 |
|
|
Bərdə rayonunda 1988-ci il təvəllüdlü Mübariz qısqanclıq zəminində həyat yoldaşı, 1997-ci il təvəllüdlü Təhminəni (adlar şərti verilib - red.) qətlə yetirib.
Teref.Az xəbər verir ki, Mübariz 2015-ci ildən rəsmi nikahda olduğu arvadı Təhminənin mobil telefonda aparılan yazışmalara və fotoşəkillərə baxdıqdan sonra əvvəllər tanımadığı şəxslərlə onun sevgi münasibətində olması və ona xəyanət etməsindən şübhələnib.
Bu səbəbdən arvadını öldürmək qərarına gəlib. Sentyabrın 6-da anasının istifadəsində olan mobil nömrə ilə arvadının müvəqqəti istifadə etdiyi nömrəyə zəng edib. Aralarındakı münasibətləri aydınlaşdırmaq üçün söhbət etmək bəhanəsi ilə onu qardaşı ilə birlikdə Bərdə şəhərindəki Heydər Əliyev adına istirahət parkına gəlməsinə nail olub.
Mübariz saat 15.15-də həmin parkın ərazisində arvadı ilə guya gələcək münasibətləri barədə təklikdə söhbət edəcəyini qaynına deyib və ondan 20-25 metr aralanıb.
Bu zaman Mübariz arvadının ona xəyanət etməsi və Bərdə rayonunun kəndində yerləşən yaşadıqları evdə başqa kişi ilə cinsi münasibətdə olması barədə təxminən 3-4 dəqiqə araşdırma yönümlü söhbət aparıb.
Daha sonra arvadının əvvəllər tanımadığı Tərtər rayon sakini Tahirlə qeyri-rəsmi münasibətdə olmasını özündə qətiləşdirdikdən sonra arvadının ona xəyanət etməsinə əmin olub. O, arvadına ümumilikdə 29 ədəd bıçaq xəsarəti yetirib. Qadın aldığı xəsarətlərdən vəfat edib.
İstintaq orqanı tərəfindən Mübarizin barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.
"Heç bir problem olmayıb"
Cinayət işi üzrə təqsirləndirilən şəxs qismində ifadə verən Mübariz ittiham üzrə özünü qismən təqsirli bilib. O bildirib ki, Təhminə ilə 6 il əvvəl evlənib, evlilikdən bir qız, bir oğlan olmaqla 2 övladı doğulub.
Qeyd edib ki, Təhminəni Bakı şəhərində usta fəaliyyəti ilə məşğul olarkən Balaxanı qəsəbəsinə əmisi evinə qonaq gələrkən görüb, bəyənib və bir-birini seviblər: "Təhminə başqasına nişanlı olmasına baxmayaraq, mənimlə evlənməyə qərar verdi və birlikdə qaçdıq. Son 5 ili Bərdə rayonunun kəndində atamın evində birlikdə yaşamışıq. Kənddə həyətyanı torpaq sahəsində iki evimiz olub. Qardaşım Vasif ailəsi və anam ilə birlikdə bir evdə, mən osə eyni həyətdə, özümə məxsus digər evdə ailəmlə yaşamışam. Təhminə ilə son dövrlərə qədər aramızda heç bir problem olmayıb".
Təqsirləndirilən şəxs bildirib ki, hadisədən 10 ay əvvəl işləmək üçün ailəsi ilə birlikdə Balaxanıya, sonra isə Sumqayıt şəhərinə gedib:
"Bir müddət orada yaşadıqdan sonra yenidən Bərdə rayonuna qayıtdıq. Daha sonra tək işləmək üçün Naxçıvan vasitəsilə Türkiyə Respublikasına getməyə qərarına gəldim. Lakin həmin ölkədə əvvəl tətbiq edilən cəriməni ödəmədiyim üçün sərhədi keçməyimə icazə verilmədi. Türkiyənin konsulluğuna müraciət etmək üçün Naxçıvandan Bakı şəhərinə gədlim".
"Arvadımı döydüyünü dedi"
Mübarizin sözlərinə görə, 29 avqust 2021-ci ildə Bakı şəhərində olarkən arvadı Təhminə ona varsapda yazaraq tanımadığı bir kişinin evə daxil olub, onu döydüyünü, sonra getdikdən sonra eyni həyətdə yaşayan anası və qardaşına məlumat verdiyini bildirib:
"Az sonra qayınanam Sevda zəng etdi, yaşadığım evə bir nəfər kişinin girərək arvadımı döydüyünü dedi. Növbəti gün səhər kəndə gəldim. Təhminənin bədənində və üz nahiyəsində şişkinlik, göyərtilər vardı. Təhminənin məni aldatdığını hiss etdim. Ona məni aldatmamağı, hər şeyi baş verdiyi şəkildə düzgün danışmağı xahiş elədim. Bundan sonra Təhminə atası evinə getməyi qərara aldı. Onun istifadə etdiyi "Redmi" markalı mobil telefonu əlindən aldım. Təhminənin döyülməsi barədə Bərdə rayon polis şöbəsinə şikayət etdik".
Mübarizin ifadəsinə görə, Təhminə sentyabrın 6-a kimi atası evində qalıb, həmin müddətdə arvadının kimlərlə münasibətdə olması, evinə kimin gəlib-getdiyini araşdırmağa başlayıb: "Tahir adlı Tərtər sakininin teıefonla Təhminə ilə danışdığını öyrəndim. Həmçinin Təhminənin "İnstagram" sosial şəbəkəsində digər şəxslərlə də danışdığını aşkarladım".
"Sayını bilmədiyim zərbələr vurdum"
Təqsirləndirilən şəxsin sözlərinə görə, sentyabrın 6-da arvadına anasının mobil telefonu ilə zəng edib: "Bərdə rayon polis şöbəsinə verdiyi şikayət ərizəsilə maraqlanmaq adı ilə Təhminəni öldürmək məqsədilə şöbəyə getməli olduğunu desəm də, o, gələkdən imtina etdi. Bundan sonra Təhminənin qardaşı Əliyə zəng etdim. Ona Təhminə barədə görüşüb söhbət etmək istədiyimi bildirdim.
Əli ilə Bərdə şəhəri, H.Əliyev prospektində yerləşən "Kolanı" adlanan kafenin yaxınlığında görüşdük. Əliyə bacısının əməlləri, Təhminənin düzgün yolda olmadığını danışdım. O isə Təhminənin qələt etdiyini, bir daha bacısının bu cür səhv etməyəcəyinə söz verdi.
Əli görüşə Təhminəni də özü ilə gətirdi. Onlar qohumlarının avtomobili ilə gəlmişdilər. Əli Tahir adlı şəxsi birgə döyməyi təklif etsə də, ona Bakıya gedəcəyimi, Tahiri tapmağa səbrim çatmadığını, sadəcə Təhminə ilə son dəfə danışaraq özünün bu söz-söhbət barədə nə düşündüyünü bilmək istədiyimi dedim.
Əli razılaşsa da, Təhminə əvvəlcə mənə yaxınlaşmağa qorxdu. Əli isə Təhminəyə "qorxma, sənə heç kim heç nə edə bilməz, gəl söhbət et" dedi.
