 |
|
|
“Çox kasıb ailədə dünyaya göz açmışam. 3 qardaşın bir bacısı olmuşam. 17 yaşıma çatanda anam mənə dedi ki, “bir kişi tapıb səni ərə verim, o kişi də bizə baxsın”. Dedim ki, “ay ana, nə kişi, mən oxumaq istəyirəm”. Anam işləyirdi, dedim ki, “mən də işləyim, ikimiz birləşək, qardaşlarımızı saxlayaq, böyüdək”. Mən deyənə qulaq asmadı. O kişini tapıb üstümə gətirdi. Kişi məndən 20 yaş böyük idi. Anam zorla, döyə-döyə məni zaksa göndərdi. Ağzımı aça bilmirdim. Zaksda bir yaşlı kişi oturmuşdu. Dedi ki, bu necə olur? Ondan sənə ər, səndən də ona arvad olmayacaq”.
DİA.AZ bildirir ki, bunu Moderator.az-a açıqlamasında əməkdar artist, Akademik Musiqili Teatrın aktrisası Səmayə Musayeva deyib.
“Oğlum Mehmanı dünyaya gətirdim. Qanım zəhərlənmişdi, ölümlə üz-üzə idim. Kişi dedi ki, “mənim pulum, falan yoxdur. Get ona bax!”. Neyləyə bilərdim ki? Anam məni məhv etdi. Evdə şikayətlənən kimi anam deyirdi ki, “bu taleyi sənə Allah yazıb, məndən nə istəyirsən?!”. Anam o kişini evə gətirməklə mənim həyatımı məhv etdi. Çox arzularım var idi. Deyirdim ki, oxuyaram, işləyərəm. Univeristetə 25 yaşında daxil oldum. O kişi anamı dilə tutub, əməlli-başlı aldatmışdı. Guya ki, pulu çoxdur, işləyib bizə kömək edəcəkdi. Ayrılandan sonra gəldiyi kimi də, çıxıb getməyi bir oldu. Ondan sonra ailə həyatı qurmadım. Kim dəqiq bilə deyə bilərdi ki, ikinci ailə birincidən yaxşı ola bilər? Sənətim həyatıma heç vaxt mane olmayıb. Əksinə sənətimlə ucalmışam, tanınmışam, sevilmişəm” deyə sənətkar bildirib.
Aktrisa bildirib ki, hər zaman teatrda “Arşın mal alan” da Telli obrazını oynamaq istəyib.
“Gənclik illərimdə hər zaman bu rolu oynamağı arzu etmişəm. Hələ heç aktrisa deyildim, bu roldan çox xoşum gəlirdi. Telliyə oxşar çox rollarım olsa da, Tellini oynamaq mənə qismət olmayıb. Mən daha çox dramatik obrazları sevirəm. Bu gün ayaqlarım demək olar ki, tutulub. Yeriməkdə çətinlik çəkirəm. Evin içində özümü güc-bəla ilə idarə edirəm. Filmdə çəkilmək üçün dəvətlər gəlir, amma səhhətimə görə çəkilə bilmirəm. Serial həm də uzun prossesdir. 47 il fasiləsiz Akademik Musiqili Teatrda çalışmışam. Mənimki teatrdır, çünki tamaşaçı ilə canlı ünsiyyət daha rahatdır” deyə aktrisa bildirib.
Lənkəranda ana doğuş zamanı ölüb.
"Report"un Cənub bürosunun məlumatına görə, Lənkəran rayonunun Ləj kənd sakini 1995-ci il təvəllüdlü Gülnar Xanhüseyn qızı Fərzəliyeva aprelin 7-də gecə saatlarında qanaxma ilə Lənkəran Perinatal Mərkəzə çatdırılıb və təcili əməliyyat olunub.
Keysəriyyə əməliyyatı zamanı 8 aylıq olan uşaq götürülüb. Lakin 28 yaşlı Gülnarın həyatını xilas etmək mümkün olmayıb.
