 |
|
|
Çin Xalq Respublikasının Sədri Si Cinpin Roma Papası Fransiskin Qazaxıstanda görüş keçirmək təklifini rədd edib.
“Report”un məlumatına görə, bu barədə Vatikandakı mənbə Reuters agentliyinə bildirib.
“Vatikan təşəbbüsü öz üzərinə götürüb. Çin tərəfi isə bu jesti yüksək qiymətləndirsələr də, diklərini" söylədi, lakin Si Cinpin cədvəlində boş vaxtın olmadığını bildiriblər” - nəşr vurğulayıb.
Qeyd edək ki, Çin Xalq Respublikasının Sədri Si Cinpin və Roma Papası Fransisk heç vaxt üzbəüz görüşməyiblər.
İrəvanda yüzlərlə vətəndaş Ermənistanın Baş naziri Nikol Paşinyanın istefası tələbi ilə parlament binası yaxınlığında etiraz aksiyasını bərpa edib.
“Report” yerli KİV-ə istinadən xəbər verir ki, aksiyada İkinci Qarabağ müharibəsində həlak olan hərbçilərin yaxınları da iştirak edir.
Qeyd edək ki, ötən gün minlərlə insan ötən gün gecə saatlarına qədər parlament binası qarşısında etiraz aksiyası keçirib.
"Azərbaycanlı qardaşlarımızın haqlı mübarizəsində əvvəl olduğu kimi indi də yanında olacağıq".
"Report" xəbər verir ki, bunu Türkiyə Prezidenti Rəcəb Tayyib Ərdoğan tviterdəki paylaşımında qeyd edib.
"Dostumuz, qardaşımız, ayrılmaz parçamız olan Azərbaycanın paytaxtı Bakının işğaldan azad edilməsinin ildönümünü təbrik edirəm. Biz əvvəlki kimi bundan sonra da azərbaycanlı qardaşlarımızın haqlı mübarizəsində yanında olacağıq", - paylaşımda deyilir.
Erməni hakimiyyətinə deyirik: Ağlınızı başınıza yığın, türk millətinin Ermənistanı tarixdən və regiondan silə biləcək qüdrətə sahib olduğunu və səbrimizin sərhədində dayandıqlarını təkrar xatırladıram.
Axar.az xəbər verir ki, bu sözləri Türkiyənin Böyük Birlik Partiyasının (BBP) sədri Mustafa Destici deyib.
“Ermənistan və Yunanıstanın son dönəmlərdə təcavüzkar, qayda-qanun bilməz və hüquqsuz addımlarının fərqindəyik və haradan idarə edildiyini bilirik. Hər iki ölkə Türkiyənin şərqdə türk dünyası ilə, qərbdə isə Avropa ilə bağlantısını kəsmək məqsədilə yaradılmış baryerdir və marionet dövlətlərdir. Türkiyə ölkəsinin, sərhədlərinin, millətinin, qardaşlarının təhlükəsizliyi müzakirə mövzusu olduqca, birbaşa qarşıdurmaya getməkdə əsla tərəddüd etməyəcək. Arxalarında kimin dayanmasından asılı olmayaraq, hər iki ölkəni əzib keçmək gücünə sahibdir”, - deyə o bildirib.
XalqXeber.Az
Rusiya Böyük Britaniyanın 30 PR və müdafiə strukturunun rəhbərini sanksiyalar siyahısına daxil edib, Moskva onları “anti-Rusiya informasiya gündəmini koordinasiyalı şəkildə təbliğ etməkdə” ittiham edir.
KONKRET.az xəbər verir ki, bu barədə Rusiya Xarici İşlər Nazirliyi məlumat yayıb .
“Anti-Rusiya informasiya gündəliyinin koordinasiyalı şəkildə təbliğinə cavabdeh olan Britaniya strukturlarının 30 rəhbərinin, habelə Böyük Britaniyanın müdafiə lobbisinin nümayəndələrinin Rusiyanın “stop siyahısı”na daxil edilməsi barədə qərar qəbul edilib”, – nazirliyin bəyanatında deyilir.
“Stop siyahısı”na, İctimaiyyətlə Əlaqələr və Kommunikasiyalar Assosiasiyasının baş direktoru, PR Network şəbəkə marketinq strukturunun həmtəsisçisi və kimyəvi və bioloji mühafizə üzrə ekspert daxildir.
“Rusiyanın “stop siyahısı”nın genişləndirilməsi üzrə işlər davam etdiriləcək”, – Rusiya Xarici İşlər Nazirliyi vurğulayıb.