Təhminə ilə parkın sol tərəfində, ensiz küçədə görüşdük. Əli bizə təklikdə gəzə-gəzə söhbət etmək üçün şərait yaratdı, təxminən 10-15 metr geridə arxamızca gəldi. Parkın sol tərəfindəki birinci qapıdan daxil olduqdan sonra dekorativ şam ağacının yanına çatdıqda, evin mətbəxindən götürdüyüm, qarın nahiyəmdə gizlətdiyim bıçağı çıxardım və ona zərbələr endirməyə başladım. Ölənə kimi sayını dəqiq bilmədiyim zərbələr vurdum.
Təhminənin qardaşı Əlinin qaçaraq mənə tərəf gəldiyini gördükdə isə əlimdəki bıçağı otluğa atdım. Sonra hadisə yerindən qaçdım. Asfalt yolu digər tərəfə keçdim və Daxili İşlər Nazirliyinin "102" Çağrı Mərkəzinə zəng etdim. Adam öldürdüyüm barədə məlumat verdim. Bir qədər sonra Bərdə rayon polis şöbəsinin əməkdaşları gələrək məni apardılar".
"Tez-tez döydüyünü dedilər"
İş üzrə hüquqi varis qismində tanınan mərhum Təhminənin qardaşı Əlinin sözlərinə görə, Təhminə onun kiçik bacısı olub, təxminən 7 il əvvəl Bakı şəhərində, Balaxanı qəsəbəsində yaşayan əmisi oğlunun toy mərasimində iştirak edərkən qonşuluqdakı evdə usta işləyən Mübariz bacısını görərək bəyənib: "Təhminə qonşumuza nişanlı olsa da, Mübarizə birlikdə evdən qaçdı. Əvvəl Təhminənin bu hərəkətinə etiraz etsək də, sonradan onunla barışdıq.
Mübariz Bakı və Sumqayıtda ev təmiri ilə məşğul olurdu, bəzi vaxtlarda Təhminəni də özü ilə aparırdı. Maddi vəziyyətiləri aşağı olduğu üçün özüm də arabir bacıma maddi kömək edirdim. 2018-ci ildə Təhminə Mübariz tərəfindən döyüldü və küsərək ata evinə gəldi.
Təhminə öldürüldükdən sonra Balaxanıda yaşadığımız yerdə olan qonşulardan bəziləri mənə zəng edərək son vaxtlar Təhminəni Mübarizin tez-tez döydüyünü dedilər".
"Məsələni qaydasına qoyacaqlarını dedi"
Hüquqi varis qeyd edib ki, 30 avqust 2021-ci ildə, təxminən saat 01-02 radələrində yaşadığı evdə olarkən bacısı Təhminə zəng edib və döyüldüyünü bildirib, onu həkimə aparmağını istəyib:
"Ondan qayınanası ilə qaynının harada olduğunu, döyülərkən niyə müdaxilə etmədiklərini soruşdim. Təhminə qayınanasının yanında olduğunu, qaynının isə həyətə və küçəyə baxdığını, məsələni aydınlaşdırmağa çalışdığını dedi. Həmin vaxt Təhminənin əri Mübariz işləmək məqsədilə Bakı şəhərində idi. Təhminə qayınanasının Mübarizə baş verənlər barədə məlumat vermək istəmədiyini, məsələni özlərinin qaydasına qoyacaqlarını dedi".
"Yol xərcini ödəyəcəyimi dedim"
Əli deyib ki, atası, anası və bacanağı ilə birlikdə Bərdə rayonunun kəndinə, bacısı evinə yola düşüblər: "Təxminən gecə saat 3 radələrində ora çatdıq. Mübarizin qardaşı Seymurun qohumu ilə birlikdə evin giriş qapısı qarşısında dayandığını gördük. Bacanağımdan avtomobili saxlamasını xahiş etdim. Ata-anamla evə daxil olduq. Təhminə həmin vaxt otaqdakı divanda uzanmış vəziyyətdə alın nahiyəsində şişkinlik, gözlərinin altında qaraltı, sağ qolunda göyərmələr, həmçinin başının arxa nahiyəsində şişkinlik vardı.
Ondan nə baş verdiyini, kimin onu bu hala sadığını soruşdum. Təhminə evdə uşaqlarla birlikdə yatarkən qəfildən otağın qapısının açıldığını, tanımadığı şəxsin içəri daxil olaraq onu vurmağa başladığını, mobil telefonunu verməsini tələb etdiyini, vermədikdə isə bədəninin müxtəlif nahiyələrinə zərbələr endirdiyini, səsə azyaşlı oğlunun oyanaraq qorxudan ağlamağa başladığını, evə girən şəxsin isə mobil telefonu əlindən zorla aldığını dedi.
Həmin vaxt Mübariz qardaşına zəng etdi, Bakıdan Bərdəyə gəlmək istədiyini, lakin yol pulu olmadığını dedi. Mübarizə gələrək ailəsinin problemləri ilə şəxsən məşğul olmasını, yol xərcini ödəyəcəyimi dedim. Həmin gecə ata və anamı orada qoyaraq, özüm bacanağımla geri qayıtdıq".
"Şikayət etdik"
Əlinin sözlərinə görə, növbəti gün məsələnin nə yerdə olduğunu öyrənmək üçün atasına zəng edib, atası yolda olduqlarını, bir qədər sonra kəndə çatacaqlarını bildirib: "Sonradan Təhminəni də evimizə gətirdik. Məlum oldu ki, Təhminənin ata evinə getməsini Mübariz tələb edib, onu saxlamayacağını bildirib. Təhminə ata evinə gəldikdən sonra növbəti gün digər bacımın əri və atam ilə Bərdə rayon polis şöbəsinə gedərək şikayət etdik, bacım ekspertizadan keçirildi".
Əli qeyd edib ki, sentyabrın 6-da Mübariz zəng edib və Təhminə ilə danışmağa başlayıb: "Mübariz evə girəni tapdığını, bunun üçün görüşərək birlikdə Bərdə rayon polis şöbəsinə getməli olduqlarını dedi.
Təhminə görüşmək istəmədiyini dediyi üçün mobil telefonu ondan aldım və Mübarizlə danışmağa başladım. Mübariz evə girəni tapdığını, Təhminənin polis şöbəsinə gətirməyimi, həmin adamla onu üzləşdirmək istədiyini, evdən çıxdıqdan sonra zəng etməyi, söhbət etmək istədiyini dedi. Mübarizə onların kəndləri istiqamətinə dönməyəcəyimi, Bərdə şəhərində bir yerdə görüşərək oradan da polis şöbəsinə gedəcəyimizi dedim.
Təhminəni götürərək bacanağımın atası ilə Bərdə şəhərinə gəldik. Bir qədər sonra Mübariz də qardaşı ilə oraya gəldi. Mübariz adamı tapdığını və öldürmək lazım olduğunu dedi. Mən isə Bərdəyə adam öldürməyə yox, polis şöbəsinə getmək üçün gəldiyimi dedim".
