Ardını oxu...
“Ermənistan Azərbaycanın əsas ərazisi ilə Naxçıvan arasında nəqliyyat dəhlizinin yaradılması ilə bağlı danışıqları uzadır”.

Bunu Rusiyanın Azərbaycandakı səfiri Mixail Yevdokimov “İzvestiya” qəzetinə müsahibəsində deyib.

Diplomat vurğulayıb ki, bu mövzu Azərbaycan tərəfi üçün çox vacibdir:

“Bu, Azərbaycanın əsas ərazisi ilə Naxçıvan arasında dayanıqlı nəqliyyat marşrutunun, nəqliyyat yollarının olmasıdır. Birinci Qarabağ müharibəsi zamanı bütün əlaqələr kəsilib, Naxçıvanın elektroenerji ilə təchiz olunması dayandırılmışdı. Ona görə də Azərbaycan üçün marşrutun (təxminən 46 km-dir) təhlükəsizliyi mücərrəd mövzu deyil”.
Səfirin sözlərinə görə, bu marşrutda tunellər və körpü var:

“Rusiya Federasiyası öz vəsaiti hesabına onu yetərincə tez bərpa etməyə hazır idi. Müxtəlif, mənə çox da aydın olmayan səbəblərdən Ermənistan tərəfi danışıqları gecikdirir. Nəticə olaraq, ötən il Bakı və Tehran arasında İran ərazisindən keçən dəmir yolunun tikintisinə dair razılaşma imzalanıb. Həmin yol bir qədər uzundur - təxminən 60 km, marşrut daha mürəkkəbdir, lakin bu işlər artıq gedir. Bütün bu illər ərzində Azərbaycanla Naxçıvan arasında avtomobil yolu ilə yükdaşımaları İran ərazisindən keçirdi.

Üstəlik, bu, Türkiyəyə gedən marşrutdur. İndi əsas odur ki, Türkiyədən Naxçıvana dəmir yolları çəkilsin, ikili xətt nəzərdə tutulub - Avropa və sovet dəmiryol xətləri. Müvafiq olaraq, Azərbaycan, İran və Naxçıvan vasitəsilə Rusiyadan Türkiyəyə yük daşıya biləcəyik”.
oxu
 
Ardını oxu...
 

Bu ilin ilk yarısında Xocalıya köç olacaq.

Musavat.com xəbər verir ki, bu barədə Qaçqınların və Məcburi Köçkünlərin İşləri üzrə Dövlət Komitəsindən bildirilib.

Qeyd olunub ki, bu ilin ilk 6 ayında Xocalıya 50 ailənin köçürülməsi planlaşdırılır.

Qeyd edək ki, Prezident İlham Əliyev yanvar ayında yerli mediaya açıqlamasında bu il Xankəndiyə də köçürülmə olacağını bildirmişdi.

 
 
 

Ardını oxu...
Azərbaycan Xalq Partiyasının sədri, keçmiş baş nazir Pənah Hüseynin 7 fevral növbədənkənar prezident seçkiləri ilə bağlı açıqlama yayıb.
"Sherg.az"ın xəbərinə görə, AXP sədri və sabiq baş nazirin açıqlamasında vurğulanıb ki, dünyada və regiondakı geopolitik reallıqları və cağırışları, Azərbaycana yönəlik təhlükə və təhdid fəaliyyətlərini nəzərə alaraq, habelə islahat və dəyişikliklərin hakimiyyət və müxalifətin əməkdaşlığı şəraitində daha sürətli və əlverişli şəraitdə həyata keçəyi mövqeyinə dayanaraq, bu seçkinin cəmiyyətimizin qütbləşməsinə, qarşıdurmasına yox, milli birliyinə və konsolidasiyasına xidmət etməsi daha doğrudur: "AXP də öz növbəsində buna səy göstərəcək. Partiyamız seçkiləri boykot etmir. Hakimiyyət orqanının seçilməsi ilə bağlı bu seçkinin yekun nəticəsini mübahisələndirməyəcək və tanıyacaq".

