 |
|
|
Matəmlə əlaqədar Azərbaycan Respublikası Mədəniyyət Nazirliyinin tabeliyindəki teatr-konsert müəssisələrində 26 dekabr tarixinə nəzərdə tutulan bütün mədəni-kütləvi tədbirlər təxirə salınıb.
TEREF xəbər verir ki, bu barədə Kult.az-a Mədəniyyət Nazirliyindən bildirilib.
Mədəniyyət Nazirliyinin kollektivi təyyarə qəzasında həlak olanlara Allahdan rəhmət diləyir, doğmalarına və yaxınlarına dərin hüznlə başsağlığı verir.
Qeyd edək ki, dekabrın 25-də Azərbaycan Hava Yolları aviaşirkətinin Bakı-Qroznı reysini yerinə yetirən sərnişin təyyarəsinin Qazaxıstanın Aktau şəhəri yaxınlığında qəzaya uğraması nəticəsində çoxsaylı insan həlak olub və yaralanıb.
Prezident İlham Əliyevin müvafiq sərəncamı ilə qəza nəticəsində həlak olanların xatirəsini yad etmək məqsədilə 2024-cü il dekabrın 26-da Azərbaycan Respublikasında matəm elan edilib.
“Nəvəm Ağəli hərbi xidmətdədir, bu gün xəstələnib, hərbi hospitalda yatır. Onun üçün çox darıxıram. Allah bütün əsgərləri qorusun, içində də mənim nəvəmi. Oğlumun mənə yadigarıdır, əlbəttə ki, darıxacam. Gəncədədir, əlim çatmır. Verilişlər çıxıram deyə yanına gedə bilmirəm. Türkiyədə qadın bərbərliyini oxuyurdu. Yaşıl diplom da aldı. Orada evi də var, işi də. Vətənə borcunu ödəmək üçün sevə-sevə hərbi xidmətə yollandı”.
Bunu Moderator.az-a açıqlamasında əməkdar artist Kübra Əliyeva deyib.
Sevimli aktrisa bildirib ki, sənəti ilə bağlı heç bir arzusu yoxdur:
“Allaha şükür heç bir arzum yoxdur. Teatrda işləsəydim əlbəttə ki, “xalq artisti” fəxri adı alardım. Canım sağ olsun. Mən bu gün elə halal zəhmətimlə aldığım “əməkdar artist” fəxri adımla da xoşbəxtəm. İnanın mənə, bir qapını döymürəm, bir kəsdən onu istəmirəm. Vallah heç bilmirəm xalq artisti fəxri adını alanlar bunu necə alır? Heç bir məlumatım yoxdur. Mənim üçün fərqi yoxdur. Xalqım elə məni xalq artisti kimi tanıyır. Onlar məni, mən də onları sevirəm. Elə xalq artisti tanıyıram ki, mənim qədər sevilmir. Bu sevgi mənim 42 illik teatr həyatımın haqqıdır”.
Aktrisa bildirib ki, artıq sənətlə məşğul olmağa fikizi gücü qalmayıb:
“Ağır xəstəlikdən sağalmışam. Vaxtilə istədiyim rollar olub, amma indi onları oynaya bilmərəm, artıq vaxt keçib. Heç arzum da deyil. Sənət həyatımdan razıyam. Əvvəlki Kübra deyiləm, sağlamlığımla məşğulam. Həm də artıq əvvəlki tərəf müqabillərimin heç biri qalmayıb. Teatrda çalışdığım müddətdə də hər zaman gənclərə dəstək olmuşam”.
Rusiyada "YouTube" tamamilə bloklanıb.
TEREF olay-a istinadən bildirir ki, bu barədə ölkənin bir sıra KİV və teleqram kanalları məlumat yayıb.
Bildirilir ki, videohostinq trafikinin həcmi normal vəziyyətin 20%-nə düşüb - Google monitorinq xidməti Rusiya Federasiyasından gələn trafik üçün 8,5 bal göstərir, baxmayaraq ki, yavaşlamadan əvvəl bu təxmin 40 bal təşkil edirdi.
