Bakının Nərimanov rayonunda döyülmə hadisəsi baş verib.

APA xəbər verir ki, hadisə Əlibala çay evində baş verib.

Belə ki, 1986-ci il təvəllüdlü Abbasov İsmail Faiq oğlu çayxanada naməlum şəxslə dava edən zaman başından xəsarət alıb.
Tapançanın qundağı ilə başından xəsarətlər alan İ.Abbasov xəstəxanaya yerləşdirilib. Onun vəziyyəti ağır kimi qiymətləndirilir.

Faktla bağlı Nərimanov Rayon Polis İdarəsinin əməkdaşları araşdırma aparır.

İstanbulda ‘Daltonlar’ kimi tanınan cinayət təşkilatının yeni görüntüləri üzə çıxıb.

Teref.az xəbər verir ki, görüntülərdə təşkilat üzvlərinin ağır silahlarla küçələrdə avtomobillə hərəkət etməsi yer alıb.

İstanbulda 131 üzvü saxlanılan “Barış Boyun” cinayət təşkilatının lüks avtomobillərin lyukundan çıxaraq silahlarla küçələrdə dolaşdığı müəyyənləşib. ‘Daltonlar’ kimi tanınan qrup üzvlərinin qorxu yaymaq üçün həmin anların görüntülərini sosial şəbəkədə paylaşdıqları müəyyən edilib.

İstanbul Polis İdarəsinin Mütəşəkkil Cinayətkarlıqla Mübarizə Şöbəsi qrupları ötən gün İtaliyada saxlanılaraq həbs edilən mütəşəkkil cinayət təşkilatının lideri Barış Neckinin rəhbərlik etdiyi şəbəkəyə qarşı əməliyyat keçirib. Əməliyyat zamanı barələrində həbs qətimkan tədbiri seçilən 161 şübhəlidən 131-i tutularaq saxlanılıb.//Musavat

Bu gün IX siniflərin buraxılış imtahanında 3 nəfərdə mobil telefon aşkarlandığı üçün imtahandan xaric edilib.

Dövlət İmtahan Mərkəzindən Redaktor.az-a verilən xəbərə görə, 1 nəzarətçi köçürməyə şərait yaratdığı üçün imtahandan kənarlaşdırılıb.

İmtahanda iştirak etmək üçün tələb olunan sənədləri qaydasında olmayan - şəxsiyyət vəsiqəsini evdə unudan, şəxsiyyəti təsdiq edən sənədin surəti ilə imtahana gələn və ya vəsiqəsində şəkli olmadığı üçün məktəbdən verilən şəkilli arayışı özü ilə gətirməyən şagirdlər də olub.

Qeyd edək ki, bu gün Bakı şəhərinin Binəqədi, Qaradağ, Suraxanı, Yasamal rayonlarında, Gəncə (II hissə), Sumqayıt (I hissə) şəhərlərində, Abşeron (I hissə), Ağdaş, Beyləqan, Cəlilabad (I hissə), Füzuli, Göyçay (I hissə), Göygöl, Gədəbəy, Hacıqabul, Xaçmaz (I hissə), Qəbələ, Qobustan, Quba (I hissə), Masallı (I hissə), Neftçala, Oğuz, Sabirabad, Tovuz, Yardımlı, Zəngilan (Ağalı kəndi) rayonlarında ümumi (9 illik) orta təhsil səviyyəsi üzrə buraxılış imtahanı keçirilib.

Mütəşəkkil cinayətkar dəstə ilə bağlı iş üzrə həbs cəzası alan və hazırda həbsdə olan Adnan Oktarın vəkilləri ilə keçirdiyi görüşlərin məhdudlaşdırılmasına qərar verilib.

Oktarın bir ay ərzində 290 dəfə vəkillərlə görüş keçirdiyi bildirilib. Onun vəkilləri ilə görüşləri 3 ay müddətinə məhdudlaşdırılıb.

İstanbul Baş Prokurorluğu tərəfindən Oktarın vəkil görüşləri zamanı təşkilatın fəaliyyətinin davam etdirilməsinin qarşısının alınması üçün tələblər irəli sürülüb.

Məhkəmənin bununla bağlı verdiyi qərarda bildirilib ki, Oktar bir ay ərzində təxminən 290 dəfə, eyni gündə 10 dəqiqəlik qısa fasilələrlə müxtəlif vəkillərlə görüşüb. Qeyd edilib ki, bu görüşlər özünümüdafiənin təmin edilməsindən daha çox vəkillər vasitəsilə təşkilatın fəaliyyətinin davam etdirilməsinə yönəlib.

