Zimbabvedə uzun sürən quraqlığın yaratdığı qida çatışmazlığı 200 filin məhvinə səbəb ola bilər.

APA “The Guardian“a istinadən xəbər verir ki, bu barədə ölkənin ətraf mühitin mühafizəsi naziri Sitembiso Nioni məlumat yayıb.

Bildirilib ki, hakimiyyət bu cür tədbirləri sonuncu dəfə 1988-ci ildə həyata keçirib.

Cənubi Afrika Respublikasının vitse-prezidenti 62 yaşlı Pol Maşatil ölkənin şimalında tribunada çıxışı zamanı huşunu itirərək yıxılıb.

“Report” xəbər verir ki, bu barədə yerli SABC radiostansiyası məlumat yayıb.

Vitse-prezident Limpopo əyalətinin Valoyi kəndinin mədəniyyət mərkəzində keçirilən mərasimdə iştirak edirmiş. Öz növbəsində vitse-prezidentin mətbuat katibi Keyt Xoza bildirib ki, Maşatil həkimlər tərəfindən müayinə olunub.

Belə ki, vitse-prezidentə lazımi yardım göstərilib və hazırda özünü yaxşı hiss edir. O əlavə edib ki, Maşatilin xəstəxanaya yerləşdirilməsinə ehtiyac olmayıb.

ABŞ-ın Azərbaycandakı səfirliyi “Haqqin.az” saytının rəhbəri, tanınmış jurnalist Eynulla Fətullayevə viza verməkdən imtina edib. Jurnalist payızda ABŞ-də keçiriləcək prezident seçkilərini işıqlandırmaq üçün Vaşinqtona və Nyu-Yorka səfər etmək niyyətinə olduğunu bildirib.

“Səfirlik birdən 2007-ci ildə həbs olunduğumu xatırladı və məhkəmə hökmlərini tələb etdi. Bu olduqca gözlənilməz oldu, çünki həbsdə olarkən ABŞ və Qərb hökumətləri məni siyasi məhbus kimi tanıdılar. Onların qısa yaddaşı mənim üçün tamamilə sürpriz oldu. Mən məhkəmə hökmlərimi, həmçinin Avropa Məhkəməsinin və Azərbaycan Ali Məhkəməsinin bəraət qərarlarını onlara təqdim etdim. Axı mən Azərbaycanda və Strasburqda tamamilə bəraət aldım, mənə qarşı bütün ittihamlar götürüldü”, - jurnalist bildirib.

E. Fətullayev iddia edib ki, səfirliyə sonuncu dəfə müraciət edərkən ona qarşı hörmətsizlik və hətta təhqiramiz rəftar ediblər.

“Məni ABŞ səfirliyinin ərazisinə buraxmadılar, məhkəmə hökmlərini götürdülər amma nədənsə pasportumu unutdular. Gülməlidir, çünki onlar 20 il əvvəlki məhkəmə hökmünə yox, pasporta möhür vururIar!” – jurnalist qeyd edib.

“Amerikalıların mesajını başa düşdüm: biz Ukraynanı deyil, Vladimir Putini dəstəkləməliyik. Mesaj alındı! Vladimir Vladimiroviçi dəstəkləyəcəm. Və mən Rusiyadan üzr istəyirəm”, – E.Fətullayevin bəyanatında deyilir.

Aİ hazırda Rusiyanın sanksiyalardan yayınmasının qarşısını almaq üçün alətlər hazırlayır.
TEREF Valyuta.az-a istinadən xəbər verir ki, bu barədə Avropa Komissiyasının sözçüsü Arianna Podesta cümə axşamı, sentyabrın 12-də keçirdiyi brifinqdə məlumat verib.
Jurnalistin konkret şirkətlərə və gəmilərə qarşı sanksiyaların nəzərdə tutulub-tutulmadığını, Rusiyanın qeyri-qanuni neft ticarətindən ayda 18-19 milyard avro qazandığını, 600-ə yaxın “kölgə donanması” tankerinin cəlb etməklə 60 dollarlıq “qiymət tavanı”na məhəl qoymadığını soruşduqda, o, AB-nin indi yeni sanksiya alətləri üzərində işlədiyini qeyd edib.
“Sanksiyalar davam edən prosesdir, çünki Rusiya daim sanksiyalardan yan keçməyə çalışıb və buna görə də bu cür yayınma manevrlərini aradan qaldırmaq üçün zamanla bizim sanksiyalar paketimiz dəyişib. Mən bilirəm ki, bu proses müxtəlif mərhələlərdə davam edir”, deyə o əlavə edib.
“Bloomberg”in məlumatına görə, az tanınan, o cümlədən bir ildən az əvvəl yaradılmış şirkətlər Rusiyadan gündə təxminən 1,5 milyon barel neft ixracında iştirak edir.
Onlardan ən əsası arxasında Azərbaycan vətəndaşı Tahir Qarayevin durduğu “Coral Energy” şirkətidir. Avqustun sonunda məlum olub ki, şirkət rəhbərliyi tərəfindən səhmlərin geri alınması başa çatdıqdan sonra “Coral Energy Group” adının “2Rivers Group”a dəyişdiyini elan edib. 2022-2023-cü illərdə “CoraI Energy” Qərb mediası nəşrlərində Rusiya neft və neft məhsullarının satışı üzrə ən güclü operatorlardan biri kimi görünüb.
Sirli “Coral Energy korporasiyasına gəlincə, milyardlarla dollar dövriyyəsi olan şirkət və onun azərbaycanlı sahibi haqqında açıq mənbələrdə çox az məlumat var. Yalnız məlumdur ki, 43 yaşlı Qarayev Oksford məzunudur və 2010-cu ildə Dubayda şirkətini təsis edib. Şirkətin Cenevrə və Sinqapurda ofisləri var. O da məlumdur ki, Tahir Qarayev əsasən Moskvada yaşayır, lakin tez-tez Dubay və Cenevrədə olur