"Həkimlər öldüyünü bildirdilər"
Əli deyib ki, bundan sonra Mübarizin qardaşının mobil telefonuna zəng gəlib və o, gedib: "Biz isə polis şöbəsinə getmək üçün avtomobilə mindik. Avtomobilin hərəkətə başlayandan 1 dəqiqə keçməmiş Mübariz son dəfə Təhminə ilə söhbət etmək istədiyini dedi, sürücüdən avtomobili yolun sağında saxlamağını xahiş etdi.
Yanlarında olduğum üçün Təhminə qorxmayaraq Mübarizlə razılaşdı. İstirahət parkının sol tərəfində olan ensiz küçədə avtomobildən düşdük. Təhminənin yanından ayrılmaq istəməsəm də, Mübariz Təhminə ilə təklikdə söhbət etmək istədiyini bildirdi. Məndən bir qədər aralıda dayanmağı xahiş etdi. Rahat söhbət etmələrinə şərait yaratmaq üçün bir qədər geri qaldım. Onlar ilk döngədən sola dönüb, yolun qurtaracağındakı dekorativ ağacın arxasına keçdilər.
Az sonra bacımın qışqırıq səsini eşitdim, onlar tərəfə qaçdım. Təhminənin yerdə olduğunu, Mübarizin isə sağ əlində tutduğu bıçaqla ona zərbələr vurduğunu gördüm. Mübariz məni gördükdə bıçaq zərbələrini daha da artırdı.
Təhminənin üzünə bir bıçaq vurdu, son dəfə bıçağı onun kürək nahiyəsinə sancdı və gəldiyi yolla geriyə qaçdı. Təxminən 25-30 metr Mübarizin arxasınca qaçdım və onu yerə yıxdım. Mübarizin əlindəki bıçağın tiyəsindən tutdum və əlindən almağa çalışdım. Həmin vaxt bıçaq əlimi kəsdi. Mübariz bıçağı otluğa ataraq həmin yerdən qaçdı.
Bacımın yanına qayıdanda onun artıq can verdiyini gördüm. Həmin yerə polis əməkdaşları gəldi. Təhminəni polislərin avtomobili ilə Bərdə rayon Mərkəzi Xəstəxanasına apardıq. Xəstəxanaya çatdıqda həkimlər Təhminənin artıq öldüyünü bildirdilər".
"Sosial şəbəkdə tanış olduq"
İş üzrə şahid qismində dindirilən Təhminənin intim münasibətdə olduğu iddia olunan Tahirin sözlərinə görə, 2016-ci ildə ailə qurub, iki övladı var: "Boş vaxtlarımı "instagram" və "tik-tok" sosial şəbəkələrində keçirirəm. Həmin sosial şəbəkələrdə bir neçə qadınla tanış olmuşam ki, onlardan da biri Bərdə rayon sakini, mərhum Təhminə olub.
Təhminə ilə ilk dəfə "tik-tok"da tanış oldum. Bundan sonra "instagram" sosial şəbəkəsində yazışdıq. "Tik-tok"da Təhminə özünü subay qız kimi təqdim etdi, "instagram"da isə mənə sirr verərək, iki uşağı olduğunu, boşandığını bildirdi.
Tanış olduğum ilk vaxtlar Təhminə mənə Ağcabədi rayon sakini Miri adlı tanımadığım şəxsin keçmiş sevgilisi olduğunu, Mirinin təxminən 2-3 ay əvvəl avtomobil qəzasında öldüyünü dedi. Təhminə "tik-tok"da canlı yayıma qoşulduqda tanımadığım bir neçə şəxsin onunla səmimi söhbət etmələrindən qıcıqlansam da, Təhminə məndən başqa heç bir kəslə münasibətdə olmadığını dedi.
Təhminə ilə həmişə sosial şəbəkə vasitəsilə danışmışam, telefon zəngləri isə ancaq "instagram" sosial şəbəkəsi vasitəsilə olub".
"Səhərə qədər cinsi əlaqədə olduq"
Tahir qeyd edib ki, növbəti günlərdə münasibətləri daha da irəliləyib, Təhminə ona əvvəlcə paltarda, daha sonra isə çılpaq şəkillərini göndərib. Onun sözlərinə görə, "İnstagram" sosial şəbəkəsində çılpaq şəkillərini göndərdikdən qısa müddət sonra Təhminənin dəvəti ilə onun yaşadığı evə gedib:
"Evin yolunu mənə Təhminə öyrətdi. Evə ilk dəfə getdikdə məni küçədə, qapıda qarşıladı. Birlikdə evə daxil olduq, uşaqlar otaqda yatdıqları üçün evin mətbəxində, Təhminənin yerə saldığı döşəyin üzərində səhərə qədər bir neçə dəfə cinsi əlaqədə olduq. Səhərə yaxın gəldiyim kimi piyada kəndin giriş tərəfində olan dəmir yol reysləri üstü ilə Tərtərə qayıtdım.
İlk görüşdən təxminən 10 gün sonra yenidən Təhminənin dəvəti ilə onun evinə getdim. Yenidən evin mətbəxində cinsi əlaqədə olduq. Növbəti görüşlərin birində şəxsiyyət vəsiqəm Təhminənin evində qaldığı üçün imkan olanda evinə gedərək vəsiqəmi götürməyə şərait yaratmasını xahiş etdim".
"Yalvarmağa başladı"
Tahir bildirib ki, avqustun 29-da Təhminə "instagram" sosial şəbəkəsi vasitəsilə zəng edib və onu yenidən evə çağırıb: "Taksi fəaliyyəti ilə məşğul olan qonşum Ruslana zəng etdim, şəxsiyyət vəsiqəmin Bərdə rayonunun kəndində unutduğumu, avtomobillə gedərək qayıtmağı xahiş etdim. Ruslan razı olduqdan sonra təxminən gecə 23.30-da Təhminənin evinə çatdım.
Avtomobildən düşəndə Ruslana 10-15 dəqiqəyə geri qayıdacağımı dedim və evdən bir qədər kənarda gözləməsini xahiş etdim. Evin qapısını Təhminə açdı, qızının hələ oyaq olduğunu, dəhlizdə gözləməyi, onu tez yatızdırıb yanıma gələcəyini dedi.
Dəhlizə daxil olduqda qapını arxadan bağladım. Dəhlizdə gözləsəm də, Təhminə otağa gəlməyimi istədi. Otağa daxil olduqda Təhminəni divanda oturaraq uşağı dizlərinin üstündı yatızdıran vəziyyətdə gördüm. Şəxsiyyət vəsiqəmin harada olduğunu soruşdum. Təhminə əli ilə işarə edərək dolabı göstərdi. Vəsiqəmi dolabdan götürdükdə Təhminə niyə soyuq davrandığımı soruşdu.
Təhminəyə ona inanmadığımı, başqaları ilə də danışdığını, əlaqəsi olduğundan şübhələndiyimi bildirdim. Təhminə istifadəsində olan mobil telefonu mənə uzatdı, yoxlamağı və şübhələrimə son qoymağımı istədi. Təhminənin əvvəlcədən digər oğlanlarla yazışmalarını sildiyini düşündüm və birbaşa vatsapı yoxladıqda onun digər şəxslə mesajlarını gördüm. Həmçinin evli olduğunu aşkar etdim. Təhminə mənə yalvararaq hər şeyi başa salacağını bildirdi.
