 |
|
|
Məhsullarda olduğu kimi, məişət əşyalarının da istifadəyə yararlıq müddəti bitir. Əgər həmin əşyanı istifadədədən çıxarmasaz sağlamlığınıza zərər vura bilərsiniz.
“Medicina” həmin əşyaları təqdim edir.]
Üzəri boyalı məmulatlar – naxış və dizaynla örtülmüş çini qabaların boyanması zamanı istifadə olunan boyalar kimyəvi maddələrdən hazırlanır. Güclü sürtünmə və ya yüksək temperatur nəticəsində asanlıqla soyulur.
Belə boyaların tərkibində ağır metal sayılan civə, qurğuşun və kadmiy var ki,bu da orqanizmə mənfi təsir göstərir.
Polad termos – paslanmayan polad və plastik materialdan asılı olaraq fərqlənir. Elə plastik əşyalar var ki, 100 dərəcə yüksək temperatura edilir, paslanmayan poladdan hazırlanmış termos yalnız ağır metal tərkibinə görə standartı aşmadığı üçün aşağı korroziyaya davamlıdır. Belə bir termosun istifadəsi suyu zəhərliyə bilər.
Bambukdan yemək üçün hazırlanmış və köhnəlmiş taxta çubuqlar – 6 aydan bir yenilənməlidir. Köhnəldikdə kif atır,bu da mədə -bağırsaq probemlərinə gətirib çıxardır.
Uzun müddət istifadə etdiyiniz diş fırçaları – 2-3 aydan bir dəyişdirilməlidir. Çünki yuyulmasına baxmayaraq, üzərinə çoxlu bakteriyalar toplanır ki, bu da müxtəlif xəstəliklərə gətirib çıxarda bilər.
Dərman bazarında bahalaşma davam edir. Bu azmış kimi bəzi dərmanların qıtlığı da yaranıb. Məsələn, parastamol, panadol, nurafen və digər bu kimi gündəlik istifadə olunan dərmanların yoxa çıxması xeyli təəccüb doğurur. Halbuki, valideynlərin bir çoxu həkimə müraciət etmədən bu dərmanlar vasitəsi ilə uşaqlardakı qızdırmaya özləri əlac edirdilər. Soyuqdəymə, infeksion xəstəliklərin yayıldığı bir dönəmdə bu halın yaşanması əhalini əlacsız qoyub.
Problemlə bağlı tanınmış həkim Vaqif Qarayev də Bizim.Media-ya narahatlığını ifadə edib:
“İndiki vəziyyətdə həm həkimlər, həm də valideynlər çaş-baş qalıblar. Tempanol deyilən preparat var. Qızdırma üçün apteklərdə yalnız bu dərmanı tapmaq olur. Onu da körpə uşaqlara vermək bir az risqlidir. Seçim olmadığı üçün valideyn də, həkim də məcbur qalır”.
Həkim onu da əlavə etdi ki, dərmanların yoxa çıxması səbəbilə bir neçə tanış apteklə əlaqə saxlayıb:
“Hamısı səbəb kimi Rusiya-Ukrayna müharibəsini göstərir. Bu dərmanlar əsasən həmin dövlətlərdən gəlir. Amma bu səbəb olsa da bəhanəyə əsas vermir. Biz bütün ekstremal vəziyyətlərə hazır olmalıyıq. Qonşu dövlətlərin çoxu vəziyyətdən çıxış yolu tapıb. Əldə etdiyimiz məlumata görə adını çəkdiyimiz qızdırma salan dərmanların anoloqu üçün qonşu Gürcüstan Türkiyə şirkətləri ilə müqavilələr bağlayıb”.
Səhiyyə Nazirliyinin Dərman Vasitələrinin Analitik Ekspertiza Mərkəzindənsə bildirdilər ki, indiki vaxtda həm müharibə, həm enerji daşıyıcılarının qiymətinin artması özlüyündə logistika xərclərinin, dərman vasitələrinin xammal qiymətinin qalxmasına və qıtlığına səbəb olur:
Bizim.Media
Nəcisdə bəzi dəyişikliklər yağlı qaraciyər xəstəliyinin ən ağır mərhələsi olan sirrozun inkişaf etmiş əlaməti ola bilər.