Qeyd edək ki, G.Fərzəliyeva Liman şəhərinə gəlin köçüb. Onun 9 yaşlı bir oğlu var və bu ananın ikinci hamiləliyi olub. Hazırda 8 aylıq körpə küməcdə saxlanılır.
Tovuzun Aşağı Quşçu kəndinin sakinləri yaşaış məntəqəsindəki gecə klublarının onlara narahatlıq törətdiyini deyir. Camaat, xüsusilə axşam saatlarından sonra işə başlayan iaşə müəssisələrinin fəaliyyətindən şikayətçidir...
Aşağı Quşçu camaatı indiyədək bu kənddə heç vaxt ağlına gətirmədiyi vəziyyətlə üz-üzə qalıb.
Nəinki gecələri səs-küydən yata bilməmək, hətta kəndlilərin kafeləri əxlaqsızlıq yuvası adlandırması bir yana, valideynləri bundan daha çox narahat edən başqa bir problem yaradır buradakı gecə klubları.
Aşağı Quşçu sakinləri kənardan gələn yad qızları evində saxlayan həmkəndlilərindən də şikayətçidir. Barələrində narazılıq olanlar isə yerli polisdən xəbərdarlıq aldıqdan sonra tanımadıqları adamlara gecələməyə yer vermədiyini deyirlər.
Aşağı Quşçunun yeniyetmə və gəncləri valideynləri bilməsin deyə, kənddəki iaşə obyektlərinə getməsələr də, yaxınlıqdakı belə məkanları, necə deyərlər, tez-tez “ziyarət edir”...
Indiyədək bir çox ünvana yazılı şəkildə müraciət etdiklərini deyən kəndlilər hələ də kiminsə onlara cavab verəcəyinə ümid bəsləyir..
Sakinlər gecə klublarından birinin, DİNİ Qurumlarla İş üzrə Dövlət Komitəsinin Tovuz rayon şöbəsinin müdiri işləyən həmkəndliləri Rasim Nağı oğlu Tağıyevə məxsus olduğunu deyir. Qarşı tərəfin münasibətini öyrənmək istəyimizə, nəinki, Vətən müharibəsi iştirakçısı olduğunu deyən və həmin kafelərdən birini işlədən Samir Məmmədovun kameramıza əl atmqla verdiyi cavab, özünü Nağı Tağıyevin qardaşları kimi təqdim edən Zöhrab və Mətləb Tağıyevlərin reaksiyası kəndlilərin nə qədər haqlı olduğuna işıq saldı:
Hadisə yerinə Tovuz Rayon Polis Şöbəsinin əməkdaşları gəlib.
Çəkiliş qrupu ilə birgə polis şöbəsinə dəvət olunan Zöhrab və Mətləb Tağıyev qardaşları, özünü vətən müharibəsinin iştirakçısı kimi təqdim edən Samir Məmmədov jrunalistlərlə barışığa nail olmağa çalışıb... Amma necə deyərlər, iş-işdən keçmişdi...
Aşağı Quşçu sakinləri kənardan gələn yad qızları evində saxlayan həmkəndlilərindən də şikayətçidir. Barələrində narazılıq olanlar isə yerli polisdən xəbərdarlıq aldıqdan sonra tanımadıqları adamlara gecələməyə yer vermədiyini deyirlər.
Ümid edək ki, Aşağı Quşçunun ərşə çəkilən yuxusu bundan sonra pozulmayacaq...
APA.TV
Aprelin 15-i görkəmli oftalmoloq-alim, akademik Zərifə Əliyevanın anım günüdür.
Zərifə Əziz qızı Əliyeva 28 aprel 1923-cü ildə Naxçıvan Muxtar Respublikasında anadan olub.
1947-ci ildə N.Nərimanov adına Azərbaycan Dövlət Tibb İnstitutunu bitirib. Azərbaycan Elmi-Tədqiqat Oftalmologiya İnstitutunda elmi işçi, 1969-cu ildən isə Ə.Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, görmə orqanlarının peşə patologiyası laboratoriyasının müdiri, oftalmologiya kafedrasının müdiri (1982-1985) vəzifələrində çalışıb.
