Rusiya prezidentinin köməkçisi Aleksey Dumin, baş nazirin müavini Denis Manturov və Federal Tibbi-Bioloji Agentliyinin rəhbəri Veronika Skvortsova Təhlükəsizlik Şurasının tərkibinə daxil edilib.

İqtisadiyyat.az xəbər verir ki, müvafiq fərmanı Rusiya Prezidenti Vladimir Putin imzalayıb.

Fərmana əsasən, Prezidentin Xüsusi Proqramlar Baş İdarəsinin rəisi Aleksandr Linets də şuraya daxil edilib. Eyni zamanda “Vahid Rusiya” partiyasının Baş Şurasının katibinin səlahiyyətlərini müvəqqəti icra edən senator Vladimir Yakushev təşkilatın tərkibindən çıxarılıb.

Aleksey Dumin hərbi təhsilə malikdir və 29 maydan etibarən Rusiya Dövlət Şurasının katibi vəzifəsində çalışır. Denis Manturov əvvəllər Sənaye və Ticarət Nazirliyinə rəhbərlik edib və hazırda Rusiya Federasiyası sənayesinə birinci vitse-premyer kimi nəzarət edir. Veronika Skvortsova isə nevroloq-həkim, neyrofizioloq və Rusiyada ilk neyroreanimasiya xidmətlərindən birinin yaradıcılarından biridir. O, 2012-2020-ci illər arasında Rusiya Federasiyasının Səhiyyə Nazirliyinə rəhbərlik edib.

“İsrailin bu gün əsas məqsədi nəyin bahısına olursa, olsun İranı birbaşa hərbi əməliyyatlara cəlb etməkdir”.

Bunu politoloq Rəşad Bayramov “Cebheinfo.az”-a şərhində İranın İsrailin son hücumları qarşısında susqunluğunun səbəblərini izah edərkən bildirib.

O bildirib ki, hazırda İran regionda baş verən son proseslərə təmkinli davranır və birbaşa hərbi əməliyyatlardan yayınır:

“İsrail yaxşı bilir ki, İranın birbaşa hərbi əməliyyatlara cəlb olunması anti-İran koalisiyasının işə düşməsiylə nəticələnək. Bu da İrana ağır zərbələrin endirilməsini təmin edəcək.

Ona görə də İsrail bütün qüvvəsi ilə bu istiqamətdə fəaliyyət göstərir. İstər HƏMAS lideri İsmayil Haniyənin, istərsə də “Hizbullah” lideri Seyid Həsən Nəsrullahın öldürülməsi İranın Yaxın Şərqdə geosiyasi nüfuzuna ciddi zərbədir.

Ya Tehran buna cavab verməlidir, yəni birbaşa hərbi əməliyyatlara cəlb olunmalıdır, ya da regionda mövqeyinin zəifləməsinə reaksiya verməməklə barışmalıdır. İran bu iki yoldan sonuncunu seçib.

Tehranda yaxşı bilirlər ki, İsrailə birbaşa cavab zərbələri endirmək böyük müharibəyə gətirib çıxaracaq və İran bu müharibədə rüsvayçı şəkildə məğlub ola bilər. Bu səbəbdən İran İsrailə qarşı cavab tədbirləri görməkdən yayınır”.

Onun sözlərinə görə, İran Qərblə münasibətlərin normallaşdırılması istiqamətində addımlar atmağa çalışır:

“İran Prezidenti Məsud Pezeşkian BMT-nin Baş Assambleyasının 79-cu sessiyasında Rusiyaya o qədər xoş olmayan bəyanatlar səsləndirib. Məhz Məsud Pezeşkianın bu addımı Qərbə mesajdır. Bu gün Tehran Qərblə dialoqda maraqlıdır.

Məhz İran hakimiyyəti öz mövcudluğunu qoruyub saxlamaq üçün Yaxın Şərqdəki öz proksi qüvvələrini - HƏMAS, “Hizbullah” və “Ənsar Allah” hərəkatını (husilər) faktiki olaraq qurban vermək yolunu seçib.

