İsitntaqa 171 min polis cəlb edilib, 3 dəfə artıq pul xərclənib - 300 milyonun taleyi hələdə müəmmalıdır...
Çox böyük məbləğdə pulu nəinki heç kimi öldürmədən və ya yaralamadan, hətta hədə-qorxu
gəlmədən, heç bir silahdan, hətta cib bıçağından istifadə etmədən oğurlamaq mümkündürmü?
Yəqin ki, indi hamı bu suala müsbət cavab verər və internet üzərindən fırıldaqçılıq yolu ilə
nağdsız məbləğin oğurlanmasını nəzərdə tutardı.
Amma haqqında danışacağımız hadisə internetin olmadığı 1968-ci ildə baş verib. Özü də nağd
pul oğurlanıb və həm də daşınan zaman bank işçilərinin gözü qarşısında aparılıb. Üstəlik,
dediyimiz kimi, heç kimi öldürmədən, yaralamadan, hədələmədən, silahdan istifadə etmədən
oğurlanıb.
***
Tokio yaxınlığındakı Kokubunji şəhərində yerləşən “Nippon Trust Bank”ının (hazırda “Mitsubishi
UFJ Trust and Banking” adlanır) filialının müdiri 1968-ci il dekabrın 6-da bir məktub aldı.
Məktubdakı mətnin bəzi yerləri əllə yazılmışdı, bəzi yerləri isə çap məhsulundan kəsilən
hərflərdən tərtib olunmuşdu.
Məktubu oxuyan müdirin ürəyi çırpınmağa başladı. Məktub müəllifi ondan ertəsi gün saat 17:00-
da bankın xanım əməkdaşını 3 milyon yenlə göstərilən yerə göndərməyi tələb edirdi. Əks halda,
müdiri evinin və rəhbəri olduğu filialın partladılacağı ilə hədələyirdi.
Qısa tərəddüddən sonra müdir polislə əlaqə saxladı və baş verənləri nəql etdi. Ertəsi gün
göstərilən yerə mülki formada 50 polis göndərildi. Amma pulu gətirən bank əməkdaşı olan qıza
(əslində isə o da polis idi) heç kim yaxınlaşmadı. Polis bu hadisəni arxasında ciddi heç nə
durmayan xuliqanlıq kimi qiymətləndirərək əməliyyatı ləğv etdi.
Bununla belə, yaddan çıxartmaq olmaz ki, 1968-ci il müasir tarixdə xüsusi yer tutur. O zaman
Fransadakı “Qırmızı may” hərəkatı bir çox ölkələrdə ciddi əks-səda doğurmuşdu. Gənclər
mövcud sistemə qarşı üsyan edirdilər və bu zaman əsas nifrət obyektlərindən biri də banklar
olurdu. Ona görə də, filial müdiri və əməkdaşları hadisəni polis qədər kiçiltmədilər.
***
Məktubdan dörd gün sonra – dekabrın 10-da filialın dörd əməkdaşı səhər 09:15-də bankdan 294
milyon 307 min 500 yen məbləğində pul götürüb yola düşdülər. Bu pul “Tokyo Shibaura Electric”
(hazırkı “Toshiba”) şirkətinin Fuçü şəhərində yerləşən zavodunun əməkdaşlarının illik mükafatı
kimi nəzərdə tutulmuşdu. Onlar xüsusi avtomobildən deyil, adi “Nissan Cedrik”dən istifadə
edirdilər. Pullar üç düralümin çamadana qoyularaq, yük yerinə yerləşdirilmişdi.
Əgər bank əməkdaşları məktub məsələsini ciddi qəbul edib filial binasında müəyyən qədər
narahatlıq hiss edirdilərsə (məktub müəllifi müdirin evi ilə yanaşı həmin binanı da partladacağını