Z.Əliyevanın Azərbaycanda oftalmologiya elminin inkişafında müstəsna xidmətləri var. O, vaxtilə Azərbaycanda geniş yayılmış traxomanın, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə əvəzolunmaz töhfələr verib. Z.Əliyeva oftalmologiyanın müasir problemlərinə dair bir çox sanballı tədqiqatların, o cümlədən, “Terapevtik oftalmologiya”, “İridodiaqnostikanın əsasları” kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, bir ixtira və 12 səmərələşdirici təklifin müəllifidir.
Akademik Zərifə Əliyeva Ümumittifaq Oftalmoloqlar Cəmiyyəti Rəyasət Heyətinin, Sovet Sülhü Müdafiə Komitəsinin, Azərbaycan Oftalmologiya Cəmiyyəti İdarə Heyətinin, “Vestnik oftalmoloqu” (Moskva) jurnalı redaksiya heyətinin üzvü idi.
Yüksək elmi nailiyyətlərinə görə 1981-ci ildə SSRİ Tibb Elmlər Akademiyasının M.İ.Averbax adına mükafatına layiq görülüb.
Zərifə Əliyeva ümummilli lider Heydər Əliyevin həyat yoldaşı, Prezident İlham Əliyevin anasıdır.
O, 1985-ci il aprelin 15-də Moskva şəhərində vəfat edib.
Ağstafada 35 yaşlı Günel Məmmədovanın döyülərək öldürülməsi ilə bağlı xəbər vermişdik.
Hadisə ilə əlaqədar bir sıra faktlar ortaya çıxıb.
Hadisə ilə bağlı lent.az-a danışan mərhumun qardaşı Ramin Həsənov bildirib ki, bacısını əri və qayınanası döyüb:
“Bacımın uşağı xəstəlikdən əziyyət çəkir. Ona görə də, dövlət onun aylıq dərmanlarının alınması üçün 300 manat müavinət təyin edib. Ailə də hər ay həmin kartdan 260 manatı çıxarıb kreditə verirdi. Aprelin 8-də bacım Günel əri Məmmədov Ayaz Kərəm oğluna dedi ki, kartdan pul çıxarmağa gedirsən onsuz, elə uşağa dərman da al. Əri də deyib ki, dərman 20 manatdı. Bahadı necə alım? Həmin məsələyə görə, Ayaz anası ilə birgə Güneli döyüblər. Təpiklə bədəninin müxtəlif nahiyələrinə zərbə endiriblər. Bacımın ağzından və qulağından qan gəlirdi”.
Ramin Həsənovun sözlərinə görə Günel Məmmədova aprelin 8-dən xəstəxanada yatıb:
“Dünən axşam artıq can verirdi. Ağsaqqallar məsləhət etdi ki, evə gətirək. Bu gün səhər Dağ Kəsəmən kəndində, mənim evimdə vəfat etdi”.
Ermənistanda əsirlikdə olan Hüseyn Axundovun anası Şəlalə Axundova İTV-yə müsahibəsində Nikol Paşinyanın guya əsgərimizin orduda təzyiqlərlə üzləşməsi barədə sözlərini təkzib edib.
O deyib ki, oğlu ilə hadisədən 4 gün əvvəl danışıb və övladı müddətdən artıq hərbi xidmətdə qalmaq fikrində idi.
Xatırladaq ki, Ermənistanın baş naziri iddia etmişdi ki, guya Hüseyn təzyiqlərlə üzləşdiyinə görə qaçıb və buna görə də onun Azərbaycana qaytarılması sual altındadır. Ananın sözlərindən isə bunun tamamilə yalan olduğu görünür
74 yaşlı fransız aktyor Jerar Depardye yenidən cinsi təcavüzdə ittiham olunub. Hadisələrin 2004-2022-ci illər arasında 11 filmin çəkiliş meydançasında baş verdiyi deyilir.
