Ukrayna ABŞ və Avropa İttifaqı ilə ölkənin hava məkanının açılması məsələsi ilə bağlı danışıqlar aparır.
Bunu Ukraynanın infrastruktur naziri Aleksandr Kubrakov deyib.

Kubrakov “Ukrayna. 2024-cü il” forumunda bildirib ki, Ukrayna Amerika və Avropa tənzimləyiciləri ilə öz hava məkanının açılması ilə bağlı məsləhətləşmələr aparır.

"Bu, mürəkkəb prosesdir, lakin Ukrayna artıq ilk rəsmi addımları atır: bu həftələrdə risklərin qiymətləndirilməsi ilə bağlı müvafiq tənzimləyicilərə rəsmi bəyanatlar göndərəcəyik", - nazir bildirib. O, təhlükəsizlik problemlərini əsas gətirərək uçuşların bərpası üçün təxmini vaxt verməkdən imtina edib.

Deyib ki, təfərrüatlar qərbli həmkarlarının cavabından sonra məlum olacaq.

Bundan əvvəl Ukraynanın Gürcüstandakı müvəqqəti işlər vəkili Andrey Kasyanov Gürcüstanın Rusiya ilə hava əlaqəsi açacağı təqdirdə ukraynalıların Gürcüstandan çıxarılmasına icazə verib. Onun sözlərinə görə, hazırda təxliyyə marşrutlarının təşkili imkanları müzakirə edilir.
TASS

Gürcüstanda 2024-cü ilin payızına təyin edilmiş parlament seçkiləri fonunda etirazlar başlaya bilər.

Axar.az xəbər verir ki, bu barəd rusiyalı politoloq Aleksandr Dudçak deyib.

O, ölkədə yeni inqilab riski barədə xəbərdarlıq edib.

“Gürcüstanda Avropa gündəmini əsasən prezident Salome Zurabişvili irəli sürür. Lakin yerli əhali artıq Rusiya ilə normal mehriban qonşuluq münasibətlərinin bərpasının bəhrəsini hiss edir. Ticarət dövriyyəsi ilə yanaşı, turist axını da var", - deyə Dudçak bildirib.

Ekspert bildirib ki, parlament seçkilərindən sonra vəziyyət dəyişə bilər. Politoloqun fikrincə, Gürcüstan müxalifəti etiraz aksiyaları təşkil etməyə çalışacaq.

Yerevan Kollektiv Təhlükəsizlik Müqaviləsi Təşkilatına (KTMT) üzvlüyün dondurulması ilə bağlı rəsmi bildiriş göndərməyib.

Qaynarinfo xəbər verir ki, bunu Rusiya prezidentinin mətbuat katibi Dmitri Peskov “Zvezda” telekanalına bildirib.

“Ermənistan tərəfi bununla bağlı heç bir rəsmi addım atmayıb. Biz həmkarlarımızla əlaqə saxlamaq və bu bəyanatların mənasını aydınlaşdırmaq niyyətindəyik”, – o deyib.

Peskov qeyd edib ki, bu halda detalları başa düşmək çox vacibdir: “Ümid edək ki, erməni dostlarımız bizə hər şeyi izah edəcəklər”.

Bundan əvvəl respublikanın baş naziri Nikol Paşinyan bildirib ki, Ermənistan KTMT-də iştirakını dayandırıb.

Son vaxtlar İrəvan bəzi inteqrasiya formatlarında görüşləri buraxıb. O cümlədən, Paşinyan Minskdə keçirilən KTMT sammitində iştirak etməyib.

Avropa Parlamenti gələn həftə plenar iclasda Ermənistanla viza rejiminin liberallaşdırılmasına dair qətnaməni müzakirə edəcək.Bbu barədə Almaniyadan olan deputat Viola fon Kramon məlumat verib.
“Əgər biz viza proqramı və ya liberallaşdırma tədbirləri ilə irəliləsək, bu, ticarət və bazarlarımızın liberallaşdırılması baxımından da insanlar üçün nəzərəçarpacaq hadisə olacaq”, - o qeyd edib.
Onun sözlərinə görə, Avropa İttifaqına üzv olan bəzi ölkələrin Ermənistanla viza rejiminin liberallaşdırılması ilə bağlı ciddi narahatlıqları var.

Violanın fikirlərinə münasibət bildirən politoloq Cümşüd Nuriyev “Sherg.az”a deyib ki, Avropa Parlamentinin Ermənistanla bağlı qəbul edəcəyi qərar bölgədə yeni hadisələrə təkan verəcək:
“Onsuz da Ermənistanda heç kim qalmaq istəmir. Əgər viza rejiminin liberallaşdırılması baş tutsa, nə qədər erməni var hamısı Avropaya xüsusilədə Fransaya gedəcək. Avropa Parlamenti bu qərara görə sonradan peşman olacaqlarını başa düşmür. Qərarın qəbul olunması üçün çox çalışırlar və bununla da Ermənistanı Avropaya yaxınlaşdırmağı düşünürlər”.

