 |
|
|
Hesablama Palatasından daxil olmuş material əsasında Baş prokuror yanında Korrupsiyaya qarşı Mübarizə Baş İdarəsində Azərbaycan Milli Elmlər Akademiyasında (AMEA) baş vermiş qanun pozuntusu faktları ilə bağlı cinayət işi açılıb.
Prokurorluğun məlumatında bildirilir ki, qurumun 2020-2023-cü illərə dair fəaliyyəti üzrə təyin edilmiş audit yoxlamaları nəticəsində vəzifəli şəxslər tərəfindən külli miqdarda dövlət vəsaitinin təyinatı üzrə istifadə edilməməsi, habelə digər qanun pozuntularının törədilməsinə əsaslı şübhələr müəyyən edilib.
Qeyd edilən faktlarla bağlı aparılmış araşdırma üzrə Cinayət Məcəlləsinin 179.4 (xüsusilə külli miqdarda mənimsəmə və ya israf etmə) və 308.2-ci (vəzifə səlahiyyətlərindən sui-istifadə etmə) maddələri ilə cinayət işi başlanaraq ibtidai istintaq aparılır.
“AzPolitika” xatırladır ki, oktyabrın 18-də Hesablama Palatasında AMEA-nın İşlər İdarəsi tərəfindən dövlət vəsaitlərinin və digər dövlət əmlakının idarə olunmasının auditinin nəticələri müzakirə olunub.
Müzakirələrin nəticəsinə əsasən, 2020-2021-ci illərdə dövlət vəsaitindən və əmlakından istifadədə aşkar edilmiş hüquqpozmalarda cinayət tərkibi əlamətlərinin ehtimal olunması nəzərə alınmaqla müvafiq materialların Baş Prokurorluğa göndərilməsinə dair qərar qəbul olunub.
Palatanın araşdırdığı 2020-2021-ci illərdə AMEA-nın İşlər İdarəsinə keçmiş nəqliyyat naziri Ziya Məmmədovun qardaşı, keçmiş deputat Elton Məmmədov rəhbərlik edib. O, qurumun sabiq prezidenti Ramiz Mehdiyevin 16 yanvar 2020-ci il tarixli sərəncamı ilə həmin vəzifəyə təyin edilib və 2023-cü il noyabrın 28-nə qədər orada çalışıb.
Beləliklə, Elton Məmmədovun Korrupsiyaya qarşı Mübarizə Baş İdarəsində açılmış cinayət işinin istintaqına cəlb ediləcəyi və barəsində həbs qətimkan tədbiri seçiləcəyi gözləniləndir. Nəzərə alsaq ki, həmin dövrdə AMEA-ya Ramiz Mehdiyev rəhbərlik edib, məntiqlə prokurorluq onu və onun akademiyadakı yaxın ətrafını da istintaqa cəlb edə bilər.
Elton Məmmədov bu il sentyabrın 1-də keçirilmiş növbədənkənar parlament seçkilərinə qatılsa da MSK onun təqdim etdiyi məlumatlarda ciddi saxtakarlıq aşkar edildiyini əsas gətirərək namizədliyini qeydə almayıb. Elton Məmmədov isə MSK-nın bu qərarına kəskin etiraz edərək qurumun rəhbərliyini saxtakarlıqda ittiham etmişdi.
Oktyabrın 2-də Akademik M.Ə.Mirqasımov adına Respublika Klinik Xəstəxanasının ("Respublikanski”) doğum şöbəsində doğuşdan sonra iynədən sepsis keçirib və komaya düşən 22 yaşlı Sara İsayeva ötən gün "Liv Bona Dea" Hospitalında vəfat edib.
Bu barədə "Arqument.az"a Sara İsayevin yaxınları məlumat verib.
Onlar bir neçə gün öncə də "Arqument.az"a Sara İsayevanın başına gətirilənlərlə bağlı danışmışdılar. Belə ki, doğuşdan çıxdıqdan sonra palataya köçürülən Sara İsayeva "votsap"la həyat yoldaşı və yaxınları ilə əlaqə saxlayıb, özünün və övladının yaxşı olduğunu deyib. Amma bir gün sonra, oktayabrın 3-də halı pisləşib. Səbəb isə həkim Günel Qəhrəmanovanın təyin etdiyi iynə olub.
Günel Qəhrəmanova
Həyat yoldaşı Orucəli Ağayev bildirib ki, həyat yoldaşı ayın 3-də ona mesaj yazıb və halının pisləşdiyini deyib: "Yazdı ki, Günel doktorun yazdığı iynə vurulub, çox pisəm. Biz sonradan ona zəng etdik, həkimi axtardıq, amma əlaqə yarada bilmədik. Axşam saat 7-də bizə bildirdilər ki, Sara reanimasiyadadır, vəziyyəti ağırdır. Günel Qəhrəmanova ilə əlaqə saxlanılanda dedi ki, mən evə getmişəm, növbəm bitib, xəstə reanimasiyadadır".
"Ona dəfələrlə zəng etdikdən sonra xəstəxanaya gəldi və müxtəlif bəhanələr uydurdu ki, guya əvvəlcədən Saranın qanında infeksiya olub. Gecə saat 1-dən sonra reanimasiya şöbəsinin həkimi də, Günel həkim də bildirdi ki, xəstənizin qanında vurulmuş iynə nəticəsində parçalanma baş verir, infeksiya var. Burada qanı təmizləmək üçün lazımi plazmafarez, dializ avadanlığı yoxdur. Xəstə komaya düşüb, təcili buradan çıxarıb özəl xəstəxanaya aparılmalıdır, yoxsa 1-2 saata öləcək", - deyə Orucəli Ağayev bildirib.