13 qadın - aktrisalar, vizajistlər və digər işçilər zorakılığa məruz qalıb. Onlardan üçü artıq məhkəmədə ifadə verib.
Depardyenin vəkilləri onun bütün ittihamları rədd etdiyini bildiriblər. Onların sözlərinə görə, aktyor bu şikayətdən tamamilə məəttəl qalıb.
Mənbə: snob.ru
Türkiyədə saxlanılan Adnan Oktarın xanım tərəfdarları Türkiyənin Azərbaycandakı səfirliyinə müraciət ediblər.
A.Oktarın azərbaycanlı tərəfdarları səfir Erkan Özoralın adına ərizə yazaraq xahiş ediblər ki, onları zərərçəkmiş qismində hazırda istintaqı gedən “Adnan Oktar işi”nə cəlb etsinlər.
Əldə etdiyimiz özəl məlumatda deyilir ki, səfir adına yazılan ərizəni 54 qadın imzalayıb. Onlar ərizələrində qeyd ediblər ki, vaxtı ilə A.Oktarın Bakı şəbəkəsinin üzvü olublar.
Ramiq Vəliyev və Aysel Vəliyeva
“Bizi azərbaycanlı nazir övladları dəstəkləyirdi”
Saytımıza bu məlumatı verən və adının açıqlanmasını istəməyən eks “kedicik” Adnan Oktarın Bakı şəbəkəsi ilə bağlı bəzi mühüm faktlardan da danışıb. O, bildirib ki, şəbəkənin kişi üzvləri üçün imam Ramiq Vəliyev, qadın üzvləri üçün imam isə, onun həyat yoldaşıAysel Vəliyeva olub. Sonuncu jurnalistdir və Naxçıvan Dövlət Televiziyasının (NTV) əməkdaşıdır.
Adnan Oktar Azərbaycandakı şəbəkəyə nəzarəti isə, yaxın adamı İbrahim Tuncerətapşırıb. R.Vəliyev şəbəkənin Azərbaycanda genişlənməsi üçün böyük bir proje hazırlayaraq İ.Tuncerdən maliyyə dəstəyi tələb edib. Sonuncu həmin projeni Adnan Oktara təqdim etdikdən sonra şəbəkə Bakının “Milyonerlər məhəlləsi” kimi tanınan keçmiş Teymur Əliyev, indiki Məmməd Araz küçəsində iki villa kirayələyiblər: “Mən şəbəkəyə ilk qoşulanlardan idim. Kirayələnən villaların birində biz qalırdıq, digərində oğlan üzvlər. Yalnız gecə yatmağa gedəndə ayrılırdıq, günün başqa saatı demək olar ki, bir yerdə olurduq. İmamlarımız Ramiq Vəliyev və Aysel Vəliyevanı ayda bir dəfə görürdük. Onları çox gözəl insan kimi xarakterizə edə bilərəm. Bizlə çox mədəni rəfdar edirdilər. Xidmətçilərimiz, aşpazlarımız var idi. Bakıda dəbdəbəli parti və konsertlərə gedib şəbəkəyə yeni üzvlər cəlb etməli idik”.
Eks “kedicik”in sözlərinə görə, onlar bəzən yeni oğlan üzvləri üçün istifadə ediliblər: “Model görünüşlü oğlanları şəbəkəyə üzv etmək və onu genişləndirmək üçün bizdən “yem” kimi istifadə edirdilər. Etiraz etmək haqqımız yox idi. Bakıda və bölgələrdə imkanlı biznesmen və məmur övladları ilə tanış olub onlara şəbəkə haqqında məlumat verirdik. Hamısının xoşuna gəlirdi. Dindən danışıb onları bezdirmirdik. Elə ətrafımızda olan qızların şəkillərini görən kimi bizə dəstək verməyə hazır olduqlarını deyirdilər. Onların arasında nazir övladları da var idi. Kim olduqları bizdən gizli saxlansa da, dəvət aldığımız tədbirlərə gedərkən təxminən bilirdik ki, bizim şəbəkəni hansı nazirlər dəstəkləyir”.