“Medicina” xəbər verir ki, qeyri-alkoqol mənşəli yaglı qaraciyər spirt qəbulu ilə əlaqəsi olmayan bir sıra qaraciyər xəstəliklərindən biridir.
Bu xəstəlik qaraciyərdə piylərin yığılması nəticəsində baş verir. Bu xəstəlik müalicə edilmədikdə qaraciyər çatışmazlığına və xərçəngə səbəb ola bilər.
Qaraciyər orqanizmdə 500 – dən çox funksiyanı yerinə yetirir. Məhz bu səbəbdən qaraciyərdə hər hansısa bir problem bədənin bir neçə hissəsinə təsir edə bilər. Ən ağır mərhələsi qaraciyər serrozudur. Serroz – qaraciyər müalicə almadıqda baş verə bilər.
İlkin mərhələdə serroz öz simptomlarını göstərməyə bilər. Serroz qaraciyərin zədələnməsindən yaranır. Yeni qaraciyərin çapıqlanması nəticəsində, çapıq toxuması qaraciyərdə sağlam toxumaları əvəz edir və qaraciyərin düzgün işləməsinə mane olur.
Nəticədə qaraciyər fəaliyyətini dayandıracaq və qaraciyər çatışmamazlığı meydana gələcək. Hətta bu xəstəlik insan ölümünə səbəb ola bilər. Qaraciyərin müalicəsi illər tələb etdiyindən sadəcə bu xəstəliyin inkşafını gecikdirmək mümkündür.
Qusma zamanı qan gələrsə bu serozun əlaməti sayılır. Çünki, qanın qaraciyərdən düzgün keçməməsi , qanı bağırsaqdan qaraciyərə (portal vena) aparan venada təzyiqin artmasına səbəb olur.
Eləcə də qan təzyiqinin artması , qanın mədə və yemək borusunu əhatə edən daha kiçikm ,daha kövrək damarlardan keçməsinə və yüksək təzyiq altında parlamasına gətirib çıxardır. Bu əlamət qusmaqla yanaşı nəcisdə də görünə bilər.
Günay Quliyeva
“Artıq 30-40 ildir ki, bitki mənşəli zülal və yağlardan istifadə edərək süni yolla ət alınır”.
Teref.Az xəbər verir ki, bunu “Qaynarinfo”ya iqtisadçı ekspert Vahid Məhərrəmov deyib.
Onun sözlərinə görə, uzun illərdir kolbasa-sosis məhsullarını yalnız mal, qoyun, toyuq, donuz əti deyil, həm də bitki mənşəli zülallardan, yağlardan əldə edilmiş süni ətlərdən istehsal edirlər:
“Azərbaycan kimi alıcılıq qabiliyyəti aşağı olan ölkələrdə belə məhsullar istehlakçılara təqdim olunur və onlar həmin məhsullardan geniş istifadə edirlər.
Bu gün kolbasanın qiymətinin 6 manat, yaxud da bir ədədinin 6 manat olması, hətta 2 manat 50 qəpiyə satılması təbiidir. Yəni bu, heç də o demək deyil ki, həmin kolbasanın tərkibində dana, inək, qoyun, donuz əti var. Hətta diqqətlə baxsanız, Rusiyadan gələn kolbasaların tərkibində ətin miqdarının çox az olduğunu görə bilərsiniz. Həmin kolbasaların istehsalında donuzun dərisindən belə istifadə edilir”.
Azərbaycanda yeni doğulan uşaqlar arasında oğlanların payı çoxluq təşkil edir. İllər əvvəlki vəziyyət dəyişir və qızların sayı azalmaqda davam edir. Bu isə cəmiyyətdə kəskin sosial problemlərin çarçısıdır. Müşahidələr və statistik göstəricilər göstərir ki, son on illiklərdə Azərbaycanda yeni doğulanlar arasında cinsi nisbətin disbalansı baş verir. Bu isə həqiqətən də ciddi problemdir.
