Dörd gün öncə Qənirə Paşayevanın koma olması xabəri yayılmışdı, bu gün ölüm xəbəri yayıldı... Onu ekrandan tanıyırdım, o vaxtlar tanınan, ən reytinqli sayılan ANS-TV-nin efirindən. Sosial problemləri qaldıran, çox vaxt həllinə nail olan “İç xəbər” verilişinin ən istedadlı, tanınan müxbirlərindən idi, işini sevdiyi, can qoyduğu açıq-aydın görünürdü, duyulurdu.
1999-da ya 2000-cı illərin əvvəlində Press-Klubda tanış olduq, Azərbaycanın bütün ciddi mediasının müxbirləri Press-Klubdakı mətbuat konfranslarına gəlirdi, ANS-in müxbirləri də eləcə, bir dəfə də Qənirə gəldi. AzTv-dən 96-da ayrılmışdım, 98-ə kimi Internews International televiziya təşkilatında prodüser işləmişdim, o vaxtlar daha çox telejurnalist kimi tanınırdım, bəlkə də ona görə, ya da yoldaşımı tanıdığına görə Qənirəylə tez dostlaşdıq. ANS-çilər başqa telekanal əməkdaşlarına həmişə yuxarıdan aşağı baxırdılar, özəlliklə AzTV-yə, buna müəyyən əsasları da vardı, amma keçmiş AzTV işçisi olsam da, Qənirə, elə başqa müxbirlər də mənə fərqli münasibət göstərirdi, təbii.
Qənirə Paşayeva istiqanlı, səmimi idi, məni “qardaş” adlandırırdı, mən də ona “bacı” deməyə başladım.
Mətbuat konfransları başlamazdan əvvəl, ya iki konfrans arasında söhbət edirdik, o vaxtdan bir şəklimiz qalıb, Mətbuat Klubunun şüşə divarlı otağında oturmuşuq, amma üz-üzə yox, əks istiqamətlərdə yan-yana, o üzü obyektivə, mən arxası. O vaxtlar müxalif olan “Yeni Müsavat” qəzetinin fotomüxbiri, polis idarəsində pis döyüləndən bir neçə ay sonra dünyadan köçən Alim Kazımlının çəkdiyi şəkil. Görünür ki, poz vermirik, Alim pusub söhbətin şirin məqamını tutub, belə şeylərin ustasıydı, ona görə də canlı alınıb. Haradadır indi o şəkil? Allah sənə rəhmət eləsin, Alim!
Elə o söhbətlərin birində Qənirə mənə şikayət etdi ki, “İç xəbər”də bir belə süjetim gedib, baxılan, reytinqli verilişin ən fəal müxbirlərindən biriyəm:
- Proqram səviyyəsində reytinqim var, amma istədiyim, əsil tanınma yoxdur. Niyə?
Qənirəyə dedim ki:
- Əsil tanınma, şöhrəti siyasi verilişlər verir. Siyasi verilişlərdə iştirak etmədən də tanınmaq olar, əlbəttə, amma daha uzun və çətin yoldur.
Konfrans başlayırdı, kameramanı Qənirəni çağırdı, bizim konfrans zalına keçdilər.
O söhbətdən iki-üç həftə keçdi, ya bir-iki ay, dəqiq yadımda deyil, amma Qənirəni canlı yayımda efirə gedən, ən reytinqli “Nəzər-nöqtəsi”ndə aparıcı görəndə anladım ki, sözüm ağlına batıb. Özü hazırlıqlı və hazırcavab, sualları dəqiq və kəskin idi, verilişi yaxşı aparırdı, qısa zamanda uğur qazandı.
Artıq aparıcı olandan sonra da Press-klubdakı hansısa konfransa müxbir kimi gəlmişdi, həm “Xəbərçi”yə süjet götürdü, həm də çıxışçını verilişinə dəvət etdi. Aparıcılığı haqqında fikrimi soruşdu.
- Hər şey əladır, - dedim, - bir az vaxt lazımdır ki, canlı yayıma öyrəşəsən, daha sərbəst olasan, sıxılmayasan.
- Sıxılıram ki?
- Bir az var. Gərginliyin hiss olunur. Elə qaşqabaqlı olmağın nədəndir bəs?
Güldü:
- Özüm qaşqabaq tökürəm, yüngül görünməyim.
- Lazım deyil qaşqabaq. Ziyan edir sənə.
- Eləməsəm, adıma söz çıxaracaqlar.
- Ay qız, demirəm ki, ağzın qulağıvın dibində olsun! Amma qaşlarıvı elə çatma, sadəcə sakit, mülayim və təmkinli ol, verilişin sonunda, tamaşaçılarla sağollaşanda isə azca gülümsə.
Bu söhbətdən az sonra tamaşaçılar Qənirənin gülümsəməyini də gördülər.
Biz isə uzun müddət üz-üzə gəlmədik, bir də 2010-cu illərin əvvəlində, Qənirə işlədiyim AzadlıqRadiosuna, Xədicə İsmayılın verilişinə qonaq kimi gələndə görüşdük. Veriliş bitmişdi, artıq çıxıb gedirdi, qızlarla kandar söhbətini görüb, əlimdəki yazını yarımçıq qoyaraq qapıya yaxınlaşdım ki, həm salamlaşım, həm vidalaşım. Qənirə artıq jurnalistikadan getmişdi, Heydər Əliyev Fondunda işləyirdi, Azərbaycan toplumunun fərqli kəsimlərindəydik, hakimiyyət və müstəqil-müxalif, bəlkə də ona görə münasibətlərimizdə əvvəl olmayan, aramızı kəsən məqamlar, çalarlar yaranmışdı? Amma əvvəlki kimi, xoş üzlə, səmimi təbəssümlə məni dindirdi:
- Necəsən? Elə bil arıqlamısan, sınıxmısan? Sənə burada pis baxırlar?
- Yox, yaxşı baxırlar, Qənirə. Arıqlıq da sağlamlıqdır, ayda azı 2 gün ac qalıram.
Həqiqətən ayda 2-3 gün ac qalırdım, amma daha Qənirəyə demədim ki, Press-Klub, "Реальный Азербайджан" -"Gündəlik Azərbaycan" bağlanandan sonra neçə iş yeri dəyişmişəm, AzadlıqRadiosuna gəlməzdən əvvəl isə Şəmkir rayonunun dağlarında, geoekspedisiyada, ayağımda əskəri çəkmə təpik döyürdüm. Heydər Əliyev Fondinda işləyən keçmiş həmkarıma bunu deməyin nə mənası vardı? Həm də şikayət kimi çıxardı...
Davamı var.
Çingiz Sultansoy
Teref.az

