Ukraynada icmaların və ərazilərin inkişafı naziri müavini vəzifəsinə əslən azərbaycanlı, Timur Firudin oğlu Məmmədov (Tkaçenko) təyin olunub.

“Report”un Şərqi Avropa bürosunun məlumatına görə, Ukrayna Nazirlər Kabineti bununla bağlı sentyabrın 27-də qərar qəbul edib.

T. Məmmədov buna qədər Ukrayna strateji sənayelər nazirinin müavini olub. Onun atası Firudin Məmmədov Ukraynada Azərbaycan diasporunun fəal üzvlərindən biri olub. F. Məmmədov 2023-cü ildə vəfat edib.

Sentyabrın 27-də axşam saatlarında internetdə Kiyevdə yerləşən SkyMall ticarət mərkəzinin ələ keçirilməsi ilə bağlı məlumat yayılıb. Lakin hüquq-mühafizə orqanlarının əməkdaşları bunu təkzib ediblər.

Bu barədə RBC-Ukrayna Ukrayna Milli Polisinə istinadən xəbər verir.

"Paytaxtdakı ticarət mərkəzlərindən birinin ələ keçirilməsi ilə bağlı yayılan məlumat həqiqətə uyğun deyil”, - deyə hüquq-mühafizə orqanlarından bildirilib.

Polisin məlumatına görə, Dnepr polis idarəsinə şəhərin ticarət mərkəzlərindən birinin yaxınlığında bir qrup şəxsin olması barədə məlumat daxil olub. Hadisə yerinə gələn hüquq-mühafizə orqanlarının əməkdaşları məlum olub ki, adıçəkilən şəxslər hazırkı aksiya keçiriblər və bu aksiya artıq başa çatıb və onun iştirakçıları dağılıblar. "İctimai təhlükəsizliyin və asayişin pozulması halları baş verməyib", - polis əlavə edib.

"Məgər Türkiyə bu bölgədə Azərbaycanın dostu deyilmi? Yoxsa deyirsiniz ki, biz hələ də İstanbulu “qan dənizinə” çevirəcəyimiz barədə mahnını oxumaqda davam edək?"

Ölkə.Az xəbər verir ki, bunu Ermənistan parlamentinin müdafiə və təhlükəsizlik məsələləri daimi komissiyasının sədri Andranik Köçəryan Türkiyənin Ermənistan-Azərbaycan münasibətlərinin normallaşmasına necə kömək edə biləcəyi barədə suala cavab verərkən deyib.

O qarşı tərəfə "siz hamınız Türkiyənin rolunu yaxşı bilirsiniz", deyə bildirib.

"Ona görə də bütün bunları unudun, biz sülhə doğru getməliyik. Bütün regional fövqəldövlətlər diqqətlərini sülhə nail olmağa yönəltməlidirlər. Türkiyənin də görəcəyi işlər var", - o qeyd edib.

Hindistan Qərb ölkələrinin sanksiyaları altında olan Rusiyanın “Arctic LNG 2” layihəsi çərçivəsində hasil edilən mayeləşdirilmiş təbii qazı almayacaq.

“Reuters”-in məlumatına görə, bunu Hindistanın Neft naziri Pankaj Jain deyib.

"Biz “Arctic LNG 2”-dən qaz almayacağıq. Biz sanksiyaya məruz qalmış heç birmalı almırıq", - deyə nazir bildirib.

Rusiyanın “Novatek” şirkətinin “Arctic LNG 2” layihəsi Rusiyanın Ukrayna ilə müharibəsi səbəbindən Qərbin sanksiyaları altındadır. ABŞ, həmçinin “Arctic LNG 2” layihəsinin inkişafını və LNG daşımalarını dəstəkləyən şirkətlər də daxil olmaqla, Rusiyanın hərbi fəaliyyətlərini dəstəklədiklərinə görə yüzlərlə qurum və fiziki şəxsə sanksiya tətbiq edib.

