 |
|
|
“Azərbaycan mənim vətənimdir. Azərbaycanın mənim bacarığıma, edə biləcəklərimə ehtiyacı varsa, söyləyərlərsə, gələrəm. Amma təbii ki, mühit düzgün olsun. Mən sıradan bir insan deyiləm. Mənim bilgim burada tamamilə başqa bir dünya yaradıb”.
Bunu “Yeni Müsavat”a müsahibəsində Adana Çukurova Universiteti Dövlət Konservatoriyasının professoru Cahangir Novruzov deyib.
O, bildirib ki, teatrın təməlində ideologiya dayanır və cəmiyyətin mənəvi, əxlaqi dəyişimində çox önəmli rol oynayır. Hətta kinodan daha təsirlidir, çünki canlı ünsiyyət yaradaraq fikir oluşdurub onu canlı şəkildə təlqin edə bilən yeganə sənətdir.
“Bu gün Azərbaycandakı teatrın, özəlliklə aktyor hazırlığının lazımi professionallığa sahib olmadığını düşünürəm. Yəni yoldan bir az sapmışıq. Çünki bizim keçmişimiz var, bizim Adil İsgəndərovumuz, Tofiq Kazımovumuz, Mehdi Məmmədovumuz var. Bizim örnək götürəcəyimiz mütəfəkkirlərimiz var. Azərbaycan teatrının sovet teatrının bir parçası olaraq Stanislavski sistemində, bu teatr sisteminin içərisində elmi yaradıcılıq olaraq əldə edilən bir çox mərhələləri aşmışıq. Halbuki Azərbaycan teatr sənəti başqa cür, keçdiyi sənət yoluna layiq səviyyədə olmalı idi. Hər şeyin səbəbi təhsildən qaynaqlanır. Teatr təhsilimizdə yanlışlar və boşluqlar var. Onlar da öz nəticələrini verir. Təhsil sabahı müəyyənləşdirir. Yanlışları düzəltməsək, sabah nə olacaq?
Mən biliyimi vermək istəyirəm. Biri var, mən yalvarıb iş istəyirəm, biri də var biliyimi, bacarığımı vətənimə vermək üçün bu işdən anlayan biri ilə görüşüb, bunu, bunu etmək lazımdır demək istəyirəm.
Əvvəlki nazir Anar Kərimovla görüşmüşdüm, 3 saat söhbət etdik. Anladım ki, o, məni başa düşmədi. Mən bir professional kimi sözümü dinləyə biləcək ortam istəyirəm. Mən ora sadəcə maaş almaq üçün gəlmirəm ki... Mənim Türkiyədə evim də var, özümə görə hörmətim də var. Haqqımda film çəkilib, kiçik də olsa, bir kitab yazılıb. O kitabı da, filmi də heç gözləmirdim. Onlar özləri bu qərarı verib, çəkiblər.
Mən o zaman Anar Kərimova söylədim ki, Azərbaycan teatrını hərəkətə keçirmək istəyirsinizsə, tam zamanıdır. Teatr ədəbiyyatdan, dramaturgiyadan başlayır. Vətənpərvərlik mövzusunda bir dramaturq yarışması təşkil edin, maksimum 20 min manat xərciniz çıxacaq. Məsələn, 1-ci yer 10 min, 2-ci yer 6 min, 3-cü yer 4 min manat. Adları elan olunmayan bir münsiflər komissiyası yaradarsınız, o komissiyaya da əsərlər kodla gedər. Məsələn, mən Türkiyədə oturmuşam, başqası Moskvada, bir başqası Avropada, biri Bakıda… O əsərlərin üçü yer qazanacaq, Bakı teatrlarına göndəriləcək, yerdə qalanları isə Azərbaycan teatrlarının hərəkətlənməsi üçün səbəb olacaq. Bəlkə münsiflər onları kəşf etməyib, amma gənc rejissorlar var, onlar qazanan əsəri olmasa da, hər hansı bir əsərdən ilham alıb hazırladıqca Azərbaycan teatrı canlanar. Çünki teatrı canlandıran ədəbiyyatdır, çağdaş fikirlərə sahib dramaturgiyadır.
