Fiziologiya və ya tibb üzrə “Nobel” mükafatı laureatları məlum olub.
2024-cü ilin laureatları elan edilib.
Onlar bu mükafata mikroRNT-nin kəşfi və onun transkripsiyadan sonrakı gen tənzimlənməsindəki rolunun öyrənilməsinə görə layiq görülüblər.
Viktor Ambors 1953-cü ildə Nyu-Hempşir ştatının Hannover şəhərində anadan olub. MikroRNT-i (miRNT) kəşf edən amerikalı bioloq Massaçusets Universitetinin Tibb Məktəbinin professorudur.
Gary Ruvkun isə 1952-ci ildə Kaliforniya ştatının Berkeley şəhərində doğulub. Genetika üzrə professordur. Harvard Tibb Məktəbində çalışır.

Xəbər verdiyimiz kimi, 60 nəfərə qədər konqresmen və senator Azərbaycanla bağlı müraciət qəbul edib. Bu, Azərbaycana son dərəcə ciddi təzyiqdir.

TEREF Axar.az-a istinadən xəbər verir ki, bu barədə Avropada yaşayan jurnalist Elbəyi Həsənli bildirib.

O qeyd edib ki, bu sənədin ortaya çıxması üçün əsas iş görənlər Demokratlar Partiyasının təmsilçisi konqresmen Frank Cozef Pallone və digər demokrat-senator Edvard Con Markidir:

“Ümumiyyətlə, bu müraciəti əsasən Demokratlar Partiyası hazırlayıb.

Frank Pallone (1951) 2019-cu ildə “Stepanakert” dediyi Xankəndidə olub. Foto da Xankəndidə çəkilib. O, çıxışlarında “Dağlıq Qarabağ” yerinə də “Artsax” ifadəsindən istifadə edirdi, “Artsax”ın müstəqilliyindən danışrdı. ABŞ-ın Azərbaycana 100 milyon dollarlıq hərbi yardımını dayandırmaq üçün hələ 2019-cü ildə can qoyurdu…

Edvard Con Marki də ermənilərin köhnə dostudur. Amerika Erməniləri Milli Komitəsi hər il erməni xalqının hüquqlarını müdafiə edən bir şəxsə “Azadlıq” adlı mükafat verir. Amerika Erməniləri Milli Komitəsi hələ uzaq 2017-ci ildə senator Edvard Con Markiyə belə bir mükafat vermişdi. Təqdim etdiyimiz foto həmin mükafatın təqdim olunma mərasimində çəkilib…

Belə yaramaz adamların müəllifliyi ilə ortaya çıxan müraciətə isə bizim müxalifət Cəmil Həsənli və Əli Kərimlinin şəxsində dəstək verir. Mənə görə, bu müraciətə dəstək vermək elə erməniyə dəstək vermək kimi bir şeydir.

Əlbəttə, biz türkük. Ləyaqətli düşmənə də ehtiram göstərərik. Ancaq daha belə əxlaqsızlara yox.

Ümumiyyətlə, ABŞ-ın 50 ştatı var. Onlardan 46-sı “Artsax” dedikləri “Dağlıq Qarabağ”ı müstəqil dövlət kimi tanımışdı. Yəni Amerikanın Azərbaycan münasibəti budur. Türkiyəyə də Amerikanın münasibəti bundan yaxşı deyil…”

“EekadFacts” adlı internet resursuna aid sosial şəbəkə hesablarında guya Azərbaycandan hava yolu ilə digər ölkəyə silah daşınması barədə həqiqətə uyğun olmayan saxta məlumat yayılmışdır. Bu, ölkəmizə qarşı qlobal dezinformasiya kampaniyasının növbəti nümunəsi olmaqla, heç bir reallığı əks etdirməyən təxəyyül məhsulu olan əsassız məlumatdır.

Axar.az xəbər verir ki, bu barədə Azərbaycan Respublikasının Medianın İnkişafı Agentliyinin açıqlamasında bildirilib.

“Qeyd olunan spekulyativ məlumatların istehsalı və yayılmasını nüfuzlu qlobal tədbirlərə ev sahibliyi edən Azərbaycan Respublikasının beynəlxalq imicinə zərər vurmağa, ölkəmiz barədə ictimai fikri çaşdırmağa yönəlmiş daha bir uğursuz manipuliyasiya cəhdi kimi qiymətləndiririk.