Bundan sonra gecə saat 3 radələrində xəstə "Liv Bona Dea" Hospitalına gətirilib və oktyabrın 3-dən 18-nə qədər burada saxlanılıb. Oktyabrın 18-də axşam saatlarında "Liv Bona Dea" Hospitalında dünyasını dəyişib.
"Liv Bona Dea" Hospitalı
İkinci Qarabağ müharibəsi qazisi Orucəli İsayev deyir ki, xəstə "Liv Bona Dea" Hospitalında yatdığı müddətdə ondan 63 min manata qədər pul alınıb. Bu pulu isə yaxınları kömək edib və borca götürüblər ki, Sara İsayevanı həyatda saxlaya bilsinlər.
Xəstənin komaya düşməsinə səbəbkəar olan Günel Qəhrəmanova söz versə də, heç bir maddi dəstək etməyib. Artıq hadisə ilə bağlı Orucəli Ağayev Prezident İlham Əliyevə, hüquq-mühafizə orqanlarının rəhbərlərinə müraciət edib.
Sara İsayevanın valideynləri də müvafiq orqanlara müraciət edərək bu fakta görə xəstəxana rəhbərliyi və həkimin məsuliyyətə cəlb olunmasını tələb edirlər.
Maraqlıdır ki, indiyə qədər TƏBİB "Respublikanski"də baş verən bu ölüm faktına və həkim səhlənkarlığına reaksiya verməyib, halbuki bir neçə gündür qazi baş verənləri mediaya danışır.
Miilli Məclisin komitə sədri Hicran Hüseynovanın Nazirlər Kabinetində Aparat rəhbərinin köməkçisi kimi işə düzəltdirdiyi əmisi nəvəsi ABŞ-da cəbhəçi kimi siyasi sığınacaq alıb.
XALQ.AZ məlumat verir ki, bu barədə araşdırmaçı jurnalist Cavanşir Həsənli məlumat yayıb.
Məlumatda qeyd olunur ki,Nazirlər Kabinetinin əməkdaşı olmuş Hüseynov artıq ABŞ-dır.
Qeyd edək ki, Milli Məclisin deputatı olan Hicran Hüseynova Ailə, Qadın və Uşaq Problemləri üzrə Dövlət Komitəsinin sabiq sədri olub.
İspaniya məhkəməsi Azərbaycanın əvəzinə keçmiş milli təhlükəsizlik naziri Eldar Mahmudovun 3 övladının Mallorka adasında böyük miqdarda vəsaiti leqallaşdırması ilə bağlı faktları araşdırır. İspaniya Korrupsiyaya qarşı Mübarizə Prokurorluğu onları korrupsiya yolu ilə əldə edilmiş pullar hesabına Palma adasında 50 milyon avro dəyərində ən azı müxtəlif ünvanda dəbdəbəli mülk və torpaq sahələri almaqda ittiham edir. İttiham aktına görə mülklərin alışı Kalviada qeydiyyatdan keçmiş iki ispan şirkəti vasitəsilə həyata keçirilib və ümumilikdə 60-dan çox (Valldemossada 23, Kalviada 22 və Palmada 15) mülk əldə olunub. Təkcə Peguera kurort şəhərində 1 əmlaka 9 milyon avro ödənilib.
TEREF yazır ki, buinu müstəqil araşdırmaçı jurnalist Cavanşir Həsənli öz feysbuk səhifəsində yazır. O, daha sonra yazır:
Qeyd olunur ki, Mahmudovların mülklərinin bir neçəsi Anar Mahmudovun adına
Seyşel adalarında qeydiyyatdan keçmiş SİNALCO INVESTMENTS LİMİTED şirkətinə məxsus Latviya hesabından bank köçürmələri yolu ilə ödənilib. Bu hesab üzərindən Anar Mahmudov Palm şəhərinin Alexandre Rossello küçəsi 27A ünvanında 4,5 milyon avroya iiki mülk alıb. 206 kv.metr sahəsi olan mənzillər Eldar Mahmudovun qızı Xuraman Mahmudovanın adına alınıb. 101 kvadratmetr sahəsi olan daha bir mənzil Balearın elitar yaşayış kompleksi sayılan Plaza del Comtat del Rosselloda 444,960 avroya alınıb.
Eldar Mahmudovun digər qızı Nərgiz Mahmudovanın adına 4,1 milyon avroya əmlak isə xarici görünüşünə görə turistlərin xüsusi marağını cəlb edən modernist üslublu Casasayas binasında əldə edib. Məbləğin bir hissəsi Seyşel adalarındakı şirkətə məxsus Latviya hesabından köçürmə yolu ilə ödənilib. Korrupsiyaya Qarşı Mübarizə Prokurorluğundan araşdırmasına görə, pulun böyük hissəsi Nərgiz Mahmudovaya məxsus və qardaşı Anarın köçürmələri hesabına maliyyələşən Palmanın Portals Nous qəsəbəsindəki filialının hesabından götürülən üç nominativ çek vasitəsilə çatdırılıb. Bu mülk Balear Adaları Ali Ədalət Məhkəməsinin qərargahına çox yaxındır.