► “Qısa zamanda üzvlərimiz 200-ü keçdi”
Adnan Oktarın Bakı şəbəkəsinin üzvünün sözlərinə görə, 2-3 aydan bir 5-10 nəfərlik qrupla Türkiyəyə səfər ediblər: “Adnan Oktarla görüşüb, onun canlı yayımlanan verlişində qonaq kimi iştirak edirdik. A.Oktar bizlərə çox isti münasibət göstərirdi. Amma, yalnız verlişin çəkilişi zamanı. Verlişdən kənarda onun yaxın adamları ilə necə əsəbi və ağır ifadələr işlədərək danışdığına şahidlik edirdik. A.Oktar Türkiyədə böyük bir sərvətə sahib idi. Azərbaycanlı üzvlərdən bəziləri onun İstanbuldakı şirkətlərinə işə düzəlmişdi. Sonuncu dəfə Adnan Oktarla görüşəndə o, yeni üzvlərin sayının artırılması ilə bağlı göstərişlərini verdi. Bakıda villalar icarəyə götürüləndən sonra üzvlərimizin sayı 200-ü keçmişdi və bu çox qısa zamanda baş vermişdi”.
► Mətbuat vasitəsi ilə təsir…
Eks şəbəkə üzvünün sözlərinə görə, Adnan Oktarın Azərbaycanda təbliğatının bir istiqaməti də mətbuat vasitəsi ilə olub. Belə ki, A.Oktarın Azərbaycanda mətbuat katibliyini edən Nəzakət Bədirova adlı jurnalist onun məqalələrini Azərbaycan türkcəsinə tərcümə edərək yayımı ilə məşğul olub: “Saytımız, onlayn televiziyamız var idi. Amma, bu bəs etmirdi. Azərbaycandakı xəbər saytlarında Adnan Oktarın təbliğatı ilə bağlı yazılar getməli idi. Arada biz də “Facebook”da Adnan Oktarın yazılarnı paylaşırdıq. Daha sonra Ramiq Vəliyevin rəhbərliyi ilə “Gənclərin mənəvi inkişafı ictimai birliyi” yaradıldı. Həyat yoldaşı Aysel Vəliyeva da sədr müavini idi. Təşkilatın Türkiyə üzrə koordinatoru isə, Ləman Priyeva idi. Onun həyat yoldaşı Ramil Rüstəmov da tez-tez Adnan Oktarın “A9″ kanalındakı proqramına qatlırdı”.
Eks “kedicik”in sözlərinə görə, sonuncu dəfə Bakıda Adnan Oktara dəstək videosunun çəklişindən sonra şəbəkədən ayrılmaq qərarına gəlib: “Bu elə də asan olmadı. Hər tərəfdən təzyiqlərə məruz qaldım. Bizim o videomuz da birmənalı qarşılanmadı. Hər kəs bizi söyürdü. Ötən gün Türkiyənin “Sabah” (https://www.sabah.com.tr/galeri/turkiye/adnan-oktar-orgutunun-azerbeycandaki-yapilanmasina-sorusturma/7) qəzetində oxudum ki, Adnan Oktarın Azərbaycandakı müridlərinin həbsi gözlənilir. Artıq “Twitter”də “Kedicik Belgeleri”(https://twitter.com/KediLeaks/status/1005879391136739328) adlı səhifədə Azərbaycandakı şəbəkə üzvləri deşifrə olunur. Kemiş şəbəkə üzvləri də dedilər ki, Azərbaycanda olanların siyahısı hüquq-mühafizə orqanlarına təqdim olunub. Deyilənə görə, Fətullah Gülən tərəfdarlarında olduğu kimi Türkiyə Azərbaycandan bizim cəzalanmamızı istəyəcək. Biz Adnan Oktar və onun şəbəkəsinin qurbanlarıyıq. Ötən gün zərərçəkmiş kimi istintaqa cəlb olunmaq üçün Türkiyənin Azərbaycandakı səfirliyinə ərizə ilə müraciət etdik. İnanıram ki, Türkiyə və Azərbaycanın hüquq-mühafizə orqanları bu məsələyə ədalətlə yanaşacaq və aldadılan, istifadə edilən şəbəkə üzvlərini zərərçəkən kimi tanıyacaq”.