P.Hüseyn vurğulayıb ki, bugün 8 saylı Binəqədi I seçki dairəsi 36 saylı seçki məntəqəsində səs verib:
"Bu, bizim ölkənin mövcud siyasi vəziyyəti və inkişafı, habelə hakimiyyət alternativləri məsələsində indiki iqtidardan prinsipial fərqli mövqe, baxış və dəyərləndirmələrimizi dəyişdirmir. Hesab edirəm ki, 7 fevral seçkiləri koklü islahat və dəyişiklikləri istisna etmir. Yəni sistem xarakterli, o cümlədən seçki islahatı aparıldıqdan və çoxpartiyalı seçkilər əsasında Milli Məclisə və yerli özünüidarə orqanlarına seçkilər keçirildikdən sonra cəmiyyətin sifarişi və dəyişikliklərin məntiqi olaraq növbəti növbədənkənar prezident seçkilərinin gündəmə gəlməsi istisna deyil. Azad olunmuş torpaqlarımızda, Xankəndidə Azərbaycan hakimiyyət orqanına seçkidə səsvermələr isə həqiqətən ciddi və böyük hadisədir. Millətimiz, dövlətimiz və vətəndaşımız üçün xeyirli, uğurlu olsun".

Ardını oxu...
Nədir axı bu yaşadıqlarımız? İsmini nə qoyaq?! Bu, hansı qəddar isimlərin hansı eybəcər sifətlərlə bizə sırıdığı hansı qorxulu feillərdir belə?!"
Bu sualları "Səksəkəli qalibiyyət, təntənəli məğlubiyyət" adlı essemdə vermişdim. Özümə və hər kəsə.

Bu cümlələri o zaman qurmuşdum ki, bütün torpaqlarımızda suverenlik səltənətimiz hələ qurulmamışdı; ərazilərimiz hələlik qismən azad olunmuşdu, qələbəmiz hələ ki yarımçıq idi. Xankəndinə hələ də Şuşadan baxırdıq. Mən də ötən yay Xankəndinə Şuşadan bir əsgərin binoklu ilə baxmışdım.

Uzaqdan, həm də çox yaxındakı... uzaqdan baxmışdım.

Heç üstündən bir payız keçmədi: heç yay bitməmiş separatçı xuntanın payızı gəldi. Daha doğrusu, ordumuz "ikinci erməni dövləti" kol-kosunun kökünü bir günün içində qurutdu...

Bəli, ötən yay Xankəndinə uzaqdan baxırdım. Ancaq indi Bakıda otursam da, Xankəndinə çox yaxındayam. Daha doğrusu, şəhərin "içindəyəm; balaca-böyük - fərq etməz, bütün ekranlarda Xankəndi var, Şuşa var...

Səsimiz artıq Ağdam, Füzuli şəhərlərinə çatıb. Kəlbəcərin, Laçının, Ağdərənin dağlarına da. Xocalının səsinə səs veririk. Xankəndində səs veririk. Qarabağda, Şərqi Zəngəzurda seçki keçiririk, səs veririk.

Çox uzaq tarix deyil: üç il bundan əvvələ qədər Xankəndində, Qarabağda bizsiz "seçki" keçirilirdi. Bizsiz, daha doğrusu, bizim əleyhimizə "səs verilirdi". Bizim əleyhimizə "prezident", "deputat", "bələdiyyə" "seçirdilər". Biz də adını "qondarma" qoyurduq, "qanunsuzdur" deyirdik. Tanımırdıq. Dünya da tanımırdı və özümüzü bununla ovudurduq. Ancaq için-için yanıb qovrulurduq, ovulurduq, içimizdə kül olub sovrulurduq.

Amma indi!

İndi o bizsiz "seçki" keçirənlər, bizim əleyhimizə "seçilmiş" "prezident"lər paketlənib, cələklənib gətirilib Dövlət Təhlükəsizliyi Xidmətinin təcridxanasına. Mötəbər mənbələrdən aldığım məlumata görə, hamısı bir nəfər kimi istintaqda "dil-dil ötür". Arayik Arutyunyan isə, hətta: "Azərbaycan vətəndaşlığını qəbul etmək istəyirəm, seçkidə səs vermək istəyirəm" deyə bülbül kimi cəh-cəh vurmuşdu.

Gəncəyə raket atan, seçki qutumuza səs atmaq istəmişdi (ki, istəməz!)

Bütün bu etirafçı Qarabağ "bülbüllər"i - bir düjün saxta "prezident" oturub AzTV-dən Xankəndindəki əsl seçkiyə tamaşa edirlər. Ölkənin birinci şəxsi də Xankəndində səs verib ki, prezidenti necə seçmək lazım olduğunu dost da, düşmən də görsün. Bu, axı Qarabağın tarixi boyu ilk seçkidir. Və möhtəşəm tarixi hadisədir. Bəlkə hadisələrin içindəyik deyə tam da idrak edə bilməmişik. Bir daha xatırladım: bütöv-bütöv müsəlman ölkələrinin çökdürülüb işğal edildiyi, bölüşdürülüb parça-parça edildiyi bir Dünyada biz yeganə müsəlman ölkəyik ki, öz ərazimizi işğaldan azad edə bilmişik. Kiminsə bizə "vurma, bölmə" əməllərinə yol vermədik, toplandıq və onları öz torpağımızdan çıxardıq. O miskin Qarabağ "bülbülləri"nin o şaqraq "müstəqillik" ədəbiyyatına biz artilleriya riyaziyyatı ilə son qoymuşuq.