2014-cü ilin aprelində, isə Eldar Mahmudovun iki övladı Calviadakı Sol de Mallorca səmtində bir milyon avroya altı mülk alıblar. Qiymət Anarın Latviyadakı şəxsi hesabından dörd bank köçürməsi yolu ilə ödənilib.
Keçmiş nazirin övladları Londonda yaşasalar da Kalvian sahillərinə və Santa Ponça, Puerto Portalları və ya Port Adriano kimi yerlərə tez-tez gəlirlər.
Ötən aylarda Palma məhkəməsinin hakimi Eldar Mahmudovun övladları ilə videokonfrans formatında sorğu-sual aparıb, keçmiş nazirin övladları ittihamları rədd ediblər.
TEREF
Naxçıvanda olarkən Şahbuz sakinlərindən biri mənə saxladıqları heyvanı Azərbaycanın digər rayonlarında sata bilməmələrinin səbəbini soruşmuşdu. Mən də bunu Naxçıvanın ərzaq təhlükəsizliyi ilə izah etmişdim. Demişdim ki, Naxçıvandakı fermerlər saxladıqları heyvanları Bakıya aparsalar, o zaman Muxtar Respublikada ət qıtlığı yaşanar. Nəticədə onsuz da dolanışığı çətin vəziyyətdə olan naxçıvanlılar daha ağır problemlərlə üzləşə bilər.
Açığı, bu fikri deyərkən həmsöhbətimin üzündə qəribə bir istehza təbəssümü görmüşdüm. Hiss etmişdim ki, mənim bilmədiyim, amma həmsöhbətimin vaqif olduğu daha dərin məsələ var. Söhbətimizi bitirib ayrılarkən şahbuzlu fermerin mənə söylədiyi bir sözsə qulağımda indiyədək cingildəyir: “Heydər müəllim, deyəsən, siz bunların dabbaqda gönünə bələd deyilsiniz”.
Dünən Naxçıvandakı etibarlı mənbələrdən əldə etdiyim məlumatlar Şahbuzlu fermerin üzündəki istehza dolu təbəssümə və “dabbaqda gön” məsələsinə kifayət qədər aydınlıq gətirir.
Məlumata görə, Azərbaycan Kənd Təsərrüfatı naziri Məcnun Məmmədovun Naxçıvan Muxtar Respublikasına səfəri zamanı “canişin” əfəndinin onu tamamilə təcrid vəziyyətinə salması, daha dəqiq ifadə ilə desək, Muxtar Respublikanın Kənd Təsərrüfatı naziri Xəyalə Dadaşovanı onunla görüşə imkan verməməsinin bir çox incə mətləbləri var imiş. Onlardan biri də “dabbaqda gön”lə birbaşa əlaqədardır.
Əldə etdiyim məlumatda bildirilir ki, Xəyalə Dadaşovanın öz həmkarı ilə görüşünə imkan verilməməsinin əsas səbəbi xanım nazirin Bakıdakı müvafiq dairələrə “canişin” əfəndidən şikayət etməsidir. Şikayətlərdə “canişin”in özünü “canişin” kimi aparmaması ilə yanaşı, həm də Naxçıvanda özünüməşğulluq proqramının düzgün yürüdülməməsi kimi məqamlar da var imiş. Sən demə, 2024-cü ilin yanvar-iyul ayları ərzində bu proqram çərçivəsiində Naxçıvanda 745 nəfər işsiz və işaxtaran şəxs müəyyən aktivlərlə təmin olunub. Bunlardan 107 nəfəri istehsal-xidmət, 638-i isə kənd təsərrüfatı sahəsi üzrə müvafiq aktivlərlə təmin edilib. Xəyalə xanımın da şikayəti təbii ki, kənd təsərrüfatı ilə əlaqədar verilən aktivlərlə bağlı olub.
İddialara görə, həmin kənd təsərrüfatı aktivləri əsasən aztəminatlı ailələrə verilib. Verilən aktivlər isə əsasən iri və xırdabuynuzlu heyvanlar imiş. Di gəl ki, həmin heyvanların bir çoxunda dabaq xəstəliyi aşkarlanıb. Nəticədə xırda fermerlər nəinki bu müftə hədiyyədən nəsə qazanıblar, əksinə, özlərinin sağlam mal-qaraları da xəstəliyə yoluxub. Xəyalə Dadaşova da məhz bu barədə Bakıya şikayətdə bulunub. Bundan əlavə, o, Naxçıvanda kənd təsərrüfatı üçün yararlı torpaq sahələrinin təyinatının dəyişdirilərək yerli və xarici vətəndaşlara satılmasını da paytaxtın nəzərinə çatdırıb. Paytaxt da məsələni yerində araşdırmaq üçün Kənd Təsərrüfatı nazirini Naxçıvana göndərib. “Canişin” əfəndi isə paxırının ortaya çıxmaması üçün iki nazirin bir araya gəlməsinin qarşısını almağa çalışıb. Amma bu məlumat media orqanlarında yayıldıqdan sonra Bakıdan Azərbaycan Kənd Təsərrüfatı naziri Məcnun Dadaşova telefon zəngi gəlib. Ona izah edilib ki, Naxçıvanın Kənd Təsərrüfatı nazirini də dinləmək lazımdır. Məcnun müəllim də Bakıya qayıdışını 1-2 gün təxirə salıb və Xəyalə Dadaşova ilə görüşüb. Xəyalə xanımın ona Naxçıvanın aqrar sektorunda yaşanan eybəcərliklərlə əlaqədar ciddi məlumatlar verdiyi bildirilir.
