Mingəçevir şəhəri Şəhid Baxşəli Şixəliyev'in adını daşıyan 6 saylı tam orta məktəb çirkab içindədir.

Bu barədə Mingəçevir şəhərində yaşayan sakinlər "Azərbaycan Reallığı"na məlumat verib. Onların sözlərinə görə Heydər Əliyev prospektində yerləşən bu məktəb 10 ildən artıqdır baxımsız vəziyyətdədir:

"İşə gəlib çatanda stres-əsəb, gərginlik keçirirsən, bu acınacaqlı vəziyyətdən şəhər icra hakimiyyətindən tutmuş regional təhsil idarəsinə qədər hər birinin məlumatı var amma bir tədbir görən yoxdur. 518 şagird və 71 işçisinin gedəcəyi cəmi bir sanitar qovşaqı var.

Sözün əsl mənasında biabırçlıqdır, məkdəbdə nə akt zalı nə büfet nə də idman zalı var. Bizi demirik gəlin bizim şəxsi evimizi təmir edin , şəhid adını daşıyan bir məktəbin bu durumda olması həqiqətən utancvericidir, dərdimizi kimə deyək bilmirik xaiş edirik ictimailəşdirin bəlkə kömək oldu" deyə sakinlər bildirib.

Təxminən bir neçə ay bundan öncə Nəsimi rayonunda yerləşən “Huqqa” adlı restoranda polis əməkdaşlarının qumar oyunlarının təşkil edildiyi üçün əməliyyat keçirdiyini xatırlayırsiz. Sözügedən əməliyyat zamanı restoranın sahibi Rasim Rzayev və onunla birlikdə bir neçə nəfər həbs olunmuşdu.

Yəqin Rasim müəllimin hüquq-mühafizə orqanlarının kameraları qarşısında hansı vəziyyətə düşməsini Google üzərindən ad soyadını yazsanız xatırlayarsız amma nədənsə bu şəxs müəmalı şəkildə öz azadlıqın qoruyub saxlaya bildi. Görünür insanların bədbəxtçiliyi üzərindən qazanılan pullar Rasim müəllimin xilasına çevrilə bilib.

"Azərbaycan Reallığı" sözügedən məkanla bağlı kiçik araşdırma aparıb, məlum olub ki, həmin məkan olduğu kimi fəaliyyət göstərir. Bu dəfə Rasim müəllim özünü kənara keçərək bütün işləri Nuranə adlı xanıma həvalə edib gördüyü nöqsanlı işləri ört-basdır etmək üçün restoranın da adını dəyişərək "NAZ" qoyublar. Kimə naz edirlər özləri bilər əsas odur "burada mənəm bağdadda kor xəlifə" qanunları ilə işləməsinlər. Bura Azərbaycandır, burada qanunu "nazlar" yox, dövlət qoyur

Sözügedən məkana daxil olmaq üçün liftdən istifadə edirsən, liftə daxil olduqda natəmizliyi görüb restoranın hansı vəziyyətdə olduğunu anlamaq olur. Restoranın havalandırıcıları birmənalı olaraq işləmir, qəlyan siqaret tüstüsündən müştərilər bir-birini görmür. Restoranın vahiməli kabinetləri kriminalların "Sxota" keçirdiyi yeri və yaxud da əvvəlki kimi qumarxana otaqlarını xatırladır.

Kefiyyətsiz qidalar, baş ağradıb göz çıxaran mənşəyi məlum olmayan spirtli içkilər daha nələr, nələr...

"Azərbaycan Reallığı"na danışan mənbə iddia edir ki, vergidən yayınmaq üçün müştəriyə çek verilmir, menyuda olan qiymətlə müştəriyə təqdim olunan qiymətdə böyük fərq olur bu azmış kimi onlar xoşları gəlməyən adamı restorana buraxmırlar. Necə ki, İranda 40 şallaq vurulan adamları haramxanalara buraxılmadığı kimi...

Hələ bu harasıdır, deyilənə görə Rasim müllim bəzi müğənnilərin xüsusi fanatıdır. Onların konsertini izləmək üçün rayonlara gedib 2000-3000 manatlarla pullar xərcləyir. Yaxşı olar müəllim bu pulları ölkəmizin suverinliyi üçün canından keçmiş şəhid ailələrinə xərcləsə daha faydalı olar.

Sonda onu da qeyd edək ki, bizim kimlərləsə hər hansı bir qərəzliyimiz yoxdur. Media prinsiplərinə uyğun olaraq bildiyimiz və eşitdiyimiz neqativ halları ictimailəşdiririk sonra isə qərarı adiyyəti qurumlar araşdırıb verəcək

"Azərbaycan Reallığı"na video-müraciət göndərən vətəndaş bildirir ki, Babək prospektinin sonu yeni açılmış "Likoil" yanacaq doldurmanın əks istiqamətində yolun sağ tərəfində yeni açılmış avtomobil salonu piyadalar üçün ayrılmış 300 metrə yaxın səkini zəbt edərək yerinə satış məqsədi olan avtamabillər saxlayıblar, bu da piyadalar üçün həmçinin ətrafda işləyən digər mağaza işçilərinə mane olur.

