İsraillə İran arasında müharibənin başlaması ehtimalı yüksəkdir.

AYNA xəbər verir ki, bunu Türkiyənin xarici işlər naziri Hakan Fidan “Haber Global”a müsahibəsində deyib.

“Müharibə başlayandan bəri xəbərdarlıqlarımızı etdik. Demişdik ki, müharibə daha da genişlənəcək. Bunun hər an artan davamını görürük”, - nazir qeyd edib.

Araşukov Çeçenistan liderindən üzr və kömək istədi: “Göstərdiyiniz xeyirxahlığı və köməyi heç vaxt unutmayacağıq”

Ömürlük azadlıqdan məhrum edilən Qaraçay-Çərkəzdən olan keçmiş senator Rauf Araşukov Çeçenistan rəhbəri Ramzan Kadırova müraciət edib. Araşukov Kadırovdan üzr və kömək istəyib.

Qeyd edək ki, keçmiş senator, eləcə də atası Raul milyardlarla pul mənimsəməkdə və Qaraçay-Çərkəzdə siyasətçilərə qarşı repressiya təşkil etməkdə təqsirli bilinərək ömürlük həbs cəzasına məhkum ediliblər.

Araşukov rusiyalı məmur Kadırova müraciətini “Instagram”da dərc edib və Çeçenistan rəhbərinin fotosunu paylaşıb. Keçmiş senator qeyd edib ki, çoxdandır Kadırova yazdıqlarının hamısını şəxsən söyləmək istəyirmiş, lakin belə bir fürsət olmayıb. Ona görə də sosial şəbəkə vasitəsilə müraciət etməyə “məcbur olub”.

Araşukov Kadırovdan ondan əvvəl etdiyi bütün səhvlərə görə bağışlanmasını istəyib. Sabiq senator etdiklərinə haqq qazandırmadığına və etiraf etdiyinə də aydınlıq gətirib.

“Mən heç vaxt qəsdən heç nə etməmişəm. Xüsusən də sizi qəzəbləndirəcək və ya incidə biləcək bir şey etməmişəm. Mənim şahidim Allahdır”, - deyə keçmiş senator bildirib.

Bundan əlavə, Araşukov "indiki vəziyyətdə" ailəsinin dəstəyinə ümid edərək kömək üçün Çeçenistan rəhbərinə müraciət edib: “Bilirəm ki, səndən başqa bizə heç kim kömək etməyəcək. Mən və ailəm sizin bizə dəfələrlə göstərdiyiniz xeyirxahlığı və köməyi heç vaxt unutmayacağıq. Qardaş, Allahdan sonra bütün ümid sənədir”.

Araşukov hansı yardıma ümid etdiyini dəqiqləşdirməyib.

Keçmiş senatorun həbsindən sonra onun ailəsinin Kadırovla münasibətlərinin pisləşdiyi iddia edilirdi.

Eks-senatorun saxlanmasından az sonra mənbə Araşukovlar ailəsinin Ramzan Kadırovla münasibətlərinin pozulduğunu iddia edib. Bildirilib ki, onların qohumları birlikdə federal dövlət qurumu olan “Federal Avtomobil Yolları Agentliyinin “Qafqaz” Federal Avtomobil Yolları Departamentini” idarə ediblər. Sonradan onlar arasında ciddi münaqişə baş verib və dostluq nəinki bitib, əksinə, düşmənçiliyə çevrilib. Araşukovların "yıxılması" ilə Kadırovla qarşıdurmanın həlledici olduğu bildirilir.

Mətbuatda “qaz kralı” adlandırılan Raul Araşukov “Qazprom Mejregionqaz”ın baş direktorunun müşaviri vəzifəsində çalışıb və Şimali Qafqazda böyük nüfuz sahibi olub. Bu şirkət Çeçenistan sakinlərinin doqquz milyard rubl həcmində qaz borclarını bağışlamaqdan imtina edib.

Araşukovun özü, təxminən iki ildən sonra, istintaq zamanı Çeçenistan rəhbərinin ona qarşı cinayət işinə görə məsuliyyət daşıdığına inanmadığını söyləyib.

Ali Məhkəmə yaxın vaxtlarda Araşukovun hökmündən verilən apellyasiya şikayətinə baxacaq. Şikayətə baxılması oktyabrın 23-nə təyin edilib. İclas açıq rejimdə keçiriləcək. Bir il əvvəl Apellyasiya Məhkəməsi Federasiya Şurasının keçmiş üzvü və atasının ömürlük həbs cəzasını qüvvədə saxlayıb. Onlar öz günahsızlıqlarını sübut etmək üçün şikayətlərini davam etdirirlər.