Mətbuatda hakimiyyətin mümkün qərarı Vladimir Putinin dekabrın 19-da Rusiya prezidentinin "YouTube və Google Rusiya qanunlarına əməl etməlidir" dediyi birbaşa xətti ilə əlaqələndirilir.
2024-cü ilin avqustunda Rusiyada "YouTube"un kütləvi şəkildə kəsilməsi baş verdi.
İstifadəçilər daha yavaş video oynatma sürəti, aşağı video keyfiyyəti və hətta hostinqə girişin tamamilə itirilməsi ilə qarşılaşdılar.
Hazırda "YouTube" bloklanmış saytlar siyahısında deyil, lakin Roskomnadzor daha əvvəl bildirmişdi ki, video hostinq saytı tərəfindən "Rusiya qanunvericiliyinin çoxsaylı pozuntuları" ona qarşı tədbir görülməsi üçün əsasdır.
KEŞKE VAR OLAYIN ÖMER HAYYAM
Ömer Hayyam, 1131 yılında bugün hayata veda etmişti. Biz onu en çok Rubaileri ile biliriz ama insanlık tarihi açısından önemli çok sayıda çalışması vardır. Ben ancak ana başlıklarıyla bazısını sıralayabilirim:
Türkiyəli müğənni Seda Sayan əri Çağlar Öktenlə Dubaya köçür.
“Qafqazinfo” bu barədə “Takvim” nəşrinə istinadən xəbər verir.
Sənətçi bu münasibətlə İstanbul Sarıyerdəki lüks villasını 7 milyon dollara satışa çıxarıb.
Məlumata görə, Seda bir kosmetika şirkəti ilə müqavilə bağlayıb və buna görə də Dubayda yaşamaq qərarına gəlib.
Azərbaycan Kinematoqrafçılar İttifaqı “Mən Qadınam” adlı tammetrajlı bədii film ssenari müsabiqəsi elan edir. AKİ ssenari müsabiqələrini kinomuzu inkişaf etdirən, müəlliflər arasında rəqabəti artıran və ssenari yaradıcılığına marağı stimullaşdıran mühüm mexanizm sayır.
Müstəqillik illərinin kinomuzun ən böyük boşluqlarından biri qadın qəhrəmanlardır. Halbuki, ölkəmizdə 30 il ərzində baş veərn siyasi, iqtisadi, hərbi kataklizmlərin ağrılarını məhz Azərbaycan qadını öz çiyinlərində daşıyıb. Ölkəmizin hərbi, iqtisadi, diplomatik qələbələrinin tamhüquqlu müəlliflərindəndir Azərbaycan qadını: şəhid anaları, qazi bacıları, kənd müəllimləri, tibb bacıları, sahibkar xanımlar, məktəbli və tələbə xanımlar, alimlər, teatr və kino sənətkarları, idmançılar, kitabxanaçılar və xadimələr, sadəcə qadın səadətinə çatmaq istəyən milyonlarla qadın, peşə və baxışlarından asılı olmayaraq, “mən qadınam” deyərək yoluna davam etməyə güc tapacaq şəxsiyyətlərdir. Müasir ssenarilərimizdə parlaq qadın obrazlarının yoxluğu kino aktrisalarımızın da peşəkar və texniki inkişafının qarşısını alır.
Qeyd edək ki, AKİ “Mən Qadınam” qısametrajlı ssenari müsabiqəsi elan etmişdi və ssenaristlər tərəfindən böyük maraqla qarşılanmışdı. Bu səbəbdən mövzuda heç bir janr və mövzu məhdudiyyəti qoymadan, Azərbaycan Kinematoqrafçılar İttifaqı “Mən Qadınam” tammetrajlı bədii film ssenari müsabiqəsi elan edir. Ssenari müsabiqəsinin məqsədi kinomuzda müasir qadınlarımızın parlaq kino obrazlarını yaratmaqdır.