vəd etmişdi), binadan kənarda pul daşıyan zaman özlərini daha təhlükəsiz sayırdılar.
Ümumiyyətlə, Yaponiyada cinayətkarlıq səviyyəsi aşağı idi. Burada Amerikadakı kimi basqınlara,
soyğunlara çox nadir hallarda rast gəlinirdi. İnkassatorların adi maşından istifadə etmələri də
bununla bağlı idi.
Səfər də problemsiz keçirdi, təkcə güclü yağış müəyyən diskomfort yaradırdı. Onlar artıq yolun
yarısını qət etmişdilər və sakit bir küçə ilə gedirdilər. Hərəkət istiqamətində sol tərəfdə Fuçü
həbsxanasının hasarı yüksəlirdi, sağ tərəfdə isə yaşayış binaları var idi.
Bu zaman sürücü arxa görünüş güzgüsündə polis motosikletinin yaxınlaşdığını gördü. Polis
onları ötərək qarşılarını kəsdi və saxlamaq işarəsi verdi. Dayanandan sonra yaxınlaşdı və filial
müdirinin evinin partladıldığını xəbər verdi. Daha sonra əlavə etdi ki, polisdə olan məlumata
görə, onların maşınına partlayıcı qoyulub və o, informasiyanı yoxlamaq üçün gəlib.
İnkassatorlara isə təhlükəsizlik məqsədilə bir qədər uzaqlaşmaq göstərişi verdi.
İntizamlı yaponlar polisin göstərişini yerinə yetirdilər. Bu zaman sürücü açarı yerində saxladı.
Yük yerinin və çamadanların da açarı orada idi.
Polis əvvəlcə mühərrik yerinə baxdı, sonra maşının altına uzandı. Birdən oradan qığılcım və
tüstü çıxmağa başladı. Polis hövlnak sıçrayaraq “dinamit, buradan uzaqlaşın” qışqırdı. Bank
işçiləri daha təhlükəsiz məsafəyə qaçdılar. Qarşıdan gələn avtomobilin sürücüsü tüstünü görüb
yanğınsöndürən balonla köməyə tələsdi. Amma polis sükan arxasına oturdu, maşını işə salaraq
hadisə yerindən uzaqlaşdı. İnkassatorlar onun dinamit qoyulmuş maşını yaşayış binalarından
uzaqlaşdırmaq istədiyini düşündülər və cəsarətinə heyran qaldırlar. Üstəlik, belə cəsur insanın
öləcəyinə güman edərək, kədərləndilər.
Amma onlar nə qədər gözləsələr də, partlayış səsi eşidilmədi. Maşın uzaqlaşsa da, bayaq
dayandığı yer nədənsə hələ tüstülənirdi. İnkassatorlar yaxınlaşanda yerdə tüstü bombası
gördülər…
Artıq ürəklərinə müəyyən şübhələr sızmağa başlamışdı. Bütün polis motosikletləri kimi ağ
rəngdə olan motosikletə diqqət yetirəndə isə onun kustar üsulla rəngləndiyini gördülər və hər
şeyi anladılar: özünü polis kimi göstərən adam heç bir zorakılığa əl atmadan gözlərinin önündə
300 milyon yenə yaxın pul oğurlamışdı. Bütün əməliyyat 3 dəqiqə çəkmişdi.
İnkassatorlardan biri yaxınlıqdakı yanacaqdoldurma stansiyasını qaçdı, oradan filiala zəng
edərək hadisəni danışdı. Filialdan da 110 nömrəsinə zəng edərək polisi xəbərdar etdilər.
***
Həyəcan təbili ilə yollarda təcili yoxlamalar təşkil edilsə də, soyğunçunu isti izlərlə tapmaq
mümkün olmadı. İlk növbədə ona görə ki, polis qara rəngli “Nissan Cedrik” axtarırdı, cinayətkar