"Azərbaycan Reallığı" sözü-gedən video görüntünü təqdim edir:

Prezidentliyə keçmiş namizəd Razi Nurullayevin Mərkəzi Seçki Komissiyasına (MSK) təqdim etdiyi gəlir bəyannaməsində bəzi faktları gizlətdiyi iddia olunub. Bu barədə videobloger Mehman Hüseynov paylaşım edib.

Məlumat üçün bildirək ki, Razi Nurullayev seçki ərəfəsindəki müsahibələrinin birində MSK-ya təqdim etdiyi gəlir bəyannaməsi ilə bağlı danışarkən deyib ki, onun yalnız üçotaqlı mənzili var. Mehman Hüseynovun hazırladığı videorepotajda isə Razi Nurullayevin Novxanıda dəbdəbəli villasının mövcudluğu iddia edilib. Maraqlıdır ki, prezidentliyə keçmiş namizəd gəlir bəyannaməsində həmin villadan bəhs etməyib.

KONKRET.az ictimai-siyasi kluarlarda və sosial şəbəkələrdə qızğın müzakirələrə səbəb olmuş həmin video və orada səsləndirilən ittihamlarla bağlı deputat Razi Nurullayevlə telefon əlaqəsi yaratmağa çalışıb. Çoxsaylı cəhdlərimizdən sonra özünü deputatın köməkçisi kimi təqdim edən şəxs Razi Nurullayevin tədbirdə olduğunu və yaxın dəqiqələrdə özünün bizimlə əlaqə saxlayacağını desə də, əməkdaşımıza deputatın özü ilə danışmaq müyəssər olmadı.

Əməkdaşımız daha sonra vəkil Əsabəli Mustafayevə “iddialar doğrudursa, Razi Nurullayevi hansı cəza gözləyir?” sualını ünvanlayıb. Hüquqşünas deyib ki, Seçki Məcəlləsində və digər qanunlarda təhrif olunmuş məlumatların bəyannaməyə daxil edilməsinin məsuliyyəti barədə heç bir bənd yoxdur:

“Azərbaycanda belə nümunə yoxdur. Yəni indiyə qədər hansısa prezidentliyə namizədin gəlir bəyannaməsinə yanlış məlumat daxil etməsinə görə məsuliyyət daşıması halı olmayıb. Sənədlərin saxtalaşdırılmasına görə norma var, bu da vəzifəli şəxslərə aiddir. Bu məsələ ilə bağlı qanunda boşluq var. İndiki qanunlara görə prezidentliyə namizədin qeydiyyat məsuliyyəti ola bilər. Digər heç bir məsuliyyət yoxdur”.

Vəkil əlavə edib ki, əgər sözügedən bağ evi deputatın həyat yoldaşına məxsusdursa, bu da ortaq mülkiyyət hesab edilir: “Deputat mütləq onu gəlir bəyannaməsində göstərməlidir. Amma bu məsələ deputatın övladlarına aid deyil”.

Mövzu ilə bağlı Mərkəzi Seçki Komissiyası ilə də əlaqə saxlamağa çalışdıq. Təəssüf ki, dəfələrlə zəng etməyimizə baxmayaraq, MSK-nın mətbuat xidmətində dəstəyi qaldıran tapılmadı.

Deputat isə gəlir bəyannaməsində göstərmədiyi villasının mətbəxindən izləyicilərinə sağlam qidalanmağın hazırlanması ilə bağlı tövsiyələrini verməkdədir.

"DogruXeber.az" xəbər verir ki, agentliyimizin tabeliyində fəaliyyət göstərən "Kanal14" YouTube kanalında canlı yayımlanan "Kamalın zamanı" proqramında, ötən həftənin şənbə günü yenə Xocavənd rayon sakinlərinin hələ də davam edən problemləri müzakirə olunub.

Proqram ilə canlı bağlantı yaradan Xocavənd sakini, eyni zamanda müharibə veteranı Eldəniz Məmmədov bildirib ki, "Xocavənd rayon icra hakimiyyəti "sən demə, iş üçün müraciət edən bəzi şəxsləri yerli məşğulluq idarəsinə göndərir və özləri də məşğulluq idarəsinə tapşırıq verirlər ki, yalnız onların göndərdikləri adam işlə təmin olunsun. Təbii ki, bunu da öz maraqları xatirinə həyata keçirirlər".

