Vəkil Zaur Məmmədovun qardaşı onun intihar etməsi üçün bir səbəbin olmadığını bildirib.

Vəkillər kollegiyasının yanında özünü yandıraraq intihar edən Salyan vəkil bürosunun vəkili Zaur İsa oğlu Məmmədov Hacıqabul şəhər sakinidir. 36 yaşlı (1987-ci il təvəllüdlü) Z.Məmmədov subay olub. Ailənin kiçik övladı olan Zaur ailədə 2 qardaş, bir bacıdılar. Hacıqabul şəhəri M.F.Axundov küçəsi, ev 78 ünvanında qeydiyyatda idi.

Qardaşı Seymur Məmmədov APA-ya bunları deyib: “Dünən atam onunla telefonla danışıb. Atam dedi ki, bayramdı gəl bir yerdə keçirək. Zaur da cavabında deyib ki, bu gün (31 dekabr) yox, sabah gələcəyəm. Yəni, bu gün onu gözləyirdik. Bu gün də eşitdik ki, bu hadisə baş verib. Heç bir problemi yox idi”.

İntihar etməyə bir səbəbin olmadığını bildirən qardaşı onun nə borcunun olduğunu, nə də bir istəklisinin olmadığını qeyd etdi.

Vəkil Zaur Məmmədov intihar edib.

“Qafqazinfo”nun məlumatına görə, Z.Məmmədov hələlik bilinməyən səbəbdən üzərinə benzin tökərək özünü yandırıb. Onun həyatını xilas etmək mümkün olmayıb.

Hadisə Vəkillər Kollegiyasının qarşısında qeydə alınıb.

Hüquq-mühafizə orqanlarının əməkdaşları hadisə yerinə cəlb ediliblər.
Qeyd edək ki, Zaur Məmmədov Salyan Rayon Bürosunda fəaliyyət göstərirdi.

Xaçmaz şəhərinin Fətəli xan Xoyski küçəsində yol çöküb.

Qudiyalçayın kənarında yerləşən küçədə çayın kənarı uçulub, nəticədə asfalt yol dağılıb.
Yaxınlıqdakı evlər üçün təhlükə yaranıb.

Təbii ki, bütün görüşlər zamanı bu məsələ gündəmdə olur, qaldırılır. Delimitasiya prosesi kifayət qədər spesifik və texniki prosesdir. Bununla bağlı ayrı bir komissiya mövcuddur və o fəaliyyət göstərir. Sərhədlə bağlı olan məsələlər delimitasiya prosesinin tərkib hissəsi olaraq öz həllini tapmalıdır.

Gununsesi.info xəbər verir ki, bu sözləri Xarici İşlər Nazirliyinin ilin yekunlarına dair keçirilən mətbuat konfransı zamanı işğal altında olan 8 kəndimizlə bağlı sualı cavablandıran nazir Ceyhun Bayramov deyib.

Nazir 8 kəndin geri qaytarılması ilə bağlı məsələyə delimitasiya prosesi çərçivəsində baxılacağını qeyd edib:

“Sülh müqaviləsi kontekstində bu məsələlərin ümumi prinsipləri əks edilə bilər. Çünki hətta ərazi münaqişəsi, problemli keçmişi olmayan ölkələr arasında belə delimitasiya prosesi uzun illər çəkə bilər. Biz sülh müqaviləsinin daha qısa zamanda başa çatdırılmasında maraqlıyıqsa, bu iki prosesi bir-birinə bağlamağımız düzgün olmaz. Delimitasiya komissiyasının növbəti toplantıları zamanı bu məsələlərə baxılacaq. Məsələ gündəmdədir və hər zaman qaldırılır. Eyni zamanda onu da qeyd edə bilərəm ki, 8 kəndin özünün də ayrı-ayrı spesifik xüsusiyyətləri var. Bu kəndlərdən dördü anklavdır, geri qalanı isə anklav deyil və bizim digər kəndlərə bitişik formadadır. Bizim yanaşmamız hər zaman ondan ibarətdir ki, burda da bəlli bir ardıcıllıq ola bilər. İlk növbədə qeyd-şərtsiz həll olunan məsələlər ola, digər məsələlərin müzakirəsi isə qarşılıqlı formada davam etdirilə bilər. Ermənistanın da bir sıra iddialarının olması sirr deyil. Yəni onların sərhədlərlə bağlı öz baxışları var. Ancaq biz hesab edirik, bu, bir qədər fərqli qəbildən olan məsələdir. Çünki digər mübahisəli məsələlərdən fərqli olaraq biz konkret yaşayış məntəqələrindən danışırıq. Bu yaşayış məntəqələrinin kimə məxsus olması heç zaman mübahisə predmeti olmayıb. Orada minlərlə insan yaşayıb. Hamı hələ SSRİ dövründə bu kəndlərin kimə aid olduğunu bilir. Ona görə də gözləntilərimizin və tələbələrimizin ədalətli olduğunu hesab edirik. Proseslərin gedişatı zamanı bu məsələlər hər zaman gündəmdədir və düşünürəm ki, həllini tapacaq”.

