 |
|
|
ABŞ-ın keçmiş prezidenti Barak Obama gənc amerikalı seçiciləri prezidentliyə namizəd Kamala Harrisin tərəfinə çəkmək üçün "TikTok"dan istifadə edir.
Qaynarinfo xəbər verir ki, bu barədə Amerikanın "Axios" portalı mənbələrə istinadən yazıb.
"Keçmiş prezident Obama bu gün TikTok sosial media platformasına müraciət edərək, hələ vitse-prezident Harrisə səs vermək üçün qeydiyyatdan keçməmiş seçiciləri axtarır", deyə nəşr qeyd edib.
Obamanın "TikTok" kampaniyası Demokratların Milli Seçici Qeydiyyatı Günündən (17 sentyabr) qeyri-ənənəvi üsullarla təxminən 30 milyon potensial seçiciyə çatmaq üçün istifadə etdiyi daha geniş səylərin bir hissəsidir.
Bundan əlavə, belə bir siyasət indiki Amerika lideri Co Baydenin Obamanın imicindən seçki məqsədləri üçün fəal şəkildə istifadə etmək xəttini davam etdirir.
"Axios"a görə, Demokratlar gənc amerikalılar arasında üstünlüklərindən istifadə etmək istəyirlər.
İyulun 26-da Harris seçki kampaniyasına başlayarkən "TikTok" səhifəsini açıb. Vitse-prezident ilk videosunu iyulun 25-i axşam yayımlayıb. 11 saat ərzində videoya 4,9 milyon baxış, 1,2 milyon bəyənmə və 71 mindən çox şərh gəlib.
Bu arada, Kamala Harris rekord - 6% dəstəklə Donald Trampı qabaqlayır. Bunu "Morning Consult" sorğusunun məlumatları sübut edir.
Respondentlərin 51%-i Harrisə səs vermək niyyətində olduqlarını bildirib. Trampı respondentlərin 45%-i dəstəkləyib. Eyni zamanda, bu faiz yalnız seçkiyə getmək niyyətində olan sorğu iştirakçılarının sayından hesablanıb. Sorğuda ümumilikdə 11 022 ehtimal seçici iştirak edib.
Bu ilin ilk 8 ayı ərzində Azərbaycan vətəndaşları Türkiyədən 517 mənzil satın alıblar.
Yeniavaz.com Türkiyə Statistika Xidmətindən açıqlanan məlumatlara istinadən bildirir ki, azərbaycanlılar ötən ay – avqust ayında Türkiyədən 90 mənzil alıblar.
Müqayisə üçün bildirək ki, ötən ilin avqust ayında Azərbaycan vətəndaşları Türkiyədən 75 mənzil satın alıblar.
Qeyd edək ki, son ildə 10 ildə Azərbaycan vətəndaşları Türkiyədən ümumilkdə 10 min 283 mənzil alıblar:
2015-ci il – 815 mənzil;
2016-cı il – 610 mənzil;
2017-ci il – 942 mənzil;
2018-ci il – 1 250 mənzil;
2019-cu il – 1 191 mənzil;
2020-ci il – 1 279 mənzil;
2021-ci il – 1 517 mənzil;
2022-ci il –1 330 mənzil;
2023-ci il – 832 mənzil;
2024-cü ilin yanvar-avqust ayları – 517.
Onu da bildirək ki, bu ilin ilk 8 ayı ərzində Türkiyədən ən çox Rusiya (3 289 mənzil), İran (1 392 mənzil), Ukrayna (1 057 mənzil), Almaniya (802 mənzil), İraq (748 mənzil) və Qazaxıstan (692 mənzil) vətəndaşları ev alıb.
Ötən illə müqayisədə Türkiyədən ev alan Rusiya vətəndaşlarının sayı kəskin azalıb. Müqayisə üçün bildirək ki, ötən ilin ilk 8 ayı ərzində Rusiya vətəndaşları Türkiyədən 7 min 961 mənzil alıb. Ötən ilin avqust ayında ruslar Türkiyədən 733 mənzil aldıqları halda bu ilin iyun ayında 381 mənzil alıblar.
İran dövlət televiziyasının "Üfüq" kanalının aparıcısı Hüseyn Hüseyni işdən çıxarılıb.