Bir neçə gün əvvəl Kremlin bir addımlığında atışma baş verdiyini və ölənlərin olduğu haqqında xəbərlər gəldi.
Sonradan bunun adi bir atışma yox, iki klan Ramzan Kadırov və Prezident Aparatının arxasında durduğu senato, Dağıstanlı iş adamı Suleyman Kərimov arasında baş verən “razborka” olduğu məlum oldu. Bu atışmada iki nəfər inquş əsilli gəncin öldürülməsi isə İnquşetiyada minlərlə insanın etirazına səbəb oldu.
Deməli insident Kadırovun adamlarının yüz milyonlarla dəyəri olan Suleyman Kərimova məxsus “Vildebers” şirkətinin ofisinə basqın etməsi nəticəsində baş vermişdi.
Ofisə basqın edən və 2 nəfərin qətlində günahlandırılan 6 nəfər çeçen dərhal həbs edilsədə, ancaq az keçmədən onları sərbəst buraxıblar..
Bu isə onu göstərir ki, Kreml, Rusiya hüquq mühafizə orqanları, ümumiyyətlə mərkəzi hakimiyyət Kadırovun gücü və imperiyası qarşısında çox aciz durumdadırlar. Gələn xəbərlərə görə artıq 20 mindən çox silahlı Kadırovçular Moskvada otellərdə, evlərdə, villalarda məskunlaşmağa vaşlayıblar. Bunlara rəhbərliyi isə Ramzan Kadırov 16 yaşı təzə tamam olan oğlu Adam Kadırova həvalə edib.
Ancaq bir çox analitiklər isə şərh edirlər ki, bu “razborkadan” daha çox hakimiyyətdaxili qarşıdurmanın pik həddə olduğunun siqnalıdır. Bəziləri isə iddia edir ki, Ramzan Kadırov post Putin dövrünə hazırlaşaraq hakimiyyət daxilindəki digər bir qrup ilə birləşərək Kremli ələ keçirmək istəyir. Yəni bu iddianı adi bir analitikin yox, vaxtilə Kremldə Putinlə bir yerdə olan Murzaqulovun söyləməsi vəziyyətin həquqətən nə qədər ciddi olduğundan xəbər verir. Bu iddianın əksinə olaraq bəzi analitiklər isə Kadırovun silahlı adamlarının Moskvada məskunlaşmasına Putinin Çeçenistanda Ramzan Kadırovla görüşündən sonra yaşıl işıq yandırmasını deyirlər. Çünkü Putin hakimiyyətdaxili qarşıdurmadan və hərbi çevrilişin hər an baş verə biləcəyindən qorxduğu üçün özünə ən yaxı dost bildiyi Ramzan Kadırova belə səlahiyyət verdiyi bildirilir. Onu da əlavə edim ki, Priqojin Kadırovdan Putunə daha yaxın və etibarlı dost hesab edilirdi. Onun aqibətinin necə qurtardığını isə şərh etməy ehtiyac yoxdur.
Bir haşiyə də çıxmaq istəyirəm ki, Kadırovla FSB arasında münasibətlər həddən artıq gırgindir. Bu gərginlik indi yox müharibə başlayan gündən davam edir. Yəqin xatırlayarsınız müharibənin ilk günlərindən Kadırovun ən yaxın adamı general Tuşayeş Ukraynaya çatan kimi USQ tərəfindən məhv edildi. Təkcə Tuşayev yox, digər Kadırovçular da heç Qastomel aerodrymuna eniş etmədən məhv edildilər. Sonradan bir səs yazısı yayıldı ki, onların kordinatlarını Ukrayna Hərbi Kəşfiyyat İdarəsinə Rusiya FSB-si ötürürmüş. Elə o vaxtdan Kadırovla FSB arasında açıq və qapalı şəkildə qarşıdurma gedir. Fikir vermisinizsə müharibənin ilk günü çeçenlərin məhv edilməsindən sonra Kadırovçular döyüşmək yox, tik-tok çəkmək, pafoslu reportajlar vermək bə qısası döyüşün imitasiyası ilə məşğuldurlar. Yəni Kadırov var gücü ilə çalışır ki, tərəfdarlarını maksimum şəkildə qorusun, onlar çox itkiyə məruz qalmasın.
Kadırovun Şimali Qafqaz regionundakı apardığı siyasət isə onu inquş və Dağıstan xalqları arasında düşmənçilik həddinə gətirib çıxarmışdır. Bu isə tipik Rusiya İmperiyasının siyasətidir ki, onu da Kadırov canla-başla həyata keçiribdir.
Görünən odur ki, qarşıdan soyuq, şaxtalı qış gəlsə də, Rusiyada havalar çox qızğın və isti keçəcək.
Ilham Mirzeliyev
TEREF

