Eramızın 64-cü ilində böyük və əzəmətli şəhər Roma yandırılır.

Yanğın bütün şəhəri bürüyür və 7 gün davam edir. Deyilənlərə görə, şəhəri yandırmaq əmrini möhtəşəm bir tamaşadan həzz almaq arzusunda olan imperator Neron özü verib.

Bu, tarixdə, bəlkə də, miqyasına görə yeganə böyük yanğın hadisəsidir ki, ağıldankəm imperatorun arzusu ilə baş verib. Qalan bütün faciəvi yanğınlar təsadüfən, kiminsə odla ehtiyatsız davranışı nəticəsində ortaya çıxıb. Bura 1666-cı ildə baş vermiş böyük London yanğınını da aid etmək olar.

Sentyabrın 2-də gecə Londonda başlayan yanğın dörd gün davam edib. Hər şey Tomas Ferrinorun “Pudding Lane”dəki çörək sexində başlayıb. Yanğın 13 500 evi, 87 kilsəni və əksər yerli hökumət binalarını məhv edib. Hadisə nəticəsində 200 mindən çox insan evsiz qalıb. 1812-ci ildə fransızlar tərəfindən işğal olunan Moskvada başlayan yanğın güclü külək sayəsində sürətlə hər tərəfə yayılıb.

Deyilənlərə görə, şəhəri əhali qəsdən yandırıb ki, Napoleon Bonapart və ordusuna qismət olmasın. Müharibədən çıxan 2 000-ə yaxın yaralı rus əsgəri yanğında həlak olub. Moskvanın bu faciədən sonrakı bərpası isə 20 il çəkib. Elmi-texniki tərəqqiyə baxmayaraq, yanğınlar müasir dövrdə də baş verir. Yenə də bu yanğınlarda insanlar həlak olur, xəsarət alırlar. 2017-ci il iyunun 14-də gecə saatlarında Londonun Şimali Kensinqton bölgəsindəki 24 mərtəbəli “Grenfell Tower” yaşayış binasında baş verən yanğın da müasir dövrün ən dəhşətli faciələrindəndir. Yanğının söndürülməsinə 10 saata yaxın vaxt sərf olunub.

Bu hadisədə 79 nəfər dünyasını dəyişib. 2025-ci il yanvarın 21-də Türkiyənin Bolu bölgəsinin Kartalkaya xizək mərkəzindəki hoteldə başlayan yanğın tez bir zamanda bütün binaya yayılaraq faciəyə səbəb olub. Hadisə zamanı müəssisədə ümumilikdə 238 qonaq olub. Yanğın nəticəsində 78 nəfər dünyasını dəyişib, 52 nəfər yaralanıb.

TEREF ətraflı Baku TV-nin materialını təqdim edir:

Avropa İttifaqının Ermənistandakı EUMA missiyası Azərbaycana yaxın ərazilərdə müşahidəni gücləndirib. Sosial şəbəkələrdə müşahidəçilərin Azərbaycan sərhədi boyunca hərəkətini əks etdirən görüntülər yayılıb. Missiyanın mandatı fevral ayında başa çatmalı olsa da, Aİ onun fəaliyyətini daha iki il uzatmağı qərara alıb. Bununla yanaşı, Ermənistan İranla sərhəddəki rus sərhədçilərindən azad olduğunu qürurla bəyan edir, lakin Azərbaycanla sərhədin qorunması üçün EUMA-dan yardım istəyir.

"Report" xəbər verir ki, bu barədə "NEWS.ru" saytının məqaləsində deyilir.

Məqalədə deyilir ki, yanvarın 28-də Azərbaycan mətbuatı EUMA müşahidə missiyasının avtomobil karvanının Ermənistanla şərti sərhəd boyunca hərəkətini əks etdirən videonu yayımlayıb. Görüntülərdən aydın olur ki, Ermənistanla Azərbaycan arasındakı şərti sərhəddə yerləşdirilən Aİ-nin müşahidə missiyasına məxsus maşın karvanı sərhədə doğru irəliləyir.

Azərbaycan tərəfi missiyanın fəaliyyətini diqqətlə izləyir. Bildirilir ki, missiya ilə bağlı dəfələrlə Azərbaycan tərəfi narazılığını bildirib, onun Azərbaycanla razılaşdırılmadan fəaliyyət göstərdiyini bəyan edib.

