 |
|
|
Naməlum şəxs Moskvada “Alıye parusa” (Al yelkənlər) yaşayış kompleksinin foyesində quraşdırılan partlayıcı qurğunu Armen Sərkisyanın meydana çıxmasını gözləyib, uzaqdan işə salıb.
Axar.az xəbər verir ki, bu barədə TASS hüquq-mühafizə orqanlarına istinadla məlumat yayıb.
“Dəhlizdəki divanda əvvəlcədən yerləşdirilən partlayıcı qurğu uzaqdan işə salınıb. Çox güman ki, Sərkisyanı kənardan izləyiblər. O, dəhlizə çıxanda bomba işə düşüb", - agentliyin mənbəsi bildirib.
Onun sözlərinə görə, hazırda təhlükəsizlik qüvvələri yaşayış kompleksində və onun ətrafında kimin olduğunu müəyyən etmək üçün videokamera qeydlərini öyrənirlər.
Qeyd edək ki, Moskvanın şimal-qərbindəki 29 mərtəbəli yaşayış kompleksində bu gün baş verən partlayışda Armen Sərkisyan və mühafizəçisi ölüb.
Sərkisyan Ukraynada döyüşən “Arbat” (erməni batalyonu - red.) batalyonunun yaradıcısı, "dxr"in "boks federasiyası"nın “prezidenti”dir. O, Ukraynaya qarşı savaş üçün Donetsk, Luqansk, Zaporojye və Xerson vilayətlərinin müvəqqəti işğal olunmuş ərazilərində məhbuslar arasından qanunsuz silahlı birləşmələr yaratmağa kömək edib.
Onu Ukrayna kəşfiyyatının məhv etdiyi ehtimal edilir.
Azərbaycan hüquq-mühafizə orqanlarının əməkdaşları "Rossotrudniçestvo"nun Bakıdakı "Rus Evi"nin binasını nəzarətə götürüblər və bununla bağlı müşahidə kameraları quraşdırılıb. Binaya əməliyyat nəzarəti həyata keçirilir.
TNS xəbər verir ki, bu barədə "Minval" məlumat yayıb.
Bildirilir ki, "Rus Evi"nin Azərbaycanda hələ də lazımi qeydiyyatı yoxdur. Ötən gün "Rus Evi" fevral ayı üçün tədbirlər planını dərc edib və bu planda, ehtimal ki, Xocalı soyqırımının ildönümü qeyd olunmayıb.
Halbuki Azərbaycanda rəsmi qeydiyyatı olmayan təşkilat ölkə ərazisində qanuni fəaliyyət göstərə bilməz. Diplomatların ekstraterritoriallıqla bağlı sevimli arqumentinin bununla heç bir əlaqəsi yoxdur - "Rus evi" Rusiya diplomatik missiyasının ərazisində yerləşmir. Təkcə bu fakt onu bağlamaq üçün ciddi səbəbdir.
Rəsmi olaraq "humanitar layihələr" və "yumşaq güc"lə məşğul olsa da, əslində "Rus Evi"nin fəaliyyəti ilə bağlı da ciddi suallar yaranır.
"Rossotrudniçestvo"ya 1990-cı il yanvarın 20-də Bakıda cəza əməliyyatının və dinc əhalinin kütləvi qırğınının təşkilatçılarından biri olmuş Yevgeni Primakovun nəvəsi kiçik Yevgeni Primakov rəhbərlik edir. Hazırda "Rossotrudniçestvo" çətiri altında hansı anti-Azərbaycan təxribatlarının həyata keçirildiyi barədə dəfələrlə məlumat verilib. Odur ki USAİD-lə olduğu kimi, "Rus Evi"nin və "Rossotrudniçestvo"nun Azərbaycandakı fəaliyyəti də dayandırılmalıdır.
Biz Rusiya ilə mehriban qonşuluq münasibətlərinin tərəfdarıyıq, lakin bu, təxribatçılar üçün əlverişli iş rejiminin təmin edilməsi demək deyil.
