1300 nəfərin texnoloji yarışması 3 gündür ki, davam edir.
Dronlar ölkəmizdə dövriyyəsi məhdudlaşdırılan (!) avadanlıqlar siyahısında olduğundan DRON kateqoriyasında yarışan uşaqlara dronları ETN verib.

Bu gün Bakı Ekspo Mərkəzində Elm və Təhsil Nazirliyinin təşkilatçılığı ilə keçirilən
SAF 2022 -STEAM Azərbaycan festivalında oldum.
Təəssüratım xeyli yüksəkdir.
Əvvəlki illərdən fərqli olaraq iştirakçı sayı və iştirakçı ölkələr, yarışların kateqoriyaları xeyli artıb. Həmçinin daha aşağı yaş qrupunda olan uşaqlar da yarışlara cəlb edilib.
Ümumilikdə, festivala 1300-dən çox iştirakçı qatılıb.
Böyük Britaniya, İsveç, Türkiyə, Türkmənistan, Estoniya, Özbəkistan və Qazaxıstanı təmsil edən 127 əcnəbi şagird də iştirakçıdır.
11 kateqoriya üzrə keçirilən yarışların münsif heyətində tanıdığım mütəxəssislərimizlə bərabər türkiyəli, israilli, fransalı, norveçli və çinli ekspertlər də vardı.
Xeyli sayda komandalarla görüşdüm, iştirakçılarla,, şagirdlər və müəllimlərlə , mentorlarla , təşkilatçılarla söhbət etdim. Bəzi təqdimatlarda iştirak etdim.
Ümumi fikrim odur ki, festival, bu tip yarışlar uşaqlarda müasir çağırışlara uyğun bacarıqları və düşüncə tərzini formalaşdırmaq, rəqəmsal bacarıqları artırmaq, komanda bacarıqlarını və kommunikasiyaları inkişaf etdirmək baxımından olduqca əhəmiyyətlidir.
ETN-nin, təşkilatçıların, dəstəkçilərin bu istiqamətdəki səyləri təqdirə layiqdir.
Yeri gəlmişkən , bəzi məqamları da diqqətə çatdırmaq istərdim.
STEAM əsaslı tədris prosesi elm, texnologiya, mühəndislik, riyaziyyat və incəsənətin inteqrasiyasını nəzərdə tutur.
Hazırda STEAM layihəsi ölkə üzrə cəmi 320 ümumtəhsil məktəbini və 18 STEAM mərkəzini əhatə edir.
Ümumilikdə 135 000 şagird STEAM əsaslı tədrisə cəlb edilib.

Əlbəttə, bu hələlik çox azdır. Əhatəlik, kütləvilik artırılmalıdır, hökumət bura əlavə resurslar ayırmalıdır.
Şagirdlərlə və müəllimlərlə söhbətdən gəldiyim qənaət də odur ki STEAM mərkəzlərini çox artırmaq, ümumiyyətlə hər bir məktəbin özünü belə mərkəzlərə çevirmək vacibdir.
STEAM-in mahiyyətinə uyğun olaraq, müəllim hazırlığını onlayn formatda deyil, daha çox praktiki, real təlim dərsləri üzərində keçirmək, beynəlxalq əlaqələri, şəbəkələşməni artırmaq doğru olardı.
Zəruri avadanlıqlarla, resurslarla təminat gücləndirilməlidir.
Bu gün festivalda həm də DRON kateqoriyası üzrə yarışan bir çox məktəblərin komandaları ilə görüşdüm.
Dronları necə əldə etdikləri ilə maraqlandım.
Hamısı birmənalı olaraq qeyd etdilər ki, müstəqil olaraq dron əldə edə bilmirlər, dronlar onlara ETN tərəfindən verilir.
Bu tip hallar ölkəmizdə gənclər və uşaqlar arasında keçirilən digər dron yarışlarında da özünü göstərir.
Absurd bir vəziyyət hələ də davam edir.
Dron , qəribə səslənsə də, bizim ölkəmizdə hələ də dövriyyəsi məhdudlaşdırılan avadanlıqlar siyahısındadır.
6 dövlət qurumu icazə verməlidir ki, hansısa bir məktəb və ya məktəbli, vətəndaş özünə dron gətirsin.
Qonşu ölkələrdə isə bu tip məsələlər çoxdan öz həllini tapıvb və dronların çox sadə, normal bir qeydiyyat qaydaları müəyyən edilib.
Ümid edirəm RİNN-nin yeni yaranan Agentlikləri Aviasiya haqqında yeni qanunvericiliyin qəbulunadək dronların sadə bir qeydiyyat qaydalarını hazırlayacaqlar.
Osman Gunduz
Teref.az