Eyni zamanda, Avropa İttifaqına (Aİ) üzv dövlətlərin Azərbaycanın İkinci Qarabağ müharibəsində qələbəsindən az sonra 2022-ci ildə yaradılan mülki missiyanın taleyini həll etməli olduğu tarix yaxınlaşır. 2023-cü ilin fevralında missiya bu il fevralın 20-də başa çatacaq mandatını alıb.

İki həftə əvvəl Aİ-nin Mətbuat xidməti müşahidəçilərin daha iki il qalmasını təxmin etmişdi. Avropa diplomatiyasının rəhbəri Kaya Kallas bildirib ki, missiyanın vaxtının uzadılması artıq Aİ üzvləri tərəfindən razılaşdırılıb və yalnız hüquqi prosedurlar qalıb.

"Caliber.az" saytı Brüsselin daha çox vaxta ehtiyac duyacağını iddia edir: “Bizim məlumatlara görə, mandatın genişləndirilməsi planlaşdırılır. Bu, missiyanın yalnız kəşfiyyat xarakterli deyil, tam hərbi nümayəndəlik formatına keçməsinə imkan verən yeni elementləri əhatə edir”.

Ötən həftə Ermənistanın xarici işlər naziri Ararat Mirzoyan Moskvaya səfəri zamanı qürurla bəyan edib ki, İrəvan artıq öz sərhədlərini müstəqil qorumaq iqtidarındadır. O, bu sözləri İranla sərhəddəki nəzarət-buraxılış məntəqələrində 1990-cı illərdən fəaliyyət göstərən rus sərhədçilərinin çıxarılmasını şərh edərkən bildirib.

“Biz artıq məlumat vermişik ki, bu sərhəd hissəsi bundan sonra öz qüvvələrimiz tərəfindən qoruna bilər. Burada böyük siyasi qalmaqal üçün heç bir əsas görmürəm”, - Mirzoyan NEWS.ru saytına Rusiya xarici işlər naziri Sergey Lavrovla keçirdiyi danışıqlardan sonra bildirib.

Bununla belə, Ermənistan Azərbaycanla sərhədlərin monitorinqi üçün üçüncü ölkələrin yardımına müraciət edir. Mirzoyanın sözlərinə görə, Aİ missiyası delimitasiya tam başa çatana qədər bölgədə qalacaq. Məlum olduğu kimi, Qarabağ münaqişəsi tamamilə həll edilib, İrəvan və Bakı delimitasiya və demarkasiya üzrə birgə iş aparmaq barədə razılığa gəliblər.

"Əslində missiya Ermənistana heç bir fayda vermir, çünki bu, sadəcə müşahidəçilərdən ibarətdir və onların hər hansı praktiki addım atmaq səlahiyyəti yoxdur", - Ermənistan Demokratik Partiyasının lideri Aram Sarkisyan "NEWS.ru"ya deyib.

Onun sözlərinə görə, Qərb heç bir şəkildə Ermənistanın təhlükəsizliyinə zəmanət vermir, buna baxmayaraq, hakimiyyət nəyəsə görə NATO ölkələrinə üstünlük verir. Bu kurs İkinci Qarabağ müharibəsində məğlubiyyətdən sonra başlayıb.

“Hamı ilə yaxşı münasibətlər qurmağa çalışan balanslaşdırılmış siyasət sadəcə bir pərdə idi və Ermənistan hakimiyyətinin real niyyətini gizlədirdi. Rus sərhədçilərinin çıxarılması Ermənistan üçün fəlakətli addımdır”, - Sarkisyan vurğulayıb.

Missiyanın qərargahı Ermənistanın sərhədyanı Vayotsdzor bölgəsində, Yexeqnadzor şəhərində yerləşir. Missiyanın tərkibi 200 nəfərdən, əsasən polyak, alman, isveçli və digər Aİ ölkələrindən olan zabitlərdən ibarətdir.

Yeni mandatın uzadılması isə Bakı tərəfindən çoxsaylı suallarla qarşılanır, çünki missiya nəinki casusluqda, hətta ümumilikdə Cənubi Qafqazda sabitliyi pozmağa çalışmaqda şübhəli bilinir.

