Çin hava şarları geniş kəşfiyyat proqramı çərçivəsində məlumat toplamaq üçün beş qitə üzərində ən azı 20 uçuş həyata keçirib.

Bu barədə çərşənbə axşamı CNN ABŞ administrasiyasındakı mənbələrə istinadən məlumat yayıb.

Məlumata görə, təxminən beş-altı uçuş ABŞ hava məkanında həyata keçirilib. Fevralın 4-də Cənubi Karolina sahillərində vurulan şarla müxtəlif ölkələrin əraziləri üzərindən uçan bütün hava şarları eyni model olmayıb.

Mənbə kanala bildirib ki, həmin şarın kifayət qədər çoxlu prototipləri var.

Qeyd edək ki, “The Washington Post” ABŞ kəşfiyyatına istinadən yazıb ki, Çin ordusu bir neçə ildir ki, bir sıra ştatlarda obyektlər haqqında məlumat toplamaq üçün hava şarlarından istifadə edir. Qəzetin yazdığına görə, Amerika rəsmiləri ərazilərində Çin tərəfinin müşahidə apardığı iddia edilən obyektlər barədə müttəfiqlərini və tərəfdaşlarını məlumatlandırmağa başlayıb.

ABŞ kəşfiyyatının məlumatına görə, müşahidə prosesində Pekin “hərbi aktivlər”, xüsusən Hindistan, Yaponiya, Vyetnam, Filippin və Tayvanda “hərbi aktivlər haqqında məlumat toplayıb. Nəşr bildirib ki, ABŞ dövlət katibinin müavini Vendi Şerman məsələ ilə bağlı brifinq keçirib. Orada “40-a yaxın səfirlikdən 150-yə yaxın adam” iştirak edib.

Nəşrin məlumatına görə, Dövlət Departamenti ABŞ-ın bütün səfirliklərinə Çin tərəfinin həyata keçirdiyi iddia edilən kəşfiyyat fəaliyyəti ilə bağlı “təfsilatlar” göndərib. \\Redaktor

Tariximizi yazanlar bizə xəyanət etdi? Gəlin bu sualları özümüzə verək və cavab axtaraq..
1- Anadoludan gələn türkmənlərin qurduqları Səfəvilər dövləti niyə tariximizdən kənarda qaldı?
2- Nə üçün Talkan və Curcan qırğınları dərsliklərdə təsvir olunmur?
3- Osmanlılar Kayı soyundan deyildilərsə, onların mənşəyi nə idi?
4- Şərqi Türküstanda piramidaları elmi cəhətdən araşdırmaq niyə qadağandır?
5-Çingiz xanın türk deyil deyənlərin nəvəsi Batu xanın qurduğu Qızıl Orda Dövlətini türk sayması ikiüzlülük deyilmi?
6- Avropada belə şumerlərin türk kimi qəbul edildiyi Türkiyədə niyə deyilmir?
7- İskitlərin türk olduğu bilindiyi halda türk tarixi niyə hunlardan başlayır?
8- Büyük devletler kurduğumuz Orta Asya’da neden yeterince arkeolojik kazı yapılmaz?
9- Selçuk Bey’in oğullarının hepsi neden Yahudi adları taşır?
10- Malazgirt Savaşı’nda önce Anadolu’da yaşayan Türkler hakkında neden bilgi verilmez?
11- Kardeşlerinin adı Tuğtekin, Börü, Turanşah olan büyük Türk Selahattin Eyyubi neden Kürt ya da Arap olarak gösterilmeye çalışılır?
12- Atatürk zamanındaki tarih ders kitapları, ölümünden sonra neden okutulmadı?
13- Osmanlı’daki dönme - devşirme paşaların Anadolu’da yaptıkları Türk katliamları neden anlatılmaz? Kuyucu Murat Paşa kimdir?
Esen Kalın,Türk Kalın...
Gök Türk
Teref.az

Çin Xarici İşlər Nazirliyi bildirib ki, Amerika Birləşmiş Ştatları ərazisi üzərində görünən hava şarı həqiqətən Çindən uçub.
Yeniavaz.com xarici KİV-ə istinadla xəbər verir ki, Çin həmin hava şarının elmi tədqiqatlar üçün mülki aparatdır və təsadüfən ABŞ səmasına daxil olub.
Bildirilib ki, hava şarı tədqiqat, əsasən meteoroloji məqsədlər üçün istifadə edilən cisimdir.
ABŞ Departamenti isə şarın qəsdən ABŞ hava məkanına daxil olmasından təəssüfləndiklərini qeyd edib.