Bu barədə "Azad İran" "Telegram" kanalı xəbər yayıb.
Məlumata görə, ermənipərəst və qatı anti-Azərbaycan mövqeli ekspert Ehsan Movəhhedianın da iştirak etdiyi verilişdə iranlı aparıcı Azərbaycan dövlətini həyasızcasına "Şimali Azərbaycan" adlandırıb.
Eyni zamanda, o, Azərbaycanın İranın "keçmiş əziz parçası" olduğunu dilə gətirərək deyib ki, inşallah, tezliklə Azərbaycan İrana birləşər.
Xatırladaq ki, riyakar iranlı aparıcı daha öncə efirdə Azərbaycan telekanalının aparıcısının sözlərini ikiüzlülüklə tənqid edərək demişdi: "azərbaycanlı aparıcı bilməlidir ki, İran hökuməti istəsə, tezliklə dövlət televiziyasında Azərbaycanın hava xəbərlərini yayımlayarıq!"
Kremlin sözçüsü deyib ki, kampaniya ərəfəsində ölkədə sabitliyin pozulması ABŞ seçkilərinə təsir edə bilər.
Rusiya ABŞ-ın daxili siyasi proseslərinə əvvəllər qarışmayıb və indi də qarışmır. Bunu Rusiya prezidentinin mətbuat katibi Dmitri Peskov bildirib.
"Bu bizim işimiz deyil, amma biz, əlbəttə ki, ABŞ-dan gələn məlumatları diqqətlə izləyirik, orada siyasi rəqiblər arasında siyasi mübarizənin nə qədər gərgin olduğunu görürük", Kremlin sözçüsü deyib.
Peskov deyib: "Biz baş verənləri yaxından izləyirik, lakin heç vaxt buna heç bir şəkildə müdaxilə etməmişik və indi də müdaxilə etmirik. Kampaniya ərəfəsində ölkədə sabitliyin pozulması ABŞ seçkilərinə təsir edə bilər".
Atışma bazar günü Trampın olduğu Florida ştatında qolf klubunda baş verib. Hüquq-mühafizə orqanlarının məlumatına görə, Məxfi Xidmət əməkdaşları kolların arasında gizlənən şəxsə atəş açıblar. Həmin şəxs qaçaraq avtomobillə minməyə çalışsa da, saxlanılıb. Onun göründüyü yerdə optik nişangahlı AK-47 avtomat tüfəngi, iki kürək çantası və GoPro aksiyon kamerası aşkar edilib. FTB istintaqa qoşulub, Amerika səlahiyyətliləri hadisəni Trampa sui-qəsd cəhdi kimi qiymətləndirir.
Gürcüstan-Rusiya sərhədi bağlanacaq.
APA-nın Tbilisi bürosu xəbər verir ki, bu barədə Gürcüstan Maliyyə Nazirliyinin Gəlirlər Xidmətinin mətbuat xidməti məlumat yayıb.
Bildirilib ki, Gürcüstanın Rusiya Federasiyası ilə sərhədindəki buraxılış məntəqəsi yol təmiri işləri ilə əlaqədar sentyabrın 18-dən oktyabrın 2-dək Moskva vaxtı ilə saat 05:00-dan 08:00-a qədər bağlı olacaq.
Ermənistan Azərbaycanla sərhədin demarkasiyası komissiyalarının qəbul etdiyi əsasnaməni Konstitusiya Məhkəməsinə göndərib. Məhkəmənin müsbət qərarı olarsa, hökumət sənədi ratifikasiya etmək üçün parlamentə göndərəcək.
Dia-az.İnfo Publika.az-a istinadən xəbər verir ki, Azərbaycan və Ermənistan sərhədin Qazax-Tavuş istiqamətində delimitasiyası üzrə razılaşıb və komissiyalar reqlamenti təsdiqləyiblər.