Moskva EUMA missiyasına başlayandan onun fəaliyyətinə şübhə ilə yanaşıb. Keçən ilin sentyabrında Rusiyanın Azərbaycandakı səfiri Mixail Yevdokimov bildirmişdi ki, Avropa müşahidəçiləri faktiki olaraq Azərbaycan, İran və Rusiya əleyhinə kəşfiyyat məlumatları toplayır. Rusiya Xarici İşlər Nazirliyinin sözçüsü Mariya Zaxarova isə missiyanın fəaliyyətinin mənfi xarakter daşıdığını qeyd edib.

"Bu missiyanın anti-Azərbaycan, anti-Rusiya və anti-İran məqsədləri aydındır. Üstəlik, ona NATO ölkələri də qoşulub. Aydın olur ki, bu, Cənubi Qafqazda Qərbin mövcudluğunu möhkəmlətmək üçün istifadə olunan geosiyasi layihədir", - M.Zaxarova vurğulayıb.

"Bu sadəcə müşahidəçilər deyil, NATO tərəfindən idarə olunan, xüsusən Fransanın dəstəklədiyi hərbi missiyadır. Qərb bu missiya vasitəsilə Gürcüstanda olduğu kimi eyni məqsədi güdür", - politoloq Aleksandr Razuvaev söyləyib.Rusiya Dövlət Dumasının Müdafiə Komitəsinin birinci müavini Aleksey Jurarov bildirib ki, avropalılar heç nəyi müdafiə etməyə hazır deyillər: "Bu, hərbçilər deyil, sadəcə müşahidəçilərdir və əslində kəşfiyyat funksiyalarını yerinə yetirirlər".

Ermənistanın Baş naziri Nikol Paşinyanın ermənilərin Osmanlı imperiyasındakı “soyqırımı” məsələsinin yenidən araşdırılmasının zəruriliyi barədə bəyanatı xüsusi diqqətə alınmalıdır”.
Bunu açıqlamasında Milli Məclisin deputatı, Vətəndaş Həmrəyliyi Partiyasının (VHP) sədr müşaviri Tənzilə Rüstəmxanlı deyib.
Millət vəkili Ermənistanın Baş naziri Nikol Paşinyanın Sürixdəki erməni diasporunun nümayəndələri ilə görüşdə qondarma erməni “soyqırımı” ilə bağlı səsləndirdiyi fikirlərə münasibət bildirib.
“Paşinyan Sürixdə İsveçrədəki erməni diasporu ilə görüşündə bildirib ki, 1939-cu ildə “soyqırımı” gündəliyi yox idi, amma artıq 1950-ci ildə o, gündəliyə daxil oldu. Xatırladaq ki, daha əvvəl o qeyd etmişdi ki, bu məsələ sovet dövründə süni şəkildə kəskinləşdirilib, çünki Türkiyə NATO-ya üzv olub. 2024-cü ildə xarici işlər naziri Ararat Mirzoyan isə bəyan edib ki, erməni “soyqırımı”nın beynəlxalq tanınması məsələsi İrəvanın xarici siyasətinin prioriteti deyil”. – deyə o, əlavə edib.
TEREF

Fransa Baş naziri Fransua Bayru amerikalı milyarder və Tesla, SpaceX, X (keçmiş Twitter) kimi şirkətlərin sahibi olan İlon Maskı demokratiya üçün təhlükə adlandırıb. O, Maskın təsir gücünün və sərvətinin demokratiya prinsiplərinə uyğun olmadığını qeyd edərək deyib ki. Hər bir halda Mask demokratiyalar üçün təhlükə yaradır. Hesab edirəm ki, pul vicdanı idarə etmək hüququ verməməlidir.
Bu açıqlamanın Mask tərəfindən necə qarşılanacağı hələ bilinmir, amma onun demokratiya ilə bağlı fəaliyyəti Avropa siyasətçiləri tərəfindən diqqətlə izlənilir.

Siyasi şərhçi Asif Nərimanlı “Sherg.az”a vurğulayıb ki, Emmanuel Makronu narahat edən əsas məsələ Fransa daxil olmaqla Avropada millətçi kəsimin önə çıxmasıdır:

