Təhlükəsiz arıqlamaq heç də göründüyü kimi asan deyil. Pəhriz və qidalanma prinsiplərinə riayət etmək çox çətindir.

Həftədə 0,5 - 1 kiloqram arıqlamaq təhlükəsiz hesab edilir. Təbii bəzi üsullar var ki, daha sürətli kilo vermək mümkün olur.

Sağlam və orqanizmə fəsadsız arıqlama üçün əsas metodları təqdim edirik:

Rafinə edilmiş karbohidratları rasionunuzdan çıxarın. Məsələn şəkər, qənd. Onları meyvə - giləmeyvələrlə əvəz edin. Eləcə də tərəvəzlərlə.

Mürəkkəb karbohidratların lehinə olan digər vacib nüans, həzm traktının sağlamlığı üçün faydalıdır, həmçinin toxluq hissi yaradır.

Karbohidratların orqanizmdə tənzimlənməsi və azaldılması:

- İştahı azaldır.

- Çəkinin daha tez azalmasına gətirib çıxardır.

- Metobalizmi sürətləndirir

- Bir çox xəstəliklərin qarşısını alır
Mənbə: Medicina.Az

Dünyada bir-birinə qarşı olan iki tibb sistemi var - Qərb və Şərq tibb sistemi. Qərb tibb sisteminin əsasını Paracelsus qoyub, mineraloji dərman müalicəsini əsas götürərək xəstəliklərin özlərinə və səbəblərinə təsir etmədən simptomlarını aradan qaldırılmasına yönəlikdir. Şərq təbabəti baxımından bu sistem xəstəlikləri yeni adlarla adlandırmaqla, anlayışları, başqa anlayışlarla əvəz etməklə (məsələn, XƏRÇƏNG- GÖBƏLƏK ) əslində xəstəliklərin sayını və müddətini artıraraq əczaçılıq dünyasına milyardlarla haram mənfəət qazandırmış oldu . Bu murdar siyasətin nəticəsidir ki, kimyəvi həblər insanları onlardan asılıl edir və küllü miqdarda yan təsirlərə malikdir.
Şərq təbabətinin əsası İbn Sina tərəfindən sistemləşdirilib və təbii dərmanlara, düzgün yeyib-içməyə, işə, hərəkətə, mənəvi müvazinətə söykənən sistemdir.

Qərb təbabətində dağınıq, parçalanmış bir yanaşma var , xəstəliklər orqanlar üzrə bölünür və hər orqan üçün ayrı həkim var. Şərq təbabətində isə insan bir bütün olaraq müalicə olunur. Əslindəsə bir orqan xəstədirsə, bu o deməkdir ki bütün bədən xəstədir və xəstə üzv xəstəliyin sadəcə çıxış nöqtəsidir.
Beləliklə Qərb tibb sistemi həyatı qısaltmaqla , şərq tibb sistemi isə uzatmaqla məşğuldur, bu iki sistem bir-birlərini istisna edirlər. Qərb sistemində xəstə müştəridir, şərq sistemindəsə salamlıq uman naəlac.
Qərb sistemində xəstələrin və xəstəliklərin azalması sərf etmir, çünki böyük bir həkim ordusunun çörəyi xəstələrin çoxluğundan asılıdır, şərq sistemində dərmanlar istehsalat və kommersiya məhsulu deyil, ana təbiətin verdiyi nemətlərin sadəcə düzgün istifadəsinə söykənir hır şey. Əslində dünyada cəmi 4 növ "zaraza" mövcuddur: viruslar, bakteriyalar, qurdlar və göbələklər ( bunlar öz növbəsində minlərlə növə bölünür). İlk 3 infeksiya 3 gündən 3 aya qədər müalicə olunur, göbələklər daha sırtıq olduğu üçün bir və ya bir neçə ilə qədər mübarizə aparmaq məcburiyyətində saxlayır.
Göbələklər onkologiya xəstəlikləri, astma, bronxit, kəpək, sedef, əksər dəri xəstəlikləri, tonzillit və s.əmələ gətirir. Xərçəng, məsələn, Candida və Aspergillusun nəticəsidir. Yəni əvvəlcə bədəndə ilk 3 zaraza işləyir, (antibiotiklərin istifadəsi ilə toxunulmazlıq minimuma endirilir, halbuki o bağırsaqdakı faydalı mikroflora ilə dəstəklənir) sonra yüksək oranda turşuluq qazanmış qanda kif, göbələk əmələ gəlir və bədənimiz zibil yığınına, bütün bədən boyu yayılmış göbələk plantasiyasına çevrilir və bu göbələk plantasiyası şiş ocaqları yaradır.
Teref.az

Ümumdünya Səhiyyə Təşkilatının rəsmi nümayəndəsi Tarik Yaşareviç SARS-CoV-2 koronavirusunun mənşəyi ilə bağlı məlumatların toplanmasının dayandırılması ilə bağlı xəbərləri təkzib edib.