Bəs, demokrafik bəlanın qarşısını necə alaq?
DİA.AZ bildirir ki, mövzu ilə bağlı Bizim.Media-ya danışan sosialoq Ağasəlim Həsənovun fikrincə, sosial bəlaya qarşı ən effektiv mübarizə metodu maarifləndirmədir. Sosioloq ailələrdə qız uşaqlarına münasibətin dəyişilməsi üçün sosial çarxların, kütləvi tədbirlərin köməyilə ciddi maarifləndirmə işləri aparmağın vacibliyini qeyd edib:
“Qız və oğlan övladlarının balansı istənilən halda qorunmalıdır. Təcrübə göstərir ki, normal qəbul ediləcək nisbət 49 faizin 51 faizədir. Statistik göstəricilər bu şəkildə olarsa, biz bunu normal hesab edə bilərik. Təəssüf ki, Azərbaycanda son illər yeni doğulanlar arasında cinsi nisbət oğlanların xeyrinə davam etməkdədir.
Bunun təbii bir proses olduğunu şübhə ilə qarşılayıram. Əlbəttə ki, bu məsələdə subyektiv amillərin təsirlərinin rolu var. İlk səbəb ailədə ənənəvi olan baxışların hələ də hakim olmasıdır.
Yəni mütləq şəkildə oğlan uşağının doğulması bir şərt kimi qəbul olunur. Valideynlər bu istəklərinə çatmaq üçün müasir texnaloji yeniliklərin imkanlarından istifadə edərək ana bətnindəki dölün cinsiyyətinə kənar müdaxilələr edir. Doğulacaq körpə qızdırsa, abortlara gedilir. Bu da həm tibbi, hə də dini baxımdan zərərlidir. Beləliklə də normal gediləcək proseslərin qarşısı alınır. Məlum subyektiv təsirlər nəticəsində disbalans reallıq ortaya çıxır”.
Ağasəlim Həsənovun sözlərinə görə reallıq odur ki, Azərbaycan ailələrində cütlük oğlan övladının doğulmasını bir ailənin və nəslin davamçısı kimi qəbul edirlər:
“Məhz bu düşüncə hər bir ailədə oğlan övladının olmasını zəruri şərt kimi ortaya qoyur. Fikrimcə, bu baxış yalnışdır və bu istiqamətdə Azərbaycan gənclərinə aşılayacaq xeyli işlər həyata keçməlidir. Dövlət və cəmiyyət olaraq birmənalı şəkildə buna qarşı olmalıyıq. XXI əsrdə belə bir düşüncənin dominant olmasından narahat olmalıyıq və ona qarşı mübarizə aparmalıyıq”.
Sosialoq mübarizə yollarından biri kimi inzibati cəza növünün tətbiq edilməsini də təklif edib:
“Abortla qızın məhv edilməsi faktı olarsa, bu məsələyə qarşı nəzarət gücləndirilməlidir. Abortu həyata keçirən həkimə və qərarı vermiş cütlüyə qarşı qanunda nəzərdə tutulmuş cəza tədbirləri sərtləşdirilməldir. Ona da əmin deyiləm ki, inzibati yollarla aparacağımız sərt mübarizə mövcud problemi tam həll edə bilər. Amma sayının azalmasına və tendensiyanın zəifləməsinə, tədricən isə müsbətə doğru irəliləməsinə şərait yarada bilər. Ən təsirli və mübarizə metodu məhz maarifləndirmədir. Xüsusilə gənc ailələrlə geniş iş aparılmalıdır.
Maarifləndirmə işinə dini, mənəvi və tibbi aspektdən yanaşmaq lazımdır. Bu sahə ilə məşğul olan mütəxəssislər işə cəlb olunmalıdır. Universitet auditoriyalarında, layihələr çərçivəsində bu işə təkan verməliyik. Həm də gender bərabərliyi qabardılmalıdır. Məsələyə sosial aspektdən yanaşsaq, ən yüksək işlərdə, vəzifələrdə nümunə çəkə biləcəyimiz xanımlarımız var.
