Amerika Birləşmiş Ştatları “Abrams” tanklarının ilk partiyasının Ukraynaya göndəriləcəyini rəsmən təsdiqləyib.

“Report” xəbər verir ki, bunu ABŞ ordusu üçün silahlar alan Duq Buş deyib.

Onun sözlərinə görə, payızın əvvəlində “Abrams” tanklarının ilk partiyasının Ukraynaya çatdırılması gözlənilir:

“Onlar (Tanklar – Qeyd) hazırdır. İndi hər şeylə birlikdə Avropaya, sonra da Ukraynaya getməlidirlər. Sursat, ehtiyat hissələri, yanacaq avadanlığı, təmir obyektləri. Yəni bunlar sadəcə tanklar deyil, bu onlarla birlikdə gələn tam paketdir”.

Ukrayna Silahlı Qüvvələri ilhaq edilmiş Krımla ölkənin Xerson vilayətini birləşdirən Çonqar körpüsünə raket zərbəsi endiriblər.

Məlumata görə, zərbə nəticəsində yolun hərəkət hissəsinin zədələnməsi qeydə alınıb.

Bildirilir ki, raketlərin bir hissəsi hava hücumundan müdafiə qüvvələri tərəfindən vurulub.

Ölən və yaralananlar barədə məlumat verilmir.
Hücumun “Storm Shadow” raketləri ilə həyata keçirildiyi iddia edilir.



Mənbə: meduza.io

Şənbə günü axşam demək olar ki, bütün Ukrayna ərazisində hava xəbərdarlığı elan edilib. Belə ki, Rusiya qoşunları Qara dənizdən Ukraynaya “Kalibr” qanadlı raketləri ilə zərbə endiriblər.

Bu barədə, Ukrayna ordusunun Cənub Əməliyyat Komandanlığı bildirib.

Məlumata görə, şənbə günü Rusiya Qara dənizdə raketdaşıyıcıların rotasiyasını həyata keçirib və “Kalibr”lərin sayını iki dəfə artırıb.
Bundan əlavə, Ukrayna Hərbi Hava Qüvvələri Tambov vilayətindən Ukraynaya “Kinjal” aeroballistik raketlərinin buraxıldığını açıqlayıb.

Mənbə: dw.com

Rusiya 2023-cü il üçün hədəf müdafiə xərclərini iki dəfə artıraraq bütün dövlət xərclərinin üçdə birini -100 milyard dollara çatdırıb.

“Röyters” xəbər verir ki, Rusiya təkcə 2023-cü ilin birinci yarısında müdafiəyə 12 faiz və ya 600 milyard rubl xərcləyib ki, bu da əvvəlcə planlaşdırdığı 4,98 trilyon rubldan (54 milyard dollar) çoxdur.

Sənədə görə, 2023-cü ilin ilk altı ayında müdafiə xərcləri 5,59 trilyon rubl təşkil edib ki, bu da adıəkilən dövrdə xərclənən 14,97 trilyon rublun 37,3 faizidir. Rusiyanın büdcə planında “Milli Müdafiə”yə xərclənən ümumi vəsaitin 17,1 faizi nəzərdə tutulub.

Hesabatda qeyd olunur ki, artan hərbi xərclər Rusiyanın sənaye istehsalı ilə gücləndirilmiş iqtisadiyyatın bərpasını dəstəkləyir, lakin artıq ixrac gəlirlərinin azalması ilə daha da kəskinləşən təxminən 28 milyard dollarlıq maliyyə çatışmazlığına gətirib çıxarıb. Ukraynanın tammiqyaslı işğalı səbəbindən müdafiə xərclərinin artması kəsiri daha da genişləndirə, istehsal artımı isə digər sektorları əhatə edə və özəl investisiyaları sıxışdıra bilər.

“Röyters”in sənədə əsaslanan hesablamaları göstərir ki, Rusiya bütövlükdə 2023-cü il üçün ilkin olaraq planlaşdırılan bütün büdcə xərclərinin ilk altı ayında müdafiəyə 19,2 faiz xərcləyib.

İctimaiyyətə ən son açıqlanan məlumatlara görə, Moskva yanvar və fevral aylarında orduya 2 trilyon rubl xərcləyib. Bu ilin birinci yarısında büdcə xərcləri 2022-ci ilin eyni dövrü ilə müqayisədə 2,44 trilyon rubl çoxdur. Sənədə əsasən, bu əlavə vəsaitin 97,1 faizi müdafiə sektoruna yönəldilib.

Hesabata görə, illik müdafiə xərcləri üçün 9,7 trilyon rubl, 29,05 trilyon rublluq ümumi xərc hədəfinin üçdə birini təşkil edən yeni hesablama təqdim edir ki, bu da ən azı on ildə ən yüksək paydır.

2011-2022-ci illər arasında Rusiya büdcəsinin minimum 13,9 faizini, maksimum 23 faizini müdafiəyə xərcləyib. Sənədə əsasən, Rusiya yeni illik müdafiə büdcəsinin 57,4 faizini artıq xərcləyib.

Rusiya baş nazirinin müavini Denis Manturovun sözlərinə görə, müdafiə sənayesi hər ay 2022-ci ildəkindən daha çox sursat istehsal edir.

Xatırladaq ki, maliyyəçi Bill Brauder 2022-ci ilin avqustunda iddia edib ki, Rusiyanın Ukraynaya qarşı müharibəyə xərcləməli olduğu pulun 80 faizi rəsmilər tərəfindən oğurlanıb.