Cebhe.info TASS-a istinadən xəbər verir ki, onun sözlərinə görə, ÜST araşdırmanın davam etdirilməsinin tərəfdarıdır.

Bundan əvvəl “Nature” jurnalı məlumatların toplanması ilə bağlı problemlərə görə koronavirusun mənşəyi ilə bağlı araşdırmanın dayandırıldığı barədə məlumat yayıb.

Yaşareviç məlumatı təkzib edəərk bildirib ki, qurum artıq nəşrdən yazıya düzəlişlər edilməsini və ya izahat verilməsini xahiş edib:

“Təşkilatın araşdırmasını davam etdirmək üçün Çindən yeni məlumatların lazımdır. Onlar olmadan, COVID-19 patogeninin mənşəyini anlamaq cəhdləri nəticəsiz qalacaq”.

ÜST sözçüsü bildirib ki, 2021-ci ildə yaradılan “Emerging Dangerous Patogens” Elmi Məsləhət Şurası koronavirusun mənşəyi ilə bağlı Çindən məlumat tələb edir və hər hansı yeni dəlilləri araşdırır.

“Ümumiyyətlə, bununla bağlı məlumatlar təsdiq olunduğundan preparatın tətbiqini birinci Dünya Səhiyyə Təşkilatı qadağan etməlidir”.

Bunu Qaynarinfo-ya açıqlamasında professor Adil Qeybulla Böyük Britaniyanın “Glaxo” şirkətinin istehsalı olan və mədə yarası xəstəliklərində istifadə edilən “Zantac” dərmanının tərkibində kanserogen olması və bunu bilə-bilə bu haqda heç bir məlumat verməməsi ilə bağlı məsələyə aydınlıq gətirərkən deyib. Professorun sözlərinə görə, yalnız bundan sonra sözügedən məsələnin hüquqi tərəflərinə baxıla bilər.

Adil Qeybulla bildirib ki, 2019-cu ildə preparatın xərcəng şişi törətməsi ilə bağlı məlumatlar yayılandan sonra artıq həyacan təbili çalınmağa başlayıb:

“Bunlar mədədə, qaraciyərdə, prostat vəzidə xərçəng şişi xəstəlikləri yarada bilir. Əgər dərmanın tərkibində kanserogen maddə olduğunu bilib və gizlədiblərsə, buna görə şirkət mütləq məsuliyyət daşımalıdır. Yox, bununla bağlı heç bir məlumat olmayıbsa və sonradan ortaya çıxıbsa, burada hüquqi məsuliyyət artıq başqa çür dəyərləndirilə bilər. Zamanla bu cür preparatlar olur”.

Adiq Qeybulla “Ranitidin”in kimyəvi denevrator, yəni, mədəyə gələn azan sinir şaxələrini blok edən bir dərman olduğunu vurğulayıb:

“Onun bir analoqu da “Simetidin”, “Famotidin”dir. Bu preparatlar mədə xorasının müalicəsində, hiperasit qastridlərdə, ümumiyyətlə, aşırı turşuluqdan baş verən mədə patalogiyalarında istifadə olunan qiymətli dərman preparatı idi. Bu təsirə görə bütün həkimlər ondan uğurla istifadə edirdilər. Ondan sonra “Proton” pombasın blakatorları tətbiq edilməyə başladı və nəticədə bu dərmanların tətbiqi azaldı. Amma bu gün də praktikada həmin dərmanların tətbiqi var”.

“Zantac” mədə turşusu istehsalını azaldan bir dərmandır. Ümumiyyətlə, mədə xorası və GERD xəstəliyini müalicə etmək üçün qəbul edilir. 13 sentyabr 2019-cu il tarixində ABŞ Qida və Dərman İdarəsi (FDA) bəyanat yayaraq, “Zantac” da daxil olmaqla bəzi ranitidin dərmanlarında N-nitrosodimethylamine (NDMA) adında bir nitrosamin safsızlığının olduğunu elan edərək dərman mağazalarında bütün ranitidin məhsullarının satışını dayandırıb. 1 aprel 2020-ci ildə FDA dərman istehsalçılarından ranitidinin bütün növlərini ABŞ bazarından çıxarmasını istəyib.