Dünyada ortalama ən sürətli mobil intenet Çindədir.

İndex.az xəbər verir ki, Çində mobil internetin ortalama sürəti 1 saniyədə 112.22 megabitdir.

Norveç, Kanada, ABŞ, Səudiyyə Ərəbistanı da sürətli mobil internetlərinə görə seçilən ölkələrdəndir.

İndex.az ən sürətli mobil internetə sahib ölkələri sizə təqdim edir:

Türkiyənin milli və beynəlxalq arenada yüksək texnologiyalı, innovativ və milli sistemlər istehsal edən STM Müdafiə Texnologiyaları Mühəndislik və Ticarət şirkəti (Savunma Teknolojileri Mühendislik ve Ticaret AŞ) Türkiyə müdafiə sənayesinin proqram təminatı sahəsində ən mühüm ixrac uğurlarından birinə imza atıb.

NATO-da qərar qəbul edən şəxslər və komandanlıq üçün rabitə və informasiya sistemlərinin təmin edilməsi, quraşdırılması və saxlanmasına cavabdeh olan NATO Rabitə və İnformasiya Agentliyinin (NCI Agency) NATO çərçivəsində kəşfiyyat məlumatlarının yönləndirilməsi, toplanması, istifadəsi və paylanması üzrə elan etdiyi iki mühüm tenderin de qalibi STM olub. Qiymət və texniki kvalifikasiyanın qiymətləndirilməsi nəticəsində NCI Agency NATO üzv ölkələri arasında elan edilən və dünyanın aparıcı proqram təminatı şirkətlərinin iştirak etdiyi hər iki layihədə STM-ə üstünlük verib. Texniki və inzibati danışıqlardan sonra STM ilə NCI Agency arasında müqavilə imzalanıb.

Layihə çərçivəsində hazırlanacaq proqram təminatı ilə STM, NATO komandanlıqları üçün kəşfiyyat məlumatlarının yönləndirilməsi, toplanması, istifadəsi və paylanmasını təmin edəcək. Dünyadakı bütün NATO qərargahları və bazaları kəşfiyyat məlumatlarını STM-in inkişaf etdirəcəyi və modernləşdirəcəyi bu proqram vasitəsi ilə həyata keçirəcək. NATO-nun kəşfiyyat infrastrukturunu modernləşdirəcək INTEL-FS layihələrinin təxminən 3 il yarım çəkməsi planlaşdırılır. INTEL-FS layihələri türk şirkətinin NCI Agency ilə imzaladığı ən irimiqyaslı müqavilələrdən biri kimi seçilir.

INTEL-FS inkişaf prosesi tətbiq olunacaq texnologiya və ortaya qoyacağı həll yolları ilə ilkləri özündə cəmləşdirən bir layihə olacaq. INTEL-FS NATO üçün çevik proqram idarəetməsi ilə yazılacaq ilk layihələrdən biridir. Layihə NATO-nun öz platformasında hazırlanacaq və həyata keçiriləcək. Məlumatların inteqrasiyasını da ehtiva edən layihə; mikroservis əsaslı, paylanmış və genişləndirilə bilən olacaq.

Türkiyə Müdafiə Sənayesi İdarəsinin rəhbəri İsmail Dəmir tam müstəqil müdafiə sənayesi hədəflərinə gedən yolda beynəlxalq kritik qurum və təşkilatlara proqram təminatı sahəsindəki bacarıqlarını ötürmə səviyyəsinə çatdıqlarını söyləyib.