Donald Tramp administrasiyası sərt qərarları ilə dünya gündəminə səs salmaqdadır. Yeni hökumət bu dəfə ölkənin imicinə çox pis təsir edən ABŞ Beynəlxalq İnkişaf Agentliyinin (USAID) ləğv prosesinə başlayıb. Artıq agentliyin rəsmi veb-saytının fəaliyyəti dayandırılıb və hazırda əlçatan deyil.
Bundan əvvəl ABŞ Dövlət İdarəetməsinin Səmərəliliyi Departamentini (DOGE) idarə edən İlon Mask "X" sosial şəbəkəsində paylaşımında bəyan edib ki, artıq USAID-in ləğvi prosesindədirlər: “USAID bərpa oluna bilməz”.
Ötən həftə administrasiya ABŞ-nin xarici yardımlarını dondurub. Mask USAID agentliyini Çin laboratoriyasını maliyyələşdirməkdə ittiham edib. Amerikada iddia edilir ki, koronavirus məhz bu laboratoriyadan yayılıb.
İlon Mask bunlarla bağlı müvafiq bəyanatları öz "X" hesabında dərc edib.
Bildirilib ki, Tramp hökuməti dünya miqyasında göstərilən on milyardlarla dollar həcmində yardımı dayandırmaqda israrlıdır.
Donald Trampın elan etdiyi "Amerika hər şeydən əvvəl" xəttini həyata keçirməkdə israrlıdır və bu strategiyasını həyata keçirmək üçün USAID-dən başlayıb. 100-dən çox ölkədə fəaliyyət göstərən təşkilat 50 milyard dollardan çox büdcəyə malikdir. Bu təşkilat dünyada, xüsusilə postsovet məkanında müstəqil xarici siyasət yürüdən dövlətlərin daxili işlərinə qarışması, inqilablara sponsorluq etməsi ilə tanınıb.
Agentlik Cənubi Qafqazda da bu siyasətini yeritməyə çalışıb. Qonşu Gürcüstanda baş tutmayan inqilab ssenarisində də bu təşkilatın xüsusi rolu olub. Tbilisi hakimiyyəti son açıqlamalarda bunu rəsmən təsdiqləyib.
"USAID Gürcüstan-ABŞ dostluğunu gücləndirmək əvəzinə, hələ də düzəldilməyən bəzi ciddi səhvlərə yol verib". Bunu Gürcüstan parlamentinin sədri Şalva Papuaşvili "X"də USAID-in ölkədəki fəaliyyəti ilə bağlı tənqidi paylaşımında qeyd edib.
O vurğulayıb ki, şəxsən özü ABŞ Konqresini qəsdən edilmiş bu səhvləri araşdırmağa çağırıb, lakin heç bir nəticə əldə olunmayıb. Parlament sədri, xüsusilə, 2020-ci ildə keçirilən seçkilərdən sonra baş verən hadisələri xatırladaraq deyib ki, USAID tərəfindən maliyyələşdirilən ISFED adlı "QHT NDI" proqram təminatından istifadə edərək saxta nəticələr yayıb və seçkilərin saxtalaşdırıldığını iddia edib. Lakin sonradan "Gürcü Arzusu" Partiyası saxtakarlığı ifşa edib və ISFED də bunu etiraf edib.
Papuaşvili iddia edib ki, USAID-in yerli nümayəndəsi Adam Şmidt ISFED məlumatlarının audit edildiyini və heç bir səhvin olmadığını deyərək həm Gürcüstan hökumətini, həm də xalqı aldadıb. O, həmçinin həmin dövrdə ABŞ-nin Gürcüstandakı səfirini də ittiham edərək səfirin böyük ehtimalla məsələdən xəbərdar olmasına baxmayaraq, susduğunu bildirib.
USAID analoji fəaliyyətini illər öncə Azərbaycanda da həyata keçirməyə çalışıb, lakin cəhdləri baş tutmayıb. Belə ki, təşkilat müxtəlif qrant və ianələr hesabına Azərbaycanda öz planlarını reallaşdırmağa cəhd göstərib. USAİD-in ən böyük qərəzi və riyakarlığı ondadır ki, onun rəhbərləri Bakıda səfərdə olarkən Ermənistandan - tarixi torpaqlarından qovulmuş 300 minə yaxın qərbi azərbaycanlının heç biri ilə görüşməyib. Qurum onlara heç bir yardım etməyib.
