosesi 53 ünvanında yerləşən cərimə meydançasındakı avtomobillərə sahib çıxan yoxdur.
Uzun müddətdir buranın mühafizəçisi işləyən Elsevər Bağırov bildirib ki, 1 ay əvvəl meydançanın yeri dəyişdirilsə də, avtomobilləri aparan olmayıb. Buranın cərimə meydançası kimi fəaliyyət göstərməsini əks etdirən müqavilənin müddəti isə aylar əvvəl bitib.
Mühafizəçi Elsevər Bağırov vaxtını maşınların yanında boş yerə sərf etməkdən şikayətçidir. O deyir ki, hazırda işinə görə maaş almır. Ancaq qorxusundan ərazini tərk etmir ki, meydançada oğurluq hadisəsi baş versə, onu ittiham edə bilərlər.
Məsələ ilə əlaqədar Baş Dövlət Yol Polisi İdarəsindən qeyd edilib ki, qeyd olunan avtodayanacaq Baş Dövlət Yol Polisi İdarəsinin Siqnal İxtisaslaşdırılmış Layihə-İstehsalat İdarəsinin balansında deyil:
“Bu səbəbdən də meydançadakı avtomobillərin aqibətinin necə olacağı qeyri-müəyyən olaraq qalır”.
Daha ətraflı süjetdə:
Antalyada dəhşətli hadisə baş verib.
32gun.az Türkiyə mətbuatına istinadən xəbər verir ki, S.Sevinç adlı şəxs anasını bıçaqlayaraq öldürüb.
S.Sevinç ipolis bölməsindəki ifadəsində anası ilə daima mübahisə etdiklərini və hadisə baş verən gün bu mübahisənin böyüdüyünü bildirib:
"Üzmə bir neçə dəfə şillə vurdu. Daha sonra mətbəxdən çörək bıçağını götürərək üstümə gəldi. Bıçağı əlindən aldıqdan sonra özümü itirdim və bir neçə dəfə bıçağı boğazına vurdum. Neçə zərbə endirdiyimi xatırlamıram”.
Fransa Liqa 1-də 34-cü tura yekun vurulub.
Oxu.Az xəbər verir ki, bağlanış matçında lider PSJ “Trua”nın qonağı olub.
Matç Paris klubunun 3:1 hesablı qələbəsi ilə başa çatıb. 8-ci dəqiqədə Kilian Mbappe PSJ-ni hesabda irəli keçirib. 59-cu dəqiqədə Vitinya ikinci qolu vurub. Xavier Şavalerin 83-cü dəqiqədə fərqi azalsa da, 3 dəqiqə sonra Fabian Ruis 3-cü topu vurub.
PSJ hazırda 78 xalla vahid liderdir. Sona 4 tur qalmış komanda ən yaxın izləyicisi “Lans”ı 6 xal üstələyir.
Gədəbəydə ölümlə nəticələnən yol nəqliyyat hadisəsi baş verib.
Bizim.Media-nın yerli bürosunun məlumatına görə, hadisə rayonun Düzyurd kəndində qeydə alınıb.
"VAZ-2121" markalı avtomobil sürücünün idarəetməni itirməsi nəticəsində maneəyə çırpılıb.
Qəza zamanı 1945-ci il təvəllüdlü Əmrah Göycə oğlu İsrafilov aldığı ağır xəsarətlərdən dünyasını dəyişib. Avtomobildə olan, Əmrahın həyat yoldaşı, 1948-ci il təvəllüdlü Zərqələm İsrafilov isə müxtəlif dərəcəli bədən xəsarətləri ilə xəstəxanaya yerləşdirilib. Onun vəziyyəti orta ağır qiymətləndirilir. Faktla bağlı araşdırma aparılır.
Naxçıvan DİN Daxili Qoşunlarının nəzdnində mitinq, yaxud kütləni dağıtmağa cavabdeh olan bölmələrin sayı artırılır. Xüsusi Vasitələrin Tətbiqi Dəstəsi adlanan bu bölmələr zəhərli qaz, su şırnağı, rezin güllə tətbiq etməklə “daxili asayiş”i qorumaq üçün nəzərdə tutulub. Bu bölmələr xüsusi tapşırıq keçdikdən sonra, cəbhə bölgəsində də döyüşə bilir. Naxçıvanda bu cür bölmələrin sayının, dayaqları hələlik zəif olan yeni yerli hakimiyyətin təhlükəsizliyinin təmin edilməsi məqsədi ilə artırıldığı bildirilir. Teref.az yazır ki, bu haqda „Gündəlik Naxçıvan“a Naxçıvan MR DİN-dəki mənbələr məlumat verib. Mənbənin bildirdiyinə görə, bu bölmələrin sayının iki dəfə artırılması nəzərdə tutulur:
„İndiyə kimi Xüsusi Vasitələrin Tətbiqi Dəstəsi (XVTD) taborunda 4 bölmə var idi. Bakıdan yeni ştatlar ayrılıb, bölmələrin sayı 8-ə qaldırılacaq. Artıq, rayonlara tapşırıq verilib, yaşı 25-ə kimi, həqiqi hərbi xidmət keçmiş, boyu 175 santimetrdən yuxarı, idman təcrübəsi olan cüssəli gənclər qeydiyyata alınır. Xüsusi seçmə mərhələsindən sonra kriteriyalara cavab verən şəxslər işə götürüləcək. Bölmələrin sayını artırmaqda məqsəd, daxili təhlükəsizliyi möhkəmlətməkdir. Yeni hakimiyyət qarışıqlıq ola biləcəyindən ehtiyat edir“.