Bildirim ki, Seyid Həsən Nəsrullahın öldürülməsindən iki gün əvvəl Ərəb Liqasının Livandakı nümayəndəsi Məhəmməd Əli əl-Hüseynin “Əl-Ərəbiyə” telekanalına müsahibəsində Həsən Nəsrullaha xəbərdarlıq edib.

Məhəmməd Əli əl-Hüseyni “Hizbullah”ın sabiq liderinə bildirib ki, o, onu vaxtilə himayə edən qüvvələr tərəfindən satılıb. Buradan da aydın olur ki, İran hakimiyyəti öz mövcudluğunu davam etdirmək üçün öz proksi qüvvələrindən imtina edib”.

Politoloq növbəti mərhələdə SEPAH-ın da hədəfə çevrilməsini mümkün hesab edib:

“İsrail proksi qüvvələri tam sıradan çıxardıqdan sonra SEPAH-ı da hədəfə ala bilər. Çünki İsrail İranı birbaşa müharibəyə cəlb etmək üçün müxtəlif yollara baş vurmada davam edəcək”.

Azərbaycan xarici işlər naziri Ceyhun Bayramov BMT Baş Assambleyasının 79-cu sessiyasında ümumi müzakirələrdəki çıxışında noyabr ayında Azərbaycanda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) ayında münaqişələrdə bütün tərəfləri atəşkəsə çağırıb.

Azərbaycan xarici işlər naziri çıxışında həmçinin COP29, karbon təsirlərinin azaldılması, qlobal temperatur artımı, beynəlxalq sülh və təhlükəsizlik, Ermənistan və Azərbaycan arasında sülh prosesi, yaşıl enerjiyə keçid məslələrini diqqətə gətirib.

“COP29 eyni zamanda, fikir ayrılıqlarının bir kənara qoyulması və qlobal sülhə və iqlim gündəliyinə töhfə verilməsi üçün bir fürsət olacaqdır. Münaqişələr və getdikcə kəskinləşən iqlim böhranı kimi məsələlər arasında əlaqəni nəzərə alaraq, Azərbaycan bir neçə gün əvvəl COP29 naminə Birgə Atəşkəs Çağırışı flaqman təşəbbüsünü elan edib. Mindən çox qeyri-hökumət təşkilatı, dini liderlər və görkəmli şəxsiyyətlər və bir çox tərəf artıq bu çağırışa qoşulub. Biz COP29 ayı ərzində hər kəsi siyasi fikir ayrılıqlarını aşmağa, həmrəy olmağa və Atəşkəsə hörmət etməyə çağırırıq”, nazir qeyd edib.

Nazirin fikrincə, qlobal iqlim böhranı onilliklər ərzində əldə edilmiş tərəqqiyə təhdid yaradır, bəşəriyyətin gələcəyini təhlükə altına qoyur və həssas ölkələrə qeyri-mütənasib təsir göstərir.
“Qlobal temperatur artımını 1.5 selsi dərəcəyədək məhdudlaşdırmaq üçün indiyədək görülmüş işlər kifayət deyil. Gələcək naminə, dayanıqlı inkişaf üzrə qlobal baxışa dair öhdəliklərimizi reallaşdırmaq üçün təcili, birgə və davamlı səylərin vaxtı yetişib”, o qeyd edib.

Bayramov deyib ki, Azərbaycan COP29-a sədrliyi ilində karbon bazarları üzrə nəticəyə nail olmaq üçün tərəflərlə işləyir.

“Biz iqlim fəaliyyəti ilə dayanıqlı inkişaf məqsədləri arasında əlaqə, yaşıl enerji zonaları və dəhlizləri, enerji resurslarının saxlanması, iqlim davamlılığının harmoniyası, kənd təsərrüfatı, təmiz hidrogen və üzvi tullantılarda metanın azaldılması, yaşıl rəqəmsal fəaliyyət mövzularını əhatə edən 14 təşəbbüs irəli sürmüşük”, nazir deyib.

Bayramov bildirib ki, Azərbaycan mərkəzində BMT dayanmaqla, beynəlxalq hüququn hamı tərəfindən qəbul edilmiş norma və prinsiplərinin ciddi riayət olunmasına və islahatlar aparılmış çoxtərəfli sistemin tərəfdarıdır.

