Dövlət Su Ehtiyatları Agentliyinin fəaliyyəti üçün milyonlarla dotasiya ayrılır. Qurumun zərərlə işlədiyi məlumdur. Hələ “Azərsu” adlanan dönəmdə zərər hər il 100 milyon manatı keçirdi. Məsələn, 2022-ci ildə göstərici 180 milyon manatdan çox olmuşdu. Üstəlik, bərbad fəaliyyət cəmiyyətdə haqlı və ciddi narazılıq yaratmışdı. Bəlkə də, qurumun adını məhz buna görə dəyişdilər.
Bizimyol.info xəbər verir ki, agentlik dövləti ən çox borclandıran təşkilatlardandır. Xarici borclanmada xüsusi rol oynayır. Su təsərrüfatının idarə olunması da göz qabağındadır. Amma dotasiyanın ardı kəsilmir. Üstəlik, agentliyə daxil olan İri Şəhərlərin Birləşmiş Su Təchizatı Xidməti 2 milyon manatlıq tender elan edib. Məlum tender baş verə biləcək qəzaların aradan qaldırılması üçün lazım olan avadanlıq və mal-materialların satın alınması ilə bağlıdır. Alınacaq materialların siyahısı qeyd olunub, məbləğin 2 milyon manatı aşması da. Halbuki çox böyük pullardan söhbət gedir. Həmin pullar şəhər su təsərrüfatını tam qaydasına salmalıdır. İri Şəhərlərin Birləşmiş Su Təchizatı Xidməti sosial platforma səhifələrində yazılan rəylər isə indiyə qədər ayrılan vəsaitlərin bir işə yaramadığını göstərir.

Hövsandan Türkan Bayramova yazıb ki, uzun müddətdir evlərinin yaxınlığından keçən su xəttində sızma müşahidə edirlərmiş. Xidmətin qaynar xəttinə dəfələrlə zəng vurublar, maraqlanan olmayıb. Bu yerdə Türkan xanım “1248 dəfə” ifadəsini rişxəndlə yazıb. Yəni uzun müddətdir problemin həlli üçün çalışırlar. İki gün əvvəl boru partlayıb, evi su basıb. 955 qaynar xəttinə zəng zamanı yalnız laqeydlik görüblər.

Əbülfəz Babazadə yazır ki, Sahil qəsəbəsində tez-tez sular kəsilir. İri Şəhərlərin Birləşmiş Su Təchizatına müraciət edir. Gözlənildiyi kimi, heç bir reaksiya yoxdur.

Eltun Dövlətzadə Xırdalanda kanalizasiya problemi ilə üzləşdiklərini, amma əlaqədar qurumun işə vecsiz yanaşdığını qeyd edib. Onun da müraciəti havada qalıb.

Nə qədər belə problemlər var. Milyonlar nəyə sərf olunur, bilmək olmur. Nə xidmətdirsə, hər halda, əhaliyə xidmət etmir.

Aytən, Bizimyol.info

Holcim Azərbaycan Açıq Səhmdar Cəmiyyətinə yazılan inzibati protokola baxılacaq tarix açıqlanıb.
Pravda.az-ın xəbərinə görə, sənədə Qaradağ Rayon Məhkəməsinin hakimi Teymur Qurbanovun sədrliyi ilə noyabrın 5-də baxılacaq.

Xatırlatma: Mərkəzi Bank protokolu İnzibati Xətalar Məcəlləsinin 430.4-cü (Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsinə əsasən tərtib edib.

Yazılan digər protokola isə (İnzibati Xətalar Məcəlləsinin 233.1-ci maddəsi: Ətraf mühitə atılan, axıdılan və ya basdırılan zərərli maddələrin miqdarının yol verilə bilən normativlərdən artıq olmasına görə vəzifəli şəxslər iki min beş yüz manatdan dörd min manatadək məbləğdə, hüquqi şəxslər on min beş yüz manatdan on iki min beş yüz manatadək məbləğdə cərimə edilir) Qaradağ Rayon Məhkəməsinin hakimi Teymur Qurbanovun sədrliyi ilə noyabrın 4-də baxılacaq.

Oktyabrın 26-da Naxçıvan şəhərindəki “Saat Meydanı” İstirahət Mərkəzində “GreenFest”in açılışı olub.

Rəsmi çıxışlardan sonra “GreenFest” çərçivəsində keçirilən ekoloji startap layihələrinin qalibləri mükafatlandırılıb, sərgi ilə tanışlıq olub.

Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin dəstəyi, Naxçıvan Muxtar Respublikası Ekologiya və Təbii Sərvətlər, Ədliyyə, Gənclər və İdman, Təhsil nazirlikləri, Naxçıvan Şəhər İcra Hakimiyyəti, Dövlət Energetika Xidməti və Naxçıvan Dövlət Universitetinin birgə təşkilatçılığı ilə keçirilən sərgi ətraf mühitin mühafizəsinə həsr olunub. Sərginin keçirilməsində məqsəd müasir ekoloji problemlərin elm, texnologiya, startap təqdimatları və müxtəlif stendlər vasitəsilə ictimaiyyətə çatdırılması idi.

Bu tədbirlə bağlı yayılmış rəsmi məlumatdan aydın olur ki, muxtar respublikada COP29 və “Yaşıl dünya naminə həmrəlik ilinə hazırlıq”la bağlı yaradılmış İşçi qrupunun rəhbəri Naxçıvan Muxtar Respublikası ədliyyə nazirinin müavini, nazir vəzifələrini icra edən Hüseyn Səfərovdur.

Açığı bu məlumatla tanış olanda düşündük ki, yəqin, səhvə yol verilib. Çünki Ədliyyə Nazirliyinin COP29 tədbirinə nə aidiyyəti var? Naxçıvandakı mənbələrdən dəqiqləşdirmə apardıqdan sonra öyrəndik ki, heç bir səhv yoxdur. Muxtar respublikada COP29-la bağlı yaradılmış İşçi qrupunun rəhbəri ədliyyə nazirinin müavinidir.

Beləliklə, Naxçıvanda Vasif Talıbovun rəhbərliyi dövründə olduğu kimi, mərkəzi hakimiyyətdən fərqli, daha bir absurd qərar verilib.

Bəs Bakıda necədir?

Azərbaycan Respublikası ekologiya və təbii sərvətlər naziri Muxtar Babayev COP29-un müəyyən edilmiş Prezidentidir. Muxtar Babayev bu vəzifəyə 2024-cü ilin yanvarında təyin edilib və daha əvvəl keçirilmiş beş COP-da Azərbaycanın nümayəndə heyətinə rəhbərlik edib.

2024-cü il yanvarın 13-də Azərbaycan Respublikasının Prezidenti İlham Əliyev “Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının keçirilməsi ilə əlaqədar Təşkilat Komitəsinin yaradılması haqqında” Sərəncam imzalayıb.

Azərbaycan Respublikası Prezidentinin Administrasiyasının rəhbəri Samir Nuriyev Təşkilat Komitəsinin sədri təyin edilib.

Komitənin tərkibində inklüziv və geniş tərkibdə təmsilçiliyin təmin edilməsi məqsədilə Azərbaycan Respublikasının Prezidenti İlham Əliyev 2024-cü il yanvarın 19-da və fevralın 22-də Komitənin tərkibinin genişləndirilməsi ilə bağlı yeni sərəncamlar imzalayıb.

Göründüyü kimi, Azərbaycanda keçiriləcək COP29-un müəyyən edilmiş Prezidenti ekologiya və təbii sərvətlər naziri, Təşkilat Komitəsinin sədri isə Prezident Administrasiyasının rəhbəridir. Azərbaycanın ədliyyə naziri və müavinləri COP29-la bağlı yaradılmış Təşkilat Komitəsinin heç üzvü də deyil.

Ölkədə belə olduğu halda Naxçıvanda COP29-la bağlı yaradılmış İşçi qrupuna ədliyyə nazirinin müavininin rəhbər təyin edilməsi başadüşülən deyil. Axı Naxçıvanda da Ekologiya və Təbii Sərvətlər Nazirliyi var. O zaman belə anlaşılır ki, ekologiya və təbii sərvətlər naziri bu işin öhdəsindən gələ bilməyəcəyinə görə, İşçi qrupunun rəhbəri təyin olunmayıb. Muxtar respublikanın ekologiya və təbii sərvətlər naziri Xanlar Muxtafayev bu işin öhdəsindən gələ bilməyəcəyi təqdirdə belə Hüseyn Səfərovun İşçi qrupunun rəhbəri olması yenə də absurddur. Naxçıvanda bu vəzifəni yerinə yetirə biləcək xeyli səlahiyyətli şəxs var.

Görünür, Naxçıvanda hansı vəzifəli şəxsin nə işlə məşğul ola biləcəyini hələ də müəyyənləşdirə bilməyiblər. Dövlətçilik təcrübəsi, idarəçilik bacarığı olmayanda belə mənzərələr ortaya çıxır. Bunun başqa izahı yoxdur. Yəqin ki, Naxçıvan rəhbərliyi Vasif Talıbov kimi Bakıya meydan oxumaq fikrinə düşməyib...

TNS

Naxçıvan Sağlamlıq Mərkəzi "Azəri Med" Qapalı Səhmdar Cəmiyyəti (QSC) 1 088 995,27 manat dəyərində satınalma müqaviləsi bağlayacaq.

Qaynarinfo-nun məlumatına görə, şirkət Mərkəzin tibbi avadanlıqların satın alınması ilə bağlı keçirdiyi tenderin qalibi seçilib.

