"Təcili olaraq həm iOS-da həm Android-də "WhatsApp"ı yeniləyin!".
Bakupost.az xəbər verir ki, bu barədə İT mütəxəssisi, tanınmış texnobloqer Fərid Pərdəşünas xəbərdarlıq edib.

O bildirib ki, köhnə versiyalarda olan bir boşluqla hakerlər smartfonun idarəsini ələ ala bilir:

"Yəni, sizə bir video göndərilir və o video ilə bütün smartfonun idarəsi keçir qarşı tərəfə. Ümumiyyətlə, məşhur "Pegasus" hadisələrində də "WhatsApp"ın bu boşluğu gündəmdə idi. "WhatsApp" son aylarda təhlükəsizliyi təmin edə bilmir. Meta başını "metaverse" mözularından biraz açsa, istifadəçilərin təhlükəsizliyini də qoruyardı".


Ekspert, həmçinin "WhatsApp Premium"un da gələcəyini xatırladıb: "WhatsApp"da pullu xidmətlər olacaq".

“Lansweeper” adlı şirkət tərəffindən tərtib edilmiş statistika kompüterlərin 42 faizinin “Windows 11”-ə keçid edə bilməyiblər.

Lent.az xarici KİV-ə istinadən xəbər verir ki, həmin kompüterlər faktiki olaraq “Windows 11” üçün lazımi sistem tələblərinə sahib deyillər.

Buna görə də sözügedən əməliyyat sisteminə kimi yenilənə bilmirlər. Bir il bundan öncə bu göstərici 57.26% təşkil edirdi. Əsasən bu kompüterlərin “Windows 11”ə kimi yenilənmələrini əngəlləyən əsas səbəb çatışmayan RAM yaddaşıdır.

“Facebook”un sahibi olan “Meta” şirkətinin təhlükəsizlik mütəxəssisləri sosial media məlumatlarını oğurlamaq üçün nəzərdə tutulmuş 400 Android və iOS tətbiqinin aşkarlanması barədə istifadəçiləri xəbərdar ediblər.

Məsələ ondadır ki, aşkar edilmiş bütün proqramlar yalnız “Facebook” hesabı vasitəsilə avtorizasiya təklif edir, bundan sonra istifadəçinin şəxsi məlumatlarını oğurlayırlar.

Tətbiqlər əsasən foto redaktoru kimi maskalanır (46%), həmçinin bəzi hallarda özlərini həyat tərzi cəmiyyətləri kimi də təqdim edirlər.

Tətbiqlərin zərərli nüsxələri çoxlu saxta müsbət rəylərə sahibdir.

“Meta” təxminən 1 milyon istifadəçinin bu proqramlardan əziyyət çəkə biləcəyini təxmin edib.

ABŞ Çinin 31 texnoloji şirkətini ixracat məhdudiyyətləri olan siyahıya daxil edib.

“Report” Rusiya KİV-inə istinadən xəbər verir ki, bu barədə məlumatı ABŞ-ın Ticarət Nazirliyinin mətbuat xidməti yayıb.

Məlumata görə, həmin şirkətlərin fəaliyyətində “xoş məramlılığı” müəyənləşdirmək mümkün olmayıb. Bildirilib ki, bu səbəbdən də Sənaye və Təhlükəsizlik Bürosu ixracın idarə olunması qaydalarına düzəlişlər edərək, təsdiqlənməmiş şəxslər siyahısına 31 strukturu əlavə edib.

Amerikanın “Google” şirkəti ilk dəfə olaraq “Pixel Watch” smart saatlarının ilk modelini rəsmi olaraq təqdim etdi.

Qeyd olunur ki, qadcet dəyirmi forma və paslanmayan polad korpusa malikdir. Onu idarə etmək üçün digər şirkətlərin ağıllı saatları kimi çarx və düymədən istifadə olunur.

Cihazın daxilində 2 GB RAM ilə Exynos 9110 çipi quraşdırılıb.

“Pixel Watch” “Wear OS 3.5” ilə işləyir və daxili səs köməkçisinə malikdir. Yenilik Fitbit xidmətləri ilə inteqrasiya, həmçinin sahibinin fiziki fəaliyyətini izləmək imkanı əldə edib.

Saatın daxili batareyası 24 saat fasiləsiz işləməyə imkan verir. Sürətli doldurma yarım saat ərzində enerjinin 50%-ni bərpa edir.