Azərbaycanlı zərərçəkənlərin səfirliyə müraciət etməsi ilə bağlı “Kanal D”nin xəbəri
Məlumat üçün bildirək ki, Türkiyədə həbs olunan Adnan Oktar tərəfdarlarının sayı 300-ü keçib. Türkiyədə hərbi çevrilişə cəhddə ittiham edilmiş Fətullah Gülənin Azərbaycan şəbəkəsinin kimlərdən ibarət olduğu barədə siyahı dövlət rəhbərliyinə təqdim olunmuşdu. Ötən gün Bakıya səfərə etmiş Ərdoğanın bu haqda Azərbaycan prezidenti İlham Əliyevlə müzakirə aparması haqda məlumat olmasa da, Oktarın azərbaycanlı tərəfdarları ilə bağlı hansı tədbirlərin görüləcəyini qarşıdakı günlərdə müşahidə edə bilərik.
Xatırladaq ki, Türkiyədə həbs olunan Adnan Oktar kiçik qız uşaqlarına təcavüz və mütəşəkkil cinayətlər, çirkli pulların yuyulması, casusluq, şəxsi həyatın gizliliyini pozma, rəsmi sənədləri saxtalaşdırma, terrorla mübarizə qanununa zidd getmə, şantaj, böhtan, yalançı şahidlik, korrupsiya, təhsil və təhsil hüquqlarının əngəllənməsi, dələduzluqda ittiham olunur.
Xüsusi əməliyyat zamanı çox sayda silah, gülləkeçirməz köynək və zirehli maşınlar da ələ keçirilib. (AzEuroNews.com)
Teref.az yazır ki, Adnan Oktarla bağlı yayınladığımız bu yazıda adı keçən Nəzakət Bədirova saytımıza müraciət edərək onun adından yazılan məlumatların yalan olduğunu deyir. Teref.az olaraq Nəzakət xanımın saytımıza göndərdiyi mövqeyini dərc edirik.Nəzakəıt xanım saytımıza göndərdiyi mövqeyində yazır:
"Mən uzun zamandır Azərbaycanın bir çox sayt və qəzetləri ilə əməkdaşlıq edirəm. Bəzən öz yazdığım köşə yazılarımı bəzən də,Türkiyənin tanınmış yazarı Adnan Oktarın yazılarını verirdim.Bəzi problemlərimlə baglı bir neçə il saytlarla əlaqə yarada bilmədim. Bir neçə ildən sonra haqqımda mediada bəzi məlumatlar qarşıma çıxdı.Haqqımda demədiyim və olmayan sözlər yayınlanmışdır. AzEuroNews.com saytında haqqımda yayınlanan sözlərin doğru olmadıgını bildirmək istəyirəm. Adnan Oktarın məhkəməsi hələ də davam edir. Konstitusiyanın 38-ci maddəsinin 4-cü bəndində “Heç kəs təqsiri hökmlə sübuta yetirilməyənə qədər təqsirli sayıla bilməz”. Yəni Məhkəmədə təqsiri sübuta yetirilməyənə qədər heç kəs təqsirli sayıla bilməz. 5 ildir Adnan Oktarın məhkəməsi davam edir.Bu 5 il içində onların təqsirli olduğuna dair heç bir dəlil tapılmadı. Deməkdə məqsədim Adnan Oktar və tələbələri günahsızdırlar, onlara qarşı heç bir pis fikrim yoxdur. Hələ də Adnan Oktar və tələbələrinə qarşı çox böyük hörmətim və sevgim var.