Qucağındakı uşağı divanın üstünə qoyaraq getməyimə mane olmağa çalışdı. Sanki bilərəkdən otağın qapısını örtdü. Mən isə getmək istədim. Otağın qapısının qulpu olmadığına görə qapını aça bilmədim. Təhminədən qapını açmağı tələb etdim. Təhminə getməməyim üçün yalvardı. Səsə onun yatmış oğlu oyanaraq məni görən kimi ağlamağa başladı".
"Mənə göndərdiyi şəkilləri göstərdilər"
Tahir qeyd edib ki, Təhminə otağın qapısını açdıqda dəhlizdən çölə çıxan vaxt bir qadının evə yaxınlaşdığını eşidib və gizlənmək üçün evin sağındakı tinə qaçıb: "Qadın evə daxil olan kimi cəld evin həyətinin giriş qapısına doğru irəlilədim. Həmin vaxt Təhminənin ağlayaraq, uca səslə "telefonu oğurladılar" dediyini, arxa tərəfdə kiminsə dəmir qapını açıb, avtomobili işə saldığını eşitdim.
Küçəyə çıxdıqda Ruslanı tapa bilmədim. Mobil telefonum söndüyü üçün nə Təhminə, nə də ki Ruslanla əlaqə saxlaya bilmədim. Bərdə-Tərtər yolunun üzərindəki dəmir relslərə kimi piyada getdim. 15-20 dəqiqə orada gözlədim və Tərtər istiqamətində gedən tanımadığım "Qazel" sürücüsü ilə yaşadığım evə qayıtdım.
Evə gəlib telefonu açdım. Təhminənin "tik-tok"da "mən sənin adını verməyəcəm, sən də mənim adımı vermə, işdi səni tapsalar, oğurluq məqsədilə evimə gəldiyini deyərsən" mesajı yazdığını gördüm.
Təhminənin əri Mübarizi əvvəllər tanımamışam, heç bir münasibətim olmayıb. Qətl hadisəsindən sonra Bərdə polis şöbəsinə çağırılanda orada polis əməkdaşlarına Təhminə ilə aramızda olan yazışmaları, danışıqları və mərhumun mənə göndərdiyi şəkilləri göstərdilər".
Bu cinayət işinə Gəncə Ağır Cinayətlər Məhkəməsində baxılıb.
Mübariz 17 il müddətinə azadlıqdan məhrum edilib.
\\Teleqraf.com
Azərbaycanlı model və bloqer Leyla Mirzəliyevanın ard-arda keçirdiyi plastik və estetik əməliyyatları başına bəla olub.
Bizim.Media xəbər verir ki, Leyla sosial şəbəkə hesabında göz yaşı içində videomüraciət paylaşaraq bədəninin çürüdüyünü bildirib.
Model süni gelləri bədənindən çıxarmaq üçün bir ay müddətində doqquz dəfə bıçaq altına uzandığını açıqlayıb:
"Ağrılarım var, artıq dözə bilmirəm. Dolğulardan bədənim çürüyür. Heç bir həkim də kömək edə bilmir. Əməliyyat olunmalıyam. Sağ qalma şansım yüzdə ondur. Xahiş edirəm, dua edin, kimin haqqına girmişəmsə, haqqınızı halal edin".
Ukraynanın paytaxtı Kiyevdə Müstəqillik Günündə əsgərlərin məzarı başında rəqs edən iki bacı saxlanılıb.
Tribunainfo.az Türkiyə mətbuatına istinadən xəbər verir ki, sosial şəbəkələrdə yayılan və böyük reaksiya alan videoda bacıların əsgər məzarları qarşısında rəqs etdiyi görünür.
Avqustun 24-də ölkənin Müstəqillik Günündə Ukraynanın paytaxtı Kiyevdə iki bacı əsgər məzarları başında rəqs edərkən video çəkiblər. Videonun üzə çıxmasından sonra Ukrayna polisi bacıların yerini müəyyən edib və onları saxlayıb. Bildirilib ki, iki bacını “təxribat” ittihamı ilə 5 il həbs gözləyir.
Azərbaycanda qadın ərini amansızcasına QƏTLƏ yetirdi
Baş Prokurorluğun Mətbuat xidməti xəbər verir ki, Xırdalanda qətl törədilib.
Avqustun 25-i gecə saat 2 radələrində Xırdalan şəhərində 1981-ci il təvəllüdlü Elsevər Həsənovun yaşadığı evdə ölməsi barədə rayon prokurorluğuna məlumat daxil olub.
İlkin araşdırma zamanı Elsevər Həsənovun bıçaqla özünə xəsarət yetirərək intihar etməsi yaxınları tərəfindən bildirilsə də, hadisənin təfərrüatları ətraflı olaraq rayon prokurorluğunda araşdırılıb.
Araşdırmalarla 1989-cu il təvəllüdlü Gülnar Məmmədovanın yaşadıqları evdə şəxsi münasibətlər zəminində aralarında yaranmış mübahisə zamanı 1981-ci il təvəllüdlü Elsevər Həsənova bıçaqla xəsarət yetirib, ehtiyatsızlıqdan onun ölümünə səbəb olmasına əsaslı şübhələr müəyyən edilib.
Faktla bağlı Abşeron rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.
Gülnar Məmmədova iş üzrə təqsirləndirilən şəxs qismində cəlb olunmaqla barəsində həbs qətimkan tədbiri seçilib.
İbtidai istintaq davam etdirilir.
Rusiyanın ən varlı qadını 7 milyard dollarlıq sərvətlə “Wildberries” şirkətlər qrupunun sahibi Tatyana Bakalçukdur. Onu “Fosaqro” gübrə şirkətinin sahiblərindən biri Tatyana Litvinenko təqdib edir. Litvinenko 2.8 milyard dollarlıq aktivlərə malikdir.
“AzPolitika.info” xəbər verir ki, bu reytinqi “Forbes” jurnalının Rusiya nəşri hazırlayıb.
Qeyd olunur ki, siyahının lideri Bakalçuk ikinci dəfədir ki Rusiyanın ən varlı qadınları siyahısına başçılıq edir və onun reytinq lideri kimi mövqeyi sarsılmaz görünür.
Onu təqib edən Tatyana Litvinenko isə “Fosaqro”nun səhmlərinin 20 faizindən bir qədər çoxuna sahibdir.
Rus qadın milyarderlərin reytinqində üçüncü yeri sərvəti 2,5 milyard dollar olan Varvara Skoç tutur. O, USM holdinq şirkətinin 30 faizlik payının sahibidir.
Ən zəngin ruslardan biri Aleksey Mordaşov “Nordgold” qızıl mədən şirkətinin nəzarət paketini övladlarının anası Marina Mordaşovaya verib. Nəticədə Mordaşova 1,85 milyard dollar sərvəti ilə siyahının dördüncüsü olub.