Qlobal Lenovo texnoloji şirkətinin Azərbaycanda fəaliyyət göstərən rəsmi nümayəndəliyi regional mərkəzə çevriləcək.
Bu haqda Lenovo-nun Bakıda olan rəsmiləri məlumat verib.
Lenovo -nun baş vitse-prezidenti Vilfredo Sotolonqo rəqəmsal inkişaf və nəqliyyat naziri Rəşad Nəbiyevlə görüşüb.
Nazir qlobal İT şirkətləri üçün münbit biznes mühitin yaradılması istiqamətində atılan və atılacaq addımlar haqqında məlumat verib.
Görüşdə Lenovo rəsmisi Azərbaycan nümayəndəliyinin statusunun daha da genişləndiriləcəyini, onun Şərqi Avropa və Mərkəzi Asiya ölkələrinin ərazisini əhatə edən regional mərkəzə çevriləcəyini bildirib.

Düşünürəm ki, ciddi və olduqca faydalı bir hadisədir.
Güman etmək olar ki, son zamanlar regionda baş verən müharibələr səbəbindən qlobal şirkətlərin regional ofislərində baş verən miqrasiya prosesləri hələ də davam edir.
Bu baxımdan Lenovo-nun regional ofis olaraq Azərbaycanı seçməsi çöx önəmlidir və texnologiyalar sahəsində bizim milli maraqlarımıza uyğundur.
RİNN-in bu istiqamətdə səyləri təqdirəlayiqdir.
Əlbbəttə, düşünürəm ki, bu məsələlərdə indiyədək Lenovo-nun nümayəndəlik olaraq ölkəmizdəki ofisinin rəhbəri Rasim Bəxşinin də fəaliyyətini qeyd etmək yerinə düşər.
Ötən ay Baş meneceri də daxil olmaqla bütün əməkdaşları işdən çıxarılaraq ölkədaxili fəaliyyəti dayandırılılan Microsoft Azərbaycan-la bağlı xoşagəlməz hadisədən sonra qlobal İT şitkətlərin ölkəmizdə oturuşması ilə bağlı addımlar bu sektorda vəziyyətin tez bir zamanda yaxşılaşacağına ümid verir.
Osman Gündüz
Teref.az

İndiki smartfonların əksəriyyəti nəmdən qorunma özəlliyinə malikdir. Lakin suya düşəndən sonra bir çox smartfonlar ya işləmir, ya da şarj olunmur.

Bəs, necə edək ki, smartfonu işlək vəziyyətə qaytaraq? Bu yazımızda həll yollarını izah edəcəyik.

Tribunainfo.az xəbər verir ki, şarj hissəsinə su daxil olan telefonu əvvəlcə söndürün. Əvvəl xaricini, sonra şarj yerini parça və ya quru salfetlə ilə yaxşı quruladığınıza əmin olun. Telefonu saç feni və ya tozsoranla qurutmaq olmaz. Bu zaman telefonun içində olan incə detallar sıradan çıxır.

Bundan sonra söndürdüyünüz telefonu yenidən başladın. Əvvəlcə USB kabeli telefona taxın. Çıxaranda kabeldə kir varsa, diş çubuğu ilə şarj yerini təmizləyin. Diqqət edin ki, təmizləyici vasitə metal əşya olmasın. Yoxsa sizi elektrik cərəyanı vura bilər.

