Hesablama Palatası bir sıra dövlət qurumlarında həyata keçirdiyi auditin nəticələrini açıqlayıb. Belə qurumlardan biri də Dövlət Ehtiyatları Agentliyidir. Audit bu qurumda çoxsaylı nöqsanları üzə çıxarıb. Palatanın açıqladığı məlumatdan aydın olur ki, agentliyin 2022-2023-cü illərdəki fəaliyyət dövrünü əhatə edən audit zamanı 210 milyon 902,1 min manat vəsait üzrə yoxlamalar aparılıb. Məlum olub ki, dövlәt büdcәsinin vәsaitlәrinә olan illik tәlәbatın düzgün müәyyәnlәşdirilmәmәsi şәraitindә 2022-ci ildә 45 milyon manat, 2023-cü ildә 127 milyon 516,3 min manat mәblәğindә vәsait müxtәlif şәrtlәrlә banklara depozitә yerlәşdirilib, depozitdәn qayıtmış vәsaitlәr çıxılmaqla depozitin qalığı 2023-cü ilin sonuna 44 milyon 516,3 min manata bәrabәr olub.

Müvafiq ehtiyatların yaradılması (alınması) üçün dövlәt büdcәsindәn ayrılmış vәsaitin dövlәt sifarişi (dövlәt adından yaradılan publik hüquqi şәxsә dövlәt büdcәsi hesabına mәqsәdli vәsaitlәrin ödәnilmәsi üzrә müqavilә) çәrçivәsindә rәsmilәşdirilmәmәsi әsaslı vәsait qoyuluşuna (eyni ilә nizamnamә fondunun (kapitalının) artırılmasına) aid edilmәyәn vә geri qaytarılması şәrtlәri müәyyәnlәşmәyәn hәmin vәsaitlәrin mövcud hüquqi aktlara әsasәn subsidiya kimi qiymәtlәndirilmәsinә әsaslar yaradıb ki, bu da publik hüquqi şәxslәrin gәlirlәrinә vergi azadolmalarının tәtbiqini tәnzimlәyәn vergi qanunvericiliyinin aidiyyәti müddәalarının tәsir dairәsi ilә әhatә olunmamaqla mәnfәәt vergisindәn yayınma riski yaradıb: “Eyni zamanda auditlә toplanmış bu vә digәr sübutlar publik hüquqi şәxs olan Agentlik tәrәfindәn әvәzsiz әsaslarla pul vәsaitlәri qismindә әldә edilmiş (büdcә vә qeyri-büdcә mәnbәlәrindәn) daxilolmaların gәlirlәrә aid edilmәmәsi üçün hәr-hansı hüquqi әsasların müәyyәnlәşdirilmәdiyi halda 2022-ci vә 2023-cü illәrin maliyyә (mühasibat) uçotu sәnәdlәrindә vә mәnfәәt vergisinin bәyannamәlәrindә müvafiq qaydada gәlirlәrә aid edilmәmәsini göstәrib. Bu, vergi qanunvericiliyinin aidiyyәti müddәalarının şәrtlәri daxilindә vergidәn yayınma risklәri ilә dә müşayiәt olunur”.

Bundan əlavə, saxlanılan әrzaqlıq buğdanın sonrakı dövrlәrdә qalıq hәcminin ölçülmәsi üçün innovativ üsulların mәnimsәnilmәsi vә tәtbiq olunması istiqamәtindә zәruri işlәrin aparılmaması istәr daxili nәzarәt qaydasında monitorinqlәrin, istәrsә dә cari auditin gedişatında sәyyar baxış tәdbirlәrinin hәyata keçirilmәsi zamanı siloların konstruksiyasının mürәkkәbliyi vә әrzaqlıq buğdanın çәkiyә tәsir edәn dәyişkәn xüsusiyyәtlәrinin mövcudluğu şәraitindә qalığın faktiki hәcminin müәyyәnlәşdirilmәsi üçün istifadә olunan meyarlarla (qeyri-tәrәzi çәkisi ölçü üsulları ilә) aşkarlanan әskikgәlmә vә ya artıqgәlmә hallarının, habelә dövri (illik) inventarizasiya prosedurlarının tәxmini olmasını vә nәticә etibarı ilә idarәetmәnin tam etibarlı göstәricilәrә söykәnmәmәsi kimi fәsadları sәciyyәlәndirib, maliyyә (mühasibat) uçotu üzrә ehtiyatların hesabatlılığında tәhrifetmә risklәrini şәrtlәndirib.