19 aprel razılaşmasının əsas götürüldüyü bu razılaşmada qeyd olunur: “Tərəflər delimitasiya prosesində 1991-ci il Alma-Ata Bəyannaməsinə əsaslanacaqlarına dair razılaşıb və bunu baza prinsipi olaraq götürürlər. Əgər gələcəkdə Azərbaycan Respublikası ilə Ermənistan Respublikası arasında sülhün və dövlətlərarası münasibətlərin qurulması haqqında Sazişdə başqa cür qərara gəlinərsə, o zaman Əsasnamənin müvafiq bəndi bu Sazişlə müəyyənləşdirilmiş prinsiplərə uyğunlaşdırılacaq”.
Bu o deməkdir ki, Azərbaycan Ermənistanla sülh sazişində delimitasiya prinsiplərini dəyişdirə və 19 aprel razılaşmasının müvafiq bəndini sıradan çıxara bilər.
Bu məqam Ermənistanda yenidən müzakirələrə səbəb olub.
“Hayastan” mərkəzinin rəhbəri Karen Bekaryan bildirib ki, 7 maddədən ibarət reqlament Ermənistan üçün təhlükəlidir.
“Xüsusilə 5-ci maddə diqqət çəkir. Azərbaycan bu maddəyə əsasən istədiyi ərazilərdə delimitasiya-demarkasiya həyata keçirə bilər. Bununla yanaşı, proses başa çatmasa, həmin ərazilər demarkasiya-delimitasiya edilmiş hesab olunacaq. Bu o deməkdir ki, Ermənistan-Azərbaycan sərhədinin delimitasiya prosesi 100 il də davam edə bilər, Azərbaycan da yalnız demarkasiya etmək istədiyi ərazilərə diqqət ayıracaq. Rəsmi Bakı həm də istədiyi vaxt Alma-Ata bəyannaməsindən imtina etmək hüququnu da özündə saxlayır. Əgər Azərbaycan bu bəyannamədən imtina edərsə, Paşinyanın elan etdiyi 29743 kvadratkilometr ərazini tanımayacaq”, - o iddia edib.
Blokada şəraitində yaşayan Naxçıvan Muxtar Respublikasının uzun illərdir ki, tam həll edilməyən ciddi bir problemi var. Muxtar respublika sakinləri ilin müxtəlif dövrlərində ölkəmizin paytaxtı Bakı şəhərinə gələ bilmək üçün təyyarə bileti tapa bilmirlər.
Ədalət naminə deyək ki, bu problem bir neçə il bundan əvvəl daha dərin idi.
Naxçıvan Beynəlxalq Hava Limanı muxtar respublika Nazirlər Kabinetinin tabeliyinə verilmişdi, aeroportun sabiq direktoru da hava limanını istədiyi kimi idarə edirdi. Həm aviakassalarda, həm də hava limanında ciddi nizam-intizamsızlıq və özbaşınalıq hökm sürürdü. Naxçıvandan Bakı şəhərinə gəlmək üçün bilet almaq istəyənlərə süni manelər yaradılırdı. Hətta Milli Məclisin deputatları da Bakıdan Naxçıvana bilet tapa bilsələr də, əks istiqmətə qara bazardan bilet aldıqlarını etiraf etmişdilər.
2022-ci ilin sonunda Naxçıvanda aparılan kadr islahatlarından sonra bu sahədəki problemlərin də həlli istiqmətində ciddi addımlar atıldı.
Əvvəlcə Naxçıvan Muxtar Respublikasının ərazisində fəaliyyət göstərən aviakassalar AZAL-ın tabeliyinə verildi, bilet satışındakı pərakəndəlik, süründürməçilik aradan qaldırıldı, Naxçıvan əhalisinin təyyarə biletinə əlçatanlığı təmin edildi.
Naxçıvan Beynəxalq Hava Limanı AZAL-ın tabeliyinə verildikdən sonra limandakı nöqsanlar da tezliklə aradan qaldırıldı. Peşəkar kadrların işə cəlb edilməsi uzun illər yığılıb qalmış problemlərin qısa zamanda həllinə imkan verdi.
Əlbəttə, Naxçıvanda bu sahədə işlərin cəmi bir ilə qaydaya salınması Azərbaycan Respublikasının rəqəmsal inkişaf və nəqliyyat naziri, AZAL-ın Müşahidə Şurasının sədri Rəşad Nəbiyevin, “Azərbaycan Hava Yolları” Qapalı Səhmədar Cəmiyyətinin prezidenti Samir Rzayevin blokada şəraitində yaşayan muxtar respublikaya həssas münasibətinin nəticəsidir.