Smartfon işə düşəndən sonra ekranda şarj edildiyi yazırsa, deməli hər şey qaydasındadır.

Biz növbəti yerüstü müşahidə peykinin – “AzerSky 2”nin orbitə buraxılması üçün tender elan edəcəyik. Bu gün bunu dünyada ən aşağı qiymətə edən İlon Maskın rəhbərlik etdiyi ABŞ-nin "Speys X" şirkətidir.

Axar.az xəbər verir ki, bunu Report-a açıqlamasında Rəqəmsal İnkişaf və Nəqliyyat Nazirliyi yanında Kosmik Agentliyin ("Azərkosmos") İdarə Heyətinin sədri Saməddin Əsədov deyib.

“Sayca 4-cü olacaq bu peyk 3 ildən sonra orbitə buraxılacaq. Əminəm ki, "Speys X" yaxşı qiymət verəcək, çünki bütün dünyada ən aşağı qiyməti o verir. Amma biz indi deyə bilmərik ki, onlarla birlikdə peyki orbitə buraxmağı planlaşdırırıq. Çünki hələ tenderə başlamamışıq. Hələ onlarla kommunikasiya yoxdur və tezdir. Bizim peyk proqramlarını icrası hələ iki il sonra olacaq. “AzerSky 2"nin təxminən 2025-ci ildə orbitə buraxılması nəzərdə tutulur”, - deyə o qeyd edib.

"Türkiyə yanacağın Avropaya tədarük ediləcəyi qaz qovşağı yaratmağa hazırlaşır".

"Report" TRT-yə istinadən xəbər verir ki, bunu Türkiyə Prezindeti Rəcəb Tayyib Ərdoğan Şanlıurfa şəhərində gənclərlə görüşündə deyib.

"Rusiya Prezidenti Vladimir Putin, bildiyiniz kimi, təbii qazın Türkiyə vasitəsilə Avropaya paylanmasını təklif edib. Biz bu istiqamətdə hazırlıq işləri görürük", - Ərdoğan bildirib.

Qeyd edək ki, Vladimir Putin “Şimal axını” ilə itirilmiş tranzit həcminin yönləndirilə biləcəyi qovşağın yaradılması ideyası ilə Rusiya Enerji Həftəsi forumunda çıxış edib. Onun sözlərinə görə, söhbət Türkiyədə daha bir boru kəməri sisteminin qurulması və qovşağın yaradılması imkanından gedir ki, buradan üçüncü ölkələrə, ilk növbədə Avropa ölkələrinə qaz nəql olunacaq.

ABŞ-ın Aerokosmik Agentliyinin (NASA) “Ceyms Uebb” kosmik teleskopu Saturnun ən böyük peyki olan Titanda buludlar aşkar edib.

Teleqraf.com xəbər verir ki, NASA-nın teleskopu keçən ay Yer kürəsinin atmosferindən 4 qat daha sıx atmosferə malik olan Titanı araşdırıb.

Araşdırma zamanı Saturnun peykinin şimal yarımkürəsində iki bulud görülüb.

Bu buludların ən böyüyü Titanın səthində məlum olan ən böyük maye kütləsi olan Kraken Mare yaxınlığında aşkar edilib.

Titanın atmosferi azot və metandan ibarətdir ki, bu da ona narıncı görünüş verir.

Titanın səthində buludlar əmələ gətirən və yağışa səbəb olan maye etan və metan var.

Ukrayna müharibəsinin davam etdiyi bir zamanda Rusiya hakimiyyətinin kosmosda peykləri vurmaqla bağlı hədələri reallaşarsa, gündəlik həyat iflic ola bilər.

Hava, quru və dəniz nəqliyyatından tutmuş bank və maliyyə sistemlərinə, rabitə vasitələrindən televiziya yayımlarına qədər bir çox sahədə aktiv şəkildə peyklərdən istifadə olunur.