isə soyğundan az sonra maşını dəyişmişdi. Polis bunu yalnız “Cedrik”i tapanda anladı.
Araşdırmalar nəticəsində cinayət süjetinin aşağıdakı kimi olduğu aydınlaşdı.
Soyğunçu noyabrın 30-dan dekabrın 1-nə keçən gecə oğurladığı yaşıl “Toyota Corolla” (polislər
ona “Corolla-1” deyirdilər, çünki ikincisi də vardı) avtomobili ilə inkassatorları bir qədər
izləyəndən sonra onu ataraq “Yamaha Sports 350 R-1” markalı motosikletə minib. Həmin
motosiklet də 20 gün əvvəl oğurlanıb. Soyğunu həyata keçirin şəxs hadisə yerindən
uzaqlaşandan sonra isə düralümin çamadanları tünd göy rəngli “Toyota Corolla”ya (“Corolla-2”)
yükləyib. “Corolla-2” və boş çamadanlar yalnız 1969-cu il aprelin 9-da – cinayətdən 4 ay sonra
tapıldı.
Dörd inkassatorun ifadələri əsasında soyğunçunun fotorobotu hazırlandı. Amma ondan istifadə
cəhdi faciə ilə nəticələndi. Cinayətdən 3-4 gün sonra polis 19 yaşlı bir oğlandan şübhələndi.
İnkassatorlar da onun soyğunçuya çox oxşadığını dedilər. Adı gizli saxlanılan və sadəcə S.
deyilən oğlan kalsium sianid içərək dekabrın 15-də intihar etdi. Sonra isə inkassatorlar etiraf
etdilər ki, soyğunçunun sifətini yaxşı xatırlamırlar. Polis S.-in cinayətdə əli olmadığı qərarına
gəldi.
Bu cinayət Yaponiya tarixində ən irimiqyaslı istintaqa səbəb oldu. Prosesdə bu və ya digər
şəkildə 171 min polis iştirak etdi. Cinayətkara məxsus olduğu güman edilən barmaq izləri 6
milyon adamın barmaq izləri ilə tutuşduruldu, amma bir nəticə hasil olmadı. İki polisin fiziki
tükənmədən öldüyü deyilir.
İstintaq aparılan müddətdə minlərlə adam şübhəli şəxs qismində yoxlanıldı, bir neçə nəfər
saxlanıldı, amma heç birinin cinayətlə əlaqəsini sübut etmək mümkün olmadı. Oğurlanan pullar
arasında 2000 ədəd 500 yenlik əskinasların nömrəsi məlum idi, amma onların da haradasa
ortaya çıxması qeydə alınmadı.
Analoji cinayət üçün istintaq müddəti 7 il idi. Həmin dövr ərzində istintaqa 972 milyon yen
xərcləndi ki, bu da oğurlanan məbləğdən üç dəfə çox idi. 1975-ci il dekabrın 10-da cinayət
məsuliyyətinə cəlb etmə müddəti bitdi, amma cinayətkar müəyyən olunmadı.
1988-ci il dekabrın 10-da isə mülki məsuliyyət müddəti də bitdi. İndi soyğunçu hətta pulların geri
istəniləcəyindən çəkinmədən ortaya çıxa bilərdi, nömrəsi məlum olan pulları da xərcləyə bilərdi,
amma bu, baş vermədi. 300 milyon yenlik oğurluğun üstü indiyə qədər açılmayıb.
***
Oğurlanan məbləğ 1968-ci ildəki mübadilə kursuna görə 817 min ABŞ dollarına bərabər idi. Bu
isə indiki 8 milyon dolların alıcılıq qabiliyyətinə ekvivalentdir. Müqayisə üçün bir rəqəm: o zaman
universiteti bitirən gənc yaponun start maaşı 10 min dəfə az – 30 600 yen olub.
Hazırladı: Yadigar Sadıq
pressklub.az