Lakin Anar Kərimov teatrı professional şəkildə bilmədiyi üçün məni başa düşmədi. Dedi, elə bu? Dedim, bunu başlayın, davamını deyərəm. Belə bir fikir var - yaxşı rəhbər istedadlı adamlara mane olmayan, onları dinləyən rəhbərdir. Yəni “rəhbərəm, hər şeyi bilirəm, mən deyən kimi olacaq”, belə olmaz”
“Hansı xalqın Mübariz kimi qəhrəmanı olsaydı, ondan onlarla film çəkmişdi”.
Bunu Moderator.az-a açıqlamasıdna Xalq artisti Nurəddin Mehdixanlı bildirib. Xalq artisti qeyd edib ki, ölümü öldürən qəhrəmanlarla bağlı filmlərin çəkilməsi həm onların gənc nəslə tanıdılması, həm də milli tariximizin, hərb tariximizin yaşadılması baxımından vacibdir:
“Mübariz İbrahimov və onun kimi qeyrətli oğullarımızın göstərdiyi qəhrəmanlıqlar, düşmənə verdiyi dərs hamımızın – bütün xalqın gözü qarşısında baş verib. Biz hamımız bu şərəfli, böyük tarixin şahidləriyik. Öz cəsarəti, qəhrəmanlığı ilə ölümü öldürənlər, tarix yazanlar bunu gözümüzün önündə reallaşdırıb. Ancaq televiziyalarımız bu cür qəhrəmanları yetərincə təbliğ etmir. Biz daha çox mənasız seriallara şahidlik edirik, nəinki qəhrəmanlarımızdan bəhs edən filmlərə.
Əgər biz gənc nəslin vətənpərvərlik ruhunda tərbiyə etmək, öz tariximizi yaşatmaq istəyiriksə, qəhrəmanlarımızı təbliğ etməli, onların həyatını, döyüş yolunu filmlərə, seriallara daşımalıyıq. Bu, həm tariximiz, həm də gələcəyimiz baxımından vacibdir”.
İngiltərədə Kral III Çarlzın xeyriyyəçilərə bağışladığı Bukingem Sarayı və Vindzor qəsrinin pərdələrindən hazırlanmış kimonolar bazar günü başlayan onlayn hərraca çıxarılıb.
II Elizabetin (1926-2022) dövründə kral ailəsinin şəxsi otaqlarını bəzəyən çiçək naxışlı pərdələr monarx III Çarlzın təşəbbüsü ilə kimonoya çevrilib.
Hərrac cümə axşamına qədər davam edəcək. Əldə edilən gəlir, xüsusilə ənənəvi sənətkarlığın inkişafına sərf olunacaq.
Mənbə: TASS
“Bəzən deyirlər ki, istedadlı aktyorlar yoxdur. Bu sözlə razı deyiləm. Əlbəttə ki, var. Sadəcə olaraq onları ortalığa çıxarmaq lazımdır. Onlar üçün dramaturji material, ssenari olmalıdır. Mənim rejissorum, ssenaristim olmayandan sonra mən nə edə bilərəm?”
Bunu Moderator.az-a açıqlamasında xalq artisti, sevilən sənətkar Rasim Balayev deyib. O daha sonra əlavə edib.
“O vaxt çəkilmək istəyirdim, çəkmirdilər. Deyirdilər ki, sənin üzün kinoya düşmür. Heç fikirləşmirdim ki, “Nəsimi” filminə məni çəkəcəklər. Çünki eşitmişdim ki, həmin rola məşhur bir aktyoru çəkəcəklər. Düzü bilmirdim ki, o kim idi? Mən xəstəxanada idim bu rola çağrılanda. Həsən Seyidbəyli 2 ay mənimlə məşq edəndən sonra məni bu rola təsdiq etdilər. Nəsimi roluna təsdiq olunanda sevindiyimdən ağlamışdım. “Dədə Qorqud” filmində rejissor oynadığım Beyrək roluna Nodar Şaşıqoğlunu çəkmək istəyirdi. Bədii Sovet məni təsdiq etdi. “Babək” filminə çəkilməyə də gümanım yox idi. “Nəsimi” filmi mənim üçün yaşıl işıq yandırdı. Çox təkliflər gəlirdi. Birbaşa çəkirdilər, sınaqa da çağırmırdılar” deyə sənətkar bildirib.
Xalq artisti bildirib ki, hər zaman müxtəlif xarakterli rollar oynayıb.