Bir çox sahələrdə fəaliyyət kosmosa əsaslanan texnologiyalardan asılıdır. Həmçinin qlobal maliyyə bazarları, bankçılıq sistemi, hava proqnozları və hətta hərbi əməliyyatlarda da peyk texnologiyalarına ehtiyac duyulur.

Lakin Ukrayna müharibəsinin davam etdiyi müddətdə Rusiya hakimiyyətinin kosmosda peykləri vurmaqla bağlı hədələri narahatlıq doğurur.

Daha əvvəllər Rusiya, Çin və Hindistan öz peyklərini vurmuş olsalar da, indiyədək heç bir ölkə düşmən peykinə raket hücumu həyata keçirməyib.

Missisipi Universitetinin Kosmos hüququ proqramının direktoru Maykl Hanlon bildirib ki, Rusiyadan gələn bu təhlükə bu məsələ üzərində ciddi düşünməyə vadar edir. “Hər zaman bunun baş verə biləcəyinə dair bir hiss var idi, lakin heç kim yüksək səslə bunu həqiqətən edə biləcəyini söyləməmişdi”, – deyə Hanlon qeyd edib.

Ukrayna və Rusiya arasındakı müharibədə Ukrayna ordusu genişzolaqlı internet xidmətini İlon Maskın “SpaceX” şirkətinin “Starlink” peyk şəbəkəsindən əldə edir. “Maxar” kimi mülki şirkətlər peyklər sayəsində müharibənin anlıq görüntülərini paylaşırlar. Ukraynada on minlərlə rabitə cihazı isə ABŞ-ın peyk rabitə nəhəngi “Iridium”un peyk şəbəkəsinə arxalanır.

“Hər hansı bir səbəbdən kosmosda hər hansı bir obyektin vurulmasından danışmaq həqiqətən məsuliyyətsizlikdir. Əgər kimsə kosmosda peyklərə zərbə endirməyə başlayarsa, düşünürəm ki, bu tez bir zamanda kosmosun yararsız hala düşməsi ilə nəticələnəcək”, – deyə “Iridium”un CEO-su (icraçı direktoru) Matt Desç açıqlamasında qeyd edib.

Bəs Rusiya kosmosdakı peykləri vura bilərmi? Rusiyanın 1972-ci ildə imzaladığı “Beynəlxalq Məsuliyyət haqqında Konvensiya”ya görə, kosmosda hər hansı obyektə dəyən ziyana görə kompensasiya ödənilməlidir. Missisipi Universitetindən Mişel Hanlonun sözlərinə görə, Rusiya ABŞ-nin kosmik obyektini vurarsa, ABŞ-nin cavab haqqı doğar.
pressklub

Markasından asılı olmayaraq telefona ehtiyatsız davransanız, o qısa müddətdə sıradan çıxa bilər.

İstifadəçilər smartfonu çox nadir hallarda söndürürlər. Amma əşyaların da insanlar kimi istirahətə ehtiyacı var. Buna görə onları ara-sıra söndürmək lazımdır.

Bəzi insanlar smartfonlarda “Wi-Fi” və “Bluetooth”u heç vaxt söndürmürlər. Onları daimi olaraq aktiv saxlasanız, tezliklə batareya sürətli şəkildə boşalmağa başlayacaq.

Bunlarla yanaşı, batareyanın tam boşalması və ya bütün gecə şarjda qalması onun ömrünü qısaldan amillərdəndir. Həmçinin, telefonlarınız üçün orijinal olmayan şarj cihazlarından istifadə etməmək məsləhətdir.

Telefonunuzu söndürən zaman onun enerjisinin bitmədiyinə tam əmin olun. Smartfonları 100 faiz deyil, maksimum 80 faizə qədər doldurun. Keyfiyyətsiz şarj alətlərindən imtina edin.

