Bakının “Elektra Events Hall” məkanında 23 dekabr tarixində “Bir Sabah” adlı rok festivalı keçirilib.

Festivalda məşhur rok ifaçısı Mübariz Tağıyevin çıxışı da gözlənilirdi. Lakin ifaçının çıxışı səhhəti ilə bağlı təxirə salınıb.

Məsələ ilə bağlı Cebhe.info-ya açıqlamasında Mübariz Tağıyev hazırda səhhətinin yaxşı olduğunu deyib:

"Həmin gün təzyiqim elə səviyyədə idi ki, evdən çıxa bilmədim. Konsertin keçirilməsi çoxdan nəzərdə tutulmuşdu.Hərdən belə işlər olur, Tanrının işidir, nə deyəsən. Mən bütün konsertdə iştirakımı nəzərə alıb gələnlərdən üzr istəyirəm ".

Qeyd edək ki, tədbirin adı müğənni Mübariz Tağıyevin dillər əzbəri olan "Bir sabah" mahnısından götürülüb.

Xatırladaq ki, bu il ərzində keçirilən sonuncu rok festivalı idi. Hər iki rok festivalında bir sıra tanınmış ifaçılar və rok qrupları çıxış ediblər.

Bloqer Marqus Braunli “Google Pixel 6a” adlı telefonu ən yaxşı kameraya sahib telefon adlandırıb.

Tribunainfo.az xəbər verir ki, o bu barədə şəxsi “YouTube” kanalında yayımladığı videoda bildirib.

Braunli hər il telefonların kameralarını sınaqdan keçirir, şəkillər çəkir və abunəçilərinə ən yaxşı şəkli seçməyi xahiş edir. Sonra səsvermənin nəticəsinə uyğun olaraq ən yaxşı kameraya sahib cihazı təqdim edir.

Qeyd edək ki, ikinci yerdə “Google Pixel 7 Pro”, üçüncü yerdə isə “Asus Zenfone 9” qərarlaşıb.

NASA “InSight” Marsa eniş missiyasını dayandırdığını elan edib.

Bu barədə Reaktiv Hərəkət Laboratoriyasının mətbuat xidməti məlumat yayıb.

Marsın daxili quruluşu haqqında məlumat toplamaq üçün nəzərdə tutulan “InSight” zondu 2018-ci ildə fəaliyyətə başlayıb. Onun əsas aləti seysmometrdir, ikinci ən vacibi isə nüvədən istilik axınını ölçmək üçün zonddur. Reaktiv hərəkət laboratoriyasının uçuş nəzarətçiləri gəmi ilə əlaqə saxlamaq üçün iki cəhd ediblər, ancaq bu alınmadığı üçün missiya artıq başa çatmış sayılır.

Mütəxəssislər “InSight”ın siqnal verəcəyi ümidi ilə tezliyini dinləməyə davam edəcəklər, lakin bu, son dərəcə mümkünsüz hesab olunur. Alimlər hesab edirlər ki, cihazın sönməsinə səbəb Günəş panellərinin üzərində yığılan toz olub. İllər keçdikcə tədricən yığılan toz enerji istehsalını azaldıb. İndi, görünür, o, kritik həddə çatıb.



Bəzi ekspertlər batareyaların toz burulğanları ilə təmizlənəcəyinə ümid edirdilər, lakin cihazın yerləşdiyi Eliziy düzənliyində külək nadir hallarda baş verir, həmçinin kifayət qədər güclü olmur.

Bununla belə, missiya planlaşdırılan iki il əvəzinə dörd il işlədiyi və Marsın daxili quruluşu haqqında zəngin məlumat təqdim etdiyi üçün uğurla başa çatmış hesab olunur.

Aparat həmçinin meteoritlərin təsirindən yaranan təkanlar da daxil olmaqla 1319 zəlzələ aşkar edib. Ən vacib kəşflərdən biri isə Marsda vulkanik fəaliyyət əlamətlərinin təsbit edilməsi hesab edilə bilər, baxmayaraq ki, bu planetin nüvəsi ölü sayılırdı.