Ssenari müsabiqəsinin şərtlərini təqdim edirik:
– ssenarinin baş qəhrəmanı qadın olmalıdır.
- ssenaridəki hadisələr müasir zamanda baş verməlidir ( 1990-2024).
-müsabiqəyə göndərilən ssenarilərə janr məhdudiyyəti qoyulmur.
-müsabiqəyə göndərilən ssenarilərin metrajı 52 dəqiqədən çox olmalıdır.
-ssenarinin titul vərəqi olmalıdır (mərkəzdə ssenarinin adı , müəllifin adı və soyadı, sağ aşağı küncdə email adresi, əlaqə üçün telefon nömrəsi).
-ssenarilər ancaq bədii film formatında olmalıdır (animasiya, sənədli film qəbul olunmur).
-ssenari qəbulu müddəti keçdikdən sonra ssenarilər qəbul olunmur.
- Müsabiqəyə təqdim olunan ssenarinin hüquqları müəllifə məxsus olmalı, orijinal və ekranlaşdırılmamış olmalıdı.
- Əvvəlki müsabiqələrdə qalib olan tammetrajlı ssenarilər müsabiqəyə qəbul olunmur.
– Müsabiqədə iştirak üçün tammetrajlı bədii filmin ssenarisi, (şrift: Courier New, ölçü: 12) müəllif haqqında məlumatla (filmoqrafiya (əgər varsa) , təvəllüd, iş yeri, ali təhsil) birlikdə elektron variantda info@aki.az email ünvanına “Mən Qadınam” başlığı ilə göndərilməli və çap olunmuş variantda (2 nüsxə) Azərbaycan Kinematoqrafçılar İttifaqının ofisinə (Bülbül prospekti 30, ikinci mərtəbə, 207-ci otaq) təqdim edilməlidir.
Bir müəllif maksimum iki ədəbi ssenari təqdim edə bilər.
Ssenari 15 dekabr 2024-ci il tarixindən 15 aprel 2025-ci ilə qədər Azərbaycan Kinematoqrafçılar İttifaqına təqdim edilməlidir.
Qaliblərin elanı: 2 avqust.
Qaliblər (I, II, III yerlər, pul mükafatı 5000 azn, 3500 azn, 2500 azn olmaqla) diplom və pul mükafatı ilə təltif ediləcəklər.
Musavat.com
Emre Karayel "Bahar" serialına psixiatr Tolqa obrazı ilə qatılır. Tanınmış aktyor daha əvvəl Demet Evgarla birlikdə "Bir Qadın, Bir Kişi" serialında rol almışdı.
Milli.Az xəbər verir ki, Show TV-də yayımlanan, MF Yapım imzalı "Bahar" serialı güclü aktyor heyətinə yeni bir sima əlavə edir. İkinci mövsümü ilə hər çərşənbə axşamı izləyicilərin böyük marağına səbəb olan serialın hekayəsinə gələn həftə psixiatr Tolqa obrazı daxil olacaq.
Asena Bülbüloğlunun prodüserliyini, Neslihan Yeşilyurtun rejissorluğunu və Deniz Akçayın ssenaristliyini etdiyi serialda Tolqa obrazını Emre Karayel canlandıracaq.
Karayel daha əvvəl Demet Evgarla birlikdə yer aldığı fenomen serial "Bir Qadın, Bir Kişi" ilə böyük rəğbət qazanmışdı.
Yeni obraz Tolqanın, Çağla (Elit Andaç Çam) ilə əlaqəli olacağı və serialın əsas heyətində yer alacağı bildirilib. Tolqanın hekayəyə daxil olması ilə hadisələrin gedişatında əhəmiyyətli dəyişikliklərin baş verməsi gözlənilir.
Mayk Taysonun həyat və karyerasını əks etdirən sənədli serial Netflix-də işıq üzü görəcək.