"Azəri Med" QSC tibb sektorunda fəaliyyət göstərən iri şirkətlərdən biridir. Şirkət əsasən tibbi avadanlıqların satışını həyata keçirir.

2004-cü ildə təsis edilən "Azəri Med" QSC-nin nizamnamə kapitalı 10 000 manatdır. Şirkətin qanuni təmsilçisi Rəhimli Famil Vəli oğludur. Lakin "Azəri Med" QSC-nin əsl sahibi kimi deputat Kəmaləddin Qafarovun adı çəkilir.

Şirkət haqqında yayılan və təkzib edilməyən məlumatlar bu iddianın əsassız olmadığı qənaətini yaradır.

"Azəri Med" QSC-nin 2009-2013-cü illərdə qanuni təmsilçisi olmuş Qafarov Hüsaməddin Şəmsəddin oğlu Kəmaləddin Qafarovun yaxın qohumudur.
Bundan başqa, reyster məlumatlarında şirkətin hüquqi ünvanı kimi qeyd edilən Binəqədi rayonu, Mustafa Kamal Atatürk prospekti, ev 65 A, məhəllə 3078A, mənzil 155-də deputatın ailə üzvlərinin qeydiyyatda olduğu bildirilir.

Kəmaləddin Qafarov deputat olmamışdan əvvəl Milli Onkologiya Mərkəzinin (MOM) direktor müavini vəzifəsində çalışıb. "Azəri Med" QSC-nin MOM-un keçirdiyi tenderlərin dəyişməz qalibi olması da bununla əlaqələndirilir.

Azərbaycan qanunvericiliyi deputatın biznes fəaliyyəti ilə məşğul olmasını qadağan edir.

Şəmkir Rayon İcra Hakimiyyəti avtomobil yollarının təmiri işlərinin satın alınması ilə bağlı tenderə yekun vurub.
Qaynarinfo-nun məlumatına görə, tenderin qalibi “Göygöl Tikinti” MMC seçilib.
Şirkət yolların təmiri üçün 1 339 546,41 manat təklif edib. Satınalma predmetinin ehtimal olunan qiyməti isə 1 350 253,74 manat müəyyənləşdirilib. Aydın olur ki, şirkət ehtimal olunan qiymətdən 10 707 manat aşağı qiymət təklif etməklə tenderi qazanıb.
“Göygöl Tikinti” MMC 10 manatlıq nizamnamə kapitalı yaradılıb. Şirkətin qanuni təmsilçisi Tağıyev Anar Əhməd oğludur. Şirkət və qanuni təmsilçisi haqqında heç bir məlumata rast gəlinmir.
Buna baxmayaraq, “Göygöl Tikinti” MMC dövlət satınalmalarında fəal iştirak edir və əsasən yerli icra hakimiyyətlərinin təmir-tikinti işləri ilə bağlı keçirdikləri iri məbləğli tenderlərin qalibi seçilir.
Bu arada qeyd edək ki, Şəmkir Rayon İcra Hakimiyyəti ötən il də avtomobil yollarının təmiri ilə bağlı tender keçirib. Bu tenderin qalibi “KRB Projects” şirkəti seçilib. Şirkətin qiymət təklifi 1 267 325,64 olub.
Bir il sonra Şəmkirdə yenidən avtomobil yollarının təmirinə zərurət yaranması anlaşılan deyil.
Şəmkir Rayon İcra Hakimiyyətinin başçısı Rəşad Tağıyevdir. O, 2021-ci ildən rayona rəhbərlik edir.

Azərbaycanda təəssüf ki, daha çox kampaniya təəssüratı yaradan “adda-budda” korrupsiya ilə mübarizə tədbirlərinin nəticəsi odur ki, bir çox sahələrdə bu bəla hələ də qalmaqda, hətta genişlənməkdədir. Bura rayon icra hakimiyyətləri, dövlət satınalmaları, tenderlər və digər sahələrdən tutmuş hüquq-mühafizə orqanlarına qədər bir çox strukturlar aid edilə bilər...

Ancaq hər halda, ötən illər ərzində bələdiyyə sədrlərindən, ayrı-ayrı gömrük və vergi əməkdaşlarından, icra başçılarından tutmuş nazir müavinlərinə və hətta nazirə qədər(Səlim Müslümov) korrupsiya və rüşvətə görə barəsində cinayət işi açılanlar, həbs edilənlər, əmlakı müsadirə olunanlar var.

Vaxtilə “MTN işi”, “Rabitə işi”, Mədəniyyət Nazirliyi, Xarici İşlər Nazirliyilə bağlı və digər hay-küylü korrupsiya işləri əsasında həbs olunan sabiq məmurların böyük əksəriyyəti artıq çoxdan azadlıqdadırlar. Bu qurumlarda baş verənlərə görə birbaşa cavabdehlik daşıyanlar isə, ümumiyyətlə, məsuliyyətə cəlb olunmadı.