Hökm 2022-ci ilin dekabrında çıxarılıb. Rauf Araşukov cəzasını Orenburq vilayətindəki “Qara delfin” xüsusi rejimli koloniyasında çəkir. Noyabrda məlum olub ki, o, nalayiq ifadələrə və jarqonlara görə iki dəfə cəza kamerasına göndərilib. Araşukov prosedur qaydalarını dəfələrlə pozub, buna görə intizam məsuliyyətinə cəlb edilib.

Qaraçay-Çərkəzdən olan senator Rauf Araşukov 2019-cu ilin yanvarında Federasiya Şurasının binasında saxlanılıb. Daha sonra həmin vaxt baş prokuror vəzifəsini tutan Yuri Çayka və İstintaq Komitəsinin rəhbəri Aleksandr Bastrıkin şəxsən parlamentin yuxarı palatasına gələrək onun toxunulmazlığının götürülməsini xahiş ediblər. Həmin gün onun atası Raul da saxlanılıb.

Ata və oğulun “Qazprom”dan 30 milyard rubldan çox məbləğdə qaz oğurlamaq üçün cinayətkar qrup yaratdıqları iddia edilir. Eks-senator 2010-cu ildə Çərkəz Gənclər Hərəkatının nümayəndəsi Aslan Jukov və Qaraçay-Çərkəz Respublikası Prezidentinin müşaviri Fral Şebzuxovun repressiyasını təşkil etməkdə də ittiham olunub.

Müəllif: Turan Abdulla

"COP29-un ev sahibi Azərbaycan fəal şəkildə bütün maraqlı tərəfləri dinləyir və onlarla əməkdaşlıq edir".

Bunu Kot-d'İvuarın xarici İşlər naziri Kacu Huadja Leon Adom "Report"un ABŞ bürosuna açıqlamasında deyib.

Nazir əlavə edib ki, o, COP Azərbaycan komandasının fəaliyyətini yaxından izləyir:

"Onlar iqlim dəyişikliklərinin fəsadları ilə mübarizə aparan ölkələrlə görüşlər keçirir, bütün tərəflərlə əlaqə qurur. Bu, vacib məsələdir, çünki uğurlu nəticələr əldə etmək üçün biz birlikdə hərəkət etməliyik. Biz ölkəmizdəki iqlim problemləri ilə bağlı Azərbaycan hökumətini məlumatlandırmışıq. COP29-a çox az vaxt qalıb və inanırıq ki, Bakıda müsbət irəliləyiş əldə edəcəyik".

XİN rəhbəri COP29 çərçivəsində ilk dəfə Azərbaycanı ziyarət edəcəyini də bildirib.

İran rəhbəri Əli Xamenei kiberməkanda hökumətə qarşı paylaşımları bəyənməyin doğru olmadığını deyib.

TEREF axar.az-a istinadən xəbər verir ki, bu barədə SEPAH-a bağlı “Fars” xəbər agentliyi məlumat yayıb.

“Kiber məkanda əxlaqsızlığın təbliği, düşmən cəbhəsinin güclənməsi və hökumətin zəifləməsinə hesablanan paylaşımları bəyənmək və ya təsdiq etmək olmaz”, – Əli Xamenei bildirib.

“İran Prezidenti Məsud Pezeşkianın Azərbaycanın Baş baş nazirinin müavini Şahin Mustafayevlə görüşündə səsləndirdiyi fikirlərdə bir yenilik yoxdur”.

Bunu TNS-ə siyasi şərhçi, Orta Doğu Araşdırmalar Mərkəzinin rəhbəri Sədrəddin Soltan deyib.

Onun sözlərinə görə, Azərbaycan üçün əsas məsələ iki il əvvəl səfirliyimizə terror hücumu etmiş şəxsin indiyədək cəzalandırılmamsıdır: “Pezeşkianın görüşdə bu mövzuya toxunması, həmin şəxsin indiyədək cəzasız qalması onu göstərir ki, Tehran hakimiyyəti məsələni acı bağırsaq kimi uzatmağa üstünlük verir.

Xatırlatmaq yerinə düşər ki, 2022-23-cü illərdə İranda etiraz aksiyalarında iştirak etmiş yüzlərlə insanın məhkəməsi başa çatıb, barələrində verilmiş ölüm hökmləri icra edilib. Çünki İran hakimiyyəti onları rejim üçün təhlükə kimi görür.

Amma eyni davranışı Azərbaycan səfirliyinə hücum edib, terror törədən şəxsə qarşı göstərmir. Bu, birbaşa terrordur. Yəni, o, Azərbaycan sərhədlərini pozub, bizim sərhədlərimiz daxilində diplomatik korpusun əməkdaşlarından birini öldürüb, digərini yaralayıb.