Avqustun əvvəlində Moskva sanksiya siyahısına 39 Britaniya vətəndaşını əlavə edib : siyasətçilər, iş adamları və jurnalistlər, o cümlədən Britaniyanın keçmiş baş naziri Devid Kemeron .
Ermənistan parlamenti və hökumət binasının qarşısında etiraz aksiyaları keçirilir.
“Sputnik Armenia” saytına istinadən xəbər verir ki, buna səbəb Ermənistanın baş naziri Nikol Paşinyanın Milli Assambleyada verdiyi açıqlamalar olub.
Nikol Paşinyan Ermənistan tərəfinin hər hansı sənəd imzalamağa hazırlaşması ilə bağlı dediklərini təkzib edib.
O bu barədə rəsmi “Facebook” səhifəsində yazıb.
Parlament binasının yaxınlığında keçirilən aksiya zamanı vətəndaşlar Baqramyan prospektini bağlayıb, nəqliyyatın hərəkəti dayandırılıb.
İrəvanda etirazçılar Ermənistan parlamentinin qapısını sındırmağa cəhd ediblər.
Öz növbəsində, polis fəallardan yolu açmağı tələb edir.
Ermənistan öz hava məkanını bağlamaq qərarı verməyib.
Bu barədə Sputnik Ermənistan-ın müxbirinə Mülki Aviasiya Komitəsinin mətbuat xidmətindən məlumat verilib.
Komitə Türkiyə və Azərbaycan təyyarələrinin Ermənistanın hava məkanından yan keçməsi ilə bağlı məlumatı təkzib etməyib, lakin əmin edib ki, bu, aviaşirkətlərin qərarıdır.
Daha əvvəl Hetq.am xəbər vermişdi ki, Azərbaycanın AZAL aviaşirkətinin Bakıdan Naxçıvana uçan təyyarələri sentyabrın 12-də uçuşlarını İranın hava məkanı vasitəsilə həyata keçirib. Daha sonra Türkiyə aviaşirkətlərinin İran və Gürcüstan üzərindən uçması ilə bağlı məlumatlar ortaya çıxıb.
Can Azərbaycan yalnız deyil, tək deyil! 85 milyonluq Türkiyə Can Azərbaycanın yanındadır və daim yanında olacaq. Təəssüflər olsun ki, erməni təcavüzü nəticəsində 50 şəhidimiz var. Ancaq Şanlı Azərbaycan Ordusu da şəhidlərimizin qanını yerdə qoymadı və döyüş meydanında onların qisasını aldı. Allahdan əziz şəhidlərimizə rəhmət, yaralılarımıza şəfa diləyirəm.
DİA.AZ xəbər verir ki, bu sözləri Axar.az-a Ermənistanın sərhəddə törətdiyi son təxribatlar haqqında danışan Türkiyənin ölkəmizdəki keçmiş səfiri, İMZA Sosial İnkişafa Dəstək İctimai Birliyinin Türkiyə nümayəndəsi Hulusi Kılıç deyib.
Səfir problemin həllinin yalnız Ankara və Bakıda olduğunu vurğulayıb:
“Rəcəb Tayyib Ərdoğanın İlham Əliyevə zəngi, Mövlud Çavuşoğlunun, Hulusi Akarın, İbrahim Kalının açıqlamaları Ankaranın mövqeyini açıq və qəti şəkildə göstərir. Ermənistanın Brüssel görüşündən 12 gün sonra belə bir cinayətə əl atması onların sülh müqaviləsini imzalama niyyətinin olmadığını göstərir. Sözügedən görüşdə sülh müqaviləsinin mətninin hazırlanması qərarı verildi və noyabr ayında da liderlərin görüşü zamanı sənədin yekun mətni razılaşdırılmalı idi. Paşinyanın 44 günlük Vətən müharibəsi dövründə olduğu kimi, Putin, Makron və Blinkenə davamlı zəng etməsi, ağlaşma quraraq KTMT-nin iclasını çağırması onun düşdüyü acınacaqlı vəziyyəti göstərir. O, vəziyyətdən çıxmaq üçün dünyanın böyük gücləri qarşısında diz çökərərək yalvarır.
