 |
|
|
Vladimir Zelenski ABŞ-ın maliyyə naziri Skott Bessentin Kiyevə səfəri zamanı ona qışqırıb.
Hurriyyet.az xəbər verir ki, münaqişə resurslarla bağlı razılaşmanın müzakirə olunduğu iclasda baş verib.
Bu barədə “Financial Times” mənbəyə istinadən yazır.
Nəşrin müəllifləri qeyd edirlər ki, “otaqdan gələn boğuq bağırtını başqa heç nə ilə qarışdırmaq olmazdı”.
Qəzetin vurğuladığı kimi, Zelenskinin ofisində gərginlik yaranıb və o, özü də son dərəcə qəzəbli olub.
Bundan əvvəl Tramp Kiyevdə Maliyyə Nazirliyinin rəhbərinə qarşı kobud münasibətdən danışıb.
Publika.az
Ukrayna prezidenti Volodimir Zelenski Vaşinqtonun Kiyevə qarşı irəli sürdüyü maliyyə iddiaları ilə razılşamyaıb.
Bildirib ki, ABŞ-nin keçmiş prezidenti Co Baydenlə razılaşmaya əsasən verilən pullar kredit yox, qrantlardır. Odur ki, pullar qaytarılmayacaq.
Bu barədə Ukraynanın “Mirror of the Week” nəşri məlumat yayıb.
“Mən ABŞ-nin 500 milyard dollar tələbini tanımayacağam... 100 milyard dolları belə verməyə imkanımız yoxdur. Biz prezident Baydenlə razılaşdıq ki, bu qrantdır! Qrant öhdəlik deyil. Qrantlar geri qaytarılmır. İndidən sonra 10 nəsil ukraynalıların üzərinə düşəcək öhdəliyi imzalamaq niyyətində deyiləm", - Zelenski bildirib.
Ukrayna Prezidenti Volodimir Zelenski müharibə, beynəlxalq əlaqələr və Ukraynanın hərbi strategiyası ilə bağlı bir sıra mühüm açıqlamalar verib.
TEREF xəbər verir ki, onun sözlərinə görə, ABŞ və Rusiya müharibə boyu gizli danışıqlar aparıb.
Zelenski bildirib ki, Vaşinqton və Moskva müharibə ərzində daim danışıqlar aparıb, lakin bu proses ictimaiyyətə açıqlanmayıb. Bu bəyanat Qərbin rəsmi mövqeyi ilə ziddiyyət təşkil edir və böyük rezonans doğura bilər.
Zelenski ABŞ-ın keçmiş və indiki administrasiyaları ilə münasibətlərə toxunaraq qeyd edib ki, prezidentlər ölkələrarası strateji tərəfdaşlığı itirməməlidirlər. Bu açıqlama Donald Trampın ABŞ-Ukrayna münasibətlərində yeni yanaşma tətbiq edəcəyi ilə bağlı ehtimallara işarədir.
Ukrayna Prezidenti ölkəsinin müdafiə strategiyasına dair də vacib bir məqamı vurğulayıb: Kiyev Patriot hava hücumundan müdafiə sistemlərinin analoqlarını hazırlamaq üzərində işləyir.
O əlavə edib ki, iyul ayında elan edilən Patriot sistemlərinin hamısı hələ də Ukraynaya təhvil verilməyib. Bu isə Ukraynanın hava hücumlarından müdafiəsinin tam təmin olunmadığını göstərir.
Zelenski bildirib ki, Ukrayna və Türkiyə Avropada ən güclü və böyük orduya malik olan iki ölkədir. Bu açıqlama Ukraynanın Avropada əsas hərbi qüvvəyə çevrildiyini vurğulamaq və NATO ölkələrinin Kiyevə daha çox dəstək verməsini stimullaşdırmaq məqsədi daşıya bilər.
Zelenski Ukraynanı dəstəklədikləri üçün ABŞ Senatına, Konqresinə və Amerika xalqına təşəkkür edib. Bu isə ABŞ-Ukrayna münasibətlərinin güclənməsinə yönəlmiş mesaj kimi qiymətləndirilir.
Zelenskinin son açıqlamaları Qərb-Rusiya münasibətlərində gizli proseslərin mövcud olduğunu, Ukraynanın müdafiə sistemində daxili resurslarını gücləndirdiyini və ABŞ-la tərəfdaşlığı qorumağa çalışdığını göstərir./Musavat.com
Sülh müqaviləsinin şərtləri dövlət və xalq üçün pis olarsa Ukrayna onları tanımayacaq.
Bunu Ukrayna prezidenti Volodimir Zelenski mətbuat konfransında ABŞ və Rusiya arasında Ukraynanın iştirakı olmadan mümkün razılaşmalar barədə sualı cavablandırarkən deyib.
"Ukrayna üçün pis olan heç bir şeyə imza atmayacağam", - o vurğulayıb.
Zelenski qeyd edib ki, müharibə qurbanı olan Ukraynasız bu müharibəni bitirmək mümkün deyil.
"Əgər ABŞ - hərçənd ki, mən buna inanmıram, amma hər şey ola bilər - biz olmadan ruslarla bizim haqqımızda razılığa gəlsə, onun şərtlərini təsdiq etməyəcəyimiz təqdirdə o sazişdə uğur olmayacaq", - Zelenski qeyd edib.