“Dürüstlük və çeviklik, konstruktivlik, əməkdaşlıq ruhunda görülən işlərə və əldə edilən nailiyyətlərə əsaslanaraq, BMT Təhlükəsizlik Şurasının islahatları üzrə təcili irəliləyişə ehtiyac var”.

Onun fikrincə, Azərbaycan hər zaman beynəlxalq sülh və təhlükəsizliyin, konfessiyalar və mədəniyyətlərarası dialoqun təşviq edilməsində ön sırada yer alıb.

“Heç kəsi geridə qoymamaq” kimi nəcib çağırışı rəhbər tutan Azərbaycan ehtiyacı olan inkişaf etməkdə olan ölkələrə dəstəyini davam etdirir. Biz 2020-ci ildən bəri 140-dan çox ölkəyə 330 milyon ABŞ dolları dəyərində humanitar, iqtisadi və texniki dəstək göstərmişik”, o qeyd edib.
O, Azərbaycan iqtisadiyyatının sürətlə inkişaf etdiyini, yoxsulluğun 5 faiz ətrafında olduğunu, son illərdə ümumdaxili məhsulun 4 dəfə artdığını bildirib. Nazir ölkədə yaşıl enerjiyə sürətli keçidi də diqqətə çatdırıb.

“Azərbaycanda 2030-cu ilədək bərpa olunan enerjinin ümumi elektrik enerjisi gücündəki payı 30%-ə çatacaqdır. Belə yüksək hədəfin qoyulmasında məqsəd ilk növbədə, enerji səmərəliliyinin artırılması və şəhər mühitində, nəqliyyat sistemlərində və sənayedə innovativ həllərin tətbiqidir. Qarşıdakı illərdə bərpa olunan elektrik enerjisi istehsalının proqnozlaşdırılan artımı Azərbaycana Qara Dəniz Sualtı Kabel Layihəsi kimi əlamətdar transregional layihə vasitəsilə Avropa ölkələrinə yaşıl elektrik enerjisi ixracatçısına çevrilməyə imkan verəcək”, o deyib.

Nazirin fikrincə, Ermənistanla silahlı münaqişənin sona çatması Cənubi Qafqazda tamamilə yeni şərait yaradıb.

“Onilliklərdən sonra ilk dəfə bölgədə sabitlik əldə edilib, de-fakto sülh bərqərar olub”, o qeyd edib.

Bayramovun fikrincə, son bir il ərzində Azərbaycan və Ermənistan birbaşa ikitərəfli danışıqlar yolu ilə normallaşma prosesində, xüsusilə ikitərəfli müqavilənin hazırlanması, dövlət sərhədinin delimitasiyası və demarkasiyası, habelə etimad quruculuğu tədbirlərinin işlənib hazırlanması istiqamətində mühüm irəliləyişə nail olublar.

Eyni zamanda nazir Bayramov deyib ki, normallaşma prosesinin başa çatdırılması üçün Ermənistan konstitusiya dəyişikliklərini həyata keçirməklə hüquqi müstəvidə Azərbaycana qarşı ərazi iddialarından birdəfəlik imtina etməlidir.

“Ermənistanın hərbi büdcəsini kəskin artırması, həm ənənəvi, həm də yeni təchizatçılardan külli miqdarda hücum silahları alması, keçmiş münaqişəyə əsaslanan tezisləri və strukturları saxlamaq cəhdləri ilə birlikdə konstitusiya dəyişikliklərinin həyata keçirilməsi xüsusunda səhlənkarlığı normallaşma prosesinə xələl gətirir”.

Nazir həmçinin bir sıra beynəlxalq güclərə işarə edərək bəyan edib ki, “dünyanın başqa bölgələrində iztirablara səbəb olmuş uğursuz təcrübələrin revanşizmi qızışdırmaq yolu ilə Cənubi Qafqazda sınaqdan keçirmək cəhdlərinə son qoyulmalıdır”.