Vətəndaşlarımızı, beynəlxalq ictimaiyyəti bu tip aldadıcı məlumatların təsirinə düşməməyə və yalnız rəsmi mənbələrdən əldə olunan informasiyaya istinad etməyə çağırırıq”, – açıqlamada qeyd olunub.

“Cənubi Qafqazda iqtisadi və nəqliyyat dəhlizlərinin qarşısının alınması yalnız Rusiyanın iştirakı ilə mümkündür”.

Bunu Rusiya Baş nazirinin müavini, Cənubi Qafqazda nəqliyyat kommunikasiyalarının açılması ilə bağlı Üçtərəfli İşçi Qrupun rusiyalı həmsədri Aleksey Overçuk bildirib.

Rusiya Baş nazirinin müavini bəyan edib ki, uzun müddətdir üç ölkənin baş nazirlərinin müavinləri səviyyəsində üçtərəfli işçi qrupun işində irəliləyiş yoxdur:

“Ermənistan rəsmi olaraq üçtərəfli Bəyanatdan geri çəkilməyib və imzasını da geri götürməyib. Lakin iki ildir baş nazirin müavinləri səviyyəsində üçtərəfli işçi qrupunun yolunda demək olar ki, heç bir hərəkət yoxdur”.

Xatırladaq ki, 2021-ci il yanvarın 11-də Rusiya, Ermənistan və Azərbaycan liderlərinin Moskvada keçirilən görüşündə regional kommunikasiyaların bloklanmasına dair razılıq əldə olunub.

Üç ölkənin baş nazirinin müavinləri səviyyəsində işçi qrupu yaradılıb ki, bu qrup regionda nəqliyyat və iqtisadi əlaqələrin qurulması ilə məşğul olmalıdır.

Məsələ ilə bağlı politoloq Oqtay Qasımov “Cebheinfo.az”-a şərhində qeyd edib ki, Rusiya öz mövqeyində israrlıdır:

“Rusiya Baş nazirinin müavini, Cənubi Qafqazda nəqliyyat kommunikasiyalarının açılması ilə bağlı Üçtərəfli İşçi Qrupun rusiyalı həmsədri Aleksey Overçukun bu bəyanatı, məhz Ermənistana və Zəngəzur dəhlizinin açılmasına əngəl olmağa çalışan qüvvələrə mesaj kimi dəyərləndirilməlidir.

Rusiyanın dövlət rəsmiləri bu kimi bəyanatlar səsləndirməklə onu deməyə çalışırlar ki, Ukrayna ilə müharibə nəticəsində Rusiyanın mövqeləri zəifləsə də, Kreml Cənubi Qafqazdan geri çəkilməyib və bu regionda təsir imkanlarını qorumaqdadır.

Proseslərin necə getməsindən asılı olmayaraq, Kreml 10 noyabr Bəyanatının 9-cu, sonuncu maddəsinə uyğun olaraq regionda kommunikasiyaların açılmasında və kommunikasiya xəttinə nəzarət etməkdə maraqlıdır.

2021-ci ilin yanvarın 11-də Azərbaycan, Ermənistan və Rusiya arasında növbəti üçtərəfli Bəyanatın imzalanmasından bəri kommunikasiyaların açılması istiqamətində çox işlər görülməli idi. Amma Rusiya regionda öz geosiyasi nüfuzunu və təsir gücünü qorumaq üçün prosesin gedişatını bilərəkdən yubadırdı. İndi isə bu, Rusiyanın əleyhinə çevrilib.

Buna baxmayaraq, bütün hallarda Rusiya bu vəziyyətdən çıxmağın yollarını axtarır. Bu yaxınlarda Rusiya Təhlükəsizlik Şurasının baş katibi Serqey Şoyqonun iki dəfə İrana səfəri təsadüfü ola bilməz. Çünki Şoyqu İran rəsmiləri ilə görüşündə Zəngəzur dəhlizi məsələni gündəmə gətirib və Moskvanın bu məsələdə mövqeyini diqqətə çatdırıb.

Eyni zamanda, Moskvada MDB Dövlət Başçıları Şurasının geniş tərkibdə geçirilən iclasıda Rusiya Prezidenti Vladimir Putinin Azərbaycan Prezidenti İlham Əliyev və Ermənistan Baş naziri Nikol Paşinyanla ikitərəfli görüşdə Zəngəzur dəhlizi ilə bağlı məsələni müzakirə etməsi onu deməyə əsas verir ki, Kreml öz mövqeyində israrlıdır və dəhlizə nəzarət məsələsində güzəştə getmək niyyətində deyil. Hər halda yaxın gələcəkdə proseslərin hansı istiqamətə doğru gedəcəyinə şahidi olacağıq”.