“Ultra sağçıların yüksəlişi 2016-cı ildən sonra, yəni Donald Trampın hakimiyyətə birinci gəlişi dövründə başlamışdı. 2016-2020-ci illər Fransa da daxil olmaqla Avropada ultra sağçılar yüksəliş yaşadılar. Amma 2020-ci ildən sonra onların fəaliyyətində müəyyən geriləmə baş verdi. Amma indi Donald Trampın hakimiyyətə gəlişi ilə bağlı millətçi kəsim yenidən ön plana çıxmağa başlayıb. Hətta Avropada keçirilən seçkilərdə Fransada Makronun rəqibləri qalib gəldilər. Makron anlayır ki, ultra sağçıların ön plana çıxması təkcə onun hakimiyyətdən getməsi ilə nəticələnməyəcək, eyni zamanda Avropa İttifaqının siyasətində də dəyişikliklərə səbəb olacaq. Almaniya və Fransa kimi ölkələr Avropa Birliyini dünyanın ən böyük güc mərkəzlərindən birinə çevirməyə çalışırlar. Ultra sağçıların önə çıxması isə Fransa və Almaniyanın istəyinin qabağını alır. İlon Mask isə prosesin əsas tərafdarlarından biridir. İlon Mask Almaniyada ultra sağçıların konfransına onlayn formada qoşuldu. Almaniyasa İlon Maskı seçkilərə müdaxilə etməkdə ittiham etdilər. Marine Le Pen başda olmaqla Makronun rəqibləri siyasətdə öz nüfuzlarını gücləndirirlər”.

Türkiyə Qəzzada əldə olunan atəşkəsin davamlı olmasını arzu edir.
APA-nın verdiyi xəbərə görə, bu barədə Türkiyənin hakim Ədalət və İnkişaf Partiyasının (AK Partiya) sözçüsü Ömer Çelik mətbuat konfransı zamanı bildirib.

O, Qəzzanın fələstinlilərin torpağı olduğunu vurğulayaraq, ölkəsinin onlara dəstəyinin davam edəcəyini qeyd edib.

Çelik Suriyada baş verən prosesləri də şərh edib. O, bəzi dövlətlərin Suriyaya təzyiq göstərərək ölkədə baş verənlərə müdaxilə etmək istədiyini deyib. Onun sözlərinə görə, “bu yanlış bir addımdır və bu halda Suriya yenidən “peyk” dövlətinə çevrilə bilər”.

Arktika bizim qlobal üstünlüyümüzdür. Prezident (Putin) bunu tamamilə aydın şəkildə ifadə etdi, başa düşdü və bunun üçün çoxlu addımlar atdı.

Axar.az xəbər verir ki, bu sözləri “Kurçatov İnstitutu” Milli Araşdırmalar Mərkəzinin prezidenti Mixail Kovalçuk yerli mediaya açıqlamasında deyib.

“Bu gün bizi hansısa Ukraynada və ya Ermənistanda yayındırırlar, amma əslində əsas sınaq meydançası Arktikadır”, - o bildirib.

Kovalçuk bəyan edib ki, Rusiya bu ərazinin qanuni sahibidir, çünki dünya buzqıran donanmasının 50%-dən çoxu bizdədir:

“Üstəlik, ölkəmiz dünyada nüvə buzqıran gəmilərinə malik yeganə ölkədir. Hazırda Arktika üçün böyük mübarizə gedir. Bunu Qrenlandiyada baş verənlər aydın şəkildə nümayiş etdirir. ABŞ bu adanı Kanada ilə birlikdə alsa, güc baxımından bizimlə bərabər olacaq.

Çox güclü olmalıyıq. Bu gün Arktikada elə mövqelər tuta bilərik ki, bizə çatmaq mümkün olmaz”