Ətraflı videoda:

Yeri gəlmişkən, qeyd edək ki, canlı yayım zamanı Xocavənd sakini olduğunu deyən, Mirzağa Nağıyev adlı şəxs, yayımın şərh bölməsində, sözügedən rayonda bəzi dövlət idarələrində işə düzəlmək üçün müxtəlif məbləğlərdə rüşvət tələb olunduğunu yazıb.

Bundan əlavə, icra başçısı Eyvaz Hüseynovun dostu , eyni zamanda müavini Əfsanə Quliyevanın atası olan Ələddin Quliyevin geniş istirahət parkının ərazisini zəbt edib, parkı məhv edərək, orada restoran inşa etdirdiyini də Mirzağa Nağıyev adlı istifadəçi yayımın şərh bölməsində vurğulayıb. Maraqlıdır ki, Mirzağa Nağıyevin yazdığı məlumatları canlı yayımda olan Eldəniz Məmmədov və şərh bölməsində olan digər Xocavənd sakinləri də təsdiqləyib.

Həmçinin, sakinlər istər içməli sudan, istərsə də təsərrüfatlarını suvarmaq üçün sudan əziyyət çəkdiklərini də bildiriblər.

İcra başçısının müavini Azər Süleymanovun geniş taxıl tarlalarının görüntülərini redaksiyamıza göndərən Eldəniz Məmmədov bildirib ki, suvarma zamanı su Azər Süleymanovun və Eyvaz Hüseynovun "səxavət"indən bəhrələnən digər məmurların əkin sahələrinə yönəldildiyi üçün, digər yerli sakinlərin təsərrüfatı susuzluqdan məhv olur.

Bəli, Xocavənd sakinlərinin gileyləri şsizlikdən başlayıb, torpaqsızlıqdan, susuzluqdan, dərman çatışmazlığından, həkim səhlənkarlığından və sair yol keçərək, Eyvaz Hüseynovun "Kanal14"ə çıxanlar və baxanlar barəsində "tədbir görəcəyi" ilə təhdid etməsinə qədər uzanır. Amma, deyəsən hələ bu da son deyil. Əgər, Eyvaz Hüseynov həqiqətən də sakinlərin iddia etdiyi kimi, kanalımıza çıxmalarına görə onları təhdid edibsə, onların barəsində "tədbir görəcəyini" deyibsə, bu o, deməkdir ki, bu rayondan hələ çooox məlumatlar, müraciətlər, şikayətlər olacaq.

Maraqlıdır ki, 32 illik icra başçısı təcrübəsi olan Eyvazov, illərdir ki, israrla tələb etmələrinə rəğmən, onların mövcud problemlərinin aradan qaldırılması barəsində heç bir tədbir görməyib (hər halda sakinlər özü belə deyir), amma kanala çıxanın barəsində tezliklə tədbir görəcəyini deyir?

Burdan da belə çıxır ki, Eyvaz Hüseynov idarəçiliyində olan rayonda baş verən, mövcud olan və narazılıq yaradan bütün problemlərdən xəbərdardır, amma o, problemlərin aradan qaldırılması üçün tədbir görmək yerinə, narazı sakinləri susdurmaq üçün tədbir görəcəyini deyir.

Yoxsa, ölkə başçısının İcra başçılarına "Mən sizi bu vəzifəyə təyin edirəm ki, vətəndaşlara xidmət edəsiniz", "vətəndaşları incitməyin" və digər bu kimi tapşırıqlarına Eyvaz Hüseynov ümumiyyətlə məhəl qoymur?!

Vətəndaşlara deyil, özlərinə və yaxınlarına xidmət edir ki, bu da ən azından "Kanal14"də təqdim olunan torpaq siyahısından bəlli olur. Vətəndaşlara "etdiyi xidmət" də ki, göz qabağında...

Əlqərəz...

Biz sözümüzü burda bitirsək, səbri tükənmiş Xocavənd sakinlərinin nə sözü bitir, nə də problemləri.
Odur ki, mövzuya yenə qayıdacağıq.

Redaksiyamız hər kəsin söz haqqını tanıyır.

DogruXeber.az

Bu gördüyünüz görüntülər ucqar dağ kəndlərində çəkilməyib. Bura Binəqədi rayon Biləcəri qəsəbəsində, əhalinin sıx və acınacaqlı durumda yaşadığı ərazilərdən biridir.

"Azərbaycan Reallığı"na müraciət edən sakinlər bildirir ki, illərdi onların yol problemi həll olunmur. Hara müraciət etsələr də baxan yoxdur. Onun üçün çıxış yolunu məsələni ictimayiləşdirməkdə görüblər.

Onların sözlərinə görə Bələdiyə sədri olan Cabbarov Etibar adlı şəxsə dəfələrlə müraciət edilməsinə baxmayaraq Etibar müəllim bu işə bir əncam çəkməyib.