Mənbə: gazeta.ru

Сənubi Koreya 1100 metr dərinlikdə unikal laboratoriya inşa edib. Burada alimlər kainatın sirlərini araşdırmağa hazırlaşırlar.

Koreyanın Əsas Elmlər İnstitutu yeni laboratoriyanın ölkənin ən dərin yeraltı tədqiqat mərkəzi olduğunu bildirib. Laboratoriya Şərqi Qanqvon-do əyalətindəki Yemi dağının altında yerləşir. Lakin mərkəz yalnız gələn il açılacaq.

Laboratoriya 3000 kvadratmetr sahəyə malikdir. Burada eyni vaxtda 10-dan çox eksperimental tədqiqat apara bilir.

21,8 milyon dollarlıq layihə 2017-ci ildə başlayıb. Onun inşası qaranlıq maddəni aşkar edərək, eləcə də neytrinoların kütləsini ölçməklə kainatın yaradılmasını və tərkibini araşdırmaq məqsədi daşıyır.

Alimlər izah ediblər ki, yeraltı laboratoriya tədqiqatçılara bu az tanınan materiallardan gələn siqnalları fon səs-küyü və ya kənardan gələn şüalar olmadan aşkar etməyə kömək edəcək. (Mənbə: rbc.ua)

“Orion” kosmik gəmisi ilə "Space Launch System" (SLS) super ağır raket-daşıyıcının Aya buraxılması üçün daha bir cəhd “İan” qasırğası səbəbindən təxirə salınıb.

TED.az-ın məlumatına görə, bu barədə ABŞ Milli Aeronavtika və Kosmik Tədqiqatlar Administrasiyasının (NASA) saytında yerləşdirilən melumatda bildirilib.

Məlumata əsasən, buraxılışın yeni cehdi noyabrın 12-dən gec olmayaraq həyata keçirilə bilər:

"NASA noyabrın 12-də açılan və noyabrın 27-də bağlanan buraxılış pəncərəsindən yararlanaraq, missiyanın işə salınması üçün hazırlıqlara diqqət yetirmək qərarına gəlib. Yaxın günlərdə rəhbərlik şaquli quraşdırma binasında [Vertical Assembly Building, VAB] tamamlanacaq işlərin həcmini qiymətləndirəcək və növbəti buraxılış cəhdi üçün dəqiq tarix təyin edəcək".

“Konyaspor”un ev oyunlarını keçirdiyi Konya Böyükşəhər Bələdiyyəsi stadionunda azarkeşlər oyunu fərqli şəkildə izləyə biləcək.

Belə ki, təmir işləri başa çatan stadionda lojaya cakuzi qoyulub.

Loja sahiblərinə təklif edilən cakuzi imkanı da Türkiyədə bir ilk olaraq qeydə alınıb.

Azarkeşlər matçı cakuzidə izləyə biləcəklər. Bu xidmət Türkiyədə bir ilk olacaq.

Mənbə: Sondakika

“Bu, nə birbaşa itkilər, nə də başqa ölkənin ərazisinə hücumdur, ona görə də Qərbin birbaşa hərbi reaksiyasına səbəb ola bilməz”

Rusiya ilə Ukrayna arasında müharibə davam edərkən, dünya hər iki tərəfin yaxın günlərdə atacağı addımlarla bağlı proqnozlar verir. Daim Rusiya ilə bağlı kəşfiyyat məlumatları toplayan Britaniyanın Silahlı Qüvvələrinin ən yüksək səviyyəsindən gələn iddia ortalığı daha da qarışdırır.

Putinin “Şimal axını 1” və 2-ci boru kəmərlərində dörd sızma və sualtı partlayışlar törətməkdə ittiham edilməsindən sonra danışan ingilis komandan Rusiyanın növbəti hücum hərəkəti barədə xəbərdarlıq edib və diqqəti qurudakı müharibədən başqa səmtə yönəldib.

Admiral ser Toni Radakin Putinin kosmosda hücumlara başlaya biləcəyi ilə bağlı dünyaya xəbərdarlıq edib. Onun iddiasına görə, Rusiya həm yeraltı, həm də səmada Ukraynada müşahidə olunan ənənəvi quru müharibəsinin istiqamətini dəyişə bilər.

“Rusiyanın nüvə potensialı var, Rusiyanın sualtı imkanları var. Və onların kosmosda imkanları var. Biz bunun nümunəsini keçən ilin sonunda Rusiyanın kosmosda böyük miqdarda dağıntılar yaradan obyekti partlatması zamanı gördük”, - deyə komandan bildirib.