Ekspert söyləyib ki, Rusiyanın bununla bağlı reaksiyası çox mənfi olacaq:
“Nəzərə alsaq ki, martın 17-də Rusiyada Prezident seçkiləri baş tutacaq, Vladimir Putinə siyasi gedişlər etmək lazımdır. Yəni Rusiya Ukraynanı Ermənistanla əvəz edə bilər. Eyni zamanda Ermənistan dövlət səviyyəsində Zvartnots Beynəlxalq Hava Limanından rus sərhədçilərinin çıxarılması ilə bağlı qərar qəbul edib. Digər tərəfdən Kollektiv Təhlükəsizlik Müqaviləsi Təşkilatı (KTMT) ilə bağlı müxtəlif fikirlər səsləndirirlər. Ermənistanın normal dövlət siyasəti yoxdur. Rusiya isə indiyə qədər Ermənistanı dəstəklədiyinə görə çox peşmandır. Rusiya Zvartnotsdan sərhədçilərin çıxarılması məsələsinə görə Ermənistanı ciddi şəkildə cəzalandıracaq”.

Ermənistan və Fransanın müdafiə nazirləri hərbi əməkdaşlıq barəsində sənədlər paketi imzalayıblar.
Qeyd olunub ki, daha bir saziş Ermənistanın müdafiə nazirinin müavini Karen Brutyanla adı açıqlanmayan Fransa şirkətinin nümayəndəsi tərəfindən imzalanıb.
Qeyd edək ki, Fransanın müdafiə naziri Sebastyan Lekornu İrəvanda səfərdədir. Bu, Fransanın müdafiə nazirinin Ermənistana ilk səfəridir.

Mövzu ilə bağlı “Sherg.az”a danışan Sosial Tədqiqatlar Mərkəzinin Daxili siyasətin təhlili departamentində sektor müdiri, politoloq İlyas Hüseynov bildirib ki, Fransa açıq şəkildə Ermənistana öz hərbi dəstəyini bildirməkdədir:

“Ermənistanın baş naziri Nikol Paşinyan və Fransa lideri Makronla görüşdə də hərbi-texniki əməkdaşlığa bağlı fikirlər müşahidə olundu. Eyni zamanda görüş zamanı Fransanın hərbi cəhətdən Ermənistana yardım etməsi də səsləndirildi. Bunun ardınca isə Fransanın müdafiə naziri Sebastyan Lekornunun İrəvana səfər etdiyini görürür. O, Ermənistanın müdafiə naziri Suren Papikyan ilə görüşüb. Bu görüş hərbi cəhətdən Ermənistana dəstək vermək niyyəti güdür. Yayılan məlumatlara görə gecə görmə cihazları və radarlar da daxil olmaqla hərbi yardımın müxtəlif seqmentləri özünü büruzə verir. Açıq şəkildə Ermənistanın Fransa tərəfindən dəstək alması Cənubi Qafqazdakı hazırki vəziyyəti dəyişməyə yönəlib. Şübhəsiz ki, Fransa tərəfindən silahların Ermənistana verilməsi gələcəkdə böyük təhlükə və təhdid formalaşdıra bilər. Təhlükəsizlik adı altında verilən silahların hücum xarakterli olması istisna edilmir. Yəni bununla Ermənistan Azərbaycanın ərazilərinə müdaxilə edə bilər. Buna qarşı dünya birliyi də öz etiraz səsini qaldırmalıdır. Çünki Fransa hər kəsin gözü önündə Ermənistanı silahlandıraraq müharibəyə təşviq edir”.

Rusiya bir neçə ay öncə Ermənistan əhalisini açıq-aşkar hakimiyyəti devirməyə çağırıb.

“Report” xəbər verir ki, bu barədə Ermənistanın Baş naziri Nikol Paşinyan “France 24”ə müsahibəsində bildirib.

2023-cü ildə Türkiyə vətəndaşları Ermənistanın paytaxtı İrəvanda çoxmərtəbəli yaşayış binalarından ümumilikdə 3 mənzil alıblar.
Bu barədə “Sputnik Ermənistan” məlumat yayıb.
Həmçinin Azərbaycan vətəndaşlarının da 2022-ci ildə biri İrəvanda, digəri Loridə (Loru mahalı) olmaqla iki daşınmaz əmlak aldıqları iddia edilib, lakin onların kimliyi açıqlanmayıb.
Məlumatda qeyd olunur ki, Azərbaycan vətəndaşları 2023-cü ildə Ermənistanda ev almayıblar.

