Xəbər verdiyimiz kimi, Yeni Azərbaycan Partiyasının deputatlığa namizədlərinin siyahısı açıqlanıb. Siyahıda bir sıra yeni adlar da var.
Namizədliyi diqqət çəkən şəxslərdən biri də 22 saylı Nəsimi-Yasamal Seçki Dairəsindən Yeni Azərbaycan Partiyasının deputatlığa namizədi, həkim stomatoloq Hüseynov Xaliq İsa oğludur.
Editor.az xəbər verir ki, Xaliq Hüseynovun deputatlığa namizəd olması ilə bağlı şəxsi sosial şəbəkə hesabındakı paylaşımı xeyli müzakirələrə səbəb olub. Hakim partiyadan deputatlığa namizəd və həkim olan Xaliq Hüseynovun kiçik bir paylaşımda çox sayda ciddi orfoqrafik və qrammatik səhvlərə yol verməsi onun təhsili və intellektual səviyyəsi ilə bağlı bir sıra suallara yol açıb. Sadə sözlərin yazılışında səhvlər edən deputatlığa namizədin bu paylaşımına sosial şəbəkə istifadəçiləri “indidən necə deputat olacağını bilinir” məzmunlu şərhlər yazıblar.
Xatırladaq ki, Xaliq Hüseynov ixtisasca həkimdir, “Dental Estetik Center” klinikasının təsisçisidir. 2020-ci ildə 18 saylı Nərimanov-Nizami SD-dən deputatlığa bitərəf namizəd olub.
Editor.az