Bayramov ağır müharibə cinayətləri, insanlıq əleyhinə cinayətlərlə bağlı ədalətin bərpasını vacib sayır. O, Azərbaycanda mina təhlükəsindən də danışıb və ölkələri humanitar minatəmizləmə işlərinə kömək etməyə çağırıb.

Öz növbəsində Ermənistanın baş naziri Nikol Paşinyan BMT Baş Assambleyasında çıxışında deyib ki, Ermənistanla Azərbaycan arasında sülh təkcə mümkün deyil, həm də əlçatandır.

“Bu yaxınlarda, 2024-cü il avqustun 30-da Ermənistan və Azərbaycan hər iki ölkənin demarkasiya komissiyalarının birgə fəaliyyəti haqqında nizamnamə imzalayıblar. Bu, ilk ikitərəfli hüquqi müqavilədir. De-yure bir daha təsdiq olundu ki, hər iki ölkənin bir-birinə heç bir ərazi iddiası yoxdur, yalnız növbəti addımı atmaq və sülhün və dövlətlərarası münasibətlərin qurulmasına dair saziş imzalamaq qalır”, o qeyd edib

Baş nazir bildirib ki, Azərbaycan Prezidenti və o dəfələrlə qeyd edib ki, sazişin ən azı 80 faizi razılaşdırılıb.

“İndi bu tarixi fürsətdən yararlanmaq və təhlükəli dalana dirənməmək üçün Ermənistan razılaşdırılmış hissəni imzalamağı, sonra başqa məsələlərlə bağlı danışıqları davam etdirməyi təklif edir. Biz indi bunu etməyə hazırıq”, o bildirib.

Sentyabrın 26-da Nyu-Yorkda ABŞ Dövlət katibi Antoni Blinkenin təşəbbüsü ilə Azərbaycan xarici işlər naziri Ceyhun Bayramovla Ermənistan xarici işlər naziri Ararat Mirzoyan arasında görüş keçirilib.

Görüş BMT Baş Assambleyasının 79-cu sessiyası çərçivəsində baş tutub.

"Tərəflər mümkün qısa müddət ərzində Sülhün və dövlətlərarası münasibətlərin təsis edilməsi haqqında Sazişin yekunlaşdırılması üçün əlavə səylərin göstərilməsi barədə razılığa gəliblər," hər iki ölkənin xarici işlər nazirliklərinin yaydığı bəyanatda bildirilib.

Avropa Aviasiya Təhlükəsizliyi Agentliyi aviaşirkətlərə Livan və İsrail hava məkanında uçuşlardan çəkinməyi tövsiyə edib.

İndex.az bu barədə agentliyin məlumatına istinadən xəbər verir.

“Mövcud şəraitdə Avropa Komissiyası və Avropa Aviasiya Təhlükəsizliyi Agentliyi Livan və İsrailin hava məkanında uçuşlar həyata keçirməməyi tövsiyə edən bülleteni dərc etməyi qərara alıb”, – agentlik vurğulayıb.

Qurum bu tövsiyəni İsraillə “Hizbullah” arasında münaqişənin kəskinləşməsi fonunda verib.

Livan mənbələrinin məlumatına görə, Hizbullahın rabitə mühəndisi və təşkilatın media və maliyyə direktoru Hüseyn əl-Başa məxfi sənədlər, həssas xəritələr və beş milyon dollarla İsrailə qaçıb.

Axar.az xəbər verir ki, bu barədə Günaz TV məlumat yayıb.

Livan televiziyası xəbər verir ki, əl-Başa həmçinin İranın İnqilab Keşikçiləri Korpusu ilə bağlı məxfi sənədləri də özü ilə aparıb.

Əl-Başanın qaçışı Hizbullah və İran üçün ciddi təhlükəsizlik boşluğu kimi qiymətləndirilir. Onun İsrailə qaçması təşkilatın və İranın strateji planlarına dair kritik məlumatların üzə çıxma riskini artırır.

Hüseyn əl-Başa Hizbullah daxilində əsas fiqur kimi tanınırdı və təşkilatın maliyyə işlərində, eləcə də əlaqələrində mühüm rol oynayırdı. Hələlik Hizbullah və İran rəsmiləri bu hadisə ilə bağlı rəsmi açıqlama verməyiblər.