“Rasim Ocaqovun 4 filmində çəkilmişəm. Deyirdi ki, hazırlaş sənin üçün rol var. “Həm ziyarət, həm ticarət” filmindəki rolumu tamaşaçılar bir o qədər də qəbul etmirdilər. Çünki məni o rola qədər müsbət obrazlarda görmüşdülər. Tamaşaçılar məni həmin rola yaraşdırmırdılar. Rasim Ocaqov məni bu rola dəvət etməyi belə əsaslandırmışdı ki, bizi bəzən mələk simalı insanlar da aldadır. Çalışmışam ki, müxtəlif xarakterli rollar oynayım ki, monotonluq yaranmasın” deyə sənətkar bildirib.
ABŞ-li aktrisa Culiya Roberts məşhur “Gözəlçə” filminin ilkin ideyasını üzə çıxarıb.
“Bu, “3000 dollar” adlı kədərli bir film olmalı idi”, - deyə Culiya Roberts bildirib.
“Filmin baş qəhrəmanı Vivian narkotik aludəçisi idi. İlkin versiyada film digər baş qəhrəman Edvardın onu yolun ortasında buraxıb, üstünə pul atıb getməsi ilə bitməli idi. Üç min dollar Vivianın Edvardla keçirdiyi gecənin qiyməti idi”, - aktrisa əlavə edib.
Onun sözlərinə görə, film “Disney” tərəfindən alındıqdan sonra hər şey dəyişib:
“Mənə bu rolu verdilər və mən çox qürurlanmışdım. Lakin prodüser şirkəti bağlananda film ortada qaldı və mən çox pis oldum. Ancaq sonra “Disney”, inanılmaz olsa da, bu süjeti götürdü və ondan çox maraqlı bir film çəkdi”.
Xatırladaq ki, Culiya Roberts filmdə iş adamı Edvardın (Rişard Gir) onu müşayiət etmək üçün pulla götürdüyü küçə qadını Vivian rolunu canlandırıb. Bundan sonra qəhrəmanlar bir-birilərinə aşiq olduqlarını anlayırlar.
Filmin premyerası 1990-cı ildə olub. Filmdə, həmçinin Ralf Bellami, Ceyson Aleksander, Lora San Cakomo, Aleks Hayd-Vayt və başqaları çəkiliblər.
Mənbə: peopletalk.ru
Azərbaycan kinosu Fransanın paytaxtı Parisdə beynəlxalq film festivalında nümayiş olunur.
“Report”un xəbər verir ki, UNESCO-nun himayəsi altında baş tutan “Miras” beynəlxalq festivalında Elçin Musaoğlunun “Məryəm” və rejissor Asif Rüstəmovun “Mərmər soyuğu” filmləri nümayiş olunur.
Festivalda Qırğızıstan, Qazaxıstan, Almaniya, İsveçrə, Çin, Türkiyə, İspaniya və digər ölkələrin istehsalı olan filmlər də yer alıb. Filmlər Parisin “Mac-Mahon” və “Linkoln” kinoteatrlarında göstərilir.
Noyabrın 28-də başlayan festival dekabrın ikisinə qədər davam edəcək.
Azərbaycan Respublikası Kino Agentliyinin (ARKA) film layihələri müsabiqəsinin nəticələri narazılıq yaradıb.
Kino tənqidçiləri müabiqənin seçim turlarının qeyri-şəffaf aparıldığı qənaətindədirlər.
Kinoşünas Aygün Aslanlı deyir ki, Mədəniyyət Nazirliyinin yenicə təsis etdiyi Ekspert Şurası müsabiqənin jüri üzvlərinin pitçinqdə təsdiqlədiyi iki layihəni xaric ediblər:
“Pitçinqdən sonra Ekspert Şurası ilə görüşüblər. Ekspert Şurası pitçinqdən keçən 11 layihənin ikisi ilə razılaşmayıb. “Oksimedia”nın “Qorqud və Zəhra”sı ilə “Mozg Media”nın “Sözün varsa, de” layihələrini çıxarıblar. Yerinə “Baku Media Mərkəzi”nin 1.2 milyonluq “Borc”unu və 600 min manatlıq “Arılar və qəbirlər”ini seçiblər”.