Fransa həmişə Ermənistanı dəstəkləyib. İndi isə Makron İrəvanın istəyinə görə BMT TŞ-nin iclasını çağırıb. BMT TŞ 1993-cü ildə Azərbaycanla bağlı dörd qətnamə qəbul etdi. Otuz ilə yaxın müddətdə həmin qətnamələrin heç biri yerinə yetirilmədi. Makronun tələbi ilə çağırılacaq iclas da vaxt itkisindən başqa heç nəyə yaramayacaq. Əgər Paşinyan həqiqətən sülh istəyirdisə, Parisə yox, Ankara və Bakıya zəng etməli idi. Onda yaranan gərginlik daha tez bir zamanda ortadan qalxardı. Ancaq biz Paşinyanın niyə və nə üçün, kimlərə zəng etdiyini çox yaxşı bilirik. Azərbaycanı təkləmək istəyənlər Ankara ilə Bakının qardaşlığının sarsılmaz olduğunu dərk etməlidirlər. Əlbəttə ki, bu birliyi qısqananlar, gözü götürməyənlər var. Bəziləri Türkiyənin güclənməsinə sevinir, bəziləri isə bundan narahatlıq keçirir. Türkiyə Vətən müharibəsində Azərbaycanı dəstəklədi, taxıl dəhlizinin açılmasına nail oldu və indi də Ukrayna müharibəsinin sülhlə bitməsi üçün çalışan yeganə ölkədir. Doğrudur, hazırki məqamda ABŞ və Avropa Ukraynaya yardımlar edir, lakin onlar ilk başda Kiyevin zərbələrə nə qədər dözə biləcəyini gözlədilər. Fransanın da ölkəmizi qısqanmasının səbəbləri bunlardır. Əlavə olaraq qeyd etmək istəyirəm ki, baş verən təxribatlar həm də Şanxay Əməkdaşlıq Təşkilatının Səmərqənddəki Zirvə Toplantısı çərçivəsində keçiriləcək Ərdoğan-Putin görüşünə zərbə vurmaq məqsədi daşıyır. Azərbaycan Silahlı Qüvvələri daha da güclənib və Ermənistanın bütün təxribatlarının cavabı ən ağır şəkildə veriləcək.
Paşinyana isə tövsiyəm odur ki, Makrona, Blinkenə, Putinə zəng edib çarəni başqa yerlərdə axtarmasın. Çarə nə Parisdə, nə Vaşinqtonda, nə də Moskvadadır. Çarə Ankara və Bakıdadır. Ona görə Paşinyan Ankara və Bakıya zəng etməlidir”
"Azərbaycanla Ermənistan arasında delimitasiya olmadığı üçün sərhəd pozuntusundan bəhs etmək çətindir"
"Azərbaycanla Ermənistan arasında delimitasiya olmadığı üçün sərhəd pozuntusundan bəhs etmək çətindir"
TEREF.AZ “Report”a istinadən xəbər verir ki, bunu Qazaxıstanın xarici işlər naziri, baş nazirn müavini Muxtar Tleuberdi Dünyanın ənənəvi dini liderlərin qurultayının kluarında bildirib.
O deyib ki, Qazaxıstan Ermənistana sülhməramlı göndərməyəcək.
“Qazaxıstan Ermənistana öz sülhməramlılarını göndərəcəkmi?” sualına cavabında nazir deyib: “Yox. Hələ gündəlikdə belə bir məsələ yoxdur”.
O, sentyabrın 13-də Kollektiv Təhlükəsizlik Müqaviləsi Təşkilatına (KTMT) üzv dövlətlərin Azərbaycan-Ermənistan sərhədində vəziyyəti müzakirə etmək üçün növbədənkənar iclasının keçirildiyini xatırladıb. Nazir əlavə edib ki, hazırda əsas məsələ Azərbaycanla Ermənistan arasında sərhədlərin delimitasiya və demarkasiyası üzrə birgə komissiyanın işinin bərpasıdır:
“Ümumiyyələ, Azərbaycanla Ermənistan arasında delimitasiya və demarkasiya olunmadığı üçün sərhəd pozuntusundan bəhs etmək çətindir. Qazaxıstan sərhədin müəyyənləşdirilməsi üzrə təcrübəsinin bölüşməyə hazırdır. Biz Rusiya istisna olmaqla bütün qonşu dövlətlərlə sərhədlərimizi müəyyənləşdirmişik. Rusiya ilə bu istiqamətdə razılaşma 2-3 il davam edə bilər”.
ABŞ narahatdır ki, Rusiya diqqəti Ukraynadan yayındırmaq üçün Azərbaycan və Ermənistan arasında münaqişəni “qarışdırmağa” cəhd edə bilər.
“Rusiyanın diqqəti hansısa yolla Ukraynadan yayındırmağa çalışıb- yayındırmaması bizi həmişə narahat edən məsələdir”, – jurnalistlərə dövlət katibi Entoni Blinken deyib.
O əlavə edib ki, eyni zamanda Rusiya regiondakı nüfuzundan “vəziyyəti sakitləşdirmək” üçün də istifadə edə bilər.
Əliyev və Paşinyanla söhbətində Blinken artıq “Ermənistan-Azərbaycan sərhədində hərbi əməliyyatlardan dərin narahatlığını ifadə edib.(Turan)