Agentlik müvafiq hüquqi aktla dövlәt büdcәsinin әsaslı vәsait qoyuluşu üçün nәzәrdә tutulmuş maliyyә resurslarından 2 әdәd lokomativin alınması üçün ayrılmış 1,0 milyon manat mәblәğindә vәsaitdən ümumilikdә 822,2 min manat xәrclәyәrәk 2 (iki) әdәd lokomotiv alıb. Qalan 177,8 min manat mәblәğindә tәyinatı bәlli vәsait auditin keçirildiyi müddәtin sonunadәk Agentliyin bank hesabında saxlanılaraq onun dövlәt büdcәsinә qaytarılması tәmin edilmәyib.

Agentliyin qeyri-büdcә mәnbәlәrindәn gәlirlәrinin tәrkib hissәsi kimi hüquqi hәrәkәtlәrin yerinә yetirilmәsindәn (o cümlәdәn, xidmәtlәrin göstәrilmәsindәn) әldә olunmuş pul vәsaitlәrinin mәblәği 2022-ci ildә 91,6 min manata, 2023-cü ildә 1 milyon 760,3 min manata, ümumilikdә 1 milyon 851,9 min manata bәrabәr olmaqla dövlәt sifarişi üzrә dövlәt büdcәsindәn maliyyәlәşәn gәlirlәrinә nisbәtinin 20,0 faizinədәk artması şәraitindә dövlәt büdcәsinin vәsaitlәrindәn asılılığın tәdricәn (müvafiq hәdlәrdә) azaldılmasına, o cümlәdәn әmәyin ödәnişi vә mükafatlandırılma xәrclәrinin qeyri-büdcә mәnbәlәrindәn yaranan hәmin sәrbәst vәsaitlәr hesabına maliyyәlәşdirilmәsinә önәm verilmәyib.

Aidiyyәti hüquqi aktın tәlәblәri pozularaq icarәdәn әldә edilmiş 164,6 min manat mәblәğindә vәsaitin 50 faizinin (yәni, 82,3 min manatının) dövlәt büdcәsinә köçürülmәsi, eyni zamanda kәnar hüquqi şәxslәrin istifadәsinә verilmiş sahәlәrә görә әmlak vergisinin vә torpaq vergisinin dövlәt büdcәsinә hesablanması vә ödәnilmәsi tәmin edilmәyib.

Müvafiq ehtiyatların yaradılması üçün әvәzsiz әsaslarla әldә edilmiş dövlәt vәsaitlәrinin müxtәlif şәrtlәrlә banklara depozitә yerlәşdirilmәsindәn әldә olunmuş ümumilikdә 1 milyon 550,7 min manat faiz gәlirlәrinin vergi qanunvericiliyinin aidiyyәti müddәalarının tәlәblәrinә әmәl edilmәyәrәk mәnfәәt vergisinin bәyannamәsindә müvafiq qaydada әks etdirilmәsi tәmin edilmәyərək dövlәt büdcәsinә hesablanmalı vә ödәnilmәli olan mәnfәәt vergisinin mәblәği bәyannamәlәrdә azaldılıb.

Maliyyә Nazirliyi ilә 2023-cü ilә aid dövlәt sifarişinin verilmәsi üçün dövlәt adından yaradılan publik hüquqi şәxslәrә dövlәt büdcәsi hesabına mәqsәdli vәsaitlәrin ödәnilmәsi üzrә bağlanmış müqavilәnin yerinә yetirilmәsi çәrçivәsindә әldә olunmuş 9 milyon manat mәblәğindә gәlirlәrin maliyyә (mühasibat) uçotu sәnәdlәrindә, mәnfәәt vergisinin vә әlavә dәyәr vergisinin bәyannamәlәrindә müvafiq qaydada әks etdirilmәsi tәmin edilmәyib ki, bu da maliyyә (mühasibat) uçotunun aparılması qaydalarını tәnzimlәyәn hüquqi aktların vә vergi qanunvericiliyinin aidiyyәti müddәalarının şәrtlәrinin pozulması demәkdir.