Elektrik enerjisinin verilməsində yaranmış nasazlığa görə Bakı Dəmiryol Vağzalına gec çatan 717 saylı qatarın sərnişinləri üçün şəhər daxilində əlavə ödənişsiz avtobuslar və qatarlar təyin edilib.

Bu barədə “Azərbaycan Dəmir Yolları” (ADY) QSC məlumat yayıb.

Bildirilib ki, dünən Ağstafadan Bakıya saat 16:30-da yola düşən 717 nömrəli sərnişin qatarı Goran stansiyası istiqamətində hərəkətdə olarkən elektrik enerjisinin verilməsində yaranmış texniki nasazlıq səbəbindən bir saatdan çox yolda qalıb. 717 saylı qatarın məlum səbəbdən yolda dayanması nəticəsində eyni marşrut üzrə hərəkət edən 705 saylı qatarın hərəkətində də 30 dəqiqə gecikmə halı qeydə alınıb.
Qeyd edək ki, 717 saylı qatarla səfər edən sərnişinlərə səfər boyu ödənişsiz su və şirniyyat servis edilib. Eyni zamanda ADY sərnişinlərin Bakı Dəmiryol Vağzalından mənzil başına rahat və təhlükəsiz çatdırılması üçün “20 Yanvar” dairəsi, Zığ və Bayıl istiqamətlərinə ödənişsiz avtobuslar, o cümlədən Bakı-Xırdalan-Sumqayıt və Bakı-Pirşağı-Sumqayıt marşrutları üzrə əlavə reys təyin edib.

Mingəçevirdə yerləşən səkkiz saylı körpələr evi-uşaq bağçası qəzalı duruma düşdüyündən hələ iki il əvvəl uşaqlar və kollektiv şəhərdə yerləşən yeddi nömrəli bağçaya köçürülüb.

Sakinləri isə narahat edən tərbiyə müəssisəsinin yararsız vəziyyətdə olması ilə yanaşı, burada bina tikiləcəyi ilə bağlı yayılan xəbərdir.

Şikayətçilər bildiriblər ki, burada uşaqların oynaması üçün yer yoxdur, hər tərəfdən maşınlar gedib-gəlir. Bağça olsaydı, həm uşağa, həm də bizə rahat olardı.

Həmçinin tərbiyə müəssisəsinin bir müddətdir bağlı qalması valideynləri çətin vəziyyətə salıb.

Onlar bu səbəbdən uşaqlarını uzaq məsafədə yerləşən bağçaya aparmaq məcburiyyətində qalırlar.
Məsələ ilə bağlı Mərkəzi Aran Regional Təhsil İdarəsindən bildirilib ki, sözügedən məktəbəqədər təhsil müəssisəsinin binası heç bir quruma satılmayıb. Bununla bağlı yayılan fikirlər həqiqəti əks etdirmir.

Qurumdan o da bildirilib ki, Mingəçevir şəhər səkkiz nömrəli körpələr evi-uşaq bağçasının növbəti illərdə dövlət investisiya proqramına daxil edilməsi və təmir-tikintisi planlaşdırılır.

Ətraflı Baku TV-nin süjetində:

Teref. Xocanın Blogu
Səhifəmiz hamnın üzünə açıqdı

Bakıda 90 nömrəli tam orta məktəbdə şagirdin döyülməsi ilə bağlı məlumat yayılıb.

Məktəbdən APA-nın sorğusuna cavab olaraq bildirilib ki, 07.11.2023-cü il tarixində məktəbin 2F sinfinin iki şagirdi (müvafiq səbəblərə görə şagirdlərin adları qeyd olunmur) qaçarkən toqquşub.

Məktəb rəhbəri tərəfindən hadisə barədə vaxtında məlumat vermədiyinə görə ibtidai sinif müəlliminin izahatı alınaraq ona töhmət verilib.

Şagirdlərin birində heç bir iz müşahidə olunmasa da, digəri xəsarət alıb.

Sabunçu Rayon Prokurorluğu tərəfindən məsələ ilə bağlı araşdırma aparılıb, hadisənin təsadüf nəticəsində baş verdiyi barədə rəy verilib.