Ancaq maraqlıdır ki, korrupsiya cinayətləri, dövlətdən, büdcədən oğurluqları sübut olunan, lakin 10-15 il iş alsa da 3-5 il sonra azadlığa buraxılan bu adamların demək olar hamısı həmin çapıb-taladıqları dövlət ilə əmlak, mal-mülk davasına qalxır. Baxmayaraq ki, məhkəmələrin müsadirə etdikləri əmlaklar çox vaxt onların real əmlakının, var-dövlətinin, mülklərinin cüzi hissəsi olub.

Ötən gün məlum olub ki, 2015-ci ildə məhşur "Rabitə işi" çərçivəsində həbs edilən Vidadi Zeynalov( Rabitə və Yüksək Texnologiyalar Nazirliyinin aparat rəhbəri), Beytulla Hüseynov ("Bakı Telefon Rabitəsi" İstehsalat Birliyinin sədri), Məhəmməd Məmmədov ("Aztelekom" MMC-nin baş direktoru) dövlətdən məhkəmə tərəfindən haqlı olaraq müsadirə edilmiş əmlaklarını yenə geri tələb edirlər.

Belə ki, onların əvvəlki iddiaları ilkin məhkəmə instansiyaları tərəfindən rədd edildiyi üçün indi də Ali Məhkəməyə üz tutublar. Hər üç şəxs 2015-ci ildə "Rabitə işi" çərçivəsində korrupsiya cinayətlərində təqsirləndirilərək həbs edilib. Bakı Ağır Cinayətlər Məhkəməsinin hökmü ilə Vidadi Zeynalovla Beytulla Hüseynov 13 il müddətinə azadlıqdan məhrum edilib. Məhəmməd Məmmədova isə 5 il 7 ay 19 gün şərti cəza verilib. Hərəsi 3-4 il sonra məhkəmə hökmü ilə cəzadan azad ediliblər. Məhkəmənin qərarı ilə hər üç şəxsin əmlakları müsadirə edilib. İndi onların geri tələb etdikləri əmlakların dəyəri isə 10 milyonlarla dollarla hesablanır.

“MTN işi” ilə bağlı həbs edilən sabiq paqonlu cinayətkarlar da dövlətdən əmlaklarını geri istəyirlər. Həmin iş çərçivəsində həbs olunan polkovniklərdən tutmuş generallar Mövlam Şıxəliyevə və Akif Çovdarova qədər demək olar hamı müsadirə edilən əmlaklarını tələb ediblər. Təkcə Çovdarovun əmlakı 30 milyon dollardan çox qiymətləndirilir.

Bir müddət əvvəl Prezident Administrasiyasının sabiq rəhbəri Ramiz Mehdiyevin qızı Kəmalə Əliyeva da atasının yerinə dövlətlə əmlak davasına çıxıb. O, "Baku Steel Company" MMC Müşahidə Şurasının keçmiş sədri Rasim Məmmədovun işi üzrə məhkəmədə Bakı Oksford Məktəbi binasının müsadirəsinə dair qərardan şikayət verib. Bakı Oksford Məktəbində 100 faizlik payın tən yarısının sahibi olan Mehdiyevin qızı məktəb binasının müsadirəsinə dair qərarın onun mülkiyyət hüququnu pozduğunu hesab edib və Ədliyyə Nazirliyinə qarşı iddia qaldırıb.

Dövlətə qarşı əmlak davası qaldıran sabiq məmurların siyahısını uzatdıqca uzatmaq olar, belə işlərin sayı-hesabı yoxdur.

Marqlıdır ki, təkcə azadlığa buraxılan deyil, hələ həbsdə olan sabiq məmurlar da əmlaklarını geri tələb edirlər. Məsələn, İmişlinin həbsdə olan sabbiq icra başçısı Vilyam Hacıyevin ailə üzvləri ümumilikdə 6 milyon manata yaxın dəyəri olan əmlaklarının geri qaytarılması tələbilə məhkəməyə müraciət ediblər.

Bəli, sırf hüquqi baxımdan hər bir Azərbaycan vətəndaşının məhkəməyə müraciət etmək və halal(!) haqqını geri almaq hüququ var. Ancaq məhz adını çəkdiyimiz və çəkmədiyimiz bu adamların əmlak tələbi Azərbaycandakı korrupsiyalaşmış, cinayətkar məmur tipinin həyasızlıq, abırsızlıq səviyyəsinin həddi-hüdudunun olamdığının sübutudur. Əlbəttə, Azərbaycan reallıqlarını nəzərə alsaq, bu əmlakların sonrakı taleyi, kimlərin əlinə, nəzarətinə keçdiyi barədə nəsə demək çətindir. Ancaq faktiki olaraq, onların zamanında sabiq məmurlar tərəfindən oğurluq pullarla alındığına çətin ki, şübhə ilə yanaşan tapıla.