“Energy Intelligence”nin 2022-ci ilin iyununda dərc etdiyi araşdırmadan belə məlum olur ki, Tahir Qarayevin şirkəti kölgədə qalmağa üstünlük verir. Dünya mediasına sızan kifayət qədər az məlumat bu qurumun əvvəllər Rusiyanın dövlət neft konserni “Rosnef”lə əməkdaşlıq etdiyi qənaətinə gəlməyə imkan verir. Həmçinin məlum olub ki, “Coral Energy” hazırda Türkiyə, Saharaaltı Afrika və dünyanın digər regionlarında ticarət edir. Korporativ sənədlərə əsasən, “Coral Energy” 100 faiz Azərbaycan vətəndaşı Tahir Qarayevin təsis etdiyi Dubayda yerləşən “Vetus Investments” şirkətinə məxsusdur.
Yada salaq ki, Vaşinqton və London öz məlumatlarına əsasən, İrandan Rusiya Federasiyasına hərbi nəqliyyatda iştirak edən şəxslər və şirkətlərə məhdudiyyətlər qoyub. Böyük Britaniya Rusiya Aerokosmik Qüvvələrinə qarşı sanksiyalar tətbiq edib.
ABŞ Dövlət Departamentinin press-relizində qeyd edildiyi kimi, bu şirkətlər “Rusiya Federasiyasının iqtisadiyyatının dəniz sektorunda fəaliyyət göstərib və ya fəaliyyət göstərirlər”. ABŞ səlahiyyətlilərinə görə, “Vafa Wholesale Ltd” İranın PUA ilə əlaqəli avadanlıqlarını Xəzər dənizi vasitəsilə İrandan Rusiyaya daşıyan gəmilərə sahibdir.
Konkret olaraq, söhbət ABŞ-ın da sanksiyalarına məruz qalan “Vəfa” və “Vəfa-1” gəmilərindən gedir. “Sea River Service” Məhdud Məsuliyyətli Cəmiyyətinə məxsus gəmilər arasında “Omski-103”, “Omski-119” və “Zakamsk” gəmilərinə məhdudiyyətlər qoyulub. ABŞ səlahiyyətlilərinə görə, “Omski-103” gəmisi digər şeylərlə yanaşı, 2024-cü ilin fevralında Xəzər dənizi vasitəsilə İrandan Rusiyaya sursat daşıyıb. Tətbiq olunan sanksiyalara görə yuxarıda adı çəkilən şirkətlərin ABŞ-dakı və ya ABŞ vətəndaşlarının əlində olan bütün əmlakları dondurulub. Dövlət Departamenti qeyd edir ki, bu barədə ABŞ Maliyyə Nazirliyinin Xarici Aktivlərə Nəzarət Ofisi (OFAC) məlumatlandırılmalıdır.
Sentyabrın 10-da Böyük Britaniya Rusiyanın “Skif-V”, “Omski-103”, “Musa Cəlil”, “Baltiyski” və “Begey” gəmilərinə qarşı sanksiyalar elan edib. Böyük Britaniya hökumətinin saytında qeyd edildiyi kimi, bu gəmilər İrandan Rusiyaya hərbi yüklərin daşınmasında iştirak edir.

Oktyabrın 1-dək NATO-nun Baş katibi kimi işini başa vuracaq Yens Stoltenberq Münhen Təhlükəsizlik Konfransının yeni sədri olacaq.
Bu barədə “Politico” qəzetinin Avropa nəşri mənbələrinə istinadən məlumat yayıb.

Nəşrin məlumatına görə, Stoltenberq bu vəzifəni 2025-ci ilin fevralında keçiriləcək Münhen konfransından sonra icra edəcək.