Qeyd edək ki, hadisə ilə bağlı ilk məlumatı jurnalist İntiqam Valehoğlu sosial şəbəkə hesabında paylaşıb.

Türkiyədə sel və qasırğada iki nəfər ölüb, on nəfər yaralanıb.

Bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Qeyd olunub ki, Sinop və Konya şəhərlərində hər birində bir nəfər həlak olub. On yaralı isə paytaxt Ankara, Konya və Giresun şəhərlərindəndirlər. Ankarada baş vermiş hadisədə xəsarət almış şəxslər hərbçilərdir. Belə ki, kazarmada hərbi qulluqçuların üzərində şüşə düşüb.

AFAD bildirib ki, ölkənin 16 şəhərində 198 vətəndaş xilas edilib.

İzmirdə dəniz daşdı,küçələr su altında qaldı -
Türkiyənin İzmir şəhərində gecə saatlarında yağan şiddətli yağış və fırtına təsirli olub. Güclü yağışdan sonra dənizin daşması nəticəsində yolları su basıb. Suyun səviyyəsinin durmadan qalxdığı bildirilib.

“Qafqazinfo” “TRT Haber”ə istinadən hadisə yerindən fotoları təqdim edir:

Bakının Xətai rayonu, Xudu Məmmədov küçəsi 19 ünvanında yerləşən doqquzmərtəbəli bina qəzalı vəziyyətdədir.

Xezerxeber.az-ın məlumatına görə, binanın fasadı uçmaq üzrədir. Burada hər an faciə yaşana bilər.

Binanın sonuncu mərtəbəsində yerləşən mənzillərin eyvanlarının alt hissəsi deformasiyaya uğrayıb. Ev sahibi Zülfiyyə Kərimova deyir ki, mövcud təhlükəyə görə çox narahatdır.

Bina sakinləri də təşviş içərisindədirlər. Bildirirlər ki, aidiyyəti üzrə müraciət etsələr də, nəticəsi yoxdur. Binanın dam örtüyü yararsız halda olduğundan, ən üst mərtəbələrəki evlərə su sızır. Çəkiliş edilən mənzilin tavanından da bunu aydın görmək olur.
Məsələ ilə bağlı 82 saylı Mənzil İstismar İdarəsinin rəisi Rəşad Eldarzadə bildirib ki, problemlərdən məlumatlıdırlar. Qeyd olunub ki, binanın fasadının təmir edilməsi onların səlahiyyətləri daxilində deyil. Bununla belə, Bakı Şəhər İcra Hakimiyyətinə məlumat verilib. “Bina təmir planına salınıb”, - deyə o əlavə edib.

Mövzu ilə bağlı daha ətraflı videomaterialı təqdim edirik:

Ən yeni tarix. Maraqlı məlumatlar

2023-cü ilin noyabr ayının statistikasına görə dünya əhalisinin sayı 8 milyard 72 milyon nəfəri ötüb. Amma sözsüz ki, planetimizdəki bu milyardların hamısı rahat və firavan həyat sürmür. Hazırda 874 milyon insan aclıq, qida çatışmazlığı problemi ilə üz-üzədir, 768 milyon insan isə təhlükəsiz içməli su qıtlığından əziyyət çəkir. Təkcə 2023-cü ildə 11 milyon 252 min insan yoluxucu xəstəliklərdən həyatlarını itiriblər. Göründüyü kimi statistik göstəricilər heç də ürəkaçan deyil. Bu rəqəmlər bir daha sübut edir ki, dünyamız çox da rahat durumda deyil. Dəhşətli faktlardan biri isə odur ki, dünya əhalisinin 15-17 faizi müxtəlif fobiyalardan əziyyət çəkir. Bu heç də kiçik rəqəm deyil.

Fobiya nə deməkdir?