“Ukraynada atdığı addımlar, enerji sahəsində və diplomatik münasibətlərdə gördükləri işlərlə yanaşı, Rusiyanın digər sahələrdə də imkanları var. Və bunun ən mühüm sütunlarından biri informasiya müharibəsidir”, - deyə o vurğulayıb.

Keçən ilin noyabrında Rusiya yerdən təxminən 300 mil yüksəklikdə olan peyklərindən birini vuran yerüstü raketi sınaqdan keçirdi. Moskva həmçinin Böyük Britaniya və ABŞ tərəfindən 2020-ci ildə kosmosa silaha bənzər raket buraxmaqda ittiham edilib.

“Royal United Services Institute” beyin mərkəzinin baş direktorunun müavini Prof. Malcolm Çalmers bildirib ki, Rusiya peykləri məhv edərsə, bütün dünyada təsiri hiss olunacaq: “Rusiya həm hərbi, həm də mülki GPS sistemlərinə dünyanın hər yerində hücum edə bilər. Telefonlarımızın və avtomobillərimizin əksəriyyətində istifadə edilən peyk naviqasiya sistemləri kimi mülki xidmətlərdə müəyyən fasilələr ola bilər”.

Çalmers qeyd edib ki, boru kəmərlərinin təxribatı kimi, peyklərin məhv edilməsi də “nə birbaşa itkilər, nə də başqa ölkənin ərazisinə hücumu” əhatə edir və buna görə də Qərbin birbaşa hərbi reaksiyasına səbəb ola bilməz.

Bununla belə, admiral Radakin təkid edir ki, əgər Rusiya dünya informasiyasının 95 faizindən çoxunun yayıldığı sualtı dəniz kabelləri vasitəsilə və ya kosmosda kritik infrastruktura hücum etsə, NATO ölkələrinin sərt reaksiyasına səbəb olacaq.

Bu ayın əvvəlində Putin Ukraynadakı müharibəni öz xeyrinə çevirmək üçün 300 000 ehtiyatda olan əsgərin qismən səfərbər edilməsi əmrini verərkən, eyni zamanda nüvə silahından istifadə ilə bağlı blef etmədiyini də bəyan etmişdi.

Lakin Putinin bütün ritorikasına baxmayaraq, ser Toni "Rusiya nüvə müharibəsi istəmir" deyə düşünür: “Rusiya NATO ilə müharibə istəmir. Rusiya beynəlxalq ictimaiyyəti öünə qarşı indi olduğundan daha artıq qaldırmaq istəmir. Çünki bu, Rusiya üçün daha böyük problemlər yaradır”.

Mənbə: “Hurriyet”

Tərcümə AYNA-ya məxsusdur

Müəllif: İsmayıl Məmmədli

Sentyabrın 29-da Azərbaycanın qədim və zəngin tarixini, mədəniyyətini təbliğ edən yeni layihə ictimaiyyətə təqdim edilib. Heydər Əliyev Fondu və bp şirkətinin birgə tərəfdaşlığı ilə hazırlanan “Dünya xəzinələri – Azərbaycan” (“Treasures of the World – Azerbaijan”) filminin Heydər Əliyev Mərkəzində premyerası olub.

Publika.az xəbər verir ki, Bakı Media Mərkəzinin prezidenti Arzu Əliyeva filmin premyerasını izləyib.

Bakı, Şuşa, Qobustan və Şəkinin ecazkar və əsrarəngiz tarixini, mədəni xəzinələrini təqdim edən film Azərbaycanın zəngin mədəni irsinin beynəlxalq miqyasda təbliğinə yönəlib.

Təqdimat mərasimində çıxış edən bp-nin Azərbaycan, Gürcüstan və Türkiyə üzrə regional prezidenti Qəri Counz ekran əsərinin çox sayda insanın dəstəyi ilə ərsəyə gəldiyini deyib. Qəri Counz Azərbaycanın mədəni irsinin bu cür tədqiq olunması və dünya ictimaiyyətinə mükəmməl şəkildə təqdim edilməsində əməyi olan şəxslərə minnətdarlığını bildirib: “Azərbaycandakı fəaliyyətimizin 30-cu ildönümündə Azərbaycanın beynəlxalq miqyasda təbliğinə yönələn bu böyük töhfəni verə bilməyimizdən qürur və şərəf duyuruq. Ümid edirik ki, Azərbaycanı dünyanın mədəniyyət xəzinəsinin bir incisi kimi təqdim edən filmdən milyonlarla insan böyük zövq alacaq”.