Qərb siyasi institutları sırasında yer alan USAID heç vaxt Ermənistanın Azərbaycana təcavüzünü pisləməyib, bir milyondan çox qaçqının öz torpaqlarına qayıtması üçün səy göstərməyib.
1991-ci ildən USAlD "Azərbaycana dəstək" proqramlarına 450 milyon dollardan çox vəsait sərf etsə də, Gürcüstana 1,8 milyard, Ermənistana isə 1992-ci ildən bəri 3,3 milyard dollar sərmayə yatırıb. Hazırda 22 layihə üzrə İrəvana dəstək davam edir.
Hesab edirik ki, adıçəkilən təşkilata ən böyük qiyməti Prezident İlham Əliyev verib. O, 2024-cü il dekabrın 18-də “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibəsində bu məsələyə toxunub.
“Bax, onların USAID adlı strukturu var. Yardım etmək istəyir, amma nədənsə bizə lazım olan məsələdə deyil”, - deyən dövlət başçısı ardınca ümid etdiyini bildirib ki, Tramp administrasiyası onu qadağan edə bilər.
Görünür, ABŞ-nin yeni hökuməti də USAID-in nə qədər təhlükəli olduğunu anlayıb və ilk tədbirlərindən biri də onu bağlamaqdır.
Bir faktı da qeyd edək ki, USAID-in Azərbaycana qarşı qərəzi, xüsusilə, 2023-cü ildən sonra, daha dəqiq ifadə etsək, ölkə öz suverenliyini bərpa etdikdən sonra start götürdü. Keçmiş Bayden administrasiyası tərəfindən ölkəmizə qarşı heç bir əsası olmayan təzyiqlər başladı, Azərbaycanı cəzalandırmaq üçün "907-ci düzəliş" ortaya atıldı. Yəni Bayden administrasiyası Azərbaycanı yardımlardan məhrum etməklə "cəzalandırmaq" istədi.
Qeyd edək ki, USAID-in direktoru ermənipərəst Samanta Pauer adlı xanımdır. O, dəfələrlə separatçılara dəstək verməsi ilə tanınır. Bu xanım bir dəfə iddia edib ki, Azərbaycanı tərk etmiş könüllü ermənilərin sayı 100 mindən çoxdur.
Eyni zamanda, Qarabağda özünü "dövlət naziri" elan edən və hazırda Bakıda məhkəməsi keçirilən erməniəsilli rusiyalı milyarder Ruben Vardanyanın Samanta Pauerlə də sıx əlaqələri olub. Belə ki, Vardanyanın "Aurora" təşkilatının təsis etdiyi mükafatlardan biri məhz Samanta Pauerə verilib. Bu mükafat isə sadəcə çərçivələnmiş diplom demək deyil. Laureat 1 milyon dollar məbləğində qrant alır. Samanta Pauerin rus casus Vardanyanla bu qədər yaxın əlaqəsi ağıla başqa şübhələr də gətirir. Görünür, ABŞ prokurorluğu hesab edir ki, senator Bob Menendez (korrupsiya və rüşvətxorluqda ittiham olunaraq həbs edilib - red.) kimi, Samanta Pauerə də diqqət yönəldilməsinin vaxtı çatıb, hətta keçib.
Azərbaycan da dəfələrlə USAID-lə bağlı rəsmi səviyyədə narazılığını ifadə edib. Məsələn, xarici işlər naziri Ceyhun Bayramov “Biz bir daha şahid olduq ki, USAID-in yardımları xoşniyyətli deyil. Ona görə də ölkəmizə qarşı qərəzli və zərərli siyasi xətt tutan USAID-in fəaliyyəti 2024-cü il iyunun 1-dən etibarən de-yure dayandırılıb”, - deyib.