Azərbaycanın irəli sürdüyü haqlı tələblərə cavab olaraq, Rusiya Prezident Administrasiyasının Rusiya mediasına müəyyən təlimatlar verdiyi barədə məlumatlar var. Bu təlimatlar nəticəsində Rusiya mediasında hadisənin fərqli aspektlərinin işıqlandırılması və Azərbaycanın iddialarının təkzib edilməsi istiqamətində materiallar yayımlanır. Məsələn, bəzi Rusiya mənbələri təyyarənin vurulması ilə bağlı fərqli versiyalar irəli sürərək, hadisənin texniki nasazlıq və ya pilot səhvi nəticəsində baş verdiyini iddia edirlər. Azərbaycan tərəfi isə beynəlxalq ictimaiyyəti hadisənin obyektiv araşdırılmasına çağırır və məsuliyyətin müəyyənləşdirilməsini tələb edir. Bu hadisə Azərbaycan-Rusiya münasibətlərində gərginliyə səbəb olub və hər iki tərəf məsələ ilə bağlı diplomatik kanallar vasitəsilə müzakirələr aparır. Son günlərdə Rusiya mediasında Azərbaycana qarşı qarayaxma kampaniyası müşahidə olunur. Bu kampaniya çərçivəsində 2020-ci ilin noyabrında Rusiyaya məxsus Mi-24 helikopterinin vurulması ilə AZAL-a məxsus sərnişin təyyarəsinin vurulması arasında paralellər aparılır. Lakin bu cür müqayisələr əsassız və yersizdir. 2020-ci ilin noyabrında baş verən hadisədə, Rusiya helikopteri Ermənistan-Azərbaycan sərhədinin Naxçıvan hissəsində, aşağı hündürlükdə və hava müdafiə sisteminin radar müşahidəsindən kənar zonada uçuş həyata keçirərkən səhvən vurulmuşdu. Azərbaycan tərəfi dərhal üzr istəyərək, təzminat ödəməyə hazır olduğunu bildirmişdi. Halbuki, AZAL-a məxsus sərnişin təyyarəsinin vurulması ilə bağlı iddialar tamamilə fərqli şəraitdə baş verib və bu iki hadisə arasında paralellik aparmaq doğru deyil. Belə müqayisələr, sadəcə olaraq, ictimai rəyi manipulyasiya etməyə və diqqəti əsas məsələdən yayındırmağa xidmət edir. Rusiya onsuz da dostsuz qalıb və belə bir şəraitdə Azərbaycan kim dostu da itirmək ərəfəsindədir. Rusiya mediasına və onlara Kremldən təlimat verənlərə tövsiyə edərdik ki, onsuz da Azərbaycanında ictimaiyyət arasında pis olan imiclərini daha da aşağı salmasınlar.

“Müstəqil Mətbuat Mərkəzi" İctimai Birliyinin sədri, politoloq Elçin Xalidbəyli “Sherg.az”a bildirib ki, Rusiyanın Azərbaycanın təyyarəsinin vurulmasına verdiyi reaksiya humanizm prinsiplərindən tamamilə uzaqdır:

“Eyni zamanda beynəlxalq hüquq normalarına kəskin şəkildə ziddir. Kreml həmişə olduğu kimi indi də absurd, məntiqsiz və yalnız Rusiyanın hegomonluğunu qabardan mövqedən çıxış etməyə cəhd göstərir. Digər tərəfdən isə Kreml sözügedən məsələ üzərində manupulyasiyalar etməkdədəir. Rusiya siyasi dairələri onlarla insanın həyatına son qoyan hərbi cinayəti yalan xarakterli təbliğatla ört-basdır etməyə çalışır. Həmçinin müxtəlif bəhanələr uyduraraq Azərbaycana qarşı ittihamlar irəli sürməyə cəhd göstərir. Onsuz da Rusiyadan bundan fərqli yanaşma gözləməyin özü də sadəlövlük olardı. Rusiya dünyanın ən ədalətsiz, dünyanın beynəlxalq hüquq normalarına uymayan dövlətlərindəndir. Ona görə də rəsmi Bakının, bütövlükdə Azərbaycan dövlətinin Rusiyanın davranışlarına qarşı prinsipial, qətiyyətli və sərt mövqe tutması haqlı tələbdir. Rəsmi Moskvanın AZAL-ın təyyarəsinin Rusiya ərazisində vurulması ilə 2020-ci ilin noyabrında rus helikopterinin vurulmasını müqayisə etməsi olduqca absurd yanaşmadır. Çünki həmin helikopterin kimin tərəfində vurulduğu bəlli deyil və birmənalı şəkildə sübuta yetirilməyib. Digər tərəfdən isə bəzi məlumatlara görə rus helikopterinin vurulmasını Rusiya Xarici Kəşfiyyat Xidməti xüsusi əməliyyat şəklində təşkil edib. Rusiya helikopteri Azərbaycanla sərhəddə erməni hərbi hissələrinin yerdəyişməsinə müşaət edirdi. Həmin zaman Azərbaycan bu məqamı əsas gətirərək Rusiya helikopterinin rəsmi Bakıya qarşı hərbi əməliyyatda iştirak etdiyini bəyan edə bilərdi. Helikopterin vurulmasından sonra Rusiya sülhməramlılarının bir neçə saat ərzində Azərbaycanın Qarabağ bölgəsində yerləşdirilməsi həmin helikopetin məhz Rusiya Xarici Kəşfiyyat Xidmətinin planı əsasında vurumlası versiyasını inandırıcı edir”.