Beşinci yerdə 1,55 milyard dollar sərvətlə “Çerkizovo” qrupunun səhmlərinin 80 faizindən çoxuna nəzarət edən Lidiya Mixaylova qərarlaşıb.
İlk onluğa “Inteco Management” şirkətinin prezidenti Yelena Baturina (1,3 milyard dollar), “Novatek” şirkətinin yaradıcısının qızı Viktoriya Mixelson (1,2 milyard dollar), “Fosaqro” qrupunun qurucusunun həyat yoldaşı Yevgeniya Quryeva (875 milyon dollar), “Lukoil” neft şirkətinin sahiblərindən birinin qızı Yekaterina Fedun (800 milyon dollar) və iş adamı Vladimir Koqanın dul arvadı Lyudmila Koqan (725 milyon dollar) da daxil edilib.
Fotoda Sankt-Peterburq, Moskva, Paris kimi o dövrün ən kübar şəhərlərində hamını öz gözəlliyi ilə heyrat etmiş Sona xanım Mehmandarovadır. O, Lənkəran şəhərinin qradonaçalniki Nağı bəy Mehmandarovun qızı, Azərbaycan Xalq Cümhuriyyətinin müdafiə naziri Səməd bəy Mehmandarovun qardaşı qızı idi.
Nağı bəyin qızı Sona Mehmandarova 1894-cü ildə, bəzi mənbələrdə isə 1896-cı ildə Lənkəranda dünyaya gəlib. Sona xanım gənc yaşlarından şəhərin ilk gözəli kimi tanınırdı. Bundan əlavə, o, iki tanınmış nəsilin davamçısı idi.
1. Atası Nağı bəy Qarabağ xanları nəslindən, zadəgan Mehmandarovlardan idi.
2. Anası Bikə xanım praporşik Əbulfət xan Talışınskinin qızı, zadəgan talış xanlığının ailəsindən idi.
Sona xanıma elçi gələnlərin sayı-hesabı yox idi. Kimisi onun gözəlliyinə, kimisi mövqeyinə, kimisi də nəslinə tamah salırdı. Nağı bəy nəzakətlə hamıdan imtina edib, seçimi qızı edəcək deyə cavab verirdi. 1910-cu ildə varlı tacirlərin nəslindən olan Əhməd bəy Zeynalov Sona xanımdan rədd cavabı alaraq ona yox deyən Nağı bəyi öldürmək qərarına gəlir. Gecə bir yoldaşla Nağı bəyin evinə gedən cinayətkarlar onu ölümcül yaralayır. Onlar hər şeyi Lənkəran rəhbərinin gözlənilmədən yoxa çıxması kimi təqdim etməyə çalışaraq, meyiti götürüb dənizdə batırıblar. Lakin bir neçə ay davam edən istintaq qatilləri üzə çıxarıb, onlar 25 il cəza alaraq, Sibirə sürgün olunub.
Nağı bəyin ölümündən sonra Sona xanım təhlükəsizlik məqsədi ilə dogma Lənkəranı tərk edərək Bakıya anasının qohumlarının yanına köçür. Qeyd edim ki, anasını doğum zamanı itirən Sona xanım atasının ölümündən sonra tək bu şəhərdə yaşaya bilmirdi. Əmisi hərbidə, burdakı bəzi qohumları da onun var-dövlətinə sahib olmaq niyyətində idi. Atasının yaxın dostları ona elçi düşüb, həm gözəl qadına, həm də kifayət qədər var-dövlətə sahiblənmək istəyirdilər. Hər gün ona gələn elçilərdən yaxa qurtarmaq üçün Bakıya köçən Sona xanım burda bir müddət qalır, 1912-ci ildə qohumlarının təkidi ilə Azərbaycan Dövlət Filarmoniyası yerləşən binada keçirilən gözəllik yarışmasında iştirak üçün müraciət edir. Onlarla iştirakçı arasında bir neçə qrup fərqlənirdi – Rusiya ordusunun yüksək rütbəli zabitlərinin qızları, şəhərin dünyəvi cəmiyyətindən olan subay xanımlar, Avropadan köçmüş ailələrdən olan qızlar. Bakıda keçirilən müsabiqə “gəlin yarışması” adlanırdı və tamaşaçılar arasında şəhərin ən seçilən subayları toplaşırdı. Sona Mehmandarova tamamilə fərqli məqsədlər güdürdü və o, demək olar ki, müsabiqə iştirakçıları arasında yeganə azərbaycanlı idi. Bəlkə də digər qızlar arasında seçildiyi üçün lənkəranlı gözəl birinci yerə layiq görülüb. Münsiflərin yekdilliklə qalib elan etdiyi Sona xanım Bakı qələbəsindən bir ay sonra Tiflisdə müsabiqə elan olunanda (“Miss Qafqaz” və “Miss Cənub Rusiya” – iki nominasiyası üzrə) Sona xanım müsabiqəyə yazılmışdı. Bu iki nomninasiya üzrə Sona xanım öz adı ilə deyil, Tuğra xanım Talışinskaya kimi təqdim edir.
Qeyd edim ki, bu günə qədər sosial mediada və saytlarda guya Tuğra xanım özü iştirak edib deyə məlumatlar yayılır. Tuğra xanım heç bir zaman gözəllik müsbiqəsinin iştirakçısı olmayıb. Onun adı əslində Sona xanımın istifadə etdiyi addır və bu adla qalib olub. Mir Əsgərxan Talışinskinin qızı Tuğra xanım (əslində sənədlərdə adı Toğrabəyim yazılır) Talışinskaya heç bir zaman gözəllik müsabiqəsində iştirak etməyib. Onun adının bu cürə hallanması Sona xanımın öz adı əvəzinə ondan istifadə etməsi olub. Qeyd edim ki, Lənkəranda bu gün “Xan Evi” adı ilə tanınan gözəl və qədimi binanı Mir Əhməd xan Tuğra xanım (Toğrabəyim) üçün tikib.
O dövrdə Tiflis Qafqazın baş şəhərlərindən və çoxsaylı şirkətlərin cəmləşdiyi yer sayılırdı. Onu imperiyanın hər yerindən insanlar ziyarət edirdi. Şəhərdə xidmət edən bir çox rus məmurları və hərbçiləri böyük ailələrdən idilər. Tiflisdə keçirilən müsabiqədəki qələbə istənilən gözəllik müsabiqəsində yüksək yer tutmağı praktiki olaraq təmin edirdi. Burada qalib olan Sona Tiflisdə keçirilən digər müsabiqəyə qatılır və burada “Qafqaz incisi” tituluna layiq görülür. O, Tiflisdən sonra Sankt-Peterburqa yola düşür və burada da birinciliyə layiq görülür. Sona xanım 1912-ci ilin sonunda Parisdə keçirilən beynəlxalq əhəmiyyətli müsabiqədə qalib gələrək, “Dünya gözəli” titulu – “Qran-Pri” sahibi olur və məşhurluğu dünyaya yayılır.