Mənbə: Gazeta.ru

Hazırda orbitdə Beynəlxalq Kosmik Stansiyaya (BKS) bərkidilmiş Rusiyanın “Soyuz” kosmik gəmisində kiçik dəlik aşkar edilib.

Yoxlamalar zamanı məlum olub ki, dəlik kosmik gəmidən soyuducu mayenin sızmasına səbəb olub.

Dekabrın 14-nə keçən gecə “Soyuz” gəmisinin göyərtəsində böyük həcmdə soyuducu mayenin sızması qeydə alınıb. Bu, iki rusiyalı kosmonavtın kosmosa çıxmağa hazırlaşdığı zaman aşkar olunub. Nəticədə kosmonavtlar kosmik gəminin göyərtəsində qalıblar.

NASA-nın məlumatına görə, BKS-in çölündə yerləşən “Canadarm2” robot qolun kameralarından istifadə edilərək hadisənin potensial səbəbi aşkar edilib.

“Biz kiçik dəlik gördük. Həmçinin dəliyin ətrafındakı radiatorun səthinin rənginin də dəyişdiyini müşahidə etdik. “Roskosmos” alınan görüntülərin qiymətləndirilməsini aparır. Bu dəliyin mikrometeoritlə toqquşma nəticəsində yarandığı, yoxsa istehsal mərhələsində defektə yol verildiyi aydınlaşdırılır”, – deyə NASA-nın məlumatında qeyd edilir.

İndiyə qədər Rusiya tərəfindən mikrometeoritlə toqquşma əsas fərziyyə kimi irəli sürülür.

Hələ sentyabr ayında “Soyuz” kosmonavtlar Sergey Prokopyev və Dmitri Petelini və NASA-nın astronavtı Frenk Rubionu BKS-ə çatdırmışdı. Onların mart ayında Yerə qayıdacaqları gözlənilirdi. Ancaq bununla bağlı problemlər yarana bilər.

Hələlik “Roskosmos” kosmik gəminin evə qayıda biləcəyi ilə bağlı dəqiq məlumata sahib deyil, çünki orada nə qədər soyuducu mayenin qaldığı bilinmir. Yekun qərar dekabrın sonuna kimi veriləcək.

Əgər “Soyuz” gəmisi sonrakı uçuşlar üçün yararsız elan olunarsa, kosmonavtların Yerə qaytarılması üçün Baykonur kosmodromundan başqa bir “Soyuz” buraxılacaq.



Mənbə: Space.com

Tviterin rəhbəri İlon Mask sosial şəbəkədə insanların onun platformaya rəhbərlik edib-etməməsi ilə bağlı sorğu keçirib.

“Qafqazinfo” xarici KİV-ə istinadən xəbər verir ki, sorğusunda iştirak edənlərin çoxu onun tviter rəhbəri vəzifəsindən getməsinə səs verib.

"Mən bu sorğunun nəticələrinə əməl edəcəyəm",-deyə Mask qeyd edib.

Həmçinin, istifadəçilərin 57,5%-i onun sosial şəbəkənin icraçı direktoru vəzifəsindən getməsi üçün səsvermədə iştirak edib.

Xatırladaq ki, bazar günü başlayan və 12 saat davam edən sorğuya 17,5 milyondan çox insan qatılıb.