AZAL-ın adının açıqlamasını istəməyən rəsmisi əməkdaşımızla söhbətində deyib ki, Naxçıvan həm Rəqəmsal İnkişaf və Nəqliyyat Nazirliyinin, həm də AZAL-ın rəhbərliyinin gündəlik diqqətindədir. AZAL Naxıvana uçuşlara kommersiya məqsədli yanaşmır. Muxtar respublika əhalisinin rahatlığının, paytaxta gəlişinin təmin olunması məqsədilə hər gün Bakıdan Naxçıvana və əks istiqmətə 14-16 reys həyata keçirilir.
Bəs bu qədər görülən işlərə, göstərilən diqqətə baxmayaraq, Naxçıvandan Bakıya bilet tapmaq niyə müşkülə çevrilib?
Qısa bir araşdırma apardıqdan sonra öyrəndik ki, hazırda Naxçıvan Beynəlxalq Hava Limanının xidmətindən naxçıvanlılardan daha çox Türkiyədən muxtar respublikaya gəlib hava yolu vasitəsilə Bakıya qayıtmaq istəyən vətəndaşlarımız istifadə edir. Son bir ayda Bakıya qayıtmaq üçün Türkiyədən Naxçıvana 10 min nəfərdən çox Azərbaycan vətəndaşı gəlib. İraqa ziyarətə, Antalyada, Bodrumda istirahətə gedənlər ucuz olsun deyə Naxçıvan üzərindən Bakıya qayıdırlar. Bu da ciddi sərnişin sıxlığı yaradır.
AZAL yaranan problemin həlli üçün əlavə reyslər ayırıb, sərnişinlərin çoxu Bakıya daşınıb, Naxçıvan hava limanındakı sıxlıq aradan qaldırılıb. Hava yolu şikəti problemin tamamilə həlli məqsədilə əlavə tədbirər görür.
Nəzərə almaq lazımdır ki, Naxçıvan Beynəxlaq Hava Limanının gün ərzində təyyarə və sərnişin qəbulu tutumu var. Yəni AZAL istəsə də Naxçıvana bundan artıq təyyarə göndərə bilməz. Gün ərzində 14-16 reys naxçıvanlıların tələbatını tamamilə ödəyər. Ancaq digər vətəndaşlarımızın bu hava limanından istifadəsi vəziyyəti ağırlaşdırır.
Naxçıvan da Azərbaycandır, muxtar respublikadakı hava limanından istifadə etmək digər vətəndaşlarımızın haqqı, hüququdur. Ancaq Bodrumda dincələnlər ucuz olsun deyə muxtar respublikaya gəlib bilet davasına çıxanda Naxçıvan sakinləri Bakıda dünyasını dəyişən əzizinin dəfninə gedə bilmək üçün bilet tapmır axı! Onu da nəzərə almalıyıq ki, dövlət Bakıdan Naxçıvana və əks istiqamətə biletlərin alınması üçün dotasiyanı muxtar respublika əhalisi və Naxçıvana getmək istəyənlər üçün ayırır. Dövlət dotasiyanı ona görə ayırmır ki, kimsə gedib pulunu ərəbə xərcləyəndən, hansısa 5 ulduzlu oteldə istirahət edəndən sonra Naxçıvana gəlib bilet davası etsin.
İndi desək ki, Sədərk-Dilucu gömrük-keçid məntəqəsindən ancaq Naxçıvan qeydiyyatında olan vətəndaşlarımız buraxılsın, bizi linç edəcəklər. Bilirsinizmi, Naxçıvana axışan zəvvarların, turistlərin ucbatından nə qədər muxtar respublika sakini əzizinin yasına gedə bilməyib? Həkimə getmək istəyən onlarla naxçıvanlının bilet olmadığından səhhəti ağırlaşıb.
Hesab edirik ki, AZAL Naxçıvan qeydiyyatında olan vətəndaşlara üstünlük verməli, əvvəlcə onları təyyarə bileti ilə təmin etməlidir.