Parisdəki qələbə əyalətdən olan bir qız üçün əsl zəfər idi. Dünyanın aparıcı qəzetləri qalibin, zümrüd tac başında olan Sona xanım Mehmandarovanın şəklinin ilk səhifəsində verirdi. Hara gedirdi onu qəhrəman qadın kimi qarşılayırdılar. Parisdə zadəgan ailələr onunla görüşüb, bir yerdə oturmağı özlərinə şərəf sayırdılar.
Müsabiqədən bir il sonra o, 1913-cü ildə əslən dağıstanlı olan Uruzovla ailə həyatı qurur. Ailəsi bu evliliyə razı olmasa da, Sona xanım Uruzovdan ayrılmır.
Lakin bir müddətdən sonra həyat yoldaşı onu atıb naməlum halda yox çıxır. İnqilabdan sonra ailəsinə, Mehmandarovlara məxsus malikanələr və bütün ləl-cəvahiratlar əllərindən alınır. Ola bilsin ki, o, xan ailələrinin bir çox nümayəndələri kimi repressiyaya məruz qala bilərdi, lakin rus-sovet yazıçısı, maarif naziri Anatoli Vasilyeviç Lunaçarski ilə dostluq kömək edir. Moskvanın kənarındakı kiçik bir otağa köçərək bütün sənədləri və fotoşəkilləri yandırmalı olur.
Lənkəranlı gözəlin sonrakı taleyi acınacaqlıdır. Yalnız 1966-cı ildə Bakıya qayıtdığı məlumdur. 1912-ci ildə şəhəri tərk edən gənc və parlaq Sona yarım əsrdən sonra qoca və xəstə kimi qayıdır. Bir vaxtlar gözəlliyi ilə bütün dünyanı fəth edən Azərbaycan xan ailələrinin varisi öz vətənində yararsız hala düşür.
Sona xanım Mehmandarova 1968-ci ildə vəfat edib. Cənazəsi Bakıdakı qəbristanlıqlardan birində dəfn edilsə də, bu günə qədər onun dəqiq yeri bilinmir. Tarix onun dəfn olunduğu yeri belə qoruyub saxlamayıb.
Zaur Aliyev, dosent
Azərbaycan qadını öz iradəsi və mərdliyi, saflığı və sədaqəti ilə xalımızın həyatında, milli-mənəvi dəyərlər sisteminin formalaşdırılmasında həmişə müstəsna rol oynayıb. Tariximizin bütün mərhələlərində Azərbaycan qadının silinməz izi var. O, qayğıkeş ana, zərif ruhlu şair, möhkəm iradəli hökmdar, dərin zəkalı mütəfəkkir olaraq öz adını tarix səhifələrində əbədiləşdirib.
Bu baxımdan örnək kimi qəbul etdiyimiz qadınlarımız həmişə olub və indi də var. Ölkəmizin Birinci Xanımı, Respublikanın Birinci vitse-prezidenti, Heydər Əliyev Fondunun Prezidenti Mehriban Əliyeva özünün həm ictimai-siyasi fəaliyyəti, həm də elmi yaradıcılığı ilə Azərbaycan qadınının bu böyük ənənələrini ləyaqətlə davam və inkişaf etdirir. O, ölkəmizdə qadın hərəkatının lideri kimi dövlətimizin tərəqqisi naminə geniş və səmərəli fəaliyyət göstərir.
Mehriban xanımı şəxsiyyət kimi xarakterizə edərkən bir məqamı nəzərdən qaçırmaq olmaz. Onun fəaliyyətində ənənəviliklə müasirlik, tarixi köklərə bağlılıqla yeni təfəkkür əsas prinsiplərdəndir. Möhkəm xarakteri, sonsuz Vətən sevgisi ilə Azərbaycan üçün Tanrı payı olan Birinci xanım UNESKO və İSESKO kimi beynəlxalq nüfuzlu təşkilatların xoşməramlı səfiri, Azərbaycan Mədəniyyət Fondunun rəhbəri olaraq öz fəaliyyətində ümumbəşəri dəyərlərə, humanist prinsiplərə, sivilizasiyaların və mədəniyyətlərin dialoquna töhfələr verən bir Lider kimi Şərqin və Qərbin ortaq dəyərlərinə əsaslanir. Ədalət, cəsarət, ləyaqət, məhəbbət və mərhəmət kimi ali keyfiyyətləri öz şəxsində birləşdirən Mehriban Əliyeva ötən əsrin 90-cı illərində qədəm qoyduğu siyasi aləmə sübut etdi ki, dünyanı təkcə gözəllik və məhəbbət deyil, həm də kamillik və mərhəmət xilas edə bilər.
1995-ci ildə Azərbaycan Mədəniyyətinin Dostları Fondunu yaradan Mehriban xanım xalqımızın maddi-mənəvi sərvətlərini tanıtmaq yolunda nəcib işə başladı. Fəaliyyətinin mühüm göstəricisi isə rəhbərlik etdiyi Heydər Əliyev Fondunun timsalında əks olundu.. O, diqqəti təhsilə, məktəbə, səhiyyəyə, uşaqların sağlamlığına, mədəniyyət proqramlarına yönəltdi. Məktəb tikintisi layihələri, məktəbəqədər təhsil müəssisələrinin yenidən qurulması, uşaq evləri, internatların inkişafına dəstək proqramı, yeni uşaq tərbiyə müəssisələrinin inşası bu sahədə ciddi keyfiyyət dəyişikliyi yaratdı. Birinci xanım valideyn himayəsindən uzaq uşaqlara sosial himayəni ənənə halına saldı, ölkədə xeyriyyəçilik hərəkatına canlılıq gətirdi, Heydər Əliyev Fondunu nəinki Azərbaycanda, dünyada xeyirxahlıq və mərhəmət ünvanına çevirdi.
Onun fəaliyyətinin təməlində millətə layiqli xidmət məramı dayanır. Buna görədir ki, 2017-ci ilin fevralında Azərbaycanın Birinci vitse-prezidenti vəzifəsinə təyin edilməsi ölkədə müsbət qarşılandı. O, daha böyük qətiyyətlə ilk müşavirəsini qaçqın və məcburi köçkünlərin problemlərinə həsr etdi, əsas diqqəti bu problemlərin həllinə yönəltdi. Mehriban Əliyeva sadəcə Birinci vitse-prezident olaraq deyil, ümumiyyətlə, bir vətəndaş, qadın, ana kimi mövqeyini ortaya qoyaraq, Azərbaycan üçün çox böyük işlər gördü və bu işlərin altına öz imzasını atdı. Mehriban Əliyeva ona həvalə edilən bütün sahələrdə uğur qazandığına və ona olan etimadı doğrultduğuna görə xalqın qəlbində Mehriban Əliyeva sevgisi yaşayır.
Mehriban xanım Azərbaycan Prezidenti, Ali Baş Komandan İlham Əliyevin ömür-gün yoldaşı olmaqla yanaşı, onun məsləkdsşı və silahdaşıdır. Qarabağ torpaqlarının erməni işğalından azad olunması yolunda 44 günlük müharibədə Mehriban Əliyeva hər qələbə sevincini xalq ilə birgə yaşadı. Şəhid analarının kədərini bir ana kimi ürəyində hiss etdi, şəhid analarının yanında oldu, onlara təsəlli verdi. Qazilərimizə mərhəmət əlini uzatdı.