Osman Gündüz: “Azərbaycanın bu cür resurslara ehtiyacı var, hökumət qlobal şirkətlərlə danışıqlar aparmalıdır”
ABŞ Senatı Tik-Tok platformasına qadağa gətirən ciddi bir addım atıb. Belə ki, Senat səsbirliyi ilə Tik-Toku yasaqlayan qanun layihəsini təsdiqləyib. Bundan sonrakı prosedura görə, ABŞ prezidenti Co Baydenin Senatdan gələn qanunu imzalaması lazımdır. Musavat.com xarici mediaya istinadən bildirir ki, yeni qəbul olunan qanuna görə, dövlət orqanlarında, büdcə təşkilatlarında çalışan amerikalılara Tik-Tok tətbiqini endirmək və özlərinə məxsus telefonda ondan istifadə etmək qadağandır. ABŞ Senatı hesab edir ki, Tik-Tok platforması ona abunə olan şəxslərə aid bütün bilgiləri və digər məlumatları əldə etmək imkanına malikdir. Bu məlumatlar isə Çin kəşfiyyatına ötürülür. Bu da Amerikanın milli təhlükəsizliyinə təhdid təşkil edir. Bu səbəbdən də dövlət qurumlarında çalışan amerikalılar öz cihazlarına Tik-Tok endirə bilməyəcəklər.

Bəs bizdə və digər ölkələrdə də bu cür addımlar gözlənilirmi? ‘’Çin malı’’ olan Tik-Tok Azərbaycanda çox populyardır və getdikcə də böyüyür. Xüsusən gənclər, bu platformada özlərini ifadə edir, şohrət və pul qazanırlar. Çin kəşfiyyatı iddiası ABŞ-dan sonra digər ölkələrdə də Tik-Tokun qadağan olunmasına gətirib, çıxara bilərmi? Azərbaycanın belə bir addım atması labüd, yaxud da gözləniləndirmi? Musavat.com xatırladır ki, müəyyən müddət öncə zərərli təsirlərini nəzərə alaraq, Azərbaycan dövləti Tik-Tokun yayımını ölkəmizdə məhdudlaşdırmışdı. Bu, təkrar olunacaqmı?

Yeri gəlmişkən, Azərbaycanda “Tik-Tok” sosial şəbəkəsi ən çox istifadə edilən platformalardan biridir. Sosial platforma həmçinin bir çoxları üçün qazanc mənbəyinə çevrilib. “Tik-Tok”da bir dama jeton göndərən istifadəçilər platformaya 50 faiz komissiya və 18 faiz ƏDV tutulur. Bu qədər qazanca rəğmən “Tik-Tok” sosial platforması Azərbaycana vergi ödəmir. Bununla bağlı Vergi Məcəlləsinə dəyişikliyin ediləcəyi gözlənilir, hətta onların nümayəndəliyinin Azərbaycanda yaradılacağı gözlənilir. “Tik-Tok” və bu kimi sosial platformalar ölkəyə vergi ödəməli olacaq. Əgər şərtləri qəbul etməzsə, onda sosial platforma Azərbaycan üçün bağlı ola bilər.

Məsələ ilə bağlı Azərbaycan İnternet Forumunun prezidenti Osman Gündüz “Yeni Müsavat”a deyib kİ, Amerikanın Tik-Tokla bağlı problemi çoxdan var: “Burada Amerika daha çox öz vətəndalşarının məlumatlarının, xüsusilə də uşaqların məlumatlarının qorunması ilə bağlı Tik-Tokdan tələb edirdi ki, məlumat bazaları, data mərkəzləri, serverləri Amerikada yerləşsin. Əvvəllər bu uşaqlarla bağlı bu beləydi, indi artıq digər vətəndaşlarla bağlı da görünür ki, belə tələbləri var. İndi Tik-Tok başqa bir şirkətlə əməkdaşlıq edərək Amerika şirkətlərinin bu tələbinin bir qismini ödəməyə razılaşmışdır ki, uşaqlarla bağlı məlumat yerləşən data mərkəzləri Amerika ərazisində olsun. Yəni bu cür addımlar atılırdı. Burada müəyyən risklər var ki, Amerika hökuməti belə bir qərar qəbul edib”.