Mövzu ilə bağlı “Sherg.az”a danışan politoloq Tofiq Abbasov söyləyib ki, Bu faktlar diqqətlə yoxlanılmalıdır:

“Müxtəlif mənbələr belə xəbərlər yayırlar və bunun reallığa nə qədər yaxın olması sual doğurur. Ümumiyyətlə Türkiyə vətəndaşlarının Ermənistana tez-tez gəlişi barədə məlumatlar yayılır. Türkiyədə Ermənistanla münasibətlərin bərpa edilməsi, diplomatik əlaqələrin yaranması ilə bağlı tərəfdarların olması sirr deyil. Yəni barışığa həm Ermənistanda, həm də Türkiyədə hazır olan qüvvələr mövcuddur. Bu istiqamətdə məqsədə gedən yol isə enişli-yoxuşludur. İlk növbədə isə Azərbaycan və Ermənistan arasında münasibətlərin bərpası ilə şərtlənir. Şəxsi zəmində vətəndaşların hansısa əlaqələri varsa, onlar İrəvan və digər şəhərlərdə mənzil alıb, mülkiyyət sahibi ola bilərlər. Əgər Azərbaycan və Ermənistan arasında sülh sazişi bağlanarsa, vətəndaşlar Ermənistandan ev ala bilərlər. Onların isə ilk növbədə təhlükəsizliyi təmin edilməlidir. Hesab edirəm ki, bu məsələlər rəsmi orqanların diqqət mərkəzindədir. Azərbaycan vətəndaşları kimi şəxslər hümanitar fəaliyyət adı altında casusluqla məşğul idilər. Daha sonra onlar zərərsizləşdirildi. Eyni zamanda Ermənistan vətəndaşları da Azərbaycanda casusluqla bağlı yaxalanıblar. Əgər gələcək zamanda hansısa Azərbaycan vətəndaşı Ermənistanda ev almaq istəsə, ilk öncə niyyətini bildirməlidir. Azərbaycan tərəfindən buna heç bir etiraz olmaz. Amma erməni cəmiyyətinin Azərbaycan vətəndaşlarını özlərinin ətrafında nə qədər istəməsi sual altındadır”.

Çirkli pulların yuyulması, vergidən yayınma kimi 4 ayrı cinayətdən həbs edilən Dilan və Engin Polat cütlüyünün qonşuları ilə dava edib məhkəməyə aparıldıqdan sonra prokurorluq istintaqı yekunlaşıb.

Dilan Polatın təhqir və yaralama ittihamı ilə 8 il 4 aya, Engin Polatın isə yaşayış yeri toxunulmazlığını pozduğu üçün 11 ilə qədər azadlıqdan məhrum edilməsi istənilib.

Hadisə 2 iyun 2023-cü ildə İstanbulun Çekmeköy ərazisində baş verib. Dəbdəbəli malikanələri olan yaşayış kompleksində yaşayan Engin və Dilan Polat cütlüyü Engin Polatın ad günü üçün əyləncə gecəsi təşkil edib.

Dilan Polat əri üçün hazırladığı “Söndürün şəhərin işıqlarını, ərim tortu üfləyir” sözlərini reklam lövhələrində reklam edib. Polat cütlüyünün evinə çoxlu qonaq gəlib. Bu səbəbdən yaşayış kompleksində parkinq problemi yaranıb.

Polat ailəsinə yaxın villada yaşayan qonşu Metin A. Polata gələn nəqliyyat vasitələri keçid yolunda dayandığı üçün avtomobilini saxlamağa yer tapa bilməyib. Küçəyə park etməyə məcbur qalıb.

Bu arada Engin və Dilan Polatın məclisində qonaq olan Songül S.-nin körpəsinin qızdırması qalxıb. Həkimə aparılmaq istədikdə Metin A. avtomobili küçəyə park etdiyi üçün oradan çıxa bilməyib. Songül A. avtomobilini çıxarması üçün Polatın qonşusu Metin A.-nın evinə gedib.

Nəqliyyat vasitəsi çəkilməyəndə Engin Polat Metin A.-nın evinə gedib. Bu zaman qonşusu maşınına tərəf gəlib. Bu zaman evdə həyat yoldaşı Esra A. qalıb.

Engin Polat gecə saatlarında qonşu qadının icazə verməməsinə baxmayaraq içəri girib və Metin A.-nın ünvanına söyüşlər söyüb, harada olduğunu soruşub, onu evdə görməyincə çölə çıxıb.

Bu vaxt Metin A. ilə Dilan Polat yolda qarşılaşıb. Dilan Polat qonşusunu təpikləyərək əri kimi söyüş söyüb. Bu mübahisəni görən Engin Polat dərhal həyat yoldaşının yanına gələrək qonşusunu döyüb. Polat cütlüyü “səni öldürəcəyik, yaşatmayacağıq” deyərək təhdidlər də ediblər.

Aparılan istintaqın yekununda Dilan Polatın təhqir və yaralama ittihamı ilə 8 il 4 aya, Engin Polatın isə yaşayış yeri toxunulmazlığını pozduğu üçün 11 ilə qədər azadlıqdan məhrum edilməsi istənilib.
İddianamə məhkəməyə göndərilib. Məhkəmə qəbul edərsə, Polat cütlüyü qarşıdakı günlərdə hakim qarşısına çıxarılacaq./ BAKU.WS