“Bəs, istifadəsi qadağan olunun bu dərman preparatı Azərbaycanda da istifadə olunubmu? Ümumiyyətlə, bu dərmanlar hazırda Azərbaycanda satışda varmı”, sualına Adil Qeybullanın cavabı “bəli” olub.

Xatırladaq ki, bu dərmanın Azərbaycanda dövlət qeydiyyatına alınmış dərman vasitələrinin qiymətləri siyahısında qiyməti belədir: ZANTAK RANITIDINE 150 mq Tablet Blister N20, Çin istehsalı 6,95, ZANTAK RANITIDINE 25 mq/ml İnyeksiya üçün məhlul, Ampul 2 ml N5, İtaliya istehsalı 6,45.

Qeyd edək ki, “Bloomberg”in məlumatına görə, mədə xorası və yanmasına qarşı olan “Zantac” dərmanını istehsal edən Britaniya şirkəti “Glaxo” dərmanın kanserogen olduğunu bildiyi halda bu barədə məlumat verməyib və bazardan çıxarmayıb. Dərman qəbul edərkən xərçəng riskinin artması haqda məlumat yalnız 2019-cu ildən geniş yayılmağa başlayıb.

Sarımsaq damarları xolesterindən qoruduğu üçün beyinə də faydalıdır.

Teref.Az xəbər verir ki, diyetoloq Yelena Solomatina sarımsağın beyinə təsirini açıqlayıb.

“Beyin üçün əslində sarımsaqda olan lif çox faydalıdır. O, beyin damarlarını xolesterindən qoruyur, damarların divarları sağlam olur.

Sarımsaq aspirin qədər iltihab əleyhinə təsir edir. Qan dövranını yaxşılaşdırır, trombositlərin bir-birinə yapışıb tromb əmələ gətirməsinin qarşısını alır.

Xolesterin də yalnız iltihablı damar divarına yapışır. Damar içi divar hamardırsa, o xolesterinlə dolmur.

Sarımsağı həftədə 3 dəfə çiy halda, əzərək yemək lazımdır”.\\Medicina

Bu gün Ümumdünya Uşaq Xərçəng Xəstəlikləri ilə Mübarizə Günüdür.

Teref.az xəbər verir ki, Səhiyyə Nazirliyi Milli Onkologiya Mərkəzinin Uşaq Onkoloji Klinikasının şöbə müdiri Reyman İsmayılzadə APA-ya açıqlamasında ötən il 167 uşaqda onkoloji xəstəliyin aşkarlandığını deyib.

Onun sözlərinə görə, həmin uşaqların hamısı müvafiq protokollar əsasında müalicə alıblar:

“Uşaqların və böyüklərin onkologiyası bir-birindən əsaslı surətdə fərqlənir. Uşaqlarda olan onkoloji xəstəliklər bütün bədxassəli şişlərin təqribən 1-1.5%-ni təşkil edir”.

Qeyd edək ki, 2021-ci ildə isə Azərbaycanda 170 uşaqda onkoloji xəstəlik aşkarlanıb.

“Azərbaycanda uzun müddət yod çatışmazlığı xəstəliyi mövcud olub. 2001-ci ilin 27 dekabrında "Yod çatışmazlığı xəstəliklərinin kütləvi profilaktikası məqsədilə duzun yodlaşdırılması haqqında qanun" qəbul edilib.
Qanunun 8.3 maddəsinə qeyd olunur ki, yodlaşdırılmamış duzun qida və yem məqsədləri ilə istehsalı, satışı və Azərbaycan Respublikasında idxalı qadağandır".
Teref.az bildirir ki, bunu "Sherg.az"a açıqlamasında Azad İstehlakçılar Birliyinin (AİB) sədri Eyyub Hüseynov deyib.
Onun sözlərinə görə, qanunun həyata keçirilməsi üçün AİB bir neçə layihə icra edib:

"BMT-nin duz üzrə eksperti ilə dəfələrlə gecə Masazır gölünün rəngini dəyişməsini izləmişik. Rayonlarda ailələr səviyyəsində monitorinqlər aparmışıq. Nəhayət, qanunun həyata keçirilməsində müvəffəqiyyətlər əldə olunub.
Vaxtilə bazarda cəmi 15 faiz yodlaşdırılmış duz olduğu halda, hazırda 85 faizdir.
Duzun yodlaşdırılmasın dair standart da mövcuddur. Həmin standarta əsasən, 1 kiloqram duzun tərkibində 40 milliqram yod olmalıdır. Üstəlik yodlaşdırılmış duzun yararlılıq müddəti 1 ildən artıq deyil. Çünki 1 ildən sonra yod duzun tərkibindən uçur. Yodlaşdırılmış duz qaranlıq yerdə, saxlanılmalıdır. İsti yox, nisbətən soyuq xörəyə tökülməlidir".