Trampın böyük ehtimalla təşkilata qarşı çıxmasının mühüm səbəblərindən biri də USAİD-in adının narkotik vasitələrin satışı və becərilməsində iştirakı ilə bağlıdır. Yayılan xəbərlərə görə, USAID Əfqanıstanda heroinin yetişdirilməsinə maliyyə dəstəyi verib. Onun Soros Fondu tərəfindən maliyyələşən prokurorlar qrupuna 27 mln. dollar ayırdığı barədə mediada xəbərlər yayılıb. USAİD bu vəsaitlər müqabilində hansı vətəndaşlar və siyasətçilərin təqib olunmasına dair istiqamətlər verib.
Bundan əlavə, təşkilat bir çox beynəlxalq media qruplarına böyük maliyyə dəstəyi verməklə müstəqil siyasət yürüdən dövlətlər barədə “müstəqil araşdırmalar” sifariş verməsi və beynəlxalq dezinformasiya kampaniyaları təşkil etməsi ilə yadda qalıb.
Məlumat üçün bildirək ki, 1970-ci illərdə ABŞ-də dünyada media orqanlarının gücləndirilməsi və maliyyələşdirilməsi işi Mərkəzi Kəşfiyyat İdarəsindən (MKİ) USAİD-ə keçib və bu günə qədər bu praktika davam edir. USAİD hələ də ələ keçirdiyi media qurumlarını saxlamaq və genişləndirmək üçün hər il milyardlarla dollar xərcləyir. USAİD Nyu-Yorkun meri və prezident Donald Trampın kibertəhlükəsizlik üzrə keçmiş müşaviri R.Culianiyə qarşı kompromat tapılması üçün Mütəşəkkil Cinayətkarlıq və Korrupsiyaya dair Hesabat Layihəsinə (OCCRP) 20 mln. dollar qonorar vermişdi. Bu ifşa, həmçinin OCCRP-nin jurnalist araşdırmalarının nə dərəcədə “ciddi” və “müstəqil” olduğunu nümayiş etdirir.
Təşkilat, həmçinin hökumətləri devirmək üçün Latın Amerikasında QİÇS-in qarşısının alınması üzrə saxta seminarlar təşkil edib.
Bundan əlavə, USAID-in Çinin Uhan şəhərində koronavirus tədqiqatlarını maliyyələşdirməsi barədə də xəbərlər var.
Beləliklə, Tramp administrasiyası bədnam USAlD-in təkcə dünya deyil, ölkəsi üçün də necə bir təhlükə olduğunu başa düşüb və onun fəaliyyətinə xitam vermək, yaxud nəzarət altına almaq qərarı verib. Bu baxımdan, Prezident İlham Əliyevin sözügedən təşkilatla bağlı səsləndirdiyi tarixi proqnoz özünü doğruldub.
Report.az
İranda Azərbaycan türklərinin milli-mədəni, qanuni hüquqlarının təmin olunmadığı ən yüksək səviyyələrdə belə etiraf edilir. İran Prezidenti Məsud Pezeşkianın seçkiqabağı təşviqat kampaniyasında bu məsələyə diqqət yetirilməsi, azərbaycanlı seçicilərin prosesdə fəallığının artırılması kimi faktlar bunu təsdiqləyir.
Ölkədə sərbəst toplaşmaq haqqında qanuna tətbiq edilən məhdudiyyətlər də türklərin milli-mədəni hüquqlarının təmin olunmaması ilə bağlı etirazlarını bildirməsinə problemlər yaradır.
Güney Azərbaycan cəmiyyəti çıxış yolu kimi idman oyunları zamanı müxtəlif şüarlarla istəklərini bəyan edirlər. Məsələn, Güney Azərbaycanın Urmiya şəhərində “Durnalar yuvası” idman kompleksində voleybol yarışmasında yerli “Şahridari Urmiya” və İsfahanın “Giti Pasand” komandaları arasında voleybol oyununa qatılan güneyli xanımlar da milli şüarlar səsləndiriblər. Belə oyunlarında “Türk dilində mədrəsə olmalıdır hər kəsə!”; “Azərbaycan var olsun, istəməyən kor olsun!”; “Bura (Urmiya - nəzərdə tutulur red.) Türkdür, Türk!”; “Urmiya türkündür, türkün də qalacaq!”, “Şəhidlər ölməz, vətən bölünməz!” və s. sloqanları nümayiş olunur və ya səsləndirilir.