MANİSA' nın AKHİSAR ilçesinde yaşayan 85 yaşındaki MİHRİYE YALAZI, YUNAN ARMATÖR ARİSTOTLE ONASSİS'İN doğduğu ev olarak bilinen tarihi evini, Onassis Vakfı'nın 3 milyon Euro'luk (yaklaşık 26 milyon lira) teklifine rağmen satmadı.
DÜNYANIN sayılı zenginlerinden Yunan armatör Aristotle Onassis’nin 1906 yılında MANİSA’nın Akhisar ilçesinde doğduğu ev, 1972 yılında CEMAL YALAZİ tarafından satın alındı. Yalazı, evi dört çocuğunun annesi eşi Mihriye Hanım’ın üzerine yaptırdı.

CEMAL YALAZİ’nın 2004 yılında vefat etme siyle, MİHRİYE YALAZİ evde yalnız yaşamaya devam etti. Dünyaca ünlü armatörün adına kurulan Onassis Vakfı’nın yöneticileri, bir süre önce Yunanistan’ın İzmir Konsolosluğu yetki lileri eşliğinde evi görmeye geldi. Evi, vakıf adına satın almak istedi. Ancak Mihriye Yalazı evi satmadı.
“YUNAN BAYRAĞI DALGALANMASIN DİYE SATMADIM”
TARİHİN izlerini taşıyan koruma altındaki üç katlı eviyle ilgili hikayeyi anlatan MİHRİYE YALAZİ, şunları söyledi:

ONASSİS adına kurulan vakfın yöneticileri evi görmek istediler. Evi satın almak için üç milyon euro teklif ettiler. Bu para karşısında çok şaşır dık. O tarihlerde Akhisar’da Garnizon Komutanı olan CÜNEYT KAVUNCU ziyaretimize geldi. VATAN sevdalısı, Atatürkçü, milliyetçi bir Türk askeri olan Kavuncu, bu evi satmanın vatanı satmakla eşdeğer olduğunu, burada YUNANİSTAN bayrağının dalgalanacağını, Akhisar Askerlik Şubesi’ ndeki Türk Bayrağı ile Yunan Bayrağı’nın aynı sokakta bulunmasının her Türk’ü yaralayacağını anlattı. Ben bu sözler le burada Yunan bayrağı nın dalgalanmasını kabul edemeyeceğimi anla dım. Eşim ile mutlu günler geçirdiğimiz bu evi ONASSİS VAKFİ' na satmama kararı aldım.
Sevda Amanova
TEREF

ABŞ-nin vitse-prezidenti və ən yüksək hökumət postuna demokrat namizəd Kamala Harris seçkilərdə qalib gəlsə, Kiyevdən olan nümayəndələrin iştirakı olmadan Rusiya dövlət başçısı Vladimir Putinlə görüşdə Ukraynadakı münaqişənin həllini müzakirə etməyəcək.

Bu barədə o, CBS telekanalına müsahibəsində açıqlayıb.

“Ukraynadakı münaqişəyə son qoymaq üçün Putinlə görüşərsinizmi” sualına o, belə cavab verib: “Ukraynasız ikitərəfli əsasda yox. Kiyev ölkənin gələcəyi ilə bağlı öz sözünü deməlidir”.

Beynəlxalq münasibətlərə gəlincə xanım diplomat bildirib ki, İran dünyanın bütün ölkələri arasında ABŞ-ın əsas düşmənidir: “İranın əlində Amerika qanı var. Birləşmiş Ştatlar İranın heç vaxt nüvə gücünə çevrilmək imkanının olmamasına əmin olmalıdır. Bu, mənim üçün əsas prioritetlərdən biridir”.

ABŞ-ın vitse-prezidenti qeyd edib ki, Vaşinqton “Vahid Çin” siyasətinə əməl etməlidir: “Lakin bura Tayvanın özünümüdafiə imkanlarının dəstəklənməsi, o cümlədən Tayvan boğazında azadlığı təmin etmək üçün nə etməli olduğumuz daxildir. Biz Çinlə, xüsusən də hərbi əlaqələri açıq saxlamalıyıq”.