Musavat.com xəbər verir ki, bu xəbər, əfsanəvi boksçunun məşhur YouTuber Jake Paul ilə keçirdiyi döyüşdən sonra yayımlanıb. Döyüş, Netflix-də rekord izləyici sayına çataraq geniş maraq oyatmışdı.
Serial Mayk Taysonun tam əməkdaşlığı ilə hazırlanacaq və yalnız onun rinqdəki uğurlarını deyil, həm də şəxsi həyatda qarşılaşdığı çətinlikləri əhatə edəcək. Mayk Taysonun mürəkkəb həyatı onu dövrümüzün ən maraqlı və ziddiyyətli fiqurlarından birinə çevirib.
Mayk Tayson özü bu layihə ilə bağlı açıqlama verərək bildirib ki, sənədli serial, onun həyatına obyektiv yanaşma gətirəcək və tamaşaçılara həm uğurlarını, həm də problemlərini əks etdirən bir baxış təqdim edəcək.
Bu seriya, Taysonun şəxsi və peşəkar həyatının pərdəarxası hekayələrini Netflix izləyiciləri ilə paylaşacaq. Azarkeşlər əfsanəvi boksçunun səmimi etiraflarını və həyatının bilinməyən tərəflərini görmək üçün səbirsizliklə gözləyir.
Mənbə: https://www.hollywoodreporter.com/tv/
Musavat.com
Qoz və əncir qurusu həm ləzzətli, həm də qidalandırıcı tərkibi ilə sağlamlıq üçün çox faydalı qidalardır. Foodinfo.az xəbər verir ki, hər iki qida vitaminlər, minerallar və liflə zəngindir və balanslı şəkildə istehlak edildikdə bədənə çoxsaylı müsbət təsirlər göstərir. Omeqa-3 yağ turşuları və E vitamini ilə zəngin olan qoz yaddaşı gücləndirir və beyin funksiyalarını dəstəkləyir. Qoz xolesterini tənzimləyir, ürək-damar xəstəlikləri riskini azaldır. Tərkibindəki antioksidantlar orqanizmi sərbəst radikallardan qoruyur. Əncir isə yüksək lif tərkibi ilə bağırsaq fəaliyyətini yaxşılaşdırır və qəbizliyin qarşısını alır. Əncir qurusu şəkər və təbii enerji qaynağıdır, yorğunluğu azaldır. Həmçinin kalsium, maqnezium və kalium ilə zəngindir, sümükləri gücləndirir. Bu iki qidanı birlikdə istehlak etmək daha çox fayda təmin edir. Onların tərkibindəki vitamin və minerallar bərabər şəkildə bədəni dəstəkləyir. Xüsusilə qoz və əncir qarışığı ilə hazırlanan təbii məcun immuniteti gücləndirmək üçün təsirli vasitədir. Lakin şəkər tərkibi yüksək olduğundan qəbulu məhdudlaşdırılmalıdır, xüsusilə diabet xəstələri ehtiyatlı olmalıdır. Gündə 2-3 qoz və 2-3 əncir qurusu kifayət edir. Balanslı və nəzarətli istehlak sağlamlıq üçün ən doğru yanaşmadır.
“Yerli televiziya kanallarının video kontentinin arxiv problemi var.
TV-lərin saytları üzərindən qısa bir araşdırma ilə müəyyən etmək olur ki, bizdə bu istiqamətdə ciddi problemlər mövcuddur. AzTV-dən başqa, yerli televiziyaların hamısının arxivi əsasən, YouTube üzərindədir”.
Bu barədə Azərbaycan İnternet Forumunun prezidenti Osman Gündüz məlumat paylaşıb.
O qeyd edib ki, xeyli maraqlı və ictimai əhəmiyyət kəsb edən kontenti olmasına baxmayaraq, büdcədən maliyyələşən İTV hələ də özünün kontenti üçün yerli bir arxiv formalaşdıra bilməyib.
