 |
|
|
Türkiyədə menecer Ayşe Barım barəsində aparılan istintaq çərçivəsində şahid qismində ifadə verən Serenay Sarıkayadan sonra məşhur aktrisa Deniz Işın da zərərçəkmiş qismində ifadəsinin alınması üçün Baş Prokurorluğa çağırılıb.
Məlumata görə, Deniz Işının yanvarın 21-də yerli vaxtla saat 11 radələrində məhkəmə binasına gələrək ifadə verəcəyi gözlənilir.
Xatırladaq ki, İstanbul Baş Prokurorluğu tərəfindən "ID Consulting Limited" şirkətinin təsisçisi və ortağı, Serenay Sarıkaya kimi bəzi sənətçilərin meneceri olan Ayşe Barım haqqında sosial media platformalarında yayılan paylaşımlarda və xəbərlərdə yer alan iddialara dair istintaq başladılıb. İstintaqın "iş azadlığının pozulması" və "şantaj" kimi iddialarla bağlı olduğu öyrənilib. İstintaq çərçivəsində Barım barəsində xaricə çıxış qadağası şəklində məhkəmə ədliyyə nəzarəti də tətbiq edilib.
Qeyd edək ki, Ayşe Barım film sektorunda inhisarçılıq iddiaları ilə də gündəmə gəlmişdi. Əks fikirdəki aktyorları sektordan uzaqlaşdırdığı ilə bağlı tənqidlərə məruz qalan Barım istintaq prosesində bu iddialarla bağlı da sorğu-sual olunacaq.//Oxu.Az
Milli Qəhrəmanımız, AZAL təyyarəsində həlak olan pilot İqor Kşnyakinin qızı Dariya Kşnyakina “Azərbaycan” mahnısını ürəklə ifa edərək hər kəsi təsirləndirib.
Musavat.com xəbər verir ki, onun yüksək duyğularla ifa etdiyi mahnı böyük rəğbətlə qarşılanıb.
Musavat.com həmin videonu təqdim edir:
Əməkdar artist Mövsüm Hüseynov vəfat edib.
"DogruXeber.az" bildirir ki, bu barədə Sumqayıt Dövlət Dram Teatrından məlumat verilib.
Bildirilib ki, o, uzun sürən xəstəlikdən sonra həyatını itirib.
Qeyd edək ki, Mövsüm Hüseynov 1958-ci il iyun ayının 13-də Laçın rayonunda anadan olub.
Aktyor Sumqayıt Dövlət Musiqili Dram Teatrında, Azərbaycan Dövlət Musiqili Komediya Teatrında və Bakı Bələdiyyə Teatrında çalışıb.
O, 16 oktyabr 2018-ci ildə Azərbaycanın əməkdar artisti fəxri adına layiq görülüb.
Türkiyə Prezidenti Rəcəb Tayyib Ərdoğan Mersində keçirilən Ədalət və İnkişaf Partiyasının (AKP) 8-ci regional qurultayında iştirak edib.
Musavat.com xəbər verir ki, qurultay zamanı Ərdoğan sürpriz bir çıxış edərək, “Duyanlara, duymayanlara” adlı məşhur türk mahnısını ifa edib.
Bu, tədbirdə iştirak edənlərin böyük marağına səbəb olub. Prezidentin mahnı oxuması iştirakçılar tərəfindən alqışlarla qarşılanıb.
Qurultayda Ərdoğan həmçinin partiyanın gələcək planları və regional inkişaf layihələri barədə danışıb.
Musavat.com
Fransız əsilli amerikalı kinorejissor Jannot Şvarç 87 yaşında vəfat edib.
Bu barədə “The Hollywood Reporter” kinorejissorun oğlu Saşa Şvarça istinadən məlumat yayıb.
Bildirilib ki, o, yanvarın 14-də tənəffüs çatışmazlığından Fransanın Loş şəhərindəki Mərkəzi Xəstəxanada dünyasını dəyişib.
Şvarç təxminən 60 il kino sahəsində çalışıb. Onun ən məşhur filmləri arasında "Jaws 2", "Santa Clause: The Movie" və "Supergirl" var.
Qeyd edək ki, dünən "Mulholland Drive", "Blue Velvet" filmlərinin əfsanəvi rejissoru Devid Linç 79 yaşında vəfat edib./publika.az
ABŞ-ın yeni seçilmiş prezidenti Donald Tramp aktyorlar Con Voyt, Silvester Stallone və Mel Gibsonu Hollivuda xüsusi elçiləri təyin edib.
“Report” xəbər verir ki, Tramp bu barədə “Truth Social” şəbəkəsində yazıb.
“Onlar mənim xüsusi nümayəndələrim olaraq son 4 ildə biznesinin böyük hissəsini xarici ölkələrə itirmiş Hollivudun daha böyük, daha yaxşı və güclü olması üçün çalışacaqlar”, - o bildirib.
Tramp bildirib ki, aktyorlar film və televiziya istehsalının mərkəzində onun gözləri və qulaqları olacaq.
ABŞ-ın yeni seçilmiş prezidenti həmçinin onun hakimiyyəti dövründə Hollivudun qızıl dövrünün qayıdacağına əminliyini ifadə edib.
Xalq şairi Nəriman Həsənzadə ürəyində yaranan narahatlıqla əlaqədar xəstəxanaya yerləşdirilib.
Demokrat.az xəbər verir ki, bu barədə Xalq şairinin köməkçisi bildirib.
O qeyd edib ki, hazırda Xalq şairinin vəziyyəti yaxşıdır, müalicəsi davam edir. (ajans.az)
Aktrisa Çimnaz Sultanova vəfat edib.
TEREF “qafqazinfo”ya istinadən məlumatına görə, aktrisa bağırsaq xərçəngindən dünyasını dəyişib.
Mərhum sabah dəfn ediləcək.
Amerikalı aktrisa Deliz Karri Los-Ancelesi bürüyən yanğın zamanı ölüb.
95 yaşlı qadının qalıqları Altadindəki evində tapılıb.
Aktrisa ötən çərşənbə axşamından itkin kimi qeydiyyata alınıb. Bu gün isə onun qalıqları dağılmış evində aşkarlanıb.
Deliz Karri "The Blues Brothers", "The Ten Commandments" filmlərindəki rolu ilə məşhur idi./teleqraf.com
“Əqrəb mövsümü” serialının “İki dünya bir olsa da” adlı ikinci mövsümünün yayım tarixi məlum olub.
Musavat.com xəbər verir ki, ekran işi 8 fevraldan etibarən hər şənbə günü İTV kanalında nümayiş olunacaq.
Real hadisələr əsasında lentə alınan serialın davamı 12 seriyadan ibarətdir.
Emil Quliyevin rejissorluğunu etdiyi layihədə baş rolları Azər Aydəmir, Arif Mövsümov, Rövşən Məmmədli, Emin Mirabdullayev, Xacər Ağayeva, Şəlalə Şahvələdqızı, Elşən Rüstəmov və başqaları canlandırıb.
Könül İbrahim
Musavat.com