Güney Azərbaycan türklərinin qanuni milli-mədəni hüquqlarının təmini ilə bağlı şüarlar Təbrizin “Traktorsazi” (tərəfdarları ona “Qızıl qurd”, yaxud “Qırmızı qurd” da deyirlər) futbol komandasının oyunlarında da yuxarıdakılarla yanaşı, “Haray, haray, mən türkəm!”, “Yaşa, yaşa, Azərbaycan!”, "Urmu gölü səslənir, susuzam, haray, haray!” kimi şüarlar səslənir.
Oyunlarının nəticəsindən asılı olmayaraq, tərəfdarları komandanı daim alqışlayır, ona sadiqliklərini nümayiş etdirirlər. “Traktor”çuların belə davranışı şovinist düşüncəlilərin xoşuna gəlmir. Onlar hakimiyyətdəki bu siyasi-ideologiyanın daşıyıcılarına güvənərək, hətta ola bilsin, onların tapşırığı ilə güney azərbaycanlıları aşağılayır, onlara hücum edirlər.
Yanvarın 26-da İran çempionatında 17-ci turun oyununda “Qızıl qurdlar” əzəli rəqiblərinin - Tehranın “Persepolis” klubunun qonağı olublar. Qarşılaşma ev sahiblərinin 2:0 hesablı qələbəsi ilə başa çatıb.
Bu məğlubiyyətdən sonra "Traktor" liderliyi əldən verərək 35 xalla ikinci pilləyə düşüb.
Qeyd edək ki, "Persepolis"in baş məşqçisi Türkiyənin tanınmış futbol mütəxəssisi İsmail Kartaldır.
Bildirilib ki, gərgin şəraitdə keçən oyun zamanı tehranlı azarkeşlər davamlı olaraq "Traktor" komandasının oyunçularına və azərbaycanlılara qarşı təhqiramiz, irqçi şüarlar səsləndiriblər.
“Persepolis”in azarkeşləri meydana yad cisimlər atıb, Təbriz təmsilçisinin tərəfdarlarına hücum ediblər və nəticədə 33 nəfər yaralanıb.
"Traktor" Klubu hadisə ilə bağlı İran Futbol Federasiyasına və məhkəməyə şikayət edib. Komandanın baş direktoru Səid Müzəffərizadə “Persepolis” azarkeşlərinin irqçi və etnik şüarlar məsələsini FİFA-nın təqib edəcəyini açıqlayıb: “Biz bütün lazımi hüquqi tədbirləri görmüşük. Bununla bağlı təcili və əsaslı tədbir görülməzsə, FİFA vasitəsilə məsələni tam qətiyyətlə davam etdirəcəyik. İrqçi və etnik şüarlar məsələsinin heç bir əsası yoxdur. Biz bununla bağlı heç bir tolerantlığı qəbul etməyəcəyik. Təcrübə göstərir ki, bir və ya iki oyunluq cəza kimi stereotip hərəkətlər problemin həlli deyil. Futbol Federasiyası bunu nəzərə almalıdır”.
O, oyunu idarə edən Cavad Xiyabanini və “Persepolis”in baş məşqçisi Kərim Baqerini azarkeşlərin türklərə qarşı şüarlar söyləməsi, irqi ayrı-seçkilik davranışına səssiz qalmasına görə də tənqid edib: “Onlar ən azından azarkeşləri xəbərdar etməli idilər”.
Baş verən şovinist, irqçi hadisəyə İran Prezidenti Məsud Pezeşkian da münasibət bildirib. O bunu “qəbuledilməz” adlandırıb. Hökumət başçısı deyib: “Tehranın “Azadi” stadionunda baş verənlər, təhqiramiz şüarlar anlaşılan deyil və qəbuledilməzdir”.
Qarışıq Azərbaycan türkcəsində çıxışı zamanı Məsud Pezeşkian vurğulayıb ki, bu kimi hallara qarşı sərt tədbir görülməsə, daha şiddətli hadisələr baş verə bilər".