Fobiya təşviş və qorxu hissləri ilə müşayiət olunan haldır. Elə bu sözün yunan dilindən mənası da qorxu deməkdir. Fobiya əsasən ürək döyünməsi, baş gicəllənməsi, tərləmə, titrətmə, təngnəfəslik, ürək bulanması, əzələlərdə gərginlik, əllərin və ayaqların keyiməsi ilə müşayiət olunur. Bu cür qorxu hissləri hər bir insanda və istənilən yaşda baş qaldıra bilər. O cümlədən güclü xarakterə və iradəyə malik siyasi liderlərdə də...

Amerika Birləşmiş Ştatlarının tarixində xüsusi yeri olan və dörd dəfə prezident seçilmiş Franklin Ruzvelt qorxu haqqında belə bir ifadə işlədib: “İnsanın ən çox qorxduğu şey elə qorxunun özüdür”. Qorxuların arasında isə Ruzvelt ən çox oddan qorxub. Bu fobiya onu ömrünün sonuna qədər müşayiət edib. Sərbəst hərəkətini itirdikdən sonra isə onda bu hisslər daha da artıb. Ruzvelt heç vaxt, hətta gecələr də olduğu otağın qapısını bağlamayıb. Yanğın baş verdiyi halda qapını aça bilməmək qorxusu Ruzvelti buna məcbur edib. Bu qorxunu nəzərə alaraq prezidentin həyat yoldaşı onun iş və yataq otağına təxliyə məqsədilə ikinci qapıları qoydurub.

30 il müddətində milyonlarla insanı qorxu içində saxlayan İosif Stalinin də fobiyaları olub. Stalin yüksəklikdən, təyyarə uçuşlarından qorxub. Sözsüz ki, bu da onun fəaliyyətinə kifayət qədər problemlər yaradıb. Uzaq səfərləri zamanı təyyarə ilə 2-3 saata qət ediləcək məsafələri Stalin bir neçə günə qatarla gedib. O, yalnız Tehran konfransı zamanı bir dəfə təyyarəyə minib, Bakıya qədər qatarla, Bakıdan Tehrana isə təyyarə ilə uçub. Uçduğu təyyarə isə SSRİ-nin deyil, ABŞ-ın istehsalı olan “Duqlas S-47” təyyarəsi olub.

Dünyanın ən tanınmış siyasətçilərindən biri sayılan, uzun illər Böyük Britaniyanın baş naziri olmuş, ingilis siyasi və dövlət xadimi Uinston Çörçill də fobiyalardan kənarda qalmayıb. Siyasətçi kimi məşhur olmaqla yanaşı, o, natiq kimi də populyar olub. Amma elə qorxusu da nitqi ilə bağlı olub. Çörçill kütlələr qarşısında çıxış etməkdən qorxub. Siayasətə gəldiyi ilk illərdə palata qarşısında üç dəqiqəlik çıxışı zamanı onun nitqi o qədər biabırçı olub ki, palata üzvləri Çörçilli gülüşlə və uzun-uzadı “alqış”larla yola salıblar. Bu hadisədən sonra Çörçill ən kiçik tədbirlərdəki çıxışlarına belə bir-iki həftə əvvəlcədən hazırlaşmağa başlayıb. Çörçill fobiyasına qalib gələ bilib, o, siyasi fəaliyyətinin sonrakı illərində natiq və hazırcavab siyasətçi kimi yadda qalıb.

Dünyaya sahib olmaq istəyən +itler II dünya müharibəsinə başlayanda özünü ən güclü siyasətçi saysa da, onun da qorxu hissi, fobiyası olub. Dünyanın ən güclü sərkərdələrindən qorxmayan +itler diş həkimlərindən çəkinib. Onun ağız boşluğunda kifayət qədər problemlər olsa da, o, heç vaxt diş həkiminə müraciət etməyib. Çürük iddiaları kimi çürük dişlə gəzən +itlerin ağzından ətrafdakılar üçün dözülməz və dəhşətli qoxu gəlib.