“Canişin” həzrətlərinin Məcnun Məmmədova bu cür qadağalar qoya bilməsi də təsdüfi deyilmiş. İddialara görə, Məcnunla o, yaxın dost imişlər. Üstəlik, əvvəllər eyni holdinqdə bir yerdə işləyirmişlər. Lap Seyid Əzim Şirvaninin dediyi kimi:
“Məcnun ilə mən məktəbi-eşq içrə oxurduq,
Mən Müshəvi xətm etdim, o vəl-Leylidə qaldı”.
Görünür, “canişin” əfəndi də “Müshəvi”ni xətm etdiyindən Məcnuna sözünü yaxşı keçirə bilirmiş.
Mənbəmizin iddialarından bəzi sətiraraları:
“Ceyhun Cəlilovun Naxçıvan kənd təsərrüfatını çökdürmək bahasına Baş nazir olmaq sevdası onu bu cür addımlar atmağa vadar edib. Çünki Azərbaycan Əmək və Əhalinin Sosial Müdafiəsi naziri Sahil Babayevin adamıdır və təkcə Naxçıvana yox, Azərbaycanın müxtəlif rayonlarına göndərilən dabaqlı heyvanları o ucuz qiymətə alıb aztəminatlı ailələrə sırımaq istəyirdi.
Xəyalə Dadaşovanın bununla bağlı ciddi təxirəsalınmaz tədbirlər görməsi və ölkə rəhbərliyini məlumatlandırması Fuad Nəcəflini və onun “5-ci kolon”a məxsus klanının bütün planlarını pozdu. Bu ilin əvvəllərində Sahil Babayev tərəfindən Naxçıvana verilən inəklərdə ünvanına təslim edilməsinin səhərisi tələfolma halları və dabbaq xəstəliyinin əlamətlərini görən təsərrüfatçılar həyəcan siqnalı çaldılar və onların harayına ilk çatan Xəyalə xanım oldu. Aparılan təhlillər, analizlər və Muxtar Respublikanın təcrübəli baytarları inəklərin dabaq olduğunu təsdiqlədilər. Hətta Xəyalən xanımın bəzi analizləri Türkiyədə apardığı da iddia olunur. Sahil Babayev və Ceyhun Celilovun Naxçıvana qarşı qida terorizmi həyata keçirməyə nə vadar etmişdi? Hesab edirəm ki, bu təkcə maxinasiya və ya korrupsiya faktı deyil. Bu həm də Naxçıvan da daxil olmaqla bütün respublikada qida təhlükəsizliyi problemi yaratmaq və ölkəni xaosa sürükləmək kimi ciddi təxribat hadisəsi də ola bilər. Məhz bu səbəbdən məsələyə təhlükəsizlik qurumları dərhal müdaxilə etməli, təxirəsalınmaz addımlar atılmalıdır.
Naxçıvanın Kənd Təsərrüfati naziri Xəyalə Dadasovanın bu xidməti olmasaydı, nazirliyin əməkdaşlarını və baytarlarını 24 saatlıq gücləndirilmiş iş rejiminə keçirməsəydi, Azərbaycan Respublikası Kənd Təsərrüfatı Nazirliyi lazim olan baytarlıq dərmanlarını Muxtar Respublikaya çatdırmasaydı, vəziyyət necə ola bilərdi? Sahil Babayevden aldığı tapşırığa görə Xəyalə Dadaşovanı danlayan Ceyhun Cəlilov ona “bu işə girişmə, ölkə başçısını məlumatlandırma” deyirmiş. Sahil Babayevin tapşırığına əsasən, təcili sürətdə heyvanlara saxta sertifikat verən Qida Təhlükəsizlik Agentliyinin sədri Qoşqar Təhməzli məsələnin ciddiyətinin fərqində olduğu üçün “Naxçıvan Qida”ya tapşırıq verib ki, bu diyardan Bakıya qəti şəkildə ət gətirilə bilməz”.
Qısası, şahbuzlu fermerin mənə istehzalı təbəssümlə dediyi “sən deyəsən, bunların dabbaqda gönünə bələd deyilsən” sözlərinin əsl mahiyyəti ortaya çıxır. Əgər bu iddialar öz təsdiqini taparsa, Xəyalə Dadaşovanın tabeçiliyində olduğu nazirlə görüşməməsinin dabbaqla birbaşa əlaqəsi varmış. Həm də sözün iki mənasında. Görünür, xanım Dadaşova məndən fərqli olaraq üzvü olduğu komandasının dabbaqda gününə yaxşı bələd imiş.