Onu bir Lider, İnsan və Ana kimi xalqa sevdirən keyfiyyətləri çox, olduqca çoxdur!
Möhtərəm Prezidentimiz cənab İlham Əliyevin Mehriban xanım haqqında dediyi bir fikri xatılatmaq yerinə düşər: “O insanlara xoş münasibəti, xoş niyyəti, xoş ünsiyyəti ilə seçilir. Bu onun xasiyyətinin ən fərqləndirici cəhətidir. Mən əminəm ki, Mehriban Əliyeva xeyriyyəçilik , insansevərlik, mərhəmət, Azərbaycan xalqının mentalitetinə, mədəniyyətinə düsüncəsinə əsrlərdən bəri formalaşan ənənələrimizə xas olan ən gözəl keyfiyyətləri hələ bundan sonra da davam etdirəcək”.
Doğma Azərbaycanımızın inkişafi naminə bu ali və nəcib missiyanı həyata keçirməsi yolunda Mehriban Əliyevaya yeni uğurlar arzulayır, onu Azərbaycan- Tütk qadınlar birliyi adından ürəkdən təbrik edir, ona Allahdan möhkəm can sağlığı diləyirik Qoy Ulu Tanrının Mərhəməti və xeyir-duası həmişə Sizinlə olsun, əziz Mehriban xanım!
26.08. 2023
Tənzilə Rüstəmxanlı
Bu gün Azərbaycanın Birinci vitse-prezidenti, Heydər Əliyev Fondunun Prezidenti, İSESCO-nun xoşməramlı səfiri Mehriban Əliyevanın doğum günüdür.
"DogruXeber.az"ın məlumatına görə, Əliyeva Mehriban Arif qızı 1964-cü il avqustun 26-da Bakı şəhərində ziyalı ailəsində anadan olub.
1982-ci ildə Bakı şəhəri 23 №-li orta məktəbi qızıl medalla bitirərək N. Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olub. 1988-ci ildə M. Seçenov adına 1-ci Moskva Dövlət Tibb İnstitutunu fərqlənmə diplomu ilə bitirib. 1988-1992-ci illər ərzində Moskvada akademik Krasnovun rəhbərliyi altında Göz Xəstəlikləri Elmi-tədqiqat İnstitutunda işləyib.
1995-ci ildə Mehriban Əliyevanın təşəbbüsü ilə Azərbaycan Mədəniyyətinin Dostları Fondu təsis olunub. 1996-cı ildə Mehriban Əliyeva Azərbaycan mədəniyyətinin geniş təbliğ olunması məqsədilə üç dildə (Azərbaycan, ingilis və rus) çap olunan “Azərbaycan-İrs” jurnalını təsis edib.
2002-ci ildə Mehriban Əliyeva Azərbaycan Gimnastika Federasiyasının prezidenti seçilib.
Mehriban Əliyeva, həmçinin, Heydər Əliyev Fonduna rəhbərlik edir. 2004-cü il may ayının 10-da fondun rəsmi açılışı olub. Heydər Əliyev Fondu xeyriyyəçilik tədbirləri görür, təhsil, mədəniyyət, incəsənətlə bağlı layihələr həyata keçirir. Bu layihələr təkcə Azərbaycanla məhdudlaşmır. Mehriban Əliyevanın həyata keçirdiyi humanitar layihələr bütün dünyada məşhurdur. Onun təşəbbüsü ilə Pakistanda qızlar üçün yeni məktəb tikilib, İslamabadda, eləcə də Pakistanın digər əyalətlərində silsilə humanitar aksiyalar keçirilib. Versal sarayının bir hissəsinin və Strasburqda orta əsrlərə aid kilsənin, Luvr muzeyi qalereyasından birinin, Roma katakombalarının bərpası, Həştərxanda Azərbaycan-Rusiya dostluq körpüsünün tikilməsi, Müqəddəs Mələksima Knyaz Vladimirə Rusiyada ilk abidə ucaldılması və digər layihələr Heydər Əliyev Fondunun xeyriyyəçilik işləri sırasındadır.
2004-cü il avqustun 13-də Azərbaycanın şifahi xalq ədəbiyyatının və musiqi irsinin qorunub saxlanılması və inkişaf etdirilməsi sahəsindəki fəaliyyətinə görə Mehriban Əliyeva UNESCO-nun xoşməramlı səfiri adına layiq görülüb.
Lakin 2022-ci ilin noyabrında Mehriban Əliyeva UNESCO-nun xoşməramlı səfiri kimi fəaliyyətinə xitam verib və bu barədə UNESCO-nun baş direktoruna məktub ünvanlayıb.
Birinci vitse-prezident bu vəzifədən imtinanı Vətən müharibəsi nəticəsində Azərbaycan ərazilərinin Ermənistanın işğalından azad edilməsindən sonra özünün genişmiqyaslı bərpa və quruculuq işlərinə yaxından cəlb olunması və bu xüsusda UNESCO çərçivəsində xoşməramlı səfir vəzifəsinə diqqət ayrılmasının imkan xaricində olduğu ilə izah edib.
2004-cü il dekabrın 28-də Azərbaycan Respublikası Milli Olimpiya Komitəsinin IV Baş Məclisində MOK-un İcraiyyə Komitəsinin üzvü seçilib.
2005-ci ildə Azərbaycanda keçirilən sosioloji sorğuya əsasən, Mehriban Əliyeva “İlin qadını” adına layiq görülüb. 2005-ci il iyunun 9-da ictimai, mesenatlıq və xeyriyyəçilik fəaliyyətinə görə, təhsil və mədəniyyət müəssisələrinin dəstəklənməsinə, Rusiya və Azərbaycan xalqları arasında dostluğun möhkəmlənməsinə sanballı töhfələrinə görə Rusiyanın “Yüzilliyin mesenatları” Beynəlxalq Xeyriyyə Fondunun “Yaqut Xaç” ordeninə layiq görülüb.
2005-ci ildə fəlsəfə elmləri namizədi alimlik dərəcəsi alıb.
Sivilizasiyalararası dialoq daxil olmaqla, müxtəlif sahələrdə genişmiqyaslı və fədakar fəaliyyətinə, qayğıya ehtiyacı olan uşaqlara diqqətinə, onların yaşayış şəraitinin yaxşılaşmasına, təhsilə, həmçinin İslam aləmində görülən işlərə böyük dəstəyinə görə 2006-cı il noyabrın 24-də İSESCO-nun xoşməramlı səfiri adına layiq görülüb.
Ümumdünya Səhiyyə Təşkilatı (ÜST) İcraiyyə Komitəsinin 2007-ci il yanvarın 29-da Cenevrədə keçirilən 120-ci sessiyasının yekdil qərarı ilə Mehriban Əliyevaya ana, uşaq və ailə sağlamlığının qorunması və möhkəmlənməsi işində müstəsna xidmətlərinə görə bu beynəlxalq təşkilatın mükafatı verilib.