Vəzifəsini layiqincə yerinə yetirməyən Etibar müəllim vəzifəsinin mahiyyətini unudub.

Biz isə Etibar müəllimin yadına salmaq isdəyirik ki, Etibar bəy sizin vəzifəniz xalqa xidmət etməkdir, sizin vəzifəniz ərazidə yaşayan millətin problemləri ilə maraqlanıb həll yolunu tapmaqdır.



Qarşı tərəfin mövqeyini dərc etməyə hazırıq

Elm və Təhsil Nazirliyi yanında Elm və Ali Təhsil Üzrə Dövlət Agentliyi Guryanov Əfqan Süleyman oğlu ilə icarə müqaviləsi bağlayıb.

Elm və Ali Təhsil Üzrə Dövlət Agentliyi Nərimanov rayonu, Aşıq Alı küçəsi 45 ünvanında yerləşən qeyri-yaşayış sahəsini təxminən 10 ay müddətində (09.02.2024-19.11.2024) icarəyə götürüb və icarə haqqı olaraq əmlakın sahibi olan Guryanov Əfqan Süleyman oğluna 216 min 223 manat ödəyəcək.

Məlumat üçün bildirək ki, Elm və Ali Təhsil Üzrə Dövlət Agentliyi 2022-ci ilin iyul ayında yaradılıb. Agentliyin Əsasnaməsi bir il sonra – 2023-cü ilin iyul ayında təsdiqlənib.

Qeyd edək ki, icarə müqaviləsi ilə bağlı diqqət çəkən bir sıra şübhəli məqamlar var.

Bunlardan biri odur ki, Dövlət Agentliyi qeyri-yaşayış sahəsini icarəyə götürmək üçün tender müsabiqəsi keçirməyib. Bir mənbədən satınalma metodu tətbiq edilib.

Halbuki, “Dövlət satınalmaları haqqında” Qanunun 49-cu maddəsində açıq şəkildə qeyd olunur ki, bir mənbədən satınalma metodu aşağıdakı hallarda tətbiq olunur:

– Satınalma predmeti yalnız hər hansı konkret təchizatçıda olduqda;

– Satınalma predmetinin əvəzedicisi və alternativi olmadıqda;

– Satınalma predmetinə təcili tələbat yarandıqda;

– Təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;

– Satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.

Qeyri-yaşayış sahəsini icarəyə götürmək üçün yuxarıda göstərilən tələblərdən hansına istinad olunduğu aydın deyil.
Başqa bir məqam isə odur ki, icarə müqaviləsinin bu gün – 9 fevral tarixindən qüvvəyə minəcəyi qeyd olunur. Lakin, Dövlət Agentliyinin sosial şəbəkə hesablarında (https://www.facebook.com/eatdaeduaz/) qurumun ünvanı kimi Nərimanov rayonu, Aşıq Alı küçəsi 45 göstərilir. Eyni zamanda internet axştarış sitemlərində (“google.com/maps”, “earth.google.com” və s.) Aşıq Alı küçəsi 45 ünvanında artıq Elm və Ali Təhsil Üzrə Dövlət Agentliyinin yerləşdiyi qeyd olunub. Bu isə onu deməyə əsas verir ki, Dövlət Agentliyi icarə müqaviləsi imzalamadan qeyri-yaşayış sahəsindən ünvan kimi istifadə edib.

Onu da qeyd edək ki, Elm və Ali Təhsil Üzrə Dövlət Agentliyinin icarəyə götürdüyü binada daha əvvəl “Günay Bank” ASC-nin baş ofisi yerləşib. “Günay Bank” ASC 2023-cü ilin may ayında ləğv olunub.
Xatırladaq ki, ötən ilin oktyabr ayında elm və təhsil naziri Emin Əmrullayev Təhsildə Keyfiyyət Təminatı Agentliyinin İdarə Heyətinin sədri Ülkər Səttarovanı tutduğu vəzifəsindən azad edərək Elm və Ali Təhsil Üzrə Dövlət Agentliyinin İdarə Heyətinin sədri vəzifəsinə gətirib.

1986-cı il təvəllüdlü Ülkər Səttarova 2014–2018-ci illərdə Azərbaycan Memarlıq və İnşaat Universitetində Strateji planlaşdırma departamentinin müdiri, 2018–2020-ci illərdə strateji inkişaf üzrə prorektor olaraq fəaliyyət göstərib. 2020–2021-ci illərdə elm və təhsil nazirinin müşaviri, 2022–2023-cü illərdə Təhsildə Keyfiyyət Təminatı Agentliyinin İdarə Heyətinin sədri vəzifələrində çalışıb. Ülkər Səttarova Azərbaycan Respublikası Audiovizual Şurasının sədri İsmət Səttarovun həyat yoldaşıdır.

Mənbə: Yeniavaz.com