Məsələ ilə bağlı İctimai Televiziya və Radio Yayımları Şirkətinin (İTV) İctimaiyyətlə əlaqələr şöbəsinin rəhbəri Ələsgər Vəliyev TNS-ə bildirib ki, İctimai Televiziya yaranandan indiyədək özünün xüsusi arxiv fondunu formalaşdırıb: “Çəkilən, əldə edilən bütün audiovizual materiallar həm çəkilişin tam versiyasında, həm də efir formatında qısa müddətə arxivləşdirilir. Bunun üçün təbii ki, peşəkarlardan ibarət ayrıca şöbə fəaliyyət göstərir.
Bütün arxiv materialları həm klassik, həm də ən müasir elektron formatda qorunub saxlanılır. Audiovizual arxiv materiallarının rəqəmsallaşdırılması və müasir standartlara uyğun vahid bazasının yaradılması üçün daim zəruri tədbirlər görülür. Arxiv bir tarixdir və İctimai Televiziyanın arxiv materiallarının keyfiyyətli, operativ çalışması, təhlükəsiz şəraitdə qorunub saxlanılmasına daim diqqət göstərilir”.
TNS-in əməkdaşı İTV-in cavabı ilə bağlı Osman Gündüzlə təkrar əlaqə saxlayıb.
Forum prezidentinin cavabı belə olub: “Ötən gün TV kanalların arxivləri ilə bağlı açıqlamama İTV münasibət sərgiləyib. Təəssüf edirəm ki, münasibət mahiyyəti üzrə olmayıb.
İTV bildirib ki, onun keyfiyyətli arxivi var. Əlbəttə İTV-nin arxivi ola bilər, amma açıqlamadan görünür ki, bu, onun hansısa oflayn resursunda saxlanılır, yaxud da YouTube-da yerləşdirilir. Amma bu arxiv əlçatan deyil axı.
Yəni bu anda İTV-də canlı bir veriliş gedirsə, “10 dəqiqə öncə olana necə yenidən baxaq” sualının cavabı yoxdur.
AzTV məhz bu prinsiplə arxivləşmə aparır. Yəni AzTV-də canlı yayım real vaxtda arxivlənir, istənilən an tamaşaçı öncəki vəziyyətə baxa bilir. AzTV 8 günlük arxivi də əlçatan formada rəqəmsallaşdırıb, yerli hostda yerləşdirib.
İTV-də isə canlı yayım real vaxtda arxivlənmir. Gərək, veriliş bitsin, sonradan İTV arxivləşdirsin. Ən maraqlısı odur ki, İTV onu öz hostinqinə, yaxud yerli bir milli hostinqə deyil, xarici resursa - YouTube-a yerləşdirir.
Bizi narahat edən, qaldırdığımız məsələ də odur ki, milli infromasiya resurslarının yalnız xarici hostda olması asılılıq yaradır, İTV-nin müstəqilliyi itirilir.
Youtube istəsə, onu müəllif hüquqlarının, hansısa qaydaların pozulması səbəbilə silə bilər.
YouTube xaricdə yerləşdidiyindən hansısa səbəblərdən əlçatan olmaya bilər”.
Osman Gündüz xatırladıb ki, II Qarabağ savaşı zamanı YouTube ölkəmizdə bloklandığından İTV-nin arxivi əlçatan deyildi: “Odur ki, dünyanın indiki vəziyyətində, informasiya təhlükəsizliyi baxımından, informasiya sahəsində milli maraqlarımızı qorumaq baxımından TV kanalların, xüsusilə də büdcədən maliyyələşən, ictimai mahiyyət kəsb edən İTV-nin audiovizual kontentinin yalnız YouTube-da yerləşməsi doğru hal deyil. Bu kontentin, canlı və bütöv arxivin ölkə daxilindəki milli bir hostda yerləşdirilməsi və əlçatan olması vacibdir”.