O, məsələnin araşdırılması və tədbir görülməsini uyğun sahənin naziri ilə müzakirə edəcəyini və hadisənin səbəbkarlarının müəyyən edilməsi üçün ona tapışırıq verəcəyini söyləyib. Prezident İran Futbol Federasiyası İntizam Komitəsinin günahkarlara qarşı ciddi reaksiya verməsinin vacibliyini də vurğulayıb.
Əvvəllər də stadionlarda, kütləvi tədbirlərdə, kütləvi informasiya vasitələrində, hətta İran televiziya verilişlərində Azərbaycan türkləri təhqir edilib. Bu, az qala, panfarsçı düşüncə sisteminin daşıyıcıları, bir sıra İran məmurları üçün fəaliyyət növüdür, hədəfdir.
Azərbaycan türkcəsində bir məktəbi, bir sinfi belə olmayan azərbaycanlıları təhqir edən, bu işlərin təşkilatçıları olan panfarsçılar bu düşüncənin ideoloqları fars dili və ədəbiyyatının inkişafının qayğısına qalır, onu qoruyurlar.
İranda yeni tədris ilinin açılması münasibətilə Ermənistanda fars dili sinfinin açılışı olub. Tehranın bu ölkədəki səfirliyinin maliyyə yardımı ilə İrəvanın 61 saylı məktəbində “Hafiz zalı” və fars dili sinfi açılıb. Bu, İran hakimiyyətinin fars dili və ədəbiyyatının təbliği ilə bağlı ilk hadisə deyil. Oxşar tədbirlər Mərkəzi Asiyada, Rusiyada və başqa ölkələrdə həyata keçirilir.
Ancaq bu hakimiyyət Azərbaycan türkcəsinin qanuni tədrisini həyata keçirməməklə konstitusiyanın uyğun maddələrini 45 ildir pozur.
Panfarsçılar fars dilinin inkişafına və qorunmasına çox həssaslıqla yanaşırlar. Bu günlərdə İran hökumətinin sözçüsü Fatimə Mühacirani televiziya kanallarından birində ingiliscə çıxış edərək “yeni bankçılıq” sözündən istifadə edib. O, ifadənin fars dilində qarşılığının olmamasından məyusluğunu bildirib. Sözçü Fars Dili və Ədəbiyyatı Akademiyasının fəaliyyətini də tənqid edərək deyib: “Fars dilini qorumaq hamımızın borcudur. Fars dili bizim üçün sərhəd kimidir və hər vasitə ilə qorunmalıdır”.
Azərbaycan türkcəsində məktəbi qadağan edən, fars dilini ölkənin sərhədi sayan bir ölkənin televiziyasında “Traktor”a qarşı yeni məhdudiyyət tətbiq edilib. Tərəfdarları oyun zamanı "Türk dilində mədrəsə olmalıdır hər kəsə!”, "Urmu, Zəncan, Ərdəbil - Bu səs Təbrizdən gəlir" şüarlarını səsləndirkləri üçün qarşılaşma bir-iki dəqiqə gecikmə ilə yayımlanıb.
“Traktor”un tərəfdarı olan qızlar “Persepolis” tərəfdarlarının irqçi və təhqiramiz şüarlarına etiraz olaraq ağızlarını yapışqan lentlə bağlayıblar. Onlar bu davranışla Azərbaycan türklərinin fərqli bir millət olduğunu, heç bir təhqir onları fars irqçiləri səviyyəsinə endirməyəcəyini nümayiş etdirdiklərini bildiriblər.
Bundan başqa, komandanın tərəfdarları Təbrizin Sahənd stadionunda “Persepolis”lə oyunda baş verənlərə “Ana, namus - iki müqəddəs söz" pankartını qaldırmaqla etiraz ediblər.
Panfarsçı düşüncəyə görə, Azərbaycan türkcəsində məktəb olarsa, İran parçalanar. Yaxud İslam Respublikası rəhbərliyində bəziləri belə düşünürlər ki, ölkəyə xaricdən müdaxilə var. Ancaq “Pesepolis”lə oyunda baş verənlər, hökumət sözçüsünün açıqlaması xarici müdaxiləyə ehtiyac olmadığını göstərir. Bu ölkənin düşmənləri elə Tehranda “Traktor”un “Pesepolis”lə oyununda türklərə qarşı irqi ayrı-seçkilik edənlər, azərbaycanlıları təhqir edənlər, onlara hücum çəkənlərdir.