“Noyabrın 27-də qaliblər siyahısına jürinin iradəsi xaricində iki “leviy” (kənar-red.) layihə daxil ediblər. Mədəniyyət Nazirliyinə halaldır. Heç adam yüz il yatsa, yuxusuna belə bir şey girməz, amma onlar necəsə “Ekspert şurası” adı altında seçim siyahısına “leviy” layihə salmağı bacarıblar. Azərbaycan kinosu müasir paradiqmalara müasir üsullarla “leviy” layihə daxil etmək yolları taparaq qoşulur. Eşq olsun. Ümumi büdcənin – 5.5 milyonunu – təqribi 33%-ni (1.8 milyonunu) məhz belə veriblər. Min bərəkət”, – deyə Aygün Aslanlı bildirib.
ARKA-nın iyulda elan etdiyi müsabiqənin ikinci mərhələsində bu layihələr keçmişdi:
“Art Baku Production” – “Daş”
“Azərnyumedia” – “Günəşdə də ləkələr olur”
“Bakı Media Mərkəzi” – “Borc”
“Bizim Kino” – “Görmə qüsuru”
“Dream Big Company” – “Sehirli papaq”
“ExTerra Production” – “Kuryer”
“FS Film Company” – “Bir gecənin içində”
“Karvan Production” – “Qurtuluş”
“Karvan Production” – “Göytəpə əməliyyat”
“Karvan Production” – “Ağalı”
“Mozg Media Group” – “Sözün varsa, de!”
“OksiMedia” – “Qorqud və Zəhra”
“Rakurs Film-Media” – “Mənə bənzər adam görməmisiniz ki?”
“Rental Azərbaycan” – “Erkən hisslər”
“Rog Vfx Studio” – “Proyekt 2602”
“SFN Production” – “Arılar və Qəbirlər”
“Shahdag Cinema Production” – “113 gün”
“Shahdag Cinema Production” – “Nağıl kimi”
“SS Production” – “Acı hiss”
“SSP Production” – “Terminal 2020”
“Ultra Production” – “Xəzinə”
Pitçinq mərhələsində iştirak edəcək qısa və tammetrajlı sənədli film layihələri:
“Bakı Media Mərkəzi” – “Ölüm axtaran qadın”;
“İctimai Televiziya və Radio Yayımları Şirkəti” – “Əsrin müqaviləsi”;
“OD Media-Production – “Kür – çaylar anası”;
“Karvan Production” – “Nargin”
“Nova Gorica” – “Sofiyadakı azərbaycanlı aydınlar”;
“Vətən TV Media” – “Müharibənin gözləri”;
“Rental Azərbaycan” – “Kapitan və Xəzər dənizi”.
Pitçinq mərhələsində iştirak edəcək qısametrajlı animasiya film layihələri:
“3Dost Production” – “44 gün”
“Peri Film” – “Narqız”.
Müsabiqənin növbəti – layihələrin müdafiəsi (pitçinq) mərhələsi isə noyabrın 23-24-də olmuşdu.
Lakin hansı layihələrin seçilməsi barədə məlumat verilmədi.
Nazirlik ümumi siyahı əks olunan məlumatı yayımlamaqla kifayətləndi.
Layihələrin müdafiəsində müşahidəçi qismində iştirak edən kino tənqidçisi Hacı Səfərov da baş verən qeyri-şəffaf hallarla əlaqədar münasibət bildirmişdi.()
Demişdi ki, “Baku Media Mərkəzi”nin “Borc” layihəsinin ssenarisi jüriyə elə pitçinq günü təqdim edilib.
“Ssenari olmadan bu layihəni pitçinqə necə və niyə buraxdıqları qaranlıq məqamdır. Əgər ssenarisiz pitçinqə keçmək mümkündürsə, onda ARKA tərəfindən niyə belə bir şərt qoyulub? Elə hər kəs qısa bir sinopsislə müraciət etsin, pitçinqə seçilərsə, ssenari təqdim etsinlər. Bəlkə də buna əsas səbəb, filmin rejissoru Orman Əliyevin (“Baku Media Mərkəzi”nin icraçı direktoru-red) həm də təzəlikcə yaradılan “Ekspert Şurası”nda da yer almasıdır”, – kino tənqidçi demişdi.
Mədəniyyət Nazirliyin saytında yerləşdirilən məlumatda qeyd olunur ki, yeni yaranmış Ekspert Şurasının üzvləri “Arılar və qəbirlər” (“SFN Production” MMC) və “Borc” (“Bakı Media Mərkəzi” MMC) tammetrajlı bədii film layihələri müzakirəyə çıxarıblar.