Hydər Oğuz
Ovqat.com
DogruXeber.az: - Hacıqabulda sosial çətinliklərlə yanaşı, ekoloji problemlərdən də əziyyət çəkən minlərlə yerli sakin var. Son təbii hadsisənin miras qoyduğu sel sularının fəsadları, eləcədə rayon ərazisində 500-ə yaxın fərdi yaşayış evinin qrunt sularında qərq olması və kanalzasiyaların bərbad halda olması rayon camaatı demişkən "dərdi batmanla gətirib". Yəni bu gün Hacıqabulda talehi məlum olmayan 500 ev və sosial sıxıntılardan əziyyət çəkən minlərlə yerli sakin dərdinə çarə tapa bilmir. Bəs bu vəziyyətdən camaatı kim qurtaracaq? görünür yenə dövləti yeyən məmurlar, dövlətə sığınacaq, kömək dilənəcək. Bəs onda hər işi dövlət görəcəkdisə, əcəba SİZLƏR nəyə lazımsız, axı nəyə görə böş yerə vəzifə zəbt etmisiniz deyib, axtarışına çıxan bir qurub hacıqabullu Ekologiya.az-ın əməkdaşları ilə həmsöhbət olub.
Şikayətçi şəxslərin dediyinə görə, "rayon və rayonətrafı ərazilərdə, o cümlədən böyük kənlərdə sel suları ətrafa səpələnmiş zibil tullantılarınıda özüylə gətirib. Sel suları ayrı bir dərd, natəmizlik isə ayrı. Zibil tullantılarının aylarla yığılıb qalması ilə bağlı problemlər hələdə yerli məmurlar tərəfindən görməzdən gəlindiyinə əyani sübutdur. Bəs görəsən yeni rayon rəhbəri iclaslarda məmurlara nəyi tapşırır, nələrə görə tənbeh etdiyi məchuldur. Dəyən isə yenə hacıqabullulara yəni biz kasıblara dəyir..."
Bunbunla yanaşı rayon bələdiyyəsi və Hacıqabul İH-nin Mənzil İstisiaar Təssərrüfatı birliyinin vəzifəlilərindən boğaza yığılan narazı yerli sakinlər bildirir ki, bir çox kənd və qəsəbələrdə, eləcədə rayonda zibil tullantıları atmağa zibil qutuları məhdud saydadı. İnsanlar kütləvi yaşadıqları ərazilərdə zibil qutuları tapmadığından tullantıları evlərin, məhəllələrin kənarına atır, ya da yolqırağı yerlərdə torpağa basdırırlar. Çoxmərtəbəli binalarda isə sakinlərin tullantıları yaşadıqları binaların girişinə, küçəyə, hara gəldi tullaması halları da rayonda hələ də özünü göstərməkdədir. Yaxud rayonətrafı qəsəbələrdə zibil qutuları bir çox hallarda “əlçatmaz” məkanlarda-yağışda palçığı dizə çıxan yerlərdə qoyulur ki, sakinlər də belə qutulara “yan ala” bilməyib zibilləri hara gəldi atırlar.
Demək olar ki, rayonda tullantıların idarə olunması miqyası sıfır səviyyədədir. Rayon miqyasında mövcud problemlərdən biri də ətraf mühitin davamlı çirkləndiricilər və ağır çoxçeşidli tullantılarla çirklənməsidir ki, buda COP 29 öncəsi olduqca aktual və həlli vacib problemdir, deyə narazı sakinlər əməkdaşlarımıza bildirib.
Onlar hazırkı həlli vacib problemlərlərin aradan qaldırılması üçün dəfələrlə Hacıqabul İH-nin yeni təyin olmuş rəhbərinin
qəbuluna getsələrdə, icra başçısının ya tədbirdə, yada ki şəxsi işləri ilə bağlı rayonda olmadığı, qəbulda oturan köməkçi tərəfindən bildirildiyi də sakinlərin şikayətində əksini tapıb.
QEYD:
Növbəti yazıda işini donduran Hacıqabul rayonundakı məmurlarla bağlı geniş reportaj dərc edəcəyik. Hər bir rayon sakininin dərdlərin dinləyib, şikayət və müraciətlərini işıqlandırmağa hazırıq! Hörmətli rayon sakinləri, şikayət və müraciətlərinizi saytımızdakı elektron ünvanımıza göndərə bilərsiz!//Ekologiya.az
Elm və Təhsil Nazirliyi dünən iki tenderinin nəticələrini açıqlayıb. Tribunainfo.az xəbər verir ki, bu tenderləri nazirlik üçün “cek pot” da adlandırmaq olar. Çünki həddindən artıq böyük məbləğli satınalma müsabiqəsi hesab olunur.
Rəsmi məlumatlarda qeyd edilir ki, nazirliyin Təsərrüfat Hesablı Əsaslı Tikinti və Təhcizat İdarəsi mebel inventarlarının satınalınmasını həyata keçirəcək. Bu məqsədlə qurum “VEST-LTD” QSC ilə 17.981.180,51 manatlıq satınalma müqaviləsi imzalayıb.
Bundan başqa, nazirlik daha bir tenderiylə bir sıra təhsil müəssisələrində təmir, kommunal-kommunikasiya və abadlıq işlərinin satınalınmasını həyata keçirməyi qərarlaşdırıb. “Bakımexanizasiyanəqliyyat” ASC ilə bu məqsədlə 4.771.043,24 manatlıq müqavilə bağlanılıb.
Tribunainfo.az hər iki şirkətlə bağlı qısa araşdırma aparıb. Məlum olub ki, Elm və Təhsil Nazirliyi ötən il “Vest-LTD” QSC-dən təxminən eyni məbləğdə – 17 milyon 87 min 191 manat 14 qəpiyə mebel inventarları satın alıb. Bunlardan başqa “Vest-LTD” QSC 2022-ci ildə nazirliyə 16 milyon 930 min manatlıq, 2021-ci ildə isə 12 milyon 499 min manatlıq mebel inventarları da satıb.