Bəlkə də bu adamları əmlak davasına ümidləndirən, cəsarətləndirən nələrsə, kimlərsə var. Ancaq bu əmlakların geri verilməsi zatən heç də şəffaf reputasiyaya malik olmayan məhkəmələrimizin adına daha bir ləkə gətirər. Necə ki, Akif Çovdarovun əmlaklarının qaytarılması ilə bağlı məhkəmə qərarı çıxarılarkən bu baş verdi. Doğrudur, sonradan həmin qərar növbəti məhkəmə instansiyası tərəfindən ləğv olundu. Ancaq hər halda bu hadisə məhkəmə sistemimizin hansı vəziyyətdə olduğu barədə təsəvvürlərimizi bir daha “təzələmiş” oldu...

Ümumiyətlə, bu adamların əksəriyyəti ya elə həmin məhkəmələr tərəfindən vaxtından əvvəl azadlığa buraxılıblar, ya da əfv ediliblər. Belə görünür ki, onların azadlığa buraxılması həddindən artıq yumşaq, humanist, hətta bəzən səhv addım olub. Talançılığa, oğurluğa görə həbs edilən məmurun vaxtından əvvəl azadlıqda nə işi var ki, hələ dövlətlə xalqdan oğurladığı milyonlar hesabına aldığı əmlakların da davasını aparır, ona meydan oxuyur?

Elxan Qüdrətoğlu

“AzPoitika.info”

"Araz Supermarket" MMC-nin sədri Rəşad İbrahimov məhkəməlik oldu - SƏBƏBİ...
23:48 2024-10-24
“Araz Supermarket MMC” nin İcraçı direktoru və İdarə Heyətinin rəhbəri Rəşad İbrahimov barəsində protokol hazılanıb.

32gun.az-ın əldə etdiyi məlumata görə, İnzibati Xətalar Məcəlləsinin 192.4-cü maddəsi ilə (Siyasi, Sosial və Əmək Hüquqları əleyhinə olan İnzibati Xətalar) protokol Nəsimi rayon Məhkəməsinə təqdim olunub.

Məhkəmə prosesi Hakim Anar İbadzadənin sədrliyi ilə baş tutacaq.

"ARAZ SUPERMARKET" MMC 06.01.2011-ci ildə dövlət qeydiyyatına alınan şikrətin hüquqi ünvanı Bakı şəhəri Nəsimi rayonu, Mərdanov Qardaşları, ev 137-dir.

Xatırladaq ki "Araz supermarketlər əbəkəsi Veysəloğlu Şirkətlər Qrupuna daxildir. "Veysəloğlu" distribütor şirkətinin qurucuları Aydın Veysəloğlu, İlqar Talıbov və Bəxtiyar Allahverdidir.

"Veysəloğlu" Şirkətlər Qrupunun prezidenti Aydın Veysəl oğlu Talıbovdur.

"Svit Haus" Məhdud Məsuliyyətli Cəmiyyətinin (MMC) külli miqdarda vergi borcu yığılıb.

İqtisadiyyat.az-ın əldə etdiyi məlumata görə, şirkətin hazırda vergi borcu 12 374 585,71 manat təşkil edir.

Şirkətin bu qədər vergi borcunun yaranması təəccüb doğurur. MMC-nin uzun müddətdir vergi borcunu ödəməməsinin səbəbi isə məlum deyil.

Nəzərə alaq ki, Vergi Məcəlləsinin 23-cü maddəsinə əsasən vergi borcunun gecikdirilməsinə görə sanksiyalar nəzərdə tutulub.

Xatırladaq ki, "Svit Haus" MMC-nin adı mətbuatda qalmaqallarla yadda qalıb. Şirkət çoxmərtəbəli yaşayış binaların tikintisi ilə məşğul olur. "Svit Haus" MMC 2006-cı ildə dövlət qeydiyyatına alınıb. Nizamnamə kapitalı 17790 manat olan şirkətin qanuni təmsilçisi İmdad Dursunovdur.

Mətbuatda yayılan məlumatlara görə, şirkət "Bakı Toxucu Tikiş” ASC-nin sədri Cavanşir Xəlilova aiddir. Lakin "Svit Haus”un C.Xəlilovun qardaşı, Rusiyada yaşayan məşhur milyarder İsgəndər Xəlilova məxsus olduğu bildirilir.