Nəticədə “Qorqud və Zəhra” (“OksiMedia” MMC) və “Sözün varsa, de!” (“Mozg Media Group” MMC) tammetrajlı bədii film layihələri müsabiqədən kənarlaşdırılıb.
Hansı səbəbə görə jüri tərəfindən seçilən layihələrin kənarlaşdırılması barədə məlumat verilməyib.
“Xəzinə” (“Ultra Production” MMC), “Günəşdə də ləkələr olur” (“AzərNyuMedia” MMC), “Borc” (“Bakı Media Mərkəzi” MMC), “Arılar və qəbirlər” (“SFN Production” MMC) tammetrajlı bədii, “Nargin” (“Karvan Production” MMC), “Ölüm axtaran qadın” (“Bakı Media Mərkəzi” MMC), “Kür – çaylar anası” (“OD-MEDİA Production” MMC) tammetrajlı sənədli, “Daş” (“ART Baku Production” MMC), “Erkən hisslər” (“Rental Azərbaycan” MMC) qısametrajlı bədii, “Kapitan və Xəzər dənizi” (“Rental Azərbaycan” MMC) qısametrajlı sənədli, “Narqız” (“Peri Film” MMC) qısametrajlı animasiya film layihələrinin və 16 qısametrajlı bədii və sənədli tələbə film layihəsinin istehsalına dəstək göstərilməsinə qərar verilib.
Müsabiqənin ümumi fondu 5,5 milyon manatdır.
Azərbaycan Respublikası Kino Agentliyinin (ARKA) təşkil etdiyi “Film layihələri müsabiqəsi”nin pitçinq (layihələrin müdafiəsi) mərhələsi keçirilib.
Mədəniyyət Nazirliyinin məlumatına görə, dövlət sifarişi, kommersiya, sənət filmi istiqamətində 1 qısametrajlı, 3 tammetrajlı sənədli, 2 qısametrajlı, 4 tammetrajlı bədii, 1 qısametrajlı animasiya film layihəsi olmaqla ümumilikdə 11 layihənin, tələbə alt istiqaməti üzrə isə 16 tələbə filminin istehsalına dəstək göstərilməsi məqbul hesab edilib.
Tədbirdə müşahidəçi qismində çıxış edən kinotənqidçi Hacı Səfərov deyir ki, seçilən işlərin əksəriyyətinin səviyyəsi aşağı olub. Hətta ötən müsabiqənin pitçinq mərhələsinə buraxılmayan dörd layihə bu dəfə növbəti mərhələyə keçə bilib.
Söhbət Mədəniyyət Nazirliyinin 300 min manatlıq “Tammetrajlı bədii film layihələrinə dəstək – 2022” müsabiqəsindən gedir.
2022-ci ilin martında müsabiqənin yekunları açıqlandı və yeddi layihənin qalib olduğu bildirildi.
Lakin qaliblərə layihəyə görə ayrılan pullar verilmədi.
Həmin müsabiqədə jüri üzvü olmuş Hacı Səfərov deyir ki, hazırda keçirilən pitçinqin aşağı səviyyədə olmasının səbəbkarı elə Mədəniyyət Nazirliyidir:
“Çünki həmin müsabiqənin qaliblərinə ödənişi etməyərək hazırki layihənin etibarlılığına xələl gətirirlər. Rejissorlar haqlı olaraq düşünür ki, əgər bir dəfə qazanmışam və mükafat verilməyibsə, niyə yenidən müraciət edim?”.
Hacı Səfərov deyir ki, müsabiqədə daha bir təəccüblü məqam isə jürinin qəbul etmədiyi layihənin pitçinqə düşməsi olub:
“Ən diqqətimi çəkən bir layihənin seçilməsinə və pitçinqə buraxılmasına jürilərin özünün də təəccüblənməsi oldu. “Karvan Production”ın təqdim etdiyi “Qurtuluş” layihəsinin pitçinqində iki jüri “Biz bu layihəni buraxmamışdıq axı”, – dedilər. Bu cür anlaşılmazlıqların hansı səbəbdən baş verdiyi aydın olmadı”.