Genişmiqyaslı xeyriyyəçilik fəaliyyətinə, bəşəriyyətin ali ideallarına xidmət sahəsində yüksək nailiyyətlərinə görə 2007-ci ilin mayında Mehriban Əliyeva “Qızıl ürək” beynəlxalq mükafatına layiq görülüb.
Mehriban Əliyeva Azərbaycan və Polşa arasında dostluq münasibətlərinin inkişafına verdiyi töhfəyə görə 14 sentyabr 2009-cu ildə Polşa Respublikasının “Xidmətlərə görə” Böyük Komandor Xaçı ordeni ilə təltif edilib.
10 fevral 2010-cu il tarixdə isə Fransa Prezidentinin sərəncamı ilə “Fəxri legionun böyük xaç komandoru” ordeni ilə təltif olunub.
2011-ci il iyunun 24-də Mehriban Əliyevaya Krans Montana Forumunun Qızıl medalı təqdim olunub.
2012-ci il aprelin 13-də Mehriban Əliyevaya MDB iştirakçısı olan dövlətlərin Humanitar Əməkdaşlıq Şurası (HƏŞ) və MDB iştirakçısı olan ölkələrin Dövlətlərarası Humanitar Əməkdaşlıq Fondu (DHƏF) tərəfindən “Birlik Ulduzları” dövlətlərarası mükafatı təqdim edilib.
2013-cü il dekabrın 27-də Pakistanın “Şəhid Bənazir Bhutto Qadın Mükəmməlliyi Mükafatı - 2013” mükafatına layiq görülüb.
2014-cü ilin mayında Mehriban Əliyeva sivilizasiyalararası dialoqa verdiyi töhfələrə, həmçinin Almaniyada türk dünyasının tanıdılmasına, Azərbaycan-Almaniya əlaqələrinin inkişafındakı xidmətlərinə görə Türk-Alman Dostluq Federasiyasının fəxri mükafatına layiq görülüb.
Olimpiya dəyərlərinin təbliğindəki xidmətlərinə görə 2014-cü ilin iyununda Beynəlxalq Olimpiya Akademiyasının “Olympic Excellence” xüsusi fəxri mükafatı ilə təltif olunub.
Rusiya Prezidenti Vladimir Putinin 9 avqust 2019-cu il tarixli fərmanı ilə Mehriban Əliyeva Rusiya-Azərbaycan münasibətlərinin inkişafında və möhkəmlənməsində xidmətlərinə görə "Dostluq" ordeni ilə təltif olunub.
Bundan başqa, Mehriban Əliyeva Azərbaycan Respublikasının “Heydər Əliyev” ordeni, İtaliya Respublikasının “Xidmətlərə görə” Böyük Xaç Kavaleri ordeni, Pakistanın “Hilal-e Pakistan” ordeni, Serbiyanın “Sreten” ordeni, “Macarıstanın Xidmətlərə görə Komandor Xaçı” ordeni, Rus Pravoslav Kilsəsinin II dərəcəli Müqəddəs Mələksima Knyaginya Olqa ordeni, Rusiyanın “Həştərxan vilayəti qarşısında xidmətlərinə görə” ordeni, UNESCO-nun “Qızıl Motsart” medalı, BMT-nin Ümumdünya Əqli Mülkiyyət Təşkilatının qızıl medalı, Avropa Olimpiya Komitələrinin Ali Ordeni, Beynəlxalq Ədalətli Oyunlar Komitəsinin “Xüsusi xidmətlərə görə” medalı, Nizami Gəncəvi Beynəlxalq Mərkəzinin qızıl medalı, Küveyt Dövlətinin Fəxri diplomu ilə təltif edilib.
Mehriban Əliyevanın Azərbaycanda keçirilən I Avropa Oyunları, eləcə də IV İslam Həmrəyliyi Oyunlarının Təşkilat komitələrinin sədri kimi fəaliyyəti beynəlxalq ictimaiyyət tərəfindən yüksək qiymətləndirilib.
Rusiya Federasiyasının İ.M.Seçenov adına Birinci Moskva Dövlət Tibb Universitetinin Fəxri professoru, Bolqarıstanın Müqəddəs Kiril və Mefodi adına Veliko Tırnovo Universitetinin fəxri doktorudur.
Prezident İlham Əliyevin 21 fevral 2017-ci il tarixli sərəncamı ilə Mehriban Əliyeva Azərbaycanın Birinci vitse-prezidenti təyin edilib.
Mehriban Əliyeva Birinci vitse-prezident kimi əsas diqqətini sosial məsələlərin, əhalinin aztəminatlı təbəqəsinin problemlərinin həlli üzərində cəmləşdirib. Şəhid ailələrinin, müharibə əlillərinin, məcburi köçkünlərin, sağlamlıq imkanları məhdud uşaqların, aztəminatlı ailələrin qayğıları daim onun diqqət mərkəzindədir.
Yeni Azərbaycan Partiyasının sədr müavinidir.
Ailəlidir, iki qızı, bir oğlu var.
Rusiyada həkimləri də təəccübləndirən qəribə hadisə olub. Belə ki, qadın qarnında tikiş iynəsi ilə təxminən 20 il yaşayıb.
Hadisə Volqoqrad şəhərində qeydə alınıb.
Həkimlərin sözlərinə görə, zərərçəkən mədə-bağırsaq qanaxması şübhəsi ilə təcili yardım maşını ilə xəstəxanaya aparılıb. Diaqnoz təsdiqlənməyib, lakin qarın boşluğunun rentgenoqrafiyası zamanı həkimlər xəstənin bədənində yad cisim görüblər. Bunun tikiş iynəsi olduğunu anlayanda isə qadının xilası üçün təcili əməliyyat qərarı verilib.
Həkimlər yad cismi hər an qarın boşluğunda hərəkət etməyə başlayacaq və düzəlməz nəticələrə gətirib çıxara biləcək “saatlı bomba” adlandırıblar.
“Əməliyyat uğurlu keçdi, cərrahlar rentgen nəzarəti altında beş sm uzunluğunda iynəni çıxardılar, xəstə hazırda sağalır”, - Səhiyyə İdarəsindən xəbər verilib.
Əməliyyatdan sonra xəstə iynənin mədəsinə nə vaxt düşdüyünü xatırlayıb. Onun sözlərinə görə, bu, 2004-cü ildə tikiş fabrikində işlədiyi vaxt baş verə bilərdi.
Kişi iki qıza çubuqla hücum edib və onlardan birini huşunu itirənə qədər döyüb.
Teref.Az lent.az-a istinadən bildirir ki, hadisə Rusiyada baş verib.
Kişi əvvəlcə səkiyə itələdiyi qızlardan birinə hücum edib və onu şiddətlə döyməyə başlayıb. Daha sonra həmin şəxs baş verənləri telefonunda lentə alan qızın rəfiqəsinə üz tutub.
Münaqişənin səbəbləri müəyyən edilməyib. Lakin hadisədən əvvəl dostlarından biri kişinin müəyyən maddələrin təsiri altında ola biləcəyini irəli sürüb.