E.Hüseynovun qənaətincə, istehsalçı "S S Brothers” şirkəti yodlaşdırılmış duzun yararlılıq vaxtını 1 ildən artıq qoyub:

"Güman ki, yodun miqdarı duzun tərkibində deyilən standartlara uyğun olmayıb. Ona görə də, Azərbaycaqn Qida Təhlükəsizliyi Agentliyi ( AQTA ) haqlı olaraq qarşısını alıb. AQTA-dan xahiş edirəm ki, boynunu çevirib marketlərə də baxsın. Marketlərdə 15 faizdən yuxarı yodlaşdırılmamış duz satılır. Müxtəlif ölkələrdən gətirilir. 1 kiloqramının qiyməti 10 manat duzlar da var. Dəniz duzu, zəngiləşdirilmiş duz adı altlnda satılır. Azərbaycana bir çox ölkələrdən duz idxal edilir, o vümlədən, İran və Ukraynadan və s. Duz bazarında liberal azad bazar şəraiti olarsa, duzun qiyməti də aşağı düşər. Pakistandan duz idxal edən şəxs duzun tərkibindəki yodun miqdarı yerində yoxlasın.

Əhalinin yodlu duzu tanıması o qədər asan deyil. Yod duzun tərkibində qoxu vermir. Sadəcə etiketinə baxmaq lazımdır. Duzu yodlaşdırmayan bəzi şirkətlər yalandan üzərinə "yodlu duz" yazır. Bəlkə də, yod vurmur, yaxud normadan aşağı olur”.
E.Hüsyenov çağırış edib: “Mağazalarda ciddi monitorinq aparılsın. Gömrük orqanlarına tapşırıq verilsin. Yodsuz duzun Azərbaycana idxalı qanunun 8.3 maddəsinə görə qadağan olunduğu üçün heç bir aldadıcı reklamlara inanmasınlar. Duzun tərkibini xüsusi testlərlə yoxlayırlar. AİB-də, gigiyena, həmçinin gömrük orqanlarında həmin testdən var. 30 saniyəyə müəyyən etmək mümkündür. Yodun miqdarı da standartlara uyğunlaşdırılmalıdır".

Qeyd edək ki, Azərbaycan Qida Təhlükəsizliyi Agentliyinin məlumatına görə, xaricdən Azərbaycana gətirilən 22 ton xörək duzunda nöqsanlar aşkarlanıb.“Inovax General Trading” MMC-nin Pakistandan idxal etdiyi “S S Brothers” şirkətinin istehsalı olan, ümumi çəkisi 22,29 ton xörək duzu məhsuluna (10.10.2022-31.12.2024 istehsal və son istifadə tarixli) agentliyin müfəttişlərinin keçirdiyi baxış zamanı götürülən nümunələrin müayinələri nəticəsində məhsul partiyasında yodun miqdarının normadan aşağı olduğu müəyyənləşib. Aşkar edilmiş faktla bağlı qanunvericiliyə uyğun müvafiq tədbirlər görülüb.

Damarlarda tromb yaranmasına qarşı təsirli qidalar içində birinci yeri yağ tutur.
Bakupost.az xəbər verir ki, nutrisoloq Olqa Panova treska balığı qaraciyəri, albalı, giləmeyvələr və günəbaxan yağının trombdan müdafiə etdiyini açıqlayıb.
“İnsan tromb yaranmasına qarşı səfərbər olmalıdır. Bunun üçün fiziki aktiv və hərəkətdə olmaq lazımdır. Uzun müddət divanda, stulda oturaq iş, həyat və addım atmamaq tromboz riskini artırır.
Eləcə də qidalardan vişnə qanı durulaşdırır. Tromba qarşı hər gün bir ovuc vişnə yemək lazımdır.
Tromba qarşı ikinci vasitə yaşıl çaydır.
Yağlardan isə təmiz günəbaxan yağı antioksidantla və E vitamini ilə zəngin olduğundan trombositlərin çox sintez olmasına mane olur və nəticədə trombun qarşısını alır. Söhbət satışda olan rafinə olunmuş qoxusuz yağdan yox, rafinə edilməmiş, kəskin qoxulu təmiz yağdan gedir.
Eləcə də yağlı balıq və balıq qaraciyəri yemək mütləqdir. Bu məhsullarda təbi heparin var, onlar damar divarlarını bərpa edir, qanın qatılaşıb pıtrı əmələ gətirməsinə mane olur”.