O, ya İran ya da Azərbaycan qanunları ilə mühakimə edilməlidir. Çünki hadisə Azərbaycan ərazisində törədilib.

Bu cinayətin cəzası İran qanunları ilə edam, Azərbaycan qanunları ilə ömürlük azadlıqdan məhrumetmədir.

Amma indiyədək bu, baş verməyib. Deməli, Tehran hakimiyyəti bu məsələdən də hansısa formada istifadə etməyi düşünür.

Belə görünür ki, həmin şəxs haqqında hələ məhkəmə hökmü çıxarılmayıb”.

Sədrəddin Soltan əlavə edib ki, Pezeşkianın görüşdə dedikləri standart fikirlərdir: “Mərhum Prezident İbrahim Rəisinin dediklərini indi Pezeşkian təkrarlayır”.

Yaxın Şərqdəki müharibə Türkiyəyə yaxınlaşır.

Bunu Türkiyə Prezidenti Rəcəb Tayyib Ərdoğan “Fələstinin gələcəyi” adlı konfransda çıxışı zamanı deyib.

O bildirib ki, bununla bağlı bir risk var: “Biz bütün tədbirləri görürük”.

R.T.Ərdoğan, həmçinin söyləyib ki, müharibə yaxın zamanda dayanmayacağı təqdirdə daha da genişlənə bilər.

Rusiyada qayıqla Xabarovsk diyarından Saxalin sahillərinə səyahətə çıxan, lakin bir müddət sonra itkin düşən üç nəfərin taleyinə aydınlıq gəlib.

Oxu.Az Rusiya mətbuatına istinadən xəbər verir ki, ötən gecə qayıq Oxot dənizində üzən "Angel" (Mələk) gəmisinin heyəti tərəfindən təsadüf nəticəsində aşkar edilib.

Qeyd olunur ki, qayıqda olan üç nəfərdən ikisi həyatını itirib, bir nəfər isə taqətdən düşmüş halda olub. Onlar iki aya yaxın müddət ərzində açıq sularda ac və susuz qalıblar.

“Türk Dövlətləri Təşkilatı çərçivəsində münasibətlərimiz daha da dərinləşir. Başda Azərbaycan olmaqla, bütün qardaş-bacılarımızın 6 fevral zəlzələlərindən sonra göstərdikləri köməyi əsla unutmayacağıq”.

APA-nın Türkiyə müxbirinin verdiyi xəbərə görə, bu barədə, ölkə başçısı Rəcəb Tayyib Ərdoğan Nazirlər Kabinetinin iclasından sonra jurnalistlərə açıqlamasında bildirib.

“İnşallah, biz də onların qara günlərində, bizə ehtiyac duyduqları hər anda, qarşılıq gözləmədən qardaşlarımızın imdadına yetişəcək, bütün imkanlarımızla bu günə qədər olduğu kimi, yenə yanlarında olacağıq. Dildə, fikirdə, işdə birlik deyən mərhum Qaspıralı İsmail bəyin xəyalını gerçəkləşdirmək üçün birlikdə çalışacağıq”, - deyə o vurğulayıb.

Ən yeni tarix. Maraqlı faktlar.