Sentyabrın 23-də Mərkəzi Klinik Xəstəxanaya yerləşdirilən millət vəkili Qənirə Paşayevanın müalicəsi davam edir.
Tribunainfo.az xəbər verir ki, bu barədə İTV-nin sujetində bildirilib. Millət vəkilinin qardaşı H.Paşayev bu barədə açıqlama bildirib.

Daha ətraflı sujetdə:

Jurnalist, yazıçı, Kərkük Mədəniyyət İctimai Birliyinin sədri Şəmsəddin Kuzeci Qənirə Paşayeva ilə tanışlığı və xatirələrindən danışıb.

Teref.az "İnformator.az"a istinadən müsahibəni təqdim edir.

- Qənirə xanım mənim üçün dostdur, sirdaşdır, anamdan bir olmayan bacımdır. Onun bu vəziyyəti bizləri dərindən kədərləndirib. Allahdan tezliklə sağalmasını diləyirik. Qənirə Paşayeva ilə bizim münasibətlərimiz çox illər əvvələ dayanır. Mən 1995-ci ildə Kərkükdə olarkən böyük bir referendum keçirilib. Deyə bilərəm ki, əcnəbi jurnalistlər arasında tək Qənirə xanım Kərkükə gəlib, türkcə danışıb. Buna nəzərən bütün jurnalistlər Qənirə xanımla böyük maraqla diqqət yetirdi. Həmin vaxtı Qənirə xanımla tanış olduq, Türkiyəyə köçdükdən sonra isə Paşayev ailəsi ilə daha da yaxın olduq. 2000-ci ildə Azərbaycana gəldikdən sonra yenidən Qəzənfər Paşayev ilə Qənirə xanımla görüşdüm, dostluğumuz beləcə davam etdi. Bizim Qənirə xanımla dostluğumuz, iş birliyimiz 2001-ci ildən başladı. Nizami Gəncəvi muzeyində Ərəb-türkmən ədəbiyyatı və muzeyinin açılışında bir araya gəldik. Həmin vaxtı Qənirə xanım jurnalist idi. Sonralar Qənirə xanımla bir neçə dəfə türk dünyası qurultaylarında bir araya gəldik. Proqramlar və müsahibələr etdik. Qənirə xanımı bir neçə dəfə Türkiyəyə dəvət edib orada özünü mükafatlandırdıq. Biz də Azərbaycana gəldikdə özü də bizi mükafatlandırıb. Hətta mənim bir neçə kitabımı çap edib. Kitablarımın çap edilməsinə Qəzənfər müəllim də xeyli dəstək olub. Qənirə xanım millət vəkili olaraq türk dünyasında haqqlarımızı hər zaman qoruyub. Türk xalqı öncə Azərbaycan dövlətinə, Paşayev ailəsinə çox şey borcluyuq. Qənirə xanım adını altun hərflərlə tarixə yazıb. Səbirsizliklə aramıza dönməyini gözləyirik, onun hələ yarımçıq qalan işləri var. Qənirə xanımı Bağdada da iclaslar üçün dəvət etmişik. Onu Kərkükdə də çox sevirlər, hazırda onun üçün çox sayda dualar edilir.