Bildirək ki, “Vest-LTD” QSC 14 aprel 2010-cu il tarixində dövlət qeydiyyatına alınıb. Nizamnamə kapitalı 2050 manat olan şirkətin hüquqi ünvanı Bakı şəhəri, Binəqədi rayonu, Cavad xan, ev 51, m. 46 olaraq göstərilir. Şirkətin qanuni təmsilçisi isə Verdəliyev Şahin Əlimərdan oğludur.
Maraqlıdır ki, bu şirkət həm mebel satır, həm Ucarda yol asfaltlayır, həm də ölkənin o biri başında abadlaşdırma işləri görür. Bu qədər böyük tenderlərin qalibi olan şirkətin isə rəsmi saytı yoxdur.
İkinci tenderin qalibi olmuş “Bakımexanizasiyanəqliyyat” ASC də elə “vest-LTD” kimi universal şirkətdir. Belə ki, bu şirkət “Azərişıq” ASC ilə hələ 2022-ci ildə Sabirabad rayonu, Qaratuğay və Ətcələr kəndləri ərazisində 10 və 6 kV-lıq hava xəttinin, KTM-lərin və 0,4 kV-luq ÖİN xətlərinin yenidən qurulmasını həyata keçirib və 3 785 769 manatlıq müqavilə bağlayıb. İndi isə Təhsli Nazirliyi üçün abadlıq işləri görəcək.
Qeyd edək ki, “Bakımexanizasiyanəqliyyat” ASC 2004-cü ildə dövlət qeydiyyatına alınıb, nizamnamə kapitalı 128 212 manatdır və qanuni təmsilçisi Zabir Nağıyevdir.
Bu qurum haqqında da açıq mənbələrdə heç bir məlumat yoxdur.
Səhifələrimdə həmişə ictimai yerlərdə gördüklərimiz mədəniyyətsizliyə, tərbiyəsizliyə göz yummamağa çağırmışam və bildirmişəm ki, bu bizim gələcəyimiz üçün ən böyük problemdir. Bu gün cəmiyyətimizin ciddi mədəniyyət, əxlaq problemləri var. Mədəni cəmiyyətdə bizdə olan korrupsiya, rüşvət, yeyinti, insanların addımbaşı bir-birilərinin haqqını yemək problemi bu həddə olmaz. Mədəni insan hakimiyyət pilləsində tutduğu vəzifəsini dədə malı hesab edib qohum-əqrəbasını ora öz şəxsi evinə toplayan kimi yığmaz. Bu gün mən də sizin kimi o qədər yalan eşidirəm ki, gözümlə görüb, qulağımla eşitmədiyim heç nəyə və heç kimə inanmıram. Ona görə də bu səhifələrimdə də ancaq gözümlə görüb, qulağımla eşitdiklərimi paylaşmağa üstünlük verirəm. Dəfələrlə ictimai yerlərdə, o cümlədən idman zallarında qarşılaşdığım çatışmazlıqlarla, insanların rəftarlarında yol verdikləri mədəniyyətsizlik, tərbiyəsizlik barədə yazmışam. Heç tanımadığım şəxslərin hazırladıqları faydalı sosial yönlü çarxlarını bir çox hallarda pullu reklam verməklə paylaşmışam. Bəzilərinin fikirləşdiyi kimi bu işlər faydasız deyil və cəmiyyətdə bu istiqamətdə kifayət qədər olmasa da irəliləyiş var. Ona görə əgər Azərbaycanı özümüzə Vətən sayıb özümümzün və gələcək nəsillərimizin burada yaşamasını düşünürüksə bu fəaliyyəti bu gün hamımız üçün çox vacib sayıram.
Bir müddət bundan əvvəl Bakıda ciddi bir əməliyyat keçirib xəstəxanada yatası oldum. Düzünü deyim ki, ona qədər özəl xəstəxanalarda olan bu acınacaqlı vəziyyətdən xəbərim yox idi. Xəstəxanadan çıxandan sonra apardığım araşdırmamda gördüm ki, indi təsvir edəcəyim biabırçılıq bu və ya digər formada tək Liv Bona Dea xəstəxanasında yox, bütün özəl klinikalarda mövcuddur. Əvvəlcə bəzi qiymətlərə diqqət yetirəndə belə təəssürat yaranır ki, bu ölkədə nə Azərbaycan Respublikasının İqtisadiyyat Nazirliyi, nə də Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti yoxdur. Əgər bu qurumlar fəaliyyət göstərsə özəl xəstəxanalardakı qiymətlər belə ola bilməzdi. Bu qiymətlər insanlara göstərilən xidmətin qiyməti deyil, bu, soyğunçuluqdur. Özəl xəstəxanalardakı vəziyyəti araşdıranda eşitdiklərim, gördüklərim sözün əsl mənasında insanların faciəsi üzərində qurulmuş bir soyğunçuluq şəbəkəsi idi. Məcburən xəstələrini özəl klinikalara yerləşdirən şəxslərin doğmasını xilas etmək üçün sözün əsl mənasında evlərini satmalarının, necə alçalaraq diləndiklərinin şahidi oldum. Ona görə də hər birinizdən xahiş edirəm ki, özünüzün, qohumlarınızın yatdıqları klinikalarda rastlaşdığınız çatışmazlıqları, özbaşnalıqları, soyğunçuluğu ictimailəşdirməkdən çəkinməyin, çünki bu hala dözmək artıq insan olmamaq deməkdir.