Fevralın 3-də Prezident Məsud Pezeşkian İran inqilabının 46 illiyinə həsr olunacaq tədbirlərlə bağlı müşavirədə bildirib: “Bu gün xaricdən düşmənlər tərəfindən İrana müdaxilə edilir. İranın zəiflədiyini bildirir, insanların küçələrə çıxıb ölkəyə problem yaratmasını istəyirlər. Biz xalqa xidmət etməliyik və problemi həll edə bilmiriksə, cəmiyyətə üzrxahlıq dili ilə izah etməliyik”.
Ölkəni zəiflədən xarici müdaxilə, düşmənlər deyil. Daha çox öz vətəndaşını təhqir edənlər, onların qanuni, təbii hüququnun təmin olunmasını istəyənlərə qarşı irqi-etnik ayrı-seçkilik edənlər, fars dilini türk dilindən üstün tutanlar bu düşüncənin daşıyıcılarıdır. Ölkənin belə vətəndaşları cəmiyyətin zəifləməsinə, onun parçalanmasına xidmət edirlər. İranın paytaxtı Tehranda təhqir edilən, aparteid davranışa məruz qalan türk, azərbaycanlı onu özününkü bilər? Bu düşüncə vətəndaşların mərkəzdənqaçma meyillərini gücləndirər...
Sədrəddin İsmayılov
Report
2020-ci ildə COVID-19 pandemiyası Uhandakı biolaboratoriyadan sızma ilə başladı və Amerika iqtisadiyyatına 14 trilyon dollara başa gəldi.
Bu barədə Ağ Evin ABŞ Prezidenti Donald Tramp administrasiyasının Kanada, Çin və Meksikaya qarşı ticarət tarifləri tətbiqinin səbəblərini izah etdiyi sənəddə deyilir.
"On milyonlarla insanın ölümünə səbəb olan və ABŞ iqtisadiyyatına azı 14 trilyon dollara başa gələn COVID-19 pandemiyası Çin Kommunist Partiyasının inkar etməyə davam etdiyi Çinin Uhan şəhərindəki laboratoriyada yaranıb", - Ağ Evin açıqlamasında qeyd olunur.\\“Report”
Gürcüstanda aksiya iştirakçıları paytaxtdan çıxışı qismən bağlayıblar.
Etirazçılar "Tbilisi Mall" ticarət mərkəzinin girişində toplaşıblar, lakin sonradan yol boyu yürüş keçirməyə qərar veriblər.
Onların arasında müxalifət nümayəndələri də daxil olmaqla, bir neçə yüz nəfər var.
Ticarət mərkəzinin yaxınlığında polis qüvvələri cəmləşdirilib. Etirazçılarla polis arasında toqquşma qeydə alınmayıb. Ara-sıra hökumət əleyhinə şüarlar səsləndirilir.
Gürcüstan Daxili İşlər Nazirliyi bundan əvvəl bəyanat yayaraq, Tbilisiyə girişin beynəlxalq əhəmiyyətli strateji yol olduğunu və onun bağlanmasının cinayət məsuliyyəti daşıyacağını mitinq iştirakçılarının diqqətinə çatdırıb. Bildirilir ki, ticarət mərkəzi adi rejimdə fəaliyyətini davam etdirir.
“Qərib Babayanın “Qarabağ” mahnısını oxuyanların görüntülərini paylaşdığı üçün saxlanılması ciddi siqnaldır”.
Globalinfo.az xəbər verir ki, bunu erməni türkoloq Varujan Geqamyan deyib.
Onun sözlərinə görə, həbs hadisəsi bir neçə səbəbə görə təhlükəlidir:
“Birincisi, bu, ilk növbədə, söz azadlığının məhdudlaşdırılmasıdır. İkincisi, Ermənistanda Türkiyə əleyhinə gündəmin məhdudlaşdırılmasıdır. Üçüncüsü, Ermənistanda Türkiyə və Azərbaycana zidd hərəkətləri, proqramları, addımları, təşəbbüsləri qadağan etməyə çalışırlar. Bu, ilk belə hadisə deyil, məsələn, “artsax”ın (məhv olmuş terrorçu rejim – red.) xəritəsinin Milli Assambleyanın zalından çıxarılması buna nümunədir.