Elmi izaha görə fobiyalar əsasən üş yerə bölünür.

Küçə, meydan, bazar, teatr, kino, tunel və sair bu kimi yerlərdəki qorxular aqorafobiya, heyvanlardan (təkcə yırtıcı yox, həm də ev heyvanlarından), yüksəklikdən, qapalı və açıq mühitlərdən, təyyarəyə və liftə minməkdən yaranan qorxurlar spesifik fobiya, daha çox ictimai yerlərdə yeməkdən, danışmaqdan və ya yazmaqdan, həmçinin ictimai nəqliyyatdan istifadə etməkdən, qonaq qəbul etməkdən, əl-ələ görüşməkdən yaranan qorxurlar isə sosial fobiya adlanır.

Bütün bunlarla yanaşı siyasi fobiyalar da var, rəqib kimi qəbul etdiyin siyasi fiqurlardan qorxu hissi.

11 il SSRİ-yə rəhbərlik edən Nikita Xruşovda Stalin fobiyası olub. Xruşov Stalinin tabeliyində işləyəndə, hətta ona verilən tapşırığı ən yüksək səviyyədə yerinə yetirib məruzə edəndə belə qorxu hissləri Xruşovu tərk etməyib. Amma yəqin ki, Stalinin vəfatından sonra Xruşov ondan aldığı qisaslardan sonra öz fobiyası üzərində qələbə qazanıb.

Hər şeyə qadir olan Lavrenti Beriyada Jukov fobiyası özünü bütün açıqlığı ilə büruzə verib. SSRİ-nin baş cəlladında marşala qarşı qorxu o qədər güclü olub ki, o, dəflərlə Jukovun həbsi ilə bağlı Stalinə müraciət edib. Amma hər şey əksinə baş verib. Jukov özü qorxu içində olan Beriyanın əllərini qandallayıb və bununla da Beriya o dünyaya öz fobiyası ilə gedib.

18 il baş katib kürsüsündə əyləşən Leonid Brejnevdə Kosıgin fobiyası olub. Brejnev onun populyarlığından, xalqın ona olan sevgisindən, işgüzarlığından qorxub. Brejnev bu fobiyadan qurtulmaq üçün uzun illər Aleksey Kosıgini siyasi səhnədən uzaqlaşdırmağa məqam gözləyib və sonda istədiyinə nail olub.

15 il SSRİ DTK-sına başçılıq edən və sonradan mübarizələrdən qalib çıxaraq birinci kürsüdə əyləşən Yuri Andropovda daxili işlər naziri Nikolay Şelokov qorxusu olub. Amma Andropov bu fobiyaya qalib gəlib, hətta mübarizəni o həddə çatdırıb ki, Şelokov özünü güllələyib.

Bu gün də dünyanın siyasiləri arasında fobiyalarla yaşayanlar az deyil. Kimisi bunu biruzə verir, kimisi isə gizlətməyi bacarır. Fobiyanın necə bir hal olduğunu daha dəqiq anlamaq üçün isə Ermənistanın baş naziri Nikol Paşinyanın fəaliyyətinə nəzər yetirmək kifayətdir. Aşırı dərəcədə Azərbaycan qorxusu ilə yaşayan Paşinyan nə qədər cəhd etsə də öz fobiyasını gizlədə bilmir. Bu isə uğursuz siyasətin və məğlubiyyətin göstəricisidir.

İlham Cəmiloğlu

Rusiya Federasiyası-Gürcüstan yolu bağlanıb.

Bu barədə Rusiya Fövqəladə Hallar Nazirliyi məlumat yayıb.

Gürcüstanda hava şəraitinin pisləşməsi ilə əlaqədar “Yuxarı Lars”dan Rusiyaya keçən yolun noyabrın 24-ü saat 17:20-dən növbəti xəbərdarlığa qədər bütün növ avtomobillər üçün bağlandığı bildirilib.