Rusiyanın Voronej vilayətinin ən böyük yumurta istehsalı zavodunun sahibi Tretyakovskaya Gennadi Şiryayevə sui-qəsd cəhdi edilib. Bu barədə “Shot Telegram” kanalı məlumat yayıb.Qeyd olunur ki, quşçuluq fermasının rəhbəri və vilayət Dumasının keçmiş deputatı Şiryayev “Volkswagen” markalı avtomobilini dekabrın 27-də axşam saatlarında evindən iki kilometr aralıda Kursk-Saratov magistralında idarə edib. Tretyaki kəndi yaxınlığında naməlum şəxs yolsuzluq avtomobilinə iki dəfə atəş açıb və sonra qaçıb. Şiryayev xəsarət almayıb. O, həmin an maşında tək olub.Həmçinin bildirilib ki, Federal Antiinhisar Xidmətinin ərazi orqanları kəskin qiymət artımı ilə bağlı toyuq yumurtası istehsalçılarına qarşı daha 4 iş açıb. Voronej OFAS tərəfindən sentyabr ayı ilə müqayisədə Bobrovskaya quşçuluq fabriki, Zabrodenskoye, Ryaba kənd təsərrüfatı müəssisəsi və Tretyakovskaya quşçuluq fabrikləri tərəfindən məhsulun birdəfəlik qiymət artımı aşkar edilib.

"İçərişəhərdə turistləri gəzdirirəm. Bu işə yeni başlamağıma baxmayaraq buranın tarixi mənə hər zaman maraqlı olub”.

Bu sözləri ingiltərəli iş adamı Henri Verren deyib.

O bildirib ki, Bakıda turistlərə bələdçilik edir.

Azərbaycanlı xanımla ailə həyatı quran Henri daha sonra isə öz təsərrüfatını yaradıb.
Hazırda bir neçə rayonlarda arıçılıqla məşğuldur.

Daha ətraflı İTV-nin süjetində:

Xəbər verdiyimiz kimi, əvvəllər polis orqanlarında çalışmış, hazırda həbsdə olan İlkin Babayevin anası oğlunun qanunsuz saxlanıldığını iddia edir.

Belə ki, İ. Babayevin anasının sözlərinə görə, oğlunun həbs edildiyi cinayət əməli ilə bağlı əsas iştirakçı Nahid Şəmşirovdur.

Bununla bağlı Baş Prokurorluğun Mətbuat xidmətindən “Qafqazinfo”nun sorğusuna cavab verilib.

Bildirilib ki, İlkin Babayev və Nahid Şəmşirovun digər şəxslərlə qabaqcadan əlbir olub özlərini müxtəlif dövlət orqanlarının əməkdaşları kimi təqdim edərək vəzifəli şəxs kimi geniş əlaqələrə malik olduqlarını yalandan bildirib dələduzluq yolu ilə 7 nəfər şəxsin ümumilikdə 245 min manat pulunu ələ keçirmələri faktı üzrə Baş prokuror yanında Korrupsiyaya qarşı Mübarizə Baş İdarəsində cinayət işi başlanaraq istintaq aparılıb.

İlkin Babayev barəsində ibtidai istintaq tamamlanaraq iş baxılması üçün məhkəməyə göndərilib. Nahid Şəmşirov isə Cinayət Məcəlləsinin müvafiq maddələrilə təqsirləndirilən şəxs qismində cəlb edilib və ölkə hüdudlarından kənarda olduğundan, barəsində Binəqədi rayon məhkəməsinin qərarı ilə qiyabi həbs qətimkan tədbiri seçilərək axtarışa verilib. Hazırda onun saxlanılaraq məsuliyyətə cəlb olunması istiqamətində tədbirlər davam etdirilir.

Qeyd edək ki, Nahid Şəmşirov rəqəmsal inkişaf və nəqliyat nazirinin müavini Cavid Qurbanovun əmisi oğludur.

Dekabrın 27-də saat 3 radələrində Bakının Nərimanov rayonu ərazisində 1990-cı il təvəllüdlü Etibar Yusif oğlu Əliyevin kəsilmiş-deşilmiş xəsarətlərdən ölməsi barədə polisə məlumat daxil olub.

Daxili İşlər Nazirliyinin Mətbuat Xidmətindən bildirilib ki, cinayət əməlini törətməkdə şübhəli bilinən 1975-ci il təvəllüdlü Elşən Firudun oğlu Nəbiyev polis əməkdaşları tərəfindən keçirilən tədbirlərlə saxlanılıb.

İlkin məlumata görə, hadisə şəxsi münasibətlər zəminində baş ver verib.
Faktla bağlı araşdırma aparılır.