Ukrayna ilə müharibəyə atılan ordunun maliyyələşdirilməsinə Rusiya büdcəsinin xərcləri mayın əvvəlində 3 trilyon dolları ötüb. Maliyyə Nazirliyinin məlumatına görə, 15 may tarixindən etibarən təkcə “Milli Müdafiə” bölməsində açıq maddələr üzrə Rusiya büdcəsindən 789,8 milyard rubl xərclənib. Bu məbləğə gizli xərcləri də əlavə etdikdə bəlli olur ki, 3 trilyon rubl, onun 80 faizi (2,4 trilyon rubl) orduya gedir.

Hər ay hərbi əməliyyatlar Rusiya Federasiyasının büdcəsinə orta hesabla 720 milyard rubla başa gəlir. Hər gün hərbi maşın təxminən 30 milyard rubl “yeyir”. //Reyting.az//

“Kiyev rejimi terror hücumu taktikasından istifadə edir”.

Gununsesi.info xarici KİV-ə istinadən xəbər verir ki, bunu Rusiya Prezidentinin mətbuat katibi Dmitri Peskov jurnalistlərə açıqlaması zamanı bildirib.

Peskov Ukraynanın cəbhədəki uğursuzluqlarına görə Rusiyadakı mülki strukturlara hücumlar təşkil etdiyini deyib:

“Bu hücumlar uğursuzluqlardan doğan çarəsizlik hərəkətləridir. Kiyev rejimi terror hücumu taktikasından istifadə edir”.

“Kiyevin hazırkı yanaşması ilə sülh razılaşması əldə etmək olarmı? Cavab aydındır ki, yox. Bunun üçün lazımi şərait yoxdur. Kiyev rejimi yalnız Qərbin Rusiyaya qarşı müharibəsində alət kimi istifadə edildiyi müddətcə sülhə can atmır və axtara da bilməz”, – deyə Peskov qeyd edib.

Ukrayna Müdafiə Nazirliyi və Türkiyənin "Baykar Makina" şirkəti Ukraynada pilotsuz təyyarələrin təmiri və texniki xidmət mərkəzinin tikintisinə dair müqavilə imzalayıb.

"Report" xəbər verir ki, bu barədə "RBC-Ukrayna" Ukrayna Müdafiə Nazirliyinin mətbuat xidmətinə istinadən məlumat yayıb.
Ətraflı

Saziş bu il yanvarın 23-də qüvvəyə minmiş Ukrayna və Türkiyə hökumətləri arasında yüksək texnologiyalar, aviasiya və kosmik sənaye sahəsində əməkdaşlığa dair çərçivə sazişi çərçivəsində imzalanıb. Bu, iki ölkə arasında müdafiə sahəsində əməkdaşlığı gücləndirəcək.

Ukrayna Müdafiə Nazirliyinin dövlət katibi Konstantin Vaşşenko bildirib ki, xidmət mərkəzinin yaradılması ölkənin müdafiə qabiliyyətinin gücləndirilməsinə mühüm töhfə olacaq və qələbənin yaxınlaşmasına kömək edəcək.

O, həmçinin əlavə edib ki, bu, təkcə pilotsuz təyyarələrə aid deyil, həm də ağır zirehli texnikalara və digər döyüş vasitələrinə aiddir.

“Son günlər bəzi dairələr tərəfindən Azərbaycan tərəfi ilə aparılan danışıqlarda Azərbaycan Respublikası ərazisindən ağır hərbi texnikanın çıxarılması prosesində iştirakımla bağlı müxtəlif məlumatlar verilir”.

Teref.Az xəbər verir ki, bu barədə Vitali Balasanyan bəyanatla şıxış edib.

O vurğulayıb ki, “Rusiya sülhməramlı qoşunları ilə əməkdaşlıq məsələlərinin əlaqələndiricisi təyin olunduqdan sonra Azərbaycan ərazisində yerləşən Rusiya sülhməramlı qoşunlarının vasitəçiliyi və iştirakı ilə müstəsna olaraq müəyyən edilmiş səlahiyyətlər çərçivəsində Azərbaycan nümayəndələri ilə keçirilən görüşlərdə iştirak etmişəm. Hərbi sektorda təhlükəsizlik-strateji məsələlərin əlaqələndirilməsi ilə məşğul olan müvafiq idarənin olduğunu nəzərə alaraq, mənim vəzifəmdə müvafiq qərarlar qəbul etmək səlahiyyətim yox idi və əgər olsaydı, heç bir icraat da etməzdim”.

Balasanyan qeyd edib ki, işlədiyi müddətdə və hətta bu gün də görüləcək işlər barədə danışmamaq, müəyyən məsələləri ictimailəşdirməmək daha doğrudur. \\KONKRET.az

ABŞ-ın keçmiş prezidenti Donald Tramp Rusiyanın Birləşmiş Ştatlardan daha çox nüvə silahına malik olduğunu iddia edib.

KONKRET.az xəbər verir ki, o, bu barədə Pensilvaniyada tərəfdarları qarşısında çıxış edərkən məlumat verib.

Tramp Rusiya ilə barışığın daha uyğun yol olduğunu dilə gətirib

“Birləşmək yaxşıdır. Onların bizdən daha çox nüvə silahı var”, – deyə eks-prezident bildirib.

O, həmçinin əlavə edib ki, Ukraynadakı münaqişəyə görə ABŞ indi çox axmaq və təhlükəli vəziyyətdədir.