Kimsə bu sətirləri oxuyub anlar, kimsə qeydsiz qalar bəlkə, kimsə dodaq büzər. Ancaq gerçək dəyişməz: bizim SƏSimiz artıq Vətənimizin hər nöqtəsinə yetir. Damarımızda axan qan bədənimizin hər kapilyarına, hər hüceyrəsinə qədər gedib çatır.

Artıq "Qarabağ" isminin adlıq halı da bizik, yiyəlik halı da, yönlük, təsirlik, yerlik... halları da. İşğalçılara da, separatçılara da, "vasitəçi" adı ilə bölgəyə burun soxmağa çalışan geopolitik maklerlərə, geostrateji brokerlərə də başa salmışıq ki, onlar, olsa-olsa, Qarabağ isminin çıxışlıq halıdırlar, vəssəlam!

P.S. Bir zaman köhnə, çox köhnəlmiş zehniyyət xaric notda belə bir xaric xal vurmuşdu: "Qarabağlıların səsi var, getsinlər, muğam oxusunlar, siyasətə qarışmasınlar".

Bəli, Qarabağlıların səsi var. Bu gün bütün Qarabağın səsi var. Ölkə siyasətində, dünya siyasətində. Və bu gün o "SƏS" Xankəndində ucadan və çox ucada eşidildi.

Artıq bu günün Qarabağına - son üç ilin yekununa "səksəkəli qalibiyyət" deyə bilmərəm, "təntənəli qabiliyyət" deyirəm.

Siz nə deyirsiniz-deyin...

Bahəddin Həzi, Bizimyol.info
Ardını oxu...
İşğaldan azad olunan Xankəndi şəhərində növbədənkənar Azərbaycan Prezidenti seçkiləri üzrə səsverməyə start verilib.

Səhər saat 8:00-da məntəqə açılıb.

Şəhərdə 122 saylı Xankəndi seçki dairəsinin məntəqəsi yaradılıb.

14 saylı məntəqə şəhərin mərkəzi inzibati binasında yerləşir.

Müşahidəçilər səsvermə prosesini izləyir.
 
Ardını oxu...
Artıq rəsmi elan edirik ki, məntəqələr açıqdır.

Publika.az xəbər verir ki, bu barədə Mərkəzi Seçki Komissiyasının (MSK) sədri Məzahir Pənahov bu gün keçirilən mətbuat konfransında deyib.

O qeyd edib ki, bütün seçicilər məntəqələrə gedərək səs verə bilər.

Qeyd edək ki, bu gün Azərbaycanda prezident seçkiləri keçirilir. Prezident seçkilərində 7 nəfərin namizədliyi qeydə alınıb. Onlardan 5 nəfərin namizədliyi siyasi partiyalar tərəfindən, 2 nəfərin namizədliyi öz təşəbbüsü ilə irəli sürülüb. Yanvarın 9-da prezidentliyə namizədliyin qeydə alınması başa çatıb.

Seçici siyahılarında 6 milyon 478 min 623 seçicinin adı var. Onlar ölkə üzrə 6537 məntəqədə səs verəcəklər.

Seçkiləri izləmək üçün indiyə qədər 90 372 müşahidəçi qeydə alınıb. Onların 790 nəfəri 72 beynəlxalq təşkilatı təmsil edən müşahidəçilərdir. Bu müşahidəçilər 89 ölkədəndir.
Ardını oxu...
İnnovativ texnologiyalar sahəsində daim inkişaf edərək yenilikləri abunəçilərinə təqdim edən Bakcell şirkəti Qarabağ bölgəsində öz strateji genişlənmə planlarını elan edib. Belə ki, şirkətdən verilən məlumata əsasən, Bakcell regionda xidmət mərkəzlərinin sayını 10-a çatdıracaq.
"Bu genişlənmənin əsas məqsədi regionda yaşayan vətəndaşlarımız ilə əlaqələrimizi daha da gücləndirmək, onlara ən son innovativ texnologiyaları təqdim etməkdir", — deyə şirkətdən bildirilib.
Xatırladaq ki, Bakcell ötən il Qarabağ bölgəsində ən müasir səs texnologiyası olan VoLTE xidmətini və ölkənin ən sürətli mobil internet şəbəkəsini öz abunəçilərinin ixtiyarına verib. Həmçinin, regionda baza stansiyalarının sayını 120-dən yuxarıya çatdırıb.
Bakcell zəruri infrastrukturun qurulması istiqamətində, eləcə də ən son texnologiyaların regiona gətirilməsində genişmiqyaslı fəaliyyətini daha da gücləndirəcək.
Həyata keçirilən layihələr NEQSOL Holding-in Azərbaycanın Qarabağ regionunda ümumilikdə 200 mln manatadək sərmayə yatırmaq planlarının bir hissəsidir.
Bakcell şirkəti NEQSOL Holding-in tərkibinə daxildir.
 