Məhkəmə tərəfindən həmçinin Oktarın vəkilləri ilə görüşlərinin səs və ya video yazısı vasitəsilə lentə alınması, Oktarla vəkil arasındakı söhbətlərin izlənilməsi məqsədilə məmur təyin edilməsi, bir-birinə verdikləri sənədləri və ya sənəd nümunələri, aralarındakı danışıqlara dair saxladıqları fayl və qeydlərin müsadirə oluna bilməsi, həmçinin görüşlərin gün və ya saatlarının məhdudlaşdırılması qərara alınıb.





Mənbə: Haber Global

“Türkü gətirib Teğ kəndində yerləşdiriblər. Heç bir maneə ilə üzləşmədilər. Azərbaycan və Ermənistan arasında sərhəd belə müəyyən edilməyib. Bu prosesə tezliklə başlamaq lazımdır”. TEREF.AZ JAMAZ.İNFO-ya istinadla xəbər verir ki, bu sözləri erməni ekspert Davit Camalyan deyib.

O, Ermənistanın baş naziri Nikol Paşinyan haqqında da xoş danışmayıb. Camalyan deyib ki, normal ölkələrdə ölkəyə normal, ləyaqətli hökumət rəhbərlik etməyəndə indiki vəziyyət yaranır. “Amma ölkəmizə “türklərin iti”nin nümayəndəsi rəhbərlik etdiyi üçün elə türklərin mənafeyinə xidmət edir. Demək olar ki, onlar Azərbaycanın bütün ekspansionist ambisiyalarını qəbul ediblər. Bu, xəyanət deyilsə, bəs, nədir?”

Erməni ekspert iddia edib ki, Nikol Paşinyan Ermənistan ərazisindən 800 kv.km ərazini Azərbaycana verməyə razı olub. “Bu yaxınlarda Əliyev elan etdi ki, erməni tərəfi artıq bizə 29 min kvadratmetr ərazidə dinc yaşamağa icazə verilməsini xahiş edir. Sovet Ermənistanının ərazisi 29,8 kv.km olub. Yəni, bu o deməkdir ki, Ermənistan ərazisindən 800 kv.km-i Azərbaycana veriləcək”.

Camalyan onu da iddia edib ki, Dığ kəndi yaxınlığında baş vermiş toqquşma proseslərin müqəddiməsidir. “Tezliklə biz Sünik və Vayots Dzorun işğalına şahid olacağıq. Son günlər Rusiya tərəfi səfirlər səviyyəsində, KTMT Katibliyinin rəhbəri Mariya Zaxarovanın ağzından intensiv şəkildə yardım əlini uzatmağa hazır olduqları barədə mesajlar verir. Hətta Putin həmkarı vasitəsilə KTMT missiyasını qəbul etməyə çağırır. Niyə indi bu mövzu bu qədər intensiv müzakirə olunur? Məncə, yəqin ki, Rusiya tərəfi yaxşı bilirdi ki, Azərbaycan tərəfi növbəti prosesə hazırlaşır və bunun ardınca daha böyük hərbi əməliyyatlar olacaq”.

Xəbər verdiyimiz kimi, bir neçə gün öncə yolu azaraq, Ermənistanın Zəngəzur (Sünik) mahalının Bnunis kəndində bir evin qapısını döydüyü və ev sakinləri ilə söhbət etdiyi videosu yayılan “azərbaycanlı əsgərin” “qaçan yoldaşı”nın Qarakilsədə bir marketdə göründüyü haqda məlumat yayılmışdı.

Axar.az xəbər verir ki, “Sis Masis” Teleqram kanalı həmin şəxsin azərbaycanlı olmadığını üzə çıxarıb.

Fotosunun yayıldığını görən şəxs özü bildirib ki, adı Arto Sərkisyandır, Suriya ermənisidir.

Qeyd edək ki, iki azərbaycanlı “əsgərin” (3, hətta 6 nəfər olduğu da iddia edilir) Ermənistan ərazisində olduğu, onlardan birinin saxlanıldığı, digərinin qaçdığı haqda Ermənistan MN məlumat yaymışdı.

Azərbaycan MN Naxçıvandakı bölmələrin birindən pis hava şəraitinə görə iki əsgərin itkin düşdüyünü bildirsə də, detallar açıqlanmayıb.