Türkiyənin müdafiə sənayesi şirkətlərindən olan STM-in dünyanın aparıcı proqram şirkətlərinin iştirak etdiyi INTEL-FS tenderini qazanaraq NATO-nun kəşfiyyat infrastrukturu üçün proqram təminatı hazırlayacağını vurğulayan İ.Dəmir “Türkiyənin proqram təminatı sahəsində NATO-dan aldığı ən böyük ixrac layihələrindən biri olan INTEL-FS layihəsinin xeyirli olmasını arzulayır, layihədə əməyi olan dostlarımı təbrik edirəm. İnformatika sahəsində yaratdığımız infrastruktur nəticəsində şirkətlərimizin beynəlxalq arenada əldə etdiyi nəticələr bizi sevindirsə də, sahəmizin bundan sonra da böyük uğurlara imza atacağına inanıram. Müdafiə sənayemiz yüksək əlavə dəyərli məhsul və həll yolları ilə Türkiyənin ixrac hədəflərinə töhfə verməyə davam edəcək”, – deyə bildirib.

Mövzu ilə bağlı açıqlama verən STM şirkətinin baş direktoru Özgür Güleryüz də şirkətin Türkiyədə xüsusilə proqram təminatı və müdafiə sənayesi sahəsində NATO ilə ən uzun müddət əməkdaşlıq edən və həll yolları təqdim edən şirkətlərdən biri olduğunu bildirib.

Daha əvvəl döyüş meydanında situasiya şüurunu əhəmiyyətli dərəcədə dəstəkləyəcək NATO İnteqrasiya Əsası (INT-CORE) layihəsini həyata keçirdiklərini xatırladan Güleryüz həmçinin Əfqanıstanda müxtəlif ölkələrin komanda və nəzarət birlikləri üçün proqram təminatı təmin etdiklərini və bu fəaliyyətlərin 10 il əvvələ qədər uzandığını qeyd edib.

“STM ThinkTech vasitəsilə biz xüsusilə böhran vəziyyətlərində NATO-nun qərar qəbul etməsi üçün həm proqram təminatı, həm də məsləhət xidmətləri yaradırıq. Biz onların paket olaraq ixracını həyata keçirdik. 2022-ci ildə biz 5-ci və 6-cı paketləri imzaladıq. NATO ilə imzalanan ən böyük işimiz, təşkilatın kəşfiyyat infrastrukturunu həm arxa plan dediyimiz mexanizmi meydana gətirən proqram həllini həm də ön planda istifadəçilərin qarşısındakı ekran və interfeyslərin təşkil etdiyi tenderləri qazandıq. Bunlar ölkəmizdə proqram təminatı sahəsində NATO-dan alınan ən böyük işlərdəndir və çox mühüm layihələrdir. NATO-nun kəşfiyyat məlumat axını bundan sonra STM-in proqram təminatı vasitəsilə həyata keçiriləcək. NATO-nun bütün istifadəçiləri dünyadakı bütün qurumlardan girişləri bu proqramlardan istifadə edərək edəcəklər. Bu mənada çox vacib proqramdır”, – Güleryüz deyib.

Sözügedən proqram təminatının texniki olaraq ən qabaqcıl texnologiyaları ehtiva etdiyini vurğulayan Ö.Güleryüz burada formalaşacaq infrastrukturların həm ölkənin müxtəlif sahələrdəki ehtiyacları üçün istifadə oluna biləcəyini, həm də NATO-nun gələcək proqram təminatına zəmin yaradacağını bildirib, bu texnologiyaları inkişaf etdirən və ilk dəfə istifadəyə verən şirkət olmalarının onlar üçün son dərəcə vacib olduğunu sözlərinə əlavə edib.