Leonid İliç Brejnevin hakimiyyəti dövründə gələcək varisin kim olması ilə bağlı Kremldə illərlə gizli mübarizələr gedib. Xüsusilə də 1975-ci ildə baş katibin səhhətində yaranan ciddi problemlər bu mübarizəni daha da qızışdırıb.
Əslində 1964-cü ildə Xruşovu devirdikdən sonra Brejnevi hakimiyyətə gətirən komanda onun müvəqqəti bir müddətdə lider olacağını düşünüblər. Çünki Brejnev Kremldə o qədər də ciddi bir fiqur kimi, müstəqil siyasət apara biləcək bir siyasətçi kimi qəbul olunmayıb.
Məhz həmin ərəfədə nəzərlər Mixail Suslova daha çox yönəlib. Stalin dövrünün yetirməsi olan Suslov ən təcrübəli siyasətçi olmaqla yanaşı, ən təmiz, heç bir qalmaqallı hadisədə adı hallanmayan və partiyaya ən sədaqətli şəxs sayılıb.
Bəlkə də elə buna görə bəzi Siyasi Büro üzvləri onun birinci şəxs olmasını istəməyiblər. Təbii ki, Suslov rejimində işləməyin çətinliyini, bəlkə də mümkünsüzlüyünü dərk ediblər.
Brejnev özü də Kremldəki siyasi atmosferi aydın hiss edib. Mövqelərini möhkəmlədə bilməyəcəyi halda taxtdan qısa bir müddətdə düşəcəyini anlayıb.
Bu məqsədlə də o, onu hakimiyyətə gətirən “güclüləri” sıradan çıxarmağa başlayıb. Amma Brejnev Suslova toxunmayıb, əksinə, səlahiyyətlərini daha da artırıb.
Maraqlıdır, niyə Brejnev Suslova daha çox səlahiyyət verib, niyə məhz onu partiya xətti ilə ikinci şəxsə çevirib?
Sözsüz ki, ilk növbədə Brejnev öz cəbhəsini gücləndirib, iddialı olmayan Suslov iddialı olan digər Siyasi Büro üzvləri üçün böyük maneəyə çevrilib.
Elə 1975-ci ildə varis məsələsi ortaya çıxanda Suslov bəyan edib ki, bu haqda danışmaq hələ tezdir. Həmin ərəfədə Aleksey Kosıginin adı varis kimi hallananda məhz Suslov çəkinmədən bu məsələyə sərt münasibətini bildirib:
“Hökumət öz işi ilə məşğul olmalıdır. Biz partiya rəhbəri seçkilərini müzakirə etməyi hələ ki, düşünmürük, Leonid İliç hələ uzun illər sədaqətlə partiyaya rəhbərliyini davam etdirəcək...”
İddialılar arasında Nikolay Podqornının da adı hallanıb.
Onun bu iddiasına isə daha maraqlı münasibət bildirilib. Marşal Ustinov Podqornıya çəkinmədən məsləhət verib:
“Nikolay Viktoroviç, siz əvvəlcə Brejnevə daşıdığınız kağızlardan üstünüzə hopan tozları təmizləyin, sonra yenə də öz xəyallarınıza qayıdarsınız...”
Siyasi Büro üzvləri DTK sədri kimi Yuri Andropovdan çəkiniblər və onun da iddialılar sırasında olduğunu zənn ediblər.
Amma Andropov bu məsələdə ehtiyatlı davranıb.
Belə ki, DTK şefi Kosıginin və Suslovun daha güclü rəqib olduğunu dərk edərək birincilik iddiasını büruzə verməyib və o, Brejnevi müdafiə edib.
Andropov məsələləri zamanın ixtiyarına buraxıb. Düşünüb ki, zaman özü həm Kosıgini, həm də Suslovu sıradan çıxaracaq. Ən azı ona görə ki, Andropov Suslovdan 12, Kosıgindən isə 10 yaş kiçik olub. Elə bu məqsədlə də Andropov sona qədər Brejnevi baş katib kürsüsündə hamıdan çox qoruyub və sonda da öz istəyinə nail olub.
Kəskin xəstəliyindən, 1975-ci ildən sonra hələ 7 il də öz kürsüsünü əldən verməyən Brejnev bütün bu pərdəarxası mübarizələrdən xəbərdar olub.
Baş katib qeyri-səmimi siyasətçilərin vəzifə ehtirasını yaxşı hiss edib. “Yumşaq” görünən Brejnev zaman-zaman sərt tədbirləini həyata keçirib, Kreml oyunlarına hakimlik etməyi bacarıb, rəqiblərini zərərsizləşdirə bilib.
Məsələn, Andropovun fəaliyyətini nəzarətdə saxlamaq üçün o, öz yaxın adamı olan Semyon Sviqunu DTK-a sədrinə birinci müavin təyin edib.
Güc strukturlarının birləşməməsi, qruplaşmaması üçün Brejnev Daxili İşlər Nazirliyi ilə Dövlət Təhlükəsizlik Komitələrini, onların rəhbərləri olan Şelokovla Andropovu böyük peşəkarlıqla üz-üzə qoyub, düşmən edib.
Kosıgini zərərsizləşdirmək üçün Brejnev hökumətə partiya nəzarətini gücləndirmək məqsədilə Mərkəzi Komitənin katiblərinin sayını artırıb.
Brejnev müttəfiq respublikaların birinci katiblərinə birbaşa onun özü ilə görüşmək imkanı yaradıb ki, bütün qərarların qəbulu baş katibdən gəlib.
Həmçinin respublikaların birinci katiblərinin fəaliyyəti haqqında informasiyalar almaq üçün baş katib qapılarını diyar və vilayət Partiya Komitələrinin birinci katibləri üçün açıq qoyub.
Leonid İliç Brejnevin Mərkəzi Komitədə ən çox inandığı adam isə Mixail Suslov olub.
Baş katib ona vəzifəsindən də artıq səlahiyyətlər verib. Ölkə üçün mühüm və vacib olan sənədlər Brejnevə təqdim olunanda, o, “görək Suslov bu məsələyə nə deyəcək” deyə, onunla məsləhətləşməyi vacib sayıb.
Beləliklə, Brejnev bu mübarizələrin içində düz 18 il SSRİ-nin sükanını saxlamağa nail olub.
İlhm Cəmiloğlu