Qeyri-rezident hüquqi şәxslә әrzaqlıq buğdanın satınalınması predmeti üzrә 1200,0 min ABŞ dolları mәblәğindә bağlanmış satınalma müqavilәsinin yerinә yetirilmәsi çәrçivәsindә dәyәri ödәnilmәklә 2023-cü ilin noyabr vә dekabr aylarında gömrük bәyannamәlәrinә әsasәn Dövlәt Ehtiyatları Agentliyinin adına sәrbәst dövriyyә üçün buraxılış gömrük rejimi ilә gömrük rәsmilәşdirilmәsi aparılmış 4630,65 ton 3-cü sinif buğdadan 215,75 tonunun maliyyә (mühasibat) uçotunda әks etdirilmәsi 2023-cü ilin sonunadәk tәmin edilmәyib.

Aidiyyәti hüquqi aktların tәlәblәrinә әmәl edilmәyәrәk 2022-ci vә 2023-cü hesabat illәri üzrә maliyyә hesabatlarının müvafiq qaydada tәrtib edilmәklә aidiyyәti üzrә tәqdim edilmәsi auditin keçirildiyi dövrün sonunadәk tәmin olunmayıb, eyni zamanda, maliyyә hesabatları müvafiq qaydada tәrtib edilmәklә auditin keçirildiyi dövrün sonunadәk dәrc edilmәyib.

Palata pozuntuları aşkar etdikdən sonra Agentlik icarәdәn әldә etdiyi maliyyә vәsaitlәrinin hesabına 82 310,3 manat mәblәğindә vәsaitin dövlәt büdcәsinә köçürülmәsini, 274354,2 manat mәblәğindә mәnfәәt vergisinin dövlәt büdcәsinә hesablanması vә ödәnilmәsini təmin edib.

Hesablama Palatası auditlә müәyyәn olunmuş nöqsan vә çatışmazlıqların aradan qaldırılması ilә bağlı tәdbirlәrin hәyata keçirilmәsi vә qanunvericiliklә müәyyәn edilmiş qaydada Maliyyә Nazirliyinә, Әmlak Mәsәlәlәri Dövlәt Xidmәtinә vә Dövlәt Vergi Xidmәtinә müvafiq mәktublar göndәrib.

Qeyd edək ki, Fövqəladə Hallar Nazirliyinin Dövlət Material Ehtiyatları Agentliyinin əsasında 2021-ci ilin oktyabrında “Azərbaycan Respublikasının Dövlət Ehtiyatları Agentliyi” publik hüquqi şəxs yaradılıb. Dövlət Taxıl Fondu Agentliyin sərəncamına verilib. Agentlik dövlət və səfərbərlik ehtiyatlarının yaradılması sahəsində dövlət siyasətinin hazırlanmasında və həyata keçirilməsində iştirak edən, bu sahədə tənzimləməni və nəzarəti həyata keçirən, habelə ölkənin strateji əhəmiyyətli mallarla təchizatının dayanıqlığını təmin etmək və daxili bazarda həmin mallar üzrə qısamüddətli kəskin qiymət dəyişmələrinin qarşısını almaq istiqamətində tədbirlər görən publik hüquqi şəxsdir. Agentliyin fəaliyyətinə sədr və onun 2 müavinindən ibarət İdarə Heyəti nəzarət edir.

Qeyd edək ki, Hesablama Palatası büdcə vəsaitlərinin dövlət qurumları tərəfindən fərqli istiqamətlərdə yatırım kimi istifadə olunaraq faiz gəlirləri əldə edildiyinə dair bir neçə dəfə açıqlama ilə çıxış edib. Palatanın müxtəlif illərdə dövlət büdcə vəsaitlərinin icrasına dair hesabatlarında qeyd edilir ki, ilin son aylarında, xüsusilə dekabr ayında icra olunan büdcə xərcləmələri üzrə ayrılan vəsaitləri müxtəlif dövlət qurumları Maliyyə Nazirliyinin qısamüddətli notlarına yerləşdirməklə gəlir əldə edirlər.