Qadına münasibət dəyişməlidir. Onların da hansısa işlərdə heç də kişilərdən geri qalmaması önə çəkilməlidir. Təkcə onu unutmaq lazım deyil ki, ötən əsrin 20-ci illərində qadına seçmək və seçilmək hüququ verən xalqıq. Azərbaycanda Cümhuriyyət dövründə bu imkanlar yaradılanda bu, əslində qadına verilən ən yüksək dəyər idi. Bu kimi tariximizdə olan müsbət örnəklərdən çıxış edərk, gənclərimizlə iş aparmalıyıq”, - deyə ekspert əlavə edib.
Donbasda hərbi əməliyyatlar aparan Birləşmiş Qüvvələrin Əməliyyatının (BQƏ) komandanı general-mayor Eduard Moskalyovu vəzifəsindən azad edib.
“Report” xəbər verir ki, bu barədə Ukrayna Prezidenti Volodimir Zelenski müvafiq sərəncam imzalayıb.
Xatırladaq ki, E. Moskalyov bu vəzifəyə ötən il martın 15-də təyin olunmuşdu.
Qeyd edək ki, Birləşmiş Qüvvələrin Əməliyyatı Ukrayna hüquq-mühafizə orqanlarının Rusiya və rusiyayönlü silahlı qrupların (Donbasdakı separatçıların) fəaliyyətinə qarşı yönəlmiş hərbi və xüsusi təşkilati-hüquqi tədbirlər kompleksidir.
Əməliyyat “Donetsk və Luqansk vilayətlərində müvəqqəti işğal olunmuş ərazilərdə Ukraynanın dövlət suverenliyinin təmin edilməsi üzrə dövlət siyasətinin xüsusiyyətləri haqqında” Ukrayna qanununun icrası ilə nəzərdə tutulub.
Bədən məşqləri, idman, hərəkət demensiyaya qarşı ən güclü təsirli alətdir.
Bədənində, belində daim xroniki ağrı olan insanlar bunun qarşısını vaxtında almalıdır.
“Medicina” xəbər verir ki, demensiya beynin fəaliyyətinin azalmasıdır. Son 10 ildə demək olar ki, 50% yaşlılarda rast gəlinir. Hələ ki, müalicəsi yoxdur, lakin onu artıran faktorlar məlumdur.
Yeni elmi araşdırma göstərib ki, 3 ay və daha çox müddətdə bel, kürəyində ağrılar olan insan yaşlandıqda daha çox yaddaş pozuntusu və əqil geriliyindən əziyyət çəkir.
Xroniki ağrı eləcə də artrit, onurğa problemi və ya xərçəngdən ola bilər.
Hipokamp – beynin yaddaş, təhsil hissəsinə cavabdehdir.
Araşdırmalar göstərib ki, xroniki bel ağrılarından əziyyət çəkən insanlarda 60 yaşa doğru bu hissə daha tez qocalıb.
Nevroloq Aleksandra Alexina bildirib ki, bədənin 2 müxtəlif hissəsində uzun aylar, illər çəkən ağrı hipokampın kiçilməsinə səbəb olur.
Hipokamp boz maddədir, o bədəndə ağrı nöqtələrinin sayına görə təsirlənir və 60 yaşlardan sonra xüsusilə kiçilir.
Məsələn, bədənində 5-7 nöqtədə ağrı olanlarda hipokamp 4 dəfə kiçilmişdi. Bu ümumilikdə beynin 8 il qocalması deməkdir.
Qalxanvari vəzi ilk olaraq 1656 – cı ildə termin kimi ingiltərəli həkim Tomas Uorton tərəfindən işlədilib. O zamanlar bu orqanın qadın boqazını yumru və gözəl göstərdiyini demişdir.
Əslində, qalxanabənzər vəz daxili sekresiya vəzisidir, onun hüceyrələri maddələr mübadiləsini və enerjini, böyümə proseslərini, toxuma və orqanların fəaliyyətini idarə edən hormonlar (tiroksin və triiodotironin) istehsal edir.
Trioid hormonları beynin, sinir və ürək-damar sistemlərinin, mədə-bağırsaq traktının fəaliyyətini tənzimləyir, reproduktiv funksiyaya, süd və tər vəzilərinin fəaliyyətinə təsir göstərir.