Özünün icad etdiyi teleskopda Ayda kraterləri ilk görən Qalileo Qaliley idi. Elə “krater” adını da ilk o tapdı. Qalileydən əvvəl Ay səthinin düz olduğuna inanılırdı. Qədim yunan sözü Κρατήρ şərab və suyun qarışdırıldığı qab deməkdir. Aydakı girintilər kasa formalı olduğu üçün Qaliley onları belə adlandırdı. O yazırdı:
“Biz belə nəticəyə gəldik ki, Ayın səthi bir ordu filosofun təxmin etdiyi kimi nə hamardır, nə də düz, heç mükəmməl dərəcədə sferik də deyil, əksinə, qeyri-bərabər, kobud, ləkəli çökəklikləri və yüksəklikləri olan yerdir”.
Hər kəsdən əvvəl görmək və gözləniləndən tamamilə fərqli bir şeyə baxmaq maraqlıdır. Qalileo, güman ki, Ayın səthini ilk görən insan olduğu üçün heyrətə düşmüşdü…

İbrahim Nebioglu
Teref.az

ABŞ-də gecə səmasında qalaktikaya bənzəyən sirli mavi spiral görənləri heyrətə gətirib. Bununla bağlı sosial şəbəkələrdə yayılan kadrlar çoxlu müzakirələrə səbəb olub.

Kadrlar Havay adalarında Mauna Kea vulkanının zirvəsi yaxınlığında astronomik rəsədxana tərəfindən Yaponiyanın “Subaru-Asahi Star Camera”sı tərəfindən qeydə alınıb.


Sonradan məlum olub ki, fantastik görünüşünə baxmayaraq, spiralın çox sadə izahı var imiş. Məlumata görə, həmin gün Floridadakı kosmodromdan “Falcon 9” raketi buraxılıb. Kameranın qeydə aldığı görüntülər isə atmosferə atılan raket yanacağının donmuş qalıqlarının izi olub.

Mənbə: Daily Mail

2022-ci ildə Azərbaycana 74 577 ədəd müxtəlif təyinatlı avtomobil idxal olunub, ölkəyə gətirilən avtomobillərin ümumi dəyəri 1 mlrd. 57 mln. 800 min dollar olub – yəni, ortalama hər avtomobilin qiyməti 14184 dollar olub. Maraqlı məsələ odur ki, saya görə 2022-ci ildə 2021-ci ilə nisbətən 13,1% az olsa da, dəyər ifadəsində 2022-də 2021-ci ilə nisbətən 18,2% çox artım olub. Bu o deməkdir ki, ölkəyə gətirilən avtomobillərın də ortalama qiyməti artıb. Ölkəyə 155,4 mln. dollarlıq 11337 ədəd hibrid, 17,7 mln. dollarlıq 486 ədəd sırf elektriklə işləyən maşın gətirilib. Elektriklə çalışan maşınların sayı keçən il 2021-ə nisbətən 3 dəfə artıb.
Ötən il elektriklə işləyən maşınlara rüsumlarla bağlı güzəşt elan edildi, amma son 3 ildə istehsal edilən maşınlara bu güzəştlər tədbiq edilir. Güzəşt elan olunan kimi ölkəyə gətirilən elektrikli avtomobillərin sayı kəskin artıb, amma dünya ölkələri ilə müqaisədə çox-çox azdır, cüzidir. Səbəbi də odur ki, 3 illik istehsal məhdudiyyəti məntiqsizdir – benzin/dizellə çalışan yeni avtobobillərə təşviq təyin etməyin məntiqi var, yeni avtomobillər ekoloji olaraq daha az zərərli olurlar. Amma elektriklə işləyən maşınlara belə yanaşma absurddur – 2010-cu il istehsalı elektrikli maşınla 2020-ci il istehsal tarixi olan elektrikli maşının ekoloji cəhətdən HEÇ BİR fərqi yoxdur. Hər ikisi elektriklə işləyir, hər ikisi ekologiyaya ziyan vurmur, çünki eyni TEXNOLOJİ məntiqlə çalışırlar. Ona görə də, hökumət elektrikli maşınlara tədbiq etdikləri 3 illik istehsal təşviqi msəsləsinə yenidən baxmalı, bu məsələ, ən azı son 10 il istehsal tarixi olan maşınlara tədbiq edilməlidir...
Natiq Cəfərli
Teref.az