Bir dövlət qurumunun ona konkret təyinat üzrə ayrılmış büdcə vəsaitini təyinatından yayındırmaqla depozit kimi banka yerləşdirməsi, yaxud qısamüddətli notlara yatırması və bundan əldə etdiyi gəliri vergidən yayındırması nələrdən xəbər verir? İqtisadçı-ekspert Rəşad Həsənovun fikrincə, belə vəziyyət birmənalı şəkildə ölkədə büdcə planlanmasının səmərəsiz həyata keçirilməsi nəticəsində yaranır: “Görünən bundan ibarətdir ki, büdcə planlanması zamanı çoxsaylı təhriflərə yol verilir, proqnozlaşdırma işləri çox zəifdir. Bu istiqamətdə kontrnəzarət zəifliyi də müəyyən qədər müşahidə olunur. Çünki biz həm gəlirlər, həm də xərclərlə bağlı proqnozlaşdırmada yanlıqların olduğunu görürük. Müvafiq qurumlar – fiskal təşkilatlar gəlir və xərcləri planlaşdıran zaman proqnozlaşdırmada çox ciddi yanlışlıqlara, təhriflərə yol verirlər. Burada həm bacarıqların çatışmazlığı, qeyri-peşəkarlıq, həm də ictimai vəsaitlərdən istifadə sahəsində müəyyən subyektiv maraqlar rol oynayır. Məsələ ondan ibarətdir ki, Dövlət Ehtiyatları Agentliyi öz real xərclərinin üzərində bir proqnozlaşdırma apararaq özü üçün büdcə vəsaitləri sifariş edir. Sonra bu vəsaitləri depozitə yerləşdirməklə özü üçün əlavə gəlir əldə edir. Düşünürlər ki, bu, peşəkarlıq əlamətidir, dövlət qurumunun əlavə gəlir əldə etmək imkanlarını göstərir. Lakin reallıqda müxtəlif dövlət qurumları üzrə kənara yayındırılan büdcə vəsaitləri birlikdə böyük bir məbləğin daha çox tələb duyulan sahələrdən kənara çıxarılmasına səbəb olur. İkinci tərəfdən, o vəsaitlərin maliyyə sektoruna axması dolayısı ilə depozit faizlərinin, son nəticədə isə kredit faizlərinin yüksəlməsinə gətirib çıxarır. Bu, eyni zamanda daxili borclanma ilə büdcə kəsirini bağlamağa çalışan Maliyyə Nazirliyinin faiz xərclərini artırır və dövlətin yükünü çoxaldır”.

Ekspert bildirir ki, bu kimi halların qarşısının alınması üçün büdcə proqnozlaşdırılması sahəsində peşəkarlığın artırılması, nəzarətin gücləndirilməsi son dərəcə vacibdir.

Onu da bildirək ki, Hesablama Palatasının nöqsanlar aşkarladığı bir qurumun – Bakı Metropoliteninin rəhbərini Prezident İlham Əliyev artıq vəzifəsindən azad edib...

Musavat.com

“ATM XƏTAİ” MMC-yə məxsus “Azər-Türk Med” klinikasında baş verən faktla əlaqədar Səhiyyə Nazirliyi Analitik Ekspertiza Mərkəzinin əməkdaşları tərəfindən plandankənar yoxlama keçirilib.
XALQ.AZ-a Analitik Ekspertiza Mərkəzindən məlumat verilib.
O qeyd edib ki, çəkilişdə iştirak edən tibb personalından, eləcə də müəssisənin rəhbərindən müvafiq izahatlar alınıb.

“Aidiyyəti üzrə çəkilişdə iştirak edən tibbi personaldan üç nəfərə klinikanın rəhbərliyi tərəfindən töhmət verilib, rəhbərliyin özünə isə ciddi xəbərdarlıq olunub.
Həmçinin, AEM tərəfindən həkimlər Azərbaycan Respublikası Səhiyyə Nazirinin 29 dekabr 2011-ci il tarixli, “Həkimlərin etik davranış qaydalarının təsdiq edilməsi haqqında” 137 nömrəli əmr barədə məlumatlandırılıb. Həmin əmrin VI bəndində qeyd edilir ki, Tibbi xarakterli nəşrlər, həkimlərin elmi forumu və cəmiyyətlərdə çıxışları, media ilə maarifləndirci fəaliyyəti etik normalara uyğun olmalı, obyektiv elmi-praktik məlumatla məhdudlaşmalı və qeyri-sağlam rəqabət, reklam və özünü reklam elementlərini əks etdirməməlidir. Əmrdə, həmçinin o da qeyd olunur ki, həkim digər hüquqi və fiziki şəxslərin reklamı və maraqlarının təbliğatı üçün öz vəzifəsindən istifadə olunmasına yol verməməlidir.
Müəssisəyə baxış zamanı bir sıra digər nöqsanlar da aşkarlanaraq, aktlaşdırılıb”.