Görünən odur ki, bu proses davamlı olacaq. Yəni Türkiyədən gəlib Naxçıvan üzrindən Bakıya qayıtmaq istəyən Azərbaycan vətəndaşlarının sayı artacaq. Bu da muxtar respublika sakinlərinin paytaxt Bakı ilə əlaqələrini çətinləşdirəcək, Naxçıvanın blokada vəziyyətini ağırlaşdıracaq.
Ona görə də aidiyyəti dövlət orqanları problemin həlli məqsədilə təcili tədbirlər görməlidir.
ABŞ-nin xəxfi xidmətinin əməkdaşı Respublikaçılar Partiyasından prezidentliyə namizəd Donald Trampın yanında olan silahlı şəxsə atəş açıb.
Oxu.Az xəbər verir ki, bu barədə "The New York Post" mənbələrə istinadən xəbər yayıb.
Məlumata görə, məxfi xidmətin əməkdaşı "Palm Beach" (Florida ştatı) qolf klubunda şübhəli kişini görüb və silaha bənzəyən əşyanı gördükdən sonra atəş açıb. Bundan sonra şübhəli şəxs yerli polis tərəfindən saxlanılıb.
ABŞ-nin sabiq prezidenti Donald Trampın olduğu Florida ştatında, qolf klubunun yanında atəş açan silahlı şəxs sabiq dövlət başçısına hücum etməyi planlaşdırıb. Bu barədə isə CNN mənbələrə istinadən bildirib.
"Rəsmilər silahlı şəxsin Trampa hücum etmək niyyətində olduğunu güman edirlər", - telekanal əlavə edib.
Qərb ölkələri öz komfort zonalarını tərk etmək istəmirlər və buna görə də Rusiyanın hərəkətlərinə reaksiya verməkdə geri qalırlar.
Qaynarinfo RBC-ya istinadən xəbər verir ki, bunu Yalta Avropa Strategiyası forumunda Finlandiyanın keçmiş baş naziri Sanna Marin deyib.
O, Qərbi isti suda oturan qurbağa ilə müqayisə edib:
"Hazırda su sadəcə istidir və biz bunu bəyənirik. Biz Çinlə ticarət etməyi və dəyərləri bizdən uzaq olan ölkələrlə əlaqələr qurmağı sevirik. Və temperaturun getdikcə artdığını başa düşmək istəmirik".
Sanna Marin 2019-2023-cü illərdə Finlandiyanın baş naziri olub.
“Akkuyu” Atom Elektrik Stansiyası (AES) layihəsi Qərbin sanksiyalarının mənfi təsirinə baxmayaraq həyata keçiriləcək”.
Bu barədə “Posta” qəzetinə müsahibəsində Rusiyanın Ankaradakı səfiri Aleksey Yerxov deyib.
“Qərbin birtərəfli qeyri-qanuni sanksiyaları, təəssüf ki, ölkənizin (Türkiyə - Qeyd) enerji təhlükəsizliyinin möhkəmləndirilməsində mühüm elementə çevrilmək üçün nəzərdə tutulan layihənin sürətinə və müddətinə mənfi təsir göstərir. Amma nə olursa olsun, sizi əmin etmək istəyirəm ki, layihə həyata keçiriləcək və Türkiyə uzun illər davamlı ekoloji cəhətdən təmiz elektrik enerjisi mənbəyinə çıxış əldə edəcək”, - deyə səfir bildirib.
Xatırladaq ki, sentyabrın 11-də Türkiyənin energetika və təbii sərvətlər naziri Alparslan Bayraktar “Akkuyu” AES-in avadanlıq təchizatında yaranan problemlərə görə Ankaranın Almaniyanın “Siemens” şirkətinə qarşı tədbir görəcəyini bildirmişdi.
Qeyd edək ki, “Akkuyu” Türkiyədə tikilməkdə olan ilk AES-dir. Layihə Rusiya Federasiyası ilə Türkiyə arasında 2010-cu il mayın 12-də imzalanmış əməkdaşlıq haqqında hökumətlərarası saziş əsasında həyata keçirilir. “Akkuyu” Atom Elektrik Stansiyasının ilk enerji blokunun 2025-ci ildə istifadəyə verilməsi planlaşdırılır.