"İran Məclisi (parlament) Livanın "Hizbullah" hərəkatının baş katibi Həsən Nəsrullahın qətlinə görə İsrailə qarşı "cavab və qisas" variantlarını razılaşdıracaq, həmin variantları Ali Milli Təhlükəsizlik Şurasına təklif edəcək. Sonuncu qurum isə necə davranacağına qərar verəcək".

TEREF xəbər verir ki, bunu "Mehr" xəbər agentliyinə qanunverici Əhməd Naderi deyib.

Bazar günü İran parlamentinin qapalı formatda iclası keçirilib. Görüşdə Yaxın Şərqdə baş verən son hadisələr müzakirə olunub. Naderi bildirib ki, bir neçə parlamentari artıq İsrailə necə cavab verməklə bağlı öz variantlarını təklif edib.

Millət vəkili əlavə edib ki, Ali Milli Təhlükəsizlik Şurası deputatların təkliflərini aldıqdan sonra onları müzakirə edəcək və "İsrailin cinayətlərinə" cavab vermək üçün qərar verəcək.(Oxu.az)

Portuqaliyalı ulduz futbolçu Kriştiano Ronaldo Madriddəki hotelində işləmək üçün əməkdaşlar toplayır.

Bu barədə “Marca” nəşri yazı dərc edib.

Nəşr həmçinin vakansiyaların və onlara verilən maaşların ətraflı siyahısını paylaşıb.

Belə ki, “Pestana CR7” hotelinə menecer, xadimə, nəzarətçi, qapıçı, qeydiyyatçı və ofisiant tələb olunur. Namizədlərdən yüksək səviyyədə ingilis dili (B2 və ya C1), bəzi hallarda orta və ya ali peşə təhsili tələb olunur.

Menecer vəzifəsi üçün maaş ayda 2300 (4366 manat), ofisiant vəzifəsi üçün 1300 avrodur (2468 manat).

İşçilərə pulsuz yemək, tibbi sığorta, obyektin xidmətləri üzrə güzəştlər və ildə 50 gün məzuniyyət verilir.(Qafqazinfo)

Vaşinqton administrasiyası Beyrutda şiə Hizbullah hərəkatının lideri Həsən Nəsrullahın öldürülməsindən sonra İranın və onun nəzarətində olan qüvvələrin Yaxın Şərqdə “münaqişəni genişləndirməsinin” qarşısını almaq niyyətindədir.
Bizimyol.info xəbər verir ki, bu barədə Pentaqonun mətbuat katibi Patrik Rayder bildirib.

“Müdafiə naziri Lloyd Ostin dünən (cümə) İsrailin müdafiə naziri Yoav Qalant ilə Livandakı hadisələrlə bağlı iki dəfə danışıb. Nazir İsrailin özünü müdafiə etmək və xalqını İranın dəstəklədiyi terror qruplarından qorumaq hüququnu tam dəstəklədiyini bildirib”, - deyə sənəddə qeyd olunub.

Bəyanatdan deyilir: “Ostin vurğuladı ki, Birləşmiş Ştatlar İranın, onun tərəfdaşlarının və onun etibarlı şəxslərinin vəziyyətdən faydalanmasının və ya münaqişənin genişləndirilməsinin qarşısını almağa hazırdır”.

“Dövlət katibi açıq şəkildə bildirdi ki, Birləşmiş Ştatlar regiondakı Amerika qüvvələrini və aktivlərini müdafiə hazırdır sadiqdir və İsraili müdafiə etməyə sadiqdir”, - deyə Pentaqonu bildirib.

Sentyabrın 28-də İsrail Müdafiə Qüvvələri Nəsrullahın Beyrutun cənub ətraflarında İsrail hava hücumu nəticəsində öldürüldüyünü bildirib. Zərbə cümə günü Hizbullah rəhbərliyinin görüşü zamanı baş verib. Şənbə günü hərəkat liderinin ölümünü təsdiqləyib və İsraillə qarşıdurmanı davam etdirəcəyinə söz verib.