Qeyd edək ki, “Azər-Türk Med” klinikasında plastik cərrahı Təbəssüm Qurbanova əməliyyat zamanı nöqsanlara yol verdiyi görüntülər yayılıb

Sabunçu rayonu, Bakıxanov qəsəbəsi, Ülvi Rəcəbov küçəsində yaşayan bir qrup sakin parkinq problemindən şikayətçidir.

Bizim.Media-ya daxil olan şikayətdə bildirilir ki, Ülvi Rəcəbov küçəsindəki “Bakıxanov Rezidens”in sakinləri avtomobillərini saxlamağa yer tapa bilmirlər.

Belə ki, sakini olduqları binanın idarəçiləri həyətə girişi qadağan ediblər. Binanın yeraltı qarajında yer almağa da hər sakinin imkanı yoxdur. Ona görə də sakinlər indiyədək avtomobillərini binanın qarşısından keçən Ülvi Rəcəbov küçəsində saxlayırdılar. Amma bu günlərdə həmin küçəyə də “dayanma-durma qadağandır” işarəsi quraşdırılıb.

Ona görə də avtomobil sahibləri nə edəcəklərini bilmirlər.

Məsələ ilə bağlı “Bakıxanov Rezidens”lə əlaqə saxladıq. Qurumdan Fəzli adlı şəxs Bizim.Media-ya bildirdi ki, binanın həyətinə giriş qadağandır:

“Həyət ancaq sakinlərin istirahəti üçündür. Orda avtomobil saxlamaq olmaz”.

Bəs, “bina inşa edilərkən niyə avtomobillərin dayanması üçün yer ayrılmayıb?” sualımıza isə rezidentin təmsilçisi cavab verməkdən boyun qaçırıb.

O, “başqa yerdəyəm, danışa bilmirəm”, - deyərək telefonun dəstəyini asıb.

Məsələ ilə bağlı Sabunçu rayon İcra Hakimiyyəti ilə əlaqə saxladıq. İcra hakimiyyətindən Bizim.Media-ya bildirilib ki, həmin küçəyə yol nişanı yeni quraşdırılıb:

“Ona görə də sakinlərə məsləhət görürük ki, AYNA-ya müraciət etsinlər. Onların müraciətinə əsasən AYNA yolun müəyyən hissəsində avtomobil saxlamaq üçün yer ayıra bilər”.

Yola yeni quraşdırılan yol nişanı ilə bağlı Bakı Şəhər DYPİ-nin Təbliğat və ictimai işlər üzrə rəisi Toğrul Nəsirli Bizim.Media-ya bildirib ki, yol nişanlarının quraşdırılması AYNA-səlahiyyətinə aiddir.

“Sakinlər üçün parklanma yeri təşkil edilməlidir”

Nəqliyyat üzrə ekspert Aslan Əsədov məsələ ilə bağlı Bizim.Media-ya açıqlamasında qeyd edib ki, belə vəziyyətdə binanın sakinləri müvafiq orqanlara Baş Dövlət Yol Polisi İdarəsinə və AYNA-ya yazılı şəkildə müraciət etməlidir:

“Ərizəçilərin adı çəkilən ünvanda qeydiyyatda olması mütləqdir. Onlar bildirməlidirlər ki, rəsmi şəkildə ev alıblar. Amma avtomobillərini saxlamaq üçün ətraf ərazidə yer yoxdur. Ona görə də yaxın ərazidə avtomobillərinin parklanması üçün yer təşkil edilməlidir.

Məhz bu müraciətdən sonra AYNA vətəndaşların müraciətini müsbət həll etməlidir və ən yaxın ərazidə parklanma yeri yaradılmalıdır.

Özü də tam ödənişsiz. Çünki bunu “Yol hərəkəti haqqında” qanun və müvafiq təlimatlar deyir. Mövcud qanunvericiliyimizdə belə bir tələb də var ki, vətəndaşlar yaşadıqları ərazi üzrə parklanma ilə təmin olunmalıdırlar”.

Şikayətlərlə bağlı AYNA-dan sorğumuza cavab olaraq bildirilib ki, məsələ araşdırılıb, ətraflı məlumat veriləcək.