Teref.az olaraq qeyd etmək istəyirik ki, NASA-nın Kepler Kosmos Teleskopu uzaq ulduz orbitlərində kiçik dünyaları tapmaq məqsədi ilə yaradılmışdır. Lakin bununla məhdudlaşmayan Kepler eyni zamanda yerdənkənar həyatın axtarılmasında da rol oynayır.
Discovery News xəbər verir ki, KIC 8462852 adlandırılmış ulduzun ətrafında qeyri adı nəsə mövcuddur. Yerdənkənar intelektual varlıqların öz ulduzları ətrafında yaratdıqları qeyri-təbii fenomena kimi görsənən bu müəmma bəzi tədqiqatçılara görə, bizdən daha inkişaf etmiş bir sivilizasiya aid olan meqastrukturun əlaməti ehtimalıni söyləməyə əsas verir. Buna Sivilizasiya 2 adı verirlər. Biz isə Sivilizasiya 0 olaraq qalmaqdayıq. Çünki bizdə hələ də təbiətin hazır məhsul və resurslarından istifadə gündəmdədir. Sivilizasiya 2-yə keçid üçün əvvəlcə Sivilizasiya 1 erasına keçmək lazımdır.
Hazırda elm adamlarının maraq dairəsində olan KIC 8462852 ulduzu ətrafındakı fenomena naməlum olaraq qalmaqdadır.
Teref.az yazır ki, yeni araşdırmalar göstərib ki, Kepler-186f Yerdən təxminən 500 işıq ili uzaqlıqda, Cygnus bürcündə yerləşir. Yaşayış zonası, həmçinin Goldilocks zonası kimi tanınan, kifayət qədər atmosfer təzyiqi olan planet kütləli obyektlərin səthində maye suyu saxlaya bildiyi bir ulduz ətrafındakı bölgədir.
Ən azı 40 milyard Yer ölçüsündə planetin bizim Süd Yolu Qalaktikamızın orbitində fırlanacağı proqnozlaşdırılsa da, bu xüsusi kəşf başqa bir ulduzun yaşayış zonasında tapılan ilk Yer ölçülü planet olduğuna inanılır.
Bunun mənası nədi?
Kepler-186f sistemində ən yaxın ulduzun ətrafında fırlanan Kepler-186f-dən başqa daha 4 planet var. Bu o deməkdir ki, bu planetin yanındakı ulduz bizim Günəşlə eynidirsə, bu planetdə həyatın olma ehtimalı eksponent olaraq artır.
“Biz həyatın mövcud olduğu yalnız bir planet bilirik, o da Yer. Günəş sistemimizdən kənarda həyat axtararkən diqqətimizi Yerinkinə bənzəyən xüsusiyyətlərə malik planetlərin tapılmasına yönəldirik”, - NASA-nın Moffett Fielddəki Ames Araşdırma Mərkəzinin SETI İnstitutunun tədqiqatçısı Elisa Quintana deyir. öyrənmək. Science jurnalında dərc olunmuş məqalə. "Ölçülərinə görə Yerə bənzər yaşayış zonası planetinin tapılması böyük bir irəliləyişdir."
Kepler-186f-nin yanındakı ulduz Günəş sistemimizdəki Günəşin kütləsi və ölçüsünün yarısı qədərdir və Günəşimizdən aldığımız enerjinin yalnız üçdə birini alır. Kepler-186f öz ulduzunun ətrafında 130 gündə fırlanır.
Teref.az

ABŞ-ın keçmiş prezidenti Donald Trampın “Twitter” sosial şəbəkəsində blokdan çıxarılan hesabı sosial şəbəkə istifadəçilərinin böyük marağına səbəb olub.

Hərçənd, siyasətçinin özü orada yeni paylaşımlar etmək fikrində olmadığını bildirib.

Tramp 8 yanvar 2021-ci ildə hesabının dondurulması nəticəsində 90 izləyicisini itirib. Lakin bərpa olunduqdan saatlar sonra artıq onun səhifəsinə 86 milyon abunəçi yazılıb.

Siyasətçinin səhifəsində artıq bütün əvvəlki paylaşımlar görünür, onları bəyənib şərh yaza bilərsiniz.

Donald Trampın özü isə şəxsi “Truth Social” internet platformasını tərcih edir.