İlon Maskın Tvitterdə “mavi tık”larla bağlı tətbiq etdiyi qayda bir çox dünya ulduzundan da yan keçməyib.

Publika.az xəbər verir ki, aylıq 8 dollar ödənişi etməyən məşhurların “mavi tık”ı silinib.

Onların sırasında Selena Qomez, Herri Stayles, Dua Lipa, Kriştiano Ronaldu, Niki Minaj, Beyons, Keti Perri, Castin Biber və başqaları var.


Qeyd edək ki, “Twitter Blue” ya abunə olmaq üçün istifadəçilər 90 gün vaxta sahib olacaq. (OLAY)

İsveç dövlət radiosu SR, sosial media hesabı Twitter-dəki fəaliyyətini dayandırdığını açıqlayıb.
Bakupost.az xarici KİV-ə istinadən xəbər verir ki, İsveç dövlət radiosu SR-nin sosial media meneceri Christian Gillinger, mövzu ilə bağlı verdiyi açıqlamada 2017-ci ildən etibarən Twitter hesablarında paylaşımları azaltdıqlarını və indi bunu tamamilə dayandırmağa qərar verdiklərini bildirib.
Twitter-in illər ərzində dəyişdiyini qeyd edən Gillinger, "Bu səbəbdən Twitter bizim üçün daha az əhəmiyyət kəsb etdi. İnternet Fondunun keçən ilki "İsveçlilər və İnternet" hesabatında İsveçlilərin yalnız yüzdə 7-nin Twitter-dən istifadə etdiyi görünür. gündəlik olaraq. Və illər keçdikcə yazılarımızı paylaşırıq. Biz daha az dialoq və daha az qarşılıqlı əlaqə şəklində azalma müşahidə etdik. Oxucular sadəcə olaraq başqa yer seçdilər və buna görə də Twitter hesabımızı dayandırmaq qərarına gəldik." ifadələrdən istifadə etmişdir.
Twitter-in bu illər ərzində "güc itirməsi"nin də onlar üçün bir faktor olduğunu ifadə edən Gillinger, "Twitter-in işçi qüvvəsini əhəmiyyətli dərəcədə azaltması bizim üçün narahatedicidir. azalma bizim qərarımıza da təsir etdi" dedi. dedi.
ABŞ-da ictimai ianələr hesabına maliyyələşən Milli İctimai Radio (NPR) və Kanadanın milli kanalı CBC də Twitter sosial media platformasının özlərinə “dövlətə bağlı media” ifadəsini əlavə etməsi səbəbindən platformadakı yazılarını dayandırdıqlarını açıqladı.

“ABŞ hökuməti tviter platformasında istifadəçilərin mesajlarını oxumaq səlahiyyətinə malikdir”.
Teref.az “Qafqazinfo”ya istinadən xəbər verir ki, bunu tviter sosial platformasının rəhbəri, milyarder İlon Mask jurnalistlərə açıqlaması zamanı deyib.
Mask bildirib ki, ABŞ hökumətinin tviter istifadəçilərinin mesajlarını oxumaq hüququnun olduğunu öyrənəndə şoka düşüb:
"ABŞ hökumətinin tviterdə baş verən hər şeyə tam giriş imkanına malik olması məni heyrətə gətirdi və bundan xəbərim yox idi".

Regionlarda "Onlayn Azərbaycan" layihəsi reallaşır. Layihə ölkə üzrə bütün yaşayış məntəqələrinə fiber optik internet xəttinin çəkilməsini nəzərdə tutur.
Dövlət -özəl tərəfdaşlığı çərçivəsində RİNN tərəfindən reallaşan bu layihə 2024-də başa çatmalıdır.
Ötən il bu istiqamətdə xeyli işlər görülüb. Regionlarda və Bakı ətrafında ötən bir il ərzində əvvəlki illərdən bir neçə dəfə çox genişzolaqlı internet bağlantısı imkanları yaradılıb.
Hazırda bir çox rayonlarda bu iştiramətdə işlər davam edir. Bəzi rayonlarda artıq GPON infrastrukturu tam qurulub.
Amma elə yerlər var ki, işlər çox ləng gedir. İnfrastruktur çoxdan qurulmasına baxmayaraq internetə qoşulmalar ləng aparılır.
Bəzi yerlərdə isə özəl provayderlərə nəinki köməklik göstərilir, əksinə maneçiliklərin olduğu bildirilir.
Məsələn, Gəncə şəhərinin ətraf qəsəbələrində özəl provayderlərin yeni GPON infrastrukturla bağlı quraşdırdığı dirəklərin sökülməsilə bağlı faktların olduğu bildirilir.
Özəl provayderlər bunun Gəncə Telekommunikasiya Qavşağının işçiləri tərəfindən edildiyi bildirirlər.
Hazırda bu məsələ araşdırılır.
Düşünürəm ki, yuxarıda adı çəkilən layihə yetərincə əhəmiyyıt kəsb edən bir dövlət layihəsidir.
Ölkə üzrə internet probleminin həllini yalnız dövlət provayderləri həll edə bilməz.
Məhz buna görə RİNN tərəfindən dövlət-özəl tərəfdaşlıq prinsipi əsas götürülüb.
Odur ki, yerli telekommunikasiya qoşvşaqları dövlət və özəl olmasından asılı olmayaraq hər bir operator və provayder üçün şərait yaratmağa borcludur.
Ümid edirəm yeni fəaliyyətə başlayan İKTA da bu işlərə diqqəti və nəzarəti gücləndirəcək.
Osman Gunduz
Teref.az

Prezident Administrasiyasının bir şöbə müdirinin, 5 nazirin və nazir müavinlərinin məsul olduğu “Yüksəliş” müsabiqəsinin saytı çöküb.