Ali Məhkəmə Plenumunun 09 oktyabr 2024-cü il tarixli 9 nömrəli qərarı ilə
“İnzibati və mülki hüquq münasibətlərindən irəli gələn mübahisələrin
məhkəmə aidiyyətinə dair” Azərbaycan Pespublikası Ali Məhkəməsi
Plenumunun 10.04.2015-ci il tarixli 4 nömrəli qərarına əlavə və dəyişiklərin
qəbul edilməsinin önəmindən hüquqçuların, özəlliklə, vəkillərin şərhləri
mediada yayılıb. Düzü, peşəkar yanaşmadır, izahdır , heç bir söz ola
bilməz. Di gəl...
Problem budur ki, bizdə hakimlər heç Konstitusiyaya, qanunlara əməl ,
istinad etmirlər, heç Konstitusiya Məhkəməsi Plenumunun qərarlarını
tətbiq etmirlər, onda qala Ali Məhkəmə Plenumunun qərarı ola. Elə
haqqında danışılan 10.04.2015 tarixli 4 nömrəli qərarı bəyəm məhkəmələr
düzgün qavrayır(dı) ? Konkret fakt: İllərdir müqavilə öhdəliyini, texniki
şərti qanunsuz ödəniş tələb edib icra etməyən təbii inhisar subyektinə
qarşı istehlakçı hüququnun müdafiəsi ilə bağlı verilən iddianı Sabunçu
məhkəməsi bir il gizlədib, şəxsi kabinetdən verilən ərizəni 10 günlük
“itirəndən” sonra Məhkəmə Hüquq Şurasının təpkisi ilə icraata götürməyə
məcbur olub. Hakim Adilə Paşayeva cavabdeh işıq idarəsinin qeyri-
prosessual sifarişi ilə icraata xitam verib ki, mübahisə inzibati məhkəməyə
aiddir. “Əsas” kimi Ali Məhkəmə Plenumunun sözügedən 10.04.2015 tarixli
4 nömrəli qərarının 14-cü bəndi götürülüb. Guya istehlakçı ilə təbii
inhisarçı xidməti qurumu arasında texniki şərtin rüşvət tələb edib icra
edilməməsindən yaranan mübahisə ümumi (publik) hüquq sahəsinə
aiddir. (?) Bakı Apellyasiya Məhkəməsinin 3-ü qanuni (Günay Axundova,
Fuad Babayev, Cəmilə Musayeva) , 3-ü qanunsuz ( Fuad Abdıyev,
Fərrux Qasımov, Anar Tanrıverdiyev- bunlar heç Mülki Kollegiyanın
üzvləri də deyillər (?) 6 hakimi də aşağı instansiyanın qərardadını
qüvvədə saxlayıb və kassasiya şikayətinə də şikayəti Ali Məhkəməyə
göndərməkdən imtina etməklə qadağa qoyublar. Görəsən, 1,5 il keçəndən
sonra da olsa, Ali Məhkəmə Plenumunun 15 gün qabaqkı 10.04.2015 tarixli
4 nömrəli qərarına edilən əlavə və dəyişiklik tətbiq olunacaq? Çətin
məhkəmələr qanunu, qərarı ciblərindən üstün tutsunlar. Ali Məhkəmənin
sədri İnam Kərimovun imzaladığı 09.10.2024 tarixli 9 nömrəli qərarla
sözügedən 14-cü bənd yeni redaksiyada verilib və mübahisənin aidiyyəti
konkretləşdirilib: “ Təbii inhisar subyektlərinin təsərrüfat subyektləri
və istehlakçılarla daxil olduqları münasibətlər ( ...şəbəkələrə
qoşulma, texniki şərtlərin verilməsi, məhsulun satışına dair
müqavilə bağlanması və s.) ... məhsulun satışı və xidmətlərin
göstərilməsinə yönəlmiş iqtisadi fəaliyyət olmaqla son nəticədə
mülki-hüquqi xarakter daşıyır. Həmin münasibətlər xüsusi hüquq
rejiminə tabe edildiyinə görə, bununla bağlı yaranmış mübahisələr
inzibati hüquq sahəsində yaranmış münasibətlər kimi
qiymətləndirilə bilməz. Bu qəbildən olan işlərə MÜLKİ MÜHAKİMƏ
İCRAATI qaydasında KOMMERSİYA və ya ÜMUMİ MƏHKƏMƏLƏRDƏ
BAXILMALIDIR”. İndi qərarı Ali Məhkəmənin, Məhkəmə Hüquq Şurasının
sədri özü versin, Ali Məhkəmə Plenumunun qərarını kənardan sifarişdən
aşağıda tutanlar hakim adına ləkədirlər, ya yox?
Ali Məhkəmə Plenumunun qərarlarını hətta Ali Məhkəmə hakimlərinin də
qıraqdan sifarişdən aşağıda tutduğu faktlar var. Halbuki bütün Ali
Məhkəmə hakimləri Plenumun üzvləridir və təbii ki, qərarların qəbul
edilməsində iştirak edirlər. Bəs onları öz qərarlarını görməzliyə vurmağa nə
vadar edir? Aydındır ki, qıraqdan sifariş. Yoxsa Şəki İnzibati İqtisadi