XVTD taboruna gənclərin yığılmasını yerli sakinlər də təsdiqləyir. Onların sözlərinə görə, bu gənclər əsasən Babək rayonunun Nehrəm qəsəbəsindən toplanır. Naxçıvanın yeni daxili işlər naziri Süleyman Neymətov da Nehrəmdə doğulub. Qəsəbə sakini B. Məmmədov deyir ki, Süleyman Neymətov xeyli sayda nehrəmi gənci nazirliyə dəvət edərək, onlarla söhbət aparıb:
“ Aralarında bizim qohumlar da var. Süleyman müəllim onlara deyib ki, yerli hakimiyyətin təhlükəsizliyi üçün xüsusi bölmələrin sayını artırırlar və belə cüssəli gənclərə ehtiyacları var. O həm də deyib ki, ehtiyac olarsa, bu bölmələr mitinq dağıtmaq üçün Bakıya da göndəriləcək. Bunun qarşılığında yüksək maaş vəd olunur. Qəsəbədə artıq xeyli sayda gənc sənədlərini toplayaraq, təqdim edib“.
Naxçıvan MR DİN Daxili Qoşunlarının nəzdnindəki XVTD taboru 2011-ci ildə yaradılıb.
Xəzər rayon sakini, 44 günlük müharibə iştirakçısı, qazi Hüseynzadə Elçin Xalid oğlunun əlilliyini ala bilmədiyi və süründürməçiliyə məruz qaldığı üçün intihar etdiyi bildirilir. Gununsesi.info bildirir ki, intihar edən qazinin cibindən məktub tapılıb.
Həmin məktubda qazimiz üzləşdiyi haqsızlıqdan yazıb.
Bildirilir ki, məktub prokurorluğa verilib.
“Azərbaycan və Ermənistan arasında keçirilən diplomatik danışıqlarda ən problematik sahələrdən biri də anklavlar məsələsidir. Bununla bağlı müxtəlif müzakirələr keçirilir. Şübhəsiz ki, anklavların gələcəyi, onların ətrafında məsələlərin həll olunması həm də sülh müqaviləsində yer almalıdır”.
Teref.az xəbər verir ki, bu sözləri Musavat.com-a açıqlamasında politoloq İlyas Hüseynov deyib.
Onun sözlərinə görə, əgər yekun sülh müqaviləsindən danışırıqsa, anklavların yerləşdiyi geostrateji bölgə, tarixi, siyasi, hüquqi, iqtisadi aspektlər ciddi araşdırılmalı və buna uyğun qərarlar qəbul olunmalıdır:
“Burada tarixilik aspektinə də nəzər salmağa ehtiyac var. Qazaxın 7, Naxçıvanın 1 kəndi hazırda Ermənistanın nəzarətindədir. Qazaxın 7 kəndinin mühüm geostrateji üstünlükləri var. Azərbaycanın karbohidrogen ehtiyatlarının Qərbə nəqlində bu kəndlər həm də bir təhdid elementinə çevrilir. Vətən müharibəsində də bu cür təhdidlər var idi, hazırda da davam edir. Həm Azərbaycanın Qərbə çıxışının vizual müşahidə altına götürülməsi, həm də neft və qaz layihələrinin Qərbə nəqlində bu cür təhlükəsizlik sisteminin möhkəmləndirilməsi baxımından həmin kəndlərin Azərbaycanın nəzarətinə götürülməsinə böyük ehtiyac var. Digər tərəfdən, qarşı tərəf də öz iddialarını irəli sürür.
Düşünürəm ki, delimitasiya komissiyası məsələnin miqyasını ciddi şəkildə araşdırmalıdır. Elə bir qərar qəbul etməliyik ki, sonra bizim mövqelərimizin geriləməsi müşahidə olunmasın. İlk növbədə təhlükəsizlik elementi ciddi tədqiq olunmalıdır. Hesab edirəm ki, anklavlar məsələsinə delimitasiya prosesinin tərkib hissəsi kimi baxılmalı və sonrakı mərhələdə demarkasiyada icra olunmalıdır. Bu, ikitərəfli münasibətlərin dövlətlərarası səviyyədə nizamlanması raundlarının da bir mühüm müstəvisidir. Azərbaycan dövləti siyasi-diplomatik danışıqlarda ilk növbədə milli maraqlarımızdan çıxış etməlidir”.