Ekspert qeyd edib ki, bütün bunları Rusiyanın yenidən gündəmə gətirməsi onların özünün də əleyhinə hərəkət edə bilər:
“Hazırda Azərbaycan dövləti həqiqətləri açıqlaya bilər, belə olan halda Rusiyanın hansı qaranlıq oyunlar oynadığı ortaya çıxacaq. Rusiya AZAL-ın sərnişin təyyarəsini vurdu və daha sonra Xəzər dənizində batırmaq üçün yaxın olan hava limanlarında enməyə icazə vermədilər. Ona görə də Rusiya saxta məlumatlar verərək törətdiyi hərbi cinayəti gizlətməyə səy göstərir. Azərbaycan isə heç vaxt Rusiyaya həmin imkanı verməyəcək və bütün həqiqətləri ortaya çıxacaq. Daha sonra Rusiya lazımından artıq şəkildə Azərbaycandan üzr istəməli olacaq”.

ABŞ prezidenti Donald Trampın Ukraynaya dəstəkdən əl çəkməsi və ölkə üçün ağrılı kompromislərə gedə biləcəyi ilə bağlı narahatlıqlar yersizdir. Əksinə, Ağ Ev rəhbəri bu ilin yazına qədər Ukraynada müharibəni bitirmək niyyətindədir.

Bu barədə Britaniyanın “The Independent” nəşrinə insayderlər məlumat verib.

“Ukraynadan narahat olanlar ABŞ prezidentinin andiçmə mərasimində Ukrayna Ali Radasında “Xalqın xidmətçisi” fraksiyasının rəhbəri David Araxamiyanın iştirakına diqqət yetirməlidirlər. Bu, Donald Trampın bu prosesin sonunda Ukraynanın yaxşı anlaşma əldə etməsini təmin etmək niyyətini göstərən çox mühüm addımdır. Bu, əsəbləri sakitləşdirməlidir" deyə anonim mənbə jurnalistlərə bildirib.

Nəşrdə bildirilir ki, Tramp Ukraynadakı müharibənin həlli məsələsinə ciddi yanaşır. Mənbə qeyd edib ki, bundan əvvəl ABŞ prezidenti bir sıra çətin vəzifələri həll etməli olacaq, lakin Ağ Ev rəhbəri mütləq Ukrayna prezidenti Vladimir Zelenski ilə işləyəcək və yaxın vaxtlarda rəsmi görüş baş tutacaq.

"Zelenski özü inauqurasiyaya getməyi mümkün saymadı, lakin o, böyük hörmətlə yanaşdığı Ukraynanın ikinci şəxsini göndərdi", - insayder izah edib.

Nəşr xatırladıb ki, “Xalqın xidmətçisi” fraksiyasının lideri Devid Arakhamiya Trampın andiçmə mərasimində önəmli yerdə olub. Daha sonra o, Ukrayna mətbuatına bildirib ki, rəsmi Ukrayna nümayəndə heyəti fevralda ABŞ prezidenti ilə görüşə bilər.

Belarus Prezidenti Aleksandr Lukaşenko amerikalı iş adamı İlon Maskın ABŞ Prezidenti Donald Trampın andiçmə mərasimindəki jestini pisləyib.

“Report” xəbər verir ki, bu barədə o, ölkəsində keçirilən president seçkilərindən sonra jurnalistlərə müsahibəsində deyib.

Belarus lideri vurğulayıb ki, belə insanlar Donald Trampı əhatə etməməlidir.

"Mən Mask haqqında əbəs yerə demədim. Niyə ekrana çıxıb milyonlarla insana qarşı nasist jesti göstərirsən? Axı biz amerikalılarla birlikdə buna qarşı mübarizə aparmışıq", - A.Lukaşenko bildirib.

Qeyd edək ki, yanvarın 20-də Donald Trampın andiçmə mərasimindən sonra çıxışında Mask prezidentin tərəfdarlarına dəstəyə görə təşəkkür edib. Çıxışı zamanı o, sağ əlini sinəsinə qoyaraq, sonra onu yana uzadıb. Maskın bu hərəkəti sosial şəbəkələrdə və KİV-də İtaliya faşistləri və alman nasistlərinin göstərdiyi jestlə müqayisə edilməyə başlanıb.