Məhkəməsinin 15.02.2019-cu il tarixli iddianın mümkün sayılmaması
haqqında qərardadının, saxtalığı bir yana, preyudisial akt kimi 6-cı ildir
məhkəmə hüquq sistemində “ƏSAS QANUN” qüvvəsində tətbiq
edilməsini , daha düzü olduğu kimi məhkəmə aktlarına köçürülməsini nə
ilə izah etmək olar? “İnzibati məhkəmə icraatında iddianın
mümkünlüyünə dair” Ali Məhkəmə Plenumunun 10.04.2015 tarixli
5 nömrəli Qərarının 8-ci bəndini qeyri-prosessual sifarişi Ali
Məhkəmə Plenumunun qərarından aşağıda tutan , andını, adını
rüşvətlə ləkələyən hakimlərin diqqətinə çatdırırıq: “İddianın mümkün
sayılmaması haqqında qərardad məzmun baxımından MÜBAHİSƏ
PREDMETİNƏ TOXUNMUR və yalnız İDDİANIN MAHİYYƏTİ üzrə
QƏRAR çıxarmaq üçün ŞƏRTİN MÖVCUD OLMADIĞINI müəyyən
edir. (8.2). Buna görə də, İDDİANIN MÜMKÜN SAYILMAMASI
HAQQINDA QƏRARDAD yenidən mümkünlük şərtlərinə əməl
etməklə EYNİ PREDMET ÜZRƏ İDDİA QALDIRMAQ İMKANINI
İSTİSNA ETMİR. (8.3)” Ali Məhkəmə Plenumunun bu qərarı, bu bəndi o
qədər KONKRETDİR , o qədər ANLAŞILAN və DƏQİQDİR ki, anlamaz
hakimlərə, vəkillərə anlatmaqdan yana əlavə və dəyişikliklərə də
ehtiyac yoxdur. Bəlkə Ali Məhkəmə sədri Plenumun iclasında PLENUM
QƏRARLARINI cibindən aşağıda tutanlara Konstitusiyadan, qanunlardan
dərs keçsin?! Axı hələ də VK-nın intizam komissiyasının üzvü Əlirza
Həbilovun Şəki İİM-in adından tərtib etdiyi 15.02.2019-cu il tarixli qərardad
Azərbaycanın məhkəmə hüquq sistemində qanuni qüvvəyə minmiş
QƏTNAMƏ , KONSTİTUSİYA AKTI qüvvəsindədir. Qeyri-prosessuallıq,
rüşvətdən savadsızlıq elə ağlasığmaz özbaşınalığa gətirib ki, mülki
məhkəmə icraatında da Şəki İİM-in saxta qərardadı preyudusial akt,
Konstitusiya qərarı kimi saxta qətnamələrə köçürülür. Nərimanov
məhkəməsinin hakimi Ramin Quliyev hətta iş materiallarında
olmayan qərardadı preyudisial akt kimi qıraqdan aldığı rüşvət
sifarişi ilə üzdəniraq qətnaməsinə köçürüb. Lap tutaq ki, bu qərardad
preyudisial akt qüvvəsində olan qətnamədir, bəyəm olduğu kimi
qətnaməyə köçürülməlidir, harda yazılıb bu? Bəlkə Ali Məhkəmənin sədri
plenumun iclasını çağırıb preyudisiallıq haqqında da anlatma, qandırma
qərarı versin?!
“Hakimə (məhkəmə tərkibinə) etiraz etmə barədə qanunvericiliyin tətbiqi
təcrübəsi haqqında” 24.11.2005 tarixli, “ İnzibati mübahisələrə dair işlər
üzrə məhkəmə qərarlarının icrasının təmin edilməsi haqqında” 19.11.2021
tarixli Ali Məhkəmə Plenumunun qərarlarını da məhkəmə hakimlər
görməzliyə vurur. Elə bil bu qərarlar məhkəmələr üçün nəzərdə tutulmayıb.
Nə hakimlərə ( məhkəmə tərkibinə) etiraza baxılır, nə də məhkəmə
qərarlarının icrası təmin olunur. Bakı İnzibati Məhkəməsi 9-cu ildir ƏƏSMN
tabeliyində SXA-nı 20.06.2016 tarixli, 2-1(81)-1095/16 saylı qərarın
icrasına məcbur etdirmir, əksinə, rüşvətini alıb, icraya belə yönəltməyib.
Eləcə də 05.07.2017 tarixli, 2-1(81)-1889/17 qərarın 7 ildən sonra borclu
DSMF-in Xüsusi Şərtlərlə Təyinat üzrə Mərkəzi Filialının özbaşınalıqla ləğv
etməsinə qiymət verilmir. Halbuki Ali Məhkəmə Plenumunun 19.11.2021
tarixli qərarının 6-cı bəndində yazılıb ki, inzibati məhkəmə qərarlarının
icrasını MƏHZ birinci instansiya məhkəməsi qismində işə baxan
məhkəmə təmin edir; tələbkar ərizə vermədikdə belə icra
haqqında qərardad qəbul etmək və icranı təmin etmək
məhkəmənin VƏZİFƏ ( ex-officio) borcudur. Bakı İnzibati Məhkəməsi
isə qərara əməl etmək yerinə nağıl danışır ( h. Aygün Abdullayeva),
hətta tələbka