Qeyd olunub ki, Gürcüstan ərazisində hava şəraitinin pisləşməsi, nəqliyyat vasitələrinin təhlükəsiz keçidinin təmin edilməsi, həmçinin Gürcüstan sərhəd polisinin tövsiyələri nəzərə alınmaqla məlum tədbir həyata keçirilib.
Xatırladaq ki, “Yuxarı Lars”-Gürcüstan Hərbi Yolu hazırda Ermənistanı Rusiya ilə əlaqələndirən yeganə quru yoludur.

Mənbə: SputnikArmenia

Baş prokuror yanında Korrupsiyaya qarşı Mübarizə Baş İdarəsi yaşayış binalarının tikintisi ilə məşğul olan şirkətlərin 100-dən artıq vəzifəli şəxsini eyni mənzilin birdən çox şəxsə satılması, habelə tikinti layihələrinin tamamlanmaması halları ilə əlaqədar cinayət məsuliyyətinə cəlb edib.

Bu barədə Baş Prokurorluqdan məlumat verilib.

Bildirilib ki, belə hallarla qarşılaşmış çoxsaylı vətəndaşların vurulmuş maddi ziyanın ödənilməsi istiqamətində də qanunvericiliyə uyğun olaraq mümkün həddə tədbirlər görülüb.
Bununla belə, tikintisi davam etdirilən, istismarına icazə verilməmiş çoxmənzilli binalardan mənzil almaq niyyətində olan vətəndaşlarımız da ayıq-sayıq olmalı, mənzil alqı-satqısı ilə bağlı öz hüquq və öhdəliklərinə yaxından bələd olmalıdırlar.

Bu sahədə vətəndaş məlumatlılığının artırılması və qeyd edilən qanunsuz əməllərə məruz qalma risklərinin minimallaşdırılması məqsədi ilə aşağıdakıları tövsiyə edirik:

1. Media və sosial şəbəkələrdə araşdırma aparmaqla tikinti şirkəti haqqında formalaşmış ictimai rəyi, reputasiyanı öyrənmək.

2. Alqı-satqı prosesi zamanı peşəkar hüquqşünas xidmətindən istifadə etmək.

3. Mənzil almazdan əvvəl müvafiq sorğularla yaşayış binasının tikintisinə müvafiq icra hakimiyyəti, yəni əsasnamələrinə uyğun olaraq Azərbaycan Respublikasının Fövqəladə Hallar Nazirliyi, Azərbaycan Respublikasının Dövlət Şəhərsalma və Arxitektura Komitəsi və yerli icra hakimiyyəti orqanları tərəfindən icazə verilib-verilmədiyini, tikinti aparmasına icazə verilən şirkətlə faktiki tikintini icra edən şirkətin eyni olub-olmamasını dəqiqləşdirmək (təcrübədə tikintini icra edən podratçı şirkətin icazəsi olmadan qanunsuz mənzil satışını həyata keçirməsi hallarına rast gəlinib).

4. Dövlət Şəhərsalma və Arxitektura Komitəsinin rəsmi internet səhifəsində yerləşən Tikintilərin Dövlət Reyestri bölməsində yaşayış binasının tikintisinə icazə verilib-verilmədiyini yoxlamaq.

5. Mənzil alınmadan öncə Əmlak Məsələləri Dövlət Komitəsinin Elektron Xidmətlər Portalında (e-emdk.gov.az) “Çoxmərtəbəli yaşayış binasında mülkiyyət hüququnun dövlət qeydiyyatı haqqında müvafiq reyestrdən çıxarış sənədi olan mənzillərin mövcudluğu barədə məlumatların verilməsi” bölməsinə daxil olmaqla, çoxmərtəbəli yaşayış binasının yerləşdiyi küçəni və aid olduğu tikinti şirkətinin (MTK) adını qeyd edərək həmin bina üzrə mənzillərin dövlət reyestrindən çıxarışının mövcudluğu barədə məlumatı əldə etmək.