Necə ola bilər ki, Bakı şəhərinin mərkəzindəki mehmanxanalarda təxminən mən yatdığım xəstəxanadakı kimi otaqların qiyməti 100 (yüz) manat, Liv Bona Deada isə 300 manatdır. Əgər elə həmin otaqda xəstənin yanında qalan olarsa (demək olar ki, hər əməliyyat keçirmiş 2 xəstədən birinin yanında yaxın qohumun qalması vacib olur) həmin otaqda yerləşdirilmiş stulabənzər divana görə əlavə 70 manat ödəmək lazımdır. Xəstəxanada bütün qiymətlər Avropa qiymətlərinə bərabər olsa da göstərilən xidmətin keyfiyyəti heç onun yarısı da deyil. Əməliyyatdan sonra hər xəstənin hərəkət etməsi üçün tutub gəzməyə ştativ lazımdır. Mən qaldığım müddətdə 15 xəstə otağı üçün cəmi 3 ştativ var idi. Onun da biri tam yararsız idi, çünki onunla dəhlizdə hərəkət zamanı sanki otağın yanından təkəri qırıq araba keçirdi. Əməliyyat keçirmiş xəstələr hökmən hərəkət etməlidirlər, lakin yetərli sayda ştativ olmadığına görə onlar məcburən bütün gecəni də həmin cırıldayan ştativlə gəzdiklərinə görə cır-cır səsindən yatmaq mümkün deyildi. Mən hələ xəstələrin bu ştativ uğrunda dalaşmalarını demirəm. Bir gün elə mənim də otağıma qulluq edən tibb bacısı gəlib ştativ üstündə xəstənin onu təhqir etdiyini və ştativdən istifadə etməsə də başqalarının istifadəsinə vermədiyini dedi. Mən xəstənin təhqir etməsində haqsız, ştativi verməməkdə isə haqlı olduğunu bildirdim, çünki xəstə yatan hər otaqda ştativ olmalıdır. Təzyiqi ölçmək üçün olan aparatların manjeti isə çoxdan sıradan çıxdığından təzyiq ölçən zaman qolun tam sıxılması üçün bir əlinlə manjeti tutmalısan ki, açılmasın. Otaqda duş qəbul ediləndə duşun düz qurulmadığından suyu otağa qədər axırdı. Xəstə geyimlərinin keyfiyyətini isə heç dilə də gətirmirəm, həddindən artıq işləndiyindən artıq yararsız vəziyyətdə idilər. Bu sıranı artırmaq da olar. Burada gördüyüm ən təəccüblü hal isə, həkim olmasam da məntiqə sığmayan yemək menyusu idi. Əməliyyat keçirmiş xəstələr yatılı vəziyyətdə çox olduqlarından, hərəkətsiz qaldıqlarından onlarda qəbizlik yaranmaması üçün yemək rasionunda meyvə, tərəvəzə üstünlük verilməlidir. Mən qaldığım müddətdə isə demək olar ki, hər gün aş verildi. Dəfələrlə soruşsam da bu məntiqsizliyin cavabını heç cür tapa bilmədim. Mədəmdə problem olduğundan yeməyin tomatsız olmasını dəfələrlə xahiş etsəm də buna reaksiya verən olmadı. Sonuncu dəfə yeməyin tomatı olmayana dəyişdirilməsini tələb edəndə isə bildirildi ki, yeni gətirəcəyimiz yemək üçün əlavə ödəniş etməlisiniz. Şəhərin mərkəzində yerləşən istənilən mehmanxananın otağında çay içmək üçün su, dəm çayı və çay hazırlamaq üçün çaynik mövcuddur. Burada isə belə bir şey olmadığından otağa bir stəkan çay istəyəndə 3 manat ödəməlisən.
Sadaladığım çatışmazlıqlar tibbi personalın yox, klinika sahiblərinin də yox, klinikanı idarə edənlərin səhvi idi, çünki bu çatışmazlıqlar barədə tibb personalı tərəfindən dəfələrlə onlara deyilsə də tədbir görülməmişdi, ona görə ki, məqsədləri imkan olduğu qədər çox qazanc əldə etməkdir. Həqiqətən bu xəstəxanada olan həkimlərdən bir çoxu dünya miqyasında tanınmış həkimlərdən heç də geri qalmırlar.
Yekunda bir faktı da deyim ki, məndə olan məlumata görə Liv Bona Dea sahibkar tərəfindən icarə verildiyindən oranı Türkiyədən olan iş adamları idarə edirlər. Həmin iş adamlarının klinikadakı nümayəndəsi isə elə mənimlə danışanda sanki dünyadan xəbəri olmayan birisi ilə danışırdı.
Aslan Ismayilov
TEREF
Ədliyyə Nazirliyinin Tibb Baş İdarəsinin keçmiş rəisi Rəfail Mehdiyevin yeni vəzifəyə təyinatı ilə bağlı müəmma davam edir.