Ekspert əlavə edib ki, Azərbaycanda da fərdi məlumatların qorunması ilə bağlı qanunvericilik var: “Uşaqların informasiya təhlükəsizliyinin qorunması ilə bağlı qanunvericilik var. Mənim mövqeyim ondan ibarətdir ki, uşaqların Tik-Tokda qorunması, informasiya təhlükəsizliyinin qorunması ilə bağlı müddəalar var. Buna görə uşaqlar üçün Tik-Tokun məhdudlaşdırılması reallıqdır. O ki qaldı vətəndaşlarla bağlı bu, müzakirə predmeti ola bilər. Bildiyimə görə Azərbaycan hökuməti artıq qlobal şirkətlərin Azərbaycan ərazisində nümayəndəliyin açılması ilə bağlı qanunvericilik hazırlayıb. Bu daha çox iqtisadi yönümlüdür. Yəni vergi ödəyicisi olaraq. Hesab edirəm ki, nümayəndəlik açılması tələbi bizim üçün də müəyyən risklər yarada bilər. Çünki Azərbaycan bazarı balaca bir bazardır. Buna görə də bəzi qlobal şirkətlər - Tik-Tok, feysbuk, yutub və sairə, Azərbaycan bazarına maraq göstərməyə bilərlər. Halbuki Azərbaycanın bu cür resurslara ehtiyacı var. Ona görə mən hesab edirəm ki, hökumətin özünün bu istiqamətdə qlobal şirkətlərlə danışıqlar aparması daha doğru olar. Yeri gəlmişkən, son bir həftə idi ki, Tik-Tok rəsmiləri Azərbaycanda idilər. Azərbaycan rəsmi qurumları ilə danışıqlar aparırdılar. Yəqin ki hökumətimizin bu istiqamətdə danışıqları olub”.

Qeyd edək ki, çinli sahibkar Yanq Yiminq “ByteDance” adlı proqram təminatı şirkətini yaradıb. Bundan 5 il sonra şirkət “TikTok” tətbiqini təqdim edib. Cəmi 5 il əvvəl istifadəyə verilən sosial media artıq 1 milyarddan artıq istifadəçiyə sahibdir. Platforma istehlakçıları və reklamçıları sevindirsə də, ABŞ-ın Pentaqon və Konqres kimi qurumlarında dövlət rəsmilərinin, Silikon Vadisinin sosial media şirkətlərinin narahatlığına səbəb olub. Sosial şəbəkənin sahibi olan “ByteDance” şirkətinin mərkəzi ofisinin Çində yerləşməsi narahatlığı bir qədər də artırıb. Amerikada Konqresə seçkilər yaxınlaşdıqca, platformanın seçkilərə müdaxilə edilməsi üçün istifadə olunacağı iddiaları daha yüksək səslə ifadə edilməyə başlanılıb. Tətbiq sosial media bazarında rəqabət üsullarını dəyişdirib. Artıq “YouTube” və “Instagram” kimi media platformaları “TikTok”a bənzəyən funksiyalar yaradıblar. “Facebook” sosial şəbəkəsinin sahibi olan “Meta” şirkəti də oxşar funksiya üzərində işləyir. Qərb ölkələrində “TikTok”un Çinə məxsus olması ilə bağlı narahatlıq uzun müddətdir davam edir. Donald Tramp prezidentliyinin sonuna yaxın “ByteDance” şirkətini “TikTok”un Amerikadakı ofisini yerli şəxslərə satmağa məcbur etsə də, bacarmadı. Bu gün “TikTok”un Tramp dövründəkindən iki dəfə böyük ölçüyə sahib olması, eləcə də Qərb və Çin arasında münasibətlərin kritik mərhələyə çatması səbəbindən vəziyyət daha da qəlizləşib.

ABŞ-da və digər Qərb ölkələrində “TikTok”la bağlı əsas narahatlıq platformanın məxfilik siyasətinin uyğunsuz olmasıdır. Artıq qeyd etdik ki, şirkətin mərkəzi ofisi Çində yerləşir. Çin hökuməti isə özünə ölkədə yerləşən şirkətlərdən istədiyi məlumatı almaq hüququ verib. Qərbdə rəsmilər Çinin istifadəçilərin üz, səs və hərəkət məlumatlarını oğurlaya biləcəyindən narahatdır. Ancaq bu narahatlıqların bəziləri şişirdilib.