Nəzakət Bədirova
Hörmətlərimlə:"
Kate Middleton cəsarətli Pasxa manikürü ilə qeyri-rəsmi kral protokolunu pozdu. Keçən il Kraliça II Yelizavetanın ölümündən sonra ilk Pasxa bayramında Keyt Middlton parlaq qırmızı dırnaq boyası ilə göründü.
Pasxa bazar günü Uels şahzadəsi kobalt mavi paltolu paltar və uyğun papaq geydi. Kate yaz görünüşünü daha cəsarətli aksesuarla tamamladı - parlaq qırmızı manikür.
"DogruXeber.az" “The Sun”a istinadən yazır ki, kral etiketi kral ailəsinin üzvlərinə parlaq rəngli dırnaq boyası sürməyi qəti şəkildə qadağan edir və rəsmi mərasimlərdə pastel çalarlardan istifadəni təşviq edir.
Bir neçə istisna olmaqla, Kate Middleton qaydalara əməl edir, ona görə də bu etiket pozuntusu sürpriz oldu. Lakin bu addım həm də ona işarədir ki, tacqoyma mərasimi gələn ay baş tutacaq Kral III Çarlzın hakimiyyəti dövründə hər şey dəyişir.
Qeyd edək ki, Kraliça II Yelizaveta kral protokoluna ciddi əməl edib və bütün ailə üzvlərindən eyni şeyi gözlədiyi bildirilir. Görünür, kral ailəsi yeni kralla həqiqətən rahatlaşıb.
DogruXeber.az
Aytəkin Talıbqızı
Bakının Suraxanı rayonu, Hövsan qəsəbəsində 7 ay əvvəl - 2022-ci il sentyabrın 9-da 1 yaşlı Yusifin anası tərəfindən öldürülməsiylə bağlı cinayət işi üzrə məhkəmə araşdırmaları başlayıb. Bu iş Bakı Ağır Cinayətlər Məhkəməsində araşdırılır.
Bizimyol.infi xəbər verir ki, 1 yaşlı oğlunu öldürməkdə ittiham olunan Nərgiz Bağıyevanın 21 yaşı var. Aprelin 10-da prokuror ittiham aktını elan edərkən məlum olub ki, Yusif 2021-ci ildə qeyri-rəsmi nikahdan anadan olub. İttihamda yazılıb ki, uşağa gündəlik qayğı tələb olunduğundan, həmçinin anasının həyatında olan başqa kişi ilə görüşməsinə mane olduğuna görə Nərgiz Bağıyeva 1 yaşlı körpəni öldürmək qərarına gəlib. Bu məqsədlə o, sentyabrın 9-da uşağın yeməyinə hidrogen peroksid (perekis) qataraq, ona verib. Özü isə süd almaq üçün mağazaya gedib ki, qayıdana qədər uşaq ölsün. Təxminən 20-25 dəqiqə uşaq bezi alıb geri qayıdanda isə uşağın ölmədiyini, lakin ağzından köpük gəldini və onun ağladığını görüb. Nərgiz Bağıyeva daha sonra uşağı boğub. Ardınca isə onu götürüb və o zaman görüşdüyü Xəlil adlı şəxsin işlədiyi balıqçı mağazasına gedib. Onlar birlikdə uşağı xəstəxanaya aparıb, uşağın vəziyyətinin pis olduğunu deyiblər. Xəstəxanada həkimlər uşağın artıq öldüyünü bildiriblər.
Məhkəmədə prokuror ittiham aktını elan edəndən sonra hakim Əli Məmmədov Nərgiz Bağıyevaya müraciət edərək, özünü təqsirli bilib-bilmədiyini soruşub. O, özünü təqsirli bilsə də, ifadə vermək istəməyib. Lakin məhkəməyə ərizə təqdim edib. Orada yazıb ki, əməlindən çox peşmandır. Özü uşaq evində böyüyüb, ana qayğısından məhrum olub.