Qaynarinfo xatırladır ki, cari ilin iyul ayında Ədliyyə Nazirliyinin Tibb Baş İdarəsinin rəisi vəzifəsindən azad edilən general-mayor Rəfail Mehdiyev bu günlərdə Fövqəladə Hallar Nazirliyinin (FHN) Tibb Xidmətinin tibb işləri üzrə rəis müavini vəzifəsinə təyinat edilib. Bununla bağlı fövqəladə hallar naziri Kəmaləddin Heydərov müvafiq əmr imzalayıb.
Bəs bu təyinatdakı müəmma nədən ibarətdir?
Məsələ burasındadır ki, Rəfail Mehdiyev əvvəlki vəzifəsindən azad edildikdən sonra onun fəaliyyəti ilə bağlı yoxlamaların başlaması barədə məlumatlar yayılıb. Həmin məlumatlarda iddia edilir ki, Rəfail Mehdiyevin idarə rəisi olduğu bir neçə il ərzində təcridxana və cəzaçəkmə müəssisələrindəki məhbusların tibbi təminatı ilə bağlı milyonlarla manatlıq vəsait yoxa çıxıb. Xüsusilə, məhkumların müalicəsi üçün nəzərdə tutulan dərman preparatlarının böyük bir hissəsi Bakıda müxtəlif apteklərdə satılıb.
Bundan başqa, cəzaçəkmə müəssisələrindəki tibb məntəqələrinin avadanlıqlarının yenilənməsi üçün ayrılan vəsaitlər də yalnız sənədlərdə əks olunub. Eyni zamanda, məlum olub ki, cəzaçəkmə müəssisələrinə sağlam vəziyyətdə daxil olan bəzi şəxslər sonrakı illərdə hepatit və vərəm xəstəliklərinə yoluxublar.
Bu məlumatları yayan media subyektləri kifayət qədər ciddi reputasiyaları ilə tanınır. Digər tərəfdən, həmin vaxt məlumatlar nə Ədliyyə Nazirliyi, nə də Rəfail Mehdiyev tərəfindən təkzib edilib.
Bununla belə, Qaynarinfo Rəfail Mehdiyevlə əlaqə saxlayaraq, Ədliyyə Nazirliyi Tibb Baş İdarəsinin rəisi vəzifəsindən azad edilməsinin səbəbləri ilə maraqlanıb. Rəfail Mehdiyev bu barədə həvəssiz danışıb. O, əvvəlcə "Mənimlə niyə maraqlanırsınız? Bunun səbəbi nədir?" kimi suallarla əməkdaşımızın konkret soruğusuna cavab verməkdən yayınmağa çalışıb. Lakin sonradan əvvəlki işindən könüllü çıxdığını və öz istəyi ilə FHN-ə getdiyini bildirib.
Mehdiyevin bu açıqlaması səmimi görünmür. Əvvəla, Azərbaycanda vəzifə təyinatları istək və arzularla reallaşmır. İkincisi, Rəfail Mehdiyevin rəis vəzifəsindən çıxıb öz istəyilə aşağı vəzifəyə getmək istəməsi inandırıcı görünmür.
Bəzi iddialara görə, Kəmaləddin Heydrovun bu təyinatı əslində Rəfail Mehdiyevi qorumaq məqsədi daşıyır. Fövəqladə hallar nazirinin təcrübəsində belə hallar əvvəl də olub. Məsələn, hazırda həbsdə olan keçmiş əmək və əhalinin sosial müdafiəsi naziri Səlim Müslümov 90-cı illərdə 26 milyonluq maxinasiyaya görə həbs edilib, qısa müddətə azadlığa buraxıldıqdan sonra mediada onu həbsdən Kəmaləddin Heydərovun çıxardığı barədə məlumatlar yayılmışdı. Səlim Müslümov azadlığa buraxıldıqdan sonra Dövlət Sosial Müdafə Fondunun sədri vəzifəsindən əmək və əhalinin sosial müdafiəsi naziri vəzifəsinə qədər yüksəlmişdi. Onun "uğurlu karyerası" isə Kəmaləddin Heydərov faktoru ilə əlaqələndirilirdi. Lakin naziri Səlim Müslümovu sona qədər qoruya bilmədi. Səlim Müslümov ikinci dəfə dəmir barmaqlıqlar arasına salındı.
Rəfail Mehdiyev də oxşar taleni yaşaya bilərmi? Bunu zaman göstərərəcək...
"Deyib ki, sənəd göstərəydilər ki, mənim adımadır. Əlbəttə ki, rəsmi olaraq öz adını qeyd etdirməyib, bacısının və onun həyat yoldaşının adına rəsmiləşdirib.
Sənədlər məndə..."
TEREF yazır ki, bunu müstəqil araşdırmaçı jurnalist Cavanşir Həsənli yazır. Jurnalist daha sonra vaxtının az olduğundan olduğundan şikayətlənərək yazır:
"Vaxt məhdudiyyəti ilə bağlı ətraflı yaza bilməmişəm. Amma xamım deputatımızı da çox intizarda saxlamayacağam. Toplu halında, küliyyat şəklində dərc edəcəyəm. Hələlik isə aşağıda bir vərəqini təqdim edirəm. Orada Fransada Alp dağları ilə əhatə olunan Mələklər buxtasının sahilində Kamranovnalara aid sökülən villanın ümumi dəyəri təxminən 6 milyon avro qiymətləndirilir. Mən isə xətaya yol verərək 5 milyon olduğunu qeyd etmişdim. İmza xanım Kamranovnaya aiddir."