Almaniyada 3 milyard avro dəyərində dəniz konteynerləri ilə bağlı ən böyük dələduzluq aşkarlanıb.

TEREF bu barədə "Bloomberg"ə istinadən xəbər verir.

Münhen ətrafında yerləşən "P&R Containers" şirkəti özünü konteynerlərin daşınması brokeri kimi göstərib və uzun illər investorları aldadıb. Nəşrin yazdığına görə, şirkət mövcud olmayan konteynerləri müştərilərə satıb və guya gəmiçilik şirkətlərinə icarəyə verib.

2018-ci ildə fəaliyyətinin zirvəsində "P&R Containers" 1,6 milyon konteynerə sahib olduğunu iddia edib, baxmayaraq ki, əslində yalnız 600 minə sahib olu, qalan 1 milyon isə nəticədə on minlərlə investoru şoka salıb.
"Dəbdəbəli idman avtomobilləri, yaxtalar, şəxsi təyyarələr, dəbdəbəli şənliklər və bildiyimizə görə narkotiklər yox idi. Bu, bizim etibarlı, hörmətli iş adamları ilə iş apardığımızı təsəvvür etməyə kömək etdi. Heç bir şey şübhəli deyildi", deyə yüzlərlə investoru təmsil edən Münhen hüquqşünası Volfqanq Şkirp bildirib.

2018-ci ilin mart ayında "P&R Containers" 3 milyard avrodan çox borcu olan Ponzi sxemini davam etdirə bilməyib və müflis olmaq üçün müraciət edib. Agentliyin məlumatına görə, iflas üzrə qəyyum Maykl Jaff artıq kreditorlara 544 milyon avro paylayıb ki, bu da yatırılan hər avroya görə 17,5 sentə bərabərdir.

"P&R Containers"2024-cü ilin sentyabrına qədər demək olar ki, 350 min konteynerə sahib olmaqla bazarda əsas oyunçu olaraq qalır ki, bu da ona investorları kompensasiya etməyə imkan verir, çünki dünyada hər yüzüncü konteyner bu şirkətə məxsusdur.

1991-ci ilin dekabrında Almatı Bəyannaməsi qəbul olunanda Ermənistan bu bəyannaməyə qeyd şərtlərlə qoşuldu.Təxminən ona yaxın qeydini bura əlavə etməklə həmin sənədi imzaladı. Bu qeydlərin içərisində keçmiş Dağlıq Qarabağ Muxtar Vilayətinin bu ərazinin Azərbaycanın tərkib hissəsi olmasını istisna edən və 1989-cu il bir dekabrda Ermənistan Ali Sovetinin qərarına istinad edərək Almatı Bəyannaməsini imzalayıb.

Bunu Teleqraf.com-a açıqlamasında politoloq Oqtay Qasımov deyib.

Onun sözlərinə görə, 1989-cu ilin bir dekabrında Ermənistan Ali Sovetinin qəbul etdiyi qərar o zamankı Sovetlər birliyinin Ali Sovetinin Rəyasət Heyəti tərəfindən ləğv olunub:

“Yəni heç bir hüquqi qüvvəyə malik olmayan bir sənəddir. Məhz bunun üzərindən Ermənistan indi də taktika işlədərək hiyləgərliyə əl ataraq Bakını tələyə salmaq və Almatı bəyannaməsinə istinad etməklə gələcəkdə Azərbaycana qarşı ərazi iddialarını davam etdirmək niyyətini güdür. Əgər belə olmasaydı, Ermənistan özünün qanunvericilik aktlarında Azərbaycana ərazi iddialarını ehtiva edən müddəaların çıxarılmasını təmin edərdi və Konstitusiya dəyişikliyinə getmək üçün referendum keçirərdi. Bunların heç biri olmadığı halda Ermənistan Azərbaycanı özünün və himayədarlarının hazırladığı tələyə salmaqla yarımçıq sülh müqaviləsi imzalatmaq və gələcəkdə yenidən revanşa cəhd etməyi düşünür. Bakı bunu bildiyindən təbii ki, yarımçıq sülh müqaviləsi imzalanmayacaq. Azərbaycanın bu məsələdə mövqeyi birmənalıdır. Azərbaycan Ermənistandan həm konstitusiya dəyişikliklərin edilməsini, eyni zamanda qanunvericilik aktlarında qeyd olunan ərazi iddiaları ilə bağlı müddəaların çıxarılmasını tələb edir. Bununla paralel olaraq ATƏT-in Minsk qrupunun hüquqi cəhətdən fəaliyyətinin dayandırılması ilə bağlı birgə müraciət etməyi təklif edir. Ermənistan hər iki təklifdən yayınmaqla zamanı uzatmağa çalışır. Həmçinin özünün Qərbdəki dəstəkçiləri vasitəsilə sürətlə silahlanmaq və gələcək revanşla bağlı planlar qurmaq üzərində işləyir”.