Nərgiz Bağıyevanın atası 2011-ci ildə vəfat edib, bunu istintaqa ifadəsində göstərib. Lakin anası sağdır - Leyla Bağıyeva. Yeri gəlmişkən, zərərçəkmişin – ölən körpənin hüquqi varisi qismində də Leyla Bağıyeva tanınıb. Çünki uşağa o baxırmış. Hadisə vaxtı Leyla Bağıyeva işdə olub.
Nərgiz Bağıyeva məhkəmədə ifadə vermək istəmədiyinə görə onun istintaqdakı ifadəsi elan edilib. Orada göstərib ki, ailə vəziyyətləri ağırdır. Anası Hövsan qəsəbəsində kafedə qabyuyan işləyir. 2021-ci ildə tanış olduğu Ziya adlı narkotik istifadəçisi onun bəkarətini pozub və hamilə qalıb. Lakin həmin şəxs uşağa sahib çıxmaq istəməyib.
Nərgiz Bağıyevanın sözlərinə görə, anası Leyla Bağıyeva da əvvəllər uşağı istəmirdi. Lakin sonradan ona çox bağlanmışdı, Yusifi çox istəyirdi. Onun sözlərinə görə, oğlunu uşaq evinə vermək istəsə də, anası razılaşmırdı.
“Uşağa baxdığıma görə özümə baxa bilmirdim, öz qayğıma qala bilmirdim”, - oğlunu öldürmək qərarına gəlməsini belə izah edib.
Nərgiz Bağıyevanın sözlərinə görə, o, sonradan Xəlil adlı balıqçı ilə tanış olub, onunla görüşməyə başlayıb. Uşağa görə onunla da görüşə bilmirmiş.
Hadisə gününə gəlincə, o göstərib ki, Yusifin yeməyinə perekis qatıb, onu boğandan və körpənin vəziyyəti pisləşəndən sonra uşağı götürüb Xəlilin balıqçı mağazasına aparıb. Ona törətdiyi əməl haqda heç nə deməsə də, uşağın vəziyyətinin pis olduğunu bildirib. Onlar birlikdə uşağı xəstəxanaya aparıb. Lakin orada uşağın artıq öldüyünü deyiblər.
Məhkəmədə uşağın nənəsi və zərərçəkmişin hüquqi varisi Leyla Bağıyeva da ifadə verib: “Mən kafedə qabyuyan işləyirdim, o uşağı qab yuya-yuya saxlayırdım. Həmin gün də uşaq mənim yanımda olub. Gəlib dedi ki, təkəm, darıxıram, ver, aparım baxım. O uşaq iki saatın badına getdi...”
Anasının sözlərinə görə, Nərgiz Bağıyeva qohum-qonşuların yanında uşağı öldürəcəyini, yaxud da uşaq evinə verəcəyini əvvəldən deyirmiş. Ona görə də uşağı etibar edib, çox vaxt onun yanında qoymurdu: Ona görə də uşağı onun yanında qoymurdum. Axırıncı dəfə saqqızımı oğurladı, uşağı apardı. O da belə oldu...”
Qızının psixi problemləri olduğunu deyən Leyla Bağıyevanın sözlərinə görə, Nərgizə qarşı təcavüzlə əlaqədar vaxtilə hüquq-mühafizə orqanlarına şikayət olunsa da, rüşvət müqabilində məsələ ört-basdır edilib: “O vaxt Elçin müəllimin cibinə pul basdılar, ört-basdır elədilər...”
Bu cinayət işi üzrə məhkəmə araşdırmaları iyunun 12-də davam edəcək.
Nərgiz Bağıyevaya Cinayət Məcəlləsinin 120.2.4. (xüsusi amansızlıqla qəsdən adam öldürmə) və 120.2.9 (təqsirkar şəxs üçün aşkar surətdə köməksiz vəziyyətdə olan adamı öldürmə) maddələrilə ittiham verilib. Bu maddələrdə 14 ildən 20 ilə qədər və ya ömürlük azadlıqdan məhrumetmə cəzası nəzərdə tutulub. Azərbaycan qanunlarına əsasən, qadınlara ömürlük həbs cəzası təyin olunmur.