Sosial şəbəkələrdə silah satışı ilə məşğul olan şəxslər var. TikTok"da səhifə yaradan bu şəxslər satdıqları məhsulun keyfiyyətini göstərmək üçün video çəkərək paylaşıblar.

Ölkə.Az xəbər verir ki, səhifə (adı müəyyən səbəblərdən qeyd olunmur) əsasən qazla işləyən airsoft tapança satışı ilə məşğul olur və qiymətlər 700-850 AZN aralığında dəyişir.

100 metr məsafədən atış etmək mümkün olan bu silahların 1-1.2 kq çəkidə, gülləsinin isə 6 mm-lik xüsusi qırılmayan plastik şariklərdən ibarət olduğu bildirilir.

Həmçinin qeyd olunub ki, silahlar pnevmat və travmat deyil və "strikeball" üçün nəzərdə tutulub.

Silahı satan şəxslər bildiriblər ki, bunun üçün hər hansı icazə sənədi tələb olunmur.

Bəs qanun nə deyir?

Məsələ ilə bağlı Daxili İşlər Nazirliyinin (DİN) Baş İctimai Təhlükəsizlik İdarəsi daha əvvəl bununla bağlı məlumat yayıb.

"Respublikamızda 18 yaşına çatmış hər bir vətəndaşın mülki silah əldə etmək hüququ var. Mülki silah - özünümüdafiə, ov və idmanla məşğul olma üçün nəzərdə tutulmuş silahdır. Özünümüdafiə silahı - yalnız hücumu dəf etmək təyinatına malik olan gözyaşardıcı, qıcıqlandırıcı və ya qısa müddətə sinir-iflicedici maddələrlə təchiz edilmiş tapança (revolver), mexaniki-püsgürdücü və ya aerozol qurğulu qaz silahı; idman silahı - idman yarışlarında istifadə üçün nəzərdə tutulmuş odlu, soyuq, o cümlədən soyuq atıcı və pnevmatik silah, ov silahı isə vəhşi heyvanların və quşların ovlanması üçün nəzərdə tutulmuş yivli və ya yivsiz lüləli odlu, soyuq, o cümlədən soyuq atıcı və pnevmatik silahdır.

Mülki silah əldə etmək istəyən vətəndaş ərazi polis orqanına və ya DİN-in Baş İctimai Təhlükəsizlik İdarəsinə müraciət etməlidir. Bu zaman ondan ərizə, şəxsiyyət vəsiqəsi, ruhi-əsəb xəstəlikləri, narkomanlıq və alkoqolizmə düçar olub-olmaması, habelə görmə qabiliyyəti barədə müvafiq tibb müəssisəsindən arayış, iki ədəd fotoşəkil tələb olunur. Ərizə ilə müraciət etmiş şəxslərin məhkumluğunun olub-olmaması da DİN-in müvafiq idarəsi tərəfindən yoxlanılır.

Pnevmatik silahın və ya aerozol qurğularının əldə edilməsi üçün xüsusi icazə tələb olunmur. Pnevmatik və özünümüdafiə silahını (aerozol qurğuları daxil olmaqla) ticarət müəssisələri yalnız 18 yaşına çatmış vətəndaşlara onların şəxsiyyət vəsiqəsi əsasında satır və bu barədə müvafiq qeydlər aparır".

Mövzu ilə bağlı DİN Mətbuat Xidmətinin bölmə rəisi Nurlan Əliyev bildirib ki, insanda təşviş yarada biləcək və ya qorxutmaq məqsədilə hər hansısa bir cinayət əməlində istifadə edilmə ehtimalı olan, zahiri görünüşü döyüş silahına bənzəyən xəsarət yetirmə xüsusiyyəti olan silahların satışı qadağandır:

"Sosial şəbəkələrdə açıq-aşkar belə silahların satışı ilə məşğul olan səhifələr nəzarətdə saxlanılır və həmin səhifələri idarə edən şəxslərin müəyyən olunaraq məsuliyyətə cəlb edilməsi istiqamətində mütəmadi olaraq tədbirlər keçirilir" - deyə o əlavə edib.