Ermənistan Xarici İşlər Nazirliyinin guya Azərbaycanın COP29-dan istifadə etməklə Ermənistana hücum edəcəyinə dair avantürist və iftira xarakterli açıqlamalarına gəlincə, politoloq bildirib ki, İrəvandan belə açıqlamalar zaman-zaman eşidilir:

“Eyni zamanda, Ermənistanla bərabər onun havadarları da uzun müddət guya Zəngəzur dəhlizi ilə bağlı mövqe bildirərkən qeyd edirlər ki, guya Azərbaycan Zəngəzur dəhlizinin güc tətbiq etməklə açılmasına nail olmaq istəyir. Azərbaycan sülh müqaviləsi üzrə danışıqların tərkibinə kommunikasiyaların açılması məsələsini çıxarmaqla əslində bütün bu böhtanları heçə endirdi. İndi də COP29 ərəfəsində Azərbaycana qarşı beynəlxalq bir təzyiq kampaniyası həyata keçirilir. Ermənistan da bu təzyiq kampaniyasında bir vasitə olaraq istifadə edilməkdədir. Ermənistan könüllü şəkildə əldə vasitə kimi istifadə olunmağa razılaşıb. Azərbaycanın Ermənistan ərazilərində hansısa bir hücum əməliyyatı ilə bağlı planları yoxdur. Bu, birmənalı şəkildə istisna olunur. Dəfələrlə ən yüksək səviyyədə bu elan edilib. Amma Azərbaycanın mövqeyi yalnız bununla məhdudlaşmır. Bakı eyni zamanda İrəvana və onun xarici, Qərbdəki havadarlarına xəbərdarlıq edərək Ermənistanın sürətlə silahlandırılması prosesinin dayandırılmasını təklif edir. Açıq şəkildə gələcəkdə hansı gərginlik olacaqsa, Azərbaycana Ermənistan ərazisindən təhdidlər yaranacaqsa, Bakı buna qarşı cavab tədbirləri görəcək. Azərbaycan Ermənistanı təhlükəli oyunlara vadar edən, həmçinin bölgədəki sülh və sabitliyə zərbə vuran hərəkətlərdən çəkinməyə çağırır”.

Gürcüstan Prezidenti Salome Zurabişvili müxalifətlə yeni məsləhətləşmələrə başlayır.

Teleqraf.com xəbər verir ki, prezident parlament seçkilərinə 20 gün qalmış “Gürcüstan Xartiyası”nı imzalayan partiyalara texniki hökumətin qurulmasına rəhbərlik edəcək baş nazir vəzifəsinə seçdiyi namizədi təqdim etmək qərarına gəlib.

Onun sözlərinə görə, seçdiyi namizədin heç bir siyasi keçmişi yoxdur.

“Nizamnamədə yazılır ki, baş nazir mənimlə razılaşaraq seçilməlidir. Mənim artıq namizədim var. İndi ad çəkməyəcəm, çünki əvvəlcə tərəflər məsləhətləşib razılığa gəlməlidir. Mən bir şeyə əminəm, biz hökuməti bu gün elan etməliyik ki, seçicilər onun kim olacağını əvvəlcədən bilsin. Gələcək hökumət yüksək peşəkarlardan ibarət olmalıdır.

Oktyabrın 7-də partiyalarla görüşlərə başlamaq istəyirəm, çünki seçkilərə az vaxt qalıb, konkret namizədlərlə bağlı danışıqlara başlamalıyıq. Partiyaların nazirləri təklif etmək imkanı olacaq. Baş nazirliyə namizədi bu prinsiplə seçdim: mən nüfuzlu mütəxəssisi hamı üçün məqbul hesab edirəm”, - Zurabişvili vurğulayıb.

Bütün əsas müxalifət partiyalarının imzaladığı “Gürcüstan Xartiyası”nda qeyd edilir ki, bu fəaliyyət planının həyata keçirilməsinə cavabdeh olan hökumət Gürcüstan prezidenti tərəfindən təmsil olunacaq.