Sonuncusu, bu tendensiya Türkiyə-Azərbaycan müşahidə qüvvələrinin Ermənistanda yerləşdirilməsinə qədər çatacaq. Mən şişirtmirəm. Məsələn, 1918-ci il Batum müqaviləsinə əsasən türk zabitləri ermənilərin türk qoşunlarının Ermənistanda hərəkətinə mane olmamaları üçün bütün erməni stansiyalarında və yollarında yerləşdirilməli idi. Proses ona doğru gedir”.
Türkiyə Böyük Millət Məclisinin erməni əsilli keçmiş deputatı Garo Paylanın Ermənistana səfəri müzakirələrə səbəb olub.
Globalinfo.az xəbər verir ki, iki gün əvvəl İrəvanın Malatiya-Sebastiya inzibati rayonunda yerləşən Avetisyan məktəbində rəhbərlik yuxarı sinif şagirdlərini toplayıb hazır olmalarını tapşırıb.
Məlumata görə, bu hazırlıq Garo Paylanın məktəbə gəlməsi üçün görülüb, lakin onun gedişi çox adamı narazı salıb.
Belə ki, keçmiş deputat ziyarəti müddətində türklərlə ermənilərin mütləq barışmalı olduğunu bildirib. O deyib ki, düşmən münasibətlər artıq sonlandırılmalıdır, yeni nəsil revanş düşüncəsi ilə böyüməməlidir. Çünki nəticədə ermənilə özləri zərərli çıxırlar.
Paylan şagirdlərə İkinci Qarabağ müharibəsini nümunə göstərib və orada çox sayda erməni gənclərin öldüyünü bildirib. “Sizin kimi minlərlə gənc gedib döyüşdü, amma nəticədə hamısı öldü. Dərsinizi almasanız sizi də eyni aqibət gözləyir”, – keçmiş deputat bildirib.
Həm şagirdlər, həm də müəllimlərin çox ciddi şəkildə narazı qaldığı, hətta bəzilərinin görüşə qatılmağa məcbur edildiyi bildirilir.
Qeyd edək ki, G. Paylan Azərbaycana və Türkiyə hökumətinə qarşı kəskin çıxışları ilə tanınır. O, Ermənistanın hazırkı hökuməti ilə yaxın daimi təmasdadır. Paylanın İrəvana səfərlərinin sayının artması ölkədə bir çox insanı narahat edib. O, Türkiyədə bölücü ideyologiyaları dəstəkləyir və Azərbaycana qarşı əsassız ittihamlar səsləndirir.
Qaqauz Xalq Assambleyasının sədri Yevgeniya Qutsul Kişinyov hava limanında saxlanılıb.
Axar.az xəbər verir ki, bu barədə "Birinci Moldova" telekanalı məlumat yayıb.
Y.Qutsulun saxlanılmasının səbəbi açıqlanmayıb.
Qeyd edək ki, bundan öncə də Qaqauz lideri bir neçə dəfə saxlanılıb.
“Sheba” Tibb Mərkəzinin baş kardioloqu doktor Eyal Heller İsrail Baş naziri Benyamin Netanyahu ilə Vaşinqtona uçub.
Axar.az xəbər verir ki, bu barədə “Tayms of İsrail” məlumat yayıb.
Nəşr bildirib ki, Netanyahunun ofisindən həkimin səfərinin səbəbləri barədə heç bir məlumat verilməsə də, bu, baş nazirin səhhətini - xüsusən də dekabrın sonlarında prostat əməliyyatından sonra - diqqətlə izləmək istəyini göstərə bilər.
Qrəyində problemlər olan Netanyahuya 2023-cü ildən kardiostimulyator qoşulub.
Qeyd edək ki, Netanyahu Trampla görüş üçün ABŞ-a gedib.