Zelenski qeyd edib ki, ABŞ prezidentinin əvvəlcə onunla, sonra isə Rusiya prezidenti ilə görüşməsi düzgün olardı.
Berlin hava limanında təhlükəsizlik qüvvələrinin bildirdiyinə görə, İsrail səfirliyinə terror aktı törətməyi planlaşdıran 18 yaşlı gənc saxlanılıb.
Bu barədə Berliner Zeitung qəzeti yazır.
Hökumət orqanlarının məlumatına görə, 18 yaşlı gənc Berlində siyasi motivli hücum həyata keçirməyi planlaşdırıb.
Hücumun hədəfinin İsrail səfirliyi olduğu bildirilib.
Gəncin Potsdamda yaşadığı və çeçen olduğu qeyd edilir.
Ukraynadan geriyə qalan ərazi yenidən Rusiya ilə NATO arasında bufer zonası olacaq.
APA xəbər verir ki, bunu Macarıstanın Baş naziri Viktor Orban Budapeştdə ötən ilin siyasi yekunlarına dair çıxışında bildirib.
Onun sözlərinə görə, Ukraynanın qalan ərazisinin Aİ-yə daxil olub-olmayacağına Macarıstan qərar verəcək.
Hökümət başçısı onu da əlavə edib ki, Ukraynanın Avropa İttifaqına qoşulması macar fermerləri və ölkəsinin milli iqtisadiyyatını məhv edəcək.
“Ukrayna Macarıstanın maraqlarına zidd hərəkət edərsə, heç vaxt Aİ-yə daxil olmayacaq”, - Orban vurğulayıb.
Bu gün Parisdə Fransanın Avropa İttifaqı (Aİ) və NATO-dan çıxmasını tələb edən aksiya keçirilib.
RIA Novosti xəbər verir ki, yürüşə 200-dən çox Paris sakini qatılıb.
“Avstriyanın paytaxtı Vyanada Ermənistan və Türkiyə parlamentarilərinin görüşü keçirilib”.
Globalinfo.az xəbər verir ki, bu barədə erməni deputat Sərkis Xandanyan məlumat yayıb.
Görüşün ATƏT-in Parlament Assambelyası çərçivəsində keçirildiyi bildirilib, lakin kimin təşəbbüsü ilə baş tutduğu açıqlanmayıb.
Məlumata görə, parlamentarilər iki ölkə arasında münasibətlərin normallaşması, yolların və regiondakı digər infrastrukturların tez bir zamanda açılmasını müzakirə ediblər.
Ermənistan tərəfdən müxalif deputat Lilit Qalstyan müzakirələrə qatılmaqdan imtina edib. Türkiyə tərəfi isə görüşlə bağlı heç bir məlumat yaymayıb.
ABŞ Prezidenti Donald Trampın müşaviri və məşhur milyarder İlon Mask Vaşinqton yaxınlığında keçirilən Mühafizəkar Siyasi Fəaliyyət Komitəsinin (CPAC) 2025 İllik Toplantısında iştirakı zamanı Argentina prezidenti Xavyer Mileini ona qızılla örtülmüş elektrik mişarı hədiyyə edib.
Hədiyyə üçün səhnəyə çıxan Mask elektrik mişarı ilə poz verib.
Hədiyyəni yüksək dəyərləndirən Mask deyib: “Bu mişar bürokratiya üçündür”.
Maskın bu sözlər alqışla qarşılanıb. (Ölkə.Az)
Fransa prezidenti Makron Putinin qarşısında zəif görünmək riski barədə Trampa birbaşa mesaj verməyi vəd etdiyi halda, Böyük Britaniyanın baş naziri Kir Starmer vəziyyəti yumşaltmağa çalışır və prezidentin son şərhlərinə birbaşa istinad etməkdən qaçmağı üstün tutur.
Musavat.com xarici agentliklərə istinadən xəbər verir ki, xəbər verir ki, bu barədə The Guardian qəzeti məlumat yayıb.
Qəzetin xəbərinə görə, Britaniya rəsmiləri məsələyə fərqli yanaşacaqlarını bildirirlər. Məqalədə qeyd olunur ki, "Makron Trampın yanında Avropa İttifaqını təmsil edəcək. Bizim rolumuz bir qədər fərqlidir — biz ABŞ ilə Avropa arasında körpü rolunu oynamaq istəyirik", — deyə mənbə bildirib.
"Biz keçmişdə baş vermiş mübahisələri yenidən gündəmə gətirmək əvəzinə, gələcəyə diqqət yetirmək istəyirik. Əgər prezident bizim fikrimizi soruşsa, biz onu bəyanatlarımızla uyğun şəkildə ifadə edəcəyik. Ancaq keçmiş mübahisələri yenidən müzakirə etmək əvəzinə, gələcəyə yönəlmək həmişə daha yaxşıdır", — deyə adı çəkilməyən britaniyalı məmur bildirib.
Verilən məlumata görə, Starmer Ağ Evə səfəri zamanı ticarət məsələsini qaldıracaq və ölkələrinin ikitərəfli ticarəti artırmalı olduqlarını, yeni maneələrlə məhdudlaşdırılmamalı olduqlarını qeyd edəcək.
Musavat.com