Alimlər niyə hələ də yadplanetlilərlə rastlaşmamışıq sualına cavab axtarırlar

Tədqiqatçılar hesab edirlər ki, Yer yadplanetlilər üçün sadəcə maraqlı deyil.

Yerusəlimdəki universitetlərdən birinin astrofiziki Amri Vandel bəşəriyyətin niyə hələ də yadplanetlilərlə əlaqə saxlamadığını izah edib. O hesab edir ki, ağıllı yadplanetlilər sadəcə olaraq Yer kürəsini kifayət qədər maraqlı görmürlər.

Qaziler.az bildirir ki, bu barədə Live Science-yə istinadən zn.ua məlumat verib.

Alim güman edir ki, yüksək intellektli yadplanetliləri sadəcə yaranan və həyatın mövcud olduğu planetlər maraqlandırmır.

"Kainatda bir neçə belə planetin olduğunu fərz etsək, yadplanetliləri təkcə həyatın özü deyil, onun yüksək texnologiyalı təzahürləri maraqlandıracaq".

“İranda sosial medianın tamamilə qadağan ediləcəyi ilə bağlı fikirlər əsassızdır”.

KONKRET.az xarici KİV-ə istinadən xəbər verir ki, bunu İran Daxili İşlər Nazirliyi verdiyi açıqlamada bildirib.

Qeyd olunub ki, iddialar əsassız xarakter daşıyır.

Belə ki, son günlər İran və xarici mətbuatda ölkədə sosial mediaının tamamilə qadağan edildiyi qeyd olunub. Buna səbəb kimi, sosial şəbəkələrin ölkədəki etirazların yayılmasına yol açması göstərilib.

Həmçinin, hazırda ölkənin bir çox bölgələrdə istifadəçilər VPN-lərdən istifadə edir.

“iSeeCars” tədqiqat firması bazarda ən etibarlı və davamlı avtomobillərin siyahısını hazırlayıb.

Tribunainfo.az xəbər verir ki, siyahıya on “Toyota” modeli, üç “Honda”, iki “Chevrolet”, “GMC”, “Ford” və bir “Nissan” modeli daxil edilib.

1. Toyota Land Cruiser

2. Chevrolet şəhərətrafı

3. Toyota Tundra

4. GMC Yukon XL

5. Toyota Prius

6. Chevrolet

7. Honda Ridgeline

8. Toyota Avalon

9. Toyota Highlander Hibrid

10. Ford Ekspedisiyası

11. Toyota 4Runner

12. Toyota Sienna

13. GMC Yukon

14. Honda Pilotu

15. Honda Odyssey

16. Toyota Tacoma

17. Nissan Titan

18. Ford F-150

19. Toyota Camry hibrid

"İran və Rusiya aviasiya sahəsində əməkdaşlığı nəzərdən keçirir, təyyarə, helikopter istehsalı, eləcə də hava nəqliyyatına texniki xidmətin təşkili üzrə birgə layihələrin həyata keçirilməsi ilə bağlı müzakirələr aparılır".

"Unikal" xəbər verir ki, bu barədə İranın sənaye, mədən və ticarət nazirinin müavini Mənuçöhr Manteqi bildirib.

Tehran və Moskva arasında birgə layihələrin müzakirəsi dekabrın 13-dən 16-dək Fars körfəzinin Kiş adasında keçirilən 11-ci İran Beynəlxalq Aviasiya Sərgisi çərçivəsində keçirilir.

“11-ci İran Beynəlxalq Aviasiya Sərgisi çərçivəsində İran və Rusiyanın aviasiya sənayeləri arasında kommersiya təyyarələrinə texniki xidmət və təmirin təşkili, 100-150 nəfərlik tutumlu təyyarələrin istehsalı sahəsində əməkdaşlıq, Rusiyanın təyyarə istehsalçıları, həmçinin İranda 70-100 nəfərlik təyyarələrin və Ka-226 helikopterlərinin layihələndirilməsi və istehsalı sahəsində əməkdaşlıq daxildir”, - deyə Manteqi bildirib.