Bu barədə Azərbaycan İnternet Forumunun prezidenti Osman Gündüz sosial şəbəkə hesabında yazıb.
"Prezident Administrasiyasının bir şöbə müdirinin, 5 nazirin və nazir müavinlərinin məsul olduğu müsabiqənin saytı çökdü.
Bu gün "Yüksəliş” müsabiqəsinin onlayn sınaq imtahanı keçirilməliydi.
Lakin müsabiqənin rəsmi saytı çökdüyündən sınaq imtahanında iştirak etmək mümkün olmayıb.
Müsabiqə təşkilatçıları tərəfindən idarə olunan bu resurs cəmi 10-15 min onlayn iştirakçının müraciətlərinə tab gətirməyib, yüklənmə olub və resursun fəaliyyəti dayandırılıb.
Xatırladıram ki, bu nüfuzlu müsabiqə Prezidentin 2019-cu ildə imzaladığı Sərəncam əsasında keçirilir.
Müsabiqə intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub.
Kadr bankı üzrə nüfuzlu bir dövlət platformasıdır.
Hər il 1 milyon manat müsabiqənin təşkili üçün dövlət vəsaiti ayrılır.
Müsabiqənin Təşkilat Komitəsinin sədri Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva, “Yüksəliş” İşçi Qrupunun rəhbəri isə gənclər və idman nazirinin müavini Fərhad Hacıyevdir.
Prezident sərəncamı ilə formalaşdırılan Təşkilat Komitəsində 5 nazir təmsil olunur.
Düşünürəm ki, bu cür nüfuzlu və cəmiyyətin diqqət mərkəzində olan, Prezident sərəncamı ilə gerçəkləşdirilən müsabiqənin yüksək səviyyədə təşkili üçün atılan addımlar yetərli olmayıb.
Yetərincə vəsait ayrılmasına baxmayaraq, görünür ki təşkilatçılar hazırlıq prosesini düzgün qura bilməyiblər.
Düşünürəm ki, təşkilatçılar müsabiqənin onlayn resursunun dayanıqlığı və təhlükəsizliyi ilə bağlı öncədən İT təhlükəsizlik sahəsində səlahiyyətli qurumlara, peşəkar şirkətlərə müraciət etməliydi. Ciddi testlər olmalıydı.
Maraq dairəsində olan bir müsabiqə olduğundan saytı kiberhücumlardan qorumaq üçün də zəruri addımlar atılmalıydı.
Baş verənlər isə onu göstərir ki, müsabiqənin əsas platforması olan saytın təhlükəsizliyinə yetərli diqqət göstərilməyib, öncədən testlər keçirilməyib və audit olunmayıb.
Bununla da dövlət əhəmiyyətli bir layihəni reallaşdırmaqda problemlər yaşanıb.
Fikrimcə, səlahiyyətli qurumlar kiberhücumla bağlı məsələni da araşdırmalıdırlar.
Ümid edirəm təşkilatçılar məsul şəxslərdən hesabat tələb edəcəklər, məsələ araşdırılacaq və təqsirkarlar barədə tədbir görüləcək."

Azərbaycanda internet telekommunikasiya sahəsində xidmət göstərən operator və provayderlər, o cümlədən host provayderlərin uçota alınmasına başlanılıb.

Nazirlər Kabinetinin qərarına əsasən, cari ildən host provayderlər özləri haqqında məlumatı Rəqəmsal İnkişaf və Nəqliyyat Nazirliyinə təqdim etməlidirlər. Prosesə dünən etibarən start verilib.İnformasiya Kommunikasiya Texnologiyaları Agentliyinin İctimaiyyətlə əlaqələr üzrə meneceri Günel Əhmədova “Xəzər Xəbər”ə deyib ki, bu addım eyni zamanda internet bazarında şəffaf, əlçatan və informasiyalı mühitin yaradılmasına səbəb olacaq.

Azərbaycan İnternet Formunun rəhbəri Osman Gündüzün sözlərinə görə isə, provayderlərin uçotu onların keyfiyyət məsələsini xüsusilə gündəmə gətirir.

Qeyd edək ki, tələbin icra edilməməsi İnzibati Xətalar Məcəlləsinə əsasən uçot qaydalarının pozulmasına görə inzibati məsuliyyətə səbəb ola bilər.