Mövzunu diqqətdə saxlayacağıq.

Sosial şəbəkədə Gəncə şəhər sakini akademik Zülfüqar Məmmədov adına Gəncə şəhər Təcili və Təxirəsalınmaz Tibbi Yardım Xəstəxanasından şikayət edib.

Bizim.Media xəbər verir ki, sakin paylaşdığı videoda xəstəxanadakı gənc tibb personalının xəstələrə və xəstə yaxınlarına sayğısız, laqeyd yanaşdığını iddia edib:

“Mən yanvarın 13 və 14-ü Gəncədə Akademik Zülfüqarov adına 3 nömrəli xəstəxanaya iki gün ayaq döymüşəm.

Mənə ordakı tibb işçilərindən (yaşlı həkimlərdən başqa) heç biri düz-əməlli cavab vermədi. “Qan almağ”a yaxınlaşdım. Anamın damarını orda partlatdılar. Daha sonra USM-ə qeydiyyata düşmək istəyirik, qeydiyyatçı xanımın heç nədən başı çıxmır.

Təcili Tibbi Yardımın qarşısındakı qeydiyyata yaxınlaşırıq, ordakı xanım heç nəyi bilmir. Doğru, düzgün danışmağı bacarmır. Deyir “ya səbir”, ona ağız əyir, bu birinə göz süzdürür. Yəni işləmək istəmirlər. Məni ən çox təəccübləndirən o oldu ki, biz USM -də neçə saat növbə gözləmişik. Həkim bizi 1 dəqiqə çəkmədi USM-dən keçirdi. Amma sual veririk, bizə cavab vermək istəmir. Başını telefondan qaldırmır.

Əziz tibbi sığorta ilə çalışan həkimlərimiz, əgər dövlət xəstəxanalarındakı iş rejimindən razı deyilsinizsə, bu, bizim günahımız deyil. Çıxın, qoy sizin yerinizə düzgün işçilər gəlib orda çalışsınlar. Belə biabırçılıq olmaz! İnsanların həyatı sizin üçün nədir? Görünür, insanların həyatı sizin əlinizdə oyuncağa çevrilib. Həkimi dindirirsən, deyir, burdan mənə nə pul çatır ki... Tibb bacısını dindirirsən, sənə kömək etmək istəmir.

Xəstəxanada qeydiyyat şöbəsinin olduğu düzgün yazılmayıb. Tibb bacıları postunu qeydiyyat yerinə qoyublar. Camaat qarşısından keçir, heç kim bilmirr ki, bura qeydiyyat şöbəsidir. Ən önəmlisi də odur ki, xəstəyə, insana qarşı, ölüm ayağında gələn xəstəyə diqqət göstərmək istəmirlər”.

Şikayətçi TƏBİB-ə səslənərək xəstəxananın işçiləri ilə bağlı tədbir görülməsini istəyib:

“Mən şok yaşadım və bununla bağlı TƏBİB-in hər hansı tədbir görməsini çox istəyərdim. Çünki bu, belə olmaz”.

Məsələ ilə bağlı TƏBİB-ə sorğu ünvanladıq. Qurumundan Bizim.Media-ya verilən açıqlama Gəncə Şəhər Birləşmiş Xəstəxanası nəzdində olan Akademik Z.Məmmədov adına xəstəxana ilə bağlı sosial şəbəkələrdə yayılan video barədə məlumatlı olduqları bildirilib:

“Orada səsləndirilən şikayətlər hazırda araşdırılır. Məlumatlar dəqiqləşdirildikdən sonra ictimaiyyətə əlavə məlumat veriləcək. Qeyd edək ki, vətəndaşın özü ilə də əlaqə saxlanılacaq, işində nöqsana yol verən əməkdaşlar olarsa onlar haqqında müvafiq tədbir görüləcək”.

Naftalanın sabiq icra başçısı Natiq Aslanov Bakıda və Abşeron rayonunda biznesini genişləndirib.

Bu barədə AzFakt.com saytının əldə etdiy özəl məlumatda bildirilir.

Məlumatda görə Natiq Aslanov Xırdalan şəhərində də daşınmaz əmlaka sərmayə yatırıb.