Qeyd edək ki, norveçli siyasətçi Yens Stoltenberq 1959-cu il martın 16-da Osloda anadan olub. O, 2000-2001 və 2005-2013-cü illərdə Norveçin Baş naziri olub. 2014-cü ildə isə Stoltenberq NATO-nun Baş katibi seçilib. Baş katib kimi o, alyansın müdafiə qabiliyyətinin gücləndirilməsində fəal iştirak edib. Bu proses çərçivəsində hərbi hazırlığın yüksəldilməsi, NATO-nun Avropa üzvləri tərəfindən müdafiə xərclərinin artırılması, eləcə də bölgəyə əlavə qüvvələrin yerləşdirilməsi üzrə tədbirlər həyata keçirilib. Stoltenberqin rəhbərliyi dövründə Monteneqro NATO-nun 29-cu üzvü olub, üstəlik, o, Gürcüstan və Ukraynanın alyansa qoşulmaq istəyini də dəstəkləyib.

Müasir aviasiyada bahalı təyyarələr yalnız bir nəqliyyat vasitəsi kimi deyil, həm də göydə uçan saraylar kimi təsvir olunur.

İqtisadiyyat.az xəbər verir ki, bu təyyarədə keçən hər anı zövqə çevirən lüks imkanlar və innovativ texnologiyalarla təchiz edilib.

Dünyanın ən zəngin iş adamlarından və hökumət liderlərindən tutmuş kral ailələrinə qədər bir çox insan bu inanılmaz təyyarələrə sahibdir. 2024-cü ildə dünyanın ən bahalı təyyarələri siyahısında yer alan modellər yalnız qiymətləri ilə deyil, həm də onların təklif etdiyi unikal dizayn, rahatlıq və təhlükəsizliklə fərqlənir.

Ən bahalı sərnişin təyyarələrinin siyahısı belədir:

Air Force One – 660 milyon dollar: ABŞ prezidentinə aid bu təyyarə dünyadakı ən bahalı təyyarədir. Onun daxilində prezidentin iş otağı, tibb mərkəzi və digər lüks imkanlar mövcuddur.

Airbus A380 – 600 milyon dollar: Dünyanın ən böyük sərnişin təyyarəsi olan Airbus A380, xüsusilə Şahzadə Alvəlid bin Təllal üçün "uçan saray" olaraq adlandırılır.

Airbus A340-300 – 500 milyon dollar: Bu təyyarə Rusiya milyarderi Əlişir Usmanova məxsusdur və lüks interyerlərlə təchiz olunub.

Boeing 747-8 VIP – 367 milyon dollar: Bu təyyarənin sahibi bilinməsə də, lüks interyerləri və böyük sahəsi ilə seçilir.

Airbus ACJ350 Custom – 366 milyon dollar: Bu təyyarə göydə ev kimi dizayn edilib və interyer dizaynı üçün əlavə milyonlar xərclənib.

“Microsoft”un qurucusu amerikalı milyarder Bill Qeyts "gecələr yuxusunu qaçıran iki böyük fəlakət" ssenarisini açıqlayıb.

“Sherg.az” xəbər verir ki, Amerikalı iş adamı son bir neçə onillikdə ictimaiyyəti gözlənilən iqlim fəlakətlərindən tutmuş dağıdıcı kiberhücumlara qədər böyük fəlakətlər barədə xəbərdar edib.

“CNBC Make It”-ə verdiyi son açıqlamasında Qeyts ən çox qorxduğu ssenarilərə toxunub və "Bugünkü dünyada çox iğtişaşlar "böyük müharibəyə" səbəb ola bilər" deyib və belə davam edib:

“Əgər böyük müharibədən qaçsaq… Sonra, bəli, yəqin ki, növbəti 25 ildə başqa bir pandemiya olacaq.”

Çıxışında ABŞ-ı da tənqid edən Qeyts, "Dünyanın liderlik edəcəyini və model olmasını gözlədiyi ölkə bu gözləntilərdən geri qaldı" deyə vurğulayıb.

Alimlər pandemiyaları zamanla mümkün, hətta qaçılmaz reallıqlar kimi görürlər. Araşdırmalar pandemiyaların iqlim dəyişikliyi və əhali artımı kimi faktorlara görə daha çox yayıla biləcəyini bildirir.

Amerikalı milyarder 2022-ci ildə "Növbəti pandemiyanın qarşısını necə ala bilərik" adlı kitab yazdı və ABŞ da daxil olmaqla müxtəlif hökumətləri 2020-ci ildə kifayət qədər hazırlıqlı olmadıqlarına görə tənqid etdi.

Qeyts həmçinin kitabda dünya ölkələri üçün daha güclü karantin siyasətləri, xəstəliklərə nəzarətə sərmayə qoyuluşu və peyvənd tədqiqatı və inkişafının artırılması da daxil olmaqla bir sıra tövsiyələr təklif edib. Qeytsin COVID-19 pandemiyasından əvvəl oxşar məsələlərlə bağlı xəbərdarlığı onun uzun müddət sui-qəsd nəzəriyyəçilərinin radarında olmasına səbəb olub.