ABŞ-nin tanınmış iş adamı İlon Mask İtaliyanın Baş naziri Corcia Meloni ilə romantik münasibətdə olmadığını deyib.

Oxu.Az xəbər verir ki, bu barədə "X" sosial şəbəkəsində (keçmiş "Twitter") sahibkarın özü məlumat verib.

"Mən orada anamla birlikdə idim", - deyə o bildirib.

Mask İtaliyanın baş naziri ilə fotosunun dərcindən sonra yayılan şayiələri belə şərh edib. Şəkil Nyu-Yorkda BMT Baş Assambleyasının yüksəksəviyyəli həftəsi çərçivəsində keçirilən şam yeməyində çəkilib. Şəkildə Musk və Meloninin bir-birinə gülümsəməsi əks olunub. Bu, şayiələrə səbəb olub.

Slovakiyanın baş naziri Robert Fikoya içərisində güllə olan zərf göndərilib.

Bizimxeber.az bildirir ki, bu barədə Aktuality məlumat yayıb.

Slovakiya hökumətinin mətbuat xidməti qeyd edib ki, zərf sentyabrın 25-də səhər saatlarında baş nazirə gəlib.

"Slovakiyanın baş nazirinə ünvanlanmış güllə olan zərf bu gün hökumət ofisinə çatdırılıb", - Slovakiya hökumətinin mətbuat xidməti bildirib. Daxil olan zərf hazırda Slovakiyanın rəsmi şəxslərinin mühafizəsi departamentinin və diplomatik nümayəndəliklərinin əməkdaşları tərəfindən yoxlanılır.

Xatırladaq ki, mayın 15-də Slovakiyanın Handlova şəhərində hökumətin səfərdə olan iclasından sonra baş nazir Robert Fikoya cəhd edilib.

ABŞ Federal Təhqiqat Bürosu (FTB) Silikon Vadisinə investisiya yatıran Kaliforniyada yerləşən "Hone Capital" vençur fondu ilə bağlı araşdırmaya başlayıb.

Valyuta.az xəbər verir ki, bu barədə "Financial Times" qəzeti məlumat yayıb.

Fonda 115 milyon dollar sərmayə qoyan Kaliforniya investisiya fondunun maliyyələşdirilməsi Şanxaydan Kayman adaları, sonra Delaver ştatı vasitəsilə həyata keçirilib.

Yarandığı gündən bəri "Hone Capital" ABŞ-ın təxminən 360 startapına sərmayə qoyub. İndi səlahiyyətlilər bu startapların ən son texnologiyalarının və inkişaflarının Çinə sızmasından şübhələnirlər.

Fondun sərmayə qoyduğu ən böyük startaplardan bəzilərinə özü idarə edən avtomobil istehsalçısı "Cruise", ödənişlər xidməti "Stripe" və səsdən sürətli reaktiv təyyarə tərtibatçısı "Boom" daxildir. İstintaqdan xəbərdar olan FT-nin adı açıqlanmayan mənbələrinə görə, FTB müstəntiqləri Amerika fondunun çinli investorlarının dəqiq olaraq hansı məlumatlara, inkişaflara, texnologiyalara, patentlərə və s.-yə çıxışı olduğunu yoxlayır. Bildirilir ki, son bir neçə həftə ərzində müstəntiqlər təkcə fondun əməkdaşları ilə deyil, onun sərmayə qoyduğu startaplarla da danışıblar.

"CSC Group" məxfi məlumatların qanunsuz əldə edilməsində hər hansı əli olduğunu qəti şəkildə rədd edir. FTB istintaqla bağlı xəbərləri şərh etmir.