Qəri Counz, həmçinin vurğulayıb ki, bu film bp üçün Azərbaycanın qonaqpərvərliyinin dünyaya nümayiş etdirmək baxımından gözəl fürsətdir. Heydər Əliyev Fonduna minnətdarlığını bildirən Q.Counz bp və Fondun birgə bir sıra sosial layihələr ərsəyə gətirdiyini deyib. O, Arzu Əliyevaya və Bakı Media Mərkəzinə filmin ərsəyə gəlməsindəki yüksək texniki dəstəyə görə təşəkkürünü bildirib.

Premyeradan öncə filmin müəllifi, tarixçi, yazıçı, aparıcı və məşhur “Dünya xəzinələri” sənədli filmlər silsiləsinin ssenari müəllifi və təqdimatçısı professor Bettani Hyuz da çıxış edib.

“Burada sizinlə olmaq çox xoşdur. Heydər Əliyev Fondu bizi inanılmaz dərəcədə dəstəklədi”, - deyən professor Bettani Hyuz Azərbaycan kimi gözəl diyar haqqında film paylaşmağın gözəl bir iş olduğunu vurğulayıb.

İlk dəfə Azərbaycana tarixçi kimi gəldiyini deyən Bettani Hyuz dünyada ən qədim rəvayətlərin hamısının Cənubi Qafqaza gətirib çıxardığını söyləyib.

“Azərbaycan xalqı qonaqpərvərdir. Azərbaycan qonaqpərvərliyin əsl diyarıdır. Azərbaycanın təbiəti və mədəniyyəti çox zəngindir. Budur insan və təbiət dünyasının möcüzələri: gözəllik, sülh və qonaqpərvərlik”, - deyə Bettani Hyuz fikrini yekunlaşdırıb.

Qeyd edək ki, professor Bettani Hyuz Azərbaycanın tarixini və mədəniyyətini araşdırmaq və geniş auditoriyanın marağına səbəb olan filmlərindən birini ölkəmizin möcüzəvi mədəniyyət xəzinəsinə həsr etmək üçün 2022-ci ilin iyun ayında Azərbaycana səfər etmiş və çəkilişlər aparmışdı.

Sonra ekran əsəri nümayiş etdirilib.

Film boyunca Bettani Hyuz Azərbaycanın möhtəşəm təbiətini, mədəniyyətini heyranlıqla təqdim edir: yerin altından çıxan qazın alovlarından tutmuş on min illərlə yaşı olan qədim qayaüstü rəsmlərədək. Onun fikrincə, əfsanəvi İpək yolunun möcüzələri bu diyarın təkcə ticarət deyil, həm də fikir mübadiləsinin aparıldığı yer olmasındadır. Qafqazın unikal mədəni irsini burada kəşf etmək mümkündür.

Qeyd edək ki, tamaşaçılar filmdə Şuşanın gözəlliyinin əks olunduğu kadrları alqışlarla qarşıladılar. Müəllif bir tərəfdən Xurşidbanu Natəvanın humanist motivli poeziyasına diqqət çəkir, digər tərəfdən Vaqifin muzey-məqbərə kompleksinin gözəlliyindən, onun inşa edilməsi tarixindən söz açır, eləcə də şairin poeziyasına toxunur. Cıdır düzünü əks etdirən kadrlar isə Qarabağ atları, çövkən oyunu haqqında maraqlı məlumatlarla müşayiət olunur.

Azərbaycanın özəlliklərindən heyranlıqla danışan müəllif filmin sonunda “Azərbaycanın dünyada misli-bərabəri yoxdur” qənaətinə gəlir.

Qeyd edək ki, film artıq BBC telekanalı vasitəsilə “İpək yolu” və “Odlar Yurdu” adlanan iki hissədə beynəlxalq ictimaiyyətə çatdırılıb. “İpək yolu” adlanan hissənin çəkilişləri Qobustan və Şəkini, “Odlar Yurdu”nun çəkilişləri isə Bakı və Şuşanı əhatə edib.

Film Böyük Britaniyanın “Sandstone Global Productions” şirkəti tərəfindən Bakı Media Mərkəzinin dəstəyi ilə ərsəyə gəlib.

Heydər Əliyev Fondu və bp Azərbaycan auditoriyası üçün filmin Azərbaycan və ingilis dillərində 60 dəqiqəlik tam versiyasını da hazırlayıb. Filmin yerli telekanallarda yayımı nəzərdə tutulur.