Ardını oxu...
Qarabağda qalan qadının Ermənistana getmək istəmədiyini deməsi İrəvanda müzakirələrə səbəb olub. Bu barədə tanınmış erməni jurnalist Marat Yeqanyan da yazıb. O, Ermənistanı tərk edib Xankəndiyə qayıtmaq istəyən ermənilərin varlığı faktının araşdırılmalı olduğunu qeyd edib: “Videoya əsasən deyə bilərik ki, “Artsax”da qalan qadın Qırmızı Xaç Komitəsinin Ermənistana köçmək təklifini rədd etdiyini deyir. O həmçinin bildirir ki, 1000-ə yaxın erməni Qarabağa qayıtmağa hazırlaşır. Əgər qadının dedikləri doğrudursa, demək, 1000 xainimiz var”.

Politoloq Azər Qasımov "Sherg.az"a bildirib ki, Qarabağda qalan ermənilərin Azərbaycandan getməməsinin səbəbi böyük ehtimalla getməyə yerləri olmadığı üçündür. Analitik bəyan edib ki, Qarabağda qalmış ermənilərin əksəriyyətinin yaşlı, xəstə, eyni zamanda tənha insanlar olduğu görünür:

"Amma aralarında cavan, özünü idarə edən ermənilər də var. Xankəndidə şəhərin içində süfrə açıb oturmuşdular. Əslində, həmin ermənilər də soydaşlarının etdikləri cinayətlərə, vəhşiliklərə görə qorxub Azərbaycanı tərk etməli idilər, amma getməyiblər. Harasa getmək imkanı olmayanları başa düşmək olar, amma imkanı ola-ola getməyən ermənilər ya risk edib qalıblar, ya da azərbaycanlıların xarakterlərini bildikləri üçün belə ediblər. Azərbaycan xalqı öz düşməni də olsa, yaşlıya, xəstəyə, ona pənah gətirən insana pislik etməz. Ermənistandan geri gəlmək istəyən ermənilərin işi isə nisbətən rahatdır. Onlar görürlər ki, Azərbaycan heç bir erməniyə toxunmur, ona görə geri qayıtmaq istəyənlərin sayı getdikcə artır. Erməni ekspertin onlara xain deməsini də təbii hesab etmək olar. Çünki hələ iki ölkə bir-birinə düşmən gözü ilə baxır. Sülh sazişi olsa belə, bu məsələlərin yoluna düşməsi üçün uzun zaman tələb olunacaq. Əslində, ekspertin xain adlandırdığı ermənilər elə xaindirlər və onların geri qayıtması Azərbaycana da lazım deyil. Gəlmək istəyən ermənilər böyük ehtimalla imkansız adamlardır. Daha doğrusu, özlərini Azərbaycanın öhdəsinə buraxıb müftə yemək axtaranlardır. Onların arasında həkim, müəllim, elm adamı olduğuna şübhə edirəm. Odur ki, gəlmək istəsələr belə, rədd cavabı üçün səbəblər çoxdur".
 
 

 


Ardını oxu...
Polis əməkdaşlarının keçirdikləri tədbirlərlə fevralın 5-də Xankəndi şəhəri ərazisində 1 ədəd pulemyot, 20 ədəd müxtəlif markalı avtomat silahı, 4 tapança, 9 ədəd müxtəlif markalı tüfəng, 28 ədəd qumbara, 27 ədəd alışdırıcı, 122 ədəd patron darağı, 5775 ədəd müxtəlif çaplı patron və digər sursatlar aşkar olunaraq götürülüb.

dia-az.info
Ardını oxu...
Azərbaycan Ordusunun həyata keçirdiyi antiterror tədbirləri nəticəsində işğaldan azad olunan Xocalı şəhəri yenidən qurulur.

Hazırda isə burada 283 evin təmir-bərpası aparılır.

Yaxın vaxtlarda əhalinin köçürülməsinə başlanılacaq.
Məsələ ilə bağlı ATV-nin “İqtisadi zona” verilişi süjet hazırlayıb.

Daha ətraflı videoda:

 

Dünyapress TV

Xəbər lenti