Qeyd edək ki, Natiq Aslanov 2010-2018-ci illərdə Naftalan şəhər İcra Hakimiyyətinin başçısı vəzifəsində çalışıb.

Natiq Aslanovun 8 il ərzində Naftalanda ciddi yeyintilər etdiyi, müxtəlif formalarda mənimsədiyi vəsaitləri əsasən daşınmaz əmlaka yatırdığı vurğulanır.

Onu da qeyd edək ki, N. Aslanov icra başçısı vəzifəsinə təyin edilməmişdən əvvəl tikinti sektorunda çalışıb.

Onun hazırda Bakı və Abşeronda, Xırdalan şəhərində olan proyektləri barədə növbəti yazımızda geniş məlumat verəcəyik.

Məsələ ilə bağlı N.Aslanovun mövqeyini dərc etməyə hazırıq.

Dövlət Gömrük Komitəsində 250 nəfər yüksəkrütbəli sabiq vəzifəli şəxsin təqaüdü ilə bağlı araşdırma aparılıb.

TEREF “Qaynarinfo”ya istinadən xəbər verir ki, araşdırma DGK sədri gömrük xidməti general-leytenantı Şahin Bağırovun müvafiq əmri ilə həyata keçirilib.

Bildirilir ki, araşdırma zamanı 250 nəfərə yaxın sabiq gömrük əməkdaşının artıq təqaüd aldıqları məlum olub. Onlar arasında təqaüddə olan sabiq sədr müavinləri (generallar), idarə rəsiləri (general, polkovnik və digər rütbəli) də var. Belə ki, həmin əməkdaşlardan bəziləri 30 il xidmət keçməyə görə təqaüd alıb. Araşdırma zamanı isə onların gömrük sistemində 20 il xidmət keçdiyi məlum olub. Həmin şəxslərin əmək fəaliyyətlərinin 10 ili isə başqa qurumlarda keçib.

Beləliklə, həmin şəxslər 20 illik xidmətə görə təqaüdə çıxmalı olduqları halda iş stajlarını başqa qurumlardakı fəaliyyətlərinin hesabına 10 il artırıblar.

Hazırda Dövlət Gömrük Komitəsi dövlət büdcəsindən kənar pensiya alan sabiq gömrük əməkdaşlarına sözügedən vəsaitləri geri qaytarmağı tələb edir. Həmin şəxslərin çox hissəsi sözügedən vəsaiti geri qaytarmadıqları üçün komitə tərəfindən məhkəməyə verilib.

Sabiq gömrük əməkdaşları da qarışılıqlı olaraq Dövlət Gömrük Komitəsini məhkəməyə verib.

Məsələ ilə bağlı Dövlət Gömrük Komitəsi hələlik açıqlama verməyib.

Bakıda klinikalardan birində ölüm hadisəsi baş verib.

TEREF Musavat.com-a istinadən xəbər verir ki, 1988-ci il təvəllüdlü Süleymanov Ceyhun Akif oğlu yanvarın 21-də müalicə aldığı “Medilife” klinikasında dünyasını dəyişib.

Əldə etdiyimiz məlumata görə C.Süleymanov yanvarın 21-də ilk olaraq Bakıxanov qəsəbəsində yerləşən “Stimul” klinikasına hidrokolonoterapiya (bağırsaq yuyulması) üçün müraciət edib. Müraciətinin səbəbi mədə-bağırsağında olan problemlə bağlı olub.

Mərhum Ceyhun Süleymanov

“Stimul” klinikasında narkoz həkimi olmadığı üçün onu “Medilife” klinikasına yönləndiriblər.

“Medilife” klinikasında həkim Ləman Xasıyeva tərəfindən bağırsağı yuyulan C.Süleymanov bir neçə saat sonra dünyasını dəyişib. Mərhumun ölümü ilə bağlı ailəsinə dəqiq məlumat verilmir. İlkin məlumat olaraq bildirilib ki, mərhumun təzyiqi qalxıb. Mərhum ailəli olub, 2 övladı var idi.

Həkim Ləman Xasıyeva

Qeyd edək ki, ölüm hadisəsi ilə bağlı Sabunçu Rayon Prokurorluğunda cinayət işi açılıb.

Məsələ ilə bağlı klinika ilə əlaqə saxladıq. Klinikadan Musavat.com-a bildirildi ki, hazırda suallarımıza cavabverəcək məsul şəxs yoxdur.