Həmsöhbətimiz Qənirə xanım ilə bağlı maraqlı xatirəsini də bizimlə bölüşüb:

2012-ci ildə Azərbaycanda bir tədbir var idi. Qənirə xanım hamımızı evinə qonaq olaraq dəvət etmişdi. Mən həmin günü səhhətimlə bağlı narahat idim. Bu səbəbdən oraya gedə bilmədim. Qənirə xanım mənə görüntülü zəng vurdu dedi ki, "qardaşım, sən hardasan?".Dedim təəssüf olsun ki, gələ bilməyəcəm. Qənirə xanımın anası mənim ad günümə özəl tort bişirmişdi. Görüntülü zəngdə mənim ad günümü qeyd etdilər. Bu mənim üçün böyük şərəf idi. O, mənim anamdan olmayan bacımdır".

Müsahibimiz qeyd etdi ki, Qənirə xanım heç kimin ad gününü unutmaz, özəl günləri hər zaman yadda saxlayar. Bir dəfə Şəmsəddin bəy ilə həyat yoldaşının evlilik ildönümünü özü qeyd edib.

36 yaşlı Çan Thi Luu adlı çinli qadının ağlamaq başına bəla olub.

Axşam.az xarici mediaya istinadən xəbər verir ki, qəfildən ağlamağa başlayan qadının göz yaşı uzun müddət dayanmayıb. Bu hadisədən sonra qadının həyatı həmişəlik dəyişib. Çinli qadın yatmağı tamamilə dayandırıb. O, 11 ildir ki, belə yaşayır.

Çan bir neçə dəfə həkimlərə müraciət edib. Ona kəskin yuxusuzluq diaqnozu qoyulub. Amma həkimlər müalicənin mümkünsüz olduğunu bildirib. Ona verilən yuxu dərmanları isə əks təsir göstərib. Qadının ayaqları şişib, şiddətli ağrılar başlayıb.

Qeyd edək ki, bundan əvvəl Vyetnamda bir qadın 60 ildir yatmadığını açıqlamışdı.

Sosialist qadın Kira Arsenina Moskvada saxlanılıb. “Milyonçunun məşuqəsi” İnterpol xətti ilə beynəlxalq axtarışa verilib.

TEREF.AZ-ın xəbərinə görə, Lent.az SHOT teleqram kanalına istinadla bildirir ki, 34 yaşlı Arsenina Moldovada oğurluq edərkən tutulub. Dəymiş ziyan əhəmiyyətli kimi qiymətləndirilib. Cinayət işi 2022-ci ildə başlanıb. Moldova polisinin məlumatına görə, şübhəli şəxs istintaqdan qaçıb. Arsenina Moskvada - Naqatinskaya küçəsində Dövlət Yol Hərəkəti Təhlükəsizliyi Müfəttişliyinin ekspertizası şöbəsinin yaxınlığında arayış əsasında saxlanılıb. Sosialistə getməmək barədə vəsatət qoyulub və məlumat Moldovaya ötürülüb.

Azərbaycanda anadan olan Kira Arsenina Rostova köçüb, sonra isə Moskvaya modellik karyerası qurmaq üçün gedib. O, tez-tez burada müxtəlif ictimai tədbirlərdə görünüb.

Arsenina özü müsahibəsində yüksək vəzifəli məmur olan milyonçu sevgilisi hesabına yaşadığını və ayda özünə bir milyon xərclədiyini söyləyib.

Belə bir zəngin qadının niyə Moldovadan oğurluq etdiyi müəyyənləşdirilir.

Salyanda ər həyat yoldaşını qətlə yetirib.

APA-nın Mil-Muğan bürosunun məlumatına görə, hadisə gecə saatlarında Salyan şəhərində baş verib.

Belə ki, Salyan şəhər sakini, 1965-ci il təvəllüdlü Murad Zaman oğlu Zamanov həyat yoldaşı, 1976-cı il təvəllüdlü Nazilə Məhərrəm qızı Zamanovanı kəndirlə boğaraq qətlə yetirib.
Qadının meyiti müayinə olunmaq üçün Salyan morquna yerləşdirlib.

Faktla bağl Salyan Rayon Prokuroluğunda cinayət işi açılıb, araşdırma aparılır.