Kino tənqidçi deyir ki, başqa bir diqqətçəkən məqam isə, “Baku Media Mərkəzi”nin təqdim etdiyi “Borc” layihəsində baş verib. Ssenari olmadığı halda layihə pitçinqə buraxılıb:
“Layihənin təqdimatı zamanı jürilərə ssenari təqdim olundu. Əgər ssenarisiz pitçinqə keçmək mümkündürsə, onda ARKA tərəfindən niyə belə bir şərt qoyulub? Elə hər kəs qısa bir sinopsislə müraciət etsin, pitçinqə seçilərsə, ssenari təqdim etsinlər. Məncə, bu şərtləri əlavə etsələr, daha şəffaf bir proses olar. Bəlkə də buna əsas səbəb, filmin rejissoru Orman Əliyevin həm də təzəlikcə yaradılan “Ekspert Şurası”nda da yer almasıdır”.
Layihənin qalibləri noyabrın 28-də açıqlanacaq.
Müsabiqənin ümumi fondu 5, 5 milyon manatdır.
Dövlət sifarişi ilə istehsal olunacaq tammetrajlı və ya qısametrajlı bədii, sənədli və animasiya filmləri üçün 2 milyon manat nəzərdə tutulub.
Tammetrajlı və ya qısametrajlı bədii, sənədli və animasiya kommersiya filmləri üçün 1 milyon 250 min manat müəyyən edilib.
Müəllif filmləri (tammetrajlı və ya qısametrajlı bədii, sənədli və animasiya filmləri) layihələri üçün də 1 milyon 250 min manat ayrılacaq.
Debüt (tammetrajlı və ya qısametrajlı bədii, sənədli və animasiya filmləri) və tələbə (yalnız qısametrajlı filmlər) layihələri üçün isə 1 milyon manat veriləcək.
Kino Agentliyinin yaradılması ilə bağlı sərəncamı Prezident İlham Əliyev 2022-ci il aprelin 20-də imzalayıb.
Mənbə: MeydanTV
Rusiyanın xalq artisti, məşhur aktyor Mixail Boyarski infarkt keçirməsi səbəbindən reanimasiyaya düşüb.
Bakupost.az "MK"ya istinalda xəbər verir ki, 73 yaşlı Boyarski bir gün əvvəl infarkt keçirib baş verib.
"Hazırda onun vəziyyəti stabilləşib və həkimlər xəstəni adi palataya köçürüblər", -deyə xəbərdə bildirilir.
Mixail Boyarskinin oğlu Sergey “İzvestiya”ya atasının infarkt keçirdiyini təsdiqləyib.
"Atam infarkt keçirdi, bu gün özünü yaxşı hiss edir, onunla telefonla danışdım, səsi gümrahdır, adi palatadadır", - o deyib.
Qeyd edək ki, 73 yaşlı sənətçi hazırdaMariinski xəstəxanasındadır.
“Atamdan sonra heç kimdən dəstək görmədim. Bu haqda əslində danışmaq istəməzdim. Hər şey Ramiz Novruzu itirəndən sonra getdi”
Bunu ARB kanalında yayımlanan “O üz” verilişində xalq artisti Ramiz Novruzun oğlu Cavidan Novruz deyib. O daha sonra əlavə edib.
“Aktyorlar 180 dərəcə mənə qarşı dəyişdi. Mənə mənəvi dəstək lazım idi. Atamın vəfatından sonra elə şeylər gördüm ki, sanki onlar atamın ölümünü gözləyirdilər. Teatrdan kiminsə atası yaxud kiminsə övladı rəhmətə getsəydi atam onlara sahib çıxardı, ən azından mənəvi dəstək olardı. Atam o sənətkarlara görə sinəsini qabağa verib, davalar edib, mübarizə aparıb. Atamın ölümündən 3 gün sonra onun tamaşasını oynadılar. Ramiz Novruzu tamaşa oynayanda da yada salmadılar. Ən azından deyərdilər ki, “3 gün öncə Ramiz Novruz vəfat edib, bu tamaşanı onun xatirəsinə ithaf edirik”.
Həmin tamaşada baş rolda xalq artistimiz oynayırdı. Ən azından siz deyərdiniz. Atam teatrda bir həmkarı ilə dava etmişdi. Sonra polis məsələyə qarışdı, hər şeyi etiraf etdilər. O aktyorla da anlaşdılar. Başqa bir aktyor dostu, xalq artisti atamın üzünə durub onu tutdurmaq istəyirdi. Atam ölən gününə qədər onu danışdırmadı. Hətta Şəfəqlə mən çalışdım ki, onları barışdıraq, yenə də atam razı olmadı” deyə aktyorun oğlu bildirib.