Qalxanabənzər vəzi pozulmasının simptomları:
- apatiya;
- iştahsızlıq, kilo itkisi və ya əksinə, bədən çəkisinin kəskin artması;
- qıcıqlanma, göz yaşı;
- ürək döyüntüsü hissi;
- quru dəri, saç tökülməsi;
- qadınlarda menstrual dövrünün pozulması;
- libidonun azalması;
- tərləmə, yuxu problemi;
- üzün, barmaqların, alt ekstremitələrin şişməsi;
- yaddaş və diqqətin azalması;
- səs-küy, depressiya və daha çox.
Qalxanabənzər vəzi xəstəliyinin ən çox rast gəlinən növləri :
- diffuz eutiroid guatr;
- otoimmün tiroidit;
- kolloid düyünlü guatr;
- hipotiroidizm;
- multinodulyar guatr;
- tirotoksikoz;
- subakut tiroidit.
Qalxanabənzər vəzinin böyüməsində əsas səbəblər yod çatışmazlığı, irsi meyl (genetik dəyişikliklər), müəyyən dərman qəbul etmək, qanda dəmir çatışmamazlığı, ətraf mühit faktorlarıdır.\\Medicina.Az
"Vita Aptekləri” Məhdud Məsuliyyətli Cəmiyyəti (MMC) barəsində protokol tərtib edilib.
Qaynarinfo-nun məlumatına görə, şirkət nəzarət markası ilə markalanmalı olan malların, məmulatların və məlumat materiallarının belə nəzarət markası olmadan satış və ya yayılma məqsədi ilə saxlanmasına, istehsal binasının hüdudlarından kənara çıxarılmasına, satılmasına və ya digər üsullarla yayılmasına görə məhkəməyə verilib.
Binəqədi rayon Məhkəməsinin hakimi Elçin Ağayevin sədrliyi ilə martın 9-da keçiriləcək məhkəmədə fakt təsdiqini taparsa, şirkət nəzarət markası olmayan mallar, məmulatlar və məlumat materialları müsadirə edilməklə, 150 manat cərimə ediləcək.
Qeyd edək ki, "Vital aptektləri” MMC-nin qanuni təmsilçi Sadıqov Elçin Ağasadıq oğludur. Elçin Sadıqov həm də "Dokta” MMC-nin qanuni təmsilçisi olsa da, sahibi deyil. Şirkətin sahibi deputat Cavanşir Feyziyev olduğu deyilir. "Dokta” MMC onun əczaçılıq sahəsində təsis etdiyi ilk şirkətdir. Cavanşir Fyeziyev həm də dərman bazarının əsas oyunçularından olan "Avromed”in sahibidir.
"Hər iki dəqiqədə bir qadın hamiləlik və ya doğuş zamanı ölür"
32gun.az xəbər verir ki, Ümumdünya Səhiyyə Təşkilatının hesabatına görə, 2015-ci ildən bəri bu məlumatlar dəyişməyib.
Sənəddə deyilir: “Son illərdə qadınların səhhətində narahatlıq doğuran tendensiyalar yaranır, çünki ana ölümü dünyanın demək olar ki, hər bir regionunda ya artıb, ya da durğunlaşıb”.
2020-ci ildə dünyada 287 minə yaxın ana ölümü qeydə alınıb. "BMT-nin səkkiz regionundan ikisində - Avropa və Şimali Amerika, Latın Amerikası və Karib hövzəsi hövzəsi - 2016-cı ildən 2020-ci ilə qədər ana ölümü nisbətləri müvafiq olaraq 17% və 15% artıb" .
BMT-nin məlumatına görə, 2020-ci ildə hamiləlik və ya doğuş zamanı bütün ölümlərin təxminən 70%-i Saharadan cənubda olan Afrikada baş verib. ÜST dünyanı bu nisbətləri azaltmaq üçün tədbirlər görməyə çağırır, əks halda 2030-cu ilə qədər bir milyondan çox qadın ölə bilər.